ناس مراهقون/سخيفون/سفيهون .. إلخ في البورد ديل يتلمّوا في بوست واحد ويدوّروا كيتة بالطريقة الصاح العين في العين يا يرجعوا بوست اللباسات الأصلي و يتحاوروا هناك ويتبادلوا وجهات النظر في الوضع الراهن
فترنا من المساسقة في البوستات الله يعلم
أبو حتوت ع/ محبون الآكشن في البورد
05-14-2012, 02:04 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا ياخبير واخوك كخبير جيواسفيري سابق ومختص بالجيو كركبة الاسفيرية خليني امسك المايك علي عجالة من امري واقول...!!!
دورة حياة الكركبات التي طلت ملامحها في البوستات التي اشرت اليها..حتدور في شكل حلزوني من القاع الي السقف علي ان تتمخض في النهاية في شكل كاسوريات ودشمانات (فيس تو فيسية) وبعضها سيكون حامي الحمي وصعب المراس في اللغة وفي المتابعة وفي الحماس صوب تفريغ شحنات التكجين.. والسوابق الاسفيرية التي بنينا عليها هذه القر اية تحدثنا بان الاشتباك يبداء في بوست ليهو ضل....ومنو بحصل الانتشار في شكل بوستات هنا وهنوووووووووووك حتدور البوستات دي بمكانيزم (لبس الطاقية) واها البخطف الطاقية وبلبسها في راسو هو من سيكون الخصم العنيد في مرحلة الفيس تو فيس...!! وباختصار وتلخيص كل الميكانيزم الكركبي حيكون في المراحل التالية 1- بوست اللمة(وده في الغالب بكون فيهو مغارز وكركبات بالاسلحة الخفيفة 2-الانتشار هنا وهنووووووك في شكل بوستات بعضها موغل في التشفير 3- الكعة والالتحام الفيس تو فيسي...
وعموما سنتابع
05-14-2012, 04:25 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
أوووووووووو هلا بالشباب هلا والله زمن يا كابتن كيكي من الاستديوهات و التحليلات الليلة متعتنا عديل كدة و الحالة على عجالة واحب يا كابتن الفت نظرك لأنو في نوع من الاصطفاف بدا يحصل من البعض هنا وهناك مما ادى المعركة زخم نوعي يذكرنا بأيام المعيار - الله يطراها و صاحبها بالخير كمان نقطة ايغال البوستات في التشفير دي مهمة جدا إذ ان بعض الاعضاء الفات عليهن ادراك الشفرات هنا وهناك تلقاهن بكتبوا ببراءة وما جايبين خبر
لكن الأمر لا يخلو من لقطات طريفة و مميزة زي لقطة الكونت مع ود القاضي في نكتة ادروب و دفار المظاهرات - دي انا حمتني الشغل ساعة او نحوها من الضحك هههههههههههههه
المهم ننصح المتابعين بالتريث و قراءة ما بين السطور فالغافل من ظن الأشياء هي الأشياء
خلدون وحاة الله يدي اكلتني على الاسابيع جنس اكل اليومين ديل الآكشن ايقاعه سريع و بعدين الحذف والتعديل شغال زي الترتيب ودي اكتر حاجة بتبوظ اعصاب الواحد تخش بوست تلقاه برد على بوست مافي او تلقى مداخلة محذوفة او معدلة
يا حبيبها انت راجل عسل والله و احلى حاجة ماخد الموضوع كوميديا و تضحك سااااي
حد يصحي حموودي يا جماعة
05-14-2012, 07:55 PM
سارة علي سارة علي
تاريخ التسجيل: 07-08-2008
مجموع المشاركات: 4413
بس اسمع بيك يا ود البشرى فتحت الأسابيع عشان ادور فيك عرض عينك ما شافته قبل كدا عرض يقول لي ناس الصفايح والعربات وسعد قشرة ..يقول ليهم اقيفوا بعيد انت هو على كيفك؟ ولا قايلا سايبة..
قال يدي ماكلاني على الأسابيع قال يأكلك ام بعلو ..
05-14-2012, 08:22 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
هي لكن يا سرور انت ما شايفة الحالة دي نمسكها من الكوبري - يا قول المطرب الأستاذ طه سليمان امسكي من هجليج الأولى و التانية ثم كيتة بيانات دارفور ثم دكشمان وداع شول ثم كوماج مركز الخاتم تاني و زعلة نجلاء و تقرير - او تقارير - علوب ثم مسألة الشيوعيين ولا ديمقراطيين واشنطن و وهمات هشام هباني مرورا بالدفارات و انتهاء بالصفايح اها عاد دي حالة بتبقى من غير اسابيع
جبريل يااااااا.. ياخي ابو التا اتألقت في الثروباص بتاع الهيستوري الليلك هيثم مصطفى بس ههههههههههههه
05-14-2012, 10:53 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: المهم ننصح المتابعين بالتريث و قراءة ما بين السطور فالغافل من ظن الأشياء هي الأشياء
خلدون وحاة الله يدي اكلتني على الاسابيع جنس اكل اليومين ديل الآكشن ايقاعه سريع و بعدين الحذف والتعديل شغال زي الترتيب ودي اكتر حاجة بتبوظ اعصاب الواحد تخش بوست تلقاه برد على بوست مافي او تلقى مداخلة محذوفة او معدلة
يا ود البشرى ... ياخى أبصم بالعشرة إنك خبير .. أخوك شاف البوست ... وفى باله بوست كده وظن إن البوست التانى بخصوص البوست الأول... وبسرعة لبست الكدارة وجرى و Shooooot ... القى ليك الهدف فى بوست تالت!!! وبعد ما مريت على بوستك وراجعت الموضوع ... ما عرفت اسردب ولا أعدل والعزاء انه البوست المعنى مشتق من البوست الغير معنى ... يعنى الموضوع ممكن يعدى على غير الخبراء ..
وبهذا تم تعيينك إستشارى أول لنا لشئون البورد ... بالقطعة وكده... أول إستشارة ... أعدل ولا أسردب؟؟؟ والحساب يجمع ...
05-15-2012, 00:39 AM
سارة علي سارة علي
تاريخ التسجيل: 07-08-2008
مجموع المشاركات: 4413
امير عثمان دا مالو يا جماعة داير يخرب علينا مجهودنا انا والاستاذ طلحة؟ ود البشرى دا انحنا تعبانيين بنعالج فيه من عقدة " الشوفونية" عشان مصلحتكم انتو اعضاء المنبر تجي انت بجرة كيبورد تبقيهو"خبير"؟ وكمان اول ؟؟ الله يسامحك كان بددتا شقانا انا والعلّامة طلحة قوم من دربك دا عدل مداخلتك بلاي ربنا يعدلا عليك.. لانو زولك دا لو شافا الصباح حنضطر نديهو جلسات كهربا
05-15-2012, 00:54 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
سرور يا ستهم ... عارفك ما بتلاوزي زي ناس البشرى ديل ... الحاصل شنو لانو أخوك شكلو برة الشبكة تماما ... حصل شنو triggered البل ده كلو ؟ كان وريتيني البوست الأول الباقي بفهمو براي !!
05-15-2012, 00:57 AM
رشا احمد رشا احمد
تاريخ التسجيل: 09-18-2010
مجموع المشاركات: 694
اشكرك يا بروف.. وعشانك ابقى ليك تلفون دلاقين.. في موضة في البورد الايامات دي غريبة.. على شاكلة بوستات الكدايس والقطط منها بتاعت العربات الفارهة"اتمسح" أنساك من الفوق ديل وركز لي في بوست سعد قشرة بتاع حبيب نورة.. سيرة تايسا جات انها شاركت في البوست المعني"وهي لم تفعل" قومي يا تايسا ادخلي وانفي وأكيد بشدة مشاركتها ودانت وشجبت"السفاهة" الفي البوست على حد تعبيرها :).. طبعا عشان تفهم الكلمة دي لازم تتطلع على الصور المرفقة اها الكيتة دورت.. قامت الاخت تايسا فتحت بوست الصفايح ومفردتها"سفيهة" باكسنت الدناقلة.. الموج ردا ببوست"السخيفون" ولك ان تتصور اللبع والضرب بين البوستين دا غير المشجعين حاج شلاقة دا "ود البشرى" ما عندو لياقة..فاقترح انو يوحدو البوستات التلاتة عشان سعادتو من قصة الشلهتة بينهم.. البوست الرابح الى الان بوست "الصفايح" لانو تايسا لاعبة براها.. لكن البت تايسا دي طلعت لاعب اجنبي حريف..ما هينة
اها قصرتا معاك؟؟
05-15-2012, 01:16 AM
أمير عثمان أمير عثمان
تاريخ التسجيل: 08-11-2009
مجموع المشاركات: 805
سلمتي يا سرورة و حاشاك من تلفون الدلاقين ... و بدربي ده ماشي اقرأ البوستات دي و أزعم إنو علاقتي من الموج و تايسا بتسمح لي أتحشر في نصهم كان التحشر بحل قضية ...
و هسي عليك الله يا البشري بدل ما تحاول تحل البل ده تقول جيبو لينا كلو في حتة واحدة ؟
05-15-2012, 01:37 AM
سارة علي سارة علي
تاريخ التسجيل: 07-08-2008
مجموع المشاركات: 4413
تمام يا مورتا, و بتوفر على محبي الآكشن الجري و المساسقة :)
سرور شنو سابقا دي !! ياخي ابو الزهور دا في عوالمه براه ما في حد يسأله بالله
أميرنا .. اوعى تعدّل شفت كيف بوستات زي دي ومع الإصطفاف و فرز الكيمان الحاصل دا بتكون موبوءة بسوء الظن ووجود تعديل قد يقرأ في سياق مختلف تماما عن ما عنيته و قد يجعلك طرف في صراع لا ايدك لا كراعك وسيبك من نصايح سرور, فهي غير محايدة و مايلة كتير ناحية الشرق
يا أميننا البقى ما لمّاح اليومين ديل سيبك من سرور و من رشا الاتنين ما بدوك نجيضة- ورد في الأثر المرة كان بقت فاس ما بتوريك الحصل شنو بالضبط - الحاصل كالآتي : بعد البل الحصل في بوست اللباسات طلحة تنظير كتب بوست بإسم "المراهقون في البورد" و فصّل طاقية بالمقاس على بوست اللباسات و الحاصل فيه قوم يا صديق الموج اتدرعها و اكتب بوست عنوان "السخيفون في البورد" و رد الطاقية بأحسن منها لتنظير اهابعض المتداخلين في بوست السخيفون افتكروا طاقية تنظير مقصود بيها تيسير وشاتو ع الاساس دا قومي يا تيسير البسي الطاقية و افتحي بوست باسم " الصفايح في البورد" و بلّت الجميع بدون فرز فا اضطر صديق بعد بلة تيسير المرتدة يشوت في الإتجاه الغايظني في الموضوع انو تنظير طلع منها و عامل رايح زي الما عمل شي في الأثناء دي قام ود الباوقة محصل سوق "الفاعلون" في البورد كتب بوست باسم "الكرادون في البورد" بس ما جايب دخل
رشرش يا دفعة هههههههههه آي بالله ادعمي لينا اقتراح اللمة دا عشان فترنا ما معقول تقرا المداخلة هنا وتمشي تكوس خرتمية محل عشان تعرفها رد على شنو :) الآكشن البتعبوا ليه قدر دا زاتو ما منو فايدة
Quote: لكن الأمر لا يخلو من لقطات طريفة و مميزة زي لقطة الكونت مع ود القاضي في نكتة ادروب و دفار المظاهرات - دي انا حمتني الشغل ساعة او نحوها من الضحك هههههههههههههه
ود البشرى صباح الخير اعمل ليه شنو لكن ادروب ده ..... مصر يطلع في الدفار ويمشي السجن ... هسة مشى وقف لي بي قدام الدفار ويهتف عاشت الثورة بالنص ... لمن جيته مدحرج ...شبكني اسرائيل كيف
05-15-2012, 08:41 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18007
كدا خلينا من الفلهمة ورغوة الصابون العاملا هنا دا.. دا شنو دا هسع:
Quote: كخبير آكشن
يعني كل ما الواحد أبدع في إبتكار العبارات تجىء إتا تستنسخا وتقشر بيها كمان .. بعد كدا ح أشفر إبداعي عشان العينتك دا يقعد يتفرج ساي .. يخس على كدا ياخ .
05-15-2012, 09:07 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18007
جرجير فلهمة البوست بتاعي أوصل الرسالة لكل جدير بيها وتاليا فبالنسبة لي قضي غرضو تماما.. بعد كدا أي ردة فعل سواء كانت بوستات إرتجاعية أوتداعيات تخص (المراهقون في البورد) فأنا غير معني بالتعامل معاها إلا إذا كانت موجهة توجيه دقيق .. شفت كيف ..؟ تحليلك إتا بخصوص البوستات المفترعة من بوست المراهقين بالنسبة لي (طال عمري مع الصحة والعافية) لا يعدو عندي إلا أنه محاولة للتعلق بأستار كعبة المشهورين أمثالي طلبا لبعض الأضواء أو في أحسن الفروض إصطياد في الموية العكرانة وبالتالي فلن يجد مني سوى التجاهل التام( أي التحليل ).. طلحة عبدالله طال عمرو يطرح بوستاتو ثم يستمتع بردود الفعل عن بعد تكلفا وترفعا وأبهة. .......... غايتو يا سارة الجبارة الزول دا يوم بتقطعي ليك فيهو مصران غليظ واللا غضروف واللا شيتا كتر يوديهو التوج .. براحة عليهو ياخ . من جهة أخري طولت الغيبة وزاد الشوق شوق .
05-15-2012, 09:39 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
.. والله لكن يا ود (البشري) كدا كويس .. اخيرا بقيت زول مفيد اهو الواحد عرف بيت العرس بي ووين من بيت السماية .. لاني جيت خاشي الصباح لقيت الباقر جكس .. عامل ليهو رحمتـات .. وقال صايم ..
ولو ساعدتها لينا بي اسبوع سريع كدا صلاخي .. تكون ما قصرت معانا نحن الايامات دي عندنا قراية .. ادونا النجيضة بس يا كمان نرمي الفي يدنا دا .. ونجي نعمل فرش متاع من طرف ..
شكرا .. تمبس .. خبير في الدحرجة الالكترونية .. وبتاع ساندوتشات طعمية مع الأخوان ..
05-15-2012, 01:02 PM
Faris Mohamed Faris Mohamed
تاريخ التسجيل: 11-16-2009
مجموع المشاركات: 380
كونتينا يا.. لا النصيحة لله اللقطة الحلوة و ملعوبة بتعجب
ههههههههههااي يا تنظير أخجل ليك ولاّ تخجل براك ياخوي كان كدا تاني قولة "السلام عليكم" ح تستلمها و تعتبرها حقتك, دا تعبير كومون يا كيشة أخير منك بتاع حق القال من قولة " مش ح تقدر تغمض عينيك" عرف واحد شغال بباسويردين!! ثم بعد دا أتحداك, جيب رابط أو كوت مع التاريخ إنك أول من استخدم العبارة دي
قلت لي وصلت رسالة ههههههههههه, سمح خليك قافل على كدا
وين يا حموودي فاقدك والله و شايفك عامل جادي ههههههههههه توصيتك ع العين و الراس لكن كدي شوف لي سرور دي, هرشتني عدبل كدا وياخي مولد سلف/سلفيا ما فاتني, لكن اخوك كبر وصحتو بقت ما بتساعد, كتابة اخونا محمد جمال عايزة شباب فِت يهضموا الزلط هههههههههههههه
وين يا تامبا قلت لي خبير طعمية هههههههههه تابع ياخ في لقطات قع تجي مبالغة اوعى تفوتك
كخبير رصد ومتابعة, وبعد التطورات الأخيرة في سير المعارك انصح المتابعين بمراعاة تواريخ وتوقيت المداخلات هنا وهناك عشان وانتو بتساسقوا تعرفوا ياتها رد لياتها
أبو حتوت خبير متابعة و توثيقات
05-16-2012, 03:10 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
Quote: كخبير رصد ومتابعة, وبعد التطورات الأخيرة في سير المعارك انصح المتابعين بمراعاة تواريخ وتوقيت المداخلات هنا وهناك عشان وانتو بتساسقوا تعرفوا ياتها رد لياتها
أبو حتوت خبير متابعة و توثيقات
عاجبك المسلسل دا يا جوافة عطبرة انت مش ؟ انا زاتي عاجبني
بعدين ياخ بوست المراهقون دا ما فات علي ...وهو الجاب كوما السخيفون في البورد اي نو ذات يا جوافه ... بس حبيت اعدل الترتيب الزمني لي بوست سخيف افندي و صفيحه هانم ^__^
يا ود البشرى راجع الخيط كويس وارجع البصر كرتين ولاحظ لتجويفات طلحة الجاته في صمة خشمه ... ورغم رده الناشف حينها ... الا انه انتظر لمن لقاها مقنطرة وشاتها للسخيفين
_________ خارج البوست ... وبصراحة كده ....كمببببببببببلت دي عجبتني رغم اني بلعب كعود وام الصلص وبفلع المنقة يس
يا خلدون انا قاصد بي " ياتها رد على ياتها" المداخلات يعني اي مداخلة ترد على اي مداخلة غض النظر عن جنس صاحبها أو صاحبتها اما بالنسبة لصاحبك الغراب فدا النصيحة ليك يا الله غلبني اعرفوا كلو كلو قدر ما راجعت البوستات و حاولت أعيّر الطاقية على الريسين المختلفة ابت تركب كلو كلو
أوووو أميننا الذي هو معجب بسيريـال كيلر:) لكن ما انتهيت مني بحكاية آندي دا , دوق ويلسون ما اخير عليك النبي هههههههههههههههههه
عايزة الجد يا رشا, ما عاجبني نهائي - رغم بعض اللقطات الحلوة لكن شغل الهمز واياك اعني ياجارة ما لذيذ و لا يليق و متعة و قوة الآكشن دايما في المواجهة و العين في العين, ثم انو الموضوع لو رجعنا لي اصله ح تلقيه لا يستحق القيامة الرابطة دي كلها, لكن ردود الفعل العنيفة و كم الأذى اللحق بالجميع وصّل الموضوع لنقطة اللا عودة و أأكد ليك من تجربتي ان المعارك من النوعية دي الواحد بكون بكتب و يسخر من خصمه و يرش في الوشوش الضاحكة ويبدو كأنو مستمتع لكن في الحقيقة من جواه بكون متضايق جدا و بقدر الأذى البسببه للآخر بكون حاسي بيه جواه والوضع بكون اقرب لعربية وحلانة كل ما زاد ضغطت على البنزين كل ما غرزت زيادة الناس ما جات البوردات عشان تقضيها توتر و حرق اعصاب اولريدي متوفر بكثرة في الحياة الواقعية عشان كدا كثيرا ما يكون الطناش و let it go خيار افضل بكتير
يا كونتينا ... لا انا ما بتفق معاك في بوست المراهقين تنظير واضح انو كان شايت بوست اللباسات ورواده كان مغالطني اسأله, وان كنت انا عارفه الفقر عشان يطلّع قرايتي غلط ممكن ينكر عادي
منال يا استثنائية .. لكن ما حيّرتينا وكدا في غرابك دا , الطاقية دي ما عرفت ارسّيها في اي حتة ههههههههههه
انتو مسؤولين من الخير ... تراجي وين؟ نعل ما نزلوها الكونفيدرالية هههههههههه
05-16-2012, 09:42 PM
سارة علي سارة علي
تاريخ التسجيل: 07-08-2008
مجموع المشاركات: 4413
اووووووووو الحق ..ناس الحزب ابو لون اخدر دخلو الملعب.. معناها تراجي أكيد حتظهر.. البورد داير مطافئ قدر اخف من قدر.. اتخيل حبايبنا المقاطعين لو كانو في.. يمين البورد دا ما كان يطفيهو الا الهكر يا حليلكم يا ناس سناء وقمر والآخرين ليكم فقدة :)
05-16-2012, 09:04 PM
ناصر احمد الامين ناصر احمد الامين
تاريخ التسجيل: 03-29-2009
مجموع المشاركات: 2913
شوف يا البشري ... امبارح بعد كلامك مشيت قريت بوست حبيبها بتاع كلام الطير في الاندروير .... و قريت بوست الموج و بوست تيسير ... و رغم إنو المواضيع الزي دي أخير الزول يلم خشمو عليهو و بالذات لمن تكون علاقتو طيبة جدا مع كل الأطراف ... لكنها كلمة الحق التي ما تركت لنا صاحبا ... أنا شايف الموضوع كالاتي : إشتبه الأمر علي مها و ظنت إنو تايسا كتبت في البوست و شكلو إنو هذا لم يحدث ... بعد كم مداخلة مها اعتذرت ... الموضوع ده كان ممكن يقيف هنا و الفلم ده ينتهي قبلو .... لكن كلام تيسير عن البوست و المشاركين هو الأدي للبل الحاصل ده كلو ... مشيت أجيب الكلام بالظبط و يبدو إنو البوست لحق الزينين .... حقيقة البوست ما عجبني ... و لا عجبتني الصور الفيهو ... و دي حته الناس ممكن تتفق و تختلف فيها ... لكن ما ممكن أجي أقول الناس الفي البوست كذا و كذا و البوست ذاتو كذا كذا ... حسنا فعلت تيسير لمن خشت تقول انها ما شاركت في البوست أصلا ... لكن ما كان في داعي لباقي الكلام ... لو تايسا شايفة إنو البوست كان سفيه مثلا ... تخش تقول للناس يا اخوانا أنا ما كتبت هنا و بعداك بالخطوة السريعة تتخارج ... ما كان في داعي أصلا لباقي تعليقها علي البوست .... كل زول عندو ID بكتب بيهو و الناس بتتعرف علي الزول من خلال كتابتو ... و ما في زول بحاسبو بجريرة زول ....و لا بشكرو بكتابة زول تاني ..كلو بيحاسب بصفة شخصية ... يبقي مافي زول وصي و قيم علي تصرفات الناس و كتابتها إلا من باب النصح و ما أظن كلام تيسير كان داخل في حتة النصح دي .... انتهي* ...
----------------- انتهي* دي بلة جديدة جابها حبيبنا محمد جمال !!
05-16-2012, 10:55 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب يا بروف سؤال.. لمن تجي تدي رايك انو الكلام دا ما صاح بحكم انو المنبر دا بيمثلنا بطريقة او باخرى او قول غيرة على البمبر دا.. يقوم يجوا يقولو ليك بما معناهو انو فهمك ما تمام وبالتالي قرايتك للمداخلات ما تمام والكلام وااااااااضح وانا بقصد هنا بوست العربات..اها في الحالة دي ترد تقول شنو؟
05-16-2012, 10:49 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ببغاء يا سرور و عشان بكرر في كلام تنظير !!! قادر الله , تنظير منو كمان البكرر كلامو وهو شن الكلام ما الورجغة الفارغة التي لاتسمن او تغني دي غايتو مقبولة منك البتقع من بت العم إلاّ قعادها ولا حلو على الأقل بركة الما بقى ود ابرك هههههههههههههه
ابو الزهور امورو عال العال يا ناصر ينجر في نجريه و عايش في عالمه و اهو مدردقة معاه
كخبير صيد في الماء العكر عايز انبه لحاجة انو جل الكيتات الأخيرة اطرافها محسوبين على المستنيرين وكلها كيتات ما لذيذة و فيها نشر غسيل و سلخ و ضرب تحت الحزام بدءا بكيتة البيانات التم فيها تبادل اتهامات بالعمالة و الغواصة و شغل مع اليهود و عدم امانة و قوالات ما ليها اول ولا آخر مرورا بفلم مركز الخاتم اـ"صاحبه" الباقر و ما يدور من اتهامات بفساد و تجاوزات مالية و ادارية وحكاية التحالف الديمقراطي و الشيوعيين و اتهاماته المتبادلة و الملاحظ اهتزاز صور الكثيرين من المعمدين (مناضلين) و (شرفاء) و (نبلاء) ... إلخ فقط لكونهم مناوئين للإنقاذ هنا اعيد سؤالي الما بفتر من تكراره بعد ان بان كوك معادن (الشرفاء) في مخادة الخلافات - المفروض انها عادية الا تحتاج صفات مثل شريف نبيل ....الخ تحتاج لإعادة تعريف
05-16-2012, 10:53 PM
سارة علي سارة علي
تاريخ التسجيل: 07-08-2008
مجموع المشاركات: 4413
كخبير آكشن و عشان يكون الشغل نضيف وعلى "مية بيضا "احب اذكر بعض الملاحظات ورد في الأثر انو الدواس بلاغبينة ما ببقى, فيا عزيزي المداوس إن لم تكن لك غبينة حقيقية فما في داعي ان تخلقها من العدم بإصطفافك مع احد اطراف النزاع لا داعي لكسب عداوات مجانية, ان اختلف طرفان امامك فإن لم تتدخل لإصلاح ذات البين على الأقل لا تنصر احدهما فبذلك تكسب عداوة الآخر بلا مناسبة أو داع ح يجي اليوم الينعلوا فوقو ابليس و تهدا النفوس و يتعافوا اها انت موقفك شنو حينها من الاعراب
تاني شي حتى لو عندك غبينة ما فالحق احق ان يتبع و يقال طيلة الوقت -ود اعنيك بيها يا كونتينا - شهادتك الأخيرة في بوست تيسير خاطئة, و اقتباسك الجبتو لكلامها ناقص راجع في مداخلتها الأصلية حتلقاها كتبت كلامها باعتبارو رد على ذكر الجينات الوراثية في مداخلة لمها سابقة تاريخ كلامها
نصيحة تانية بالنسبة للطواقي , يا خوانا طاقية ما ذكر فيها اسمك عديل كدا ما تتدرعها ساي - يعني يا رشرش ما كان في داعي تلبسي طاقية وهبة الوااااااسعة
و للجميع يا اخوان الخلاف بحصل ودا شي طبيعي و سنة الحياة طالما الناس مستقلة في تفكيرها واهتماماتها و طبائعها و الناس بتختلف و تتفق و العداوات عادي ممكن تنتهي عشان كدا في حدود يجب مراعاتها و عدم تجاوزها عند حدوث مشكلة او مواجهة فاسباب المشكلة ح تزول لكن الاذى الذي قد تتسبب فيه بعض التجاوزات الجارحة لن يزول بسهولة وسيكون سبب لمعارك أخرى و أخرى فالناس حقوو تخت خطوطها الحمراء النفسها و تكون ببساطة هي الما بترضاه لرقبتك يتقال ليك او يتقال عنك فبالتالي لا تقولو لـ أو عن زول و خلاص
ازيك يا مكاشفينا فعلا الخور بقى سترة و غطا, وقت جيت و الله جابك يا مكتاشفي القوم ياخي انت مرة كوّت تعليق لي متعجبا عن عمك السبعيني و قدرته على تدوير البوابير الأربعة العظيمة الكانت معاه في الصورة و حقيقة استنيت اقرا وجهة نظرك في المسألة لكن اظنك انشغلت وأنا زاتي انشغلت فما دام جات المناسبة كدي قول رايك شنو لو في حاجة ما وضحت أحب ما علي اوضحها ليك
05-18-2012, 12:25 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا ياعمك والليلة الجمعة لقينا مساحة وزمن ومن الصبااااااح اديناها سفة وفجاة كده لفة في حلبات (الكركبات) التي تدور بنيران هادئة ومغازر وضرب بالكتوف 0(نظام تضرب وتعمل فيها رايح) وكده.. وزي ما قلنا سابقا بان الكركبة 1-بوست لمة 2-بوستات هنا وهنوووك 3-الالتحام الفيس تو في فيسي والفاينال لاحظنا بان المرحلتين 1 و2 خلاااااص (عدن) والديربي الان جوووووووووه (الجك) والطواقي خلاص اتفصلت بطريقة احرف تزري في مدني الصغير نواحي (عماري بوش) ما بقدر عليها ... الالتحام الفيس تو فيسسسس والملامح والكمونية بقت واضحة بسسسس دايرة ليها دفرة دفرتين من (بتوع) الاستقطابات او قرار سياسي لاعلان حرب وساعتها الانفجار الماكوكي حيحصل ولكن السؤال الذي يفرض نفسه الان هو كيفية حدوث هذا الالتحام 1-هل عبر الاقتحام الجوي للحلبة 2-او افتراع حلبة او حلبات جديدة 3-وهل ستاتي مستجدات جديدة تاخر الانفجار الماكوكي وتاجله هذا ما سنتابعه
وعموما الله يكثر الجمع والعطل الرسمية ويا منبر احفظ ما فيك من كركبات
Quote: نصيحة تانية بالنسبة للطواقي , يا خوانا طاقية ما ذكر فيها اسمك عديل كدا ما تتدرعها ساي - يعني يا رشرش ما كان في داعي تلبسي طاقية وهبة الوااااااسعة
لكن دي مفصّلة بالسنت ^___^ .. و الخياط حرريف لكن قاسي
---------------------------------------
وعشان أكون معاكـ صريحة يا ود البشري ... في حاجة اسمها تورية وفي كناية وفي ألوان من التشبيهات ما عندها حد .. الكلام المغلف دا أجمل شئ بالمناسبة .. و أنا بختلف معاك تماماً في نظرتك لـ الحاصل بين الصفايح و السخايف .. الغمز و اللمز او ما يسمى دارجياً بالمطاعنة ... بختلف توصيفو حسب الوضع و الحالة .. هنا في حالتنا انا شخصياً ما شايفاهو مطاعنة او غمز ولمز .. قول لي ليه؟ لانو ببساطة الطرفين بيرسلوا في رسائل واضحة وموجهة دايركتلي وان بدت غير ذلك .. اضف اليها الرمزية ودي اللي بتجملها .. بغض النظرعن الخشونة الحاصلة والحدة ..انا بتكلم بشكل عام .. أما الحصل من أستاذ عبدالوهاب دا بصراحة ماجميل على الاطلاق .. إن كان الكلام موجّه لي او لي غيري (وخاصة انهم في الاخر فيميلز) الرجال مع بعضهم يصطفلوا ^_^.. ما علينا منهم .. بعجبني حقيقي الترفع عند الرجال .. احنا بتحكمنا العاطفة اكتر من العقل ... الطاقية دي انا لبستها وانا واعية تماماً انو اوفر 50% تكون حقتي .. لكن ماحسبتها كدا برضو ..شلت الـ 100% عشان الكلام نفسو جااااارح ..بغض النظر عن المقصوده منو ..جااارج جداً و لفئة محدودة يا ودالبشري بدليل انوبقول ياخ ديل ظاااهرات ..وانك نفسك حتتعرف عليهم .... صاح والا انا غلطانة ؟ انت بتزعل بس عشان نفسك ؟ ما أظن الشايفاهودا انت بتزعل حتى عشان غيرك ..ودا الحصل ..المهم كل القصة كانت لفت نظر لـ إعادة النظر ما اكتر ...
وانا بحب البس الطواقي بالمناسبة ^_^
لقيتك [ج م ي ل ] لكن يا ود البشري .... لايكـ مرفوع لـ القوة دشليون
كما لا يفوتني ان اعبر عن اعجابي بـ تجمّل أستاذ عبد الوهاب ..و اقول ليهو ما عليكـ ... برضو صفعة في محلها وإن كانت قاسية .. خلتني اعيد النظر في حاجات كتيرة ....
05-18-2012, 07:23 PM
رشا احمد رشا احمد
تاريخ التسجيل: 09-18-2010
مجموع المشاركات: 694
كعقول يا كيكي يعني الفلم دا يستمر كدا لغاية الجمعة الجاية قلنا يخلص بعد كدا و نبدأ فض الإشتباك و فصل القوات
رشا يا دفعة كم كدا هجرية :) يمكن نختلف في تسمية الحاصل دا اذا ما كان همز ومطاعنة ام تورية ورسائل مغلفة لكن على الأقل بنتفق على عدم المباشرة الفيها ودي الحاجة الانا شايفها سلبية في الآكشن كما انو عدم المباشرة بدي مساحة للتجاوزات البتسبب دامج إريفيرسبل يعني الليلة بعض الأوصاف و النعوت الهنا وهناك ما اعتقد انو اطراف النزاع حتوجهها لبعض بالإسم و عينك عينك كدا ودي ميزة الشغل المباشر بكون فيه نوع من الكونترول وعدم تجاوز الحدود - ما جبن أو خوف حتى لا يفسر قصدي بطريقة خطأ
و اكيد يا رشا بزعل عشان نفسي مش معناها ما بزعل عشان غيري لكن انا على قناعة بانو دا عالم تخيلي موضوعي الرئيس فيهو تقضية الوقت ما أكتر فمريح روحي في مسألة الطواقي دي يعني حتى الممكن يكون عليها اسمي احتمال كبير اطنشها خليك من اشوف طواقي التانين كمان دي نقطة غلاط بيني وبين سرور من زمان, البت قلبها حار و شايله همها وهم غيرها عشان كدا طوالي فايرة وعاملة زي البروفايل بتاعها هههههههههههههههه بعدبن بصراحة كدا وهبة دا فردتي و بيناتنا مصالح وامور كدا فما بغلّطوا على الاقل في العلن :)
ارشح مكسيم الشامي يفوز الليلة :)
05-18-2012, 09:02 PM
رشا احمد رشا احمد
تاريخ التسجيل: 09-18-2010
مجموع المشاركات: 694
بغض النظر عن المصالح المشتركة ... انا بتفق معاكـ هندرد بيرسنت انو من الخطأ نصح الصحاب علناً ..و الكلام دا قلتو قبل كدا ..في براحة اسفيرية أخرى ..شفت كيف بنتفق ؟
بعدين سؤال صاح أو غلط هو في أصله تساؤل يا حتوت لا يحتاج ان تنفيه أوتثبته علناً .... ما انا البحشر زول فاااهم زيك في حتة حرجة ..
يا معلم صادف وأنا بقرا في البوست دا بالليل وأم روان بتتفرج على عمكـ البكوركـ دا .. أها قلت ليها الزول حا ح يفوز (معتمد على كلامكـ دا) قالت لي عرفت كيف؟ قلت ليها واضحة ياخ .. صوتو سمح!!
_ يا جماعة .. شوفو لينا وفد وساطات يجي يتفاهم مع الكفيل دا يرحمنا من الشغل شوية!!
05-19-2012, 11:18 AM
احمد الأمين على إدريس احمد الأمين على إدريس
تاريخ التسجيل: 04-25-2010
مجموع المشاركات: 678
Quote: أحمد الأمين ود إدريس ماعندي غير أقول ليك الله يهديك بس .
اللهم امين ياطلحة ياخ يهدينا ويهديك ويهدى الجميع لكن بالجد كدا مداخلتى اعلاه وان بدت مشككة فهى لاتمنع ولا تنفى البتة اقتناعى التام باخطبوتيتكم واهو فرصة نسلم على حمودى حيث يبدو ان ال CC وصلتو ونفذ واتجدع ونظر بناء على ماجاء فيها
05-19-2012, 12:09 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: شوف يا البشري ... امبارح بعد كلامك مشيت قريت بوست حبيبها بتاع كلام الطير في الاندروير .... و قريت بوست الموج و بوست تيسير ... و رغم إنو المواضيع الزي دي أخير الزول يلم خشمو عليهو و بالذات لمن تكون علاقتو طيبة جدا مع كل الأطراف ... لكنها كلمة الحق التي ما تركت لنا صاحبا ... أنا شايف الموضوع كالاتي : إشتبه الأمر علي مها و ظنت إنو تايسا كتبت في البوست و شكلو إنو هذا لم يحدث ... بعد كم مداخلة مها اعتذرت ... الموضوع ده كان ممكن يقيف هنا و الفلم ده ينتهي قبلو .... لكن كلام تيسير عن البوست و المشاركين هو الأدي للبل الحاصل ده كلو ... مشيت أجيب الكلام بالظبط و يبدو إنو البوست لحق الزينين .... حقيقة البوست ما عجبني ... و لا عجبتني الصور الفيهو ... و دي حته الناس ممكن تتفق و تختلف فيها ... لكن ما ممكن أجي أقول الناس الفي البوست كذا و كذا و البوست ذاتو كذا كذا ... حسنا فعلت تيسير لمن خشت تقول انها ما شاركت في البوست أصلا ... لكن ما كان في داعي لباقي الكلام ... لو تايسا شايفة إنو البوست كان سفيه مثلا ... تخش تقول للناس يا اخوانا أنا ما كتبت هنا و بعداك بالخطوة السريعة تتخارج ... ما كان في داعي أصلا لباقي تعليقها علي البوست .... كل زول عندو ID بكتب بيهو و الناس بتتعرف علي الزول من خلال كتابتو ... و ما في زول بحاسبو بجريرة زول ....و لا بشكرو بكتابة زول تاني ..كلو بيحاسب بصفة شخصية ... يبقي مافي زول وصي و قيم علي تصرفات الناس و كتابتها إلا من باب النصح و ما أظن كلام تيسير كان داخل في حتة النصح دي .... انتهي* ...
كان صديقي ( أ . ع ) يقول دوماً في حضوري وفي غيابي أنني أنا ( عاطف عمر ) كاتبه المفضل في البورض .... عشت الزهو زماناً فلم أعهده متملقاً أو مرائياً أو منافقاً ..... زين لى شيطان الغرور أن أبحث عن دور نشر ( معتبرة ) تطبع هذا ( الإرث الإنساني ) وتحميه من الضياع . بدأت ألحظ أن ( لهجته ) قد بدأت تتغير وكيف أن البروف أمين محمد سليمان قد عبر عنه في الموضوع الفلاني .. وكيف أن البروف قد صاغ أفكاره في الموضوع الفلتكاني بأجمل مما كان يمكنه أن يفعل إلى أن رماها لي ذات يوم دلللللللللل " نصبت البروف أمين كاتبي المفضل " فمازحته.... وأنا ؟؟ ألم أكن كاتبك المفضل ؟؟؟ فألقى بقنبلته ( الحقيقية )
" إنت شنو ياخ ؟؟ إذا كنت إنت ذات نفسك بتعتبر البروف أمين هو ( خضرك المنبري ) عاوزني أباري ( الحيران ) وأخلي ( الخضر ) "
ومع ذلك شكراً بروف أمين
_________________________
نشبت ذات يوم شكلة لها ضل بين إثنين من أخواتنا الفضليات .... شكلة يعتبر ما يحدث حالياً بالنسبة لها كـ ( شكلات أولاد البندر ) الزماااان تربطني بهن علاقة قوية.. ظننت أن مكانتي عندهن سوف تمكنني من ( وقف العدائيات ) بمجرد مداخلة واحدة كتبت أكثر من مداخلة والحال في حالو هاتفتني صديقة مشتركة لى ولهن وطلبت مني أن أنسحب ( حفاظاً على مكانتك عندهن ) ... لم أستوعب معنى أن أرى أصدقائي يتطاحنون وأنا أتفرج عليهم ففاجأتني بما ( إكتشفت أنه حكمة عميقة )...
" في المشاكل البتحصل بين البنات أصلو ما تعاين للسبب الظاهر قدامك مهما كان واضح.... جوة واحدة منهن أو جواهن الإثنين بكون في سبب أو أسباب تانية هى المحرك الحقيقي والسبب الإنتو شايفنو قدامكم دا بيكون هو قشة الكبريت بس ..... "
________________
مناسبة طيبة للقول أن ود البشرى هو ( ملك المتابعات والرصد ) أو كما كان يقول الرئيس الأسبق المرحوم جعفر نميري " ظللت أرصد وأتابع ........... "
05-19-2012, 10:45 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: هههههههههههههههههه أمين يا قريبك مالك علي ياخ لكن في شي ما مفهوم في الموضوع جرينولي دا كان عارف التأثير وهو بسعى لتركيب العطر ولا صدقت معاه ساي
اى عارف التأثير.....يا مان الزول دابعتمد ######ّا على حاسة الشم......وزى ما عارف انو اتولد من غير ريحة الانسان اشان كدا فى وهو شافع كلهم لاحظو للغرابه دى و لاوزو منو.......لكن بعد داك قدر يعمل ريحة الانسان من المكونات دييك اشان المجتمع يتقبلو.....و الزول دا ذاكرتو معتمده كلياً على الريح واى ريحه شماها بتتسجل فى ذاكرته........ و مهمة حياتو بقت انو يعمل the ultimate perfume.....وزى ما شفت انو بجيبها من البنات العذراء البكتلم..............و لمّا نجح فى اختراع ال ultimate perfume شفتا براك تاُثيرو على الناس شنو.....يعنى شغل خبره ما صدفه
تخريمه ------------------------------ شفت امو ولدتو وجدعتو كيف
05-25-2012, 08:40 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا دكتورة (^_*) انا كخبير سيكلوجية تصويت و نتائج مسابقات :) لا ادعم ترشيح مكسيم للنهائيات باعتبار صعوبة موضوع الأوبرا, اللهم إلاّ لو أعاد أداء "فيقارو" مرة تانية بالنسبة لمنال نعم ممكن تتقدم لكن حتلاقي منافسة قوية من داليا شيح ومن شمة الإماراتية ( بس شمة تساعدنا شوية في اختيار الملابس)
عموما ادناه ترشيحاتي للنهائيات
لولا ان اغلب الترشيحات تصب في صالح الغناء لجزمت أن اللقب ما بطلع من واحد من الشباب ديل
عن نفسي كنت اتمنى ان يفوز تيم خواطر الظلام لكن لا اثق في مقدرتهم على منافسة المذكورين اعلاه
وكان على ناصر اكيد كان ح يفوّز بت اللذينا دي
شوفيها جابت راسو كيف هههههههههههههههههههههه
عموما سنتابع - يا قول الصادق
06-02-2012, 03:26 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
هههههههههههههههههههه يا حبيبك نسوّي شنو مع السوق النام دا قلنا بدل ما نهلك الباندودث نستثمر المساحة الهنا يلّا شد حيلك معانا واطلع لينا بمصيبة زمان تانية - بس قبل رمضان الله يرضى عليك :)
06-02-2012, 03:51 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: هههههههههههههههههههه يا حبيبك نسوّي شنو مع السوق النام دا قلنا بدل ما نهلك الباندودث نستثمر المساحة الهنا يلّا شد حيلك معانا واطلع لينا بمصيبة زمان تانية - بس قبل رمضان الله يرضى عليك :)
لا كان كدي عاااااقل وفعلاً خبير روسي وبخصوص الوصية دي علي العين والراس
لكن لو أستمرت كسهرات رمضانية برضو ما بطال
أريتو رمضانا أنا وحافظ حسين السنة الفاتت رمضان السرور
06-02-2012, 04:01 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا دكتورة انا قلت خبير ما قلت نبي ههههههه بعدين انتي عارفة حركات الخلايجة و الأرادنة في التصويت نظام الواحد عندو عشرة تلفونات و يدوّر رغم كدا لو راجعتي مداخلتي ح تلقيني مرشح اتنين (داليا و الشباب) رغم اني متوقع شمة وقلت لو ما كانت الأفضلية للغناء كان انحصر الترشيح بين المغاربة و الود السوري وان كنت اتمنى - لاحظي اتمنى - فوز خواطر الظلام و الأخيرة بتاعة ناصر دي هوادة ساي, محض طعمية ههههههههههههه
06-02-2012, 03:58 AM
Amin Salim Amin Salim
تاريخ التسجيل: 02-03-2012
مجموع المشاركات: 677
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
عبدالكريم الامين احمد
خالد عبد الله محمود
حبيب نورة
سارة علي
طارق جبريل
مرتضى احمد عبد القادر
أمير عثمان
أمين محمد سليمان
رشا احمد
طلحة عبدالله
محمد عبد الماجد الصايم
Faris Mohamed
tmbis
aydaroos
العوض المسلمي
Amin Salim
ناصر احمد الامين
المكاشفي الخضر الطاهر
احمد الأمين على إدريس
عاطف عمر
فيس بوك
تويتر
انستقرام
يوتيوب
بنتيريست