|
|
 Re: رمضانيــــــــــــــات (Re: انور الطيب)
|
اخواني و اهلي ناس الحلفاية
كيف حالكم انشا الله طيبين , و كل سنة تامين و لامين
طبعا العيد جاي و الموضوع اختلف من ابري و عصيدة
لخبيز و حلاوة وملايات و عدة و ستائر و حاجات كتيرة ما تنعد
والمنافسة في خبيز منو اسمح و حلاوة منو ارقى
و زمان كانت صواني الخبيز الماشة الفرن في سوق الحلفايا من المناظر
البتميز العيد و الاختفت اسه او قلت لظهور الافران في البيوت
لما كنا صغار كان الخبيز الماشي الفرن دا قمة المتعة
و كسوة العيد و فستان العيد الكان بندسه عشان يكون مفاجاءه
انشا الله ربنا يعيد علينا العيد بكل خير و بركة
و اوصيكم بالدعاء لينا في العشرة الاواخر وربنا يقبل الصيام و القيام
| |
 
|
|
|
|
|
|
|
|
Re: رمضانيــــــــــــــات (Re: Nada Jamma)
|
الأخت ندى كل سنة وانتو طيبين ويعود علينا وعليكم العيد باليمن والخير والبركات
___________________________________________________________________________________
وطبعا أنا خبرت العيد في ثلاثة أماكن مختلفة من الحلفاية
المنطقة الأولى : هي بين أهلي ورحمي في فريق حاج أحمد
والعيد طقوسه تكاد تكون محفوظة ، والمنطقة الثانية هي مرتع الصبا الباكر وآواخر الطفولة اللاسلكي الذي جرى في دمانا واختلط بأنفاسنا ..
والمنطقة الآخيرة هي مربع 7 الحي المتفرد وخصوصا الركن الذي أعيش فيه الآن وسوف أحاول أن أوفي كل مكان حقه ..
...
| |
|
|
|
|
|
|
|
|
|
Re: رمضانيــــــــــــــات (Re: انور الطيب)
|
السلام عليكم ورحمة الله وبركاته ،،،
كل عام والجميع بخير .. أعاده الله علينا وعليكم باليمن والبركة والقابلة العزابي يفرز عيشتو والفارزة يفرزة مرة تانية ..
نأسف يا أنور عن الإنقطاع نسبة لمشغوليات رمضان و العمرة وما أدراك ما جدة ...
وخلونا معاكم في آخر تجهيزات العيد والخبايز وحبزا لو رسلتوا لينا شوية بيتي فور وبسكويت وناعم ،، ويا أنور خليك من مربع 7 واللا سلكي ركز لينا على فترة فريق حاج أحمد والعيد في ساحة القبة قبل الصهريج أبو حلة دة يعملوهو كيف كانت بهجة العيد ونوبة عبد الفتاح والكسرة بالتقلية والشعيرية بتاعة أولاد الخليفة الحسن ..
| |
|
|
|
|
|
|
|
|
|
Re: رمضانيــــــــــــــات (Re: بكري اسماعيل)
|
الأخ العزيز أنور
كل الشباب
أهلنا ناس الحلفايا السمحيين
سلامات والعيد مبارك علينا وعليكم
وربنا يحقق امنيات الجميع
ويعود عليكم جميعا بالصحه والعافيه .
معهليش الواحد اتقطع منكم الفتره الفاتت شويه لكن على وعد بالتواجد والمساهمه قريبا بعد العيد
وطلب بسيط يا ريت يا اخوانا لو تورونا صلاة العيد (صور\ فيديو او اي حاجه)
طبعا صلاة العيد دي ليها طعم خاص كانت في الفسحه بتاعت مدرسة حسن بشير مع جدنا المرحوم سيد احمد الرشيدرحمة الله عليه .
كل عام وانتم بخير جميعا
وبا مصطفى عمره مقبوله انشاء الله
ايمن السر تابر
| |
|
|
|
|
|
|
|
|
|
Re: رمضانيــــــــــــــات (Re: Aymen Tabir)
|
الأخ أيمن تابر ، تحياتي وكل سنة وانت طيب
وإن شاء الله يعود علينا العيد وإنت سعيد وكما تفضلت للعيد طعم خاص في الحلفاية والساحات ما زالت موجودة وإن تمددت قليلا لتشمل مربع 7 وبعض الأحياء الجديدة ...
تمنياتنا لك بعيد سعيد أنت ومن معك ..
| |
|
|
|
|
|
|
|
|
|
Re: رمضانيــــــــــــــات (Re: انور الطيب)
|
الأخ بكري اسماعيل عمرة مقبولة وكذلك موصولة الدعوات لمصطفى دوليب ولكل الأهل بجدة بصفة خاصة وبالسعودية بصفة عامة ... ونزولا لرغبتك سوف يصلك بتي فور وبسكويت ناعم وبسكويت كعك على aramex أو dhl بأسرع فرصة ... وتستاهل ..
للعيد في الحلفاية طعم خاص ، معظم أهل الحلفاية ختمية يباهون بختميتهم حتى السيد علي الميرغني وكل طقوسهم يتقدمها البراق من الميلاد ، عقد القران إلى الممات ...
وسوف نواصل
| |
|
|
|
|
|
|
|
|
|
Re: رمضانيــــــــــــــات (Re: انور الطيب)
|
الاخوه الكرام
سنه طيبه
كل عام وانتم بخير
تقبل الله صيامكم و قيامكم
السنه الجايه زى ما عايزين
مشكور الاخ انور الحمدلله جات على الخبيز اعمل حسابك من تركيب الستائر ههههههههههه
بالنسبه لينا نحنا فى البعادوالله حا نفقدالعيد و صلاه العيد ولمه الناس والدخله والمرقه
والز شئ طبعا الشوارع من الصباح نضيفه الواحد اتمنى ايامه كلها اعياد,,,,,,,,,,
على العموم نتمنى ليكم عيد مبارك
تحياتى,,,,,,,,
محمدجعفرخالد
بونا-الهند
| |
|
|
|
|
|
|
|
|
|
Re: Re كــــل عام وانتم بـــــخير (Re: محمد الكاب)
|
اهلي ناس الحلفايا
كل سنة و انتم طيبين و انشا الله السنة الجاية ربنا يحقق الاماني
وربنا يرد غربة المسافرين و يقبل عمرة المعمرين و يوعد القاعدين
و زي ما قالوا
العيد دقة باب و قولت حباب
و انشا الله ربنا يجعل كل ايامنا اعياد
| |
|
|
|
|
|
|
|
|
|
Re:كل عام وانتم بخيــــــر (Re: محمد صباحى)
|
الاخوه على المنتدى
ربنـا احقـق الامانى
الاخ محمد صباحى شكرا كتير على هذه الصور الواحد حس شويه على انو بين الناس
انشاء الله انا برسل ليكم صور من صلاه العيد فى الهند,
الاخ انور شكرا على التعقيب ورسل لينا من الخبيز ده.
ادام الله لكم الاعياد دهورا
تحياتى
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
عود يا عيد
خبت باب الزنك وأضرب جرس الشقة الفوق . .
ما كلك زوق وبتجي للناس الزوق
كل سنه والجميع بألف خير وربنا يحقق الأماني والإشتهاءات للكل ولأهل الحلفايها آمين يا رب
شكراً صباحي على الصور وحقيقه سعدت برؤية الأمين مرضيه وحيدر وبي شوفتك إنت كمان وبي شوفة الأه وميدان الإخوه كمان .
شكراً أنور على النفاج
عيد سعيد
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: taha haider)
|
الاخوة المحمداب محمد ( خالد + صباحي + الكاب)
نورتو البكان وخليتو العيد عيدين
وبنقول لي محمد خالد ياخي نحن أي حاجة بنعملها عشان العيد ستاير وجير وكعك وخبيز بس الخبيز بنوديه الفرن بس والفرق بين آسة وزمان أسة بندفع للفران لكن زمان كان مجان ...
ويا محمد صباحي والله ما عارف أقول ليك شنو صورك روعة ودة إن دل على شيء بيدل على ذوقك وإحساسك يا أمير والله يديك العافية وغايتو قول لصاحبك شمس الدين ود أحمد ود الفكي شمس الدين قول ليهو سلم النمر خلاص .. وانت اعمل حسابك ما تحصلوا ...
الأخ محمد الكاب تحياتي وكل سنة وانت طيب ونحن في انتظار حروفك الندية ولك ألف شكر على التواجد الدائم والحضور المستمر ,,
الاخت ندى على رأيك العيد دقة باب وقولة حباب وانا عارف بيوتكم زي كل بيوت ناس الحلفاية مفتحة أيام العيد ولولا السترة ما أظن في واحد يقفل بابو بقية الأيام .. لك ولاهلك ألف تحية وكل سنة وانتو طيبين ..
الاخ طارق المكي فعلا إنك زي العيد كلك ذوق وبتجي للناس الفوق ... كل سنة وجميع أهلك بخير سلام للوالد والوالدة وبقية أفراد الأسرة .....
الأخ طه حيدر تحياتي وكل سنة وانت طيب وكيف نطول نحن كل النجوم ونغزل كلمة غزل برضو عشان أحبابنا في الحلفاية وغيرها ... لك ألف تحية
ونواصل مع فرحة العيد ....
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
حسن بركة وزيت الطعمية
من الشخصيات التي لا يمكن أن تنسى في حلفاية الملوك حسن البركة الرجل البركة وقد مر ذكره هنا أكثر من مرة ولكن للذكرى هو رجل بسيط ككل بسطاء السودان ، يعرفه الجميع ، يغازولونه أو يناوشونه لا يهمه ذلك كثيرا ، كل ما يهمه أن يزرع الإبتسامة في قلوب الجميع ثم يرويها بورود من دم المحبة ، كان أبي خالد الميز يرى في هذا الشخص ما لايراه الأخرون ، يراه كرجل صالح يشابه سيدنا الخضر أتى لتخفيف الهم عن الجميع .
يساعد من يسلم عليه ، ربما يعمل على تنظيف الحوش أو غرف مياه الحمامات الراكدة ، يغسل يديه ويكفيه وجبة خفيفة وبعدها يودع الجميع .
أحيانا يسأله الصغار بعض الأسئلة التي من الممكن أن تحرج أي شخص فيجيب إجابات ليس لها أي علاقة بالموضوع ومما تذكرته أختنا انتصار محمد عبد الدائم في طفولتها البريئة عن حسن بركة وإجاباته الطريفة هو هذا السؤال الذي كن يسألنه البنات من هن في سن انتصار في ذلك الوقت أو حتى الأولاد وأكثر الأسئلة تكرارا لحسن بركة :
يا حسن بركة "الطيارة بتقوم بي شنو"
فكانت إجابته واحدة لا تتكرر ولكنها كافية لإضحاك الجميع بمن فيهم حسن بركة ..
فيرد بضحكة مجلجلة وبريئة : الطيارة بتقوم بزيت الطعمية .. 
يمتلئ المكان والزمان بضحكات بريئة من حسن بركة ومن حوله من الأطفال ..
يا لبساطة هذا الرجل ويا لسماحته نسأل الله له الرحمة في حياته ومماته ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: بكري اسماعيل)
|
الإخوة المتداخلين تحياتي ،
الإخوان محمد خالد ، بكري اسماعيل وبقية العقد الفريد لكم الشكر على المعايدة والزهور الختيتوها في ضلنا إنت وطه حيدر وبقية الشباب على العموم مشكورين على هذه اللفتة البارعة ..
وياها المحرية فيكم
.
في طريقنا إلى المدرسة المتوسطة نكاد نذهب بطريق ونأتي بأخر عملا بسنة المصطفى د ما نمشي أنا وصديقي بركات بابكر حمد وربما يصادفنا في هذا المشوار هشام حسن النو ،بعض أبناء فريق العراوة أو فريق حاج أحمد، مرورا بالردمية المؤدية إلى السوق ولكن نعرج قليلا على بعض المحطات والشخصيات مثل :
ذهابا :
بدكان محمد العربي
ببيت يوسف النو
البشير الصاوي
وبيت جدنا حسن حسين
و بيت ناس حجير" أمل وميرغني"
وبيت الجنة
وبيوت أهلنا أولاد السارة ، أولاد الطيب إدريس وأولاد الصديق " معاذ والأستاذ محمد محمد صديق
أولاد مدينة
مرورا ببيت حسن النو
مدرسة الأم
شرطة الحلفاية
المركز الصحي
المدرسة الإبتدائية
منزل الأستاذ بلبل ونسيبه الأستاذ أبو القاسم أستاذنا الفاضل ..
الأجزاء الطرفية من فريق شيلة
الجمعية التعاونية
وكثير من المعالم التي تغيب وتأتي
إلى أن نلتقي بالعم حامد أبو آدم وراجل بهانة في مدخل الباب الجنوبي مع شخصيات قادمة من فريق شيلة والفرق الجنوبية من السوق إلى الحلة الجديدة .
طريق الإياب :
زقاق طويل يمر من شمال الجمعية التعاونية مرورا بشارع العنبة " والسؤال لأولاد فريق شيلة" أين يقع شارع العنبة ؟
مرورا بمنزل الحاجة زمزم ... أم عبد الفتاح مسكينة وسيف لعيبة الحلفاية
منزل أولاد الزبير
منزل محمود عبد الملك
مرورا بساحة فريق شيلة ومنزل أبو
منزل أولاد هارون
أولاد الجيلاني
مطعم ضيف الله أبو الحسن
الصهريج
سوق القش
مغالق ودكاكين السوق
منازل أولاد البلال
عثمان قوفة
ابراهيم الخليل
الراكز الله وأولادها
بخيتة حمد ، نفيسة حمد وأولادهم
بت جنة
بنات وأولاد شيخ مصطفى الملثم
إلى المنزل
ومنها
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
اسبوع كامل في حضرة مدرسة حلفاية الملوك المتوسطة 2 ، المدرسة " الورانية"
السبت :
يبدا اليوم كغيره من المدارس بطابور الصباح وطابور السبت لا يمكن أن ينسى تفتيش عام كما ورد في بدايات هذا البوست ...
كلمات ونصائح من مدير المدرسة الأستاذ القدير محمد عبد الله قسم الله الذي كان يحفظ جداول اللوغاريثمات كما هي كما أنه ذات مرة دخل علينا في صف من الصفوف وجدنا في هدوء تام نطق بصوت مبحوح why are you sitting sakit إلى أن تخرجنا من المدرسة المتوسطة كنا نظن أن كلمة sakit كلمة إنجليزية أصلها عربي من شدة ثقتنا في لغة الأستاذ الإنجليزية .
ينده الأستاذ محمد أحمد كوكيل للمدرسة أو مساعد للمدير أسماء من غابو يوم الخميس وكل من كان عليه تنبيه يوم الخميس .
الأستاذ عادل وليم يقسط دقات الإسبلينج من السبت إلى الخميس ، كان أحد الطلاب مديونا 120 دقة بالسوط الأسود الكبير " أنبوب المياه" .
تبدأ الحصة الأولى وهي غالبا ما تكون رياضيات ، عربي أو لغة إنجليزية ..
كان هنالك بعض الطلاب استبقوا زمنهم بوقت كبير فكانوا أفذاذا بمعنى ما تحمل الكلمة من معنى ..
طبيب جراح : عباس خليل عز الدين.
مهندس : ناصر أحمد المصطفى حسين
مهندس : محمد محمود عبد الملك ..
هم على الترتيب ، الأول ، الثاني ، الثالث ...
بعدها نتهيأ لحصة الرياضة وهي غالبا ما تسبق ا لفطور
والميادين في المدرسة المتوسطة أهمها ميدان الطائرة خلف المخزن وفي محاذاته ميدان صغير لكرة القدم
نجوم الملاعب :
أحمد طه بشير
ادريس أحمد دفع الله
الدرديري محمد علي
بركات بابكر
أميردفع السيد رحمه الله
ود الرز
أخوكم أنور الطيب
جماع مصطفى
مجدي ود العطا
ود العتباني
بشير نمر نصر لاعب لفتاوي خطير ...
فضل اسماعيل
فيصل الداروتي
وحيد بابكر كان كأنما لاعب من العصور الوسطى " دافوري صاح"
وكثر سوف يزودنا ببعضهم إدريس أحمد دفع الله وبركات بابكر
أما الأستاذ عمر حسن قدم فكان مشجعا من الطراز الأول
ونواصل مع كرة القدم والطائرة في يوم السبت ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
التحية لكم أهلنا ناس الحلفاية وكل عام وأنتم بخير
وربنا يحقق الاماني
ونشكر كل الاخوان علي دعواتهم لنا وللمعايدة وتقديم الحلوي والخبائز
وكل عام والسودان بخير والحلفاية في سعادة متواصلة
ولكم الود والتقدير ونأسف للانقطاع...
Quote: ببيت يوسف النو
البشير الصاوي |
في الذهاب هناك نقطتين يمر عبرهم خط السير لا مجال للعبور غيرهم: منزل حاجة ست أبوهاالمرأة الطيبة التي لاتسمع لها صوت والتي تذين النساء بالمشاط فهي امرأة معروفة وذات مكانة ووزن...
النقطة الاخري هي منزل العم الفكي حسونة الذي لا تراه الا ذاهب الي العمل بعد صلاة الصبح مباشرة او في المسجد او في منزله وهوفي الناصية التي تقابل ناس حجير
Quote: عثمان قوفة
ابراهيم الخليل
الراكز الله وأولادها |
أما في الاياب ايضا يوجد منزل أولاد كرم الله الذي يقابل منزل عثمان الزمزمي"قوفة"الذي يكمل خط السير للوصول الي المنزل كما يوجد منزل البخيت شاور الاخر...
ولا ننسي الدكان الذي تجد فيه كل ما بخاطرك او كل مايخطر علي البال دكان السر مولة"فاتح في سوق القش"
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
الأخ مصطفى حمدا لله على السلامة وإن شاء الله عمرة مقبولة ، وربنا يتمم ليك الفي مرادك كما تقول أمهاتنا وإن شاء الله السنة دي عريس ويحتفل بيك كل الأهل والأحبة , أيضا أتمنى أن تكون شملتنا بدعواتك الطيبات وما تقول ما اديناك البياض والله نحن قلنا ليك جايبين البياض لكن إنت رفضت وغايتو لو أخذت البياض كان ضمنا لينا دعوة مكربة شوية ، المهم حمد لله على سلامتك وسوف نواصل حديثنا عن المدرسة المتوسطة وبالله إنت راجل عجوز خلاص وأنا كثير من الحاجات بديت أنساها ولكن وجودك هنا ضروري لتكملة المشوار ولك حبي وتقديري
{/blue]
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
الشكر لك أخي أنور علي الحفاوة وكيف ننسي ناس زيكم في تلك الايام بس ربنا يتقبل منا جميعا"
وعن البياض بكون دوما" بعد الفاتحة ... دحين ختهن في صرة وتعال ختهن تحت المخدة...
وانا زي ما ذكرت من قبل بالونسة والكلام دا نحن سنجدد الذاكرة ونزيل الغبار عنها وليس له علاقة
بالكبر أخي أنور لانو لو حسبناها انا مفروض أكون ولدك لانو أنا أصفر من من محمد الطيب بسنتين ولا
تنسي الفي النص..ولكن الكلام علي الروح وانت روحك دي ممكن تعاصر أولاد أولادك ونقول ماشاء الله...
الاخت ندا الشكر لك وكل عام وأهلنا العبدلاب بخير وربنا يحقق كل الاماني والتحية لكل ناس الحوش
وافتقدنا في هذا العام أخونا عوض الشعراني اتمني ان نلتقي معه في السنوات الاخري في هذه البلدة
الطيبة وانتم جميعا".
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: محمد الكاب)
|
الاخ انور الطيب و كل من يعرفون المهندس الرائع ناصر احمد المصطفى ابشركم بانضمامه الى المنبر وقد استلمت منه هذه الرسالة صباح اليوم
Quote: الاخ العزيز بكري ابوبكر
تحية طيبة لك ولجميع الساخوة السودانيين المرابطين في
منبر سودانيزاونلاين ذلك الصرح العملاق وسرني وقد ظللت
منز فترة طويلة اتابع الاخبار والتقارير ومساهمات
ومداخلات العضوية بل اصبح الاطلاع على سودانيز هو بداية
برنامجي في كل يوم
لذلك اتشرف ان اكون احد المساهمين في هذا المنبر اذا تمت
موافقتكموهذه هي السيرة الذاتية
ناصر احمد المصطفى حسين
الميلاد الحصاحيصا 17 يناير xxxx
الابتدئ والمتوسط حلفاية الملوك والثانوي بحري الحكومية
تخرجت من جامعة الخرطوم كلية الهندسة
قضيت عشرة سنين مهندس بالسعودية
رجعت السودان سبتمبر 2006 مهندسا xxxxxxxxx
موبايل xxxxxxxxهاتف عمل +فاكس xxxxxxxxx
ولك التحايا والتقدير
ناصر
|
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: بكرى ابوبكر)
|
اخوتي ابناء الحلفاية العظماء
الوريف انور لقد اتحفتناونزداد طمعا ونتابعك باهتمام
المنقذ بكري (لك الشكر على اعادة تنشيط الباسويرد لانو الفترة التي نسيت فيها هذا اللعين الباسويرد كنت في الحالتين انا الضائع كنت متابعاً لهذا الجمال في هذا البستان الرائع واتاوق بي فوق الحيطة بس ما بقدر اخش ، التوبة ان اعتمد فيها على هذه الذاكرة الخربة، لك الشكر مجددا وتحياتي للعائلة الكريمة )
اخي ناصر
لك التحية والاهل الاعزاء ، ارجو ان تمدنا باخبار اخونا زهير فقد كان زميلي في مدرسة المعهد ، له التحية ولنا عودة
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
ندى جماع ، تحياتي لك ولجميع أفراد أسرتك ونخص بالذكر أماتك نعمات وعاتكة وجميع أهلك ..
ابن الرشيد تحياتنا الحارة لك ولمن معك .
محمد الكاب تحياتي الحارة وأتمنى أن نلتقي قريبا .
بكري تحياتي وألف شكر على ضم الأخ والصديق ناصر أحمد المصطفى ..
أسامة الخولي والله افتقدناك وبعدين بالله الباسوورد بتاعتك دي أبقى عليها عشرة وألف مرحب بيك ونحن في انتظار مشاركتك في ذكرياتك في الحلفاية .
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
صباح الخير ياأهل الخير وجيتكم عائد تاني ...
اما هذه الصورة التقطت في المدينة المنورة يوم العيد بعد صلاة المغرب وكانت في منزل بابكر عبدالله خال اولاد ابوالكل الارباب توفيق وجماع والسر وناصر والصورة تجمع عبدالرحيم اسحق الناظر علي اليسار اما الاخر كما ذكرنا فهو كمال عبدالقادر السيد...
نتمني للخال بابكر عبدالله الشفاء فهو بصدد عملية نقل كلي في الايام المقبلة خارج السعودية...
كما نتمني للاخ عبدالدافع ميرغني اقامة سعيدة في ارض الوطن والذي يقيم في المدينة المنورة والذي امتدت غربته اكثر من عشرة سنوات خارج البلاد وقد شرف البلد صباح اليوم... وهو ابن خالت اولا العبد ومنزلهم يقاصد منزل خضر قسم السيد...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: ابن الرشيد)
|
شكرا لك اخي ياسر وهذه قليل من ماكان مفترض علينا أن نقدمه للحلفاية فهناك شخصيات ومعالم في الحلفاية علي مر الدهور والعصورلا نستطيع ان نتعرف عليهم وحتي الشخصيات التي عاصرناها فقط نعرف الاسماء والاشكال ولكن لا يوجد ربط بينهم حتي نثق تماما عندما يمر علينا أحد الرموز ان نطابق الشخصية بالاسم او باختصار نتعرف علي الشخصية واصلها ومكان سكنها والذين لهم علاقة اسرية معه او بالاحري نأخذ قليل مما كان يحمله البرفسير العلامة المتواضع عون الشريف قاسم هذا كله لاننا مربوطين مع بعض وكلنا أهل وأقارب...
ولكم التحية والاحترام أهلي بالحلفاية
سانشر في الايام المقبلة صور من غير ذكر أسماء او تعريفها واتمني كل واحد منا ان يتعرف علي الشخصية ويدلي بدلوه ويكون الحوار بيننا...
انا في رأيي يا أنور وبكري حبيب العجائز وكبار السن يكونوا خارج الحوار والتصريح فقط ينظروا لنا بالطاقة والنفاج ... ولكم التقدير اخوتي ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Nasir Ahmed Elmustafa)
|
الأخ ناصر تحياتنا الخالصة ومشرف البورد وياالله همتك معانا تتذكر دفعتك في الإبتدائي والمتوسطة
والكل بيسأل عنك ، بركات ، عمر قدم وكل من يقابلنا في الحلفاية ..
الاخ مصطفى تشكر على الصور الجميلة وعاجل الشفاء للاخ بابكر ..
الأخ بكري أبوبكر مرسل لك رسالة من أبناء دفعتك سلمني إياها الرجل الظريف الفاتح بشير بريمة " حلفاية" ويبلغك خالص سلامه ولكل من يمر بهذا البوست أو الموقع على العموم راجع بريدك ..
وللأسف الرسالة لم تصل وها هو السبب
:
24.248.74.37 does not like recipient.
Remote host said: 550 Mailbox unavailable or access denied -
Giving up on 24.248.74.37.
لك شكري
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Wathig Makki)
|
الرجاء التعرف علي هذه الشخصية وسرد اكبر معلومات عنها وحولها
اتمني منك أخي اسامة كمال محمد أحمد الخولي ان تشاركنا في هذا الحوار لانو ستنشر صور عما قريب لشخصيات لها علاقة بك ... التحية لك أسامة وربنا يرد الغربة...
الاخ هشام ابراهيم حاول شارك معانا شوية وخليك من جمع الهللات شوية لانو دا درب ما ليه نهاية..اشتقنا ليك ياخي
نيازي عبدالله مرحوم اختفيت كثير ما من عوايدك وحرمتنا من الصور الممتعة والشيقة...
ندي جماع والله مقصرين معاك.. التحية لكي وللوالد وربنا يشفيه ويديه الصحة والعافية..
محمد صباحي 1000 مبروك لحاتم عبدالرحيم كرم الله وشايف الصف ماشي كويس وخليك متابع واوع تخت طوبة وتمشي بعيد...
محمد عوض ابراهيم "النق" التحية لك والظاهر الشفع ديل نحن ما اديناهم العين الحمراء من بدري بقصد اباذر وهاشم ما ادونا أعتبار قايتو حاول حل المشكلة دي لانها ماشة متفاقمة وكمان لو ساعدتني وجبت لينا معاك من الخامات الباكستانية يكون ما بطال... الشوق والتحية لك..
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: ودالحلفاية)
|
الشكر لك أخي عبدالعال بشري الشيخ علي هذه المداخلة ... وافتقدناك كثيرا في هذا البوست وانتمني ان تواصل ابداعاتك وتعابيرك المثمرة...
| Quote: محمد عوض ابراهيم "النق" التحية لك والظاهر الشفع ديل نحن ما اديناهم العين الحمراء من بدري بقصد اباذر وهاشم.. ماادونا أعتبار قايتو حاول حل المشكلة دي لانها ماشة متفاقمة وكمان لو ساعدتني وجبت لينا معاك من الخامات الباكستانية يكون ما بطال... الشوق والتحية لك.. |
وزي مابقولو الجماعة قدم الكيشة والحقو... ولكل أجل كتاب..واي حاجة قسم..."المراقات كتيرة يا عبدالعال يعني مافي مجال للسيك"
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
| Quote: والله يا مصطفى مشرف والجمعة ما قدرنا نزورك وكنا أأنا وبركات والوالد زيارة عمك عباس الميز الله يديه العافية ... |
الديار مشرفة بأهلها وأنتم الاهل..ومع اننا لنا الشرف والفخر بزيارتكم الا اننا مقدرين الظروف والباب متاكة يا أنور.. التحية لك وللاخ بركات بابكر حمد صباحي ود صالحة بت الطيب...
وربنا يعطي العم عباس الميز الصحة والعافية وعباس الميز دي هو شقيق العم المرحوم خالد الميز "جد الاخ أنور الطيب من أمه" وأحمد الميز ولهم أخت واحده وهي رحمة بت الميز زوجة
المرحوم حسن ذكي العمدة...
أولا الميز كانوا يتميزوا بالطيبة والجناح الرطب ودائما" البسمة تملأ وجوههم وكذلك اتوا الذين من أصلابهم... وهذه سانحة لكي اترحم علي الشهيد عوض الله خالد الميز الذي خطفته منا الامواج و احتجبته منا مياه النيل منذ أعوام مضت ولكن نحسبها وكأنها أمس ... كان عوض الله شخصية لا توصف ولكن يمكن أن أقول أنة كان طيبا" وكفي... كنا نتشاجر مع الاخوان في الطفولة ولا نسمع انه له مشكلة مع أحد.. كنا نلعب اللعب المميت والصعب وكان يلعب اللعب الهادي الرزين...كان يومها يوم عصيب وأذكر الجثمان وكانه قبل لحظات وهو يخرج من بيت أبيه المرحوم خالد الميز والذي حزن حزما" شديدا" علي أبنه الوحيد ولكنه صبر الصبر الجميل.. فألهم ارحمهم جميعا" واجعل الجنة متقلبهم ومثواهم الاخير..
ولنا عودة أخوتي...
المرحوم عوض الله هو الجالس علي اقصي يسار الصورة
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
شكرا بكري على إنزال الصورة وسوف أبلغ حلفاية بذلك ونتمنى لكم طيب الوصال وحلو المقال مع أبناء الدفعة ...
الأخ مصطفى شكرا لك على الكلام الطيب وعلى صورة خالنا الوحيد رحمه الله عوض الله خالد الميز .... وشكرا أيضا على كلامك في آل الميز فهم أنتم وأنتم هم كما يقولون ونتمنى لعباس ورحمة طولة العمر وبالمناسبة الإسم الرسمي لرحمة هو حرم وهذا ما لايظهر إلا في الأوراق الرسمية زي عوض دوليب ود عمك ما أظن واحد في ناس الحلة عارف اسمو السيد السيد دوليب .....
شكرا ليك يا مصطفى على شعورك النبيل وعلى ذكرياتك الطيبة وعلى إثراءك البوست بالشكل الذي بدأ يظهر به الآن ، ففعلا كنت كالدينمو - ماشاء الله - نتمنى لك كل جميل وبعدين عندنا اقتراح من زمان ما عارف نسيتو والله لا ...
حلقة القرآن لمن يرغب إن شاء الله مرة في الشهر والشروط كالتالي :
* لا توجد أي أجندة سياسية مهما كانت يسارية والله يمينية والله حتى وسط
-* كل مرة في بيت واحد من المشتركين يعني تدور دورة .
*لا يوجد أي تكاليف ترهق - لكن اللقيمات مقبولة- مع حبة شاي
* غرض الحلقة تعليمي إجتماعي .
* الإلتزام ضروري لكل فرد يلزم نفسه بذلك .
كل الكلام السابق قابل للنقاش ما عدا البند الأول ، رايك شنو في الدكتاتورية دي !!
المهم نشطوا الموضوع دة وخلونا نجتمع في الله زي ما بقولوا اهلنا ...
ولكم خالص شكري وتقديري والأمر مفتوح للجميع من بسودانيز أونلاين ، الحلفاية ، أو غيرها ..
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
| Quote: حلقة القرآن لمن يرغب إن شاء الله مرة في الشهر |
اقتراح جميل جدا" ياأنور وأول واحدة في منزلنا حتي تعمنا البركة وتتغشاناالرحمة...وباقي اللقيمات موجودة ما تخاف أصلوا انتوا تربية مساجد وخلاوي ربنا يزيدكم علم.. وانا اقترح الشهر الجاي نبدأ وتكون نقطة انطلاقة وخلونا نتحلي بالقران حتي يكون لنا شافع وشاهد يوم لا ينفع مال ولا بنون الا من اتي الله بقلب سليم...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
الصورة من اليسار الي اليمين وقوفا" د/نصرالدين محمد نور"امريكا" محطة3 ذوالفقار عمر الدروشاب متوكل السيد علي السيد"كندا" د/حسن علي الدروشاب شخصي الضعيف.اما الجلوس فهم من اليسار المرحوم عوض الله خالد الميز.. هيثم عثمان الخوجلاب ..عمر محمد عثمان ابوزيد الخرطوم الحاج السيد الهاشمي"بقة" ومن بعيد نزار من الدروشاب..
اتمني ان تكون الصورة واضحة المعالم..
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
لك التحية اخى انور
عبدالخالق السمانى كان مدير بنك المشرق يعتبر من الكفاءات النادرة فى المجال المصرفى
بعلاقاته المتميزة استطاع اقناع ادارة بنك المشرق فى الامارات بشراء بنك النيل الازرق الذى كان على وشك الافلاس
وتم الامر وسمى بنك النيل الازرق المشرق
لمشاكل لا اعلمها مع مجلس ادارة البنك قدم استقالته
عندها انهالت عليه العروض من داخل وخارج السودان
عمل بعدها لفترة قصيرة فى شركة تمويل بالسودان الى ان قدم له عرضا مغريا من شركة كبيرة بالبحرين وهو الان فى المنامة
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: ودالحلفاية)
|
الأخ واثق تحياتي وسلام شديد للأخ صادق وبقية أفراد الأسرة فهي أيام لا تنسى في محطة 9 ونتمنى نلتقي في القريب العاجل .
الاخ ود الحلفاية بالله تحياتي الحارة لأولاد حلتكم وشكرا على أخبار عبد الخالق متمنيا له طيب إقامة في البحرين ، كان حاتم العود يقول عبد الخالق دة أظرف إنسان في الحلفاية ، وهذا الكلام لا يجافي الحقيقة فهو جميل المظهر والمخبر وإنسان راقي بمعنى الكلمة ، كان صديقا لمحمد محي الدين الإمام " سلك" وصديقا لعبد الهادي خالد والله مشتاق للراجل دة شوق شديد وعبد الهادي طبعا رجل فنان رغم إنو تمتام ولكن لمن يغني حاجة تانية التمتمة بتقيف وكان قادينا بغنية يا ناس لا لا وغنية تانية قريبة منها وطبعا عود جميل شايلو في داخلية تهراقا بجامعة الخرطوم .
اتمنى أن يصلهم سلامي جميعا عبر هذا البوست .....
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
الصورة ألتقطت يوم العيد في المدينة المنورة ... فمن هم ؟؟؟
شكرا" لك أخي أنور علي هذه الاطلالة ونحن غير محظوظين ولكن سأردها لك بأذن الله. وربنا يتم الشفاء لعمنا عباس الميز.. وسقط مني سهوا" شقيق العم عباس الميز وهو علي ما أعتقد الشقيق الاكبر لهم وهو العم المرحوم أبراهيم الميز "دوتش" وقد كان رجل ظريف ولطيف واجتماعي وشبابي ورغم سنه نراه دائما" مع الشباب وعاش اغلب عمره بالجنوب وتوفي مع بنته زوجة معاذ الصديق.. ربنا يرحمهم جميعا"
اليوم وفي الصباح الباكر التقيت بالاخ بركات بابكر وتحدثنافي موضوع التلاوة وقد اثني عليها كثير وذي ما قلت لها فوائد جمة واهمها التعلم وزيادة القوة الاجتماعية...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
الاخ مصطفى شكرا من غير ميعاد جيناك ولقيناك قالوا مشيت المطار .. المهم الجايات أكثر ...
حلقة القرآن تبدأ الشهر الجاي أو جمعة في شهر 12
التسجيل :
1- مصطفى إدريس دوليب .
2- على عبد الواحد .
3- بركات بابكر حمد .
4- أنور الطيب
والباب مفتوح وباذن الله البرنامج دة من آسة لحدي ما نموت مافي فكة بس طولوا بالكم ...
طبعا ناقشت الأستاذ علي عبد الواحد وبركات أمس في بيت الحاجة صالحة بنت الطيب و اتفقنا على البرنامج العام على عدم التكاليف والموضوع بالكثير بعد التلاوة شاي ولقيمات.
أنا وبركات حا نقوم بترتيبات المصاحف .
ولك الشكر ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
نرفع هذا البوست من أجل عيون الصديق الغالي والأخ الحبيب ، بشير أبوعاقلة .... ونعد الأخ بشير بمقابلة دكتور خالد عبد المطلب وننسق مع ناصر وكل من كان بالمدرسة الكبيرة "أ" ، أن ننزل أسماءهم كما وردت في سجلاتهم ولكم الشكر ...
سلامي لكل الأهل بأمريكا يا بشير ونخص محمد عوض الله ووالدته الخالة سعدية حامد العمدة
ترقب يا بشير الصور والأسماء .............
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: بكري اسماعيل)
|
الاخ بكري ، تشكر على المرور وان شاء الله ربنا يستركم في غربتكم والليلة رغم الفريق مولع بعرس هاشم ، لكن أخوك لحدي أسة ما مشة ليهم ، ظروف الشغل ، بس عليك أمان الله من هنا ليهم إن شاء الله وخايفين نضرب اللحمة الأيام دي أصلوا قالوا الوادي المتصدع والله الأخدودي والله شنو ماعارف الناس بقت هارشة شوية ... لكن عشان هاشم حا نضرب أي حاجة وخليها علي الله ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
الاخ مصطفى أولا تحياتي وتاني ياخي :
Quote: ويا أنور بالطريقة دي أنت كشفت الورق
وخليتنا في السهلة والايام دي أنت عارف البرد علي الابواب..
· · · أبحث · ملفك ·
|
هو فضل فيها سهلة بعد دة ما خلاص والله تتأخرو شوية أكلم ليكم بركات يشوف معاكم شوفة والله يتصرف
المهم يا مصطفى كنا أمس مع الدرديري محمد علي وكلمناهو بموضوع الحلقة و الدرديري زول قرآن ووافق على الفكرة تماما وحا نبدأ في الشهر الجاي من أول جمعة كما اتفقنا ولكن عندي اقتراحات ما عارف رايكم فيه شنو
الاقتراح الأول :
*تكون الحلقة حلقة تعليم تجويد مع تحفيظ ، يعني نقرا لينا إن شاء الله نصف حزب بتجويد تسمع الشهر الجديد .
* الاقتراح الثاني : يتمثل في دفع اشتراك شهري قيمته 2 جنيه، الغرض منها القيام بتكاليف الحلقة من ضيافة وغيرها تسلم لصاحب الدار ، حتى لا ندخل في أي إحراجات وكما قيل الناس ظروف والواحد ما بيعرف ظروف الناس كيف ، وأنا الاقتراح دة مصر عليهو لانو كان عندنا حلقة شبيهة ومن أسباب توقفها هو التكلفة الزائدة لها والبهرجة الما ليها داعي .
المهم فكروا في الإقتراحات دي وبعدين البتبقوا عليهوا أنا معاكم ...
والله من وراء القصد
وكثر البياض لو عايز تعرس سريع ولو عايز البرد دة ينفخك اعمل نايم ، المهم خليك حريف زي ود عمك عوض دوليب ، وقصتوا معاك ...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
التحية لك أنور
| Quote: والله تتأخرو شوية أكلم ليكم بركات يشوف معاكم شوفة والله يتصرف |
البرنسات والبصات ذي بتاعت ود يابا دي الا تمشي الاقاليم في الخط فقط هايس@أقصد بركات
بخصوص الاقتراحات والله جميلة جدا" بالمرة الواحد يقتصد أكثر ويحاول يخصم منها عشان الجاي علينا كثير"العرس"
البياض ياأنور كمل قروشنا وماخلينا حيطة في عرس هاشم مابيضناها كمان جايب لينا بياضا" تاني والله بعد دا يبقي سواد ما بياض @ علي العموم أعتبر شاي اللبن في أول حلقة هو البياض وخليك حاري بس كتر الدعوات حتي نصل الميس ولك ما تريد.
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
الاخ مصطفى و الله ماعندك حل غير البياض ، وبركات دة طبعا ما تقول لي هايس والله قريس ، لما يحنبك ما حايعرف أي زول وطبعا لو قام قلع النظارات والله الا تجرو ، غايتو الدرديري جراي ، ممكن شوية يتخارج ، لكن يا باشممندس إنت إلا تعسكر مع حاجة صالحة حتى تنفك منوا
والجمعة الجاية الحلقة وخلاص البرنامج حايبدا والعايز يعمل أي حاجة بالله يعملها لينا في غير الجمعة دي ، وقبل كدة حا نتلاقى نشوف التفاصيل وحانعلنها هنا
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
وصلتني رسالة من أخ عزيز وحبيب إلى النفس عبر البريد الإلكتروني ويشارك فيها الجميع بعض ذكرياته الجميلة عن الحلفاية ، وبهذه المناسبة نهيب بالأخ بكري حبيب بضم هذا العضو النشيط إلى منبره الرحب ، وعلى العموم إليكم رسالته كاملة كما وردتني وله الشكر ، ولمن أراد معرفة الشخصية ، فقد مهر بتوقيعه الكريم رسالته ، فله منا الشكر ونتمنى المواصلة بنفس النفس الجميل والروح الطيبة
عفوا ، خاصية الإقتباس لا تعمل لدي جيدا ، لذلك جعلتها باللون الأحمر العريض
تحياتى وسلامى الى الاخرحمن الرحيم
انور الطيب واسرتة والى كل الاخوان المتواجدين على منبركم الرائع والى اسرهم جميعا وانتم تمجدون تاريخ مدينتنا الحلفايا بالذكريات الرائعة والجميلة طبعا كل الشباب ماقصرو وسردو الكثير عن الحلفايا من اواحى اجتماعية وثقافية وفنية ورياضية وحتى كمان السياسية بس حبيت اوضح لكم توضيح بسيط يااخوان ياحلوين وكثير منكم لايعرف هذه المعلومة وانتو الوقت داك كنتو صغار واحتمال كبير ناس منكم لسه ماتولدو زاتو وهى من ناحية الفرق الرياضية بالحلفايا وسابقا على ما اعتقد فى السبعينات كانت رابطة الحلفايا بها فرق كثيرة واذكر لكم منها فريق الكواكب الذى كان ميدانة بساحة القبة غرب الصهريج وتحول بعدها الى ميدان الرفاق حاليا وكان يضم مجموعة من ابناء الحلفايا منهم الاستاذ عبد المنعم نابرى واجد الاخوان قال انو كان يلعب بفريق الهدف ومن فري ق الكواكب انتقل الى فريق الحلفايا ومن ضمن الذين كانو بفريق الكواكب الاستاذ حسن عباس تمساح واسماعيل ابوالحسن ومعاوية هلاوى وكمال عبد القادر والامين الشيخ ادريس وعبد الله ابزعانف ولاحد منكم يذكر هولاء وكانت هنالك فريق اخرى مثل فريق الشعلة واشبال المستقبل و الكفاح والنجوم واللواء وكل ذلك كان للذكرة ياشباب و حبيت اوضح ليكم هذه المعلومة وفعلا كان فى ذلك الزمان فرق لها جولات ويشهد على ذلك ميدان الرابطة وميدان الحلفايا والذى اسردة لكم هو جزء من الذكريات والكلام عن هولاء يطول وبرجع ليكم تانى ويكون المزاج رائق واتم ليكم باقى الذكريات الحلوة
وياخ انور تحياتى الى كل الاخوان واخص الاخ بن خالتى الباشمهندس مصطفى ود ادريس دوليب ( العريس ) عرفنا انو خطب اوكمان قالو عملت ليك شبكا كمان ربنا يتم على خير ياربى العرس متين انا فى انتظار الدعوة يابشمهندس
تحياتى الى الجمييييييييييييييييييييع
اخوكم خليفه عبد القادر السيد/ ابوظبى
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: محمد الكاب)
|
التحية لكم أخوتي..
والدعوة عامة... غدا" الجمعة أول حلقة تلاوة بمنزل ادريس دوليب بحلفاية الملوك غرب محطة الكيلو وجوار ميدان الاخوة وذلك لمتانة العلاقات الاجتماعية وننال العلم والمعرفة من بعضنا البعض..
وهناك الكثير من الشخصيات سنسعد برؤيتهم معنا...
ويلا ياناس الحلفاية والحليفي والكدرو جهزوا الهبابات حتي تشتعل النار ويحمر زيت الزلابية وما تنسوا البنبر والكانون وبراد الطلص الابيض... نرجو المشاركة بشتي الطرق...
المواعيد: 07.12.07 صلاة المغرب تكون في المنزل
زمن التلاوة : 1.5 ساعة حتي نتيح للاخوان فرصة الاستفادة من بقية اليوم وتواصل الارحام..
الشكر لك ابن خالتي خليفة عبدالقادر السيد علي تلك السطور والمعلومات الثرة وأتمني أن تواصل عطاؤك
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
شكرا يا مصطفى ونحن بكرة معاك على التلاوة ......... المغرب فريق حاج أحمد منور ولا عايزين زيادة مصاحف ما عليك إلا الإتصال 0914124886
المهم أول يوم دة نتلاقى ونبدأ والله يتم الباقي ، دعينا الأخ ناصر ، الدرديري ، عمر حسن قدم ، محطة 9 ، مصدق ود عمك عبد الرحمن الشيخ ، جوة الحلة ............
والدعوة كما تفضلت للجميع .........
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Nada Jamma)
|
قبرت في الساعات الاولي لهذا اليوم الدكتورة الانسانة زينب أحمد موسي بمقابر الصوارد بحلفاية الملوك.
فالهم أغفر لها وأرحمها بقدر ما قدمت لمجتمها.. وأغفر لها بقدر الصدقات التي كانت توزعها بابتساماتها ... وأغفر لها بقدر السبيل الجاري وبابها المفتوح لكل ملهوف ومستغيث وذو حاجة...
انا لله وانا اليه راجعون.. ولا حولة ولا قوة الا باله العلي العظيم...
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: Mustafa Doleeb)
|
فهذه مشئية الله ولا راد لحكمه ونحن نؤمن بذلك.
المرحومة شقيقة الدكتور جمال والعارف بالله مولانا الشيخ عبدالرؤوف والمرحوم التاج والدكتور لطفي وأخواتهم.
هؤلاء هم الذين خرجوا من بطن واحدة ولكن الدكتورة زينب أخت وشقيقة لكل من يعرفها او سمع بها..
حقيقة الفقد كبير والصدمة أكبر والخطفة كانت مؤلمة..و لا نقول الا مايرضي الله كل نفس ذائقة الموت.
| |
|
|
|
|
|
|
|
|
|
Re: حلفاية الملوك ما أحلى مدرستك الصغرى ، ذكريات تتحدى التاريخ (Re: انور الطيب)
|
مازالت الأحزان مستمرة في وفاة الدكتورة الإنسانة زينب حران ، نسأل الله لها القبول ، بالأمس قابلت أخاها الدكتور لطفى حران ونسأل الله لها الرحمة ،
أيضا وصلتني هذه الرسالة من الأخ خليفة عبد القادر ..
Quote: بسم الله الرحمن الرحيم
تحياتى اخ انور السادات
عبر هذه الاسطر الحزينة اعزي كل اهل الحلفايا فى الفقيدة الدكتورة زينب حران وارسل التعازى الى اسرتها المكلومة فى هذا الفقد الجلل اللهم اجعل قبر دكتورة زينب حران روضة من رياض الجنة تلقينا خبر وفاة الاخت والدكتورة زينب وكانت مصيبة كبيرة علينا ولكن لاتهون على رب العالمين الفقد عظيم حزن عليها كل من عرفها من اهل الحلفايا وربنا يتغمد الدكتورة زينب بواسع رحمتة ويعوض شبابها الجنة وان يلزم اهلها واسرتها المفجوعة الصبر والسلوان برحيل الانسانة الخلوقة البشوشا صاحبة الابتسامة دكتورة زينب حران
حاولت ان احبس دموعى عندما قرات عنون يقول حلفاية الملوك تودع دكتورة الغلابة والكادحين زينب حران فعلا انه فقد كبير لاهل الحلفايا وربنا يرحمها ولانقول الا مايرضى الله اللهم ارحم الدكتورة زينب وانا لفراقك لمحزونون يادكتورة زينب وانت تتركى لنا ذكرة عطره وربنا يجعل كل اعمالك فى ميزان حسناتك
اللهم ابدلها دارا خيرا من دارها واهلا خير من اهلها
اللهم يامنان ياحنان ياواسع الغفران اغفر للدكتورة زينب وارحمها وعافها واعفا عنها
صادق التعازى وعظيم المواساة لاسرتها ولكل اهل الحلفايا
الف الف الف الف رحمة ونور لروح الدكتورة زينب حران
اخوك خليفه عبد القادر السيد/ ابوظبى
|
شكرا أخي خليفة على هذه الرسالة الرقيقة ونسأل الله معك الرحمة للدكتورة زينب
| |
|
|
|
|
|
|
|
|
|
عيــــــــــــــــديه (Re: محمد الكاب)
|
ســــــــــــــــــــــــــــلام
للكلمه ردود
وللفرحه وجـود
ولايام العيد وقت مـحدود
فلكم تهـنئه بلا حدود
لكل من على البوست
كل عام وانتم بخـير. اعاده الله علينا باليمن والبركـات
تخريمه:
نأسف لعدم التواصل نسبة للامتحانات
كما ارجو منكم خاصةًًًً أن تزودونا بخالص الدعوات (اللهم لا سهل الا ما جعلته سهلا وانت تجعل الحزن اذا شئت سهلا) ان تجعل الامتحانات سهلة علينا ,,,,,,,,,,,,,,,,
مره ثانيه عيـــد مبـــارك
مع تحياتى:
محمد جعفر خالد
(عدل بواسطة Mohammed Khalid on 12-23-2007, 04:43 PM)
| |
|
|
|
|
|
|
|
|
|
Re: عيــــــــــــــــديه (Re: Mustafa Doleeb)
|
الإخوة محمد الكاب ، محمد خالد ، مصطفى دوليب وبقية الإخوة ا لمتداخلين ، كل
عام وأنتم بخير ونأسف لعدم التواصل في هذه الفترة لظروف العيد والسفر والتواصل مع الخراف بدلا من النت ، على العموم سوف نواصل ونتمنى من الجميع التواجد ...
أيضا من بشريات هذا العيد- أن وفقنا في- إقامة منتدى الزاوية العلمي الذي يعنى أساسا بتنمية التفكير العلمي الإبداعي لدى الأطفال ، المنتدى طوعي ومن المشاركين بفاعلية في هذا المنتدى الإخوان بركات بابكر حمد ، عبد الرحمن أحمد حمزة ،
المكان : الزاوية شرق مسجد عجيب المانجلك .
الزمان : كل جمعة من صلاة المغرب صلاة العشاء .
الدعوة : للجميع
ملحوظة : الجمعة القادمة إذن خاص لبركات وأنور بسبب التلاوة الشهرية في منزل المرحوم بابكر حمد والدعوة عامة ، اللقيمات من إنتاج الحاجة صالحة بنت الطيب الشوش وأظن يامصطفى حاجة صالحة دي ما حايفرق معاها دقيق سيقا والله طاحونة عمر . الله يديها العافية وطولة العمر ...
لكم شكري
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
الشكر لك أخي أنور علي المداخلة والعيدية وكل عام وأنت بخير ...
والله ياأنور الفرق في الدقيق كبير جدا" لكن مثل هؤلاء النساء الصالحات ومثل الحاجة صالحة
لا يوجد مستحيل تحت ايديهم فهم قادرون لكي يعملوا اللقيمات من دقيق عمر وعلي وكمان بالدبار
بدلا"من القمح...
التحية لكم جميعا أهلنا ناس الحلفاية ...
لا اسكت لكم صوتا" ولا جف لكم قلما" يا ناس هشام ومحمد عوض ونيازي وبكري اسماعيل وايمن تابر والباشمهندس محمد سيد فضل وندي جماع وياسر الرشيد وطه حيدر ومحمد الكاب وجميع الاخوان& نتمني
أن نراكم عبر هذا البوست ما دام ظروف الحياة حجبتنا عنكم..
لكم الاحترام والتقدير أخوتي ...
| |
|
|
|
|
|
|
|
|
|
Re: عيــــــــــــــــديه (Re: Mustafa Doleeb)
|
جميع الشباب تحياتي ، بالأمس كنا في التلاوة الشهرية مع الأخ بركات بابكر حمد صباحي ، وكان الحضور جيد ، شرفه العم / محمد علي ابراهيم العمدة ، و الاخوة الكرام
بركات ، مصطفى ، بدوي ، مامون ، رعد ، محمد نصر الدين ومن الأطفال : أمين ، محجوب ، عبد الرحمن و مازن .
ما أحلى اللقيمات عندما تتبرك بأصابع الحاجة صالحة بنت الشوش ، لقيمات بلون الذهب وطعم العسل ورائحة الطيب مع بعض مسحوق السكر الأبيض الذي تناثر كثريات من الجنة ...
الشهر القادم مدعوون كلكم في منزلي المتواضع
حلفاية الملوك ، مربع 7 منزل 950 ، شرق مجمع عجيب المانجلك ، ثم شرق الزاوية ، الشمال الغربي لسوق المواشي .
طبعا برنامج التلاوة شهري ويصادف أول جمعة مع بداية كل شهر ، برنامج تعليمي اجتماعي مع بعض الزلابيا التي لا تضر ، وناس المصران ممكن نزودهم بالأسلحة الفتاكة من حلباتاكس ، حرجلين ، جردوقيوم وغيرها من الخلطات التي لا تخيب الظن أبدا ... وناس السكر كذلك عندنا ما يكفيهم من الكيماويات التي تحرق السكر حرق عدوك .
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
معليش يا جماعة مع الحمى النزفية القالوها دي نسينا أهم حدث في الحلفاية في العيد وهو خبر الجرائد كان خروف الحلفاية المكتوب عليه لا إله إلا الله ، محمد رسول الله وكانت جماهير كثيرة مشاهدة الحاصل ، يا ريت يا محمد الكاب ، مصطفى دوليب لو تكتبوا حاجة عن الموضوع
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
عزاء لكل الدكامية
بمزيد من الحزن والأسى نعزي الأخ نزار ، اخوته ، جميع أفراد أسرته وجميع آل دكام بحلفاية الملوك في وفاة والده عوض الله دكام ، ألا رحم الله الفقيد رحمة واسعة ...
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
الأخ أنور وبقية الشباب
لكم التحايا والود
نأسف عن عدم التواصل في الفترة السابقة لظروف نهاية العام وموسم الحج وكله لايخفى عليكم مع تأكيدنا للعودة حالما نجد متسعاً من الوقت ..
التعازي موصولة لآل دكام في وفاة المغفور له بإذن الله عوض الله دكام تغمده الله بواسع رحمته وألهم آله وزويه الصبر وحسن العزاء ..
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
كل التحايا لكم أهلي ناس الحلفاية ونعلكم طيبين...
تتشرف هذه الايام مدينة حلفاية الملوك بقدوم أبناءها البررة الذين طالت غربتهم وشارفت علي عقد من الزمان وها هم أتوا لمقابلة الاهل ليمحوا جزء من غبار الغربة المريرة وقد أزرفت الدموع وهي تمثل دموع الفرح بالوصول وكذلك دموع الحزن علي من فقد وراح للالتقاء برب العزة خلال هذه العقبة...
فمرحبا" بك أخي عمار الرشيد عبدالرحمن ابراهيم
وكذلك اخونا حسام حيدر طه السيد تمساح الكدرو
الاخوان اعلاهم اتوا من دولة هولندا هذا الاسبوع
الدعوات للخالة ليلة خالد الميز والدة اخونا أنور الطيب بعاجل الشفاء وربنا يتم لها الصحة ويديها العافية و نتمني أن يكون ذلك كله في ميزان حسناتها...
فهي طريحة فراش بمستشفي أحمد قاسم بالخرطوم بحري...
| |
|
|
|
|
|
|
|
|
|
Re: عيــــــــــــــــديه (Re: Mustafa Doleeb)
|
Quote: فمرحبا" بك أخي عمار الرشيد عبدالرحمن ابراهيم
وكذلك اخونا حسام حيدر طه السيد تمساح الكدرو
الاخوان اعلاهم اتوا من دولة هولندا هذا الاسبوع
|
مرحبا بالأخوة حسام وعمار
Quote: الدعوات للخالة ليلة خالد الميز والدة اخونا أنور الطيب بعاجل الشفاء وربنا يتم لها الصحة ويديها العافية و نتمني أن يكون ذلك كله في ميزان حسناتها...
فهي طريحة فراش بمستشفي أحمد قاسم بالخرطوم بحري...
|
تشكر يا مصطفى ونتمنى للوالدة ليلى عاجل الشفاء مع شكرنا الجزيل لجميع الأطباء والعاملين بمستشفى أحمد قاسم ...
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
في يوم الجمعة الماضي وفي عاشوراء رحلت منا الحاجة الحنونة الضحوكة والتي كانت تتصف بالقفشات
وبالصوت الرقيق الهادي رحلت عنا امنا الحاجة العازة محمد خوجلي "العازة بت ام دولة" رحلت وهي
تحمل في ثناياها كل الود والحنين والكلمة الطيبة التي كانت تعطر فاها رحلت ورحل معها الكرم
والابتسامة التي تضئ لنا الطريق وتدفعنا لكي نحلم بمستقبل باهر ومبشر... رحلت وتجدد معها الحزن
بذكري امهاتنا اللائي سبقوها في الفريق امهاتنا الحاجة النخيل الخليفة والحاجة بت المني البدوي
وفاطمة الطيب الشوش ونفيسة الطيب الشوش وبخيتة بت حمد ونفيسة بت حمد والمسك شيخ مصطفي... فيالهم من نساء فالاسماء تعني المضمون بدون تفسير...
فالهم أرحمهم جميعا" وأجعل البركة في عقبهم وأرحمنا اذا ما عدنا اليهم...
الحاجة العازة والدة شيخ ادريس والمرحومين الامين وعادل واخواتهم وهي زوجة المرحوم البخيت شاور
الذي كان علم ورمز من رموز الحلفاية وشقيقة كل من المرحوم ابراهيم القوم وحسن ام دولة..فيالكم من رجال..
| |
|
|
|
|
|
|
|
|
|
Re: عيــــــــــــــــديه (Re: Mustafa Doleeb)
|
Quote: الشهر القادم مدعوون كلكم في منزلي المتواضع
حلفاية الملوك ، مربع 7 منزل 950 ، شرق مجمع عجيب المانجلك ، ثم شرق الزاوية ، الشمال الغربي لسوق المواشي . |
هذه بمثابة ذكري وأتمني أن نري كل الاخوان الذين لم يحالفهم الحظ في حضور التلاوة الماضية...
وياندي مشاركتكم مطلوبة وهناك اشياء كثيرة متاحة وأضعف الايمان ترموا الزلابية وتهبوا الكانون
او بمشاركتكم في المنبر في هذا الصدد... التحية لك ولاهلنا العبدلاب والحفضاب...
| |
|
|
|
|
|
|
|
|
|
Re: عيــــــــــــــــديه (Re: Mustafa Doleeb)
|
أخونا انور الطيب
دعواتنا لوالدتكم الكريمة بعاجل الشفاء وأن يكون ما أصابها من مرض، كفارة واجر وعافية انشاء الله !!
مصطفى دوليب : البركة في الجميع ورحم الله الحاجة العازة وأحر التعازي لكل الأهل !!
والرحمة والمغفرة لجميع أمواتنا ولكل من ذكرت وبفقدهم أصبح الفريق خلاء!!!
هشام
| |
|
|
|
|
|
|
|
|
|
Re: عيــــــــــــــــديه (Re: Hisham Ibrahim)
|
Quote: في يوم الجمعة الماضي وفي عاشوراء رحلت منا الحاجة الحنونة الضحوكة والتي كانت تتصف بالقفشات
وبالصوت الرقيق الهادي رحلت عنا امنا الحاجة العازة محمد خوجلي "العازة بت ام دولة" رحلت وهي
تحمل في ثناياها كل الود والحنين والكلمة الطيبة التي كانت تعطر فاها رحلت ورحل معها الكرم
والابتسامة التي تضئ لنا الطريق وتدفعنا لكي نحلم بمستقبل باهر ومبشر... رحلت وتجدد معها الحزن
بذكري امهاتنا اللائي سبقوها في الفريق امهاتنا الحاجة النخيل الخليفة والحاجة بت المني البدوي
وفاطمة الطيب الشوش ونفيسة الطيب الشوش وبخيتة بت حمد ونفيسة بت حمد والمسك شيخ مصطفي... فيالهم من نساء فالاسماء تعني المضمون بدون تفسير...
فالهم أرحمهم جميعا" وأجعل البركة في عقبهم وأرحمنا اذا ما عدنا اليهم...
الحاجة العازة والدة شيخ ادريس والمرحومين الامين وعادل واخواتهم وهي زوجة المرحوم البخيت شاور
الذي كان علم ورمز من رموز الحلفاية وشقيقة كل من المرحوم ابراهيم القوم وحسن ام دولة..فيالكم من رجال.. |
الأخ مصطفى دوليب شكرا على هذه الكلمات التي تنم عن صفاء قلب ووفاء رجل لأمهات كريمات يتقطر الطيب من كلماتهن والحب من قلوبهن الله يا مصطفى أيام لن تعود ونساء لن يعدن ، اللهم بارك في بناتهن وأولادهن إنك على كل شيء قدير ....
| |
|
|
|
|
|
|
|
|
|
Re: عيــــــــــــــــديه (Re: انور الطيب)
|
سلامات ياهشو والله مشتاقين والبركة فينا وفيكم في أمنا العازة بت ام دولة
والله الواحد اصبح يخاف أن يجد له ظل شجرة وريفة يستظل به في المستقبل
القريب بعد التحاق هؤلاء الامهات بالرفيق الاعلي ربنا يخلي لينا ما
تبقي منهم ويديهم الصحة والعافية...
ماتحرمنا من حروفك ياهشو....مادام حارمنا من شوفتك.... لك الود..
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
انور الطيب
Aymen Tabir
محمد صباحى
محمد الكاب
tarig almakki
taha haider
ابن الرشيد
Mustafa Doleeb
بكرى ابوبكر
اسامة كمال الخولي
Nasir Ahmed Elmustafa
Wathig Makki
ودالحلفاية
نيازي عبدالله مرحوم احمد
Hisham Ibrahim
فيس بوك
تويتر
انستقرام
يوتيوب
بنتيريست