وزيرالدفاع : مشيت بورسودان وقررنا الدفاع بالنظر والعيون " فيديو " !!

Quote: في حديثه عن خططه لمواجهة الإعتداءات الإسرائيلية لقاء متلفز مع السيد وزير دفاع جمهورية السودان أجراه معه الطاهر حسن التوم مقدم برنامج حتي تكتمل الصورة .. الطاهر حسن التوم: يعني هل نحنا بعد الإقرار بعدم التوازن بيننا وبين العدو يعني هل نحنا خلاص يعني نقول إننا أصبحنا سماء مكشوفه ؟ وزير الدفاع : لا لا لا ..ما أنا جاييك في الحتة دي ... أنا جاييك في الحتة دي بقول ليك أنحنا سوف نتخذ إجراءات وفعلاً أنا مشيت !! مشيت بورتسودان وأخدنا جملة من الإجراءات ....جملة من الإجراءات العسكرية ....وجملة من الإجراءات التي أوكلناها للشرطة ....و جملة من الإجراءات أوكلناها للأمن وأتخذنا إجراءات عسكرية بحيث إنو نننشيط عمليات الدفاع الجوي :بالنظر ! علي طول الساحل والدفاع بالنظر أيضاً الستار ؟ مقدم البرنامج : شنو بالنظر دي ؟ الفريق أول ركن! مهندس !!عبد الرحيم محمد حسين !!- : البي النظر إنو أنِحنا يعني ....مراقبة بالنظر.... للعدو من الساحل !!! الطاهر : بالعيون يعني ؟ وزير الدفاع:...بالعيون - نشوفوا يعني ....أيوا . لنتخيل عناصر من الأمن والشرطة والجيش علي طول الساحل ومصنقعين يعاينو للسماء....... عندما تكتمل هذه الصورة المضحكة المبكية يا سيادة وزير دفاعنا - يا قايد جيشنا - جيش الهنا والسرور....نجد هذا السؤال يفرض نفسه مضفياً علي الصورة طرافة أكثر ونتمني له من سيادتكم إجابة : هل الناس ديل بتدوهم مكبرات نظر ؟ خليك من الرادارات وتكنلوجيات حرب النجوم !! بتدوهم مكبرات ؟ لأنوا شغلانة (الدفاع الجوي بالنظر) دي مع غرابتها وطرافتها إذا كانت تتم بالعين المجردة فقط فهذا مشكل يدفعنا إلي السؤال البعدو : وطيب الواحد من الجماعة ديل لو شاف طيارة جاية يفوم يكورك ولا يجري لي جوا ؟ ولا الإتنين معاً ؟ يجري ويس###### ؟ سجم خشمنا ؟؟