|
مالي لا ارى الهدهد
|
ليهو مايزيد عن يوم ونصف ولم نره قف دماء مشروع الشهيد هذا امانة في اعناق ود القاضي حيدر الزين ياسر طيفور حبيب نورة وتيسير عووضة تتحمل نصيب الاسد في المسئولية (بقت اخطر من الحكامات في ارسال الناس للاخرة) فترة الغياب هذه كافيةلاخراج تأشيرة خروج وعودة واسماعيل عباس في مسالة الحجوزات جي اخو اخوان ان جيتو قلت له داير اسافر امس بسفرك اما ان خيب ظني فانا ملزم باعتذار للناس دي وكلي ثقة من قبولهم اعتذاري عدا تيسير لكن بنشوف لها واسطة بس خيبة املي فيهو حتكون كبيرة قدر اعزازي له الغريبة العدو اللدود غير متهم في الموضوع دا لانه لم يشترك في تحميس الطار
|
|
|
|
|
|
|
|
Re: مالي لا ارى الهدهد (Re: معاوية عبيد الصائم)
|
رأيته مهاجرا مجاهدا صوب الجنوب
مصوقراً داق النحاس للحروب
يصيح أردموهم بل اكسروا القلوب ولو تبعنا حديثه لرأينا الشمس من حيث الغروب
هييييييييع كع سلام يا محمد معاوية عليك الله أعدل صورتك دي فتلت البوست
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
Quote: يا مها انت ذاتك متمهمة ومعاك ابو الريش وابو العزائم ما عارف زولك القاصداه ياهو زولي ذاتو ولا بشبهو (وجه ضاحك) بس اهم حاجة الناس الشافو ديل شافو كارب راسو بشريط احمر ولامو كاربو غايتو ان كاربو من هسي شوفىا ترتيبات عرس الشهيد دا وبكري يخلي بوهيته السوجا جاهزة
|
والله وحات خوتك يا محمد وما طالبني حليفة ( شفت كيف ) أنا بس شايلة هم بكري جد جد ( ح يسود المنبر دا تسويد جماعي ولا الفهم كيف من كترة ما كتروها ومسخوها هؤلاء المجاهدون تقول ح يموتوا هسه ، غايتو زولك الفي بالى بالك دا ألحقو ما إكون ( إنفعل ) وتوجه صوب هجليج مع لواء الردع ، شفت فيديو الأسري ماموجود معاهم
معاوية بربار شكرا لتعديل الصورة
| |
|
|
|
|
|
|
Re: مالي لا ارى الهدهد (Re: مها عبد الله)
|
هذه الغيبة وراءها خبر عظيم ان شاء الله يجينا بخبر تحرير هجليج زي ما الهدهد جاب خبر تحرير اليمن من الشرك اما ان ذهب الى سبيل ربه شهيداً شهيداً شهيداً زي ما قال ياسر عرفات فقد قطع كل السنة معارضي البورد وعلى راسهم "شلة النسوان الماعندهن وطنية" زي ما قال ود القاضي ويليهن عمك صديق الموج. اركزو قالوا الهدهد قرقر قطع الدرب
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
احلام باوقيشن بعد وجبة (مشويات)
(احلام) بق بق ...توضح حفل وداع المجاهد باوقيشن ..قائد لواء (العضة) المتجه لهجليج .. وستكون الصقرية القادمة على انغام هدير الدنات والمدافع والرصاص....حتى لقاء الحور العين ...مبروك مقدما يا شهيد (العضة)وهييييييييييييييييييييييييع ..وكع ...
ود الباوقة (حلمان)
| |
|
|
|
|
|
|
Re: مالي لا ارى الهدهد (Re: معاوية عبيد الصائم)
|
ماشاء الله وعينا باردة
غايتو يا معاوية لقيتك كضاب كضب، تتهم الزول دا بانه بطيني والزول ما شاء الله ممشوق القوام وعيونه "عسلية" وشعره ما "أبيض" والزول البطيني بتلقاه زي الكورة المدورة اللهم الا اذا كان الميتابولزيم عنده عالي . غايتو انا زول بطانة ، اول مرة اشوف لي صقرية في مديح قاتل الله العولمة
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
ود الفكي حبابك انا غايتو ماني عارفاك قاصد منو بي الهدهد ولا ود ابرق جيت مبارية مها دي ، اصلو الزول إن باراها كل يوم بتودي التوج .... والله صحي علا مدام قلت الهدهد بتكون انهدت فيه حيطة ناس خالتي بتول الورا ,, والله صحي
Quote: وكان غلبك صوقِر سنتبعك بعصينا وسيوفنا مرددين : كع كرع هيعععع |
تصوقر شنو إت بعدما اتفنت لي في المقابر مع رقاصات العرس الجماعي ؟؟؟ رقاصة دبل قبينة آآآآآآ المسخوت !! من قلهن النبي فيك ؟؟؟
النبي كتفك ما جاتو قطيعة ؟؟؟ جنريتر , والله صحي
| |
|
|
|
|
|
|
Re: مالي لا ارى الهدهد (Re: اسماء الجنيد)
|
Quote: ود الفكي حبابك انا غايتو ماني عارفاك قاصد منو بي الهدهد ولا ود ابرق |
بت الجنيد حبابها ملايين سيبي الحركات دي وماتتغابي العِرفة هسي شان جاب الهدهد لود ابرق؟ ود ابرق عنده قنبور؟
| |
|
|
|
|
|
|
Re: مالي لا ارى الهدهد (Re: الصادق صديق سلمان)
|
Quote: ود الفكي
سبحان الله الواحد الأحد - إنتو آناس الوطنية دي بقت عندكم كع كرع وصقريات ورقاصات في المقابر ولا شنو؟؟؟؟ |
ياشيخ الصادق حرام اختزال الوطنية في كع وكرع ، هسي شوف البوستات دي طلعت اختراع جديد جيمس كاميرون وستيفن سبيلبيرغ ما فكروا فيهو الا وهو الكلاشتوب "من اختراع صديق الموج" يا انقابو البوست ما ملغوم ولا حاجة البوست لتفقد اخ عزيز تحدثه نفسه بالجهاد في سبيل الله لكن الظروف ما سامحة محتاجينو في سد ثغر اخر من ثغور الوطن "والله هن كترن كترة الثغور ديل" ويقوم البعض من "مناتلي" البورد هنا بدفعه لترك ثغره البارد المكندش عشان يمشي لثغر اخر عكالبته في السماء غايتو جنس حسادة
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
الله اكبر والعزة لعمر البشير ورهطه ..
هييع هو كمان بيهظر يا محمد عمر الفكي.. الزول دا قال مطار ماهو عاوز.. شال خرتايتو ويا السماء جاك زول .. نزلهم بيصوقـر زي صقر الجديان من السماء.. ملى ليك العدو نيران من فوق قبال يصل الواطة الشئ السمعتو قال مظلة ما عاوز وحلف ينزل من فوق وهو داقى ريوّس برويسو.. هيييع كع كرع
| |
|
|
|
|
|
|
Re: مالي لا ارى الهدهد (Re: HAIDER ALZAIN)
|
يا ود الزين يا اخوي الصاروخ الهدهدي دا في طريقة يوقفوا ولا موعد اصطدامه بالارض قرب؟ نادوا الخبراء، نادو المستشارين، الحقوا ناسا، الحقو الاقمار الصناعية، شوفوا ناس برمجة الصواريخ . ان ديل كلهم مافيهم طريقة صحو بكري من بوست واصل
Quote: في مهاتفة مع شارع الصحافة مساء أمس نفى رئيس حزب منبر السلام العادل المهندس الطيب مصطفى وجود أي ترتيبات- حتى الآن- للدفع بعدد من عضوية المنبر إلى مسارح العمليات بولاية جنوب كردفان .. وكانت مصادر شارع الصحافة قد نقلت معلومات عن توجيه قيادة المنبر لرؤساء المنبر في محليات الخرطوم السبع بتجهيز عشرة مجاهدين من كل محلية لتكوين قوة قوامها سبعون يقودها رئيس المنبر بنفسه للمشاركة في تحرير هجليج بعد احتلالها بواسطة دولة جنوب السودان الأسبوع الماضي. |
يا حيدر دمه في رقبتكم ، قعدتوا ومعاكم شلة النسوان ديك تلكزو فيهو تلكزو فيهو لمن لحقتو امات الصح شكيناكم على الله
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
Quote: اسماء الجنيد
رقاصة دبل قبينة آآآآآآ المسخوت !! من قلهن النبي فيك ؟؟؟
يديك العافية ويسكنك المنشة ان شاء الله
الصادق |
الصادق ود الصديق حبابك يابا ياخ المنشية دي كتيرة , كفاي الثورة بالنص جمب اهلي ,, والله صحي
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
Quote: تصوقر شنو إت بعدما اتفنت لي في المقابر مع رقاصات العرس الجماعي ؟؟؟ رقاصة دبل قبينة آآآآآآ المسخوت !! من قلهن النبي فيك ؟؟؟
النبي كتفك ما جاتو قطيعة ؟؟؟ جنريتر , والله صحي |
هههههههه لوووووووولز وحاة الليل ده يا سومة أنا صوقرت جنس صوقار في المقابر خليت ليك عجاجتها تكتح :) وبعدين أنا أخترت الرقاصة العملت لي وجع أكاتفين دي عشان الإكتفاء الذاتي وكده؛ قلنا نقفل الباب دة مرررررتن واحدة
| |
|
|
|
|
|
|
Re: مالي لا ارى الهدهد (Re: حبيب نورة)
|
Quote: وبعدين أنا أخترت الرقاصة العملت لي وجع أكاتفين دي عشان الإكتفاء الذاتي وكده؛ قلنا نقفل الباب دة مرررررتن واحدة
|
هي زاتها بتكون محتارة لآآآآ باكر في إختيارك العشوائي ده ليها !!! والله صحي بعدين شكلك متفن كده ماااااااا ظنيتك قمت تبيت وصوقرت .. والله صحي
ذكرتني بدر الدين شنا الله يطراه بالخير مرة في مسقط كانت في حفة بي القلع والقلع جاي مقلع سااااي من الدوحة بلا عازفين ولا فرقة اها حركات السودانيين قاموا يلقطواا ليه في الفرقة والآلات وقووووم كده يا بدر الدين تعال زورنا من الخلاء خميس وجمعة وقووووووموا كده يا الفاتح وسوما اتسلطوا عليهو على قولوا وسقناهو معانا وهو طبعا حرييييييييف في البنقز , طواااالي ناولوه البنقز والحفلة قامت اها القلع في نص الغنا انشرح في أغنية جنا الباباي وفاااااااااااات ختر خلى الفرقة وقعد هو يتهوزز لي روحه مع الجكس البرقص وبدر الدين بي جاي يحمر لي , باقي يدينو وجعنه من الخبتي ، والقلع شغال ليك، جنا البابي ،،، جنا الباباي ،، اظنو كررها عشرمية مرة اها اول ما الناس زاتها فترت من النهزي , والقلع عرق وقف الأغنية والفاصل طوااااااااالي بر الديت رمى البنقز وجاء نابل على تربيزتنا بي حرقة تااااخ اترمى في الكرسي حيلوا مهدود والله صحي قبل علي قال لي الله يجازيك يا سوما . زي الوقت ده انا بكون في خلاي دااااك ناااااااائم هسه الراجل ده فتلني بي جنا البابي الطولها سلبة دي عليك الله هسه دي جنا الباباي ولا جنا ريتر هدا حيلي الله يهدوا لوووووووووووووولز لي هسه بضحك فيها , والله صحي عشان كده كتبت ليك فوق جنريتر بدر الدين زاااااااتو , والله صحي
| |
|
|
|
|
|
|
Re: مالي لا ارى الهدهد (Re: محمد عمر الفكي)
|
غايتو بعد دا كله لو ما مشيت فعلاً يكون ما عندك دم
..................................................................
يا اخ اترك مساحة للاحترام بيننا
البتعمل فيهو دا عيب عليك
اسهل شيء الزول يكون قليل ادب وعديم تربية
| |
|
|
|
|
|
|
Re: مالي لا ارى الهدهد (Re: ود الباوقة)
|
الاخ عمر بداية اعتذر لك عن الجملة الاخيرة وفعلاً انا غلطان فيها وارجو ان تقبل اعتذاري فلا انا قليل ادب ولا عديم تربية ولا اعتقد انك كذلك. بمثل شجاعتي بالاعتراف بالخطاء والاعتذار عنه، لااطالبك باعتذار عن التجييش بل بتوضيح بسيط عن عدم ذهابك للجهاد؟ ارجو الا تكون غضباناً من توصيف الهدهد فانما هي استعارة قرانية مؤتمر اعادة تعمير وادي حلفا تحت شعار "سنعيدها سيرتها الاولى" هل هذا يعني انه وادي حلفا الان دبيب وحيرجعوها عصاية زي ما كانت؟ مرة اخرى اسف على الجملة الاخيرة بانتظار توضيحك
| |
|
|
|
|
|
|
Re: مالي لا ارى الهدهد (Re: معاوية عبيد الصائم)
|
صراحة يا معاوية انا قصة الصور والخندق دي لسه ما قسمت معاي زول كان قاعد في عز المعارك في جامعة السودان فجاءة نلقاه لابس الكاكي وفي ساحات الوغي؟ قبل كدة الزميل سيف مساعد جاب صورة لابس تورا بورا وقال انه مشى ارض المعارك او ماشي وعينك ما تشوف الا النور من التعليقات وان كنت اتذكر واحد من التعليقات يقول " الصورة دي اتصورتها في جنينة بيتكم او الهايد بارك" حقيقة ما متذكر لانه الموضوع دا ليهو كم سنة.
| |
|
|
|
|
|
|
|