السلفيون و الصيد في المياه العكرة!

Quote: أسئلتي لك عن الأموال الوهابية الداخلة بقوة ضمن مشروع وهبنة الريف السوداني هذا المشروع الخطيرالذي انت جزء منه تحت نظر ثم تعامي النظام السوداني رغم أنه مشروع يهدف لتغيير البنية الإجتماعية السودانية الصوفية المتصالحة إلي بنية وهابية حدية ومتطرفة ماذا يعني أن تحفرون بئر في قرية عطشي أو مدرسة في قرية في حوجة حقيقية للمدارس إنه الدور غير النظيف للمال

Quote: تذهب يا شيخنا في رحلات الوهبنة بأموال النفط الوهابي لقري الغرب الفقيرة لتبنوا المدارس والمساجد ولا ينتبه المواطن الفقير والمحتاج للهدف الحقيقي من وراء كل ذلك

هنا ما بتكلم لكن بشوفك بس يا سناري طالما جبت سيرة جبال النوبة كدي شوف ده واتمنى أن لا يطق لك عرق
<

Quote: و لا يتدفق المال لعون المعدمين في دارفور والجنوب والنيل الأزرق

وكان جبت ليك ما يثبت خطا كلامك كما أشار الأخ عماد
بتغير كلامك ده ؟ وله برضو حا تصر عليه زي الحالات الفاتت وتكرره لينا بعد سنة هنا ؟!

Quote: نحن نعرف الكثير عن المشروع السعودي لوهبنة العالم والذي لم يسفر

ياخ قبل كده قلت ليك السودانيين ذاتم الآن بقوا يسووا شغل السعوديين وغيرهم من الخليجيين في السودان ..
في (محسن) سوداني الآن .. وتتنافس الأسر الآن في بناء المساجد والمراكز العلاجية والمدارس
فما تحبس نفسك في حتة تجاوزها الزمان يا أخ سناري

Quote: أسئلتي لك يا شيخ عارف أن تتحدث لنا بشفافية عن طبيعة الأموال التي تصرفونها في مشروع وهبنة السودان .. ما حجمها؟ ماذا تفعلون بها ؟

والله أنا ذاتي ما بعرفها كم !! وحجمها ؟
لكن ممكن تشوف ليك زول في المفوضية التي ترعى وتراجع ميزانية الجمعيات الخيرية السلفية بتلقى النجيضة عندهم

Quote: وهل تعتقدون أن من العدل دخول المال في لعبة تغيير الثقافة في البئات الفقيرة أتحداك للمرة المائة أن تكون شجاعاً يا شيخ عارف وتتحدث عن هذا المشروع أو علي الأقل عن دورك انت فيه

يا سناري ياخ خفف من حدة التطرف العندك دي ؟! نحن بنلعب وعندنا لعب ؟!
الغشاك ده منو وكلمك عننا بالغلط إننا بتاعين لعب
وهل إنت بتلعب وبتقيس الناس على طريقتك ولا شنو ؟
نحن بندعو إلى الله ونحن القريبين من الشعب والمواطن وعندنا أصول شرعية في التعامل مع الحاكم والعاصي والطائع وكل الناس
وبنحث على الرحمة بالإنسان وحتى الحيوان ، ومن دعوتنا أن نساعد الناس اقتفاء بالرسول (صاحب النصوص) والذي جاءنا عن طريقه (القرآن) أساس العلم في الإسلام .. وعندنا من النصوص المنقولة بالعنعنة ما يجعلنا نجتهد في ذلك ونبذل وقتنا وجهدنا في دعوة الناس للحق وننتظر أجرنا من الله تعالى
فياخي الشغلة ما لعب الشغلة دين بس بي (نصوص) وإنت النصوص ما بترضيك (إلا كان تغيرت في حتة النصوص دي بالله ورينا عشان نعدل)