المرة الجاية واحد يتبرع لينا بـ بوست (السعرانين في البورد) بالله
رشا مافى داعى للسخافة الزائدة ماتقرى وتتساخفى ، البورد ده زى السوق فيه السكران وعميان البصيرة والمتخلف عقلياً والنشال ورجل الدين والمهذب والصعلوق ، يأتى كل هولاء الى السوق بين بائع وشارى البعجبك اشترى ما عجبك امشى مافى زول ببيع ليك بالقوة ، لكن تشنفى بضاعة ده وتشكرى بضاعة ده ما صاح منك ، وده ما مؤدب وده قليل ادب وده ما متربى ده منتهى السخف الخلقو ربنا يا سخيفة بعدين زيها وزى اى كراع خروف واللا كراع طربيزة ما خصاك ،ومن السخف ان تحددى للناس يثكتبوا شنو برضو عايزة تفتحى بوست عن السعرانين السكرانين افتحيه ماعايزة كل زول يفتح البوست البريحوا والبتونس فيه والناس مختلفين فالذى يبطل الوضوء عند واحدين لايجرح صيام الاخرين .. سخيفة!!!!!!!
Quote: انا بحسب خبرتي ومعرفة دواخل البعض الزول داك ماسخيف ولا حاجة.. وانا شايف من حقه يعلق في حدود الحتة المسته دون تعدي لما غيرها ..
ارجو الا يشغلنا هذا البوست عن مآساتنا الداخلية في سوق سعد قشرة ..
طبعاً من ترك عادتو قلت سعادتو هذا السخيف بجيك متدردق زى البرميل كل مرة لكن انا ما حا أرفع منك ابداً كلما اتيتنى شايلك الهواء او شايلك الهوى فهما عندى سيان .. شوف انا قلت ليك سخافتك دى ما بتسمح ليك تعرف دواخل الناس لدرجة تقرر كمان وتصنف الناس ، كده دى تبقى سخافة فى اسمى معانيها ، ياخى لو اقترحت والناس قبلت بكونو جاملوك وادوك اكتر من حقك ناهيك عن تقرر شوف يا سخيف انت لو الزول ده عايز يناسبك او اتقدم طلب يد بنتك من حقك تقرر عدا ذلك ما عندك حق تفتىء.. لم باقى سخافتك عليك واتوكل،،،
Quote: رشا مافى داعى للسخافة الزائدة ماتقرى وتتساخفى ، البورد ده زى السوق فيه السكران وعميان البصيرة والمتخلف عقلياً والنشال ورجل الدين والمهذب والصعلوق ، يأتى كل هولاء الى السوق بين بائع وشارى البعجبك اشترى ما عجبك امشى مافى زول ببيع ليك بالقوة ، لكن تشنفى بضاعة ده وتشكرى بضاعة ده ما صاح منك ، وده ما مؤدب وده قليل ادب وده ما متربى ده منتهى السخف الخلقو ربنا يا سخيفة بعدين زيها وزى اى كراع خروف واللا كراع طربيزة ما خصاك ،ومن السخف ان تحددى للناس يثكتبوا شنو برضو عايزة تفتحى بوست عن السعرانين السكرانين افتحيه ماعايزة كل زول يفتح البوست البريحوا والبتونس فيه والناس مختلفين فالذى يبطل الوضوء عند واحدين لايجرح صيام الاخرين .. سخيفة!!!!!!!
عاجبني أسلوبك الأمّار بـ الحكمة و الموعظة الحسنة ان دايركتلي .... قووو أهيد يا سفن اب
Quote: والله يا حبيب نورة حرام عليك تقول في ود القاضي بانه من سخفاء البورد( وان شاء الله تكون بتهظر) لأنه من اميز كتاب المنبر وهو له الشهامة وقول لحق و لاي خاف في قول الحق لومة لائم زز واذا كان انت اعتبرته من سخفاء البورد بس وريني المايكون سخيف منو ثاني؟؟ فهو الذي يقف مع برالمة المنبر ويساعدهم بالتعرف على خفاياTricks المنبر ويدافع عن اخطاؤهم ومشاركاته فيها خفة الدم ودائما المفيد.. خايفنك هسع بعد شوية كمان تجي تقول لينا ان ود الصائم( بابتسامته وضحكته المشهورة) بانه هو كمان من سخفاء المنبر..
أميرات ود القاضي سخافتو حسب تصنيف ناس لجنة الآيزو والمواصفات حائزة علي شهادة الجودة العالمية :) وبعدين كونو يفتح بالبرالمة دي حاجة كويسة يعني ؟ وحاة الله أنا غتاتة ساهي أوصف ليهم حمام البنات :)
Quote: زى( المدعية ) مها دى مثلا طارحة روحها تقدمية و من شدة ما تقدمية ساكنه لندن فريق قدام هذا الطرح التقدمى أو القدامى مأثر حتى فى طريقة تعاملها بدليل بتدخل قدومها فى اى شى .. و لانو السخف متعلق بالسلوك بتغنى غناء هابط فى بوست هادف زى ده... والراجل فيكم يفتح ليه بوست عن الشلوخ أو الخفاض الفرعونى مثلاً وعينكم ما تشوف الا نور . شفتو حا ترمى التقدمية فى اقرب برميل زبالة وتتخصص فى المتداحلين دكتور ياخد على راسه داية ما حا تسلم متداخله ساكت تصنفها اقل شى يقلة الادب ده لو ما ادرجتها مع بنات الليل، ياخى لندن وفريق قدام والعلم يطيرن كان ما هذبن السلوك وحسنن للبنى ادم ملافظه فى الاول .. غايتو منها العوض وعليها ( العووض) نسأل الله أن ( ييسر ) لها من امرها رشدا،،،
أتفق معك أن سخف مدعي التقدمية والوعي ( القدامي ) هو سبب تخلفنا ورجوعنا ( الخلفي ) ، ليس بالأماكن فقط ينعكس التأثير السلبي على سلوكنا وإنما عوامل عديدة تتداخل لتعكس هذا السلوك حتى المناخ له تأثير كبير بالإضافة للجينات الوراثية للمصابين بهذه الحالة الشاذة والغريبة التى تحتاج لكثير من البحث من قبل العلماء وإيجاد وسائل وحلول عاجلة تتناسب مع سلوك كل عينة من العينات التى شاهدناها من البعض هنا بالنسبة للهبوط وتدني لغة الخطابة فأعتقد أن هذا يتبع لمسمي ( من شب علي شئ ، شاب عليه ) وصدق قول الشاعر عندما قال ما تعمل لي فيها رايح اصلك من يومك سائح بعوارتك شايفك طايح تحشر قدومك الماسخ لا طرح تقدمي طارح لا مع المتخلف سارح
شكرا سيدي الفاضل وما التيسير إلا من رب كبير
05-14-2012, 06:27 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
حسدونى ليه حسدونى ليه عاوزني أعمل ايه انا كتبونى في البوست المثير أنا ما عملت ليهم شيء بيه استحق الملاحقه و البشتنه ما عرفت قط في دنيتي غير الحب و شوية شيطنة ونيتى ابيض من الفل و السوسنة حسدونى ليه قصدونى ليه عشان يحرمونى من هذا الهناء
المرة دي الموضوع خطير في حياتي مثله أنا ما رأيت حسدونى زي شيطان كبير ما قدرت أزوغ حد ما جريت حسدونى ليه قصدونى ليه حسدونى ليه و أنا ما رديت
05-14-2012, 07:23 PM
مها عبد الله مها عبد الله
تاريخ التسجيل: 07-13-2008
مجموع المشاركات: 2271
إذا عدنا إلى الوراء قليلا وفى فترة تاريخية وحقبة من الزمان نجد أن السخف بالبورد بدأ ( بمجاراة ) لبعض السخفاء ( لعوارات ) و ( هبالات ) السخفاء طارحي الشعارات المنادية بالإلتفاف حولهم بدعوي الفهم والوعي وأنهم الأكثر ( شطارة ) رغم أن واقع الحال والمشاهد يكاد يجزم بأنهم الأكثر ( عوارة ) حتى لتري بعض آثار هذه العوارات تلاحقهم عبر بعض ما خطته ( كيبورداتهم ) ونقرة أصابعهم .. من المدهش أن ينقاد أصحاب الفكر الثاقب والنظرة الحصيفة وراء أصحاب نظرات ( صفائحية ) فارغة قد تلتوي إذا أصابها ( الصدأ ) وفقط عند ملامسة المياة ) لها !
Quote: عمتم مساء أعزائي السخفاء ، وردية الليل ما إستلمت لسه علشان كدا ح نشتكيكم لبوليس البورد يمسح بيكم الأرض ويدق الصفائح ويطلع الفضائح !
مساء الورد يامها
.... او كما يفعل فايز ود القاضي في جرسته الابدية السخيف الاسمه فايز ده قاعد في يودي الورد في الحلة (التحت) ويقعد يفلع في بيهناك .... ومصر يركب في دفار المظاهرات ده ياحليله ما عارف الدفار صفيحه مصدي وممكن يجيب ليه تتانوس ويمكن يقطعوا كراعه زاتو
05-14-2012, 11:25 PM
مها عبد الله مها عبد الله
تاريخ التسجيل: 07-13-2008
مجموع المشاركات: 2271
Quote: او كما يفعل فايز ود القاضي في جرسته الابدية السخيف الاسمه فايز ده قاعد في يودي الورد في الحلة (التحت) ويقعد يفلع في بيهناك .... ومصر يركب في دفار المظاهرات ده ياحليله ما عارف الدفار صفيحه مصدي وممكن يجيب ليه تتانوس ويمكن يقطعوا كراعه زاتو
مساء الخير كونت وتسلم لهذه الورود الحمراء ( سته مرة واحدة يا مفتري ) كنت تخلي ليك وردتين لبعض السخفاء وبالعدم واحده لصاحب البوست طلع فعلا سخيف فائز ، ألحقو يا جماعة الولد دا ما يقع ، دا ما نصيح وما عارف حاجه نبقي كمان فى تقطيع الكرعين ونقعد نغني ( فات الأوآن فات )
05-15-2012, 00:05 AM
رشا احمد رشا احمد
تاريخ التسجيل: 09-18-2010
مجموع المشاركات: 694
صديق الموج ليه تتساخف معاى بالشكل دا ،،وتقوم تفطنى ،، انتا قايلنى شنو ؟؟ ما سخيف ياخ ويقال والعهدة على الحكواتى موت الكتيرة عييييييييييك مداخلة مكررة
Quote: يا موج البحر الهادر (الازرق ) صباح الخير بالليل ،، اوضلام الخير صباحا ( كلو سلاام ومقبول احيانا ) يقال والعهدة على الراوى ان المسالة قسم ،، اى اقسام ومكتوب او انكتب ثم انسكب واندلق وتدردق حتى اضحى سخيفا ما يهم فى الامر وأد ،، الكمنجات مرفوض رفضا باتا مطلقا زى ممنوع التدخين منعا باتا مطلقا على العموم انا ما سخيف ولو قلتو سخيف خلاص موافق بدون اى حركات احتجاجية ولا حركات التغييروالربيع اللافى فى بعض البلدان تلك ،، فيما يختص بسعد قشرة اقترح على التجاراستيراد القرقاب من بلاد الهند وباكستان وازبكستان و وبالعدم الصومال اقرب الينا من حبل الوريد ،،،،!!! الترجمة بالهندى اسفل الصفحة !!!
قاسم المهداوى
ولو خيرونى بين سخيف وصفيحة بختار الجالون لانو سعة 7 لترات !!!
05-15-2012, 00:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
اهل قريش.. افقدو لينا ود الموج دا.. وضعو غير مطمئن بعد البنزين الداسو في البوست دا..
************ يا ود الموج الصفيق الحاصل هنا دا ما يعميك عن الصواب.. البوست داك فيه صور وكلام خادش وما صاح يتقال في منبر بيمثلنا.. فبالتالي من حق ااااااي عضو شايف الكلام دا غلط يقول رايو.. وعارفة انو كل زول مسئول من كتابتو...لكن برضو برجع بقول الصاح صاح والغلط غلط والباقين ما يجو يشبكوني الدخلك شنو والنجاض بتاع فهمتي شنو ونق نق نق نق اعتبرو انو مخي و س خ وانتو الامخاخكم نضيفة ود الموج..امشي شوف الصور النزلتها وتعال رد لي.. والكلام الكتبتو في حق "كبيرة السخفاء" بالنسبة لي كزميلة منبر ما مقبول لانها كانت بتتكلم من منطلق "الخطأ" الحصل وناس المديدة حرقتني ديل ما يلاوذو بيك.. ويقعدوا يجدفوا لمن تشيلك موجة بالجد جد تلحقك امات طه اقول قولي هذا واستودعك الله والقاك في بوست تاني ونصيحتي ليك ادعك ليمون في محل التتنس وبلاي العب لعب نضيف وبطل خشونة ناس الكيتة: الداير يتشالق يا ريت يشوف اسمو مكتوب ولا لا.. واذا مصر يتشالق فبلاي يوجه لي الكلام بصورة مباشرة عشان احس بارتياح وانا بضرب "بالحتة الفيها الحديدة"
05-15-2012, 00:54 AM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
Quote: ناس الكيتة: الداير يتشالق يا ريت يشوف اسمو مكتوب ولا لا.. واذا مصر يتشالق فبلاي يوجه لي الكلام بصورة مباشرة عشان احس بارتياح وانا بضرب "بالحتة الفيها الحديدة"
ما فهمت من الكلام دا غير شيئان فقط 1/ توجيه الكلام بصورة مباشرة ، يعنى بدون لف ومزلقانات 2/ الضرب بالحتة الفيها الحديدة ،، برضو معناها وصول الدماء حتى المخاضة باقى الكلام محتاج شرح مطول خاصة ناس الكيته ،، واخونا حافظ انقابو جابو ( الشلاقة ) دى فى حوجة ماسة لانصهار الحجار حتى ينجلى الدهب من السيخ وليس الصفيح ، ولا كيف عموما يا سارة ( حبيب نورة ) مطالب بدفع تعويض لكل من اصابه الضرر السخفى او الصفائحى شخصيا التعويض حقى لازم يكون مجزى جدا (عبارة عن جالون سعة 7 لترات ) وحافتح بوست بموضوع التعويض فقط تنجلى الغمة ويتداوى المدنيين والعسكرتارية
قاسم المهداوى
05-15-2012, 01:56 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
اها ... ود الاحد وضبتوه .. انشا الله مافي عالي واطـي ولا ما في كردمة .... وسعوا المطمورة .... المرحومة ميته غرقا والجثمان ليه فترة لازم نسرع بالدفن عشان ما يتحلل
___________________________ ناس الحلة التانية ديل ودوهم للمضيفة وجيبوا ليهم شاي وشوفوا اذا في زول عايز يصلي ولا ياخد له غمته وأملوا ليهم الاباريق حقت الحمامات
05-15-2012, 07:43 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: اهل قريش.. افقدو لينا ود الموج دا.. وضعو غير مطمئن بعد البنزين الداسو في البوست دا..
************ يا ود الموج الصفيق الحاصل هنا دا ما يعميك عن الصواب.. البوست داك فيه صور وكلام خادش وما صاح يتقال في منبر بيمثلنا.. فبالتالي من حق ااااااي عضو شايف الكلام دا غلط يقول رايو.. وعارفة انو كل زول مسئول من كتابتو...لكن برضو برجع بقول الصاح صاح والغلط غلط والباقين ما يجو يشبكوني الدخلك شنو والنجاض بتاع فهمتي شنو ونق نق نق نق اعتبرو انو مخي و س خ وانتو الامخاخكم نضيفة ود الموج..امشي شوف الصور النزلتها وتعال رد لي.. والكلام الكتبتو في حق "كبيرة السخفاء" بالنسبة لي كزميلة منبر ما مقبول لانها كانت بتتكلم من منطلق "الخطأ" الحصل وناس المديدة حرقتني ديل ما يلاوذو بيك.. ويقعدوا يجدفوا لمن تشيلك موجة بالجد جد تلحقك امات طه اقول قولي هذا واستودعك الله والقاك في بوست تاني ونصيحتي ليك ادعك ليمون في محل التتنس وبلاي العب لعب نضيف وبطل خشونة ناس الكيتة: الداير يتشالق يا ريت يشوف اسمو مكتوب ولا لا.. واذا مصر يتشالق فبلاي يوجه لي الكلام بصورة مباشرة عشان احس بارتياح وانا بضرب "بالحتة الفيها الحديدة"
سارة على ........... السلام عليك يا عزيزة واتمنى ان لايكون تجاهل السلام مقصوداً ومندرجاً تحت باب العدائيات الذى استشرى بالمنبر لكل من يختلف مع الاخر او هو البداية التى يستحقها كفار قريش المعنيين فى هذا البوست...... والى منطلق اخر انا ياسارة ازحف نحو الستين ولا اظن ان التصفيق يحركنى بعد كل هذه السنوات وانحسار الاجندة فى القناعات وما اراه صحيحاً وان رآه الاخر باطلاً محضاً ، ومعك من حق كل عضو ان يرى من الزاوية التى تليه ، وكما اسلفت انا فى مداخلة سابقة ان ما يبطل الوضوء عند البعض لا يجرح الصيام عند اخرين وهسه انت فى امريكا قطعاً ترتدين بنطلون الجنز مع بلوزة وهو ما ترتديه كثير من البنات بما فيهم بناتى انا صديق الموج ولم تحدثنى نفسى يوماً ان استنكف لباس هذا البنطلون عند البنات واراه محتشماً ولكن عندما اذهب لاهلى فى القرية احرمه على بناتى تماماً ، وهذا لادلل لك على ان الاراء التقديرية التعميم فيه مخل دائماً وما داير اقول ليك اخواتى وبناتى وزوجتى بدخلن المنبر ويطالعن هذا وهو عادى وفعلاً هذا حاصل يا سارة اياً كان تقيمك لهن او لى انا شخصياً، لكن اريد أن اقول لك ان هنالك اختراع متحضر جدإ يسمونه الماسنجر إذا اعتبرن ان التلفون ليس متيسراً مع اننى من القلائل الذين يضعون أرقام تلفوناتهم بالبروفائل، ثلاثة كلمات بهذا الماسنجر يا اخوى يا صديق شيل الصور الختيتن أو احذف الجملة تلك ولك شكرى اختك فلانه كان ذلك سيكون محل التقدير والاحترام وقطعاً التنفيذ وكثيرا ما اتعامل على هذا النحو فى كثير من الحالات وغالباً ما يلاقى حديثى صدأ طيباً او حديث اخواننى ممن يناصحوننى واناصحهم، لان يا سارة النصح امام الناس يتحول الى ذم وانصحك لوجه الله النصح ثقيل ويجب ان تتخيرى له لطاف الكلمات وخفاف العبارات وان تراعى مكان وزمان النصح ان اردتى ان تطاعى ولكن بذل اللوم والنقد امام الناس حتى لابنك واخوك لن يلاقى الا مزيداً من التعنت فى كثير من الحالات ،اقول لك هذا بحكم عمرى الطويل ولا اظنك تشكين فى اننى قد اكتسبت فيه قليل من الخبرة وبعض الحكمة... ارجوا ان لا تكثرى من الحديث عن ناس الكيته وان كنت تريدى ان تستفزيهم كهتيفة لاننى زول راشد وما بقولو لى المديدة حرقتنى وما اظنى بتحرش ، وانا لا اخشى من موجه تلحقنى طه ولا اماته اكتب هنا قناعاتى ولا ادعى انها كلها صحيحة، ولكننى اتمنى واتوخى ان تكون صحيحة.. اخيراً ما كنت اتمنى ان يثار هذا فى مكان تمر عليه عيون ولكنك اضطرتينى ان اكتب لك هنا ويبقى الود،،،
05-15-2012, 07:40 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
Quote: النصح امام الناس يتحول الى ذم وانصحك لوجه الله النصح ثقيل ويجب ان تتخيرى له لطاف الكلمات وخفاف العبارات وان تراعى مكان وزمان النصح ان اردتى ان تطاعى ولكن بذل اللوم والنقد امام الناس حتى لابنك واخوك لن يلاقى الا مزيداً من التعنت
05-15-2012, 08:03 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: قومو إلي أعمالكم وخلو الكلام الفارغ البتعملو فيهو دا
اها دى اسخف هويدا اشوفها فى حياتى .. البت حايمه زى ضبانة الحمير فى البوست ده والبوستات المجاورة .. ده نوع جديد من السخيفات اسمه سخف مع سبق الاصرار والترصد يعنى سخيفة 7,8 درجات بمقياس رختر النوع البلقى الناس جنب البحر ويسألأ مالكم ؟ يقولو ليه عندنا شافع ليه تلاته يوم غرق يكون رده : اها وبكون مات؟ او يسوقو زول يوريه بيته وبيته عاجبه بدل يقول ليه الف مبروك وربنا يهنيك فيه يقوم يشبكو انت عارف لو ما المطبخ ده كان فاتح فى الهول وريحة الاكل حا تحمى الناس القعده والله بيتك ده مافيه كلام، يعنى حا يكسره عشانك يا سخيفة قولى مبروك بس.. ياخى فى ناس سخيفين لدرجة يحتار معاها السخف زاتو، اها هويدا دى من النوع اياهو الناس متونسين فى امانة الله جات من هناك مطيرة شعيراتا قوموا الى اعمالكم مالك ومالنا دايرة تترزعى اترزعى ما دايره تترزعى اتوكلى .. انت قايله النصح ده غالى واللا بكلف شى غير نوع سخافتك دى.. سخيفة ..شوفو سخافته هسه حاتجى ترد لى تانى،،،
05-15-2012, 08:30 AM
مها عبد الله مها عبد الله
تاريخ التسجيل: 07-13-2008
مجموع المشاركات: 2271
ودا نوع ظهر مؤخرا ، يتعاطي معه صاحبه بأنه يقول ( النصيحة ) وهو لا يعلم أن نصيحته هذه وبهذه الصورة قد تكون جارحة ( تؤلم ) عملا بقول الشاعر قول النصحية كلمني ألمني قول يا حبيب
لكسر الروتين شوية نستمع أعزائي السخفاء لبعض الموسيقي لتهدئة الأعصاب والمساعدة على الإسترخاء فالجهد كبير ومضني بهذا البوست
05-15-2012, 09:18 AM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
Quote: والله يا حبيب نورة حرام عليك تقول في ود القاضي بانه من سخفاء البورد( وان شاء الله تكون بتهظر) لأنه من اميز كتاب المنبر وهو له الشهامة وقول لحق و لا يخاف في قول الحق لومة لائم واذا كنت انت اعتبرته من سخفاء البورد بس وريني المايكون سخيف منو ثاني؟؟ فهو الذي يقف مع برالمة المنبر ويساعدهم بالتعرف على خفاياTricks المنبر ويدافع عن اخطاؤهم ومشاركاته فيها خفة الدم ودائمايأتي بالمفيد..
ياسلااااااام يااميرة ..ياخي انت زولة حقانية في زمن السخفاء الصعب ده ..الناس ديل حاقدين وحاسدين .. البورد ده مافيهو الا انا وانت ومرات بكرى ولولانا بكرى كان قفله وفتح محله طبلية سجاير .. شكرا لهذا الاطراء الذى صادف اهله من كلامك بقيت اخاف عليك من الرباطية ديل يربطوا ليك في ملف من ملفات المنبر ..خلي بالك من نفسك يااميرة ..
تحياتي واحترامي ياقريبتي ..
05-15-2012, 01:40 PM
سارة علي سارة علي
تاريخ التسجيل: 07-08-2008
مجموع المشاركات: 4413
الموج أكيد طبعا عدم السلا غير مقصود.. فسلام عليكم.. فاهمة كلامك لكن يا ريت تكون متفق معاي انو التمادي بيجرجر لحتات من الصعب تداركا بعدين. ومرات علاقة العضو مع الاخر ما بتدي مساحة المناصحة بالماسنجر.. عندي كلام كتير بس انا في الشغل.. بس مبدئياً كدا طقيتني انت بالحديدة لكن شلتها تاني لبعت بيها نفسك لمن قلت انك "ستيني" :)
يا رشا بجيك راجعة مفروض ارد ليك وانت برضو يا قاسم باقي الكيتة .. كتروا من الصفقة بس شلت هم جضومكم دي تتطرشق من النفخي منال، ياخ تعالي اديني زيارة بهناك عشان اشتقنا ليك :)
05-15-2012, 01:47 PM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
يا هدهد بالله حركات السخفاء وزعيمتهم دي ما تعمليها لينا ، أها شفتي تجينا بإسلوب ( أنا مؤدبة ومحترمة ) وهلمجرا من صكوك الأدب التربوي ما بتنفع حدثني محدثي الطبيب النفسي فقال ، من كان يُكثر إستخدام مفردات ( إنت قليل أدب ، إنت ما محترم ) فإن به عقدة نفسية وجب عليه الإسراع بعلاجها قبل أن تتأزم الحالة
05-15-2012, 02:28 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
Quote: بت احسد نفسى على حالة الرومانسية والسعادة الانا فيها ,,,,
نحن عاد يرمنسنا الله دااااااااكـــ ياخى عملتى لى وجع قلب طوالى فى حالة رومانسيه انت بالله اصرفى لى سخيفات البورد ديل معاك شويه مها وهويدا ورشا ومن لفت فى الفاضى لوووووول،،،
05-15-2012, 03:26 PM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
يا منال ويا ود القاضي ياخي خليكم بعيد بعيد انا من ما صديق ود الموج دا جمعني معاكم قنعت من نفسي قلت النسجل بي أدب وإحترام عشان يفصلني منكم أنا من يوم الليله متغابيه فيكم العرفه
Quote: يا منال ويا ود القاضي ياخي خليكم بعيد بعيد انا من ما صديق ود الموج دا جمعني معاكم قنعت من نفسي قلت النسجل بي أدب وإحترام عشان يفصلني منكم أنا من يوم الليله متغابيه فيكم العرفه
متغابى العرفة وماسائل ,,, فى زول عن شخصك متسائل نسيان الناس كده بالساهل ؟؟
05-16-2012, 05:58 AM
هويدا شرف الدين هويدا شرف الدين
تاريخ التسجيل: 04-16-2008
مجموع المشاركات: 2068
معشر السخفاء .......... سخاف الخير ياخى كى لا يتشابه علينا السخفاء انا حا اقسمهم على حسب طريقتهم فى السخف لان السخيف الكبير حالته صعبة حتى اصبحت مزيج من التناقضات يعنى دروشة ورواشة وشلاقة تواخيهم محاولة تدين باهت ومكابرة ولا يخلو ذلك من شوية حسادة حا أطلق عليه شيخة الزار. انتو بطريقتكم.. كبير السخفاء لان الموضوع عنده مقاربات بين العرف والاصول و مقارنات بين المندوب والمكروه فى الشريعة حا اسميه الشيخ التنظيراوى .. باقى السخيفين من نوع طيرة ومبارية السيرة وناصح تحت التمرين و سخيــ ــف متدرب ومفتى فى سنتة الامتياز ديل حا اسميهم قمبر قمبر ، وقمبر قمبر ده نوع من الطيور ونحن صغار كنا نطلق عليه شيخ الطيور .. ودى تعريفات مجرد تعريفات او توصيفات عشان بعد ده المعركة مع السخيفين حاتاخد بعد اخر ،،،
Quote: ودالموج ....نهارات السعاده يا حبيب عندي إقتراح باضافة مجموعه جديدة ضمن مجموعاتك دي 0ناس طبر طبر جلابين الخبر) مجرد إقتراح قابل للرفض
يا شباب والله السخيف ده إستنبط ليه اسم انا بفتش ليه منذ نعومة سخافتى شكراً يا سخيف ، مبروك تمت ترقيتك الى لورد سخفاء تعنباراً من اليوم صدر تحت توقيعى بقصر السخافة .. كبير سخفاء البورد سخيف الموج يبلغ امرنا هذا الى سخيف نورة ومنال سخافة ومها المتسوخفة بصورة الى عميد هويدا سخف ورشا السخيفة خالص ... ود القاضى اسخف كراعك او اختف كراعك بالله و بلغ لينا شيخة الزار عشان عندنا ميدان ..منكن؟؟
05-16-2012, 03:35 PM
رشا احمد رشا احمد
تاريخ التسجيل: 09-18-2010
مجموع المشاركات: 694
إهداء لجميع السخفاء وللسخيف الذى حضر متأخرا بعد غيبة أمير طمبل وشكلو برضو متابع مرحبا بك وإفتقدنا سخافاتك والله
قصدية بعنوان ( سخفاء بلا حدود ) على وزن قروب الفيس بووك لمبتكرة خالو الخير محمد عوض بعد أن تمت شتيمة خالتة بهذا البورد ، كامل الإعتزار للوالدة وإقحامها بهذا السخف
القصيدة ممكن تلحينها على وزن ( يا حنوني وعليك بزيد فى جنوني ) وييييييين
حبيب زرعت مغارز جهجت كونت وفائز
بين منطط وناقز وممكن مسحلب جاهز وييييييين يا حنوني
مرات تكون عايز مرات تقول ما عايز نديك هدية وعشوة وكمان نديك حافز وييييييييييين يا حنوني
منال حيرانة بشدة من غرابا العاجز ومونج بتساخف لسه بدون ضوابط بدون حواجز
Quote: تمت شتيمة خالتة بهذا البورد ، كامل الإعتزار للوالدة وإقحامها بهذا السخف
ولا تهتمى ياحبيبة
قولى ليها ؟؟؟؟
رعدك هدر من غير مطر شتت تيراب الأمل من غير حسابات للخطر شايلاكي أجنحة الغرور أغراكي واعماكي البطر شوفي الغرور وداكي وين لا نلتي غاية ولا وطر شوش ضباب الغيرة فيك وهمك على الغير انحصر
وغيرى واتكبرى واتجبرى ماعلينا وماعلينا ,,,,,,
05-16-2012, 04:40 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
Quote: حبيبنا سراً عاوز وجهراً زولنا ملاوذ لكن انحن ركائز نخلى الكبير ينونى وييييييين انا ياحنونى **** ما همانا فئز وقاضى ولا البجامل يراضى انسوه واحد فاضى و ديلاكا ماهمونى وووووووووين انا ياحنونى **** الحرشوه يكاتل تراهو بقعد يناتل لابهش لا بقاتل الليله ووووب شرونى
لايك شديد هذا الشعر وهذه المواهب المدفونة وهذا السخف الذى كان له الأثر الكبير فى إكتشاف طاقات كامنة ، ومواهب متعددة دُفنت عبر هذا البورد السخيف شكرا لكل من جعل هذا الجمال يطفو ليستفيد الناس ويستمتعوا به
05-16-2012, 07:41 PM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
إهداء لجميع السخفاء وللسخيف الذى حضر متأخرا بعد غيبة أمير طمبل وشكلو برضو متابع مرحبا بك وإفتقدنا سخافاتك والله
مها....... تصدقي فجأة كده إكتشفت انتي برضو بقيتي من ضمن زمرة السخفاء هنا!!!! ما تفقدي عزيز يا بتنا و عشرات حبابك و بالجمبه كده بركه بالشوفه........ هديتك وصلت و بهديك برضو لحن المساء السخيف!!!!!
يا واقفة بين صبري وتروس الفرملة أنا بحكي ريدك للملأ والجاني من بستم مشاعرك بلفو طار بحكيبو لليل والخلا و أنا بعذرك وأوزن دركسون الصبر وأضغط كلتش الأمنيات لو ألحقك يا الحنتا زي زيت رجوع
05-16-2012, 07:53 PM
امير طمبل امير طمبل
تاريخ التسجيل: 10-22-2010
مجموع المشاركات: 1722
عزيزئ القارئ الكريم حتى لا يكون هنالك خلط فهذا البوست أُنشئ قبل بوست الدفاع وعليه ستكون النتائج هنا سابقة للبوست المعني بختام البوست أي عند الأرشفة مارس 2015 سنتوصل للنتائج بمشاركاتكم وآرائكم القوية التى ساعدتنا وستساعدنا و ستُسهم وبشكل فعال للوصول لهذه النتائج !
عمتم مساء أعزائي السخيفون
05-16-2012, 10:59 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
ظاهرة قانون النظام العام الاسفيري ظاهره مربكه ومحيره للغايه،ومرد الغرابه ان من يقومون بها من المفترض انهم يمتلكون الوعي الكافي لتحاشي الوقوع في هكذا تناقض،فالناظر الي الي الذهن الأخلاقي السوداني في تقييمه للأخر يجده ينطلق من بنية الوعي التناسلي كمنهج للتقييم،والمفارقة هنا ان ذات المنهج في تقييمه لكثير من الظواهر والأفعال يختلف اختلاف مقدار لانوع،كمثال ذات المنهج يري ان قراءة روايه بها آيحاءات جنسيه عيبا،وكذلك يجرم حضور الفتاه للأفلام التي بها قبل او خلافه،بل نجد ان ذات المنهج في درجته العنيفه يمكن ان يري مشاركة الفتاه في منبر كهذا وتبادلها الضحك والونسه مع الرجال عيبا وخروج عن الادب،اذا محاولة محاكمة الاخرين من خلال مشاركتهم في بوستات معينه،والحكم بان هذا البوست خارج عن الادب والآخر صفيق ومحاولة فرض وصايا أخلاقه والظهور بمظهر الحقيقه المطلقة للاخلاق يجعل متبني هذا الطرح يدخل في منطقه زلقه جداً،وهم في فعلهم هذا لا يختلفو عن متبني المشروع الحضاري الكيزاني ولا المنهج الطالباني كثيرا فكل الحالتين تتبني مبدا الوصايه الاخلاقيه واعتبارية الحقيقه المطلقة للاخلاق ومن ثم تقييم الاخرين بانهم خارجين عن الادب او لا اخلاقيين،او هذا البوست مؤدب وذلك خارج عن الادب.ولو جاء هذا الكلام من شخص متبني لاحد المناهج الانغلاقيه او التي تعتبر انها الحقيقه النهائيه للاخلاق من الممكن ان يكون الامر مقبولا ولكن ان يأتي من الذين يطرحون انفسهم مع مبادئ الحريه والديمقراطيه واحترام حقوق الاخرين فان هذا هو المستغرب والمركب حقا. مساهمه سخيفه يا صديق الموج موش
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حبيب نورة
صديق الموج
رشا احمد
مها عبد الله
قاسم المهداوى
معاوية المدير
سارة علي
فايزودالقاضي
محمد عبدالرحمن محمد
Abdlaziz Eisa
هويدا شرف الدين
حمد إبراهيم محمد
ALZOLZATOO
اسعد صلاح البدري
الخير محمد عوض
امير طمبل
اسماء الجنيد
فيس بوك
تويتر
انستقرام
يوتيوب
بنتيريست