|
|
|
 Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: هشام هباني)
|
| Quote: .يا هشام ... تكرار الافك و الكذب ما بخليهم يبقو حقيقة |
يا أمين
تعرف هشو دا فردتي - تقرأ فارتي - من ما تلقاهو كتر كلامو في البوست
وبقى يلقط غي اليوتيوبات ويلصق تعرف طوالي انو مظعوط ههههههه
__________
يا هشام البوست بتاع القذافي اتلحس لكن بكتبو تاني بطريقة حريفة
وبجيك وبالله ما دايرك تخذلني ولازم لازم تعتذر لأسر الشهيدين وللأخوة الشيوعيين
| |
  
|
|
|
|
|
|
|
 Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: هشام هباني)
|
يا وهبه ...هشام بالمنطق ما عندو سكة ... أي زول - بما فيهم الناس الأستنجد بيهم - قالو ليه البحثين بتاعين دكتور نزار و لو براءة دكتور نزار نازلة في القران ...هشام ما ح يقر بيها ... لانو الموضوع رد لكرامتو المسحها الدكتور في بوست العوض ...
دي مداخلة دكتور نزار اللي جننتو و خلتو يفتري عليه :
Quote: الله يعينك يا العوض على البل، والتكرار الذي لا يمل، والبياخة التي تسل الروح سل .. لكن لكل معضلة حل، والحل أن يعرف هباني أنك لـ وهبة خل، أو قل قريب من خل. إذ يعرفك منذ ثلاثين عاما أو أقل... يا وهبة ..انتصر للعوض "فإنه الآن يسأل
|
و يمين بالله دكتور نزار كان شاورني كان قلت ليه ما تكتب لهشام كلامك ده ... ما لانو ما صاح ... لكن لانو هشام رجل بلا أخلاق و ما عندو حاجة يخسرها ... ممكن يجي يشتم و يفتري علي الدكتور الكذب زي ما بعمل هسي...فارغ و قاعد في النت 24 ساعة ومعتمد علي إنو الناس بقت تعافو و تعاف بوستاتو مافي زول ح يجي يعارضو....
---------
يا وهبه .. إنت بالجد هشام كتب قصيدة يمدح في القذافي ؟
| |
|
|
|
|
|
|
|
|
|
Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: أمين محمد سليمان)
|
يابروف
وانت رجل علم واخلاق وقد سالناك أشياء من صلب اهتمامات العلماء وعجزت ان ترد عليها بل صرت تستنجد بمداخلات آخرين لم ينعم عليهم الله بعلمك الوفير!
ارجو ان تجاوبني فقط لفائدة الجمهور وفيهم طلاب سيستفيدون من حكمك علي سرقات الشيخ نزار الواضحة والمثبتة امام الناس والتي عمتك المكابرة ان تنصف الحق والحقيقة فيها وهو امر
بالجد سينسف صدقيتك وأهليتك العلمية حينما تدافع بالباطل عن باطل واضح وهو قمة السقوط الاخلاقي...رجاء بروف نوتة ان تحترم هذا اللقب الذي ترديه وللاسف
ترتديه بفاخورة أفرغ من فؤاد ام موسي!
| |
|
|
|
|
|
|
|
|
|
Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: أمين محمد سليمان)
|
| Quote: يا وهبه .. إنت بالجد هشام كتب قصيدة يمدح في القذافي ؟ |
هل عهدتني كذّاباً يا رفيق ؟
أهو قدامك خلي ينكر ... القصيدة كاملة بطرفي ومن مدة طويلة .
وبعدين يا بروف القصيدة مدح للقذافي وللنميري الاتنين مع بعض في برنامج واحد ...شفت العبقرية دي كيفنها ؟
هشام رجل مسكون بالخيانة وعدم المروة ومحب ومؤيد دائم للأنظمة الشمولية والديكتاتوريات ..
وظل طافيا فوق الاحداث في ليبيا منذ انطلاق الشرارة الاولى للثورة وحتى يومنا هذا لم يفتح الله عليه ولا بحرف واحد ..
وأيضاً لازلت انتظر ادانة منه لتصريح المرحوم نقد بخصوص حلايب منذ أن كان المرحوم يشاركنا اكسجين هذا البلد الامين
والي يومنا هذا لم يستطيع ان يدين ذلك التصريح المخزي والمشين لتاريخ الرجل السياسي والنضالي..
المهم سأعود ببوست (كبير) أطالب فيه هشام هباني بادانة واضحة لتصريح المرحوم نقد واطالبه ايضا باعتذار للثائرين الراحلين بابكر النور وفاروق حمد الله و ايضا سأستطلع في ذلك البوست المرتقب رأي المناضل حول الثورة الليبية .. وهي فرصة عظيمة ومجانية يا هشام لكي تتطهر من تاريخك الاسود وغير المشرف شايف؟
_________________________
هشام بالله عدل المداخلة بتاعتك دي Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (صغر الخط) الفاصل العاملو دا لأنو فتل البوست ...الله يفتل دنقلك
لأنو بصراحة كدا ناوين نزعمطك انا والبروف في بوستيك دا ..وعشان الزعمطة تكون سلسة لازم الملعب يكون تمام 
| |
|
|
|
|
|
|
|
|
|
Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: أمين محمد سليمان)
|
عجيب أمرك يا هذا المونساتي الاجوف المدعو الدكتور امين (نوتة) المقيم بنواحي اميريكا يا من تسعي دوما لتقويمي تارة باسم الاخلاق وأخري باسم الوطنية دعني اصدق زعمك ولكن جاوبني ايضا باخلاق وبوطنية :ماسر ارتباطك بهذا المشبوه ( وهبة ) والذي تصب كل مواقفه المشبوهة لصالح الطغيان وهو امر صار معلوما للجميع وايضاما سر استماتتك الان دفاعا عن الشيخ الافاك المؤيد للنظام نزار احمد عثمان العضو القيادي بتنظيم الاخوان المسلمين المساند لطغمة الخرطوم والذي رئيسه الحبر نور الدايم الان عضو بالمجلس الوطني التابع لنظام الطغمة ومؤيد للطغاة والمصيبة انك ايها الاجوف الغبي تطرح من نفسك معارضا للنظام في السودان وانك صحافي بجريدة التيار تزعم انك مناهض للطغيان بينما موقفك. الراهن يثبت عكس ذلك بل اعلم انك مقيم بنواحي اميريكا ولاتملك اي مواقف داعمة لشعبك في داخل الوطن من خلال الفعاليات الوطنية التي يقيمها الوطنيون الاحرار بأمريكا لمساندة شعبهم ضد الطغيان وهو موقف يثبت انك لا تمتلك الاخلاق والوطنية التي تعيرني بنقصها في مواقفي!
ارجو ان تكون شجاعا يا حضرة البروف ا(بوفاخورة) وانت تجاوب علي تساؤلاتي؟
| |
|
|
|
|
|
|
|
|
 Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: هشام هباني)
|
لا اله الا الله محمد يارسول الله
صدق صلاح جادات انه مافي غواصة في البلد دي بتندس للابد..
الاخ الصنديد العمدة هشام هباني
ياعمدة اسمعها مني امين دا كوز وامنجي غواصة مغوص هنا عشان يجي ينضم باسم الأخلاق
الكلام دا قالوا لى الملازم السيد المسلمي في قعدة خاصة بقندهار وحلفني ما اطلعه
لكن طالما انك براك كشفتو وانا شايفو بيتلايق كيفن كانه من الشرفاء قلت اديك المعلومة علها تحسم ليك امرك
ومنها الواحد يبرئ ذمته الموت من الحياة ما معروف
شهدتي د عملاً لوجه الله والحقيقة
دمت
| |
|
|
|
|
|
|
|
|
|
Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: أمين محمد سليمان)
|
| Quote: بهذا المشبوه ( وهبة ) والذي تصب كل مواقفه المشبوهة لصالح الطغيان |
يا ايها العقّاب الهرم
منو القال ليك وهبة مساند للطغيان، صحح معلوماتك لو سمحت وهبة هو الطغيان ظااااطو
يلا براحة كدا قول لي هل كتبت قصيدة تمدح فيها القذافي والنميري أم لا ؟
زوغانك المتكرر من الرد على السؤال الساخن دا بخليك تسقط في نظر متابعي هذا البوست الهام ولن يسقط عنك التهمة .
وبعدين أيه سر تحاملك على الحركة الشيوعية في السودان وثوارها وشهداءها..
هل خوفك من افتضاح امر هذه القصيدة المشئومة (المقبوضة الثمن) هو ما منعك من ابداء
رأيك في تصريح نقد حول مصرية حلايب ؟ أركز يا زول وبطل اللولوة اعتذر للناس الشمت في موتهم ...
وبرضو اعمل لينا بوست لادانة تصريح المرحوم (نقد) حتى نقف على مدى صدقيتك ...
زي كلامك الفارغ اي زول ممكن يكتبو ويعمل مناضل ويشبك الناس عاجل وعاجل جدا ووو الخ
مصداقيتك على المحك يا هباني وسأنجضنك نجاض قبورة وما بفكك الا حمار الوادي يكورك
لو ما نفذت الطلبات اعلاه واللي هي :
1/ اعتذار للشهيدين بابكر النور وفاروق حمد الله
2/ ادانة تصريحات نقد حول مصرية حلايب
______
اهم ديل الطلبات فرزتهم ليك وععملتهم ليك بالاحمر عشان ما تعمل فيها ما شايف
| |
|
|
|
|
|
|
|
|
|
Re: شيخ عصام لطش شيخ نزار ام شيخ نزار لطش شيخ عصام (لعناية كوستاوي)! (Re: هشام هباني)
|
عزيز هشام القارئ
قد يكون ما سأكتبه هنا معروفا لك. لكن لأن هشام إنسان حقود و يتعامل بلا أخلاق و هذا ليس بشيئ مستغرب ممن تربى في أحضان مدرسة اللجان الثورية و من ظن يوما... يوما شنو؟ و من ظل يؤمن لأكثر من عشر سنوات أن الهالك المجنون معمر القذافي هو مخلص البشرية و أن الكتاب الأخضر يحوي النظرية الثالثة التي بها سينصلح حال العالم. لا يستغرب من مثل هذا اللجوء إلى الابتذال و الكذب في حق من لا يحب. و لأنه فشل في إثبات حججه فقد لجأ لأسلوب إنسان رخيص يليق به و هو الرفع المستمر لهذه البوستات و إغراقها حتى تضيع الحجج الناصعة وسط غثائه المتراكم. سأقوم بإيراد شهادات المنصفين و العقلاء في بوستاته و هم ممن لا يتهمون بالانحياز إلى نزار حتى لا تضيع الحقيقة وسط الضوضاء التي يتقنها خريجو المدرسة القذافية من أمثال هشام هباني. بدأت القصة ببوست ادعى فيه هشام أن نزارا قد سرق بحثا من الدكتور عصام أحمد البشير و أراد أن يتضارى بالأخ كوستاوي فجاءه كوساتاوي و حسمه قائلا:
Quote: نزار محمد عثمان هو صاحب البحثين
إنتهى |
طبعا لو كان عند هشام مثقال ذرة من موضوعية أو حياء لاعتذر و ترك الأمر لكن كيف لمن كان رئيس تنظيمه و قائده الروحي يتوعد بمطاردة شعبه زنقة زنقة أن يرعوي فجاءه الأخ د. سيف و قال له:
Quote: يا عمدة
اتخيل لي كده شيخ نزار طلع من الموضوع و عداه العيب.
مشكلتك بعد كده مع عصام احمد البشير..و للا شنو؟ |
و الأخ أشرف الحلبي و قال له:
Quote: صراحة يا هشام نزار طاقيك بوستين / صفر :)
ـــــــــــــــــــــــــــــ
حرامية وكذابين ومنافين!!!
الكلام دا في موضوع البحث دا ولا في حاجة تانية يا النذير؟ |
و الأخ أمين محمد سليمان و قال له:
| Quote: يا هشام ياخي رفع البوست و مليو بالكلام الفارغ عمرو ما ح يثبت إنو دكتور نزار ما كتب الكلام ده ... فياخي الله يرضي عليك أرحم نفسك و ارحمنا !! |
و:
| Quote: دكتور نزار ذكر إسم القويسي و حدد النقطة الفيها إستفاد من كلام القويسي و وضح إنو ما هو الرفع البحث ده في الانترنت و ما هو المسؤل عن أي من المواقع النشرت البحث ده و لا حتي مسؤل عن الصفحة البي اسمو في صيد الفوائد ...قد يكون الدكتور ما إلتزم بقواعد الاقتباس الصارمة البتقول ليك تخت الكلام المقتبس بين قوسين ... و حتي هذه ففي الأمر سعة طالما حدد النقطة الاستفاد منها من كلام القويسي و قد يكون لانو بحث لمؤتمر ما لجهة أكاديمية مثلا ... و ده كلام معقول و مقنع جدا لو المسالة ما spinnning لكسر قلم الدكتور و إغتيال شخصيتو ... !! |
و:
Quote: رايي إنو كلام دكتور نزار واضح و مقنع ... و رايي إنك فتحت البوست في شكل سؤال و لمن الدكتور جاوبك و كلامو كان مقنع و حتي كوستاوي الفتحت البوست باسمو و سالتو جاء قال ليك البحثين بتاعت دكتور نزار ...يعني لمن الموضوع جلي و لقيت مافي طريقة لادانة دكتور نزار... عينت الدكتور المفتي الشرعي للانقاذ ... و قبل ما الحكومة تضبح ليها زول بتجيب دكتور نزار يقبلو علي القبلة و يكبر التلات تكبيرات ... أسئتو و شتمتو و أنت تعلم إنو أدبو و خلقو بمنعو من شتمك أو الأساءة ليك ... و بعد داك بقيت ترفع البوست شئ بنقطة و شئ فيديوهات و اقتباسات ما عندها علاقة المهم البوست لازم يكونو طوالي فوق لمزيد من التشهير بالباطل ...
---------------
الحاصل يا هشام انك بتستعمل النضال كغطاء للناس العندك معاهم مشكلة و القصة دي واضحة تماما ... ياسر ال Elawad بلاك في بوست حميد ... فتحت ليه بوست عشان يناقشك في الشريعة عشان تطلعو كوز ... دكتور نزار بلاك في بوستك الفتحتو لل Elawad طوالي فتحت بوستك ده.... هسي كان جاء زول بلاك في البوست ده ح تفتح ليه بوست تاني ... و يا ريت لو عندك الشجاعة البتخليك تفتح البوستات دي بصورة واضحة كرد علي البل الاتبليتو ... أبدا ... لازم تحشر النضال في القصة منها تكبر كومك و منها تنشف شوية من البل البلوك ليه !! |
و الأخ ود البشرى و قال:
Quote: طيب يا دكتور.. على الرغم من الإشارة لكتاب الدكتور القويسي في الهوامش كأحد المراجع المعتمد عليها
بالرغم من كدة ولـ: عدم إرشاد القارئ بصورة صحيحة أولا و مخالفة القواعد العلمية للإقتباس ترى أن هذا يقع تحت مسمى الغش و سرقة الحق الأدبي !!
يا الله .. غش عديل كدا و سرقة حق أدبي و الحالة ذاكر اسم المسروق حقه في المراجع
يعني لو لم يذكر اسم القويسي ومرجعه خير شر كانت حتكون تحت اي طائلة : القتل العمد أم التخابر مع دولة اجنبية!!
سرقة و غش دي مسميات لأفعال فيها تعمد وترتكب بوعي كامل
وين مساحة الخطأ البشري العادي أو النسيان أو حتى الإهمال |
طبعا دا غير شهادات أخرى لن أوردها لأن هشام سيزعم أن قائليها منحازون لنزار.
و لا زال هشام يواصل في رفع البوستات و زحمتها عملا بالقاعدة القذافية التي تقول اكذب اكذب حتى يصدقك الآخرون. و نسي المسكين أن مثل هذه الأوهام و الأكاذيب لو نفعت أحد لنفعت قائده الهالك الذي ناله ما ناله و هو يسبح في أوهامه. فيا عزيز هشام القارئ أمامك شهادات كل هؤلاء و أمامك غثاء هشام فخذ أيهم شئت.
| |
|
|
|
|
|
|
| |
هشام هباني
عبدالوهاب علي الحاج
أمين محمد سليمان
HAIDER ALZAIN
Elawad
فيس بوك
تويتر
انستقرام
يوتيوب
بنتيريست