الموج : يا رائع .. أعلم أنك تتمزق ـ وأن حميد تطلع عميقاً في وجهك "هذه المرة" ـ لا تنظرنا حين ترسم خريطته على أوجاعنا ـ نحن لا نملك أن نزود "تدوينك" حباً أكثر ـ لا نستطيع "مثلك" أن ننقل الموازين النقية كـ"دمعة" مثلك "يا صديق" لا يملك تأجيل قلبه لموعد بتمام ما ظنه "جنوناً". من منا جليل مثل حميد "ضم عصراً" ـ ولمس كل قلب بيدٍ ـ حين تدويننا حكياً، شعراً، وسرداً ـ كم ارغمناعلى بعض ـ صديق: لم نكن "قطعاً" أصدق ولا أرفع ولا أنقى ولا أطهر من لحظة موته ـ أكتب يا موج : "زماناتنا قسن، ظروفنا عصن، حكوماتنا نسن، مراكبنا تائهات مارسن ، ليالينا مسن، حفائرنا حسن".
Quote: كما للفرح روعة فللحزن لوعة وتأجيل الحزن يذهب بلوعته كما يذهب تأجيل الفرح بروعته دعونى ابكى هذا الدرويش الزاهد العابد دعونى ابكى هذا المتصوف السايح الدايح ايها الشعراء المطاليق ابكوا معى من سماكم هكذا يا ازهرى ، يا نخلى ، ياغفارى ، يا عاطف ، يا الدوش محجوب شريف هووووووووى القدال ، محمد محى الدين، محمد مدنى يا ود باااااااادى ...يافاضلاااااااااابى عووووووووووووووك يا رعاوزة العرب الرحل ما لاقاكم فى المطرانى؟؟ يا رطانت الليل مالاقاكم جنب كاويق الجرف الامحل؟؟ يا نضافت ، البودة الدهسير، اللعوت‘ الضريسة، شوك الجمال، المعيوقة ، الحلفا ، العشر زولكم الكان بجيب خباراتكم لى ناس الرادى ويييييييييييييييييينو؟؟ ماشفتوهو زولاً لى..؟. يا فاطنى السمحى... يا القصب الاحمر يا شليل وين رحتا؟ منو اليغوص يكوس صمغ اضنيكم بعد ده يا ترابلة الزمن الممحق الجهجاه عشان يلقى مراق لى الشوك المكسر فى القلوب..؟. يا المزارعية الشقايا منو اليخوض برجوب العشم عشان يسد لبقا؟ يا شفع العرب الفتارى منو بعد ده اليشيل لكم نفسكم عشان ترتاحو ومنو البلم الفاناهو ايديكم وانتو ساكين القطاره؟ منو البحفر من حرفو الجوانى عشان تتوسع دروب الدنيا زين ؟ يا الرضية ماشفتى حميد ود زينب؟ منجلو مكسور عود ومجدوع على التحتانية بس مانى لاقيه يا نورى يا المقرونة يا الدواسيق يا الخيراب يا الكوارير يا الحواجنير؟ يا ناس فوق يا ناس تحت الجاى من الجريف اتلجاى من الجبل ما صادفكم الاخدر القصير الاغبش؟ يا الفى اطن الفرن يا الفى كيم البيت يا القاعدى فى الدونكا حميد قالو جاء شالو حريف من عندك ماك خابراهو شقيش قبل...؟ ياناس البركل الزول ابكرعين مشققات ماجاكم جاى؟ يانسرين النمر يانسرين سوركتى الزول ده قبل شوية كان بقرأ بيناتكن ماجاكن صاد؟ يا عمال السكة رماد خبر الزويل ده مادقش اضانكم؟ اولاد الجامعات يا خرطوم يا تقانة يا اهلية يا بنات الاحفاد الزول ده ما معاكم؟ بعد ده الدايرلو دلو بير، فرش جير ، جنزير، خيط وابير، زولا خير ، لبن طير يقبل وين؟ كراب عنقريب، محويب، صفقة ودليب يكوسن وين؟ عن رفعة مرق ، ، ، شافع غرق، صريف حرق ،نقع وين؟ امونة حردت، بنبونة وقعت، ساقية هكعت ، نطير وين؟ جراب فقش ، تراب رقش، مرقة فرش، تكية عرش نقول يا منو؟ كان هدم وطرقه انهرن، دماع جرن، حمار حرن، بنيات خافن جرن، جسوماً عرن، حكومات ازدرن، قوانين جائرات سرن، حلالنا وين؟ فى نفير، دايرين غفير، زولاً حكمة وخبير، حالاً عسير، انسان ذو ضمير، شاعراً قدير ، مجير، بى منو نستجير؟ درنا نواتى ملاح، زول صلاح، غطاس،عوام سباح، شاى صباح، كسرة وملاح نتبن قدح منو؟ كان زماناتنا قسن، ظروفنا عصن، حكوماتنا نسن، مراكبنا تائهات مارسن ، ليالينا مسن، حفائرنا حسن نسوى شنو؟ بعد ده الدايرلو دلو بير، فرش جير ، جنزير، خيط وابير، زولا خير ، لبن طير يقبل وين؟ كراب عنقريب، محويب، صفقة ودليب يكوسن وين؟ عن رفعة مرق ، ، ، شافع غرق، صريف حرق ،نقع وين؟ امونة حردت، بنبونة وقعت، ساقية هكعت ، نطير وين؟ جراب فقش ، تراب رقش، مرقة فرش، تكية عرش نقول يا منو؟ كان هدم وطرقه انهرن، دماع جرن، حمار حرن، بنيات خافن جرن، جسوماً عرن، حكومات ازدرن، قوانين جائرات سرن، حلالنا وين؟ فى نفير، دايرين غفير، زولاً حكمة وخبير، حالاً عسير، انسان ذو ضمير، شاعراً قدير ، مجير، بى منو نستجير؟ درنا نواتى ملاح، زول صلاح، غطاس،عوام سباح، شاى صباح، كسرة وملاح نتبن قدح منو؟ كان زماناتنا قسن، ظروفنا عصن، حكوماتنا نسن، مراكبنا تائهات مارسن ، ليالينا مسن، حفائرنا حسن نسوى شنو؟ يا محمد عبد الجليل... استغفر الله ..........................
صديق الموج: لا تودعنا في "حميد" لم "نشف بعد" : انت أقربنا إليه ـ بإمكانك ترتيب "فوضانا" ـ وأنت تعلم أن تصانيف النهب في سيرته ما زالت "معلنةٌ"ـ ولها ألف طبل. واصل : فأنت لا تشتغل على تدوينه ـ بقدر ما تحررنا "نحن" من "الغياب" ـ وبقدر ما تبارك "جرحك" بعناء قراءة نصه المتطلع إليك. واصل: بطريقة ما ـ ربما "وجوده" أن تكون "أنت" حاصلاً موجوداً ـ يا صديقي : لا ندع الذاكرة "بعطالتها" تأخذه "منا" ـ
04-17-2012, 04:42 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: صديق الموج: لا تودعنا في "حميد" لم "نشف بعد" : انت أقربنا إليه ـ بإمكانك ترتيب "فوضانا" ـ وأنت تعلم أن تصانيف النهب في سيرته ما زالت "معلنةٌ"ـ ولها ألف طبل. واصل : فأنت لا تشتغل على تدوينه ـ بقدر ما تحررنا "نحن" من "الغياب" ـ وبقدر ما تبارك "جرحك" بعناء قراءة نصه المتطلع إليك. واصل: بطريقة ما ـ ربما "وجوده" أن تكون "أنت" حاصلاً موجوداً ـ يا صديقي : لا ندع الذاكرة "بعطالتها" تأخذه "منا" ـ
صلاح هاشم ...سلام
لم يحز اوردتى ويحزننى شئياً بعد وفاة ابى مثل انفصال الجنوب وميتة هذا الاغبش ما اقسى خبر الموت عندما يتغشى الناس فى الغربة.. فى عزيز طعمه يضحى امر ولونه يبدو اكثر قتامة .. رحيل حميد لم يكن رحيلاً عادياً رحيل يهد النفس ويدمى القلوب حقيقة وليس مجاز لم اجد اصدق من حروفه لترثيه حميد اخد كل الكلام السمح وخلالنا رواب كلام نلتق فيه عشان يتم مرثية تشفى غليلنا فى لحظة رحيله.. يا صلاح الناس العرفوا حميد عن قرب لا يبكون فيه مجرد شاعر ولكنهم يبكون انسان اكمل شروقه بالموت حميد لا بشبهنا ولا بشبه ناس الدنيا الكعبين ديل ولو اظللت ارثيه الى بقية العمر لا يمكن ان اكافيه عشر معشار ما اعطى لهذه الامة.. حميد نم هانئاً وانا امتثل قول شاغل الدنيا المتنبى: رحلتُ فكم باك ٍ بأجفانِ شادنٍ ** عليَّ وكم باكٍ بأجفان ضيغم ِ وما رَبَّةُ القرطِ المليحِ مكانُــــهُ ** بأجزعَ من ربِّ الحُسام المُصَمِّم رمى وأتقى رميي ومن دون ما اتقى ** هوىً كاسرٌ كفي وقوسي وأسهمى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صلاح هاشم السعيد
صديق الموج
فيس بوك
تويتر
انستقرام
يوتيوب
بنتيريست