|
|
 نتيجه لزيادة تعريفة المواصلات قتل مواطن بسكين
|
غضبة الحليم
السوداني - تواصل - انعام احمد الطيب
بدأت بوادر الأزمة بين المواطنين وأصحاب المركبات العامة وذلك بعد أن زادت تعرفة المواصلات فى عدد من الخطوط بالعاصمة دون إعلانها رسميا
واشتدت الملاسنات والمخاشنات ووصلت حد التشابك بالأيدي وتوجيه الشتائم والألفاظ النابية بدرجة لا يمكن تخيلها
وسجلت دفاتر الشرطه أول حادث قتل راح ضحيته مواطن كان يستقل حافلة وتشاجر مع الكمساري بسبب (جنيه)
ليسدد له الآخر طعنات أودت بحياته فى الحال وسط دهشة الركاب وذعرهم وهروب بعضهم جريا وقفزا من الشبابيك.
كما يقول مثلنا السودانى( انتو شفتو حاجة)
فمع زيادة المحروقات التى تسعى لها الجهات المسئولة سعيا حثيثا ستزيد أسعار كل السلع حتى تلك التى ليس لها علاقة بزيادة المحروقات وارتفاع الدولار
وسيجد تجار السوق الفرصة سانحة أمامهم وهم يشمرون الآن من سواعدهم ويستعدون لدخول المعركة
بعد أن أضاف كل واحد عدد من الجنيهات الى سلع هي موجودة أصلا فى أرفف المحلات ولم تطرأ عليها أي زيادات
لكن الجشع والطمع هو المسيطر على الأسواق دون رقيب يرحم المواطن الذى أصبح بين اليقظة والأحلام لا يدري كيف يوزع ما يتقاضاه من حفنة جنيهات
وبالطبع المقصود هنا المواطن من ذوي الدخل المحدود عمال وموظفين وليس الطفيلية الذين أثروا ثراء فاحشا دون أن يتعرضوا للمساءلة من أحد
فالسياسات الاقتصادية غير المدروسة تتأثر بها الشرائح الضعيفة التى تحسبها (بالتعريفة)
وتفرق معها أي زيادات تطرأ على أي سلعة وتصل الحد الذى تتخلى فيه الأسر عن الكثير من الضروريات
حتى عدد الوجبات اليومية تم تقليصها الى اثنين وأصبح حال الكثيرين يدعو الى الشفقة والرحمة.
والعام الدراسي على الأبواب تزداد حدة المطالبات وتزداد هموم الآباء وأولياء الأمور لتدبير أمور الملابس والمستلزمات الأخرى والمصروفات اليومية
وتعلو أصوات الرسوم التى تفرضها مجالس الآباء بإيحاء من المحليات التى تعجز ميزانياتها عن توفير ثمن الطباشير أحيانا
فالأمر يحتاج إعادة النظر فى أشياء كثيرة تواجهها الشرائح الضعيفة دون غيرها
ويتطلب ذلك من الدولة أن تجتهد بأن تضع اعتبارا لمن هم فى حد الفقر وتزيد نسبتهم عن ال45 % فهم صامدون وصابرون ولكن احذروا غضبة الحليم
|
|
 
|
|
|
|
|
|
|
 Re: نتيجه لزيادة تعريفة المواصلات قتل مواطن بسكين (Re: سلمى الشيخ سلامة)
|
مرحب بيك استاذه سلمى
Quote:
انا لله وانا اليه راجعون
لاحول ولاقوة الا بالله
بلد ماعنده وجيع لا اكثر
تحياتى اخى خضر |
ولسه القادم اسوأ ياسلمى
والزيادات بتاعة المواصلات دى جس نبض للشارع
هسى ثلاثين بالمائه وبعد رفع الدعم عن المحروقات
حتكون مائه وخمسين بالمائه
ودى بمهدوا بيهو لرفع الدعم عن المحروقات وعن كل شئ
البلد انهارت
والكيزان ديل ماعندهم رحمة ولا بخافو الله ولابعرفو ان فى الله
ديل حثالة البشر فى العالم
عليهم اللعنه اين ماثقفوا
| |
|
|
|
|
|
|
|
|
|
Re: نتيجه لزيادة تعريفة المواصلات قتل مواطن بسكين (Re: ASHRAF MUSTAFA)
|
Quote:
الناس دي اتغيرت ولا شنو يا خضر الطيب؟
يا حليل زمان
لمن كانوا يقولوا في انفجار ولا نار كنا بنجري عليه |
والله ياباشمهندس اشرف شئ مؤسف جدا البحصل دا
الناس يا اشرف بقت مابتتحمل من الضغوط الكثيره العليها
انا كنت فى السودان فى رمضان الفات والله الناس ماشه فى الشوارع ذى المجانين
والحاله اصعب مماتتصور , غايتو ماعارف بعد الزيادات الاخيره دى حيعملو شنو
بس ربك يستر ياخ
والمصيبه انو مافى اى بادرة امل بانو الحال حينصلح
| |
|
|
|
|
|
|
|
|
|
Re: نتيجه لزيادة تعريفة المواصلات قتل مواطن بسكين (Re: خضر الطيب)
|
سلام يا خضر
Quote: والله ياباشمهندس اشرف شئ مؤسف جدا البحصل دا
الناس يا اشرف بقت مابتتحمل من الضغوط الكثيره العليها
انا كنت فى السودان فى رمضان الفات والله الناس ماشه فى الشوارع ذى المجانين
والحاله اصعب مماتتصور , غايتو ماعارف بعد الزيادات الاخيره دى حيعملو شنو
بس ربك يستر ياخ
والمصيبه انو مافى اى بادرة امل بانو الحال حينصلح |
يا الله ياخ
حاجة مؤسفة والله
قلوبنا مع اهلنا بالداخل فهم القابضين على الجمر والمكتوين بغول الأسغار وتجاهل الدولة لمعاناتهم
نسأل الله ان يفرج هموم وكرب كل الشعب بالداخل يا قادر يا كريم
تسلم يا خضر
| |
|
|
|
|
|
|
|
|
Re: نتيجه لزيادة تعريفة المواصلات قتل مواطن بسكين (Re: ASHRAF MUSTAFA)
|
Quote:
يا الله ياخ
حاجة مؤسفة والله
قلوبنا مع اهلنا بالداخل فهم القابضين على الجمر والمكتوين بغول الأسغار وتجاهل الدولة لمعاناتهم
نسأل الله ان يفرج هموم وكرب كل الشعب بالداخل يا قادر يا كريم
تسلم يا خضر |
تسلم ياحبيب ويسلموا اهلنا بالداخل
وانحنا البنرسل مكتوين اكثر منهم
ربنا يكون فى عون الجميع
| |
|
|
|
|
|
|
|
|
|
Re: نتيجه لزيادة تعريفة المواصلات قتل مواطن بسكين (Re: الامين موسى البشاري)
|
مرور مقدر يابشارى
Quote:
ربنا يرحمه ويغفر ليهو
الحالة بقت صعبة يا خضر
والناس زهجانه وقرفانه بس ربك يلطف بيهم
تحياتي |
الله يرحموا ويرحمنا انحنا برحمته
النظام ببتدع طرق كثيره لارهاق الناس
يعنى موضوع جنيه واحد اتسبب فى موت انسان
والآن بعد زيادة المواصلات دى حتبقى المشكله فى الفكه
ودا موضوع تانى
و انو البستخدموا المواصلات ديل من الطلبه والعمال وصغار الموظفين
يعنى الطبقه المسحوقه ودى بتمثل تسعين بالمائه من بقية الشعب الفضل
والقادم اسوأ.
| |
|
|
|
|
|
|
| |
خضر الطيب
سلمى الشيخ سلامة
ASHRAF MUSTAFA
الامين موسى البشاري
فيس بوك
تويتر
انستقرام
يوتيوب
بنتيريست