السلفيون و الصيد في المياه العكرة!

Quote: يامحمد الزبير من هي المرأة في المجتمع ؟ امي + امك اختي + اختك بنتي + بنتك زوجتي + زوجتك وعمتي وخالتي وعمتك وخالتك هذه هي المرأة في المجتمع يلا كل واحد فينا يعامل النسوان ديل بالداير الناس تعامل بيهو نسوانو وصدقني عوجة واحدة بتجي للمجتمع مافي . نطبق بس غض البصر وحفظ الفرج من احكام الدين وكل الامور بتزبط ، نحن معاكم في الحد من الاختلاط السافر والمجون والحفلات الراقصة وبقية المنكرات لكن كمان ماتكتلوا قيمنا السودانية السمحة اتخيل عمك يجئ من البلد وابوك مافي في البيت امك تخليهو قاعد في الشارع لحدي الساعة اربعة عصر لمن يجئ ابوك !!!! ليه لانو الحمو الموت !!!! ولانو السعوديين بعملوا كده ؟ ياخي نحن عندنا المرة بتضبح للضيف عديييل تقول لي تخليهو بره الشارع وعندك امثلة من صحابيات اكرمن ضيفهن. ليه هسي بقي الحمو الموت وهناك الضيف الساكت ما الموت ؟ العزاء في الاموات بيريك الافراح للجيران والنسوان والشفع والبنات في يوم العيد الصباح دي كلها روابط سودانية وعادات ومواريث صادقة تزيد في تلاحم المجتمع وانه كالجسد الواحد ومسالة ( المصافحة) ذاتها فيها نظر وفي ادلتها ضعف ووهن ، وكونوا الرسول الاعظم مابيصافح ودي برضو فيها نظر فده مادليل علي تحريم المصافحة لانو حديث الجارية البتاخد بايد الرسول الاعظم وتنطلق بها الي اي مكتن في المدينة موجود . انتوا ياشيخ محمد محتاجين في الاول تقنعونا انو الادلة في تحريم المصافحة والاختلاط هي ادلة قوية ودينية وليست عادات مجتمعات عربية مغلقة . مثال واحد كشف الوجه : كشف الوجه هو الاصل في الاسلام ولادليل علي تغطيته ولكن في المجتمعات الخليجية الآن هو فرض وواجب يعني السودانيات بكشف وشوشهن اقرب للدين من السعوديات بتغطية وشوشهن ؟!!