من داخل الوطن - النجيضة في حكاية الثورة القادمة !!

Quote: قبل 3 او 4 أيام ما متأكد ، في واحدة من اذاعات الاف ام كان في برنامج عن الزيادات المرتقبة - وقتها - ، اتصل واحد من المواطنين واتكلم بغبن شديد عن التفاوت الحاصل بين ناس الحكومة والناس العاديين ، قال انو الشعب السوداني دا ما ######## وانو قدم الشهداء في الجنوب وفي دارفور وفي النيل الازرق لكن البحصل دا ما معقول ، اشار الي انو المساواة في الظلم عدل وقال في النهاية انو قصة انو الحكومة اجلت المدارس اسبوعين عشان الحر دي مافي زول بيصدقا : متين حسيتو بي حرنا ومتين حسيتو بينا ؟ أو كما قال !

الصورة الأبيض و الأسود البترسمها الحكومة و المعارضة هنا ما موجودة على الواقع !!

ناس مقتنعين بالحرب المدوره دي و ما كيزان و حيطلعوا يسقطوا النظام و إحتمال يكونوا بيكرهوا الجنوبيين كمان !!
غايتو لو الحكومة بتستقي ردود فعلها من الأسافير حتسقط قريب ..

و بيني و بينك ..
بفتكر إن الإنقطاع الطويل لمتخذي القرار و حتى مخبريهم عن الواقع السوداني
(عايشين في ظروف مختلفة تماما عن المعاناة اليومية و الرأي العام الحي)
حيكون أحد أسباب هلاكهم .. لما القرارات تجي مستفزة للواقع
من حيث ترجو تخديره أو السيطرة عليه !!

شكرا كتير ليك للإتفاق
you made my day