نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 نترجم حبنا للمطرطش في احمد ولدو
|
المطرطش خلاااااااااص راح ومشى في دربو العديل
واصلو ما بننساك يا المطرطش كلو كلو
والله لانزلن هذا الحب في ولدك أحمد
والله وعدا مني يا المطرطش بعدما خليتنا ومشيت ما بخليك كلو كلو
وين احمد ما يكون اكون معاهو واشم ريحتك فيهو يا المطرطش
ورب الكعبة حدي معاهو لحقناك هناك
يا احمد انا ابوك وكلنا آباؤك يا احمد المطرطش
وكلنا مطرطشين
.
.
انا لله وانا اليه راجعون
|
|
 
|
|
|
|
|
|
|
 Re: نترجم حبنا للمطرطش في احمد ولدو (Re: عبدالله ود البوش)
|
عشان تعرف يا احمد كيف ابوك كان محبوب
عشان تعرف ان الحب اقوى من الموت
وعشان تعرف ورثة ابوك ليك
ورثة لابتروح ولابتفوت
اورثك اخلاقا وحبا وطيبة
كان اطيبنا
واكرمنا
واجملنا
والطفنا
كلماته من قلبه لقلوبنا فاحببناهو
حب ابوك اصلو ما حدو عمرو يمتد ليك وتورثه لابنائك يا احمد زي ماهو ورثو ليك
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
ابوك حيرنا يا ولدي واظنه السر عندك
انا كنت قايلو صاحبي براي
وائ زول قايلو صاحبو براهو
اها الليلة انكسر الشايل القلوب دي كلها في قلب واحد
وبكينا بقلب واحد ودمعة حارة نسوان ورجال
وصار كل المنبر دموع ولن تجف
لن تجف
الزول دا زول الله ساهي يا ولدي
واصلو كلو كلو ما زول دنيا
الله اصبرنا كلنا
استغفر الله العظيم
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
أخوى عبدالله الكلس
ود الرجال شيال التقيلة
أخوى عبدالله
القسم لي اخواتي عشاهن
حاشاهو الماغشاهن
تلت اليل بغشاهن
ايديا الفيض رشاهن
دمعات النوح قشاهن
ضرعات النوم بشاهن
دلجات الهم هشاهن
اسرار الغير ما وشاهن
المحن الماهو رشاهن
كالف الانعان راشاهن
الدقرن لي كشاهن
جعدات البور حشاهن
تسلم يا مك ويوم شكرك ما يجى
والعندوا اخوى زيك تب ما ندمان
احمد اخونا وتب ما بننساهوا
وابوهوا عايش فينا وجوانا وعمر الانسان الطيب ما بتنسي
الله يرحموا ويغفر ليه وينور قبروا ويجعلة روضة من رياض الجنة
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: بله محمد الفاضل)
|
أتصلت على أحمد ود اخوي المطرطش
وكنت خائف أن انهار امامه وتكون تعزيتي الم فوق الم
ولكني وجدته يهدي من روعي بثباته وتماسكه
فأطئن قلبي فهو الشبل من ذاك الاسد
والان فريد ولدي في طريقه اليه ليمتد الوفاء الى يوم الدين
تلفون ولدي أحمد محمد عبدالرحمن 00249914473414
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: بله محمد الفاضل)
|
أخوي بله محمد الفاضل
المطرطش دخل قلوب كل الناس العرفوهو حتى قراء المنبر
اما نحن الاعضاء كل واحد اخو المطرطش نسوان على رجال
ولابد ان ينتقل هذا الحب لابنه احمد
هذا الحزن الصادق النبيل سيتحول الى حب صادق ونبيل لابننا احمد
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: وضاحة)
|
Quote: ابوك حيرنا يا ولدي واظنه السر عندك
انا كنت قايلو صاحبي براي
وائ زول قايلو صاحبو براهو
اها الليلة انكسر الشايل القلوب دي كلها في قلب واحد
وبكينا بقلب واحد ودمعة حارة نسوان ورجال
وصار كل المنبر دموع ولن تجف
لن تجف
الزول دا زول الله ساهي يا ولدي
واصلو كلو كلو ما زول دنيا
الله اصبرنا كلنا
استغفر الله العظيم Ö ÇáÌäÉ |
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: hafiz Issue)
|
والله يا وضاحة بتي امام المطرطش اكتشفت اني زول عولاق ساهي
الزول دا كل كتاباته هنا كانت رسائل قوية لينا النحن الطير ديل
رجعت لمداخلتو في بوستاتي واكتشفت عمق الرسائل
الم اقل لك باننا لم نفهمه وهو حيا بيننا فكيف الحال بعدما غادرنا سريعا
وترك سره في احمد ولدو ووصيت فريد ولدي بان عفوي ورضاي في احمد اخوك
.
.
تواضع القوي الذي يحمل رسالة للمتكبرين
ايقوناته الضاحكة ليرسم بسمة في وجه غيره وهو احوج من يكون للابتسام وسط حزنه الدفين
ان لم يفرحك لايحزنك
وان لم يمدحك لايذمك
.
.
زول الله عاش في بلد الله وارتحل نضيف القلب واللسان
دائما احس بقصر قامتي امام المطرطش
وكمان مسمي نفسو المطرطش
وهكذا كل حياته عبر لغيره حتى في اسمه
لك الرحمة والمغفرة وعالي الجنان اخي محمد عبدالرحمن
وارقد مرتاحا مطمئنا الى يوم الدين
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
Quote: أتصلت على أحمد ود اخوي المطرطش
وكنت خائف أن انهار امامه وتكون تعزيتي الم فوق الم
ولكني وجدته يهدي من روعي بثباته وتماسكه
فأطئن قلبي فهو الشبل من ذاك الاسد
والان فريد ولدي في طريقه اليه ليمتد الوفاء الى يوم الدين
تلفون ولدي أحمد محمد عبدالرحمن 00249914473414 |
دا كلام سليم ..
لابد للناس أن يعبروا عن حبهم للفقيد بشكل عملى ..
وذلك بمواصلة الهدف الذى تغرب من أجله الفقيد
وذلك بدعم أسرته .
تحياتى أخى البوش ..
وخالص العزاء .
| |
|
|
|
|
|
|
|
|
Re: نترجم حبنا للمطرطش في احمد ولدو (Re: AMNA MUKHTAR)
|
ود البوش يا حليل المطرطش الختر بلا رجعة
يا حليلو الما شال معاهو غير حب الناس
قلبو صافي ونضيف ما بعرف غير كرم الضيف
واجب علينا رد الجميل في جنا حشاهو
جنا حشاهو الفات خلاهو
الله يديك قدر يرضيك يا ود البوش البتعرف الواجب
وبارك الله فيك وفي وليدك فريد، إن شاء الله يبقالو رفيق لي أحمد
الله ينعل الغربة ام وجع مردم,
خبر الغربة حاااار
وموت الفجأة نااار
ختر المطرطش وخلانا للوجع المر
الله يوسده الباردة ويسكنه فسيح الجنان
الله يصبرنا يا ود البوش
إنا لله وإنا إليه راجعون
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: اسماء الجنيد)
|
اسماء الجنيد انا من قبيل بصبر في روحي
وبحاول اجفف الدمعة اللصلا ابت تقيف كلو كلو على المطرطش
جيتيني يا الحنينة وتاني الدموع كبت جوووو اريتا ما تقيف كلو كلو
انا اصلو الحزن ما اظنو مفارق دربي كلو كلو
ابكي يا اسماء ابكي الليل والنهار وتاني الدموع لمنو بعد المطرطش
ابكي يا اسماء واملي المنبر دا كلو دموع
وما عافين ليك يا بكري كان شلت السواد دا من المنبر
خليهو ثابت ما اصلو الموت بعزل في الزي المطرطش ونبقي نحن العولق ديل قاعدين وجع
لا متنا ولا الموت خلا لينا البريدن زي عيونا البتبكي دي
استغفر الله العظيم
لا اله الا الله
اللهم انك تعلم فلا تواخذني فيما لا اعلم هذا القلب وانت خالقه ولا ادري كنت مخطئا او صائبا
فاني اكتب تحت تأثير الحزن الشديد على اخي محمد عبدالرحمن
فارحمه يا ربي واغفر له وادخله فسيح جناتك
انا لله وانا اليه راجعون
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: AMNA MUKHTAR)
|
AMNA MUKHTAR بتي زولة الواجبة
واجبنا نحو اخواننا الذين رحلوا عنا مواصلة اسرهم والوقوف بجانبهم
هو واجب اصيل
مواساتهم
التخفيف عنهم بالوقوف معهم ايام العزاء
ومواصلتهم المستمرة وتفقد احوالهم بعد العزاء
وكل فقيد له اقارب واصدقاء
كل يقف حسب موقفه واثر الفقيد فيه
فالمجتمع السوداني ما زال متماسكا ومتمسكا بهذه المكارم
واتمنى الاتهتز ابد الدهر مهماحصل ويحصل
فالجود نسلا من الجدود وقطعا من الجلود
قدر الموجود ينقسم بيناتنا عود بعود
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
قطع شك يا حافظ ادهشك التعامل مع المطرطش
وكل الناس الان مندهشة وتتمنى لو يرجع المطرطش لحظة واحدة ويوريهم
سر جمع كل هذه القلوب الباكية ولكن هيهات ترك رسالته ورحل
فهمها من فهمها وجهلها من جهلها في حينها
والامر واضح الان بان قلب الرجل الواحد يمكن ان يجمع قلوب الملايين كانت خلصت النية وصفت
لك الرحمة يا من علمتنا كيف يكون حب كل الناس سهل ممتع لايظفر به الا امثالك
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
اللهم أرحم وأغفر لأخي محمد عبدالرحمن
اللهم أجعل قبره روضة من رياض الجنة
اللهم أدخله أعلى الجنان
انا لله وانا إليه راجعون
حار العزاء لأهله ومعارفه واحبابه
-------------------------------------------------------
كلنا يمينك في ترجمة هذا الحب للعزيز المطرطش في ابنه أحمد
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: سيف بخيت موسي)
|
تسلم يا سيف يا ابو المكارم وياها المحرية فيكم
وياريت كل احباب المطرطش تخبر اسرهم المتواجدة بالسودان
يمشوا العزاء واقيفوا مع احمد وقفة قوية
هو الان متمالك ومتماسك ولكني اخشى عليه الانهيار عندما يكون وحيدا
أئ زول عند ولد في عمر احمد او يقارب له اكلمو اقيف مع احمد وقفة اخوة صادقة
وكلو بحسابو وكلو ليه وزنو وكل جميل لابد ان يقابله معروف
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: عبدالله ود البوش)
|
إنا لله وإنا اليه راجعون
لا حول ولا قوة الا بالله ، اللهم اغفر له وراحمه ، اللهم أكرم نزله ووسع مدخله
اللهم نقه من الخطايا كما ينقى الثوب الأبيض من الدنس ، اللهم اغسله بالماء والبرد والثلج
اللهم ابدله دارا خيراً من داره وأهلا خيرا من أهله
تعازينا الحاره لاسرته ولاهله وأصدقائه .
| |
|
|
|
|
|
|
|
|
|
Re: نترجم حبنا للمطرطش في احمد ولدو (Re: موسي الراجل)
|
Quote: حليل محمد خلانا وراه صى
حليل محمد الكان صباح وضى
حليل محمد القطف جمه عينى
حليله كان البكى ما بجيبو لى
ببرك الجمال وبشيل الدمع بالرى
تغمده الله بواسع رحمته
انا لله وانا اليه راجعون |
يا الله يا الله يا الله
موسى اتاريك مكتول وصابر وكاتم العليك
الله يرحمك يا محمد اخوي واخو موسى واخو الناس كلهم
| |
|
|
|
|
|
|
| |
عبدالله ود البوش
وضاحة
بله محمد الفاضل
hafiz Issue
اسماء الجنيد
سيف بخيت موسي
معاوية المدير
مها عبد الله
ولياب
فيس بوك
تويتر
انستقرام
يوتيوب
بنتيريست