السلفيون و الصيد في المياه العكرة!

Quote: حبيبنا قيقا نا = كل الذين يرون ان الإسلام دين ودنيا ، عبادة ودولة ، قوانين وتشريعات سماوية تحكم الفرد المسلم والدولة المسلمة. كم = كل الذين يقولون بالعلمانية او ان الدين أمر شخصي وإدارة الدولة أمر دنيوي . هل انت تؤمن بان الإسلام دين ودولة ، ام فقط تدين شخصي وأمور الدولة يحددها البشر أنفسهم ؟؟؟ أن كنت مع الأولى فأنت في (نا) وإن كنت مع الثانية فأنت في (كم) Quote: عشان كدي ما عندي جماعة -دينية- ولا (كم) هناك! وهل عندك حزب سياسي او تنظيم دنيوي تنتمي إليه ؟؟؟ بعد سماع إجابات نتحدث عن موضوع التفويض . تحياتي

بالجد:

خليني اسوق حجة ومن نفس الصفحة دي -وان كره الملا -السلفي- جمال الدين العامل لينا فيها الفة دا- ارسي بيها اساس حجتي .. وبينا الايام و المعزات، وبعض اختلاف بناء و كتير محبة

Quote: Quote: ولي الجميل الله تعالى قال يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ [محمد : 7] ونحن ضعاف في هذا الجانب ، ولكنكم تنصرون المهدي المنتظر ( حسب زعمكم ) فلماذا لا ينصركم ؟؟؟ الشيخ محمد الزبير الشيعة كمذهب يامحمد فيها كل الوان الطيف الانساني من الصادق المخلص وحتي الي الكذاب الاشر في النهاية برضو هم بشر وطبيعة البشر غلابة في كل شئ ، وهم كمان ضعاف زي ضعفكم هذا . فلا تحرم عليهم ماتحلله لكم الرافضي اللذيذ ولي

Quote: اي زول في الدنيا دي صحابي ول تابعي ول معاصر يندرج تحت راية لااله الا الله دي بيتحاسب زي الماحصل حاجة ابوبكر وعمر وعثمان يدخلوا الميزان والصراط المستقيم عادي رجحت كفة حسناتهم يدخلوا الجنة رجحت كفة سيئاتهم بمشوا النار ، يعني لايضرهم سب من سباهم ولا بنفعهم دعاء من والاهم . بالمناسبة حديث العشرة المبشرين بالجنة ده مضروب من عدة محاور ، ولو صحيح ماكان البخاري ومسلم خلوهو يامحمد ولي (مصدر سابق)

ياخ احبك و احب ميتينك ذاتو ياخي!
بس لو افتيتونا -انتو الجوز- في حديث الفرقة الناجية، احبكم حتى تستغيثوا!

لانو بتناقض مع فهم الحساب الفردي دا تماماً .. والنقيض يرفع النقيض بعكس الضد!!

نقطة اخيرة يا شيخنا محمد

ما سمعت الشاعر قال شنو!؟

في هواك هلاكي .. وللعذاب برتاااااااح

وقال آخر:

ضيعت حياتيييييي تسلم لي اييداااك

خصمتكم بالنبي مافي زول ينقذنا ..
نحنا تطير عيشتنا عديييل كدا، كان اي زول جاي ينقذنا بي فهمو ولاغينا تماماً
خلونا في جننا وغبانا دا عليكم الله .. نرزح في ي ي ي ي نعيمنا .. المافي شنو!؟










-------

* ما قلت ليك ما عندي شيخ .. لا (كم) هناك
كل شاة معلّقة من عرقوبا