|
|
|
 Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: نجلاء سيد أحمد)
|
ياوجعك يابلد أنكسر المرق واتشتت الرصاص وياحليلك يانورة وياجههة التساب ودندهوب ست نور من حزن مصطفى المامرق يجينا حزنك ياالبتكفف دمعة المحزون والغلابة الفقرانين وعمال الدريسة وكلاة الموانى وعمال المصانع والتربالة والحداشر والنوباوية منو الببغنيلكم ياشفع النوبة و العرب الفقاره بعد رحيل الضوء واوجيعكم رحل الهداى قولولى منو البنقالدو فى بكاك ونقول وب حى للموت نضرب تلفون نخاف يردوا بقولوا صاح نقفل كمرة نجلاء تاكد وكل الدواخل رافضة رحيلك الصعب نحن قاطعنا الفرح من رحيل مصطفى الحزنو ماإنطفى ترحل يالشفيف ترحل يالحنين قبل ترجعنا للبلد منو البنقالدو ونبكيك فى غربة الشوم
| |
 
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: عبد العظيم احمد)
|
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
تعازينا لكل الشعب السوداني وتعازينا للاخ بخاري ولكي اختي نجلاء
| |
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: ساميه حامد)
|
يا الله ياوطن من لم يمت بتشخيص خطا يموت فى شريان الشمال...
حوار قديم احتفظ به...
لاحقتني المضايقات في قريتي «نوري» وأنا مجرد «تربال
» خرجت من الودان بوصية من مصطفي سيد احمد واحلف بالله أنني لم تكن لي رغبة في الخروج لكن
كنت اريد ان اكون قريباً منه لأعيش معه لحظات المرض...
بين «ست الدار بت احمد» و«الزين ود حامد» و«السرة بت عوض الكريم» و«الضو وجهجهة التساب» «طيبة» .. «نورة» و«عبدالرحيم» و«الحسين في الرجعة للبيت القديم» بالاضافة الي شخصيات عديدة تحركت عبر نص حميد داخل وعي التفاصيل في القرية السودانية الي الوعي العام واصبحت تمشي عبر نصوص حميد في كل شوارع الخرطوم .
| |
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: نجلاء سيد أحمد)
|
وكتين يضيع
عرق الجباه الشُّم
شمار فى مرقة ..
آه .. يا نورة آه
من دربك التوّر
نفس خيل الصبر
فتـّر خطاوى الشوق
وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يدفر الضو الكهارب
تستر المدن السرابية ..
الضبابية .. الكآبة
حائط التيه .. والطشاشات ..
فوق قفيِّك يا أمْ عوارض...
يا أمْ عوارض .. مو دُعاشة
ماها شبـُّورة وتقيف ..
جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشة
جاة ليك يا نورة غيمة
تملا ماعونك خريف
...
| |
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: نجلاء سيد أحمد)
|
يا جمة حشى المغبون
حمـــــــــــــــــــــــــــــــــــــــــــــــــــــــــــيد
يا جمة حشى المغبون .. فى الزمن الهلاك من جاء
تكون حانت مواعيدك .. يكون وقت المطر قد جاء
وشرق ضوى البلد عيدك .. وطابت نسمتو العرجاء
و نمون يا طيبة تمينا .. وبدين ونعنه وغنينا الغنا الراجا
وبدت كاس المودة تدور عشق من حلفا لى راجا
حبابك ألف .. حبابك ألف
وياعنزنا القرجة
ويا لبانة فى الزمن المراحو نشف
ويا ########ة للخوانة والعوج البدورلو ولف
دميرتنا البتروى جرف
مسيرتنا وتميراتنا الكانوا وقف
أصابعين الرجال رصاص سعر راس البنية سقف
تكون دار بى زمن عندك
نكون لمينا فى الفاتنا تكون فاتت ملامحنا وتضاريسنا
القبيل غمرت .. عرش بتنا وطوابيرنا
وبدت شتلات بعد غمرت
ضراعيك يا الولد كبرت
مراعيك يا البلد خدرت
خضار .. خدرت غزار غزرت
خضارا زين برغم الصيف وأناتو
عصافير الجلد كبرت
تباصر نسمة منتحرة
تطمن غيمة مندحرة
تضاير الغابة والصحرا
من الغمة وظلاما شين
ومنك يت قرير تنفك
وتكون اتحلت عقدة الدين
ويا جمة حشى المغبون فى الزمن
الهلاك من جاء
تكون حانت مواعيدك .. يكون وقت المطر قد جاء
وغابت شمس الابداع فى بلادي .. الله يرحمك ياحميد
| |
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: نجلاء سيد أحمد)
|
الحال وراك كيفن تسر باقيلك انتي بلاك في زين
ما تهشم ابريق الرضا خنست نسيمات السمح
والبسمه زي حبه قمح
لفحا وطفر طيرآ كتر
أورث غصافيري الضنى يبس غناها مع الفجر
هطل على الشجر الهموم وشاشات نهارات العنا
عانيت وراك جنس عنا
بوغ سهادي كرو النجوم
خطو المواويل ارتعش
حرس عصاتي بنات نعش
دومست فوق حجر البتول
هلوست بي صلب المسيح
دروش شردت من الضريح
شويمت بي ظلم الحسين
أومت على كم ميضنه
وما بين عيونك والمغول
ساهد بي قافله الحروف
وايقاع ظنابير الزمن
انصربع ايقاع الفصول
هبطت غمامه ورا الجبل
راحت من الليل الجروف
شهقت شعاب انساني خوف منك عليك على أي زول
وك نياق شوقا الضنا سرح عصا التسيار قبل
درب الحياه المرمول فنا
يا وقعة الواقفين هنال يا وقفه الواقعين هنا
يا آفة الوطن الجريح اشمعنى لا وصلك دنا
لا آفه الزمن المشيح قدرت رويحتي تيقنا
من جيتك المرقت بسيم الدهدهك روحت وين
| |
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: احلام وهبي)
|
نشيد التشيع..................لك الرحمة والمغفرة ياحمبد لما قدمته لهذا الشعب
------------------------
حَق الغُنى
محمد الحسن حسن سالم (حميد )
من حقي أغني .. أغني لشعبي .. ومن حق الشعب عليّ
لا بي إيدك تمنع قلبي .. ولا قلبي كما بايديا
علمني أغني .. الطين .. المخرطه .. والطورية
الناس الصابرة .. سنين بالحالة .. الما دغرية
القابضة الجمرة في إيدا .. والجمرة تلهلب حية
لا قادرة الجمرة تقيدا .. لا قادرة تولع هيّ
يا قلبي بلاش نستعجل .. في الدرب شوية شوية
واصلين الما بتأجل .. لليوم الشمشو قوية
علمني الشوق نترجل .. نستحمل وجع الجية
لا القش بيهاب المنجل .. لاطب .. النار .. الكيه
يا صقر الآه يا ريح .. لا تنفض عش قمرية
من حقو يغني صريح .. ذرية ورا ذرية
ومن حقي أغني العالم .. إبداع وعلم حرية
إنساني شعوب تنسالم .. تنسالم بي حنية
على نخب الود نتنادم .. لا جنس ولا لونية
لا عِرق لا آه نتقادم .. سكتنا بياض النية
مش كلنا جينا من آدم .. مش آدم ابو البشرية
السجن إذاً يترايم .. نبنيها قلاع ثورية
عقبال الخير يترادم .. والدنيا تمش دغرية
مد كفك يا بني آدم .. حرية سلام حرية
| |
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: هاشم الادريسى)
|
انا لله وانا اليه راجعون ولا حول ولا قوة الا بالله
يا حميد صحي الموت سلام ما يغشاك شر .
امتزج في دفنك كل السودان .
اناشيد الختمية و دعاء الأنصار .
واهازيج الطبقة العاملة
ووقوف البقية يتفروجون
نائحات بواكي
حرية سلام حرية
الناس الصابرة .. سنين بالحالة .. الما دغرية
القابضة الجمرة في إيدا .. والجمرة تلهلب حية
لا قادرة الجمرة تقيدا .. لا قادرة تولع هيّ
يا قلبي بلاش نستعجل .. في الدرب شوية شوية
واصلين الما بتأجل .. لليوم الشمشو قوية
| |
|
|
|
|
|
|
|
|
|
|
Re: فيديو وصور الودااااااااااااع آآآآآآآآآآآآآآآآآآآآآآه ياحميد (Re: نجلاء سيد أحمد)
|
مات رجل عظيم بكل ما تحمل الكلمة من معاني
حميد كان يسكن جارنا مطلع التسعينات في شمبات الاراضي وعرفت فيه تواضع
لم اعرفه من احد غيره .
يانجلاء السنين باعدت بينا ولم ارى حميد ربما منذ عام 91 او 92 وهي الفتره
التي عرفته فيها وكان يقيم مع جارنا الذي فارقنا منذ تلك الفتره ولا ادري اين
اراضيه الان وجارنا هو قريب حميد واسمه محمد سليمان مهندس تلفونات
وله ابن اسمه غسان ...لو عندك سكه لمحمد سليمان يانجلاء بلغيه التعازي
الحاره والتحايا ايضا
| |
|
|
|
|
|
|
|
| |
نجلاء سيد أحمد
Amani Al Ajab
عبدالحافظ سعد الطيب
Kostawi
الفاتح سليمان
Elhadi
فضل الصادق
ABDALLAH ABDALLAH
حركة قرفنا
Hisham Osman
عبد العظيم احمد
ساميه حامد
Nagat Sid Ahmed Elshiekh
عبدالكريم عبدالله
محمد فرح
طارق صديق كانديك
ولياب
ادم شحوتاي
ايمن مستور
الصادق خليفة
ماضي ابو العزائم
أبو الحسين
محمد عبد الماجد الصايم
نورالدين الفحل
نوفل عبد الرحيم حسن
الفاتح ميرغني
احلام وهبي
أحمد أمين
نجاة محمد بابكر
مهيرة
الطيب عبد الرحيم خلف الله
سيف الدولة كامل
مريم عزالدين صديق
فايزودالقاضي
عزالدين عباس الفحل
هاشم الادريسى
محمد الواثق
مبارك محمد عثمان
عبدالكريم الامين احمد
جمال الباقر
أسامة البلال
محمد إبراهيم علي
جمال خضر
Farahat Sayed
Hamid Elsawi
Moneim Elhoweris
Khalid Kodi
طلعت الطيب
بدر الدين الأمير
حمزه بابكر الكوبي
فيس بوك
تويتر
انستقرام
يوتيوب
بنتيريست