|
Re: تواصل خريجي مدرسة المؤتمر الثانوية - المدرسة الوطن (Re: محمد حيدر)
|
رسالة من الأخ عصمت محيميد ،،
Quote: بسم الله الرحمن الرحيم (وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ) رحم الله المهندس وليد كريم العزاء للأخوان لؤي و امير و ياسر و محمد حيدر نسال الله ان يتقبله بواسع رحمته وان يلهمنا الصبر والسلوان إنالله وإنا إليه راجعون
و لا حول و لا قوه إلا بالله العلي و العظيم عصمت محيميد |
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: Mohammed Ibrahim Othman)
|
رسالة من الأخ طالب حامد ،،
Quote: الاخ ابراهيم السلام عليكم ورحمة الله .. شغله شديدة ولكن متابعين ،،
وصلنى ميل من أحد الأصدقاء خريجى المؤتمر اخبر بأن إبنه محتاج لزراعة قوقعة فى أذنه حيث اصيب بالسحائي مما سبب له صمم ،، وهذه عملية كبيرة .. واذا كان فى اى واحد عنده فكرة عن فاعل خير فى السعودية لديه الرغبة فى المساعدة فى عملية ابن زميلنا الرجاء الاتصال على على بريدى الالكترونى لارسال الملف المرضي لابن زميلنا ..
[email protected]
وتحية لكل خيرجى المؤتمر طالب حامد خريج 1987م
|
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: عصام ابوعكر)
|
الاعزاء
الحبيب / عصام أبوعكر و الأخوه رفاق الدراسه
إنشاء الله يجعل أيامكم كلها أفراح و أعياد نحن بيجاي نشكو من قله الإجازات و الإجازه السنويه مدفوعه الأجر لا تتعدي الإسبوعين عشان كده عشان الواحد عشان يسافر السودان لازم يلم دي علي دي عشان تعمل ليها شهر
لكن بإذن الواحد الأحد السنه دي إجازتنا في السودان تخيلو بعد 20 سنه من يوم الخميس 14/ أغسطس 1989 يوم مغادرتنا للسودان أخر مره يعني الخليناهو بيحبى حسى اولادو بيحبو و الغريبه نحنا زاتنا بقينا نحبى
وُد شديد
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد حيدر)
|
تحياتي للجميع ،،
وآسف للإنقطاع الفترة الفاتت ،، الزحمة حاصلة ،،
أبوعكر ،،
Quote: الان موسم الاجازات علي الابواب اخبار اجازاتكم شنو؟؟ ابوخليل /حموده /محمد مكي /محمد حيدر /وبقيه الاخوان لعل الله ان يجعل لنا لقاء قريب في السودان انشاء الله . |
والله نتمنى نلتقى كلنا في السودان ،، ونعمل لمة كده وزيارة للمدرسة ،،
بس ،، أنا الصيف ما معاي ،، عشان لسة ما متقيد بإجازة المدارس ،، لكن من السنة الجاية لو ربنا أمد في أيامنا ،، الورطة حا تحصل ،، ونبقى من ناس الصيف ،،
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
ورسالة من الأخ حسام عباس ،،
Quote: السلام عليكم يا إبراهيم كيف حالك أنشاء الله تكون مبسوط وعال العال .. أنا طبعاً أثارني موضوعك ده ..موضوع جميل جداً جداً وأنا طبعاً لي حوالي سنين من السودان .. وكان من المفرح جداً كمان قيام الأخ العزيز والجار السابق والمتواجد بأمريكا من سنين .. محمد حيدر وهو طبعاً زيك عندو مشاركات في البورد ولكني من زمن كنت عاوز أشارك ولكن ماعندي طريقة للمشاركة لعدم تسجيلي بالموقع ، على كل حسناً فعلت لما خليت عنوانك ده ... وشكراً جزيلاً للطلة الحلوة وسلم علي صديقي العزيز / محمد حيدر .... طبعاً أنا ما عارفك إنت وين الآن ؟ أين ماكنتم .. المهم ربنا يحفظكم ويوفقكم ....
أخوكم/ من أبوظبي : حسام عباس |
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: Mohammed Ibrahim Othman)
|
الاعزاء
وينكم أسف لفتره الغياب الطويله و التي أتمني أن لا تتكرر
بكل الود قرآت رساله أخي و صديقي و جاري الحبيب البرنس و حفيد البرنس حسام عباس محمد عبدالعال رفيق الصبا في المورده و الأميريه و المؤتمر و هو كعهدي به أنيق في مروره و أتمني أن يداوم علي التواصل
بمناسبه كوره الهلال و المريخ اليوم أذكر مره أنا و حسام و محمد الجقر و الصديق غازي يوسف جميل و هم كلهم مريخاب مشينا أستاد المريخ لنحضر كوره المريخ و العباسيه و كنا جالسين في المسطبات الجنوبيه و أنا كنت الوحيد البشجع العباسيه و إشتبك معي الكثيرين من المشجعين المريخاب و لما العباسيه جابت قون وقفت أشجع بكل قوه و إتلم علينا المريخاب ووقف أصدقائي مدافعين و أذكر في وسط هذه الكورجه كان هناك الجليلين أساتذتي من الاميريه الاستاذ محمد محمود و الاستاذ قباني في وسط الجوطه الشديده و كانوا يطالبوا بأني أطلع من المسطبات و أذكر إنني قلت للمريخاب و الله بس عشان الاتنين الدرسوني ديل أنا ح أمشي و فعلا سبنا المدرجات كلنا وسط لعنات المشجعين و هتافهم بره..بره و مشينا تميناها فول و باسطه
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد حيدر)
|
رسالة من الأخ هشام الطيب ،،
Quote: أبعث إليك أخى ابراهيم بسلامى الحار وبعد غياب طويل ،، وعبرك سلامى الى جميع خريجى مدرسة الموتمر داخل وخارج السودان .. وكما ارحب بقدوم إثنان من خريجى الموتمر دفعة 1987 الاخ على خشم الموس من هولندا والاخ حسن عبدالله المنوفى من كندا ومرحبا بهما فى السودان وارجو من الاخ العزيز نرار عبدالساوى ارسال صور حفل الاستقبال والحفل القادم فى قندهار ،، ومع تمنياتى للجميع بالصحة والعافية اخوكم/هشام شمس الين الطيب دفعة عام 1987 السعودبة---الرياض |
هشام ،، شكرا للتواصل ،، وآسف لتأخير النشر،،
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
إخواني أبناء المؤتمر ثغر أمدرمان أميرة مدن السودان (إن صح التعبير) أسألكم عن أحد خريجي المؤتمر أخونا عزالدين رمضان برسلوا سلامي عبر بوستكم الصامد لسنين وإنشالله تظل المؤتمر خالدة بأحلى ذكرياتها التي تابعناهم معكم بمتعة في ثنايا صفحات هذا البوست العطرة. فبالله شيلوا سلامنا صرة في خيط وسلموا على عزالدين وقولوليهو ضروري يراسلنا حيث لم نلتق منذ أفترقنا ايام الدويم الأهلية الوسطى بداية السبعينات وهي الأخرى لها مخزون وافر من الذكريات الجميلة بين خريجيها الكثيرين الذين يملأون الفضاء..
دمتم ودامت المؤتمر ثغراً لأمدرمان وحماها الله من كل المزايدات..
الطيب عبدالرحيم (tkhalafalla@ gmai.com)
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: الطيب عبد الرحيم خلف الله)
|
عندي مداخلة قديمة باسم abu eltayeb
لكن اتهكرت و جيتكم باسمي عديل خريجي 78 عديل و منازل 79 الناظر كان حينها عبدالله الجنيد رحم الله, في السنه الاحقة الاستاذ عبداللطيف, ثم الوكيل لاحقااستاذ الجغرافيا امين الزين, استاذ الطاهر (كيمياء) الاستاذ بالمشاهره خالد موسي (رياضيات) الاستاذ يوسف الخليفه (عربي) للاسف الذكره صارت خربة من الفواتير حتي اسماء المدرسين بدانا ننساهم (زهايمر مبكر)
من الطلبة: حسن عبدالمجيد, ضياء الدين محيميد, علي (طيره), عثمان (بانت) شرق, علي (امبده), عمر اسماعيل, ابشر, وهلما جرا, الدفعه القدامنا زهير الهادي, حسن كشكش, من الرياضيين
مصطفي النقر الهلال انصاري الهلال شرحبيل المورده عبود بيت المال
طبعا دي السنة النفضنا ليك فيها بيت الامانه بعنجهيتها ناس حموري بعد الرياضه الجماهيريه عندما هزم الهلال المريخ و خرج الجمهور الرياضي فرحين بذلك النصر علي المريخ في كأس الذهب رئيسكم مين قاقرين و النميري حاضر و منها حل الرياضه كما حل السودان
لطفي
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: Mohammed Ibrahim Othman)
|
الأخ العزيز الدفعة إبراهيم محمد الحسن والأخوة الأفاضل خريجي المدرسة الوطن لكم جميعاً التحية والتقدير والود وكل عام وأنتم بألف خير حقيقة أسعدني وجود هذا البوست الرائع الذي أعاد لذاكرتي الخرِبة أسماء لأعزاء وتفاصيل لأحداث كاد أن يطويها ستار النسيان سأعود حتماً بعد قراءة متأنية لصفحات البوست التسعة. مع عميق احترامي
علاء الدين صالح دفعة 86 أولى دقنة، ثانية بخاري، ثالثة إبن خلدون؟ (الفصل الأدبي) بكالوريوس إدارة أعمال - الهند مقيم بجدة - المملكة العربية السعودية [email protected]
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد حيدر)
|
Quote: الأستاذ/ علاء الدين صالح
مرحب بيك يا صديقي القديم المورده-الاميريه و المؤتمر
كل عام و أنتم بخير
|
الأخ العزيز محمد حيدر والأخوة الأعزاء خريجي المدرسة الوطن كل عام وأنتم بألف خير وتقبّل الله منكم ومنا الصيام والدعاء وصالح الأعمال
محمد حيدر ياخ "أستاذ" دي ما تشيلا خلاص.. أنا آخر دفعة درَّستها كانت دُفعة ناس علاء الدين تمبس
لووووووووول
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: شرفى عبدالقادر)
|
يا شباب عليكم الله البيعرف درب أخونا الباشمهندس إبراهيم محمد الحسن (صاحب البوست) ينكُتوا لينا بسرعة عشان يسجِّل في بوست بكري بتاع الأرشفة.. رغم إني سجَّلت البوست دة هناك لكن عرفت إنو لازم يجي صاحب البوست بى نفسو.. يعني توكيل شرعي ذاتو ما بينفع. واحد يعمل فيني خير ويرسِّل ليْ تلفونو حتى.. بوست زي دة حرام يمشي الأرشيف والله.. وبعدين ياخ الزول الدفعة دة شوقنا ليهو بحر عديل وعندنا معاهو ونسة كتيرة.
عيدكُم مبارك جميعاً ودمتم بألف خير
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
تعرفو ،،
قبل أيام حصلت معاي مصادفة عجيبة ،،
وأنا داخل على بيت ناس أختي هنا في جدة ،، فتح باب الأسانسير ،،
وأنا مسرع بالدخول ،، كان في واحد طالع من الأسانسير ،،
عيني وقعت عليه بسرعة كده ،،
الله ،،
ده مش ........... ؟
أيوة هو بشحمو ولحمو ،، أستاذ حسين - أبو دقن .. (كيمياء)
ما لحقت أسلم عليه ،،
ولما سألت الجماعة عنه ،، طلع والد واحدة من الساكنات في العمارة ،، وهو في زيارة ،،
المهم،، بعد فترة قابلتو مرة تانية ،، وسلمت عليه ..
وذكرتو بدفعتنا ،،
هو ترك التدريس من فترة (بالمعاش) ..
صدفة غريبة ،،
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
Quote: من المفاجآت الحلوة ،، ظهور واحد دفعة من خريجي المؤنمر الرائعين ،، وإنضمامه لسودانيز أون لاين
Quote: محمد هاشم محمد عبد الله
تاريخ التسجيل: 26-09-2009 مجموع المشاركات: 2
|
إبراهيم كتَّر خيرك الجيت وجبت لينا الأخبار السعيدة دي صديقي الباشمهندس محمد هاشم الكتيابي ليْ أكتر من 20 سنة ما قابلتو مفاجأة حلوة ساكِت؟ دي أحلى من عسل النحل
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
Quote: ياالله ،،
علاء الدين صالح شخصيا؟
ألف مرحب بيك بيننا ،،
أنا طبعا اتفاجأت لما شفت إسمك قبل فترة في المنبر العام ،، وعرفت إنك كمان معانا في جدة ،،
حاولت الإتصال بيك ،، لكن التلفون الفي البروفايل ما شغال ،،
كويس إنك لاحظت بوست المؤتمر ودخلت ،،
نتمنى تواصل ،، |
الأخ العزيز م/ إبراهيم كل سنة وإنتَ طيّب والعيد مبارك عليكم والله ليك وحشة يا إبراهيم وأنا سعيد غاية السعادة بعودتك الحميدة وسنكون على اتصال بإذن الله. لك تحياتي مجدداً وعميق احترامي
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: Faisal Elrasheed)
|
Quote: هل هو زرياب عازف الكمان ؟؟
بالمقلوب : كيفك يا استاذ وكل سنة وانت طيب
ـــــــــــــــــــــــــــــــــــــــــــــــ تخريمه: وين النجيب تمبس؟؟ شايفك اطلقته سراحه لوووول |
الأخ فيصل أسعدني مرورك وكل سنة وإنتَ طيّب الأخ زرياب برعي هو نفسه عازف الكمان الشهير بفرقة الأستاذ محمد الأمين، وهو الإبن الأصغر للموسيقار الراحل برعي محمد دفع الله. __________________________________ النجيب تمبس في حالة إطلاق سراح مشروط بضمان
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: علاء الدين صالح)
|
الأحباء
إبراهيم, علاء الدين و حموده
ترحيب شديد و خاص بالباشمهندس محمد هاشم محمد عبدالله و نتمني إقامه موفقه و عامره بيننا قبل حوالي الشهرين إتصل بي الحبيب أشرف شبو من السودان و كان معه بعض أصدقائي القدامي وطلب مني ان أتعرف عليهم من صوتهم خصوصاً أننا تزاملت معهم في الأميريه و في فصل دال الأول كان د.منصور بابكر محمد الأمين و لم أتعرف علي الصوت لأنو ماأداني فرصه و عرف نفسه بسرعه أما التاني فعرفته من أول كلمه و كيف لا أعرف الشاب الخلوق و فأجأته بسؤال و قلت ليهو في دال كان ترتيبك الكم؟ فضحك و قال لي عرفتني و كيف لا اعرف أولنا الصديق الخلوق محمد هاشم محمد عبدالله مره تانيه برحب بيهو
إبراهيم غير صوره بروفايلك دي لانها ما بتشبهك زعلتني
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد مكى محمد)
|
الحمدلله بعد ما اتوفقنا فى التسجيل فى هذا الحوش الرائع كان لا بد وان نمر على هذا البيت الراقى الجميل و ساكنيه الذين أحببناهم
فلكم منى من التحايا أطيبها ومن الأمنيات أجملها
دى طلة أولى نثبت فيها الوجود ونقول نحن من دفعة ناس د. عبد الرحيم حامد و أبوخالد (( با شمهندس محمد مصدق الصاوى))
فضينا بهذه المؤسسة الرائعة أربع سنوات جميلة جمال خضرتها تعاقب علينا فيها من المدراء كل من الأساتذة الأجلاء محمد فتحى أمبابى على النصرى حمزة درار صالح درار الهادى احمد محمد صالح نسأل الله الرحمة لمن فارق هذه الحياة وطولة العمر و الصحة لمن هو على قيد الحياة
ولنا عودة ان شاء الله
دمتم بخير
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: حيدر بشير)
|
Quote: دى طلة أولى نثبت فيها الوجود ونقول نحن من دفعة ناس د. عبد الرحيم حامد و أبوخالد (( با شمهندس محمد مصدق الصاوى))
فضينا بهذه المؤسسة الرائعة أربع سنوات جميلة جمال خضرتها تعاقب علينا فيها من المدراء كل من الأساتذة الأجلاء محمد فتحى أمبابى على النصرى حمزة درار صالح درار الهادى احمد محمد صالح نسأل الله الرحمة لمن فارق هذه الحياة وطولة العمر و الصحة لمن هو على قيد الحياة
ولنا عودة ان شاء الله
|
مرحباً بك أستاذنا حيدر بشير في بيتك التاني (المنبر) وفي بيتك التالِت (هذا البوست الأنيق)
لو متزوِّج إتنين ورينا عشان نشُك الورق ونوزِّعو من أول وجديد
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: علاء الدين صالح)
|
الأعزاء و الاحباء سلام ... شوق ... تقدير الواحد ما مصدق انو يلاقى الكوكبه دي تاني بعد طول الغياب سلام شديد و خاااااااااااااااص لكل واحد. أنا محمد هاشم محمد عبد الله ( الكتيابي) , و درست بالمؤتمر من 83 الي 86 يعني دفعة الباشمهندس ابراهيم محمد الحسن الرجل الرائع و الراقي جدا و حبيب الكل محمد حيدر و المهذب جدا علاء الدين وكمان الاخ حموده و بقية العقد الفريد. انا مستقر بالسودان و بالمناسبه عندي اخبار عدد كبير من الدفعه و سافيدكم بها لاحقا. دي مداخلتي الاولي التعريفية ... ارحب بالجميع و كل عام و انتم بخير و ربنا يلم شمل المجموعة. ابراهيم محمد الحسن ,,, ربنا يحفظك و يعليك دايما مبتكر الحاجات الحلوه,,, و لي عوده .
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد حيدر)
|
حبيب الكل محمد حيدر تحياتي..... يا حليل الايام الزمان ,, و الله ياريت الزمان يعود يوما ... بس يا خساره... كيف حال اخونا د. عادل غندور؟؟ سجلت رقمو و ساتصل به غدا باذن الله تعالي. محمد حيدر... انت لسه مشاغب زي زمان و بتاع مقالب و لا الزمن غيرك؟؟ طبعا انت اكتر واحد كنت مشهور بالمقالب بس و الله كانت من احلي زكريات الدراسه؟ بعض اخبار ناس الدفعه: محمد عبد القادر (فيجول) و د. منصور بابكر بابوظبي و على اتصال بهم و بالمناسبة منصور اتزوج قبل شهرين تقريبا يعني لسه فى العسل !!! عباس يس و محي الدين و يحي جعفر كلهم بخير و بنتقابل فى المناسبات. كذلك اشرف و امجد زهير. حسن كمال (كديس) بامريكا ومعاهو علاء الدين عبد الوهاب و برضو على اتصال بهم. انشاء الله تكون على اتصال ب خالد بابكر فهو فى امريكا.اليومين دي د. محمدخير بالسودان و رزق ولدا الاسبوع الماضي. و برضو محمد مرتضي موجود فى اجازه اما وليد فاروق بانجلترا و كان باجازة قبل شهرين. اما اشرف شبو و بشير الشيخ و ياسر فضل الله فبنتقابل دوماو بنفكر نرتب برنامج لقاء شهري دوري. الى اللقاء..
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: محمد هاشم محمد عبد الله)
|
Quote: أنا محمد هاشم محمد عبد الله ( الكتيابي) , و درست بالمؤتمر من 83 الي 86 يعني دفعة الباشمهندس ابراهيم محمد الحسن الرجل الرائع و الراقي جدا و حبيب الكل محمد حيدر و المهذب جدا علاء الدين وكمان الاخ حموده و بقية العقد الفريد. انا مستقر بالسودان و بالمناسبه عندي اخبار عدد كبير من الدفعه و سافيدكم بها لاحقا.
|
الأخ الحبيب الباشمهندس محمد هاشم الكتيّابي
ياريتك كنت معاي ياريتك كان دوبتَ اعصاب الناي في كاس وسقيتك غنوة بتسبح عكس الخوف ايامك وكلما طريتك داهمني حنين للشاي في بيتك - الشاعر عثمان بشرى -
لك صادق مودّتي وعميق احترامي
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: علاء الدين صالح)
|
الاخ العزيز جدا علاء الدين صالح ,,,, كلمة مشتاقين و الله ما كفاية و سعدت كثيرا باخبارك... يا حليل الايام الخوالي ... و شنو القيافات دي كما عهدناك اناقة و حسن المظهر.. اتمني ان تكون و اسرتك الكريمه بالف خير و صحه... اتمني ان نحظي بلقائك قريبا. هذه الايام انابدبي لحضور معرض جيتكس السنوي و علي اتصال ب منصور بابكر و محمد عبد القادر (فيجول) بابوظبي و ربما احظي برؤيتهم قبل عودتي للسودان. لك كل كل التقدير .
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ALMURADABI)
|
Quote: استاذ علا بتاع الجغرافيا ما معقوووووووووووووووووووووووولة
على ابوالقاسم خريج 89
اخبارك وصحتك وعاش من شافك |
الأخ علي أبوالقاسم لك تحياتي وكل الود إنتَ متأكِّد يا علي إنك ما قاصد أستاذ علاء الدين جيتار بتاع الجغرافيا الفي مدرسة المؤتمر؟؟ كدي ألبس نضّارتك وعاين واتأمَّل في صورتي كوييييييس معقووولة أنا أكون درَّستَ دُفعة إتخرّجت من المؤتمر 89؟؟ إنتو رايكُم شنو يا شباب؟ لوووووووووول
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
دي رسالة من الأخ خبيب الفاتح ،،
Quote: الاخ العزيز / ابراهيم محمد الحسن لك امطار من التحايا وانت تغوص بنا في زكريات عزيزة وفتره هي من اجمل فترات الحياه الا وهي الدراسه الثانويه بمدرسة المؤتمر الثانوية العليا ... وارجو العمل على تكوين رابطة خريجي مدرسة المؤتمر لتكون بوابة للقاء اعزاء فرقت بنا تفاصيل الحياة.. وكم نشتاق الى ميدان الباسكت ودقنه وزمخشري وحيان وشعبة التدريب العسكري ومباريتنا مع عدوتنا اللدود وادي سيدنا .. افتخر انني انتميت لهذا الصرح في فترة هي من اجمل فترات حياتي واشكر كل من تعلمت منه حرفا بها بدأ بمدير المدرسة انذاك الاستاذ / التجاني الجعلي .. مرورا بالاساتذه / عبد الله وطارق الجاك وكل ابناء المؤتمر .. خبيب الفاتح حسن عوض الله الصف الاول / دقنه الصف الثاني / زمخشري الصف الثالث / حيان 1997م مهندس كمبيوتر مصر القاهره 0020103907662
|
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: ابراهيم محمد الحسن)
|
الاخوة الاعزاء ابناء الصرح العظيم {المؤتمر الثانوية } تحياتى واطيب الامانى عساكم جميعا بخير انا مجاهد حسن طه دفعة { 64 ـ 68 } شيخ كبير لكن بروح العشرين و الحمد لله . بدات المرحلة الثانوية بمدرسة دنقلا الثانوية و بعد عاما واحدا نقلت للمؤتمر الثانوية و اذكر اننى و صديقى العزيز مولانا الشاعر المرهف التجانى سعيد { دفعتى } تم نقلنا فى نفس العام 65 هو الى الاهلية الثانوية بامدرمان و انا الى المؤتمر الثانوية . و كان مدير المدرسة الاستاذ المربى { فتحى امبابى }و بقية {الاستاف } اذكر منهم الاستاذ مصطفى طيب الاسماء و الاستاذ الرفيع و الاستاذ بابكر { ش } و مستر كوك و الاستاذ سلام و استاذ التاريخ حيرم و استاذ فلسطينى { نضيف } يعنى لبيس من هيئة التدرس , واهم زول الصول { العشا } رحمه الله .. اما اولاد الدفعة اذكر منهم صديقي العزيز الشهيد العقيد بشير مصطفى البشير . و مامون لقمان . الكودة . الحنان . هاشم ادهم . حسن ملك الشيخ . هشام الفيل . العالم . الرشيد . سمير . كمال طه . محمد ادريس الهادي . و الدبلماسى احمد ادم . { البيلى و نادر } ما عارف دفعة و لا لا لكن اولاد { شلة} . اه . والله رجعتونا للزمن الجميل و النفوس السمحة البرئة و هي الفترة التى صقلت العقول و القلوب و حددت المسارات و بدايات الطريق و قد عشناها { بالطول و العرض } و ما تنسوا { حديقة الموردة } كانت قصاد المدرسة طوالى فى مكان الجامع العملو المرحوم نميرى و كنا نحل الواجبات و نزاكر ليلا فى الحديقة و طبعا كان ذلك ايام الجاهلية الاولى و لنا زكريات لا تنسى سياتى زكرها فى مرات قادمات انشاء الله . هسه بدوركم تفتشوا معاى عن الحبايب و الاصدقاء المزكورين اعلاه و موافاتى باخبارهم اتمنى من الله ان يكونوا جميعا بخير و صحة و عافية . و هذا مايهمنى فى هذه العجالة مع تحياتى و امنياتى الطيبة للجميع .. و لنا عودة
| |
|
|
|
|
|
|
Re: تواصل خريجي مدرسة المؤتمر الثانوية - المدرسة الوطن (Re: مجاهد حسن طه)
|
Quote: الاخوة الاعزاء ابناء الصرح العظيم {المؤتمر الثانوية } تحياتى واطيب الامانى عساكم جميعا بخير انا مجاهد حسن طه دفعة { 64 ـ 68 } شيخ كبير لكن بروح العشرين و الحمد لله . |
سعادة العقيد أ.ح (م) مجاهد حسن طه لك تحياتي وتقديري وعميق الاحترام أسمح لي أن أُرحِّب بك إنابة عن زملائي خريجي دفعة 86 مع أمنياتي بأن يطيب لك المقام في هذا البوست ونرتوي من فيض ذكرياتكم القديمة أيام مجد المدرسة الوطن. بالنسبة لبعض من ذكرتهم من دفعتك.. منو من الحنّاناب؟ (السيد الحنان) ولاّ (دفع الله الحنّان) ولاّ منو بالظبط لأني من مواليد وسكان الموردة حتى 1989م وعلاقتي بالأهل والأحباب في هذا الحي العريق لم تنقطع حتى اللحظة وآل الحنّان جيران بالنسبة لينا.. وكذلك سعادة العقيد (آنذاك) كمال طه برضو جارنا في الموردة.
لك تحياتي وترحيبي مجدّداً وفي انتظار المزيد
| |
|
|
|
|
|
|
|