|
Re: ماذا سيقول صادق المهدي في ندوة الغد!؟ (Re: هشام هباني)
|
Quote: . وكما عودنا كشخص دومامتقلب المواقف غير مبدئي في أفكاره ومتسرع في تقديراته مرجحا فيها كفة الذات علي اي شئ وهياب للصدام والمواجهات، لا اعتقد انه سياتي بالجديد المفرح بما يشرف شعبه وحزبه ونفسه وانا موقن تماما انه لن يخرج من سياق موقفه الزئبقي التخاذلي الداعم للطغمة وستكون مهمته فقط هنا اجترار ذات علف ( التخذيل) الذي صار خطه العام وستكون محاولة مفضوحة لايقاف هذا الغضب الشعبي الجامح |
ابا الناظر سلام
والله ما خليت لعمنا ابوشوك صفحه يرقد عليها وما قلت إلا الحقيقه وتأكيدا لكلامك دا اديك موقف انا كنت احد الحضور.
فى العام 92 (صلاة عيد الاضحى )تحديدا السيد ابوشوك مرق من الاقامه الجبريه بعد مرحلة الإعتقال وتسرب الخبر للانصار والمعارضه
وجينا جماعات وفرادى انصار وغير انصار عشان نشوف الامام حيقول شنو ؟
والله يا هبانى ويمكن يكون فى اعضاء فى البورد حضروا تلك الصلاه المحضوره باكثر من 30 او40 الف والجو الكان سائد جو ثورة إقتلاع عنوه
وإقتداراوالحماس الطاغى
والهتافات (التكبير والحمدلا) كانت فايتا قصر الشعب بغادى !!
انا الغشيم (عصرئذ) توقعت الإمام بخطوتو الكنا بنجك عشان نوازيه فى التغطيات حيسوقنا بهتافاتنا دى على القصر عدل وعارفين
كان حيلاقونا الزبير وابراهيم شمس الدين وأأكد ليك ال30 الف كان ممكن جدا يموتو منهم 3 الف هم عابرين بحر ابيض تجاه القصر
وكنا (حنغرز ديد امهاتهم) شوف ليك مترجم بطريقتك !!! لكن و لكن تفتح باب المرارات والهزائم والدواسات التى تراجع عنها عمك ابوشوك
مرارا وتكرارا وثبت إنو الترابى (بسخلانو) افحل من حفيد الإمام!!
فى خطبتو تلك تمطى فى الكلام وتثاءب فى القران وصلى بامتثال وتوهط فارهته وذهب لداره لينام بسلام ورأيت الإنكسارات فى عيون
الرجال ويا لها من إنكسارات .
كلامك كلو صاح وعمنا اب شوك ربنا يديهو الصحه والعافيه ويدى الامه السودانيه كلها مهدى جديد وقائد مجيد.
حيجوك ناس المى الوضوء ومستنيرى الدمقرطه داخل وكر الوراثه وبعض من صينية الغداء بالاسامى (الملتويه) عشان يدافعو عن (الندوه)
الشارع يا عمنا ابوشوك
الشارع يا عمنا ابوشوك
وعاشت الإنتفاضه والنضالات والدواسات وقبالا الإنسخاته.
ارقد شواف ولا نقول إلا ما قال به المهدى الثانى عمنا الراحل قرنق ول دمبيور التحرير من شنو وليس التحرير من منو!!!!!!!!!!
|
|
|
|
|
|
|
|
|