|
|
 Re: رسالة مفتوحة الى الرفيق صدقي كبلو واعضاء الحزب الشيوعي ... (Re: طلعت الطيب)
|
د بندر وضيوفو سلام ومحبه
أستأذن الدكتور بندر فى طرح تساؤلات ذات صله بالبوست على الأخ الدكتور/أحمد طراوه:
كتبت يا دكتور الأتى أعلاه :
Quote: لا تهمنا في هذه اللحظة منطلقاتهم الشخصية و الطبقية في موقفهم السلبي من الديمقراطية، ولا تهمنا هنا نواقصهم الذاتية و لا طريقتهم في تكييّف مصالحهم
مع الأنظمة العسكرية المُختلفة، بقدر ما نتفهم للظاهرة نفسها في المجرى العام للصراع الفكري - الجماهيري - الوطني الديمقراطي |
الكلام دا خطير جدا يا دكتور !قول لى ككيف ؟ بالمناسبه أنا ح أكتب بعربى بابنوسه ولو سمح لى سيد البكان دا الدكتور بندر برضو نعتبر إن
المداخله دى تدشين لعربى بابنوسه ومافى فرق فى الوقت الراهن بين عربى كرمه أو عربى جوبا أو عربى أم درمان أو عربى طوكر وكلو من باب
حقوق اللسان!
نرجع للخطوره فى طرح الدكتور طراوه:عدم إهتمام الشيوعيين بمنطلقات من يريدون التحالف معهم او حتى مناشدتهم بغض نظرهم (أى الشيوعيين)
عن منطلقات حلفائهم الشخصيه أو الطبقيه بركب (شددالكاف) التتين الشيوعيون وحلفائهم سرجا للسلبيه وقيع (برضو شدد القاف) وقبال ساعتين
كنت بقرأ فى عرضحال عالى اللغه وخطاب متفجر حماسه لأستاذنا وواحد من أشطر كتاب عرضحالتنا الأستاذ/فتحى الضو والمقال يدور كله فى نفس إطار
طرح الدكتور/طراوه وهوإعادة بناء التحالفات القديمه بعد جرد حساب !وهى فى مراعاتى (شوفى)عدم توبه من سلوك نفس دريبات الغش بالتغيير الإنهار
لأنو الشعب الإنبت عليها راكوبة التغيير رغم التغرير والغرغرينات المصيريه الفى زاوية شوفى الطشاش طرح طراوه وطرح الأستاذ فتحى أختصرو المقوله
القديمه المتجدده(من جرب المجرب الخ....)
خطورة الطرح بتكمن وين؟ دا سؤال محورى ورئيس فى جدل الأزمه وما داير أجاوب عليهو بلجاج نهونا عنو أساتذتنا ،لكدين بجابو بسعوال أخطر
هو التغيير ذاتو من منو ومن شنو ؟؟؟ السؤال الحارق دا كنا إنتظرنا إجابتو فى مؤتمر الحزب الخامس ودت أبو يجابو عليهو وأحتفظو هم بسلفيتم
ودا حقهم وداك حزبهم وهم مخيرين فوقو !!لكن ولكن هناتفتح باب الغباين الأبى ما ينسده وأى زول يطلقو حلوف (وحلفائه)!! كن شغيله ولا ما عندهم
حقوق إنسان!!
أرقدو شوافين كما عهدناكم
كدا أعيدو النظر فى المناشدات والتحالفات يا دكتور طراوه ولو بالمره إعيدو النظر فى جدل الأزمه هل هى أزمة عمال وشغيله ولا ازمة وجود وطن
يعنى ناس وجغرافيا والتاريخ خلو هسع.
|
|
 
|
|
|
|
|
| العنوان |
الكاتب |
Date |
 رسالة مفتوحة الى الرفيق صدقي كبلو واعضاء الحزب الشيوعي ... | Dr Salah Al Bander | 05-17-12, 03:09 PM |
 Re: رسالة مفتوحة الى الرفيق صدقي كبلو واعضاء الحزب الشيوعي ... | Dr Salah Al Bander | 05-17-12, 03:14 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | Dr Salah Al Bander | 05-17-12, 03:27 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | Dr Salah Al Bander | 05-17-12, 11:56 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | أحمد طراوه | 05-18-12, 01:12 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | طلعت الطيب | 05-18-12, 02:50 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | Dr Salah Al Bander | 05-19-12, 05:21 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | طلعت الطيب | 05-19-12, 05:48 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | طلعت الطيب | 05-19-12, 06:15 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | فارس موسى | 05-19-12, 08:09 PM |
| Re: رسالة مفتوحة الى الرفيق صدقي كبلو واعضاء الحزب الشيوعي ... | أحمد طراوه | 05-20-12, 01:07 AM |
|
| |
فارس موسى
فيس بوك
تويتر
انستقرام
يوتيوب
بنتيريست