يعني انت في تالته و نحنا في اولي اولاد دفعتك من حلتنا بانت شرق بكونوا ناس دكتور مجدي مزمل مهدي و محمد موسي القندقلي, مصطفي النقر عايد, الدفعة القدامكم طوالي خالي عبدالرحمن الهادي و وراكم طوالي خالي زهير الهادي و مصدق مزمل مهدي و عادل موسي القندقلي و مجدي سليمان, وحسن كشكش و شرحبيل و دكتور عبود ووو
لطفي
05-02-2010, 10:12 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
(1) الشاعر الروائي الدبلوماسي والسفير بالمعاش : جمال محمد إبراهيم
(2) الإعلامي ومدير الإذاعة السودانية الأسبق: الأستاذ / معتصم فضل
( 3) السفير بالمعاش : الأستاذ / عبد الوهاب الصاوي
(4) المعماري والفنان الراحل : هاشم ميرغني
إنتي وأنا نلملم عقاب الذكريات لو الذكرى تاني تلمنا يوم فرحنا مع الخيال قلنا الفرح من حقنا إنتي وأنا عاشقين رهاف ساكنين ضفاف شتل الأماني وحبنا من حقنا نسكن في الكواكب في قصر لغيرنا ابداً ما انبنا نسامر النجوم يزورنا القمر الحتا لو جافى الظهور ما بغبنا
*
07-22-2010, 09:16 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
السلام عليكم ياشباب والله الواحد مقصر شديد مع الاخوان منكم السماح وكونوا احسن مني في التواصل والسؤال عن بعض بعد غيبه جيت وجبت معي صور ابداع وذكري جميله جدا جدا
الأخ هشام ..الف الف مبروك .. بارك الله لكما وبارك فيكماوجمع بينكما على خير ..
الأخ ابوعكر الصورة تظهر مجموعة من الاحباء واظنها في مناسبة زواج : الوليد .. اشرف شبو .. بدرالدين موسى .. صالح صالح .. عمر زنقة.. والبقية خانتني ذاكرتي فيهم .. ماعدا محمد اسحق (رقيد الفراش منذ 2001م حيث اصيب في حادث سيارة بابوظبي ،نسأل الله ان يواليه بالعافية وان يعجل بشفاءه )..قولو يارب..
09-06-2010, 05:28 PM
Khalid Osman
Khalid Osman
تاريخ التسجيل: 04-25-2010
مجموع المشاركات: 261
Quote: بالله رائكم شنو في الصوره دي والناس دي وين واخبارها شنو ؟؟؟؟؟؟؟؟؟؟؟ اين التقطت هذه الصوره مليون جائزه مني؟؟؟
الأخ العزيز الدُفعة عصام أبو عكر لك تحياتي وتقديري وخالص الوُد الأخوي الصادق وكل عام وأنتم بخير
والله يا عِصام بى صورتك دي أنا إتاكّدتا إنو الكُبُر حصل لأخوك.. ما تقول ليْ فرمتة ولا تغيير ويندوز.. ودة الأنا كُنت خايف منّو زاااتو.. الحل الوحيد المُتبقّي أمامي يكمُن في إحدى الصبايا الحِسان من نجمات الغد.. No other way for re-activation.. غايتو الصورة في مناسبة ربَّة في بانت شرق (جنب بيت ناس عمر زِنقة).. من اليسار وقوفاً: وليد، أشرف شبّو، العقيد بدر الدين موسى،...، ...، معتز شبّو؟ جلوساً من اليمين: عمر زِنقة، (تخيَّل القاعِد جنب زِنقة دة كان صحبي شديد)..
عِصام شُكراً على الصورة الجميلة لكن الفينا إتعَرَفَتْ
09-07-2010, 06:37 AM
Mohammed Ibrahim Othman
Mohammed Ibrahim Othman
تاريخ التسجيل: 07-21-2007
مجموع المشاركات: 3953
السلام عليكم جميعا ياعلاء الدين فردتك الجنب زنقه زهير القديم وبعدين ياخي لسع فينا ركشه ولا شنو ياابوخليل ويا حموده وبعدين ياحموده جوابك علي سؤال المسابقه او بالاصح انعاش الذاكره قلت مناسبه زواج ياكافي البلاء زواج ما فيه عرسان المهم شوف غيرها ابوخليل قول الاسماء علشان نجيب الصوره البعدها ... الله يشفي اخونا العزيز محمد اسحق ويواليه بالف عافيه..
09-09-2010, 01:30 PM
عصام ابوعكر
عصام ابوعكر
تاريخ التسجيل: 06-13-2008
مجموع المشاركات: 394
كل عام وانتم بخير يادفعة ..وربنا يتقبل الطاعات منا ومنكم .. بخصوص الصورة اعتقد هي لشباب مدرسة ابكدوك المتوسطة لانه فيه ناس صالح صالح ،ضياء الدين ومحمد اسحق وديل على ما اظن درسو بموسى الضو الثانوية .. من اليسار وقوفاً: وليد، أشرف شبّو، العقيد بدر الدين موسى،ضياء الدين (مولانا)، ...، معتز شبّو؟ جلوساً من اليمين: عمر زِنقة،زهير (تعرف ياعلاء الدين انا برضو توقفت عنده لانه كان زول مرح ومحبوب )..
09-12-2010, 02:09 AM
عصام ابوعكر
عصام ابوعكر
تاريخ التسجيل: 06-13-2008
مجموع المشاركات: 394
يا ابوعكر انا اجتهدت : الجلوس من اليمين : سقراط ، عمر زنقة ووليد .. الوقوف من اليمين : .....،ابوعكر ،...،عارف عثمان وهشام .. خلف الجميع وقوفاً: حاتم ابوبكر ..
09-12-2010, 11:51 AM
عصام ابوعكر
عصام ابوعكر
تاريخ التسجيل: 06-13-2008
مجموع المشاركات: 394
أبوعكر يا دفعة كل سنة وانت بخير والقابله على أمانيك يا خى دى نتكتها من وين? قبيل إتصل بى مشكورا أخونا الفاضل علاء الدين صالح,وقعدنا إتونسنا فى التلفون وإتذكرنا أيام المؤتمر.طبعا أنا وهو كنا بنتشابه فى نفس الحجم تقريبا,وقرب يتلخبط :lol ,لكن قلت ليهو إنو أنت وأبوعكر الوحيدين الكان عندكم شنبات كبار فى الوقت داك.. فالصورة لازم أكون ده أنا.شكرا ليك ياحبيب وإن شاء الله كل الشباب الفى الصورة يكونوا بألف خير.
علاء شكرا على التلفون ياحبيب وسعدت جدا بسماع صوتك بعد 23 سنه ,وربنا يديم الود والتواصل.
أبوحمد كل سنه وإنت وأسرتك طيبين ,ويديكم الصحة وراحة البال.أتمنى ألاقيك فى الmsn .
حموده ومحمد حيدر عيد سعيد والقابله على أمانيكم والأسرة ..أتمنى أن تكونوا جمعيا بالف خير.
شكرى وتقديرى للجميع بدون فرز.
09-16-2010, 07:37 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
كيف بعد الشرة التاريخية بتاعت مطار الملك عبدالعزيز والعملتو فينا سودانير !!!!
ياخي أنا لغاية هسع الدخلت فيني ما مرقت ،،
العيد مبارك عليك يا باشمهندس إنتَ والأسرة وكل الأهل
والله العظيم يا ابراهومة، أنا لحدي هسا مواصل باخُد في كورس بتاع مُضاد حيوي (أموكلان 1جم).. ولِسّة باقي ليْ حبتين.. ياخي أنا شرَّة زي دي عُمري ما حصلت ليْ.. يا اخوانّا معقولة ناس مسافرين يشُرّوهم 14 ساعة في المطار؟؟ وفي رمضان وبدون فطور ولا سحور؟؟.. المصيبة إننا أنا وإنت وكم نفر بس كُنّا المودّعين.. وبعد دة كلّو وصلوا الخرطوم بالسلامة، بس من غير العفش (تخيَّل!).. والله يا إبراهيم كلما أجي أدعي عليهم أتذكر زول واحد في رئاسة سودانير، وأغيِّر رايي.. أنا طبعاً سودانير أصلي ما بركبها.. مُش كدة وبس.. وموَّصّي: لو في صندوق ما يسفِّروني بيها.. أعوذ بالله من غضب الله.. مُفكِّر والله الشرَّة الجابت ليْ النزلة دي أفتح بيها بوست
تحياتي يا هندسة
09-16-2010, 02:29 PM
علاء الدين صالح
علاء الدين صالح
تاريخ التسجيل: 08-11-2009
مجموع المشاركات: 1760
Quote: قبيل إتصل بى مشكورا أخونا الفاضل علاء الدين صالح,وقعدنا إتونسنا فى التلفون وإتذكرنا أيام المؤتمر.طبعا أنا وهو كنا بنتشابه فى نفس الحجم تقريبا,وقرب يتلخبط :lol ,لكن قلت ليهو إنو أنت وأبوعكر الوحيدين الكان عندكم شنبات كبار فى الوقت داك.. فالصورة لازم أكون ده أنا.شكرا ليك ياحبيب وإن شاء الله كل الشباب الفى الصورة يكونوا بألف خير.
علاء شكرا على التلفون ياحبيب وسعدت جدا بسماع صوتك بعد 23 سنه* ,وربنا يديم الود والتواصل.
العزيز الدُفعة محمد مكي لك تحياتي وتقديري وصادق الوُد والله أنا الأسعد يا أبو حميد.. ما حتصدِّق مكالمتك دي ريَّحتني كيف وحرَّكتْ فيني الشجون وصحَّت فيني كم من الذكريات.. يا سلام يا أبو حميد ياخي.. ما كفاية إنَّك ذكَّرتني أسماء الفصول الأنا قريت فيها: أولى دقنة، تانية البُخاري وتالتة ابن حيّان؟ والله يا شباب انا كنت ناسيها وماسحها تماماً.. (لكن بيني وبينك يا محمد، هو نحنا قعدنا فيها عشان نتذكّرا؟؟).. لك عميق احترامي ولك تحيّاتي مجدّداً جُملة وقطّاعي
_____ * من مارس 1986 - سبتمبر 2010.. دي 24 سنة ونُص.. أنا بكون مُضطر أسغِّر نفسي عايز أدبِّل.. إنت عايز تسغِّر نفسك ليييييييه؟؟
09-18-2010, 07:03 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
ياابراهيم ،محمد مكي ،علاء وابوعكر وكل البقية .. محمد حيدر دا اديناه انذار اخير في مخبأه في دبي ،لو ما طلع وظهر علينا ح نخليكم تحققو معاه .. الزول بورداب الامارات عملو لقاء عشانه مع بورداب تانين وماظهر ،قلنا معليش .. كل يوم بعذر .. رجع لصحبه القديم محمد الجقر .. وفاتحين لينا حتى محمد عبدالقادر (فيشوال) بيفتش عليه .. نعمل شنو ياجماعة ؟
09-21-2010, 08:47 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
إبراهيم و حموده و أبوعكر و معتز عريس و فيجوال كل عام و أنتم بخير و صحه جيده و شكرا علي الترحيب في دوله الإمارات
خالص إعتذاري و أسفي علي عدم مقدرتي علي تلبيه الدعوه للإفطار الرمضاني الذي أقامه البورداب في الشارقه و ذلك لإرتباطاتي العديده مع أقارب و أصدقاء أخرين مسبقه و قصر فتره الإجازه في دبي و التي إمتدت لفتره إسبوع واحد لا أكتر و أيضا في العيد كنت بعاني مع ساعتي البيلوجيه فبكون نائم طول النهار و صاحي طول الليل أكرر إعتذاري و أسفي لكنني سوف أعود قريباً إنشاء المولي و ح تزهجوا من زياراتي
و هذه الصوره من إفطار أقامه الزملاء خريجي المجر في منزل الحبيب م. عبدالقادر أحمد إدريس في أبوظبي و تضم من اليمين و قوفاً المهندسين: محمد أحمد حسن (الجقر) و نزار صالح و عبيد عبدالقادر هاشم و محمد الأمين عبد اللطيف و أيمن عبد القادر هاشم شقيق عبيد الأصغر و من اليمين جلوساً المهندسين: عاطف عبدون و السمؤل صبري و محمد حيدر و أسامه منور و أيمن حداد و معمر مقام الدين
و يا إبراهيم ما تزعل مننا دي صوره بتوريك أمريكا عملت فينا شنو
في طريقي لإماره الفجيره من مدينه العين
لكم العتبى جميعا حتى ترضوا
أخوكم / محمد حيدر
09-27-2010, 06:41 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
الاخ العزيز محمد حيدر لك الف سلام وتحيه والمره الجايه ذي ما قلت تكون بتاعتنا زياره خاصه.. وبعدين الاخوان الاعزاء عبيد وايمن عبدالقادر هاشم موجودين بالامارت وماعارفين عنهم اي شئ سلامي لهم وللباشمهندس الجقر ولكل الاخوان..
10-02-2010, 12:21 PM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
يا ابراهيم محمد الحسن ماعارف عبيد عبدالقادر هاشم درس معانا في المؤتمر ام لا ؟ بس عبيد دا درس معاناانا وابوعكر في صف واحد بمدرسة ابوكدوك المتوسطة، واخوه ايمن عبدالقادر دفعة ورانا .. ياريت يامحمد حيدر ترسل لينا بالخاص تلفوناتهم ...
10-09-2010, 09:09 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
بالنسبة للصورة الثانية: أعتقد دي لفصل زمخشري ،، أحاول أتذكر بعض منهم :
وقوفا من اليمين: - ........... - ........... - دفع الله...... - علي عمر عوض - طارق جاكسون - ........... - ناصر لطفي - ........... - عادل غندور - عباس ياسين - خالد كاهن - ........... - ........... - ربيع حسين الخضر - هشام عثمان (تلب) - - - قدورة - أكرم البرير
___________________ التعديل لإضافة بعض الأسماء حسب إفادة الأخ محمد مكي أدناه ...
جلوسا في الوسط: - -------- - عوض الكريم - طلال الغزالي (له الرحمة والمغفرة) - عصام قرموط - عادل حسن - صخر (له الرحمة والمغفرة) - ------ - ------ - الطاهر محمد الحسن - زهير - عثمان أحمد عثمان - برهان الغزالي - الفاتح عباس - أكرم يوسف - بدر القاسم
جلوسا على الأرض: - ياسر الجنيد - ------- - إبراهيم إقبال - ----- - محمد أحمد فضل الله - ياسر فضل الله - ---- - ---- - محمد مكي (متفرشخا) - عصام السراج - سقراط
______________________ التعديل لإضافة بعض الأسماء حسب إفادة الأخ محمد مكي أدناه ،،
ياه يا ابراهيم. أتاريوه الواحد كبر خلاص ...دى صورة لفصلنا أولى أبوعنجة نزيد معاك... نبدا من الشمال : وقوفا نمره اربعه دا هشام عثمان(تلب) وبعدو ربيع حسين الخضر فى الوسط بدر القاسم وأكرم يوسف. الفاتح عباس.برهان الغزالى وعثمان أحمد عثمان وبعدهم زهير.فى تلاته ما إتذكرتهم وبعدين المرحوم صخر تانى برضو ماعرفتو وبعده عصام قرموط ثم المرحوم (الشهيد) طلال الغزالى (قتله الكيزان غدرا). جلوسا سقراط ثم عصام السراج وبعده متفرشخا شخصى المتواضع. غايتو عاوز لى كم يوم عشان اتذكر الباقين شويه شويه. مودتى والتحيه للجميع
10-10-2010, 07:21 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
إبراهيم.. رجعتا Reverse في البوست لقيت خبر سعيد وهو زواج الأخ العزيز الدُفعة محمد حيدر.. والله ما عرفتا إلا قبل ثواني بسبب غيابي الفترة ديك.. وتواجدي بالسودان لشهور عديدة حرمتني من التواصُل مع الأحباب هنا.. المُهم، أن تأتي وتبارك متأخراً خير من أن لا تأتي..
ألف مبروك صديقي العزيز محمد حيدر.. رفيقي في الدراسة.. وشريكي في هموم الغربة.. وتوأم روحي في حُب الهلال العظيم
10-10-2010, 09:52 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
خالص الشكر للأحباء أشرف زهير و عادل غندور علي هذه الصور الرائعه أعتقد أن أسماء الزملاء في هذه الصوره : 1- طارق زروق (جاكسون) 2- الصحفي أسامه مبارك عبدالحفيظ 3- نزار غ 4- طارق قله 5- عبد الإله محمد الحسن
و في الصوره الثانيه نمره 5 من اليمين وقوفاً محمد بابكر مكي نمره 3 من اليمين جلوساً طارق زروق
10-10-2010, 11:41 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
الاخ الكريم/ ابراهيم تحية طيبة اشكرك على تذكيري بمدرسة المؤتمر الثانوية بامدرمان مرفق صورة التقطتها لها قبل 9 شهور من الناحية الشمالية الشرقية ناحية كبرى ابوعنجة اقد تشلافت بالدراسة فيها والتخرج قسم ادبي في عام 1987م بعدها سافرت للدراسة في جامعة عين شمس في القاهرة كثير من الزملاء لم نراهم منذ ذلك التاريخ لكن وفقني الله تعالى في لقاء الاخوة مثل : نزار عبد الساوي- السيد الحفني - احمد- احمد قريب الله- وأخرين لا تسعفني الذاكرة الان لتذكرهم ، وفعلت بنا الايام ما فعلت ربنا يحفظ الجميع ويوفقهم
10-16-2010, 07:00 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
السلام عليكم ياشباب والله الصوره الفوق دي لا انا ولاالكاشف اخوي حموده ماتعرف الحاصل شنو .... ومن هنا ياابواحمد لمن يجي محمد حيدر خلينا نشوف الصوره دي محمد حيدر الظاهر حا يتاخر سفره الايام دي كتير ماشاءالله ....
عايش الطررررب ياابواحمد ولا كيف ؟؟؟؟
10-19-2010, 09:52 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
رسالة من أحد أبناء المؤتمر ،، الأخ عبد الماج أحمد ،، وقد أرسلها قبل ثلاثة أيام ،، فعذرا لتأخير النشر ..
Quote: الأخ الفاضل م / ابراهيم السلام عليكم ورحمة الله تعالى وبعد أسعدنى جدا وجود منبر تواصل لمدرستنا العريقة المــؤتـمــر فأنا من خريجيها دفعة 1981م ودرست بالصف الأول دقنة والثانى زمخشرى والصف الثالث كان مختلط تخصص رياضيات وعلمى أحياء .. ومن أبناء دفعتى الأخوان مهندس عزت عبداللطيف ومهندس عبدالمنعم عبدالقادر ومازال لى إتصال دائم بهما , وايضا من الدفعة الاطباء عبدالباسط السيد على ( عزوز ) وجهاد الطيب الغزالى ومحمد حسن ميرغنى وعبدالله محمد خير وم/ عبدالله تاج السر وم/أمير شمت وغيرهم لاتسعنى الذاكرة وأرجو أن أسمع عن أبناء دفعتى كل خيرودمتم ودامت المؤتمر . فاتنى أن أقول بأن مدير المدرسة كان الأستاذ/ عبدالرحمن والوكيل الأستاذ/ أمين الزين
أخوكم : عبدالماجد أحمد عبدالماجد أمدرمان / الهجرة محاسب بالسعودية
10-20-2010, 01:15 PM
Mohammed Ibrahim Othman
Mohammed Ibrahim Othman
تاريخ التسجيل: 07-21-2007
مجموع المشاركات: 3953
والله بوست جميل ،،، يا ابراهيم والله خليتنا نشوف ناس طولنا منهم شديد .. يا ابوعكر صورة هجيجك دي فيها ناس طوّلنا منهم شديد .. الجنبك طوالي دا بيتخيل ليّ هو المهندس ابراهيم محمد ادريس (عجوزة) ؟
وفي الصورة برضو ظاهر الأخ العزيز خالد احمد (اقوانا) واخر اخباره انه ترك الشرطة ومشى قطر ..
10-21-2010, 07:44 AM
ابراهيم محمد الحسن
ابراهيم محمد الحسن
تاريخ التسجيل: 11-08-2006
مجموع المشاركات: 8154
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة