السلفيون و الصيد في المياه العكرة!

Quote: -لسلفيين عموما لا يشتغلون بالسياسة و لهم قول ماثور إنو في الوقت الحالي من السياسة ترك السياسة ... تركيزهم علي تربية الشباب و محاربة الأفكار الضالة - حسب فهمهم طبعا - و محاربة الشرك و البدع 2-جيب لي أي جماعة دينية غير السلفيين بيضيفو مسالة ( علي فهم السلف الصالح ) دي في تعريفهم لنفسهم و دعوتهم !!

---اميننا ساي خبارك
تعرف مرات في البوستات الانا ما ملتزم فيها شديد ممكن تكون فكرة معينة بحاول اوضحها و ممكن اعمل مثلا مداخلتك كبري بس!و مرات بقول الفكرة و بحس انو ما شرط ردك لو ما اقنعني انو ارجع ليك في نفس الحتة ! يعني ردك علي مداخلتي الاول بالنسبة لي ما كان عندو اي علاقة بكلامي -لكن بفتكر اني قلت كلامي او رأيي و انت جيت قلت رأيك في كلامي - بحس انو خلاص كدة -ندي فرصة برضو لعزيزك القاريء كمحاور ثالث !
عموما سؤالك لجمال ما محور كلامي - و التيار (السلفي) تيار عريض في السودان -بيضم الشيخ محمد عبد الكريم و اتباعو وعبد الحي يوسف و البقية
و انت لامن تقول السلفيين ما بشتغلوا بالسياسة و الكلام الكان بقولوه في الثمانينات وبداية التسعينات شايف حسع مافي -و شنو يعني ما بشتغلوا بالسياسة !؟
هل بتقصد عدم الدعوة لامتلاك السلطة ؟ ولة الكلام و النقد العادي ؟ولة المشاركة والتوالي ؟ عموما في كل الحالات بقي في وزراء من انصار السنة و الشيخ عبد الكريم كلامو ونقدو معظم في السياسة و كذلك عبد الحي يوسف نفس الفكرة - عموما فكرة السلفيين ما بشتغلوا بالسياسة بالنسبة لي كلام ما واقعي !
وفي ردي ليك عارفك بتتكلم عن السودان لكن في نظري يصعب الكلام عن (السلفية) دون الحديث عن المنبع المباشر (السعودية)و اشكالياتو
و حتي كلامي عن (فهم السلف الصالح ) ما كان اجابة لسؤالك الاساسي (جيبوا جماعة غير السلفيين ) - مرات بحدد برايي اجندتي في الحوار و حسيت انو ما ضروري اعدد ليك ! لكن من الـ(connotation ) الفهمت من سؤالك و علامة التعجب بتاعتك حسيت انو انا وعزيزك القاريء في اللحظة ديك اهم من الاجابة عليك ! عشان كدة حاولت اناقش الخطل البفتكرو في فكرة (فهم السلف الصالح ) -و بالنسبة لي سؤالك زاتو بمرّر الخطاب ! عشان كدة ناقشت الفحوي و اتجاهلت الاجابة المباشرة عليك ! يعني مثلا هل منو البحدد ( الصالح) والطالح من (السلف ) و منم هم زاتم (السلف) و هل في القرأن والسنة واصول الدين في حاجة اسمها كمرجعية دينية اتباع (فهم السلف الصالح ) و هل اذا افترضنا جدلا بصحة الفكرة هل (السلف الصالح) فهمهم انو
انو الدين ما فيهو سياسة -نسبة لكلامك انهم بقولوا بفهم (السلف) و في نفس الوقت بقولوا بترك السياسة -وهل شيوخ السعودية تركوا السياسة عشان دا (فهم السلف ) ولة عشان "الحاكم بامر الله" الملك فهد قال ليهم ما تجوا في الحتةدي و خليكم في تحريم الموسيقي و النقاب !ودا كان كلامي عن ليه (السلفيين) شغالين بالسياسة في السودان ومصر في حين انو شيوخهم في السعودية ما شغالين !واثر السلطة في توجيه الخطاب (السلفي ) تحت مسمي (فهم السلف الصالح ) ! وهل الاشتغال بالسياسة حوجة ولة امر ديني !!
المهم اسئلة كتيرة و صعب مناقشة فكرة معينة دون نقاش البعض و و طبعا دي ثغرة في الحوار
واشكرك اني عملت حسع مداخلتك كبري
-وبالمناسبة كلامك عن انو الكيزان لا اخلاق لهم وانهم ناس سلطة -ظهرت شديد بعد ما مسكوا السلطة !

خلي الجلدنة واضرب تلفون !!