|
Re: الله أكبر .. بأيادي سودانية 100% ، الدفاع المدني يخمد كامل حرائق ه (Re: محمد فرح)
|
حقيقي الدفاع المدني أثبت كفاءة ومقدره عاليه ، بتوفيق من الله وبعزم الرجال الحادبين على إقتصاد الوطن تم إخماد حرائق هجليج في فترة قياسية جداً الأمر يعتبر معجزة بكل المقاييس العلمية كثيرون تحدثوا عن حوجة البلاد لخبراء أجانب لإخماد الحرائق وأن السودانيين لن يتمكنوا من متابعة الأمر وأن خسائر إقتصاد السودان ستكون مهولة للغاية نتيجة هذه الحرائق لكن بحمد الله وبفضله تم إخماد الحريق التحية لقوات الدفاع المدني وتاني ماأسمع زول يقول (بوليس مويه) نهائي
| |
|
|
|
|
|
|
Re: الله أكبر .. بأيادي سودانية 100% ، الدفاع المدني يخمد كامل حرائق ه (Re: Alshafea Ibrahim)
|
تحياتي الشفيع وكفارة الحكومة استغلت هوجة هجليج وجابت المتعافي :)
المعروف في تجهيزات النفط والغاز انها عندها استاندرد معين وغير مسوح فيهو بالتهاون فالشركات الاستثمرت الاموال الطائلة دي اول حاجة بهتمو بيها هي اجراءات السلامة ومكافحة الحرائق يعني بوليس الموية بتاعنا ده ما عندو اي دخل في الموضوع ده دي اجراءات بتاعات شركات وحتى مشغلين اجهزة الاطفاء بكونو من موظفيها وديل ممكن يكونو سودانيين لانو عندنا ناس بيعرفوا للشغانية دي برضو ناس البترول لو اتكلو على بوليس الموية بتاعنا ده واطاتم اصبحت ياخي حتى مطافئ المطار في حادثة الايربص بتاعة سودانير اكتشفو انهم ما اعادوا ملء عربات الاطفاء بالفوم !!!! يعني اي زول عندو مصنع ولا ورشة يحتاط بنفسو ويسأل الله السلامة لانو ما في بوليس موية ممكن يتكلو عليهو حريقة في مصنع في الخرطوم مدورة اكتر من اربعين يوم دي حريقة دي ولا بوست الزقازيق غايتو محمد فرح ده لما يقنبلها ليك بس تخت يدك في راسك لانها عادي ممكن تجيك مارقة من الشاشة
| |
|
|
|
|
|
|
Re: الله أكبر .. بأيادي سودانية 100% ، الدفاع المدني يخمد كامل حرائق ه (Re: هاشم محمد الحسن عبدالله)
|
هاشم محمد الحسن او ايا كان اسمك
Quote: وعلى أذنابهم فى المنبر الذين يتسقطون الأخطاء والهفوات وكأنهم بلغوا الكمال، |
عندما تظل النيران مشتعلة في مصنع داخل الخرطوم لمدة تزيد على 40 يوما هذه لا تسمى هفوة هذه تسمى كارثة وفشل وانعدام كفاءة شوف انا لا يعنيني صديق العميد او اللواء او ايا كان عدد نجماته وصقوره من انت حتى تجلس هكذا واضعا يدك على خدك تصنف هذا وتدمغ هذا من انت ومن اعطاك الحق في تقسيم صكوك الوطنية على كيفك بعدين تعال ورينا هنا ماذا قدمت انت للوطن عشان نعرف امكن انت رفعت علم الاستقلال ونحن ما عارفين انا السؤال ده ما حاخليك بيه تعال ورينا هنا ده قدمت للسودان شنو ؟ كل شايل ختمك وداقي لواحد دمغة بتاعة عميل ومرة دمغة بتاعة ذنب ما تحاول تلفلف يمين وشمال بس داير اعرف قدمت شنو للسودان ؟ بس اوعى تكون صداقتك للنقيب هاشم ده من الحاجات القدمتها للسودان
التوقيع : ذنب يتصيد الهفوات
| |
|
|
|
|
|
|
Re: الله أكبر .. بأيادي سودانية 100% ، الدفاع المدني يخمد كامل حرائق ه (Re: محمد إبراهيم علي)
|
انا مواطن بسيط أحب وطنى وأكره أعدائه والمتربصين به ، وكلامى واضح ولايحتاج الى درس عصر ، ولا أحتاج الى أن أخوض فى اسلوبك البائس ، لأنه لايهمنى بقليل أو كثير ، ومثل هذا الاسلوب لا التفت له لأنه لايستحق ، ولن يثنينى عن أكتب ماأراه صحيحا ، لا أوزع صكوك الوطنية كما تبجحت أيها الشخص ، لأن الامور واضحة ولاتحتاج الى تصنيف وتفصيل فعندما يكون الامر يتعلق بوطن يعتدى عليه لامجال للحياد وأقحام الاجندة كما تحاول أنت ، لايهمنى ان تكون صيادا أو اى ماتراه لنفسك ، فمثلك لايستحق حتى التعقيب عليه، وانا لا أرد لك ولكننى أخاطب المنبر.
| |
|
|
|
|
|
|
Re: الله أكبر .. بأيادي سودانية 100% ، الدفاع المدني يخمد كامل حرائق ه (Re: هاشم محمد الحسن عبدالله)
|
اخماد الحرائق بأيدي سودانية؟ واللواء كمال عبد المعروف يقول ان قواته اعتمدت القتال بالايدي حفاظا على المنشآت النفطية.. اول مرة اعرف ان استعمال الايدي في معركة ميدانية تكون حصيلته قرابة الالف قتيل..!! تضارب المعلومات وعدم جديتها وكذلك دقتها له مردوده السالب الآن و في مقبل الايام ..
Quote: أما قائد القوات السودانية في هجليج اللواء كمال عبدالمعروف، فأكد «مقتل 938 عسكرياً من الجيش الجنوبي وتدمير 7 كتائب من قواته ومتمردي حركة العدل والمساواة وأسر عدد كبير من قادتهم في عملية استعادة هجليج»، وهو ما لم يتسن التأكد من صحته. وأكد في حديث بثه التلفزيون السوداني من هجليج أن مخازن قواته «امتلأت بأسلحة العدو».
وروى أن «القوات السودانية خاضت معارك تحرير هجليج باحترافية عالية راعت حساسية المنطقة وتجنبت دخولها وتعاملت بحذر مع النيران والمؤثرات التي تسبب ضرراً للمنشآت النفطية». وأكد أن قواته «اعتمدت على القتال بالأيدي للحفاظ على المنشآت النفطية». وأعلن «ضرب الآبار النفطية في أماكن حساسة من قبل الجيش الجنوبي». وكانت وزارة الطاقة السودانية قالت إن مهندسين استطاعوا السيطرة على الحرائق المشتعلة منذ الخميس الماضي في حقول النفط |
http://www.sudaneseonline.com/news-action-show-id-53179.htm
| |
|
|
|
|
|
|
|