|
|
 لعــمر ودالبـاوقة ومن يهمه أمره
|
أخي عمرودالباوقة السلام عليكم
أولاً أهنيئك على المشاركة في الجهاد وتحرير هجليج من قبضة الحشرات ومبروك لينا كلنا ولي كل سوداني يعتز بالبلد ويحبها والخزي والعار لمن ساند الحشرات بل لمن صمت راضياً عن الحشرات
يا أخي رغم أنك مؤتمر وطني صارخ وهذا من حقك أن تنتمي لما تريد وتبعتد عما تريد لكن تعصبك الزائد يجعلك هدفاً لأعداء حزبك وهم كثر ، لما أعلمه عن اصلك الطيب وأخلاق الجميلة ونبل نفسك اكن لك موده أخويه ومحبه وهذا ما دفعني لأن أكتب لك هذا النصح على الملا ليعلم الجميع تحذيري لك ولحذر أعداءك البستغلوا تسامحك
ياعمر اخلاقك تخليك تفصل بين الصراع السياسي والشخصي لذلك أنت تعتبر من يخالفوك في الاتجاه السياسي اخوان في الانسانية وتتواصل معهم لكن هم ما زيك يا عمر خصوصاً ناسكم في السعودية بالذات وبستغلوا تسامحك الشخصي في الاساءة ليك معتقدين أنهم ممكن ينالوا من حزبك عن طريقك وهم عديمين الأخلاق والانسانية وأغتيال الشخصيات اسلوب اتدربوا عليه يساندهم كتير من المنافقين أنت تعتقد انهم اصدقاء وممكن تكون متواصل معاهم وتاكل معاهم في صحن واحد
يا عمر قبل فترة في جامعة اجتماعية جمعتك مع ودالعمده أستغفلك وأستغل باسوردك وفتح بوست أساءك محتواه والغضب كان ظاهر في شكواك لكن زول اشتغل بيك مافي وقعدوا يتضاحكوا لمن مات الموضوع وانت زاتك اعتقدت انو الموضوع هظار وطرافه واتناسيت ، لكن يا عمر لو الفعل دا كان صادر منك انت كان قبضوك علقوك على المنبر وسلخوا جلدك حي وولعوا ليك النيران شووك وانت حي ولمن الحفلة تنتهي يطلبوا من بكري يسحب باسوردك وحتى بعد يسحبوه يجعلوك نبذه لزملاءك ويسموك حرامي الباسوردات
مهما تكون علاقتك ولا صداقتك بي صديق الموج وتواصلك معاه لكن في خطوط حمراء تخليه ما يتجاوز حدوده في الأساءة والتجريح وأتهامات البيجبها في شكل طرافه وظرافة وهظار
يا عمر يا أخوي ودالموج دا مابظهر دا بطعن في شخصك ونزاهتك بالصورة دي
آن لود الباوقة أن يصوقر مع الرئيس في لقاء النصرة والإستفار
أنا ما بحرضك لكن بوريك كيف تعمل وكيف تضرب أكتر من عصفور بي حجر واحد لو كنت مكانك طوالي أمشي أفتح بلاغ في صديق الموج دا وأجرجره وطبعاً حا يتدخلوا الجودية والمرقعاتية مستغلين النفاق الاجتماعي تقوم تفكه وتعفى عنه بشرط تاني ما يكتب في البورد وتكتبه تعهد وتكون اتخلصت من واحد من معارضيك وتكون طالب الجودية ديل جميلة وبرضه تكون أنتصرت لحزبك وغير دا حميت نفسك تاني أي صفيق ما حا يتعرض ليك ولي شخصك ولي أسرتك ولي حزبك البتحبه وبتناصره
شوف طوالي الموج قال الكلام دا اتلقفه معاوية وجري يعمل ليك إشاعة جديدة
المُجاهِد (ود الباوقة) يُشارك في تحرير هجليج (صُور)
ومعاوية درج معاوية الصايم على أتهامك بي أنك حرامي وسرقت مزرعة في بتري ورميك لزول مسكين في السجن وغيرها من الأتهامات ونحنا عارفين معاوية كضاب وروحه محرقاهو بعد ما كشفناه وخليناهو قاعد عريان هسع بنطط وبتساخف من حراق الروح المعذبة وبفضح في نفسه اكتر لمن خلاس بقى حاجه مقرفة وزهج حتى ناسو
بصراحة موقفك المتراخي خلانا نحنا زاتنا نشك وفي ناس صدقوا الكلام دا لانو يا ودالباوقة البورد مش قاعدين نقراهو نحنا برانا في قراء اكتر مننا واضعافنا بتابعوا لو قروا الكلام دا ممكن يصدقوا وتكون ساقط في نظرهم ومسبه في حق حزبك
مره أتصل فيني معاوية الصايم وزجرته بالنسبة للفريه المطلقها فيك ذكر لي أنك صديقه وعلاقتكم متواصله وأنكم متقفين على المواضيع أستغربت وما صدقت كلام معاوية لانه كاذب دائما صدرت من الأخ محمد الشيخ إشارة إلا أن عندك علاقة وتواصل مع ودالباوقة جبتها ليك مع الأسف ردك لي كان نفي فقط
يا عمر يا أخوي الناس ديل عارفين بسوو في شنو أحسم أمورك وما تدي زول فرقه ولا تتساهل لأنو لو لقوا فيك فرصة لأبراعوا عرضك ولا سمعتك ولا حتى أسرتك ولا يخافوا الله فيك والبسووا فيه دا ما هظار
تهاونك بققاك ممسحة يقشوا فيك اي وساخة هسع عاين معاوية جاب صورة لمحمود عبدالعزيز في البوست دا
الرقـــــــــــــــــــــــــاص والطبــال و المجلود (صور)
معاوية فتح البوست وجاب صورة لمحمود عبدالعزيز الأخ محمد ابراهيم نصحه بسحب الصورة وحذف البوست معاوية أنصاع للأخ محمد ابراهيم وجرى رقع البوست بي صورك والتعريض بيك
المؤسف والمحزن من الأخ محمد إبراهيم مشى مسح كلامه بعد معاوية رقع البوست بي صورك فدائما تعجبني كتابات الاخ محمد إبراهيم وأعجبت بنصحه لمعاوية البخليه يطلب من معاوية حذف الصورة ومسح البوست في صورة محمد ولمن يتعرض ليك معاوية يمشي يحذف كلام
ماعجبني من محمد ابراهيم وهو شخص انا بحترمة جداً أتمني يجي يوريني عمل كدا ليه ؟
ليه بخلي معاوية يتعرض ليك بالصورة القذرة دي
أصبر وشوف معاوية دا حا اعمل ليك فيه شنو الايام الجاية وما بردعني منه لا صديق لا قريب ولا أي زول لانو مافي زول قال بغم في أتهاماتة ال######ة البشيعها هنا وبره المنبر
ما يجيني زول يشبكني أنت ماعارف العلاقة بين فلان وفلان الخ من الكلام الفارغ مهما تكون علاقات الناس برضه في حدود ما يتجاوزوها والاتهامات البتصدر لي ودالباوقة دي ما هظار لاخوة لاقرابة لا صداقة لا صلات اجتماعية لا غيره تخلي زول يتهم زول بي أتهام زي دي
|
|
 
|
|
|
|
|
|
|
|
Re: لعــمر ودالبـاوقة ومن يهمه أمره (Re: عزالدين عباس الفحل)
|
بوست مشاطات ..
العلاقة بين الرجال في الرياض علاقة اكبر من هرطقة المنبر ..
صديق الموج و ود الباوقة البينهم اكبر من سطور بتكتب في بورد ..
و صدقني و الله لو ما جا كتب صديق الموج الكلام بتاعه دا لود الباوقة .. كان ظنيت انهم متشاكلين ..
مساحة الود البينهم اكبر من فهمك ..
..
..
بالجد البشوف المجهود بتاعك بتحسر علي الفارغة العايشة فيها دي ..
| |
|
|
|
|
|
|
|
|
Re: لعــمر ودالبـاوقة ومن يهمه أمره (Re: humida)
|
الاخ عبد العزيز
رغم الاختلاف مع ود الباوقة في افكاره ورغم عدم معرفتي الشخصية به الا من خلال هذا المنبر الا ان اخلاقه العالية وترفعه عن الصغائر يكبره في عيوننا .
معاوية عبيد الصديق اللدود لود الباوقة وهو ايضاً كابن الباوقة لم التقيه الا من خلال هذا المنبر وبالتليفون قال لي شاهداً لود الباوقة انه يعجب بابتعاد ود الباوقة عن شخصنة الامور.
شخصياً اتناكف مع ود الباوقة حتى من علي بلقب "المبربر الصغيروني" ومع ذلك يظل الاحترام قائماً سواء مشى جاهد ولا ما مشى 
بوست غير موفق اخي عبد العزيز وارجو صادقاً الطلب من بكري سحبه.
في سودانيز اون لاين مجتمع كامل مهما اختلفت اراءهم فهم في النهاية سودانيين ياكلو ويشربوا في صحن واحد وكل واحد فكرو في راسه.
تحياتي لك ولضيوفك الكرام ولود الباوقة دا اذا كان جاء راجع من الجهاد وما قاعد "يمشط" هناك
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: humida)
|
عبد العزيز
Quote: ماعجبني من محمد ابراهيم وهو شخص انا بحترمة جداً أتمني يجي يوريني عمل كدا ليه ؟
ليه بخلي معاوية يتعرض ليك بالصورة القذرة دي |
شكر ليك على احترامك لي بس ختيتني في حتة صعبة جدا
اول هام مداخلاتي ملكا لي ما لم يتم كبشرتها:)
يعني ممكن انكرا حطب لو ضامن انو ابوحسين ما كبشرها لي :)
نصحت معاوية وكتر خيرو عمل لي خاطر وبذا انتهت قيمة المداخلة
والنصيحة اصلا هي للاصلاح وليس لكشف الحال يعني عملت (Damage Control)
ولعملك ما عدله معاوية ليس له اي علاقة بودالباوقة بل ولا اي عضو في البورد
لا احب ولا اريد ان اتداخل في بوستات مثل هذه ولو لم تذكر اسمي فلن اكتب مثل هذه المداخلة
عندك ما يكفي من الخصوم هنا في البورد فحاول الاكتفاء بهم يعني ما تحاول تزيدهم والاحسن انك تحاول تقلل منهم
والنصيحة التانية بورداب الرياض حاول ما تخش بينتاهم يعني ممكن ودالباوقة زاتو يجي يبلعك بوستيك ده
والنصيحة التالتة ودي تجربتي واتمنى انك تاخد بيها : انا عندي ناس مكجنم عديل وكلامهم كلو بشوفو غلط وراي انو بكري ما مفروض يديهم باس ورد زاتو
طيب اعمل ؟ دي الحياة كدة (Demons and Angels) فبحاول اتعايش معاها ولا ارى نفسي نبيا لديه رسالة لاصلاح الناس
فعشان كدة ما قاعد اخش ليهم بوست عشان اشوفهم بقولو في شنو زاتو يعني بشتري راحة نفسي
فحاول اشتري راحة نفسك وانساك من ودالموج قال شنو لود الباوقة ومحمد ابراهيم قال شنو لمعاوية الصايم
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: محمد إبراهيم علي)
|
Quote: يا عمر قبل فترة في جامعة اجتماعية جمعتك مع ودالعمده أستغفلك وأستغل باسوردك وفتح
بوست أساءك محتواه والغضب كان ظاهر في شكواك لكن زول اشتغل بيك مافي وقعدوا يتضاحكوا لمن
مات الموضوع وانت زاتك اعتقدت انو الموضوع هظار وطرافه واتناسيت ، لكن يا عمر لو الفعل دا كان
صادر منك انت كان قبضوك علقوك على المنبر وسلخوا جلدك حي وولعوا ليك النيران شووك وانت حي
ولمن الحفلة تنتهي يطلبوا من بكري يسحب باسوردك وحتى بعد يسحبوه يجعلوك نبذه لزملاءك ويسموك حرامي الباسوردات |
عبد العزيز،
سلآمات.
أقصر يا رجل.
نحن في البلد وكت تكون في حفلة عكاكيزنا للصباح بتكون مدورة في بعضنا،
و أوآت ما الشمس تفتّح بنجيب براريد شاينا ولِقيماتنا، ونقعد نضحك وناكل،
ونشرب مع بعض. يا عبد العزيز أنا ود الباوقة بيهمني أمرو، و ود العمدة بيهمو
أمر ود الباوقة وكلنا أهل. دحين لا تدخل بين العصاية وقرفتا.
تحياتي لك...
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: Ahmed Abdallah)
|
بصراحة بورد بكري حيرنا عديل!!!!!
يعني كل إتهامات معاوية الصائم المتكررة لود الباوقة والطعن في أخلاقه وذمته وأمانته ومطاعنات ود الموج له هي مجرد عنكوليب ونسة لشلة الرياض!!! وود الباوقة راضي شن دخلك يا قاضي؟؟؟!!!!!
محنك يا زمن
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: عبدالعزيز حسين عبدالرحيم)
|
Quote: يا حميده نحنا قاعدين في بورد زي الشارع وما عارفين البحصل في البيوت شنو وعشان كدا ما عارفين البحصل ورى البورد شنو ؟
علاقتكم الخاصة بتكون بيناتكم
بعدين مهما تكون العلاقة قوية بين ودالموج وودالباوقة ما بتصل لدرجة الاتهامات دي وحتى لو بتصل مفروض من ودالموج يجي ينفيها او يوضح انها هظار لانو ناس كتار ما عارفين الحاصل والشغله دي بتضر ودالباوقة |
يا عبدو ..
تبريرك دا فطير جدا .. من جميع الجهات و الزوايا ووجهات النظر ..
دينيا .. قال تعالي .. بسم الله الرحمن الرحيم ..
{وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ } [سورة الحجرات: 9] ..
شرط الاصلاح سابق لشرط القتال .. و ذلك لتبيان النية .. يعني لو داير الحال يستقيم لازم تصلح في الاول قبل ما تهاجم .. و نيتك هنا تحريش تحت بند المديدة حرقتني ..
و الاكعب من كدا انه المحرش و المحرش عليه ما راضين كلامك دا .. يعني انطبق عليك المثل البقول ( يا داخل بين البصلة و قشرتها ما يجيك الا ريحتها ) ..
اجتماعيا .. نحن كسودانيين ما بنحب الحركات دي و لا اتربينا عليها .. حاول تقرأ كتاب ( مذكرات اغبش ) .. تحت بند تنمية روح العدوان ..
شخصيا .. ما بحب الزول البحرش او البمشي بالنميمة بين الناس و فقدت ناس كتار بسبب الحركات دي لانه جدي قال لي البعمل الحركات دي زول ( باطل ) ..
فردويا .. كشباب يعني .. يا عمك دي شلاقة منقطعة النظير و دقسة منك حاول تهرب الي كوستاريكا ..
قلة ادب .. ذكرتها لك سابقا .. دا شغل مشاطات ..
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: humida)
|
مرحب ياحميده
أنت شايف البوست دا من وجهه نظرك انت فقط بحكم العلاقة البينك وبين ودالباوقة وود الموج يا حميده في ناس ما بعرفوا ودالباوقة ولا ود الموج ولا ود العمده ولا معاوية الصايم بجو يقروا الكلام دا ويصدقوه طوالي وبقى يستهلك في سمعة ودالباوقة بصورة فظيعة لمن بقى ملشطة لليسوى والمايسوى ياخ حتى غنماية البورد الجربانة هشام هباني المخبوط من اي زول في البورد دا بقى عنده ودالباوقة الحيطة القصيرة يجي يبول فيها
صورة خاصة جدا للمجاهد ( ود الباوقة)!!
بعدين مافي أصلاً مشكلة عشان أجي اسعى للصلح وقد يرفض ودالباوقة نصحي بخصوص ودالموج ويقول هو رضيان من كدا ما عندي غير اتحرج انا فقط مع نفسي شوية كدا وما عندي البحرجني قدام الناس لكن برضه ودالباوقة قد يوافقني في باقي النماذج وفي الاخر هو نصح ووجهة نظر
بعدين كلامك عن المحرش ووصفك ليه ينطبق على عمك الموج في محاوله تحريشك علي في البوست دا وامشي وعاين فوق شوف كلام عمك الموج في الاول قال يستهزاء بي ويزوع
Quote: يازول انت عايز تشتهر واللا شنو ما تدخل اسمك ده مع اسمى مفهوم
الف مره قلت ليك انا ماشغال بالكومبارس قضيتى مع الكبار ..
انا اكسبريس المحطات الصغيرة ما قاعد اقيف فيها فهمت ما تتعب ساكت،،، |
لمن شافك اتداخلت وكان رايك مخالف لكلامي وما رضيان منه جا قال
Quote: كده البوست ادى غرضه الزول اب اضنين ده قصد يشتهر وبس
ما كنت عايزكم تدخلو وانتو كبارنا فى الحته دى (لوووووووووووول)
كان انا وحميده كفاية جداً ..
بالغتو ياخى...
باقى المشاهير والناس الكبار خصمتكم بالرسول زول يتداخل هنا مافى ،،، |
وهو ماعنده حاجه ولا بقدر يسوي حاجه لزاك انت وبحاول بحكم العلاقة البينكم ووجهه نظرك يحرضك ويحمسك وزي الهو معاك وهو عييييييييك فك البريق وزاغ
بعدين كشاب برضه مافي حاجه تخليني اخجل منها البوست دا شايفنه ناس كتار وعارفين صحته بس بحكم العلاقات الشخصية ما دايرين يدخلوا عشان ما يخربوا علاقاتهم دي
وبرضه مافي حاجه ولا في زول يقدر يقول حاجه وكل ما اجنيه حسنات من شتمي في شلة ونسه
والبوست فيه تحذير وتوضيح للناس وحماية لود الباوقة وفيه كمين بعدين عندي مداخله واحده والبورد مقرف اجي اكشحها فيه وامشي لو حسيت أني اذيت لي زول قول لي
----------------------------------------
عمنا الموج ليك التحية ياكبير
طبعاً البوست دا ما بتقدر تجي تكتب فيه كلمة بعد دا
أها شايفك بديت تحصد ما زرعته ولبست لبوس الكبير الوقور المتسامح أنا لو منك ازوغ من البورد الايام دي الناس كلهم سمهم فاير من الحركة الشعبية ومن فعايله وقرفانين من ترويجكم ليها وتخاذلكم ووقوفكم في صفها
سردب يا عمك
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: صديق الموج)
|
| Quote: وبقى يستهلك في سمعة ودالباوقة بصورة فظيعة |
فظيعة آوي .. و لا فظيعة براحة ..
أخ عبدو .. ما تنحرف بي من كونك مشاطة الي واقع انك بيضة ..
هسع انت مقتنع بالكلام دا ..
في الاول انا كنت بتعامل معاك بحتة وجهات النظر .. بس بالجد اتضح لي انك زول عوير بعد فظيعة بتاعتك دي ..
| Quote: لمن بقى ملشطة لليسوى والمايسوى |
كدا انت ما بتعرف ود الباوقة .. و في الموضوع دا ما في زول ملطشة غيرك ..
صدقني في النهاية ود الباوقة حيجي يكتب ليك جزاك الله خيرا .. و في اقرب لقاء حتكون فاكهة الونسة .. ( بتيخ الونسة ) ..
| Quote: بحاول بحكم العلاقة البينكم ووجهه نظرك يحرضك ويحمسك |
و ان شاء الله ربنا يقدرني انه اكون عند حسن ظنه ..
و امعطك معط لمن تقول شكرا ..
انا اساسا يا عبدو بكره تلاتة حاجات في الدنيا دي .. العسكري و النملة و البيضة ..
يلا يا موج .. سخني عليك الله ..
ما بتقصر يا النورتون ..
| |
|
|
|
|
|
|
|
|
|
Re: لعــمر ودالبـاوقة ومن يهمه أمره (Re: humida)
|
سلام للجميع
بحكم ورود اسمى في هذا البوست وبحكم علاقة القرابة بيني وبين ود الباوقة وود العمدة والمتداخل ود المدير وبحكم قربي من ناس الرياض اردت ان انبه الأخ عبد العزيز للأتي:
| Quote: ياعمك انت ولا حاجه زول عجوز كبير بينه وبين القبر ايام |
| Quote: يا عمك هسع شباب في قمة شبابهم وصباهم يصحوهم يلقوهم سلموا الروح في فراشهم عليهم الرحمه وعلى موتانا وموتى المسلمين وكلنا بنحسن في عملنا ونتجنب الذنوب ودربك بوديك لسوء الخاتمة والهلاك |
الا يوجد تناقض هنا؟؟؟
كذلك مع تحياتي لحميدة لكن ياخ ارخي الأبنص شوية
| |
|
|
|
|
|
|
| |
ismeil abbas
صديق الموج
عزالدين عباس الفحل
humida
محمد عمر الفكي
محمد إبراهيم علي
معاوية المدير
حسبو عكاشة
نور الدين عثمان
Ahmed Abdallah
أسامة البلال
MOHAMMED ELSHEIKH
مرتضى احمد عبد القادر
فيس بوك
تويتر
انستقرام
يوتيوب
بنتيريست