السلفيون و الصيد في المياه العكرة!

Quote: طبعآ يا عيدروس أعرف أن قيقاراوي واضح ودخري وزول حق. وعلى أساس المعرفة دي رأيت أن لي الحق أرد عليه بما شعرت وهو مجرد تنبيه أن يعود فيرى الحالة من جديد وهي طريقة في الحوار معروفة ليست من أختراعي ولا تستحق الزعل في تقديري. ولكن بما أن قيقراوي رآها غير سليمة في حقه فأنا أعتذر.

زي عيدروس دا!

القصة عائد/تكلفة عندي ..
والزمن (قيمة) اخلاقية/ومالية .. والما بحترم (القيم) زول ما عندو اخلاق
شفت كيف؟

للأسف كلامك الاول و المقتبس ترهيل للحوار (المافي لحدي اسي)
انا طرحت حجج لك ان تفلفلها وتدحضها وتطلع عينا ذاتو ..
لكن ما عندك شغلة بي انا دا قريت ول جيت ناطي سااي
خالي كلامي وجاي ناطي لي في رقبتي باتهام بالجسامة دي!؟

"اذا لم تتأكد انك قد اجدت القراءة (تقرأ راسياً و افقياً)..
فلا تشرع في الكتابة ابداً"

رواه قيقا راوي عن خالد ماسا صلاة الشوق عليه
(صراحة ما عارف من راسو ول لافحا من وين)

عندي كلام كتير جداً في الحتة دي (حول الحوار و الاعتقادات الذاتية الصمدية) وقصة ..
بس ح يسهم في حرف البوست .. وترهيله .. وما اعتقد انو محتاج ليو سوط بوستك العاير دا!

مكرر:

انا ضد المقاربات الذاتية للعام
في الحقيقة لا ارى فرق بينك ومن تنتقدهم في القناعات الصمدية، ونشافة الرأس!
يعني مفترع بوستك دا بـ[السلفيون و الصيد في المياه العكرة!] بدون حيثيات، ولا بقيادة آمنة توصلنا للنتيجة (اقرأ التقرير) دا ساي كدا .. بي امارة شنو الايمان المطلوب مننا دا!؟

قانون نيوتن الاول (المعدل رياضياً) بالبورد:

الهوس الديني، و الهوس اللاديني قوى متساوية في (الهوس)- القاسم المشترك الاعظم- مختلفة في الاتجاه فقط.

قانون نيوتن الثالث للحركة بمطعم الباشا(حيث لا سقف للمجانية هناك):

لكل فعل رد فعل .. مضاعف له في المقدار .. وفي نفس الاتجاه!

تقلع عين زول .. كس عيونك الجوز قوووود باي!
المافي شنو هو باسوورد ول كيبورد!؟
وابشروا بعالم اعمى و بلا اسنان!

تحياتي








------

بي بركة الحبشي - رد الله اغترابه عن البورد- تحول وصف (مهندس) دي لإساة يا اندروس ..

حيرتوني في دقنوسي دا ..
نمشي تقنبوا تكوركوا لينا .. نجيكم تقنبوا تكوركوا!!