السلفيون و الصيد في المياه العكرة!

Quote: مرة إتصل بي مسئول رفيع من قوات التحالف السودانية من أسمرا هو د. تيسير محمد أحمد (أستاذي في الكلية في وقت سابق) الساعة الف كدا بالليل يخبرني خبرآ رائعآ قال لي: حررنا شللوب والا حاجة زي كدا ما متذكر وإستولينا على خمسة دبابات وكمية من الحاجات وختم بأنهم قتلوا 7 من العدو وأما نحن فجرح واحد بس من ناسنا ولا شي غير ذلك بحسب البيان العسكري....... بس في اللحظة دي أنا أقوم أنطط وأكورك بطول حسي. جاتني سلفيا قايمة من النوم منططة عيونها في السماء: في شنو؟. حكيت ليها بالتفصيل. قالت لي: إنت فرحان يعني عشان في ناس ماتت؟. في اللحظة ديك قربت أعضيها. بس إتصبرت. قلت ليها، لا: أنا فرحان عشان نحن حررنا قطعة من بلادنا. قالت لي أنتو ما بتعرفوا تتفاوضوا أو تتظاهروا سلميآ زي البشر إلا حرب؟. كبست ليك ليها دين بالعربي ... نططت عيونها ... بس ما فهمت حاجة... ومشيت بعديها نومتها وهدهدتها (وفي بالي إنها معذورة ما بتعرف "كيزان" يعني شنو)... وبعد داك بقيت أزيع في الخبر على الناس أصحي فيهم من النوم واحد واحد وأولهم عبد المنعم عبد الفتاح مؤسس التحالف بهولندا... وأصريت على أبو ذر إسيب الجامعة وإركب أول قطر الصباح إجيني عشان نحتفل. وأتصلت على منعم مختار في ألمانيا صحيتو من النوم الساعة 3 صباحآ... قال لي انت مش ممكن تصبر لغاية الصباح قلت ليه لا نحن شعارنا "ما ينوم"... فعلآ دا كان أحد شعارات التحالف.