|
|
|
 Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عماد حسين)
|
والسؤال: هل هذا هو محل المشكلة فقط؟!
يعني: هل القضية منظور لها من ناحية تضرر الجنوبيين فقط؟!
طيب.. لو ترتب على هذا الإمداد الغذائي استقواء الحركة الشعبية بتموين الشمال من أجل ضرب مواطني وأراضي السودان الشمالي
أليس من حق مواطني الشمال أن يتم التعامل معهم على أساس أنهم بشر برضو؟!!
سؤال لأصحاب القلوب المرهفة: طيب وين الموقف الأخلاقي تجاه مواطني الشمال؟!!
| |
 
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عماد حسين)
|
| Quote: الغريب أن السودان محاصر من عشرات السنين، ولا نجد من من أصحاب القلوب المرهفة أي استنكار لذلك |
بارك الله فيك يا شيخ عماد
ودي بعتبرها زيدة المقال كلو
يعني السودان ده عشرات السنين محاصر وزيتو طالع
الطيارات تقع نتيجة العقوبات ومافي واحد من المناضلين
يكلم اللوبي الصهيوني الفي امريكا ده عشان يرفعوا العقوبات
بل يفرحوا لو حصلت أي مصيبة أو عقوبة للسودان
وفي الواقع البتضرر من العقوبات هو المواطن السوداني
وليس الحكومة السودانية ولا الكيزان
لاكين الحنية دي ما بنشوفها الا على الجنوب والجنوبيين
حكومة الجنوب لو تريد اطعام شعبها فلتلتزم بحسن جوار مع السودان
ماعدا ذلك من حقنا تأمين بلادنا ومواطنينا
| |
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: محمد جلال عبدالله)
|
Quote: بارك الله فيك يا شيخ عماد
ودي بعتبرها زيدة المقال كلو
يعني السودان ده عشرات السنين محاصر وزيتو طالع
الطيارات تقع نتيجة العقوبات ومافي واحد من المناضلين
يكلم اللوبي الصهيوني الفي امريكا ده عشان يرفعوا العقوبات
بل يفرحوا لو حصلت أي مصيبة أو عقوبة للسودان
وفي الواقع البتضرر من العقوبات هو المواطن السوداني
وليس الحكومة السودانية ولا الكيزان
لاكين الحنية دي ما بنشوفها الا على الجنوب والجنوبيين
حكومة الجنوب لو تريد اطعام شعبها فلتلتزم بحسن جوار مع السودان
ماعدا ذلك من حقنا تأمين بلادنا ومواطنينا |
إنه الهوى يا أبو عبدالله
حنية شديدة على الجنوبيين.. نظام خلاص الأولاد بتعين عدالة وحريات
ديل النوع البيشوف الجزار تعبااااااااااااان في الضبح، فيقوم يحن عليهو ويمسك معاهو الضحية
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عماد حسين)
|
إذا كان الجنوب عاوز (يدوعل) ويملا كرشو ويبقى سمين بما يأتيه من الشمال، ويدعوهم ذلك للبطر وتجاوز الحدود، فليجوعوا وليتم قفل الحدود
المشكلة شنو؟!!
هل من المنطقي أن أفتح الحدود وأرسل السكاكين للجزار وأستكين في انتظار الذبح؟!
هذه دعوة لجميع أهل القلوب الرحيمة تجاه الجنوبيين، والقاسية تجاه الشماليين ليعيدوا النظر في مواقفهم المهترئة
وليعيدوا النظر في مواصفات موازينهم التي يزنون بها الأمور
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عماد حسين)
|
| Quote: هل من المنطقي أن أفتح الحدود وأرسل السكاكين للجزار وأستكين في انتظار الذبح؟! |
الأخ المحترم / عماد حسين
كلامك منطقي جدا وهو 100%
وبنفس هذا المقياس افتكر ما حقوا المسلمين يلوموا اسرائيل علي حصارها للفسلطينيين عموما، ولا لقطاع غزة علي الخصوص..
ولا يحق لهم لوم امريكا علي حصار العراق...
وبالتالي لا يمكن للسودان ان يتبرم اذا تك حصاره بواسطة مجموعة الأمم المتحدة في يوم من الايام..
وليكن معلوما لللجميع بأن الغذاء ليس هو الذرة والقمح فقط،،، فالأدوية ايضا تدخل في ضمن هذا النطاق من وجهة نظر امريكية..
لك تحياتي
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عماد حسين)
|
عماد حسين المهندس؟ شركة التنمية العقارية ( أيام زمان)؟
نفسك هادئ، وكلامك موزون، في موقف مستفز جدا؟ الجنوبيين وعرفنا نواياهم!
المشكلة في الجماعة المركبين ( مكنة) جنوبيين، مثل (جنك) وغيره، وهم في
إعراف الدول تحكمهم قوانين الخيانة العظمي، ولو مامصدقين خلى أي واحد منهم
ممن يحملون جواز مثلا أمريكي، يقوم وينتقد أمريكا بخصوص العراق مثلا ويوضح
خيانتها للإنسانية وكذبها على العالم في ضربة العراق وهي تهم حقيقية فما بالك
بمن يدعونا لمنح قوتنا لعدو متربص بنا أين عقول هؤلاء، فهم لا تلزمهم الحجج و
المناصحة وإنما يلزم أن تردعهم المحاكمة إن لم يكن تجريدهم من الجنسية السودانية.
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: حماد الطاهر عبدالله)
|
Quote: جمال المنصوري
قياسك ده ذكرني قياس ابليس: خلقته من نار وخلقاني من طين
المشكلة أن أمثالك يساوي بين الشمال الذي يحاول رد العنوان، وبين أمريكا التي ليس لنا معها حدود ولا نشكل خطر عليها، وإسرائيل المعتدية
معليش... ما صدقت معاك.. حاول تاني
أو حاول تقلب في كتب الزنديق محمود محمد طه عشان تجيب لينا رؤية جمهورية للقصة دي |
المحترم / عماد حسين
السلام عليكم ورحمة الله تعالي وبركاته..
ما هانش عليك تسلم علي كمان ما لقيت تشبهني باي شيء غير تشبيهي بابليس ؟؟
ما مشكلة علي العموم تشكر جزيلا علي ما تفضل به فاهك..
يا صديقي انت تساءلت هكذا :
Quote: والسؤال: هل هذا هو محل المشكلة فقط؟!
يعني: هل القضية منظور لها من ناحية تضرر الجنوبيين فقط؟!
أليس من حق مواطني الشمال أن يتم التعامل معهم على أساس أنهم بشر برضو؟!!
سؤال لأصحاب القلوب المرهفة: طيب وين الموقف الأخلاقي تجاه مواطني الشمال؟!! |
ورديت علي نفسك بهذه الاجابة:| Quote: طيب.. لو ترتب على هذا الإمداد الغذائي استقواء الحركة الشعبية بتموين الشمال من أجل ضرب مواطني وأراضي السودان الشمالي |
والاجابة دي تحمل في طياتها تبريرا لهذا الحصار وتلك المجاعة وتكون الحجة اعلاه،،
طبعا انا احسنت الظن بك كثيرا فقد تتطرق ذهني لبرهة انه يمكنك تفكيك ما خطته يداي، لكن معليش ما فاتش حاجة، ح اشرح ليك الرد بتاعي بصورة ابسط من سابقتها، نبدا من اول السطر:
بغض النظر عمن هو المخطيء في الامثلة الثلاثة التي اوردتها ليك (اسرائيل + امريكا+ الأمم المتحدة) ونضيف ليها السودان، فاذا كانت العداوة مبرر للحصار الا قتصادي ومنع الاغذية من المرور استنادا الي حجتك اعلاه، يبقي الموضوع ما بيفرق بين كونو اشرائيل تحاصر غزة، او امريكا تحاصر العراق، او الامم المتحدة تحاصر السودان، او السودان يحاصر الجنوب، لأنك يا سيدي ما اوردته من مثل تحديدا :
طيب.. لو ترتب على هذا الإمداد الغذائي استقواء الحركة الشعبية بتموين الشمال من أجل ضرب مواطني وأراضي السودان الشمالي
وكما تري فهو قول مرسل لا يحدد الطرف المخطي ابتداءا، ولا اقصد بالطرف المخطيء الطرف المعتدي، انما اقصد الذي ارتكب الخطأ في الاول لأن الاعتداء احيانا يكون نتاج خطأ الطرف المعتدي عليه، وانما حصر التبرير كله في ما اذا ادي الأمداد الغذائي الي استقواء الطرف الأخر ليضرب مواطني الدولة التي فرضت الحصار، وهو نفسه المبرر الذي تتذرع به اسرائيل وامريكا والأمم المتحدة.. ده قصدي بكل بساطة،،،
اما اذا اردت ان نتناقش في هل امريكا او اسرائيل دولة معتدية ام لا فده موضوع اخر يمكننا ان نتحاور فيه..
ارجو ان اكون قداوجزت وفسرت، اذا لم يكن كذلك، يمكنك ان تسأل ونحن نجيب.
شكرا لك
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: جمال المنصوري)
|
الأخ عماد
تحياتي
طبعاً موضوع الحصار الإقتصادي على الجنوب كلام بتاع سياسة ساكت، لا حصل ولا حيحصلن وبالنسبة لشعوب سودانيزاونلاين حيكون الجنوبيين ماتوا من الجوع.
الحقيقة السودان الشمالي ولا الجنوبي ما يقدر يقفل الحدود، واي محاولة هي ضرر للجانبين، الجنوب والشمال، عندك ستة ملايين شمالي عايشين على الجنوب ونفس العدد تقريباً من الجنوبيين عايش على الشمال عشان كده أي محاولة تجويع حتون للجانبين. وبالمناسبة حتكون جريمة دولية.
عمر البشير جرّ واطي طوالي، لانو الشماليين الحيتضرروا من الموضوع دا وحيجوعوا بالسبب دا حيحاربوا الحكومة طوالي وممكن انضموا للجنوب طوالي.
كدي اقرأ كلام البشير دا
Quote: الخرطوم (رويترز) - قال الرئيس السوداني عمر حسن البشير يوم الاحد انه لن يسمح للصراع مع جنوب السودان بان يلقي بظلاله على "العلاقات الاستراتيجية" مع شعبه وذلك في لهجة اقل ميلا للمواجهة من تلك التي استخدمها الرئيس السوداني خلال الازمة التي اثارت المخاوف من وقوع حرب شاملة بين البلدين.
واضاف البشير الذي كان يتحدث بلهجة هادئة غير معهودة خلال مؤتمر لمناقشة الخطة الاستراتيجية الخمسية للبلاد "اننا ننظر ببصيرة الي تلك العلاقات الراسخة بيننا وبين شعب جنوب السودان
|
أها يا أخوي عماد الكلام الفوق دا بداية التنازلات الحتشوفوها الأيام الجاية دي.
دولة جنوب السودان رضخت من قولة تيت للضغوطات وحتقعد مع الشمالن البشير بدأ يخدع في الشعب إنو حيجوع الجنوب وغيرو من الكلام الساكت، طبعاً الكثيرين ممكن يتخدعوا بالكلام دا، لكن كمان ما تبالغ يا شيخ عماد، الأخبار مالية الجرائد.
البلدين حيخشوا في مفاوضات وحيتم توقيع إتفاقات، لكن كونوا الشمال يعمل حصار إقتصادي على الجنوب بدون ما يتضرر الشمال دا كلام ما ممكن يحصل إلا في سودانيزاونلاين فقط.
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: الصادق اسماعيل)
|
الله يديك العافية يا الصادق
أشكر لك تفاعلك ونظرتك التي لا تخلو من جوانب صحيحة ومهمة، وهي ارتباط مصالح البلدين ببعضهما
أنا لا أنكر ذذلك يا الصادق.. لكن ما يحزنني أن بعض المعارضين - هداهم الله - يرى في
كل ما تقوم به هذه الحكومة ضلالة محضة، ومن هذا الباب يقفون مع الجنوبيين.
أنا شخصياً قبل كدة طرحت رؤية في مكان آخر أنه يجب الاهتمام بالجنوبييين ومعاملتهم
بصورة جيدة لتأليف قلوبهم، واستدامة حسن الجوار.
لكن يا الصادق.. الموقف الماثل الآن يوجب إيجاد رؤية واضحة في طريقة التعامل...
لماذا نهب الجنوب الغذاء - حتى لو بالفلوس - ثم يتقوون بهذا الغذاء على حربنا؟!
لماذا أستكين للجزار وأعطيه السكين ليذبحني؟!!
كما أن للجنوبيين أنفس ثمينة ومعصومة فللشماليين أنفس ثمينة ومعصومة
هذا الحصار وسيلة حماية فقط، ومتى زالت أسبابه فلا أرى أن يستمر
تسلم يا الصادق
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: د.محمد حسن)
|
Quote: لكن يا الصادق.. الموقف الماثل الآن يوجب إيجاد رؤية واضحة في طريقة التعامل...
لماذا نهب الجنوب الغذاء - حتى لو بالفلوس - ثم يتقوون بهذا الغذاء على حربنا؟!
لماذا أستكين للجزار وأعطيه السكين ليذبحني؟!!
كما أن للجنوبيين أنفس ثمينة ومعصومة فللشماليين أنفس ثمينة ومعصومة
هذا الحصار وسيلة حماية فقط، ومتى زالت أسبابه فلا أرى أن يستمر
|
عماد حسين
الموضوع ماى واقع ليك
نديك مثل عشان نقرب ليك الموضوع:
لص اقتحم بيتك واخذ جزء من أهلك رهائنن تقوم تفرض عليهو حصار بتاع طعام وشراب عشان يستسلم، أها الحرامي حيتضرر ويمكن يموت من الجوع لكن أهلك برضو حيموتوا من الجوع.
عشان كده قلنا ليكم الموضوع كل استهلاك سياسي من الحكومة، الحكومة ماضية غصباً عنها في طريق التفاوض والحريات الاربعة، عشان كده ما تجو تشيلوا وش القباحة ساكت، لا في حصار لا في يحزنزن.
البترول الموجود في السودان دا لا بتاع الشمال لا بتاع الجنوب، حقهم فيهو حوالي 20 الى 30% فقط، الناس العندها النصيب الأكبر في البترول دا ما بتسمح بي نوع الحركات الصبيانية بتاعت عمر البشير دى.
هسه العالم كلو ما عندو مشكلة مع الجنوب، لأنو الجنوب الموضوع واقع ليهو، عشان كده مشى من بدري وقدمت تنازلات للمجتمع الدولي ووافق على المفاوضات.
عمر البشير قايل الموضوع عنتريات وكواريك ورقيص.
عشان كده هسه هو معصور وبدأ يلطف في الخطاب بتاعو، ولحدي آخر السنة حيمضي على اتفاق فيهو تنازلات كبيرة للجنوب.
وحتشوف البلع الما خمج يا عماد موسى، عشان كده البوستات البتتكلم عن ظلم الحصار الإقتصادي وغيرو هي الحتكون منطقية وهي الحتكون سياسة البشير ذات نفسو في الشهرين القادميين.
| |
|
|
|
|
|
|
|
|
|
Re: حصار الجنوب اقتصادياً.. أفتونا مأجورين يا أصحاب القلوب المرهفة (Re: عبدالكريم الامين احمد)
|
Quote:
وياعماد اضافة للسؤال اعلاه..
هلا يجوز تجويع انصار السنة الجنوبيون...؟؟ |
وقد قال الكيزان من قبل بأن عدد المسلمين يساوى عدد المسيحيين
والبقية أصحاب ديانات أفريقية !
والمهم ما قاله أحد الزملاء أن أهم مناطق الثروة الحيوانية في السودان
تعتمد بنسبة ٧٠٪ علي مراعي دولة الجنوب ... هذا إضافة لكون أن السودان
الشمالي بحاجة لتصدير منتجاته بأقل الأسعار !
الحكاية معقدة ...
والسياسة في القرن الواحد عشرين لا يُمكن التعامل معها بطريقة زمان (فتح مكه).
| |
|
|
|
|
|
|
| |
عماد حسين
محمد جلال عبدالله
جمال المنصوري
حماد الطاهر عبدالله
الصادق اسماعيل
د.محمد حسن
عبدالكريم الامين احمد
Khalid Kodi
عاطف مكاوى
Tragie Mustafa
Amin Salim
فيس بوك
تويتر
انستقرام
يوتيوب
بنتيريست