|
|
|
 Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
يا عصام دهب
سلام يا جلابي
يالا عصام ياخي بصراحة كدا
من وفاة المذكورين رحمهما الله رحمة واسعة
إلى يومن هذا كم قتلت الإنقاذ
وكم من أبرياء ماتوا جراء سياسات رعناء
معقول يا عصام دهب
__________________
على العموم قول لي عاوز منو وأنا أخليهو يجيك يمكن يكون ما قرأ البوست دا
| |
 
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: Asim Fageary)
|
Quote: ـ
باقي خضر المشخصاتي ..
|
انت تأمر ونقول سمح عشان جميل وعشان سمح
هاك كبدة الحاشى دى , ولو حبستا بمعصوب وشيييييشه بتكون كمبلت
هسى الابتزاز دا فى ليهو داعى يامولانا ؟
فى ناس ماتو وانت ذكرتا الاسماء .. الجرجره لزوما شنو ؟
لو عندك دليل دامغ كبها او كب الزوغه
يارايق انتا اريتو حالى بعد الشيب دا
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: فايزودالقاضي)
|
فايز صديقي إزيك ياخي ..
Quote: اما الطريقة دي فصراحة هي ابتزاز مابتشبهك ..
اها انت ابتزازي ولا متستر ؟!!! |
يا فايز إبتزاز شنو و تستر شنو ..
أنا كرهتي في الدنيا للحركات دي ..
وأقسم بالذي رفع السماء بلا عمد يا فايز ..
الزميل المعني يعلم في قرارة نفسه ـ أي في حنانو ـ
أنني لا أبتزه ..
و هو يعلم انني أتعامل معه بمثالية مدهشة ..
أها وقع ليك .. و اللا لسة حتشبكني إبتزاز و طحنية ..
| |
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: خالد عبد الله محمود)
|
البوست ده على وزن (بشحتفوا وبذلّوا) وللا شنو
ذكرني نكتة الحرامي القبضوهو في السقط وجابو لي موية باردة (تلجها يكركب)
ملَصوا الحرامي ميطي وكل شوية يهاوشوا بي الكوز والحرامي يقول (اسسسسسسسسسسسسس)
الصباح صبح ميت بإنغلاق في الحلق لصعود كرتين من أسفل إلى أعلى 
متابعين بإهتمام شديد يا أستاذ
مؤونة عشرة أعوام من الود
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
| Quote: يا كاتل الروح وين بتروح .. |
الاخ عصام دهب سلام
موضوع الشهيدين الاقرع وبلل يربطنى به كثير من الروابط وبذلت فيه مع اخوة كرام جهداً وعزماً لكى تأخذ العدالة مجراها
والتقادم لا يغير من الامر شى
فهذا دين علينا ان نصل بهذا الامر الى نهاياته
لعلاقة شخصية جداً بأخ الشهيد بلل ساعمل على الاتصال العاجل به وابلاغه بهذه المعطيات
وصدقنى سوف يحضر اليك فى السعودية لهذا الامر اعجل مما تظن
وسنكون حينها فى انتظار لحظة عشنا وعملنا من اجلها كثيراً
رحم الله اخواننا بلل والاقرع وجعل قبرهما فى عليين
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: Mudather Kunna)
|
تبرع مني
في شاهد مهم اسمه البدوي القراي
جيبوه علي فكرة الان وكيل نيابة
وهو الشاهد الوحيد الادلي ببينة مباشرة
وكتبت المحكمة في قرارها خمسة صفحات عن كذبه
والحديث عن كذبه كان اطول وافصح ما في القرار
دحين الاقرع دا ما كان طالب في الجريف الثانوية
كان جاي في جيش الاتجاه الاسلامي يهظر وىرجع
ولا عاجبه الكركدى البائس بتاع كافتريا اداب
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: سيف النصر محي الدين)
|
صديقي سيف ..
إزيك و العيال ..Quote: بلل و الاقرع قتلهم الكيزان و الجميع يعرف ذلك و كثيرون شاهدوا و سمعوا الكيزان و هم يهتفون
مباشرة بعد القتل الله أكبر قتلنا رأس الكفر. |
و يا دكتور قيل أن الشهيد / الأقرع لم يكن طالباً في الفرع و قُتل لأنه يشبه عادل فيصل فإذا أفترضنا صحة هذا الزعم ؟؟
فمن قتل الشهيد / بلل .. و ألم يكن الشهيد بلل معروفاً بإنتمائه للاتجاه الأسلامي في الجامعة ؟؟ ..
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
مرحباً بالزميلة المحامية الأستاذة / آمال حسين الزين ..
و حمداً لله على السلامة ..
Quote: تبرع مني
في شاهد مهم اسمه البدوي القراي
جيبوه علي فكرة الان وكيل نيابة
وهو الشاهد الوحيد الادلي ببينة مباشرة
وكتبت المحكمة في قرارها خمسة صفحات عن كذبه
والحديث عن كذبه كان اطول وافصح ما في القرار
دحين الاقرع دا ما كان طالب في الجريف الثانوية
كان جاي في جيش الاتجاه الاسلامي يهظر وىرجع
ولا عاجبه الكركدى البائس بتاع كافتريا اداب |
و بحكم معاصرتك لتلك الأحداث يا أستاذة ..
هلا تبرعتي لنا بغيض من فيض معلوماتك ..
و هلا حدثتينا عن علاقة بعض أعضاء منبرنا هذا بتلك القضية ؟؟
Quote: الاقرع دا ما كان طالب في الجريف الثانوية
كان جاي في جيش الاتجاه الاسلامي يهظر وىرجع
|
و هل كان عضو المنبر المعني بهذا البوست طالباً في الفرع حينها ؟؟
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
اخى دهب
سلام
ما تمارسه فى هذا البوست امر غير مقبول و اقرب للابتزاز
يوجد شخص واحد فى هذا المنبر تم اتهامه و قضى قرابة العامين معتقلا على ذمة القضية و تمت تبرئته
فان كان هناك جديد و انت رجل قانون فليس مكانه هنا انما مكانه مراتب الاستئناف التى يمكن ان تراجع القضية ان كان ثمة بينات جديدة
و حتى اذا اردت اثارته هنا فيمكنك طرحه دفعة واحدة بدلا من هذه المسخرة التى لا تشبه الرجال المجترمين
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عوض محمد احمد)
|
بوست تشتيت مدروس وبعناية بخبرة المستشار القانونى لتشتيت لجهود الشرفاء فى المنبر وفضح
عصابة الجهاد الاكترونى ....كان ليك يا دهب ...
عموما نتابع .....بعدين ات عندك راى فى القضاء السودانى فى تلك الفترة (فترة الديمقراطية
تخريمة...رائك شنو فى اعدام جرجس ومجدى
وابادة عشرات الالاف فى دار فور وكردفان وكتل المتظاهرين
رائك القانونى اقصد!!!!!!
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
Quote: بوست تشتيت مدروس وبعناية بخبرة المستشار القانونى لتشتيت لجهود الشرفاء فى المنبر وفضح
عصابة الجهاد الاكترونى ....كان ليك يا دهب ...
عموما نتابع .....بعدين ات عندك راى فى القضاء السودانى فى تلك الفترة (فترة الديمقراطية
تخريمة...رائك شنو فى اعدام جرجس ومجدى
وابادة عشرات الالاف فى دار فور وكردفان وكتل المتظاهرين
رائك القانونى اقصد!!!!!! |
بركة الجيت .. بركة الجيت ..
فقري أنت و غتيت ..
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: Abdel Aati)
|
Quote: ما تمارسه فى هذا البوست امر غير مقبول و اقرب للابتزاز
يوجد شخص واحد فى هذا المنبر تم اتهامه و قضى قرابة العامين معتقلا على ذمة القضية و تمت تبرئته
فان كان هناك جديد و انت رجل قانون فليس مكانه هنا انما مكانه مراتب الاستئناف التى يمكن ان تراجع القضية ان كان ثمة بينات جديدة
و حتى اذا اردت اثارته هنا فيمكنك طرحه دفعة واحدة بدلا من هذه المسخرة التى لا تشبه الرجال المجترمين |
وطيب يا عوض
وكت الابتزاز بالاعراض والزوجات ومعلومات الناس الشخصية بكون عديييييييييل وواضح مش اقرب كمان بتسكتوا قابلانو مالكم
الأباح للشيوعيين أبتزاز الناس شنو ؟
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عبدالعزيز حسين عبدالرحيم)
|
ياعزوز ..سلامات ..
Quote: وكت الابتزاز بالاعراض والزوجات ومعلومات الناس الشخصية بكون عديييييييييل وواضح مش اقرب كمان بتسكتوا قابلانو مالكم
الأباح للشيوعيين أبتزاز الناس شنو ؟ |
الابتزاز باى شكل من الاشكال مرفوض ياصديقي وزي ماالناس رفضت وانتقدت كلام اخونا معاوية فايضا نرفض كلام اخونا دهب بهذه الطريقة الابتزازية ..فإن كنا قد نصرناه مظلوما هناك فسنصره ظالماً هناً ...
تحياتي ،،
ــــــــــــــــــــــ
بعدين شنو قاطع خبر ولا بترد على اتصالاتنا ورسايلنا!!! ..
ولا بقى الحب في الانتماء والبغض في غيرها ؟!!
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: فايزودالقاضي)
|
يا فايز
بتكلم ليك عن الأنتقائية والحركات البعملوها الشيوعيين ديل
عمك عوض دا والجوقة بتاعت الشيوعين ديل قطعوا النفس في الابتزازات حقت معاوية رغم قبحها ومافي واحد فيهم قال بغم ودي عادتهم دائما ويزفوا غيرهم ويحولوا كلامهم لأبتزاز زي ما عاوزين زي ماهسع في البوست دا
عاين معاوية يادوب جا أتنفس يتفاصح كيفن في البوست بنفس مفتوحه يفتح راسه بي طوبه خلاص اطمن
بعدين هنا مافي أي ابتزاز الواثق من نفسه ما بهمه وياهو دا عادل عبدالعاطي جا قال الفي نفسه وما عليه شئي الباقي على المرتاب
ثم يا فايز كاتل الروح من الله وين بروح صحي قد يفلت من العقاب لكن يعيش طول حياته في عذاب الضمير وحراق روح وخوف من عقاب ربنا وحالة أخير منها الموت
-----
هوي يا فايز أنت لا بتتصل لا بترسل جوابات ما تكون مسوي لي فخ كمان اصلكم انتو الحبش تلدو وتبيضوا وايتها حاجة تسووها
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: معاوية عبيد الصائم)
|
عارفك قاعد ( منطط ) عيونك ..
و عارفك بتجئ طاير و فاكي الزراير ..
و كويس يا معاوية عبيد إنك جيت ..
و أنت .. نعم أنت يا زميل ..
كانت لك مشاركة بصورة أو بأخرى في تلك الأحداث ..
بل قد تكشف لي ضمن ما تكشف إنك كنت مسئولاً عن تأمين كوادر العنف ..
من أعضاء الجبهة الديمقراطية و الشيوعيين الذين شاركوا في تلك الأحداث ..
و الحال كذلك يا مسئول تأمين الكادر يضعك أمام مسئولية أخلاقية و تاريخية ..
لا أقول مسئولية جنائية فربما سقطت بمضي المدة ..
و ليست مسئولية أخلاقية و تاريخية فحسب ..
لكنها مسئولية سوف تسأل عتها يوم لا ينفع مال و لا بنون و لا تنظيم و لا كادر ..
فأجعل من صحوة ضميرك سبباً لخلاصك مما أنت فيه ..
لأتي أعلم أنك تعاني ..
فقلها و أرتاح ..
و أنت حتما قائلها ..
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
Quote: كويس يا معاوية عبيد إنك جيت ..
و أنت .. نعم أنت يا زميل ..
كانت لك مشاركة بصورة أو بأخرى في تلك الأحداث ..
بل قد تكشف لي ضمن ما تكشف إنك كنت مسئولاً عن تأمين كوادر العنف ..
من أعضاء الجبهة الديمقراطية و الشيوعيين الذين شاركوا في تلك الأحداث ..
و الحال كذلك يا مسئول تأمين الكادر يضعك أمام مسئولية أخلاقية و تاريخية ..
لا أقول مسئولية جنائية فربما سقطت بمضي المدة ..
و ليست مسئولية أخلاقية و تاريخية فحسب .. |
تقادم وين يا مولانــا ...
فى محاكم اخرى ...
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: MOHAMMED ELSHEIKH)
|
الاخ / عصام دهب بعد التحية والتقدير ،،،،
يمكن يكون مافي معرفة بيناتنا لكن صدقني أول مرة قابلتك كان بحضور الأخ / معاوية عبيد وهو الذي قدمنا لبعض ،
لم يرضيني ماخطه معاوية عبيد في حقك وحق اسرتك ولكن ساءني جدأ حالة الأبتزاز التي تمارسها في هذا البوست ،،
Quote: و كم من زميل أخاله يسترق المتاوقة هنا وحتى عرق كيبورده يتصبب ..
يا كاتل الروح وين بتروح .. |
هنا ياعصام أديتنا إيحاء بأن الأخ / معاوية عبيد كاتل ودي مسالة غاية في الخطورة قد تكون لها عواقب وخيمة وأنت قانوني وأدرى بذلك . والأدهى وأمر نفيك للامر في مداخلة أخرى وكأنك تبجث عن اي أتهام للأخ معاوية والسلام ،،،
حيث ذكرت ان الامر الذي تكشف لك له علاقة بضرب تامين الكادر وهي مسالة حزبية داخلية يحكم فيها ويقررها الفرع الذي يتبع له معاوية أو اى كان داخل الحزب ،،
Quote: بل قد تكشف لي ضمن ما تكشف إنك كنت مسئولاً عن تأمين كوادر العنف ..
من أعضاء الجبهة الديمقراطية و الشيوعيين الذين شاركوا في تلك الأحداث ..
و الحال كذلك يا مسئول تأمين الكادر يضعك أمام مسئولية أخلاقية و تاريخية ..
لا أقول مسئولية جنائية فربما سقطت بمضي المدة ..
و ليست مسئولية أخلاقية و تاريخية فحسب .. |
ثم تداخل الاخ / عادل عبد العاطي المتهم الأول والمبرأ من القضاء السوداني وشرح الأمر وحيثيات القضية وحكم المحكمة يبقى الامر يا سيد /عصام مماحكة اسفيرية لاتليق وابتزاز ليس إلا .
الامر الأخر يا سيد / عصام مسالة امر القبض والجرجرة دي اظن مسئولة منها الشرطة وهي المنوط بها الضبط والاحضار والتهديد بهذا الامر ايضا غير لائق ،،
صدقني يا أح عصام noting personal ولكن هذا ما اراه وتقبل مروري ،،،
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عمر مصطفى مضوي)
|
اسلوب رخيص ودنئ ولا يمكن ان يصدر من شخصيه متزنه
ولكن العزاء ان كاتب البوست هو المدعو عصام دمــــع ... اذا فلا تأمل...
اما البقيه الذين يهتفون فرحيين
متابعيين ...
واصل يا استاذ...
امرق ....
وهكذا
فان امرهم يدعو للتامل ،،، فنفس هذه الشخصيات تراها تدعو فى مكان اخر من هذا المنبر
بعدم المطاعنه والابتزاز والالتزام بالسلوك السوى وعلى هذه الشاكله دايما نصائحهم ،،،
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: خالد عبد الحليم سعيد)
|
Quote: اما البقيه الذين يهتفون فرحيين
متابعيين ...
واصل يا استاذ...
امرق ....
وهكذا
فان امرهم يدعو للتامل ،،، فنفس هذه الشخصيات تراها تدعو فى مكان اخر من هذا المنبر
بعدم المطاعنه والابتزاز والالتزام بالسلوك السوى وعلى هذه الشاكله دايما نصائحهم ،،، |
قاعدين نتصدى للمطاعنات والابتزاز في البورد دا الزيك بكون فرحان ومبسوط وما بعيد تكون من النوع البجي يتفشى ويلبع لمن يلقى ليه زول معرضين بيه
| Quote: اسلوب رخيص ودنئ ولا يمكن ان يصدر من شخصيه متزنه |
الشخص الدنئ هو البشوف الابتزاز الحقيقي والمطاعنه ويسكت عنها ويمارسها وينطبق عليك الكلام دا لأنه لو لحظه شفناك قبل البوست دا بتدعوا ضد الابتزاز ولا شفناك بتنصح في مبتز كان ما قلنا حاجه
كم مره حاولو ابتزاز الاخ عصام بي الصورة الفوق
هنا مافي ابتزاز معاويه كان عنده دور في الحاصل خليه يجي يحكي مافي زول قاعد يبتزه
خلوه يدافع عنه نفسه براه ويوضح أنه الكلام دا فيه ابتزاز لو ما عاجبه الكلام دا ياهو داك القانون خلوه يمشي يشتكي ويقول قاعدين يبتزوني
اكبر مبتز في البورد دا هو معاوية
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عبدالعزيز حسين عبدالرحيم)
|
Quote: اسلوب رخيص ودنئ ولا يمكن ان يصدر من شخصيه متزنه
ولكن العزاء ان كاتب البوست هو المدعو عصام دمــــع ... اذا فلا تأمل... |
و هل مثل هذا الشتم و السباب يمكن أن يصدر من إنسان سوي و مهذب و ود ناس في حق شخص لا يعرفه إلا عبر هذه الأسافير لمجرد أنه أختلف معه ؟؟ يعني هسة أنت واهم نفسك إنك محترم ومؤدب ؟؟
فإن كان أمر مجاراتك في قلة الأدب لا يكلف سوى طقطقة كيبورد ، فمع ذلك مثلك لا يستحق هذه الطقطقة للإنحدار إلى دركه ..
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
Quote: الشخص الدنئ هو البشوف الابتزاز الحقيقي والمطاعنه ويسكت عنها ويمارسها وينطبق عليك الكلام دا لأنه لو لحظه شفناك قبل البوست دا بتدعوا ضد الابتزاز ولا شفناك بتنصح في مبتز كان ما قلنا حاجه
كم مره حاولو ابتزاز الاخ عصام بي الصورة الفوق
هنا مافي ابتزاز معاويه كان عنده دور في الحاصل خليه يجي يحكي مافي زول قاعد يبتزه
خلوه يدافع عنه نفسه براه ويوضح أنه الكلام دا فيه ابتزاز لو ما عاجبه الكلام دا ياهو داك القانون خلوه يمشي يشتكي ويقول قاعدين يبتزوني |
الأخ عبد العزيز
ما دام هذه هي قناعتك فلماذا سـكت في هذا البوســت بل دعمت الابتزاز و الهمز
من نوع ( قرب تعال ما تبتعد , تجي ولا نجيبك من أضانك , .......الخ )
كتبت أنه ليس هنا ابتزاز , أرجو أن تشـرح ما هـو الابتزاز ( أي متى يمكن أن تصف قول بانه ابتزاز )
أخي عصام
1 / متى تيقنت من مشـاركة معاوية في تلك الأحداث ؟
2 / هـذا البوســت غير موفق ( في اسـلوبه / طريقته )
و لو لم تكن قانوني لما تداخلت معك , إن كان هذا حال قانوني بلادي
فكيف يكون حال من سـواهم
3 / لو عندك ما يفيد جلاء الحقيقة عمن شـارك في قتل أيا منهما فأت بها , أما إن كنت تريد
أن تنتقم / تتشـفى / تشـفي غليلك في معاوية فهذا شــأن آخر و مناطحة لا ندخل
فيها بينكما ( لم اقرأ البوسـت الآخر الذي اشـار له بعض الأخوة هنا , ودخلت
بوسـتك لما للعنوان من امل في تنكشـف الحقيقة و تأخذ العدالة مجراها )
4 / اثرت أمل بعض ذوي القتيلين و اصدقاؤهم في الوصول للقاتل فارجو أن تكمل
قولك ( دفعة واحدة ) , إذ من غير اللائق تركهم يتابعون بوسـت يتناول قتل
ابناءهم بالقطارة
رحم الله بلل والأقرع
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عبدالعزيز حسين عبدالرحيم)
|
الاخ / عصام
سلام ،،،
ما تقوم به في هذا البوست ابتزاز وانت انسان قانوني وتعرف ذلك
اذا كان عندك دليل على اغتيال الاخوان بلل والاقرع ربنا يرحمهم فمكانه المحكمة وليس هنا في سودانيز اون لاين
واذا كان رد وتشفى في الاخ معاوية فكل الاخوة استنكروا ما قام به الاخ معاوية وما كتبه عنك واسرتك الكريمة
وايضا نقول لك هذا البوست غير موفق وارجو منك ان تتوقف واذا عندك اي دليل اذهب للمحكمة .
تقبل تحياتي وايضا تحياتي للأخ معاوية
أبو كريم
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: الفاتح خليل الفكي)
|
الأستاذ عصام
تحياتي
ان كانت لديك معلومات بمشاركة معاوية عبيد في هذه الجريمة بصورة أو بأخرى لماذا سكتت عنها طوال مدة معرفتك لها وانتظرت الفرصة السانحة لمجرد خلاف شخصى أخطأ فيه معاوية في حقك ووقف معك كل الناس؟
الا يرقي هذه لما تسمونه في القانون"كتم الشهادة؟"
قال تعالى
{أَمْ تَقُولُونَ إِنَّ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأسْبَاطَ كَانُواْ هُوداً أَوْ نَصَارَى قُلْ أَأَنتُمْ أَعْلَمُ أَمِ اللّهُ وَمَنْ أَظْلَمُ مِمَّن كَتَمَ شَهَادَةً عِندَهُ مِنَ اللّهِ وَمَا اللّهُ بِغَافِلٍ عَمَّا تَعْمَلُونَ }البقرة140
| |
|
|
|
|
|
|
|
|
 Re: فيما يخص إغتيال الشهيدين بلل و الأقرع يا زميل .. (Re: الفاتح خليل الفكي)
|
رغم كل المعطيات يا دهب يا حبيب ..
المبادئ ـ التي لا تتجزأ ـ تحتم علي رفض هذا البوست
كما رفضت من قبل جميع بوستات معاوية التي تؤدي
إلى شخصنة الحوار والحديث في قضايا لا مجال لحسمها في البورض!!!
وبعدين الناس البتقيف في (نص) الحق دي
لو مسكت في كلاما دا من الأول مع معاوية
ما كان وصلنا للحالة دي!!
ولسع .. ماشين في الاتهامات نمد!!
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: الفاتح خليل الفكي)
|
الاخ / الفاتح خليل الفكي ..
سلام ،،،
| Quote: ما تقوم به في هذا البوست ابتزاز وانت انسان قانوني وتعرف ذلك |
ما أقوم به ليس إبتزاز ومعاوية يعرف أنني ليس من ابتزه ..
| Quote: اذا كان عندك دليل على اغتيال الاخوان بلل والاقرع ربنا يرحمهم فمكانه المحكمة وليس هنا في سودانيز اون لاين |
أنا لا أبحث عن دليل و لا أفتش عن محكمة .. أنا أكتب في شأن عام و أبحث عن رواية متكاملة لما حدث ..
| Quote: واذا كان رد وتشفى في الاخ معاوية |
حاشا و الله فأنا أمقت الحقد و التشفي ..
| Quote: فكل الاخوة استنكروا ما قام به الاخ معاوية وما كتبه عنك واسرتك الكريمة |
أشكرهم ..
| Quote: وايضا نقول لك هذا البوست غير موفق وارجو منك ان تتوقف واذا عندك اي دليل اذهب للمحكمة . |
أحترم رأيك و أرفض رجاءك ، و ليس عندي دليل أو نية ذهاب للمحكمة ..
تقبل تحياتي
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: عصام دهب)
|
الاخ / عصام
سلام ،،،
ما تقوم به ابتزاز حتي لو كان الأخ معاوية يعرف عكس ذلك
واذا كنت حقيقة لا تريد التشفي والرد على بوست الاخ معاوية
لماذا لم تكتب في هذا الشان العام من قبل ، لان الاخوان بلل والاقرع عليهم رحمة الله لم يموتوا اليوم أو امس
أخي عصام عندما قلت لي ارجو منك ان تتوقف كان عشم ما اكتر ولا اقل
وانا لا بعرفك ولا بعرف معاوية يعني ما عندي مصلحة بس عاوزين الناس تكون اخوان حتي لو اختلفوا في الراي وانت حر فيما تكتبه .
تقبل تحياتي
أبو كريم
| |
|
|
|
|
|
|
|
|
|
Re: فيما يخص إغتيال الشهيدين بلل و الأقرع يا زميل .. (Re: الفاتح خليل الفكي)
|
سلام يا الفاتح ..
Quote: واذا كنت حقيقة لا تريد التشفي والرد على بوست الاخ معاوية
لماذا لم تكتب في هذا الشان العام من قبل ، لان الاخوان بلل والاقرع عليهم رحمة الله لم يموتوا اليوم أو امس |
لأنني لم أعلم بما علمت إلا بعد أن كتب الأخ معاوية بوسته ، و مع ذلك لم يكن هذا البوست كرد فعل لمل كتبه معاوية ، لأنه لو لم يكتب معاوية بوسته و علمت بما علمت لكتبت عنه ..
يتصدقني و اللا أحلف ليك ؟؟
| Quote: وانا لا بعرفك ولا بعرف معاوية يعني ما عندي مصلحة بس عاوزين الناس تكون اخوان حتي لو اختلفوا في الراي وانت حر فيما تكتبه . |
مهما حصل فأطمئن فما بيني و معاوية ملح و ملاح ..
| |
|
|
|
|
|
|
| |
عصام دهب
ABUHUSSEIN
فايزودالقاضي
)
الفاتح علي التوم
Asim Fageary
خضر الطيب
خالد عبد الله محمود
محمد فرح
بدر الدين اسحاق احمد
هجو الأقرع
عثمان رضوان
تولوس
Mudather Kunna
امال حسين
مزمل خيرى
سيف النصر محي الدين
Abdel Aati
عمار عبدالله عبدالرحمن
MOHAMMED ELSHEIKH
عمر مصطفى مضوي
خالد عبد الحليم سعيد
قاسم المهداوى
الفاتح خليل الفكي
محمد عبد الماجد الصايم
فيس بوك
تويتر
انستقرام
يوتيوب
بنتيريست