|
Re: مرحب بالزميل حامد محمد حامد فى عاصمة الضباب لندن (صور) (Re: ناصر المحسى)
|
سلام يا ناصر مليووووون مراحب بأخونا حامد محمد حامد
أرجوا مدنا برقم هاتفه يا ناصر عشان اليوم حأكون مشغول لكن بنسق معاه للمقابلة ربما في وقت متأخر
بعدين إنشاء الله يا حامد تكون قاعد مدة طويلة شوية, ويا ريت لو ما عندك رقم تلفون محدد تشيل تلفوني من الشباب
وتتصل علي عشان ما تسافر فجأة قبل ما نلاقيك
شكرا يا ناصر على البوست
والبلد نورت
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: رشا احمد)
|
Quote: بختتتتتتتتتتكم يا ناس لندن ... وبختوو حامد .. اريتو حالي
بالله مافي زول يبدل ؟ فترنا من البدووو ديل ^__^
----------------------------------------------
مهويه لكن ما تقولي لي ... اريتا كضومي ... خمسة وخميسة ..
حلوة و زيك وووين يا بت بلدي |
رشوية ياخ ما تغيبى بنشتاق ليك كتير والله ، ويا ريت لو كنتى معانا ، كانت أمسية ولا أروع بوجود الأعزاء عند وداع الأفاضل حامد ومدام ثريا التى شرفتنا ونورتنا بحضورها الباهي ... الشكر والتقدير لإخوتي الأفاضل بورداب لندن وإفتقدنا وجود أشرف مصطفي رغم إنه كان بالتلفون مع الشباب ... بخصوص الجضوم إتفضليهم وما كتيرين عليك يا غالية ، أنا والعزيز كونت متبرعين ليك بواحد كيلو جضوم مصلحه ومصفحة كمان
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: ناصر المحسى)
|
سلام لكل الاحبه والله كان يوم رائع مع الحبيب حامد واسرته الكريمه
غايتو رجعنا زكرياتنا القديمة واهو النيل الازرق من خلفنا هائج وكله طين
ان شاء الله تكونوا وصلتوا طيبين ياحامد
شكرا ليك ياناصر ونبيل علي الضيافه والكرم وان شاء الله نتلاقي في ساعة خير وانا راجع بلدي يوم الاثنين اذا ربنا سهل
والماشفناهم من ناس لندن لنا عوده اذا شاء الكريم
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: ناصر المحسى)
|
Quote: سلام لكل الاحبه والله كان يوم رائع مع الحبيب حامد واسرته الكريمه
غايتو رجعنا زكرياتنا القديمة واهو النيل الازرق من خلفنا هائج وكله طين
ان شاء الله تكونوا وصلتوا طيبين ياحامد
شكرا ليك ياناصر ونبيل علي الضيافه والكرم وان شاء الله نتلاقي في ساعة خير وانا راجع بلدي يوم الاثنين اذا ربنا سهل
والماشفناهم من ناس لندن لنا عوده اذا شاء الكريم |
العزيز الأخ عماد شمت كان يوما جميلا الغريب إن الأمطار فى لندن كانت متواصلة لمدة 3 أسابيع والجو بارد لكن يوم تقابلنا مع حامد كانت الشمس ساطعة وأرتفعت درجة الحرارة . نتمنى أن نلتقى مره أخرى ياعماد ولك المودة
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: نبيل عبد الرحيم)
|
مابتقصروا ياناس لندن ويستاهل حامد ...
يعني نحن نجي ونقعد شهر ومافي زول يسال مننا ...دي نسميها عنصرية منكم ولا شنو ؟!!!
يامحسي ياقريبي ..سلامات ومثلها للجميلة مها والاخوين نبيل وعماد واخونا الكبير محمدهارون وكل بورداب لندن ..
Quote: بالله مافي زول يبدل ؟ فترنا من البدووو ديل ^__^ |
صورة للكفيل من الاقتباس ..
تحياتي ،،
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: فايزودالقاضي)
|
Quote: مابتقصروا ياناس لندن ويستاهل حامد ...
يعني نحن نجي ونقعد شهر ومافي زول يسال مننا ...دي نسميها عنصرية منكم ولا شنو ؟!!!
يامحسي ياقريبي ..سلامات ومثلها للجميلة مها والاخوين نبيل وعماد واخونا الكبير محمدهارون وكل بورداب لندن ..
|
تسلم العزيز فائز وأكيد ما عرفنا بقدومك للندن بس معوضه إن شاء الله ، لا مكان للعنصرية بيننا ، بورداب لندن مميزين بعلاقتهم القوية وروابطهم المتينة ، لا تفرقنا سياسة ولا دين ولا لون ولا عرق ، يجمنا حبنا لبعض وصداقتنا وخوتنا الصادقة
تسلم للتحايا والمرور والأُمنيات الطيبة لأمي بالشفاء الكامل
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: مها عبد الله)
|
Quote: مابتقصروا ياناس لندن ويستاهل حامد ...
يعني نحن نجي ونقعد شهر ومافي زول يسال مننا ...دي نسميها عنصرية منكم ولا شنو ؟!!!
يامحسي ياقريبي ..سلامات ومثلها للجميلة مها والاخوين نبيل وعماد واخونا الكبير محمدهارون وكل بورداب لندن .. |
الأخ ناصر ود القاضى سلام نرحب بك فى أى وقت تزور عاصمة الضباب لك المودة
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: نبيل عبد الرحيم)
|
الاخوة الاعزاء بورداب لندن منورين والله بالجد كلكم ناس حلوين واصيلين ربنا يديكم العافية وتحية خاصة للعزيزة مهوية العسل بالجد منورة يا مهوية والله بنات رفاعة اصلا معروفين بالحلاوة والاناقة ربنا يحفظك يا غالية
وكمان فرصة سعيدة إتعرفنا على الاخوة الاعزاء الاخ محمد حامد والاخ عماد شمت والاخ نبيل والاخ محمد هارون منورين والله وجاهات شديدة يا اخوان بس انت وين يا ناصر ولا خايف من العين وكنا برضو عاوزين نشوف الزميل اشرف مصطفى ما شاء الله تبارك الله ربنا يدوم المحبة بينكم دايما
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: ساميه حامد)
|
Quote: وكمان فرصة سعيدة إتعرفنا على الاخوة الاعزاء الاخ محمد حامد والاخ عماد شمت والاخ نبيل والاخ محمد هارون منورين والله وجاهات شديدة يا اخوان بس انت وين يا ناصر ولا خايف من العين وكنا برضو عاوزين نشوف الزميل اشرف مصطفى ما شاء الله تبارك الله ربنا يدوم المحبة بينكم دايما |
تسلمى ياسامية ناصر موجود فى الصورالسابقه
ناصر المحسى يمين الصورة يتكلم فى الموبايل - هارون - حامد ومها لك المودة
| |
|
|
|
|
|
|
Re: مرحب بالزميل حامد محمد حامد فى عاصمة الضباب لندن (صور) (Re: نبيل عبد الرحيم)
|
Quote: الاخوة الاعزاء بورداب لندن منورين والله بالجد كلكم ناس حلوين واصيلين ربنا يديكم العافية وتحية خاصة للعزيزة مهوية العسل بالجد منورة يا مهوية والله بنات رفاعة اصلا معروفين بالحلاوة والاناقة ربنا يحفظك يا غالية |
العزيزة سامية ست الفهم والأصالة شكرا لحديثك الطيب وهذا بعض ما عندكم من رقي وأصالة بورداب وبوردابيات الرياض الجمال والروعة وسعيدة بتواجدك ببوست العزيز ناصر وأشرف مشغول بمرض والده شفاه الله ودعواتكم له تسلمي يا سمسم وتحية للأسرة الكريمة والأبناء
| |
|
|
|
|
|
|
|