شاعر الشعب محجوب شريف للبشير: تسرق شعبك وتهرب تلبد جمب بيت الله؟

Quote: زي ما قال شاعر الشعب ما بفهم المكتوب البقرأ بالقلبة. صاحبنا دا قلنا محاولاته بائسة، لكنه قال أنا قلت أنو بائس؟! والفرق كبيييييييييييييييييييييييير.

Quote: شوف ياخينا قصة دولة ديمقراطية وإعلامي والكلام الكبار دا ما بيأكل معاي.. محجوب شريف شاعر الشعب؛

منطق وفهم لكن

هسع لو محمد فرح استخدم منطقك ومشى جاب صورة للبشير وسط الحشود وختاها في بوست بي اسم حبيب الشعب وجا ودالباوقة ردم البوست صور للبشير وسط الناس والبتكلم يقولوا ليه كلامك دا ما بياكل معاي

البقدر يمنعهم منو ؟

Quote: وكونك ترفض ولا تقبل ما بهمنا في شىء.

انتو منو ؟ اتحداك تقول لي انتو منو ؟ الزيك يستحي لأي كيان ينتمي ليه ويخجل يقوله قدام الناس ؟ تعال قول انتو المابهمكم رفضي

Quote: وقصة محجوب شريف شيوعي دي بضاعة بائرة.. لا يهمنا أن يكون شاعر الشعب عضواً في الحزب الشيوعي أو حركة نمور التاميل.. يهمني شعره.

وهل كان بهمك شعر محجوب شريف لو كان مؤتمر وطني ؟ برضه اتحداك تجاوب بصراحة

ثم اطلب منك تتكلم معاي بي منطق شوية بطل اسلوب الشفع دا ما بهمني بي شيئ والنفخة والهرش البتسوي فيه دا لأنك حا تخسر

هسع ياهو دا في البوست دا تعاليك وعدم ردكم خلاني اثبت انه محجوب شريف ما شاعر الشعب وأنه واقنع ناس كتار بي شعوذتك الدايرين تسووها وعجزتم عن الرد ولجأتم للمهاترة والهريش

في شنو التعالي والترفع والاستهتار زول بطالب بي حقه

قلت ليكم ادوني حقي بس ما طالبتكم بي حق الناس كلهم كان بالراحة تدوني حقي وتخلوني اتخارج

البوست دا بذكرني بي فليم شفته قبل ايام لي ميل جيبسون بحكي عن لصين بسرقوا اموال من عصابة صينية شريك ميل جبسون بعد السرقة بطلق النار علي ميل وبهرب بي كل المبلغ وميل عنده نصف المبلغ البطل (ميل جيسون) ما بموت وببدا يطارد في زميله ويكتشف انه ادى المال لي عصابه كبيرة بكتل صاحبة ويطلب من ناس العصابة نصيبة وهو نصف المبلغ زعماء العصابة بغضبو من كيف شخص حقير زي ميل يجي يطالبهم بي مبلغ ######## زي دا وتبدأ الاكشن البنتهي بي موت كل افراد العصابة وحصول ميل على قروشه

حقي ما بخليه تكابروا تخسرو زيادة