نحن بدينا وشوية شوية

Quote: الله ما خلق الكون في يوم واحد ........... صاح طيب اصبرو علينا نحن شغالين الشباب كله زهجان وزيته طالع حبة حبة شوية شوية شغالين بنحشد ونلم في كل من يرغب في حياة حرة كريمة كل من هو ضد الفساد كل من يبحث عن حقه: في الحرية في العمل في العدل في الانصاف في العلاج في التعليم في البيئة كل من يحارب المحسوبية وكتير هو اقول شنو واخلي شنو المهم نحن ما مستعجلين لكن جادين تحياتي لكل من يدعمنا معنويا هذا ما نحتاجه فقط الآن هذه رسالة من: طالب جامعي خبراته مع الفساد وعدم العدل والمساواة لا تتجاوز بضعة شهور شاهد ما شاهد راى ما راى وكون راي وموقف طلب مني ايصال ما مفاده نحن بدينا و شوية شوية. من غير لون او اتجاه سياسي بعينه - لكنه معارضة رسالة على بساطتها لكنها قوية وذات مغذى في تقييمي الخاص ربنا يوفقكم ويغطي عليكم يا شباب تحياتي ودعواتي الحقوق لا تستجدى بل تنتزع او كما يقولون صفية

Quote: الله يوفقكم ياولادى انتوا أمل الأمة والشعب الصابر

Quote: الله يوفقكم ياولادى انتوا أمل الأمة والشعب الصابر

Quote: الله يوفقكم الظالم أيامه معدودة

Quote: لسلام عليكم شباب الوطن .... . كثيرين بيرسلوا وبيطلبوا مننا نحدد اماكن رئيسية للتجمع ،الخطوة جميلة بس لسة بدرى عليها شوية ،وجربناها قبل كدا والبيحصل انو بنلقى مئات من ناس الشرطة والامن بتعتقل اى زول يقرب من المكان وما بتدى اى فرصة للمظاهرة انها تبدا اساسا. الاستراتيجية الافضل انو المظاهرات تكون متفرقة لحتى ما تكبر وتغطى كل الاحياء وتصل لكل مواطن بعدها بنقدر نحدد مكان بكل ثقة والشرطة بتكون ارهقت تماما.المطلوب كالاتى :- **لو حيك طلع اطلعوا الليلة تانى وتكون مظاهرة اكبر واقوى وتستمر مدة اكبر نكسر حاجز الخوف تماما. **لو امبارح حيك ما طلع لااازم يطلع الليلة اجمع اصحابك وابدا والله 5 بس يقدروا يبدوا مظاهرة والناس بتتلم عليهم عن تجربة الكلام دا .فى حيك بتلقى تضامن اسرع من كل اهل الحى وبيقيفوا معاك ،ابدوا باى عدد واهتفوا جوا الحلة طلعوا الناس او من الزاوية بعد الصلاة او خبطوا البيوت قولوا للناس منتظرين شنو ؟ انتم ادرى بحيكم ،اتجهوا لاقرب شارع رئيسى واقفلوه باطارات او غيرها ،وكل ما العدد زاد امشوا مسافة ابعد واقفلوا شارع تانى وحتلاقوا فى طريقكم مظاهرة طالعة من شارع تانى . **المظاهرات الليلية افضل وافضل بكثير ولو عددكم بسيط خلوها كر وفر بينكم وبين الشرطة ،الشرطة ما بتعرف مخارج ومداخل الحي زيكم . **اهم نقطة صور ووثق لاى شئ لازم فى كل مظاهرة يكون فى اثنين مسئولين من التصوير وارفع الصور فى حائط الصفحة ومعاها ملخص عن الخبر .محتاجين صوتنا يوصل لكل المواطنين فى بيوتهم ،عشان كل مرة عددنا يزيد ويزيد ،وبدل المئات نبقى الوف وملايين . **يلا يا شباب كلنا مسئولين عن التغيير ،واحدة من المظاهرات الناجحة امبارح قوموها شباب اقل من 18 سنة .كلنا لازم نحس بالقضية وكلنا نشيل الهم عشان بكرة يبقى احلى وبلدنا تبقى اجمل . مافى زول يقول تانى مشيت وما لقيت مظاهرة انت المفروض تقوم المظاهرة مش تنتظر غيرك . المستقبل احنا البنصنعه والظروف احنا البنغيرها ،ايدى على ايدك نمشى لقدام . يلا كلنا شير للبوست عشان نصل لاكبر عدد ممكن