الكرة فى ملعب الشعب

Quote: يا محمد حامد الامر هذه المرة مختلف جدا عندنا في الوزارة الايام دي ثورة صغيرونة كده الغريبة فيها كيزان ودبابين كمان وصادقين في امر الثورة دي المشكلة انو حكومتكم دي بدت الامر بتفرقة ايدولجية وحزبية الما معانا ضدنا كانو صفين بس حسب فهما حركة اسلامية × باقي الناس مرقوا المعارضين من الحسبة دخل ناس كتار في نصها قامت قسمتها اثنية عرب × زرقة مرقوا ناس خليل وعلى الحاج قامت من العرب ذاتهم قسمتهم تاني قبائل جعليين وشايقية × الباقين مرقوا ناس كتار وانت ادرى بيهم الان جوه القبيلتين ديل قسمتها قسمة اصحاب اصحاب بقوا شلة × الباقين كلهم الكلام ده ظاهر في كل مناحي الحياة هسع البلد منفوخة بخة هواء صغيرة زيادة حا تطرشق كان رخو ها كل زول بجيب لستتو بقول داير حقو وفي يقيني انو بخة الهواء دي سيتكفل نافع ببخها وتفجير الموقف وبعد داك يرجى الراجيه