|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: Balla Musa)
|
هههههههههه
انت يا العقاب الهرم (الحوار) الحايم بيهو اليومين دي جبتو من وين ؟
ما كنا السنة كلها زاعطنك وانت زايغ شغلنا ليك "يا حليل الطير الرحل" لامن روحنا دي اتسلت
يا زول مالك ومال الحوار ... الحوار دا شعر ما عندك ليهو رقبة ... شوف ليك سباق بتاع حمير ساي اتونس بيهو
هاك اقرا واستفيد شوف الحسانية اتطوروا كيف في غيابك
======◄ سـباق الحمـير ►======
Quote: دونكي ويرك!
كمن عبد الله على " درب التـُرُك" يترقب عودة تجار البهائم ليشتري منهم حمارا لأمّه تستعين به على المسافات في غدوها و رواحها. طال انتظاره و عند المغيب مرّ رجل أشيب، سلّم و طلب الأمان.
ـ إن شاء الله خير !
قال الرجل: خير الحمد لله.
ـ ما عندكم حمير الليلة ؟
ـ الحمد لله بعنا كل شيء، الحسانية عاملين مهرجانهم بدري السنة دي، أولادهم جوا واشتروا حمير السوق كلها .
قال عبد الله : لازمنا حمار كويس يا شيخ العرب، مستعجل و ضروري.
قال شيخ العرب: و الله ما فضل غير حماري مربوط في البيت، بكره أنشاء الله أجيبه ليك هنا لو بتنتظرني.
أدخل عبد الله يده في جيب قميصه و أخرج حفنة من الأوراق الخضراء.
ـ هاك دي خمسين دولار، شيلها و بكرة الصباح أنا منتظرك هنا .
أخذ شيخ العرب الدولارات من يد عبد الله بيد مرتجفة و شكره بفرح و هو لا يصدق رزقه المفاجئ.
في صباح اليوم التالي، عند" درب الترك"، هلّ شيخ العرب وحده متردد الخطى حزينا مطأطئ الراس.
وقف عبد الله متحفزا و سأل بفضول ظاهر :
ـ وين الحمار يا زول؟
ـ و الله يا ولدي أنا متأسف، دا حكم القدر، الحمار مات في الليل! .
كاد عبد الله أن يصرخ"يا رب كينيا و الملايو!" [ تاج السر الحسن ] ، لكنه كظم غيظه قبل أن يقول لشيخ العرب:
ـ طيب رجّع لي دولاراتي، أنا ماشي أشوف عيال الحسانية لو يبيعوا لي واحد من حميرهم.
ـ و الله يا ولدي أنا متلوّم و خجلان داخل في أضافريني، الدولارات صرفتها كلها امبارح بالليل.
ـ اللهم طولك يا روح !" ما العمل؟" [ فلاديمير إليتش، دار التقدّم بموسكو ].
ساد صمت ثقيل و عبد الله يتأمل في الشيخ المتمسكن كما الخرقة البالية .
فجأة خطرت له فكرة فقال لشيخ العرب،
ـ أمشي جيب الحمار؟
ـ يا ولدي إنت ما مصدقني؟! أنا قلت ليك الحمار مات!
ـ يا زول بطّل الغلبة! أمشي جـُر جتـّة الحمار وجيبو هنا، الباقي مش شغلك !.
تحت إلحاح عبد الله توجه شيخ العرب قاصدا داره تعصره الحيرة ،و ربط جثة الحمار بحبل وسحبها حتى "درب الترك" حيث كان عبد الله ينتظر، و حين وصل سلّم عبد الله طرف الحبل و قال:
ـ عبد الله يا ولدي أن سـألتك سؤال واحد ما بتزعل؟
ـ شنو؟
ـ داير تسوّي شنو بحمار ميّت؟
ـ إنت مالك ؟ حماري و أنا حر فيه! داير أسحب عليه يانصيب!
ـ لكن يا عبد الله ما ممكن تسحب يا نصيب علي حمار ميت!
ـ الناس حتشتري تذاكرها على حمار و لو أنت مسكت لسانك عليك مافي زول حيعرف إنو الجائزة حمار ميّت.
ـ حاشا يا ولدي، أنا لا اتكلمت و لا سمعت و لا شفت حاجة.
ـ يللا ، اقطع وشـّك من هنا..أنتو اللينينية دي إلاّ يكتبوا عليها يافطة!
هرول شيخ العرب مبتعدا تتبعه غمغمة بين الإعتذار و العجب من أمر هذه البيعة السوريالية.
بعدها بشهر مر شيخ العرب بـ "درب الترك" و وجد عبدالله جالسا يحتسي قهوته فسلّم و طلب الأمان. كان عبد الله رائق المزاج فأذن له و دعاه ليتناول قدحا من القهوة.
أخذ شيخ العرب رشفة و وضع الفنجان ثم نظر لعبد الله و قال:
ـ يا ولدي سويت شنو مع الحمار ؟
ـ زي ما قلت ليك ، سحبت عليه يانصيب و بعت خمسمية تذكرة بسعر دولار للتذكرة و كسبت خمسمية دولار.
ـ و مافي زول اشتكى لمن قلت ليهم الحمار مات؟!
ـ طبعا الحمار الفاز باليانصيب اشتكى فعوّضته دولاره و سكت. حمار عاقل.
ضحك شيخ العرب في نهاية الحكاية ثم استغفر و ختم بأن عبد الله تاب عن الجلوس في "درب الترك" و استقر في ديار الحسانية يبيع و يشتري في بيزنيس الحمير.
سألت شيخ العرب:
ـ هل اشترى حمارا لأمّه؟
ـ و الله يا ولدي مافي زول عارف إذا كانت... أفو!
رمقني شيخ العرب بنظرة متعجبة وتبسّم متسائلا:
ـ أوّع تكون إنت الزول الفاز في يانصيب الحـمـ ... و قبل أن يكمل عبارته
انفجر ضاحكا و علت قهقهاته ثم انتابته موجة من الضحك الهستيري و هو يتلوّى مبتعدا في غبار "درب الترك".
|
إقرأ المزيد من هنا دونكي ويرك عشان تملا دقنوسك الفاضي دا 
| |
  
|
|
|
|
|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: ABUHUSSEIN)
|
غايتو العمدة ما خاتي عليكم ... شوف الأمنجية إتلمو كيف ؟! 
--------------
بالنسبة للحوار ... يا زول أبشر أنا أتيت من أجل الحوار و خليني افتتح ليك الحوار بسؤال علي صلة ...
ليه يا هشام في أي مكان تجيب اسمك لازم تقرنو بشغلك .... ليه كلمة هباني و التكاسي طوالي بتجيبهم مع بعض ؟
المنبر ده فيهو سبعة الف عضو ما فيهم زول غيرك بكتب شغلو مع اسمو و في كل بوست ؟
إنت متعقد من قصة التكسي دي ليه ؟ ياخي ده شغل شريف و حلال و شغالينو ناس كتار محترمة جدا ... نبدأ من هنا عشان عندي ليك اسئلة تانية كتيرة ....
| |
|
|
|
|
|
|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
أوّل بالتبادي يا تكّاسي انتا، تخيّر من تحاورم.. هذا الدعيّ نوته، لولا حُقَن خ ح خ والجنا التاني الفي كندا داك!، لا يستأهل منك التفاته.. ألبتّه..
ثم إنو: قَبُل زي سنه كدي، قطعنا فيك انا ووهبه.. [أسألو إنت.. ماني فاضي اسمعلي كلامن مو يا]..
ألثمّن التاني: أبو حسين، طريقتو خبيثه جداً، يمدح ويقصد الذم، أرجو وهبه يفطن لذلك..
-
أمّن إنتا يا أمين، العامنلنا فيها بروف وما أدريكا، غالبك تفهم ليييييه أخونا، اللسد، يا عملاة الراجنّو الحلّا يحل المنجارطين، بيقرن أسمو معا شغلو؟
عييييبب يا بروف!
Hint:
انا مسّوي [حديسي] في [الطرطشه]، واللسد مسوّيها في [التكوسيي]..
.
.
إن وقعلك الهنت، ده يا المرام..
إن لَمْ،
الرماد يكيل جَنَخْتَك ألمباري حبيب فلاني داكا ورهطه. .
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
الزول خايف يعلق يطلعوهو أمنجي
أصلو في واحد في بوست جني بي هناك طلعني كوز وأنو الحكومة أمي
كوز دي مقدور عليها
لكن مسألة أنو الحكومة ( أمي ) دي بتدخلني في مشكلة كبيرة خلاص
أصلو ( بت التلب ) لو سمعت أنو سودانيزأونلاين طلعت لى ( أم ) تاني غيرها هى ست الإسم - حتى لوكانت الأم دي هى الحيكومة بجلالة قدرها - يمين الله تحلف على تاني سودانيزأونلاين دي كان بقت قبلة ما أصلي عليها...
أمي وأنا بعرفا بتغير على جناها وبتغير على أمومتها غيرة السواد والرماد
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: عاطف عمر)
|
سلام الاخوة هشام وأمين واتمنى ان يكون حوارا هادئا ومفيدا للجميع.
الاخ أمين لدي ملاحظات ارجو ان يكون ايضاحها دافعا للحوار.
الاخ هباني قد نتفق او نختلف مع اسلوبه في الكتابة لكن لا خلاف في وطنيته وحبه لوطنه واهله.
يستخدم الاخ هباني اسلوبا ساخرا وصادما في تعرية (عصبة الانقاذ). وفي الغالب تسهم موضوعاته في كشف المستور وفضح تناقضات اهل الحكم وفسادهم( رغم ان فسادهم ما عاد محتاجا لفضح، فقد اصبح جزءا من الاخبار اليومية رغم محاولات ستره او جعل بعض صغار المستوظفين كبش فداء بزعم جدية النظام في مكافحة الفساد. ولا يخفى طبعا ان ذلك مثله مثل هوجة هجليج ليست سوى (ضربات مرتدة) ضمن محاولات النظام المستميتة لابعاد شبح الربيع العربي رغم توافر اسبابه بأكثر مما هو موجود في سوريا مثلا!
واضح لكل متابع ان مقالات الاخ هباني مزعجة جدا للنظام. ( يتضح لي ذلك كمتابع من الاشخاص الذين يتابعونه كظله ومن محاولات استفزازه، كذلك من استخدام اللعبة القديمة (لعبة اذهب للقصر رئيسا) اي ادعاء المعارضة من اجل تسفيه المعارضة. وذلك موضوع سيطول تناوله . كذلك يمكن استنباط مدى ازعاج مقالات الاخ هباني للنظام من اسلوب النظام نفسه. خنق الاصوات الحرة في الداخل، مصادرة الصحف، المراقبة اللصيقة للنشاط الاعلامي في الداخل والخارج بصورة عامة، محاولة تهكير المواقع السودانية التي لاتستطيع السلطة كبح جماحها في تدفق الاخبار او الحوارات او تلغيمها (بناس هي لله في الظاهر هي لقفة الملاح في الداخل! ) الخ الخ.
لقد سبق لك فتح خيط (او عمود كما يقول الزميل عزام فرح) في الهجوم على اسلوب الاخ هباني، الحقيقة ان اسلوبه ليس جديد ويستخدم بصورة او بأخرى من آخرين في هذا المنبر او منابر اخرى، ادعاء الحرص على الاخلاق تدحضه بسرعة المواقف الاخرى، لا توجد اهانة للاخلاق اكبر من استخدام الدين كساتر لممارسة القتل والسرقة! لم توجد اهانة للاخلاق اكبر من تدمير اخلاق الناس انفسهم وبصورة ممنهجة وما حدث في السودان طوال العشرين عاما الماضية يؤكد ذلك. نتيجة للسياسات الخاطئة وبعضها متعمد ، قد يشتط الاخ هباني احيانا. لكن ذلك لن يخرجه في تقديري من خانة الضحية، لن (يرتقي ) يه ذلك الى مرتبة الجلاد.
لفت نظري استمرار تحاملك عليه اثناء دفاعك عن الشيخ نزار، الشيخ نزار في تقديري شخصية عامة. وانا اقصد كل رجال الدين. مواقفهم خلال هذا العهد الذي شهد تقسيم وطننا ودمار قيمنا واعلاء شأن العصبية والقبيلة (لدرجة ان تصبح منابر المساجد منابر لافشاء العنصرية (انظر لمقال عووضة) خروج الشيخ نزار لمناصرة الشعب السوري شئ عظيم فالشعب السوري مظلوم من قبل سفاح لم تعرف الرحمة سبيلا الى قلبه او قلب نظامه او حتى والده. وافعاله تشابه دون شك ما فعله الانقاذيون فينا. لكن حين لا نجد ان الشيخ نزار يخاطب مسيرة نصرة اهلنا المسحوقين (دون حقوق سوى واجب الطاعة المطلقة) من طرف نظامه، حين لا نراه يخرج لنصرة نساء دارفور والضحايا الذين احرقوا في قراهم التي كانت آمنة فإننا سنشك ( وذلك طبيعي ) في صدقية الشيخ نزار ومبدأيته.
جئت انت مدافعا عن الشيخ دون حتى ان تشير لتناقض مواقفه بل انك في تحاملك على هباني تأخذ من المداخلات التي تحشدها لتأييد وجهة نظرك، تأخذ منها فقط ما يخدمك وتتجاهل الباقي!
أنظر لقول الاخ عادل عبد العاطي مثلا:
Quote: استاذ هباني واضح لي ان الورقتين كتبهم د. نذار محمد عثمان ؛وأنا اصدقه في شهادته؛ مع ان هناك شبهات اتاحت لك فتح البوست بالعنوان الذي كتبته؛ ولكن استوقفتني جدا الجملة التالية:
Quote: البحث المنشور باسمي ملكي من ألفه إلي يائه، والذي حدث أنني ود. عصام كنا نعمل في مركز واحد، وقد قدم د. عصام البحث المنشور باسمه في مؤتمر بموافقتي ومعرفتي، وظهر البحث باسم د. عصام بحسب أنه هو من دعي إلى المؤتمر، واقترح فكرة البحث، ولذلك ظهرت الورقة في المؤتمر باسم د. عصام، ولم يظهر اسمي، ولم يعجبني ذلك وأبلغت د. عصام بذلك، ثم بعد ذلك أجريت تعديلا في البحث حتى لا يكون لـ د. عصام حتى العنوان، والموقع نقل البحث من أضابير المؤتمر، وعادة د. عصام يطبع مشاركاته هذه منفردة، ولم ينشر هذا البحث في أي مكان باسمه، بل الموقع نقل مباشرة من المؤتمر ولم يتحقق...
ــــ
سؤالي لدكتور نذار هو : كيف اتفق ان تعطي د. عصام البشير بحثا كتبته انت بنفسك ليقدمه بإسمه هو ؟؟ هل هذا ليس كذبا على المؤتمرين ؟؟ هل من تقاليد البحث العلمي ان يكتب الشخص بحثا ثم "يعطيه " لآخر ليقدمه بإسمه دون ان يكون قد كتب فيه حرفا ؟؟
الرئيس المجري استقال قبل اسبوع وهو رياضي سابق وذو منجزات لأنه سرق قي رسالته للدكتوراة من جهد الغير ؛ وفي أي مكان في العالم اذا كتب لك شخص بحثا او حل عنك امتحانا او غيره تفسد علامتك العلمية وشهادتك الخ ؛ باعتبار ذلك تزوير وكذب وادعاء لما ليس لك ..
السؤال هو : كيف رضيت هذا لنفسك ؟؟ وكيف رضى عصام البشير لنفسه ان ينتحل بحثك ؛ ثم لا يظهر حتى اسمك - كمشارك معه في البحث على الاقل - ؛ واستمراره في ذلك حتى بعد ان ابلغته بعدم رضاك ؛ وحتى اضطررت لتغيير البحث وعنوانه - مع الاقتباس الواسع عنه- ؟ وما رأيك في د. عصام البشير الآن بعد هذه التجربة الغريبة ؟؟
لكما التحية ...
|
انظر للجزء الذي اخذته انت:
Quote:
و ده كلام عادل عبدالعاطي :
Quote: استاذ هباني واضح لي ان الورقتين كتبهم د. نذار محمد عثمان |
اليست هذه: ولا تقربوا الصلاة؟
الكلام الذي كتبه الاخ عادل مهم جدا فلم تجاهلته انت كنت تتحرى الحقيقية فعلا؟ ليكن المقال ملكا للشيخ نزار او لغيره، ما دام الامر برضى تلك الاطراف، يظل سؤال الاخ عادل قائما :
كيف اتفق ان تعطي د. عصام البشير بحثا كتبته انت بنفسك ليقدمه بإسمه هو ؟؟ هل هذا ليس كذبا على المؤتمرين ؟؟ هل من تقاليد البحث العلمي ان يكتب الشخص بحثا ثم "يعطيه " لآخر ليقدمه بإسمه دون ان يكون قد كتب فيه حرفا ؟؟
لقد علمتنا التجارب ان اصحاب الغرض دائما لا يكترثون للحقائق الا بقدر ما تخدم الخط الذي يسيرون فيه واليه. انا بالطبع لا اتهمك بالغرض لكن وددت التنبيه.
ولكم الشكر .
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: مكي النور)
|
Quote:
سؤالي التاني يا هشام ... صحي إنت كتبت قصيدة تمدح في القذافي لانو نزل طيارة بابكر النور وفاروق حمد الله و مدحت نميري لانو أعدمهم ؟ |
العزيز أمين
لك عاطر التحايا
تعرف أنكما الإثنان من الذين أحترمهم في هذا المنبر
لذلك أستطيع أن أرد علي سؤالك أعلاه وبمعلومات يقينية أو شبهها
هشام هباني لم يلتقي بالقذافي علي الإطلاق .. ولم يكتب قصيدة للقذافي علي الإطلاق
ولا يجب أن تعتمد علي ما تقرأه إذا لم يصدر من الشخص المعين في حوارك معه ....
ثم أين هي القصيدة؟ ..... لقد كانت عنواناً لبوست من أحد الزملاء الذين نعرف بأنهم في
حالة خلاف مع هباني في هذا المنبر ... فلا تستخدمها .. وأنت لديك من المنطق القوى ما يكفي.
وهشام هباني بعد أن ترك حزب الأمة واللجان الثورية كان الأقرب للشيوعيين في ليبيا وبعدها وإن لم ينتمي لحزبهم
وكثيراً ما إنتقد هذا الحزب في هذا المنبر .... ولكن إنتقاداً إيجابياً .... وأنت سيد العارفين الشيوعيين ما بخلو حقهم
لو تبين لهم أن فُلاناً قد أساء إليهم في غير ما يستوجب الإساءة.
وهذه شهادة كان لابد من قولها
| |
|
|
|
|
|
|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: عاطف مكاوى)
|
لا اله الا الله محمد يارسول الله
صدق صلاح جادات انه مافي غواصة في البلد دي بتندس للابد..
الاخ الصنديد العمدة هشام هباني
ياعمدة اسمعها مني امين دا كوز وامنجي غواصة مغوص هنا عشان يجي ينضم باسم الأخلاق
الكلام دا قالوا لى الملازم السيد المسلمي في قعدة خاصة بقندهار وحلفني ما اطلعه
لكن طالما انك براك كشفتو وانا شايفو بيتلايق كيفن كانه من الشرفاء قلت اديك المعلومة علها تحسم ليك امرك
ومنها الواحد يبرئ ذمته الموت من الحياة ما معروف
شهدتي د عملاً لوجه الله والحقيقة
دمت ...
| |
|
|
|
|
|
|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: عبد الصمد محمد)
|
| Quote: الأخ هشام من الذين تمتلئ قلوبهم بحب الوطن ويحارب الإنقاذ وكل من يقف في صفها حتي لو كان لابس رمادي بشدة لذة يكرهون كلامه ولا يفتح بوستاً حتي يتدافعوا كالسيل لإلجامه ومحاولة إظهاره بمظهر غير جميل لكنه ينتصر دائما عليهم كلهم لأنه وطني صادق |
الله اكبر ،،، الله اكبر ،،، الله اكبر ..
ظهر الحق وزهق الباطل ،، ان الباطل كان زهوقا..
الله اكبر.. وهكذا هو الحق دائماً ما ينتصر اخي العزيز عبد الصمد محمد..
وهذا هو كلامي يا اخي عبد الصمد اذا رأيت هشام هباني قد تداعوا عليه تداعي الاكلة على قصعةٍ ما
وهو مزنوق ومقبوض بالثابتة في كضبة او افتراء على احد من الناس وبرضو بيفرفر ..
فاعلم انه على حق .. وانه على بينة من امره .. وانه للحقيقة عدة اوجه
والمناضل هشام هباني يمثل وجهها الذي حطّ قدره في اسفل سافلين..
الله اكبر ودمت عزيزي عبدو حامل لإبريــق المناضلين منظفاً لوجوههم إذا اتسخت ببعض وحل الرهط
ملمعاً لها ببعض بصاقك الذي تمسح بكمك به على وجه الحقيقة علها تلمع وتشع فتضئ لنا بعض من عتمة
خنقتنا ووقفت غصة في حلوق اعيننا حتى ما اصبح يستبين ضوء الحق من الباطل لولا بعض همتكم..
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: ABUHUSSEIN)
|
| Quote: دخلوها وصقيرا حام!! |
يا دوك ... و صقيرها سيظل حايم لحدي ما ينضف المنطقة كلها !!
-----------------------
Quote: الزول خايف يعلق يطلعوهو أمنجي
|
يا أبو أمين علق ساي الحبة ما بتجيك ... الناس دي بتستاسد علي الزول الما برد ...
بعدين ياخي أحمد الله الطلعو عندك أم تانية بس ... كان ممكن يطلعو ليك أمين و أبوين !!
-----------------------
| Quote: أمين الزول دا قال ليك حوار ما قال ليك تحقيق ...!!!! |
حوار شنو يا ابوحسين ؟ هسي الاستدعاءات بتاعت هشام دي علاقتها بالحوار شنو ؟
-----------------------
Quote: الامنجية ديل يا مناضل يخافوا ما يختشوش ..
|
يا حاليا ... الناظر كمان بوصو ؟
هشام ده بكون عندو بطاقاتنا بتاعت الأمن كلنا و بعرف يطلعها بتين !!
-------------------
Quote: التسوي بايدك .. يغلب اجاويدك
|
هشام دقس يا ولي !
-------------------
Quote: بالغت يا بروف!
الزول يقول ليكـ (حوار) تديهو (بل)!!
|
يا صايم ... البل جزء لا يتجزأ من الحوار !!
-------------------
| Quote: الأخ هشام من الذين تمتلئ قلوبهم بحب الوطن ويحارب الإنقاذ وكل من يقف في صفها حتي لو كان لابس رمادي بشدة لذة يكرهون كلامه ولا يفتح بوستاً حتي يتدافعوا كالسيل لإلجامه ومحاولة إظهاره بمظهر غير جميل لكنه ينتصر دائما عليهم كلهم لأنه وطني صادق |
ده كلام سليم يا عبد الصمد ... أنا عارف تماما - بحكم الوظيفة - إنو في قسم كامل في جهاز الأمن متفرغ لمتابعة و رصد المناضل هباني ... !!
--------------------
يا معاوية ... الناظر ما عرد ... الناظر إنسحب تكتيكيا !!
-------------------
سلامات يا العوض ... ما زلنا في أول الطريق... أبقو معنا بالله
-------------------
| Quote: يانونة بعد العرض فى مواصلات وللا نتوكل نحصل الترحيل ؟؟ |
يا مزمل ... البوست فاتحو الناظر .. و الناظر ما بقصر ...
------------------
Quote: أول مرة أشوف زول لاعب في أرض الخصم بستة مهاجمين!.. هههه
|
يا حلبلب ... الخصم لمن يكون قاعد ساي بتبله في أرضو عادي جدا !!
------------------
الأخوان عاطف و مكي ... نسبة لاختلاف مداخلاتكم ... بجيكم برواقة إن شاء الله...
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: العوض المسلمي)
|
الأخ: محمد أمين سليمان
تحيّاتي
الحقيقة أن أسئلتك التي وجهتها للأخ هشام هباني هي من حفزتني للدخول وطرح بعض الأسئلة التي ظلت تؤرقني لمدة طويلة مخافة أن تُحمل في وقتها على أنها ردة فعل*، ولكن طالما أنك تطرح هذه الأسئلة، ومنها سؤالك التالي: "ليه بتشخصن النضال و معارضة الحكومة؟" فإني أبدأ أسئلتي هذه بسؤال مشابه:
لماذا تشخصن الصراع بيني وبينك يا دكتور أمين؟
هل تنكر أن بوستك بعنوان (المجموعة غير الكاملة ..... إلخ) جاء نتيجة لأني "بليتك"** في بوستين للأخ صبري الشريف واحد بعنوان (جلد فتاة سودانية؟ هل هذه هي الشريعة) و (التعذيب في الإسلام)؟
لماذا كل صورك بروفايلك (أو جُلّها) تصوّرك إما وأنت تقرأ أو حول مجموعة من الكُتب، هل هي عُقدة معينة، أم محاولة لإسقاط فهم معيّن لدى الآخرين؟
---------------
(*) لا أنكر أن دافعي الآن لهذه المداخلة هو دافع شخصي جدًا.
(**) أكره جدًا كلمة "بَل" واستخداماتها ودلالاتها السخيفة في هذا المنبر
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: العوض المسلمي)
|
Quote: الحقير هشام ادم انت احط وا###### زول انا مرّ اسمه عندي
انت لا بتخجل ولا بتستحي ولا عندك اخلاق يا بشر؟
تسرق وتعلف زيك وزي اي سارق وكمان جاي تتكلم في نسب النبي ؟
يخسئ عليك وعلي يوم لمانا معاك في مكان واحد!
تعبد حجر تعبد شجر تنكر اي رب ده شأنك ولكن اطرش وغسل دمك ده بعيد مننا
قبحك الله |
عداك العيب يا ود المسلمي
أردموا، شاحد الله يردمو البلا اليغتس حجرو
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام آدم)
|
قلت لي الجماعة الدينيين عملوا ليك ارهاب فكري بهناك جيت فكيتها في امين
غايتو انا معاك في انه :
Quote: لماذا كل صورك بروفايلك (أو جُلّها) تصوّرك إما وأنت تقرأ أو حول مجموعة من الكُتب، هل هي عُقدة معينة، أم محاولة لإسقاط فهم معيّن لدى الآخرين؟
|
في امنجي يا هشام ادم ما عندو عقد نفسية؟؟!
وامين دا ثبت بالقاطعة انه امنجي كما بين ذلك هشام هباني
يبقي كلامك دا زيادة ادلة واثبات..!!
ـــــــــــ
أها امسك عندك يا هشام هباني جبت ليك المرة دي دليل تاني علمي سايكولوجي بيستند على التحليل العلمي النفسي الدقيق وتقاربه مع المعطيات ....
بالله يا خال بعدين ما تنسانا وقت القبض
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: محمد قرشي عباس)
|
Quote: بالله يا بروف تعال حصل (بِل) هشام ده هنا
تأملات مشروعة 1
قبال البوست ما يمشي الخور
أصلا البروف ما خاتي عليك يا هشام !!
و أيوه ..
أقنعتني حجج البروف في سرقاتك تماما
بس كان عندي أمل تتصلح و تنعدل بعدها
لكن الظاهر مافيش فايدة
ندمان بس على معركتي مع عماد موسى بسببك
إتشاكلت معاهو ساي في غير فائدة .. |
الفاضل: محمد قرشي عباس
هذا غضب طفولي لم أتوقعه منك على الإطلاق. فعلًا "سقوط مريع يا دكتور"
| |
|
|
|
|
|
|
|
|
 Re: التكاسي هباني يطلب حوارا مباشرا مع البروفسور امين (نوتة) !!! (Re: هشام آدم)
|
Quote:
هذا غضب طفولي لم أتوقعه منك على الإطلاق. فعلًا "سقوط مريع يا دكتور"
|
لكل فعل رد فعل
و لكل مقام مقال ..
و لو بتحترم نفسك و الوقفوا معاك قبال كده
حقو تراجع موقفك و تفكر في السواطة البتعمل فيها دي
لكن بشهد ليك ببراعة دس السم في الدسم
و بدل ما تجي تشخص الغضب عليك
أمشي شوف روحك عملت شنو لتستاهل الغضب
in the first place
& I still stand by my previous opinion
your motivation here is far from intellectual
you seem to struggle for a redemption
through inciting empathy after provoking threats
برضو عصام ود جبر الله ما خاتي عليك !!
مع إضافة إنك واعي تماما لإنك بتعمل في شنو
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمير عثمان)
|
أووو هشو العلاف !!
والله يا هشام حيرتني ... ياخي إنت بتجيب قوة العين و تخانة الجلد دي من وين ؟! تمساح إنت ياخي ؟
غايتو أنا كان قابضني زيك كده ... كان بكون متعلق في أستار الكعبة ربنا ينسي الناس دي و لا كنت إتلاشيت لحدي ما الناس دي تنسي ولا تحن و ما تجيب سيرة العليفة ......
لكن لانو الليلة يوم الحوار العالمي و نحن في حضرة الأمام الغائب شيخنا هباني ... نجاوب ليك علي أسئلتك :
| Quote: لماذا تشخصن الصراع بيني وبينك يا دكتور أمين؟ |
إنت الشخصنتها ... إنت شتمتني .... أنا اتهمتك بانك حرامي تسرق مجهود الناس و تنسبو لنفسك ... قلت لي كذاب و إتحديتني أثبت كلامي ... و أنا أثبتو !!
Quote: هل تنكر أن بوستك بعنوان (المجموعة غير الكاملة ..... إلخ) جاء نتيجة لأني "بليتك"** في بوستين للأخ صبري الشريف واحد بعنوان (جلد فتاة سودانية؟ هل هذه هي الشريعة) و (التعذيب في الإسلام)؟
|
متذكر البوستين تماما ... نحن إتناقشنا فيهم و النقاش كان حضاري جدا و إتناقشنا بادب و إحترام ... بعد داك في بوست تاني أنا علقت علي مداخلة حقتك شبكتني إمعة و تهرف بما لا تعرف و ده الجاب أجلك ... يعني إنت لو كنت عارف أنا ح أسوي فيك شنو كان مرقت لي بالشاشة و أديتني بوسة بدل ما تتحداني !!
بعدين يا هشام أنا ما طارح نفسي أديب ولا شاعر و لا عمري ادعيت إنو عندي إنتاج من أي نوع ... يعني ما في منافسة بينا في شئ ... الموضوع انك أسئت لي و أنا رديت أساءتك بانو كشفتك محض لص يسرق مجهود الناس ...
| Quote: لماذا كل صورك بروفايلك (أو جُلّها) تصوّرك إما وأنت تقرأ أو حول مجموعة من الكُتب، هل هي عُقدة معينة، أم محاولة لإسقاط فهم معيّن لدى الآخرين؟ |
معقولة بس ؟!
إنت يا هشام قايل الناس كلها عيانة زيك كده ؟
الصور دي أخدها خضر حسين ... سمير شيخ إدريس عزمنا سمك في مكتبو ... علفنا و بعداك أنا فتحت مكتبتو فيها كمية كتب عجيبة جدا ... خضر الوهم طلع موبايلو و قعد يصور و حلف لي إنو ما ح ينشرها ... تاني يوم فتح بيها بوست ... بعد سنة و شوية جيت إنت - بعد ما ما لقيت ليك أي كلام تداري بيه سؤتك - عايز تبلني بالكلام ده ...
| Quote: (**) أكره جدًا كلمة "بَل" واستخداماتها ودلالاتها السخيفة في هذا المنبر |
و دي مدعاة لانو الواحد يستعملها أكتر !!
و بالمناسبة دي الكلمة دي أنا الجبتها المنبر و بستعملها في اليوم عشرمية مرة من زمن الجامعة ... قلنا نحفظ الحقوق و كده :)
--------
كلمة قبل أخيرة :
تعرف بعد مداخلتك الانكسرت لي فيها ديك ... رديت ليك بكل أدب و قلت ليك ياخي خلي الحاجة الحصلت ليك دي تكون مدعاة لانك تقعد مع روحك تراجع الفلم ده كلو و تحاول تطلع منو بفايدة ... مش كده و بس ... أنا أبيت أرد علي المتداخلين عشان البوست ما يكبر و قلت ربنا يصلح حالك و نكون ليك سبب ... بوستك الفتحتو الليلة و مداخلتك هنا ورتني انك لسه في ضلالك القديم ... فيا هشام ياخي أنت محض لص ...موهبتك في سرقة مجهود الغير و نسبتو لنفسك أكبر من موهبتك ككاتب و كان دايرني أفتح ليك بوست جديد بعلايف جديدة و سرقات جديدة ... قول عوك أنا جاهز موية و نور !!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
الأخ مكي سلام و تحيات طيبات ...Quote: يستخدم الاخ هباني اسلوبا ساخرا وصادما في تعرية (عصبة الانقاذ). وفي الغالب تسهم موضوعاته في كشف المستور وفضح تناقضات اهل الحكم وفسادهم( رغم ان فسادهم ما عاد محتاجا لفضح، فقد اصبح جزءا من الاخبار اليومية رغم محاولات ستره او جعل بعض صغار المستوظفين كبش فداء بزعم جدية النظام في مكافحة الفساد. ولا يخفى طبعا ان ذلك مثله مثل هوجة هجليج ليست سوى (ضربات مرتدة) ضمن محاولات النظام المستميتة لابعاد شبح الربيع العربي رغم توافر اسبابه بأكثر مما هو موجود في سوريا مثلا!
واضح لكل متابع ان مقالات الاخ هباني مزعجة جدا للنظام. ( يتضح لي ذلك كمتابع من الاشخاص الذين يتابعونه كظله ومن محاولات استفزازه، كذلك من استخدام اللعبة القديمة (لعبة اذهب للقصر رئيسا) اي ادعاء المعارضة من اجل تسفيه المعارضة. وذلك موضوع سيطول تناوله . كذلك يمكن استنباط مدى ازعاج مقالات الاخ هباني للنظام من اسلوب النظام نفسه. خنق الاصوات الحرة في الداخل، مصادرة الصحف، المراقبة اللصيقة للنشاط الاعلامي في الداخل والخارج بصورة عامة، محاولة تهكير المواقع السودانية التي لاتستطيع السلطة كبح جماحها في تدفق الاخبار او الحوارات او تلغيمها (بناس هي لله في الظاهر هي لقفة الملاح في الداخل! ) الخ الخ.
|
أول حاجة مافي زول زايد علي وطنية هشام ... العكس تماما يا مكي ... هشام هو من يزايد علي وطنية الناس و بطريقة فجة جدا ... أنا أعتقد إنو هشام بيبتذل النضال و بستعملو كاده في مشاكلو و خلافاتو الشخصية و إنو نضالو بتاع البذاءة و صور الكوندوم بيصب في صالح الحكومة و بصور المعارضين كناس صعاليك ما عندهم موضوع ... لكن أنا ما قلت و لا يحق لي أقول إنو هشام ما وطني ولا نيتو خدمة الوطن ببساطة لاني ما مطلع علي نيتو ... هشام هو البجي ينمط الناس و يوزع كرنيهات النضال.... يفتح البوستات و يستنطق الناس و بعد داك يشتمهم و يدور عربيتو و يمشي !!
قصة تكون قاعد في الطراوة حقت بلد الخواجة دي و تجي تكتب ليك بوستين تلعن الحكومة و تجي بعداك تنقط في البوستات زي الماسورة فده من حق هشام ... الما من حقو إتهام الناس و المزايدة علي وطنيتها ...
ياخي خليك من ده .. أخر مداخلة لهشام معاي في بوست دكتور نزار ... قال لي كيف إنت تصاحب وهبه و إنت عارفو مؤيد للطغيان ... و منها جاء فتح لي البوست ده ...
فيا مكي ياخي لو إنت حريص علي هشام و حريص علي النضال ... وجه كلامك لهشام إنو يغير طريقتو المبنية علي البذاءة و إنو ما يزايد علي وطنية الناس و لا علي مواقفها و لا يستنطق الناس ببوستاتو السطحية دي و الأهم من ده ما يفتح ليه بوست ينادي الناس و يزوغ بعداك !!
بالنسبة لكلامك عن موضوع دكتور نزار ... فارجو نقلو لبوست هشام بهناك و أعدك اني أرد عليهو ... ما عايز ندخل الموضوع في البوست ده لانو ح يشتتو تماما خاصة إنو في بوست مفتوح و فيهو نقاش مواصل عن هذا الموضوع ...
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هيثم طه)
|
أبو مكاوي يا حبيبنا .. تحيات طيبات و لعلك و العيال و أمهم بخير و عافية ... Quote: هشام هباني لم يلتقي بالقذافي علي الإطلاق .. ولم يكتب قصيدة للقذافي علي الإطلاق
ولا يجب أن تعتمد علي ما تقرأه إذا لم يصدر من الشخص المعين في حوارك معه ....
ثم أين هي القصيدة؟ ..... لقد كانت عنواناً لبوست من أحد الزملاء الذين نعرف بأنهم في
حالة خلاف مع هباني في هذا المنبر ... فلا تستخدمها .. وأنت لديك من المنطق القوى ما يكفي.
وهشام هباني بعد أن ترك حزب الأمة واللجان الثورية كان الأقرب للشيوعيين في ليبيا وبعدها وإن لم ينتمي لحزبهم
وكثيراً ما إنتقد هذا الحزب في هذا المنبر .... ولكن إنتقاداً إيجابياً .... وأنت سيد العارفين الشيوعيين ما بخلو حقهم
لو تبين لهم أن فُلاناً قد أساء إليهم في غير ما يستوجب الإساءة.
وهذه شهادة كان لابد من قولها |
وين يا عاطف أنا اتكلمت و لا سألت هشام إنو قابل القذافي ولا لا ؟ و بعدين كيف تقول إنو لم يكتب قصيدة في مدح القذافي علي الاطلاق ؟ ممكن تقول هو قال ليك كده ...لكن ما تقول إنو لم يكتب قصيدة في مدح القذافي علي الاطلاق ...
(أحد الزملاء الذين نعرف بأنهم في حالة خلاف مع هباني في هذا المنبر)... كما تفضلت قال إنو عندو قصيدة كتبها هشام في مدح القذافي لانو إعترض طائرة الشيوعيين و لنميري لانو اعدمهم ... و هذا الزميل أنا بعرفو معرفة شخصية ما عهدت عليه الكذب ...و كلامو ده ما قالو لي في تلفون أو بصورة شخصية ... كلامو ده فتح بيه بوست هنا في هذا المكان ... و بعد ده أنا ما عملت حاجة غير اني سألت هشام فقط لا غير ... و أهو ده قاعدين مستنين الناظر يجي يجاوبنا ...
يا عاطف... أعرف مدي احترمنا لبعضنا البعض .. و عايز استعمل الأحترام ده للكلام معاك بصراحة بدون الخوف من فهمي باي صورة خاطئة تغير الأحترام المتبادل ده ... و أعرف انك علي علاقة ما بهشام و إنو مداخلتك دي إنت شايفها شهادة لتبرءة هشام لا أكتر لا أقل ...لكن ليه يا عاطف لمن هشام بزايد علي وطنية الناس و مواقفها بناء علي خلاف شخصي معاهو بتسكتو ساي ... و لمن يتبل تجو بشهاداتكم ...
هشام يستدعي المختلفين معاه و يفتح ليهم بوستات يشكك فيهم و في مواقفهم و يسبهم و يشتمهم و لمن يردو ليه تجونا مارقين بالمبررات و الشهادات ... و لو سكتو علي أساس إنو كل زول معلق من عرقوبو ... ليه ما تسكتو طوالي ... و تخلو بينو و بين الناس بدون شهادات ...
هباني عمل الحركة دي لوليد الشفت و للعوض و لدكتور نزار ( و ديل الانا إتذكرتهم من طرف الذاكرة الخربة) و هسي جاي يعملها معاي ... ليه ما جيت طالبت هشام يوقف تنميط الناس و استنطاقهم و توزيع شهادات البراءة النضالية ولا سالتو من دلايلو شنو لمن يقول لده إنت أمنجي و لي داك إنت كوز و مؤيد للحكومة ؟
دايرين تبقو حقانيين يا عاطف ؟ تخشو في كل البوستات العلي صلة و تقولو رايكم و تدو شهاداتكم كلها ... لكن الشهادات الما بتطلع إلا في صالح جهة واحدة بتبقي مغروضة و عبارة عن (يد من خلال الموج مدت لغريق ) ....
جاملو يا عاطف زي ما دايرين ... لكن عليكم الله ما علي حساب الناس ... و لا علي حساب البلد !!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
العزيز أمين
تحية طيبة
وبعد
أولاً : أنا لا أتداخل في مناكفات هشام هباني المنبرية سواء معه أو عليه إلا في حدود شهادة إن كانت ضرورية.
ثانياً : في هذا المنبر كل يوم نُشتم ونُسب .... ولكنها شتائم منبرية من كثرتها تحولت إلي شتائم بدون رائحة أو طعم
ثالثاً : بخصوص القصيدة .. لقد تأكت من صديقي (الُمدعي عليه) .. وأنت تثق في صديقك (المدعي) وحسب القانون
علي صديقي (الحليفة) في حين أن علي صديقك (البينة) ... وبما أنه لا توجد (بينة) حتي الآن دعنا نأخذ بالحلفان
ولأنها (تهمة خطيرة) لذلك تداخلت ... ولولاها كنت سأكتفي بالإطلاع والمتابعة.
هذا مع إحترامي الأكيد.
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
الاخ ( المناضل) امين سليمان المدعو ب ( امين نوتة)
تحياتي
كدأبك يا اخي سعادة (المناضل) لا تأتي لمناقشة شخصي في كل خيط الا مستنصرا بوفد المقدمة المعلوم والمنمطين بانهم من أعوان بل المدافعين عن الطغمة وهم الاشهر بهذا الداء في هذا المنبروالذين للاسف دوما في صفك ناصرين اياك ظالما ومظلوما لطالما انت في خندق مناهض للمدعو (هباني) ولكن لا ضير في ذلك لطالما انت ايها ( المناضل) مستمريء نصرتهم وهو امر مهم عندي بل سيكون واحدا من محاور هذا الحوار ولكني على العموم اشكرك على استجابتك السريعة على اجراء هذا الحوار المشروع والمرغوب فيه جدا توخيا للمصلحة الوطنية العليا وليس بغرض غير احقاق الحق والحقيقة وليس فيه اية دوافع شخصية بل هو ردة فعل طبيعية لمداخلات عديدة من طرفك تفضلت فيها في سياق عام بعرض رايك السلبي حول طبيعة نضالي وهو امر مقدر ومشروع واقبله وايضا امتلك حق الرد عليه ولذلك قررت ان اخصص له خيطا خاصا به حتي تتضح الامور ليعلم الجميع من منا علي حق في موقفه الوطني..و لطالما يا اخي انا المبادر بهذه الدعوة للحوار عليه اعتقد ادبيا انني صاحب الحق بطرح الاسئلة المفتتحة للحوار فهلا قبلت.
ساتي اليك لاحقا هذا المساء لمواصلة هذا الحوار الهام
مودتي
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
Quote: هشام هباني لم يلتقي بالقذافي علي الإطلاق .. ولم يكتب قصيدة للقذافي علي الإطلاق
ولا يجب أن تعتمد علي ما تقرأه إذا لم يصدر من الشخص المعين في حوارك معه ....
ثم أين هي القصيدة؟ ..... لقد كانت عنواناً لبوست من أحد الزملاء الذين نعرف بأنهم في
حالة خلاف مع هباني في هذا المنبر ... فلا تستخدمها .. وأنت لديك من المنطق القوى ما يكفي.
وهشام هباني بعد أن ترك حزب الأمة واللجان الثورية كان الأقرب للشيوعيين في ليبيا وبعدها وإن لم ينتمي لحزبهم
وكثيراً ما إنتقد هذا الحزب في هذا المنبر .... ولكن إنتقاداً إيجابياً .... وأنت سيد العارفين الشيوعيين ما بخلو حقهم
لو تبين لهم أن فُلاناً قد أساء إليهم في غير ما يستوجب الإساءة.
وهذه شهادة كان لابد من قولها |
شوف يالمدعو عاطف مكاوي
انت طبعا قاصدني انا باقتباسك دا وخصوصا ما تحته خط
داير اقول ليك انا ما مجنون ولا كذاب عشان ألصق بهشام او اي انسان آخر ما ليس فيه ..
هشام قابل القذافي ومدحه بقصيدة وكان مطلعها ما ذكرته في البوست المسحوب وكان من الناشطين جدا في اللجان الثورية
في البوست المسحوب في اتنين من اصدقاء هشام أكدوا الواقعة ودافعوا عن هشام بأن تجربته كانت حديثة
وذكر واحد منهما وقال :" معقول جايب ليك قصيدة ليها 30 سنة "
ودا غير الواقعة نغسها ذكرت في بوست لأحد الاتحاديين قبل البوست بتاعي بعام كامل شايف ؟
ياخ كونو هشام صحبك ولا ساكنين في ولاية واحدة ولا في اي حتة دا ما بديك الحق في انك تقدح في مصداقيتي .
الغريبة ملاحظتي عنك يا عاطف انك زول كويس ما عارف دقست وكتبت مداخلتك دي كيف ؟
غالبا الابليس هباني غشاك .. الكلمة امانة يا جماعة ..
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: عبدالوهاب علي الحاج)
|
هيثم ... الله يجبر بخاطرك ياخى ...
وشايف برضك لم تخلو شبتكم من صيد "سمين"
Quote: وانت بمقال داير تغتال شخصية كريمة و مقدسة بافتراضات فطيرة (في نظري)
يا هشام في كتيرين من الملحدين العرب بدل الخوض في نقاشات فلسفية عن الدين بقوا لامن غلبتهم الحكاية قالوا الا يغتالوا الشخصية المقدسة في شخصو و اخلاقو يمكن يجيب نتيجة !
لكن الطريقة دي في تقديري عمل غير اخلاقي تماما بل يستوجب فتح قضية جنائية بالقذف - ناهيك عن شخصية الرسول حتي لوكان اتقال في حقك او حقي اوحق ابوك او ابوي ! |
نورالله عليك ...
بهذا فقد تصدق لكم بقطعة ارض لاقامة خيمة!
وموقع ناصية كمان ...
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: عبدالوهاب علي الحاج)
|
كخبير آكشن ومحلل استراتيجي قدير لي تعليق على مجريات - ومآلات - البوست
واضح أن البروف كان مهيا نفسو تماما للبوست دا و عامل الهوم ويرك كويس و مكرّب تيمو
وشيئ ما يحدثني ان البروف قد "دردق " هباني لفتح البوست دا تحديدا, بمداخلاته في بوست سرقة بحث دكتور نزار
وواضح ايضا انو لاعب بطريقة هجومية فاجأت الخصم و الجمهور و المحللين
من مجريات البوست يبدو ان خطة البروف فاجأت هشام, ونقلته من خانة الهجوم للدفاع
امام هشام تحدي كبير باعادة فرض استراتيجيته و السيطرة على البوست بنفس هادئ و منطق سليم
دون اللجوء لتشتيت الكورة و اسلوب التكرار الدائري لنفس الكلام و الكليبات
فقد اثبت هذا الاسلوب فشله مع دكتور نزار و العوض من قبل و بالتأكيد لن ينجح مع البروف
اعزائي المتابعين نتمنى لكم متابعة بوست ممتع وحوار مفيد
نلتقيكم بعد الفاصل
__________________________________________
| Quote: و كان دايرني أفتح ليك بوست جديد بعلايف جديدة و سرقات جديدة ... قول عوك أنا جاهز موية و نور !! |
عووووووووووووك
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: محمد البشرى الخضر)
|
يا ود هباني
اسمح لي ااتغول على حقوقك التاريخية وخليني انظم ليك السباق المرة دي ..
بطل اللولوة والزوغانات بتاعتك دي هش لينا طوالي جاوب على اسئلة البروف وخصوصا بتاع القصيدة
والاسئلة هي عشان ما تعمل فيها ما شايف : | Quote: ليه يا هشام في أي مكان تجيب اسمك لازم تقرنو بشغلك .... ليه كلمة هباني و التكاسي طوالي بتجيبهم مع بعض ؟ |
| Quote: سؤالي التاني يا هشام ... صحي إنت كتبت قصيدة تمدح في القذافي لانو نزل طيارة بابكر النور وفاروق حمد الله و مدحت نميري لانو أعدمهم ؟ |
| Quote: ليه يا هشام بوستاتك كلها بذيئة ؟ و ليه بتشخصن النضال و معارضة الحكومة ؟ |
| Quote: صحي يا هشام إنت كنت عضو في اللجان الشعبية بتاعت القذافي ؟ و لو الأجابة نعم ... ممكن تحكي لينا تجربتك في موالاة و موازرة أحقر دكتاتورية في العالم العربي ؟ |
| Quote: ليه بعد ما ابتدعت مدرسة النضال بالبذاءة و صور الكوندوم ... حولتها لمدرسة شكل الناس بالنضال ... يعني كلما تختلف ليك مع زول ( حتي لو الخلاف ما سياسي أساسا ) طوالي تفتح ليه بوست و تبتدي تستوجب فيه مستعملا النضال ؟ |
| Quote: تقدر تنكر إنو بوستك ده جاء نتيجة لانك فتحت بوست تطاعن في حميد - بعد ما مات - و إنو ياسر العوض جاء بلاك فيهو قمت فتحت ليه بوست ... جاء دكتور نزار بلاك في بوست العوض قمت فتحت ليه بوست ... جيت أنا بليتك فيهو ...قمت فتحت البوست ده ؟ |
_________
شفت يا العقاب الهرم بعد خدمة الـ Delivery بتاعتي دي لو ما جاوبت على الأسئلة تكون زول ما كويس ...
يلا أبقى مارق مرق جلدكـ ... الغسيل على البروف والمكوة علي انا دا وانت عارف مكوتي ضقتها قبل كدا هههههههه
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: عبدالوهاب علي الحاج)
|
حمد الله علي السلامة يا عمدة ... شفقتنا عليك يا راجل .... .. أول مرة تفتح ليك بوست بمداخلة واحدة و 24 ساعة ما تجيهو ...Quote: كدأبك يا اخي سعادة (المناضل) لا تأتي لمناقشة شخصي في كل خيط الا مستنصرا بوفد المقدمة المعلوم والمنمطين بانهم من أعوان بل المدافعين عن الطغمة وهم الاشهر بهذا الداء في هذا المنبروالذين للاسف دوما في صفك ناصرين اياك ظالما ومظلوما لطالما انت في خندق مناهض للمدعو (هباني) ولكن لا ضير في ذلك لطالما انت ايها ( المناضل) مستمريء نصرتهم وهو امر مهم عندي بل سيكون واحدا من محاور هذا الحوار ولكني على العموم اشكرك على استجابتك السريعة على اجراء هذا الحوار المشروع والمرغوب فيه جدا توخيا للمصلحة الوطنية العليا وليس بغرض غير احقاق الحق والحقيقة وليس فيه اية دوافع شخصية بل هو ردة فعل طبيعية لمداخلات عديدة من طرفك تفضلت فيها في سياق عام بعرض رايك السلبي حول طبيعة نضالي وهو امر مقدر ومشروع واقبله وايضا امتلك حق الرد عليه ولذلك قررت ان اخصص له خيطا خاصا به حتي تتضح الامور ليعلم الجميع من منا علي حق في موقفه الوطني..و لطالما يا اخي انا المبادر بهذه الدعوة للحوار عليه اعتقد ادبيا انني صاحب الحق بطرح الاسئلة المفتتحة للحوار فهلا قبلت.
|
بعدين ياخي أنا ما جيت (مستنصرا بوفد المقدمة المعلوم والمنمطين بانهم من أعوان بل المدافعين عن الطغمة ) أنا جيت مستنصرا باسئلتي الكتبتها ليك فوق ديك عشان الحوار !!
و فد المقدمة ( أعوان و المدافعين عن الطغمة) معظمهم جو بعد ما أنا كتبت ليك أسئلتي دي ... و بعدين خليك من (و فد المقدمة أعوان بل المدافعين عن الطغمة) إنت مش مصفني اني أنا ذاتي من ( أعوان بل المدافعين عن الطغمة )... تاني في شنو ؟ إن شاء الله يجيبوني البوست بزفة بلدية ... مشكلتك معاي شنو ؟!
إنت دعيتني لحوار لكن أنا سئلتك أول ... تجاوبني علي أسئلتي دي ... أجاوبك علي أي سؤال إنت دايرو ... إن شاء الله نمشي بالبوست ده أربعين ربع لقدام ... كان أسئلتي حارة كلمني بخففها ليك ... لكن لازم تجاوب !!
------------
| Quote: عنوان البوست التكاسي هباني يطلب حوارا مباشرا مع البروفسور امين (نوتة) ودا بفهم منو انا انو هباني عاوز يناقش افكار ومواقف الاخ امين ما شخصيته وما كان الاخ امين علي طول يحول الموضوع كانه نقاش شخصي ومهاترات |
لكن يا عبدالصمد ياخي أنا غير المهاترات عندي شنو ؟!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
Quote: في امنجي يا هشام ادم ما عندو عقد نفسية؟؟!
وامين دا ثبت بالقاطعة انه امنجي كما بين ذلك هشام هباني
يبقي كلامك دا زيادة ادلة واثبات..!!
|
يا حاليا ... بعد تحليلات الهشامين ديل ... الواحد بعد ده ما فضل إلا يصور ليكم بطاقة الأمن حقتو عشان تصدقو !!
-------------
Quote: بالله يا بروف تعال حصل (بِل) هشام ده هنا
|
يا دوك ... لا يحتاج... هشام مبلول طبيعي ...
-------------
| Quote: هذا غضب طفولي لم أتوقعه منك على الإطلاق. فعلًا "سقوط مريع يا دكتور" |
بالله شوف !!
هشام أدم بتكلم عن سقوط مريع لدكتور محمد قرشي ...
إبتسم أنت في سودانيزاونلاين !!
------------
Quote: بوست يجعل الحليم حيرانا ...
شخص تم استدعاءه لحوار....
لبى النداء ...
وبكل اريحية ...
وطرح بعض أجندة الحوار...
|
أمير يا حبيبنا ... يا ريتو لو وقفت علي كده ... قال ليك كتابات هباني مزعجة جدا للنظام و الأمنجية و الرماديين يتابعونه كظله ... الغريبة هشام هو الكل مرة بستدعي الناس و كان جيت ولا ما جيت بشتمك ...
Quote: نأمل من البروف البحث عن بديل لهذا المصطلح الذى يكرهه سعادة
الكاتب الاريب والمفكر الجهبذ هشام ادم ..
|
نحن هشام ده يا أمير ما بنقدر علي زعلو ... لكن المشكلة إنو الكلمة دي لاصقها في خشمي من أولي جامعة ... 26 سنة بالتمام و الكمال ... إنا لله .. بالله الزول عجز قدر ده ؟
-----------
Quote: الاخ البروف أمين
امل أن تترفع عن الرد
على الملحد هشام ادم
فإنه لا يستحق ذلك أبدا
بعد الاساءة والافتراء إلى نبينا
محمد ص الله عليه وسلم
وزوجه وأبنائه رضي الله عنهم
ولترجى عودة الناظر هباني
|
طيب يا أنقابو ... هشام أدم إترفعنا عنو .... البجيب الناظر شنو ؟!
------------
Quote: و شخصيا زعلت جدا من كلامك ما عشان التطاول علي مقام الرسول لكن عشان تعرّض انسان كريم و اخ وبن اخ كريم في اخلاقياتو (واعني الرسول )
و بغض النظر الرسول عايش معانا او ميت و بغض النظر ايضا عن صحة الاسلام ام عدم صحتو لكن موضوعك -في نظري-قذف بيّن
|
بالله يا دكتور ده كلام ده ؟!
(انسان كريم و اخ وبن اخ كريم ) ؟!
الكلام ده تقولو عن موسي قمر بوبا ... محمد البشرى خضر... أو أي من كرام المواطنين ... الرسول صلي الله عليه و سلم ده بره الفلم بتاع الوصف ده ...
دقسة تانيه زي دي بقلع منك الدكتوراة ظاهر باطن !!
------------
Quote: ثالثاً : بخصوص القصيدة .. لقد تأكت من صديقي (الُمدعي عليه) .. وأنت تثق في صديقك (المدعي) وحسب القانون
علي صديقي (الحليفة) في حين أن علي صديقك (البينة) ... وبما أنه لا توجد (بينة) حتي الآن دعنا نأخذ بالحلفان
ولأنها (تهمة خطيرة) لذلك تداخلت ... ولولاها كنت سأكتفي بالإطلاع والمتابعة.
|
قبل الكلام ده يا عاطف ... هشام يجي هنا يقول إنو وهبه كاذب و إنو لم يكتب قصيدة في مدح القذافي .... بعد داك تسلسل كلامك صحيح ...
ح اجيك لحتة التداخل الانتقائي لانو داير أسهب فيها شوية ...
-----------
وهبه بالقمردين ... الكلام دخل الحوش .... تفتح بوست و تجيب القصيدة و علي ماذا استندت علي إنو كتبها هشام ... لانو لو هشام فعلا كتب القصيدة دي ... البورد ده تاني ما بشيلو !!
-----------
| Quote: وشيئ ما يحدثني ان البروف قد "دردق " هباني لفتح البوست دا تحديدا, بمداخلاته في بوست سرقة بحث دكتور نز |
أبدا والله يا البشرى ... جيت كتبت مداخلة واحدة ... و هشام رد لي عليها رد كويس ... بعداك من هنا لهنا لحدي ما لقيتو فاتح لي البوست ده ... هشام دقس و ستسير بدقستة الرقشات و الأمجاد !!
خليه يبقي راجل و يجي يقول لي أفتح بوست بعلايف جديدة !!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
عنوان البوست التكاسي هباني يطلب حوارا مباشرا مع البروفسور امين (نوتة) ودا بفهم منو انا انو هباني عاوز يناقش افكار ومواقف الاخ امين ما شخصيته وما كان الاخ امين علي طول يحول الموضوع كانه نقاش شخصي ومهاترات كان علي الاقل ينتظر يسمع موضوع الحوار او هشام عاوز يقول شنو بدون المبادرة بما كتبه وما عارف ليه في ناس في البورد ما بقدروا يتجاوزي حتة نفسي نفسي والواحد لو مغبون بحق او بدون حق من زول يترصده في كل مكان عشان يفش الغبينة ويمرمطه مرمطة العدو ودا بخرب اي حوار وبيخرب المنبر ذاتو وكم نتمني انه الناس العندهم غباين يرحموا الاخرين لو عجزو عن كظم غيظهم
والله ما اجمل ان يترفع الناس عن الشخصي ويحولوا كل حوار لحوار افكار
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هيثم طه)
|
Quote:
يا بروف طبعا لامن كتبت الكلام دا عارفو ح يستغلق عليك شديد !
|
سبقتني و الله في البل
رغم إني كنت جاي أحل البروف من دقسته دي ..
غايتو الفهمتو أنا من كلامك ده
Quote:
شخصيا زعلت جدا من كلامك ما عشان التطاول علي مقام الرسول لكن عشان تعرّض انسان كريم و اخ وبن اخ كريم في اخلاقياتو (واعني الرسول )
و بغض النظر الرسول عايش معانا او ميت و بغض النظر ايضا عن صحة الاسلام ام عدم صحتو لكن موضوعك -في نظري-قذف بيّن
...
بحاول اجيهو بالحتة الهو ممكن يفهمها !
|
هو إشارة تاريخية لموقف أهل مكة من الرسول الكريم يوم الفتح
و هم لم يسلموا بعد حين قالوا له :"أخ كريم و إبن أخ كريم"
بعد سؤاله (ص) : "ما تظنون أني فاعل بكم"
فدي شهادة تاريخية ليه بره نطاق نبوته بكرم الأخلاق ..
و منطق هشام اللاديني مفروض يخليه يقيف في الحته دي
و أمثالها كثر اللي بتوريهو إن قذفه للرسول الكريم ما مستند على شيء !!
و بيحوله مباشرة لتهمة جنائية !!
ده طبعا إذا تجاهلنا للحظة نبوته و رسالته اللي نحن مقتنعين بيها ..
غايتو لو طلع كلامي غلط ..
أسحب منو الدكتوراه طوالي
أنا زاتي حاسده عليها
_______________________________________________________
بالمناسبة يا هيثم طه
بما إنك شاركتني التحليل
فعلى لسان هشام هاك دي
"سقوط مريع يا دكتور"
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هيثم طه)
|
Quote: أول حاجة مافي زول زايد علي وطنية هشام ... العكس تماما يا مكي ... هشام هو من يزايد علي وطنية الناس و بطريقة فجة جدا ... أنا أعتقد إنو هشام بيبتذل النضال و بستعملو كاده في مشاكلو و خلافاتو الشخصية و إنو نضالو بتاع البذاءة و صور الكوندوم بيصب في صالح الحكومة و بصور المعارضين كناس صعاليك ما عندهم موضوع ... لكن أنا ما قلت و لا يحق لي أقول إنو هشام ما وطني ولا نيتو خدمة الوطن ببساطة لاني ما مطلع علي نيتو ... هشام هو البجي ينمط الناس و يوزع كرنيهات النضال.... يفتح البوستات و يستنطق الناس و بعد داك يشتمهم و يدور عربيتو و يمشي !!
قصة تكون قاعد في الطراوة حقت بلد الخواجة دي و تجي تكتب ليك بوستين تلعن الحكومة و تجي بعداك تنقط في البوستات زي الماسورة فده من حق هشام ... الما من حقو إتهام الناس و المزايدة علي وطنيتها ...
ياخي خليك من ده .. أخر مداخلة لهشام معاي في بوست دكتور نزار ... قال لي كيف إنت تصاحب وهبه و إنت عارفو مؤيد للطغيان ... و منها جاء فتح لي البوست ده ...
فيا مكي ياخي لو إنت حريص علي هشام و حريص علي النضال ... وجه كلامك لهشام إنو يغير طريقتو المبنية علي البذاءة و إنو ما يزايد علي وطنية الناس و لا علي مواقفها و لا يستنطق الناس ببوستاتو السطحية دي و الأهم من ده ما يفتح ليه بوست ينادي الناس و يزوغ بعداك !!
بالنسبة لكلامك عن موضوع دكتور نزار ... فارجو نقلو لبوست هشام بهناك و أعدك اني أرد عليهو ... ما عايز ندخل الموضوع في البوست ده لانو ح يشتتو تماما خاصة إنو في بوست مفتوح و فيهو نقاش مواصل عن هذا الموضوع ... |
شكرا اخي أمين على ردك.
الأخ هشام وحسب متابعتي إنسان مهموم جدا بقضية وطننا، لدرجة الشعور بالغبن والمرارة لمآل الحال، في تقديري انه وفي هذا الزمن الاستثنائي الصعب فإن هذا الشعور طبيعي بل ومرغوب جدا ان كان بالامكان ان يسهم ذلك في أية عمل يقود (لفرملة) هذا التدهور المريع الذي يبدو كأنه لن يتوقف قبل ان يوردنا ووطننا موارد الهلاك.
أتفق معك انه سيكون من الخطل ان نحاول فرض وصاية على الناس في كيفية تصديها لواقعنا. هناك من يجد نفسه في الكتابة في التراث مثلا او التاريخ أو غيره، حتى وان كانت الرماح مشرعة فوق رأسه او الوطن في سبيله للضياع فكل ميسر لما خلق له، ولن تتوقف الحياة في النهاية حتى وان تبدت مظاهر القيامة ( وانا طبعا اقصد المعنى المجازي فلا داعي لضمي لقائمة هشام آدم (وجه ضاحك)
هشام حسب متابعتي وكما أسلفت يعبر عن رأيه في صورة ساخرة وصادمة تجذب الكثيرين، وتعري فساد الانقاذ واجرامها وأزلامها، وهو لا يخرج في الغالب عن خطه هذا حين يطلب التحاور مع بعض الأخوة. لو أخذنا الشيخ نزار كمثال هو شخصية عامة وكما يبدو من كتاباته هو مؤيد لخط الانقاذ وبالتالي تصبح مساءلته حول مواقفه أمرا طبيعيا ومطلوبا وهو نفسه حين يبادر للمشاركة في مثل هذا المنبر لابد انه يتوقع ان يواجه مثل هذه المواقف وربما يسعى اليها خدمة للهدف الذي من اجله شارك في المنبر .
يقيني ان هشام لا يريد ان يفرض عليك او على اي انسان صحابة زيد او عبيد، لكن بالنسبة لي كمتابع فإن تكالب وجوه معينة ومحاولتها استفزاز هشام ليست عملا إعتباطيا. والا فما هو تفسيرك لهذا الأمر؟
الموضوع وكما سبق لي ان اسلفت ان هباني يفتح جراحا تحرج النظام، ومسألة ان النظام يضيق بالرأي الاخر خاصة ما يكشف فساده او يمس الهيبة المزعومة لقادته او يرفع وعي الناس بما يحدث في بلادنا ،ويبذل الغالي والرخيص في سبيل تغبيش الوعي، عن طريق مصادرة الصحف ومحاولة فرض وجهة نظر معينة عليها، تهكير المواقع، هل لاحظت بيان بكري بعد تهكير الموقع قبل اشهر ان جهة رسمية تملك امكانات كبيرة وبرامج مكلفة واناس يعملون على مدار الساعة لاختراق الموقع، ايضا ما يتعرض له بإستمرار موقع الراكوبة. اضافة لاستراتيجية الدفع بأحصنة طروادة وبعضهم كما ذكرت لك يعيد المسلسل المكسيكي الممجوج: أذهب الى القصر رئيسا! وأنا الى السجن حبيسا، ضمن مسلسل الاستهانة بالشعب السوداني، رغم انهم يحكون ان نقد قال للترابي في كوبر في بدايات الانقاذ بعد مرور ايام على الانقلاب: كتر خيرك انت جاملتنا كتير بعد دة حصل جماعتك ديل!
النظام يسعى لتفكيك عواصف الربيع العربي ولعمري انه أول من يبتدر تفكيك الرياح!
ا
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: Yassir Tayfour)
|
Quote: البروف أمين
والبروف وهبة
يا اخوانا عشان خاطرى هشام هبانى دا المرة دى سامحوه..
|
يا دوك ... كان جاء طلب السماح أنا غايتو بسامحو ... لكن وهبه أمنجي قلبو أسود و هشام بشكل إزعاج للطغمة الحاكمة زي ما قال واحد من الأخوان فوق ... و وهبة زي ما عارفو بحب الطغمة الحاكمة زي عيونو فما أظن يسامحو !!
بعدين ياخي الألقاب العلمية دي ما تبذلها بالساهل بالله ... وهبه يا دوب عندو ماجستير ... كان شد حيلو شويه بنجازف ليه الدكتوراة ...
--------
| Quote: يا بروف طبعا لامن كتبت الكلام دا عارفو ح يستغلق عليك شديد ! |
ياخي أنا المستغلق علي شوية في بورديكم ده ؟
بعدين قال ليك (بنك بجانب الخصيتين ... !!! ) ... حكمة ربك : الوقت ده كلو قايل الخصيتين جنبهم بقالة ... طلع بنك !!
--------
اخونا مكي ... أول حاجة كتر خيرك علي سماحة الحوار رغم إختلاف الأراء .. بجي لمداخلتك مرة تانية إن شاء الله ...
-------
Quote: غايتو لو طلع كلامي غلط ..
أسحب منو الدكتوراه طوالي
أنا زاتي حاسده عليها |
يا دوك ... هيثم لو ما كان ضرب لي قبيل يستعطف ... كان خلينا حايم بماجستير بس .. زيو و زي وهبة ...
--------
| Quote: نوتة، أذهب أنت ورهط فقاتلوا، إنا ها هانا لابدون ؛) |
يا ياسر أنا مستنصر (بوفد المقدمة المعلوم والمنمطين بانهم من أعوان بل المدافعين عن الطغمة ) ... إنت أسوي بيك شنو ؟!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
التكاسي هباني هذا البروف البرجوازي لم يراعي فيك الاً ولا ذمة
وللأسف شغلو معاك كلو ناشف بدل ما يبلعك البوست بتاعك دا مع بعض المسهلات قام نشفو كلو كلو واداهو تراب بي الشطة وحطب وقال ليك ابلع فعندك واحد من حلين ايا تبلع ولا هو يسامحك
وانا متأكد انو ما حيسامحك عشان عينيك عشان تتعلم الغفران وتصفح لو زمن جار بيك
بروف امين اتقي الله
.......
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: محمد قرشي عباس)
|
الاخ امين ( نوتة)
مساء الخير
يبدو انك مصر على ان تكون المبادر بحوار هو انا ابتداء من دعوتك اليه وكان ينبغي من باب ( الاتيكيت) والادب ان اكون مبتدئه ولكن ما دام انت مصر علي موقفك لا بأس بل سأرضخ لرغبتك لا ضعفا مني ولكن من اجل استمرار هذا الحوار الوطني الهاديء والصريح جدا وسيكون ردي واضحا وفي ذات الوقت سيتولد منه سؤال واضح وجريء جدا وسيكون مجسا حقيقيا لصدقية وعيك الوطني الذي ينبغي ان يكون وعيا لا يجامل علي حساب الحق لطالما الامر عام في سياق القضية العامة وعليه ارجو ان تكون امينا بحجم اسمك ( امين) في الرد عليه حتى نثبت اننا عندما ننطلق في اي حوار عام نتسم في اشيائنا بالشجاعة والشفافية توخيا لاحقاق الحق والحقيقة لطالما ان كثيرين يصنفون كلينا في خندق واحد اي خندق المقاومة الوطنية لهذا النظام المجرم الفاسد وهوخندق لا يحتمل رمادية المواقف والتوسط بين المنزلتين ولكن للاسف لا زالت هذه المسلمة مشكوكا فيها من واقع قرائن بائنة تثبت انك لست من ذات الخندق النضالي!
من ناحية تاريخي انا هشام هباني لهو كتاب مفتوح للجميع ولا اخجل منه بل اعتز به لانه جزء من حياتي وتاريخ تكويني وتطور وعيي السياسي والثقافي. وكوني اقرن متعمدا اسم مهنتي كتكاسي باسمي لهو نوع من الاعتزاز بهذه المهنة الشريفة مثلما يقولون فلان المحامي ودكتور فلان و( دكتور نوتة) والباشمهندس فلان وهي مهنة شريفة يمتهنها الاف من السودانيين الشرفاء خارج السودان وفيهم من هم اكثر تاهيلا مني ومنك بمختلف الشهادات ..اما من حيث بداياتي في العمل الوطني العام فقد كان البداية وانا بالثانوية العامة مثل جل طلاب السودان ابان الحقبة المايوية المدحورة حيث كان للطلاب دور واضح في الثورة ضد الطغيان المايوي واستمر النضال بالثانويات العليا وحتى الجامعة اي جامعة الخرطوم حيث تأطر انتمائي لحزب الامة تأطيرا تقليديا بتاثيرات ابوية عائلية كما يحدث لابناء الختمية والانصار عندما ينتسبون الي( الاتحادي والامة) وفي السنة الثانية انتسبت الي حركة اللجان الثورية وفصلت في ذات السنة فصلا اكاديميا وليس سياسيا ولكن نشاطي السياسي الجديد اثر على تحصيلي العلمي مما ادي لفصلي من الجامعة وبعدها طلب القبض علينا نحن مجموعة من خلايا اللجان الثورية بالجامعة وجامعات اخري مما اضطرني ان اهاجر الي ليبيا لالتحق بالمعارضة السودانية هناك حيث ظللت هناك عضوا فاعلا في حركة اللجان الثورية الى ان عادت الي السودان بعد الانتفاضة من ضمن قوي العمل الوطني السوداني وبعد عامين رجعت الي ليبيا لاصلاح الاحوال الاقتصادية والمعيشية لاسرتي وايضا لاواصل دراستي وظللت بها الي ان غادرت حركة اللجان الثورية في العام1991 بشكل رسمي في معية اخوة شرفاء منها تضامنا مع مجموعة من سودانيين شرفاء من عدة تنظيمات لتشكيل نواة المعارضة الوطنية الاولي في ليبيا ضد هذه الطغمة المجرمة في الخرطوم والتي للاسف وجدت حينها سندا كبيرا من الدولة الليبية ضد شعبنا وهو الامر الذي حفزنا بشكل نهائي لمغادرة حركة اللجان الثورية وبالتالي صار وجودنا في ليبيا غير مرغوب فيه وفينا من اعتقل وفينا من استجوبته مخابرات الدولة الليبية التي كانت تراهن رهانا كبيرا على هذه الطغمة المجرمة.
وبعدها خرجت الي مصر ملتحقا باسرتي التي سبقتني اليها الي ان رتبت اموري مع المفوضية السامية لشئون اللاجئين والتي اوصلتنا الى هذه الديار في معية الاف السودانيين اللاجئين قذفت بهم الاقدار الى هذه الاصقاع النائية. وان اردت اخبارا حقيقية عن سيرتي في ليبيا وانا عضو بحركة اللجان الثورية ارجو ان تاخذها مباشرة من زملاء الدراسة في ليبيا من مختلف التنظيمات بما فيهم ( الكيزان) وهم جميعهم يعرفونني كتابا مفتوحا كما هو الان هشام هباني التكاسي بغير رتوش ومستعد ان اقبل حكمهم علي شخصي ..واما القصيدة ( المنجورة) التي اتي بها صديقك الحميم الذي تثق فيه جدا ( وهبة) لا تخرج عن كونها من تخريجاته الكيدية في صراعه غير الشريف مع شخصي لانه ينطلق من الخندق الاخر اي خندق اعوان السلطة.. فانا انسان اعتز بنفسي جدا ولا اسمح لنفسي بتعاطي مثل هذا الشعر الذي يرتخص فيه الانسان نفسه تزلفا وملقا لاجل مدح انسان مثله حيث لا كبير لدي في هذه الدنيا الدنية الا ربي واذا كنت بمثل هذه ( الرخسة) البائنة في هذه القصيدة ( المنجورة) والتي لم( استمتع) بها كاملة فلم الى الان انا خارج وطني لاكثر من اثنين وعشرين عاما اتحمل كل هذه المعاناة ومدرك تماما سهولة ان تبيع نفسك وقلمك اليوم في خرطوم الاجرام والفساد حيث لكل رخيص ثمنه اي من ضمن بطانة السوء لاجل مدح السلطان لقبض كل الاثمان في مستنقع يحتكره فقط الانتهازيون والملاقون والرخيصون وخاصة لنا في السلطة اهل واصهار واصدقاء!
واما اذا كنت تعتقد في امكانية تخويني بمثل هذه القصيدة الوهمية مثل صديقك الحميم جدا (وهبة) وهو الذي يسعي ويريد دوما الوقيعة بيني وبين اصدقائي الشيوعيين والذين كانت تعج بهم ذات ( ليبيا) التي تورطت ذات تاريخ معلوم وفي ظروف معلومة في اعتقال الشهيدين( بابكر النور وفاروق حمد الله) فانكما لن تفلحا بل اطمئنكما انه ان كنت انا بمثل هذه النذالة التي تتخيلانها في شخصيتي فلا يمكن ان احظي بعلاقة خاصة واعتز بها جدا مع جل اسرة الشهيد بابكر النور ابتداء بشقيقه الراحل الصديق (حسن النور ومرورا بالخالة العزيزة المناضلة الخنساء سوار الدهب وكريماتها هند وهدي وهالة وكمالة وخالد)وهي يا ( امين نوتة) علاقة اعتز بها جدا والله اشرف وامتن واقدس واطهرمن علاقتهم بزميل الفكرة والتنظيم والتاريخ الذي بلا استحياء خان دماء الرفاق
( فاروق وبابكر) و اخيرا للاسف مشاها وحده خطي كتبت عليه السقوط شقيا في دروب الخيانة لدماء شهداء الشعب السوداني وهو الطريق المؤدي الي مذابل التاريخ في معية طغاة اليوم من تستنصر بهم يا امين ومن شابه ( حبوبته) ظلم.... وهنا السؤال الاليم يا امين ارجو ان تجيب عليه بامانة وشجاعة حتى يحكم الجميع علي وطنيتك وصدقيتك: هل بذات صدقيتك وجرأتك التي تواجهني بها الان انا هشام هباني في كل خيط مبخسا من مواقفي الوطنية الي درجة التخوين هل يمكن ايضا ان تحكم ضميرك الوطني علي عواطفك لتخون في العلن ذاك الشخص العزيز وتعتبره من اعداء الشعب السوداني وانه اختار مذابل التاريخ وان موقفي انا هشام هباني بكل حدته وبذاءته اشرف من موقف ذاك الشخص العزيز والذي تعزه جدا يا امين محمد سليمان؟
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
Quote: علاقة اعتز بها جدا والله اشرف وامتن واقدس واطهرمن علاقتهم بزميل الفكرة والتنظيم والتاريخ الذي بلا استحياء خان دماء الرفاق
( فاروق وبابكر) و اخيرا للاسف مشاها وحده خطي كتبت عليه السقوط شقيا في دروب الخيانة لدماء شهداء الشعب السوداني وهو الطريق المؤدي الي مذابل التاريخ في معية طغاة اليوم من تستنصر بهم يا امين ومن شابه ( حبوبته) ظلم |
| Quote: لتخون في العلن ذاك الشخص العزيز وتعتبره من اعداء الشعب السوداني وانه اختار مذابل التاريخ |
باقي الكلام ليك يا أمين .. و سيب لي لو سمحت القذارة دي
يا هشام يا هباني ..
كان نهجي دائماً أن أتركك ما تركتني - ما عدا مرة فلتت عندما كنت تغرق المنبر بنقاطك الكثيرة لتحشر بوستاتك في الصفحة الأولى غصباً وقد تركها حتى من يستحسنون أسلوبك - وأقول لنفسي اني أجفو كتابتك لسبب نفسي أني لا أستحسن الأسلوب .. فليس من الإنصاف أن أجادلك في أسلوب تختاره لنفسك .. إن أحسنت فلها وإن اسأت فعليها.
لكنك أبيت إلا أن تمس الناس ..
أنا لك في هذا المقتبس ال######## من كلامك ..
وأتحداك ..
عصبية لجدي أحمد سليمان المحامي .. وأنا به فخور .. بما أحسن فيه للوطن وبما اخطأ ..
وقد كنت أحد قلة - منهم أمين - لهم معه خصوصية .. وأعلم عنه ما تجهل ..
أتحداك ..
نقاشك هذا معي ..
قل لي ماذا تنقم على أحمد سليمان .. و لأوجعنك به وأرغم أنفك
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
يزايد هباني كعادته على أمين في أحمد سليمان و الحزب الشيوعي ..
وأصدق أصدقاء أمين هو ابن عبد الخالق محجوب شخصياً ..
و اسأل انا نقد في عزاء أحمد سليمان في منزل والد أمين عن ذكرياته في البيت فيقول لي ان " استاذ " محمد ( والد أمين ) أبونا و المرحوم أحمد أخوي .. و يحدثني طويلاً عن ما تعلمه منه حتى تدمع عيناه ..
ويوصيني التجاني الطيب قبل أن يغادر الفراش أن أبلغه حين يصل الجثمان .. فأقول له يا عمي التجاني ارتاح فيقول لي ابوسلمون ما راجل ساهل يا ولد.
ويزايد عليه هشام هباني
يا سبحان الله ..
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
| Quote: وفي السنة الثانية انتسبت الي حركة اللجان الثورية وفصلت في ذات السنة فصلا اكاديميا وليس سياسيا ولكن نشاطي السياسي الجديد اثر على تحصيلي العلمي مما ادي لفصلي من الجامعة وبعدها طلب القبض علينا نحن مجموعة من خلايا اللجان الثورية بالجامعة وجامعات اخري مما اضطرني ان اهاجر الي ليبيا لالتحق بالمعارضة السودانية هناك حيث ظللت هناك عضوا فاعلا في حركة اللجان الثورية الى ان عادت الي السودان بعد الانتفاضة من ضمن قوي العمل الوطني السوداني وبعد عامين رجعت الي ليبيا لاصلاح الاحوال الاقتصادية والمعيشية لاسرتي وايضا لاواصل دراستي وظللت بها الي ان غادرت حركة اللجان الثورية في العام1991 بشكل رسمي في معية |
بعدها نجي نشوف الانتماء للجان الثورية و الحياة في ليبيا على فترتين في معية اللجان الثورية لحدي 1991 .. ليبيا ذاتا الاعتقلت الشهيدين بابكر النور وفاروق حمد الله .. مش كده ؟
اعتقلتم سنة 1971 .. انت لجان ثورية و قاعد في ليبيا لحدي سنة 1991 ..
وبعد ده كلو :
| Quote: احظي بعلاقة خاصة واعتز بها جدا مع جل اسرة الشهيد بابكر النور ابتداء بشقيقه الراحل الصديق (حسن النور ومرورا بالخالة العزيزة المناضلة الخنساء سوار الدهب وكريماتها هند وهدي وهالة وكمالة وخالد) |
سمح ..
بنجيو الكلام ده .. ونشوف وكت أصلو ديل شهدا ودمهم حار كده .. الكان مخليك لجان ثورية و مقعدك في ضيافة القذافي شنو
كلو بجي
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
| Quote: حيث تأطر انتمائي لحزب الامة تأطيرا تقليديا |
قلت ليك بقيت حزب أمة ؟
ده بعد حادثة معهد المعلمين لما وقف السيد أحمد المهدي وزير الداخلية يبشر في المتظاهرين قدام بيت أزهري ويدعوهم لملاحقة الشيوعيين ؟ ومرقو عليهم في الشارع يضربوهم وله قبلها يا صديق اسر الشهدا الزعلان عليهم ؟
الزمن داك دم الشيوعي ما كان حار ؟
كدي ده بنصلو بالمهلة ..
بعد نشوف قلة أدبك على أحمد سليمان ..
لما تهبش لحم الناس الحي .. ابقى قدر الكلام ده
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
| Quote: وهنا السؤال الاليم يا امين ارجو ان تجيب عليه بامانة وشجاعة حتى يحكم الجميع علي وطنيتك وصدقيتك: |
يا مثبت العقل والدين ...
إختلاف فكرى وسياسى بين شخص وحزب يصبح معيارا للحكم على الوطنية !!!
رحم الله العم أحمد سليمان ...
فقد كان كتابه مشيناها خطى علامة فارقة فى الفكر السياسى السودانى إختلفنا معه أم إتفقنا ...
ويا أمين إنما يطاعن نفسه ... فلك أن تفخر بعمك عليه الرحمة ..
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمير عثمان)
|
نفس الحركة و نفس الكلام قالتو لي تراجي ... و العيب يا هشام لمن يجي من أهل العيب ... ما ممكن يكون عيب ...
و لمعلوميتك ... عم أحمد عليه رحمة الله ما كان عمي بس ... كان أبوي عديل ... قعدت معاه في بيتو أكتر مما قعدت في بيتنا ... مات في بيتي و في يديني البكتب بيهم ديل ... و سميت عليه ولدي الوحيد و هو حي ... و لو في زول في الدنيا دي أنا فخور بانتمائي ليهو ياهو أحمد سليمان المحامي الأنت قايل رقبتك بتطاعني بيه ده ... و كونك مالقيت علي ولا كلمة تقولها و قايل رقبتك بطاعني بمن اتشرف بانتسابي ليهم فده بوري مدي إنحطاطك و مدي الدرك الممكن تصل ليه لمن تعجز عن الرد و مقارعة الحجة بالحجة و بيؤكد كل كلمة قلتها عليك ...
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
تحياتي للإخوة أمين وحمور وهشام.
شهادتي للتاريخ.
كنت أتردد أحياناً (بعض أيام الجمعة) على منزل المرحوم مولانا الرشيد الطاهر بكر
بحي كوبر، حيث تربطني به صلة قرابة ( إبن خالة).
وأشهد بأن المرحوم الأستاذ أحمد سليمان المحامي كان نجم الصالون من حيث الحضور
والألق واللباقة وروح الدعابة وسعة الأفق ( وما إلى ذلك).
لا أزكي أحداً على الله ولكني أحسب أن المرحوم أحمد سليمان قد حظي بحسن الخاتمة،
نسأل الله أن يمنحنا وإياكم لهــا.
أقول ذلك لمعرفتي بتفاصيل علاقته بالمرحوم الرشيد الطاهر .
طيب الله ثراهمــأ ورحمهما رحمةً واسعة بقدر ما قدما لوطنهما.
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: أمين محمد سليمان)
|
عزيزي القارئ
دوما في كتاباتي ما اشير الي هذه الافة والتعرض اليها ومكافحتها اي افة العواطف الاجتماعية الهدامة والتي هي إس ازمات السودان وهي دوما المحك الحقيقي لوعينا الوطني وهي دوما مدجنة لضمائرنا وهي تحيدها عن قولة الحق وهو الامر الذي اعاق كثيرا من حراكنا الوطني واقعد الحركةالسياسيةوللاسف سقط المناضلان (حمور وخاله امين )بشكل هستيري في هذا المحك من ضربة البداية في هذا الحوار الديموقراطي المشروع والذي اعتقد انه انتهي بالقاضية الفنية حيث سقط الوعي الوطني الناشد مصلحة الوطن في لجة مستنقع جاهلية العواطف الهدامة التي تحرم تناول الشخصيات الوطنية العامة بالنقد حتي لو كان نقدا في مصلحة الوطن.
فالذي يتوخي الصدقية والشفافية عليه ان يتحمل تبعاتها نقدا وتصويبا وتصحيحا خاصة عندما يتعلق الامر بالقضية الوطنية فمصلحة الوطن فوق الاحزاب والافراد ولا شخص فوق النقد.
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
Quote: عزيزي القارئ
دوما في كتاباتي ما اشير الي هذه الافة والتعرض اليها ومكافحتها اي افة العواطف الاجتماعية الهدامة والتي هي إس ازمات السودان وهي دوما المحك الحقيقي لوعينا الوطني وهي دوما مدجنة لضمائرنا وهي تحيدها عن قولة الحق وهو الامر الذي اعاق كثيرا من حراكنا الوطني واقعد الحركةالسياسيةوللاسف سقط المناضلان (حمور وخاله امين )بشكل هستيري في هذا المحك من ضربة البداية في هذا الحوار الديموقراطي المشروع والذي اعتقد انه انتهي بالقاضية الفنية حيث سقط الوعي الوطني الناشد مصلحة الوطن في لجة مستنقع جاهلية العواطف الهدامة التي تحرم تناول الشخصيات الوطنية العامة بالنقد حتي لو كان نقدا في مصلحة الوطن.
فالذي يتوخي الصدقية والشفافية عليه ان يتحمل تبعاتها نقدا وتصويبا وتصحيحا خاصة عندما يتعلق الامر بالقضية الوطنية فمصلحة الوطن فوق الاحزاب والافراد ولا شخص فوق النقد. |
بالله ؟
عزيزك القارئ أهبش قمبورو في الاول
أحمد سليمان سيرتو بتجي في البورد ده و في الجرايد بالخير و الشر .. شخصية عامة و له اسهامه التاريخي أي زول حر يتناولو
أبوي بتجي سيرتو هنا ده ويتخت في قوايم العار زي الما حصل شي ابدا ما خشيت قلت بغم ..
لكن لما تتعصر في نقاش و تجري منو بكل جبن و تقعد تشتم في الناس دي ما بنديك ليها يا العشا بلبن
احمد سليمان انت ما ذكرتو عشان شخصية عامة .. ذكرتو عشان عم أمين و داير تزايد عليو وقعدت تشتم فيو
سواتك دي ابقى قدرها .. و بطل حركات المطاعنة دي
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
| Quote: مستنقع جاهلية العواطف الهدامة التي تحرم تناول الشخصيات الوطنية العامة بالنقد حتي لو كان نقدا في مصلحة الوطن |
خاين
ساقط
شقي
في مذبلة التاريخ
عدو الشعب
بالله ده النقد الحشرتو عشان تناقش بيو أمين ؟
أمانة ما أكيل ليك من جنس النقد ده لامن أدخلك بيو الجنة خالي ذنوب
وأمين ما بعرفو .. لكن انا لا مناضل لا بطيخ .. المناضل انت ده .. انا زول جاهلية تب .. و جايي احامي لجدي
اها بتبقى قدر الكلام ده وله بتفز يا العمبلوق ( ده نقد خفيف ما تضايق )
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
امين نوتة
هذا الخطاب العاطفي لا يجدي في قضية عامة ضحاياها بالملايين الان وعمك ليس واحدا من ضحاياها بل كان واحدا مؤازرا لذات الطغمة التي تقتل وتعذب وتغتصب وتشرد الملايين وانا واحد منهم ولذلك تناولته في ذات السياق النقدي العام لجس نبض الصدقية والشفافية في وعيك الوطني ولكنك للاسف رسبت من الوهلة الاولي في هذا الامتحان وهي نتيجة تؤكد وهن وعيك الوطني الذي انزلك بين المنزلتين لا انت معارض بكامل ادوات المعارضة ولا مؤيد للطغمة في كامل المكياج ولكن تأكد انه لا توجد منطقة وسطي بين الحق والباطل وان كانت فهي دوما للرماديين والمنافقين امثالك وبن اختك حمور!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
ود العمدة هباني من الذمن داك مطرطش بالسياسة
مسكون بهم البلد
في الذمن داك امين حنكوش بالمين رود ربما
لا يفقه عن السياسة الا القليل
ارجو منك اخي هشام ان تكون عطوفا عن اخيك امين
فهو ليس نديد لك
فقد مشي عمه خطاه فلا لامين او اخرين ادعاء عن تلك الخطاء
فلو نسبت الشجاعة او الجبن لعمه
فليس لامين مكسب هذا اعتقادي
بس يا عمدة انا بعرف امين من الابتدائى
هو نفي معرفتو بى في المتوسط
وليس لنا الا الضحك
عمرك يا عمدة لم تحاول معرفة عن هذا الشخص
في البرايفت
ولذلك تجدني دائما متداخل معك
لانك يا عمدة جد اولاد عمد
وكل معاركك تخوضها هنا امام العوام
بس لو جيتني في الخاص واعرفك لاكثر من عشرة اعوام
ولم تحتاج للخاص
لكنت رفثت هذا الطاري علينا
واللذي جذبته فلوس الموتمر الوطني
فما يكتب اليهم في صحافة الانقاز
وقد اقراه مال الحرام لمناذلتتا هنا
وارجو هناامدداك ود العمدة عن ماضي المحاور
عسي ولعل ان نقلل عن الباندويث
وشكرا
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: حمور زيادة)
|
هشام هباني
أهلنا قالوا: البقلِّب الدراب بلقى العقارب ؛)
أها الوصية بالمهلة: تاني ما تمشي تقلِّب الدراب حفيان ؛)
___
علاقتك بأسرة بابكر النور، أقحمتها إقحاماً لتلج لأحمّد سليمان، ولكن يا هشام ضربت بها أقدامك بلارحمة، ظاناً أنها أقدام أمين، وهيهات ؛)، لجان شعبية للعام 91؟ بعد عشرين سنة بالتمام والكمال من إغتيال بابكر النور؟ وكمان عندك نفس تطاعِن أمين بعمه الذي ترك الحزب الشيوعي! وما علاقة امين بعمه إن كان عمه خان رفاقه؟ ولا تزر وازرة وزر أخرى..
هشام أدخل الضل إنت زول جهامة ما بنقدر نشيلك ؛)
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
عزيزي القارئ
ايعقل ان يسقط مناضلان وطنيان كبيران و بهذه السهولة والسذاجة من (قولة تيت) في فخ العواطف الجاهلية ونحن نحاول ان نناقش قضية عامة وبالضرورة ان تستشهد فيها باسماء عامة أثرت سلبا في حراكنا الوطني بل أطالت من عمر الطغيان لان الذي تناولناه بالانتقاد تربطه رابطة دم بالمناضلين الكبيرين...وهو رقم مهم في سيرورة الوطن السياسية ومن معسراتها ولذا لابد لي من التعرض له وانا اعلم صلة القرابة بينه وبين محاوري ولذلك تعمدت ان اخذه مثالا في حواري لجس وعي هذا المحاور ولكن للاسف سقط في الفخ صريعا لجاهلية تعتمل في عواطفه لم يصمد بعدها سويا لمواصلة حوار لم ينته بعد وهو امر محزن ويدلل علي ضعف الوعي الوطني لمحاوري الذي يعلم اليقين ان أخاهم هباني لا يفرق في تصويب سهام نقده بين قريب وغريب طالما الامر يستهدف مصلحة وطنية عليا وقد ناصحت وانتقدت بعض اهلي المنتمين الي هذه الطغمة المجرم امام الناس وادرك انه امر مؤلم بالنسبة لي ولكني ادرب نفسي علي الشفافية وعلينا ان نتحمل ضريبتها لاجل الوطن ......فعندما أجرم وأخون السفاح البشير وعلي عصمان وغازي صلاح الدين وصلاح قوش ولدينا في هؤلاء اصهار تربطنا بهم وشائج دم وقربي ورغما عن هذاوبشهادة هذا المنبرلا زلت مصرا علي ان اجرمهم وانتقدهم امام الناس ولا آري فرقا بينهم وبين المرحوم احمد سليمان باعتباره كان واحدا من اعوان ومساندي هذا النظام المشبع بالفساد والاجرام ولذلك ليس بشخص معصوم فوق النقد ولا اراه بأفضل مني الي ان غادر الحياة في معية البغي والعدوان بينما شخصي الضعيف لا زلت أناضل لاجل قضيتي والتي لا يستطيع حتي قريباه ان يحملاها بذات النبض والاحساس الذي يجعلني دوما اسمو فوق هذه العواطف الجاهلية الرعناء والتي هي إس البلاء وهي التي للاسف اخرجت حمور وخاله من جلباب الوعي وثقافة النبلاء وهما الان اشبه باعرابيين بائسين بعد مقتل الحسين في كربلاء وغير مؤهلين الان بعد هذه التعرية لاجراء اي حوار وطني ما لم يقدما اعتذارا لشخصي ولشعب السودان الذي (طلع دينه) امثال البشير وعلي عصمان وإبراهيم هباني واحمد سليمان!
| |
|
|
|
|
|
|
|
|
|
Re: التكاسي هباني يطلب حوارا مباشرا مع البروفسور امين (نوتة) !!! (Re: هشام هباني)
|
شوف يا واطي انت ..
انا بقولا ليك دوغري ..
انا لا مناضل لا أدعي .. ما زيك بزايد بوطنية على آخرين ولا بفرح لي بكلمة قالا لي غاشي درب .. انا معاك هنا زول جاهلية عديل
انت كان تبقي راجل قدر سنك و شنبك ده و تفتح بوست عن أحمد سليمان شوف الكان يجيك منو يقول ليك كفى
درب النقد وذكر الاخطاء واسع لكن الواطي الزيك ما بيعرفو
دحين وكت جبت عمي أحمد عشان عم أمين تبقى قدر كلامك و تخلي الخيابة
ما تبخل من نفسك وبتك الفرحان بالتكسي الأهديتو ليها ده ؟ بطالتك وجبنك و لفك ودورانك التسوي فيو ده ما بياكل معاي عيش
داير قلة أدب أقل أدبي معاك لامن انا وانت نمشي الخور
أملاك نقد ( من عينة نقد خاين و ساقط ) لامن تقول الروب يا باطل انت
انا بتحداك هنا تاني يا تــافه انت .. ابقى راجل و املى مكانك و قول كدي أحمد سليمان عيبو شنو
نقاشك مع امين ما دخلي بيو ولا خصاني
لكن احمد سليمان الجبت سيرتو حشر وشتمتو ده ببلعك حروف اسمو حرف حرف .. عدهم كدي من الألف للنون يطلعو كم .. و ادعي ربك ما احشر ليك المحامي معاهم
يلا كدي أملا خشمك ده نضمي و تعال عيبو لي يا باطــل
| |
|
|
|
|
|
|
| |
هشام هباني
Balla Musa
عبدالوهاب علي الحاج
ABUHUSSEIN
أمين محمد سليمان
حذيفه ابراهيم الكباشي
محمد عبدالرحمن محمد
عاطف عمر
عاطف مكاوى
HAIDER ALZAIN
محمد عبد الماجد الصايم
معاوية عوض الكريم
العوض المسلمي
مزمل خيرى
هشام آدم
عماد حسين
Ashraf el-Halabi
محمد قرشي عباس
أمير عثمان
حافظ انقابو
هيثم طه
محمد البشرى الخضر
Yassir Tayfour
حمور زيادة
عثمان رضوان
احمد الامين احمد
فيس بوك
تويتر
انستقرام
يوتيوب
بنتيريست