اقرب الى المعيار !!! ظاهرة البورد الجديدة !!!

مرحبا Guest
اخر زيارك لك: 05-05-2024, 07:54 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
05-14-2012, 10:52 AM

عبدالمجيد الكونت

تاريخ التسجيل: 04-15-2009
مجموع المشاركات: 5613

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اقرب الى المعيار !!! ظاهرة البورد الجديدة !!! (Re: طارق جبريل)

    انت يا رفاعي سمعت قصيدة الحبيب حقت حبوبة ولا ما سمعتها
    كان ما سمعتها ... انصحك بشريط قرشي الحجير - شاطئ الهوى - بتلقاها فيه
    اقراها كويس ؟؟؟؟




    حبوبه يا مرة العدل حاشاكي ما لمتك انا
    أنا جايي لى سراً قديم دافننو في بجبوج هنا
    هاكي الجواب أقريهو بي تاريخ متين
    شوفيني عديت كم زمن حايم أفتش في كنين
    كل البنات الكانو في حلة سعد
    لاقني راجعات العصير جابن جريد ما عندو حد
    جارات مسابقات العجاج خايفات من الهوا والرعد
    لكن كنين ما شفتها لا يبقى راحت للأبد
    والحق كنين لا ريشه بتشيلا الهبوب لا شالا سحار ود حمد
    أنا متهم ناساً كُبار وبالذات كمان شيخ البلد
    أنا متهم كل المشايخ من طرف
    ضايف على ورق اتهاماتي العُمد
    أنا ضد تقاليداً بقت في جيدنا حبلاً من مسد
    وكل الظروف الفرتقت عش حبنا
    هجرت أمانينا الزمان لامِن عليها الطين بنا
    يا صمد ساقتنا ما لاقيت كنين
    ارأف على حالتنا ما بيناتنا طين
    همك مع طلب التمر وأنا في كنين
    ظنيتا في درس العصر باريت دريب المدرسه
    صاقر ولاد جابر براي لامن علي الليل مسا
    درَّجت ماشي على البيوت أكلت فؤادي الوسوسا
    سويتا قيرا مع البطان غنينا ود الزمزمي
    يا شيخ عليك الله تجي يا زول تعال بي عندنا
    إن درت بقسم لك عشاي وإن درت نضبح عنزنا
    حاسبنا كورك يا ولاد ما تمشوا سيبوا الشيطنه
    قلنالو مبروك يا فلان
    ضابح أماني مع الخروف
    جبنا الأباريق من نهار غسَّلنا إيدين الضيوف
    قال ليَّ إنت ولد منو
    يا إبني لوحك في شنو ؟؟
    جاوبتو والإبريق فضى
    أنا شافع الزمن المضى
    أنا ضد تقاليداً عجاف رهنت حياة الناس هنا
    حمَّر لي بي عيناً لهب طنطنت ما عارف خطاي
    لزاني قالي قليل أدب إترتع وقعت على قفاي
    وأديتوا في المليان شعر كلماتي فوقو مدوزنه
    صيَّحت بي آخر حنين يا شافعة إنتي مشيتي وين
    شالك حمار النوم متين أنا في رجاك كمين سنه
    فتشت بعدك في الودع كايس وجيهك ما اتلقى
    طوطحت معلاق الفكر في خاطري صورة معلقه
    قدام عيوني اندلدلت تشبه حبال المشنقه
    خلتني عايش في شرود دايماً محدق في الفنا
    مرحاتنا من زمن المجد ما شفت فوقن قينقرد
    طولنا راجين الرهد يا قوزنا ليه بحرك شرد
    رقدت مراكب في اليباس قلَّعت خايد باللباس
    عيشك على مر الزمن مرمول ضنا
    زارعِك أماني على الجروف
    نامت بامنيتي الظروف
    من حجوة جمَّعت الحروف عديتا طلعت بالألوف
    دونت إسمك بالعريض فاطني أم حجل يا بتنا
    هبت نسايم الليل تسر دبت على ذكراك دبيب
    مريت بي قبل العصر والشمس مالت للمغيب
    سامع بنات يتحدثن
    بارن خطايا يوسوسن
    يومِن علي ويضحكن
    حصنت نفسي وفتهن
    عصرن علي يتكلمن
    رديت عليهن طنطنا
    رغم الفراق البينا طال
    صورة عيونك في الخيال
    أرفع على دارك خطاي القاها غاصت في الرمال
    عايش تحت إيدك سنين
    مطرق سنط شوقك مَتين
    ضارب على مزمار حزين
    يوماتي متواتيك غنا
    يا قمرة ارمي السنسني
    واجم علي زمناً دني
    شوفيلي كيف أحوالا كيف قوليلا بالشوق منحني
    عاينيلا لا غاية الليدين حادّاني ولا محنّنا
    قطَّع عصب صبري الحنين
    يا دنيا سعد الغابة وين
    شلتيهو فد زول ما بكا
    محت المشاغل ذكرتو
    نبشت قوافي تربتو
    مدفونة وين يا سرتو
    لو ما في زولاً في عقابك يا سعدي ابكيك أنا
    ابكيك بكايا علي شليل يوم شالوا تمساح الهموم
    عاكف علي ليلاً طويل من طولو ساهر بي النجوم
    متمني ارجع زي قبيل طفلاً على الأحضان ينوم
    يا دنيا سُب فوقك عديل ما طال خيرك ما بيدوم
    أصحاب يمينك في اليسار واصحابك يسارك ميمنة
    حبوبه كتري من حجاي حجيني زين لا تنعسي
    شايل أحاجيك في غناي شيت الصُغُر ما بيتنسي
    يا ريت كنين كانت معاي كانت تقولك ونسي
    دايماً محلق في سماي تشكيل قواما الهندسي
    راسم على ألواح شقاي لوحات جميلة ملونة
    زي زيني قومي على عشاك أكليهو يلاكي المديح
    الليلي عند الحاج فلان من بدري نبَّاهُن يصيح
    باكر يسير الحاج فجُر أدمع على الخدين تسيل
    يمشوبوا خلوة ود بدر يرتاح هناك يبدأ الرحيل
    عيشك على مر الزمن مرمول ضنا
    زارعِك أماني على الجروف
    نامت بامنيتي الظروف
    من حجوة جمَّعت الحروف عديتا طلعت بالألوف
    دونت إسمك بالعريض فاطني أم حجل يا بتنا

    (عدل بواسطة عبدالمجيد الكونت on 05-14-2012, 10:59 AM)
                  

العنوان الكاتب Date
اقرب الى المعيار !!! ظاهرة البورد الجديدة !!! الرفاعي عبدالعاطي حجر05-14-12, 10:26 AM
  Re: اقرب الى المعيار !!! ظاهرة البورد الجديدة !!! طارق جبريل05-14-12, 10:43 AM
    Re: اقرب الى المعيار !!! ظاهرة البورد الجديدة !!! عبدالمجيد الكونت05-14-12, 10:52 AM
      Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-14-12, 11:11 AM
        Re: اقرب الى المعيار !!! ظاهرة البورد الجديدة !!! صلاح أبودية05-14-12, 11:30 AM
          Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-14-12, 11:41 AM
            Re: اقرب الى المعيار !!! ظاهرة البورد الجديدة !!! عوض عبدالله طه05-14-12, 12:35 PM
  Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-16-12, 06:44 PM
    Re: اقرب الى المعيار !!! ظاهرة البورد الجديدة !!! تولوس05-16-12, 09:15 PM
      Re: اقرب الى المعيار !!! ظاهرة البورد الجديدة !!! AMNA MUKHTAR05-16-12, 09:19 PM
        Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-16-12, 09:37 PM
          Re: اقرب الى المعيار !!! ظاهرة البورد الجديدة !!! زهير عثمان حمد05-16-12, 10:38 PM
            Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-16-12, 10:51 PM
              Re: اقرب الى المعيار !!! ظاهرة البورد الجديدة !!! Mohamed Abdelmotalib Hassan05-17-12, 00:29 AM
                Re: اقرب الى المعيار !!! ظاهرة البورد الجديدة !!! الرفاعي عبدالعاطي حجر05-21-12, 11:39 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de