السلفيون و الصيد في المياه العكرة!

Quote: الأخ محمد جمال الفكرة مش في منع الاختلاط.. المشكلة إنه لما زوج يستضيف بلدياته أو قرايبه من الرجال ما بيستأذن زوجته ويقتنع أولا إنها راضية عن الضيافة دي ... مع أنه البيت بيتها بالتساوي معاه ، بل بحبة زيادة كمان على أساس إنها هي اللي بتطبخ وبتنظف وإمكن بتغسل وتكوي كمان...ثم إنها في معظم الأحيان بتكون هي المقيدة بالوجود الدائم في البيت.. وتكون الطامة الكبرى لو كان الضيف لا عمل له وموجود برضو معظم الوقت في البيت والزوج في الشغل... والأكبر منها إنه البيت ده يكون شقة بصعوبة شايلة الاسرة والاثاث.. ياأخي وجود الضيوف طويلي الاقامة – ما تقول لي تقاليدنا وعاداتنا و كرمنا الزايد - مسألة صعبة وعبء ثقيل وأهم من كده تقييد مبالغ فيه للزوجة...يعني أنا ليه أفضل "مكمكمة ومدمدمة" في المكان الوحيد المفروض أحسن فيه بالراحة اللي هو بيتي؟ غايتو في تقاليد كده المفروض يعاد النظر فيها لانها لا تصلح لـ كل مكان وزمان...