Quote: كتب عبدالله القاضي تحت عِنْوان [بمن وكيف سندير المركز الثقافي السوداني] في صحيفة الراية القطرِية عدد يوم الثُلاثاء 27/03/2012م/صفحة 41 (الجالية السودانية):
[(...) وقد علمنا أن سعادة السفير اختار لجنة من 15 عضواً لإدارة المركز الثقافي!!! ولا أدري من أشار إليه بذلك أو كيف اهتدى سعادة السفير لهذا الرأي لأن المراكز الثقافية لا تدار باللجان واللجنة عادة تكون في بداية الإنشاء لوضع أسس وطرق الإدارة (...)]
[(...) أي شي دبرنقي دولكن .. لجنقي كوني .. يعني لو عاوز تغطس حجر أي قضية كون لجنة!!] (إنتهى)
إطلعت بأُم عَيني دي على نُسخة الأخ الفاضِل (جِدًا) أحمد عبدالمنعم مِن قرار السفير، وهو كالتالي: ـــــــــــــــــــــــــــــــــــــــ التاريخ: 11 ربيع الآخر 1433 هـ الموافق: 4 مـــــــــارس 2012م الرقــــم: س س ق/8/3/أ
قرارات السفير قرار رقم (4) بتشكيل لجنة التسيير المركز الثقافي السوداني-الدوحة
إلخ ـــــــــــــــــــــــــــــــــــــــ وتم تعيين الأخ الفاضِل/ أحمد عبدالمنعم، رئيسًا للجنة التسيير + نائِب + 13 عضو. كتب عبدالله القاضي: - [...لأن المراكز الثقافية لا تدار باللجان...] لِذا سُمِيت يا عبدالله القاضي بِـ"لجنة تسيير"
- [...واللجنة عادة تكون في بداية الإنشاء لوضع أسس وطرق الإدارة...] وهل كان المركز الثقافي مِن قبل له نشاط.. ياخ أنا مرة مشيت ها المركز.. لقيت ليك مِوَزِعين غُرَفو الفوقات (الطابِق الأعلى) حسب القبيلة.. قبيلة أبناء شرق السودان، تدخُل وأنت تُمني النفس إن شاءالله بِسلات ساااي ولا جبنه طين، حرم غير تصاوير باهِتة ومُجسم لِبنو آدم كَدي دارِعلو سيف دون كيخوتي اللييل الخشب داك.. تمرُق وبِك حسره السنين وتدلِف الغُرفة المُجاورة والتي تحمِل إسم قبيلة مِن غرب السودان، مِجَدِعين كام قرعه على قارِعة العوضا ولا خساهُمْ.. ده مركزك يا عبدالله القاضي الممنوح لنا مِن الحكومة القطرِية مجانًا مِن 03/يونيو/2001م -التاريخ حسب قولك في المقال-.
- [...لوضع أسس وطرق الإدارة...] أحمد عبدالمنعم مؤهل لوضع الأُسس والإدارة.. دي شغلتو البياكُل منا عيش، وهو مسؤول عن معيشة ما لا يقِل عن 3000 ألف موظف/عامِل مِن كُل الجِنْسِيات الربنا خلقا في ها الكَوْكب، وده -أي كَونو مسؤول عن معيشة 3000 ألف نفْس- في أكبر مرفق في دَولة قطر.
والله في بشر كَدي غير تبخيس حاجات الناس ما عِنْدها شغله.. هسِع يا عبدالله القاضي، رئيس لجنة تسيير المركز الثقافي ده، مو ياهو ذاتو رئيسك في رابِطة الهلال.. ياخ إنت نايبو.. ليه تعايبو.. الخِصلة قِسمة ولا إنت جايبو!
لجنة التسيير معناتا.. معناتا... هسِع دي يِشْرحوها كيف عاد؟! ياخ دي لجنة لوضع أُسُس.. وفي أثناء وضْعِها لِلأُسس والبيروقْراطِية حتبرمِج بينا.. حيكون في نشاط.. وعد.. أمل..
مسؤول مكتب الخطوط السودانِية، السَيِد عادِل، طلب مني أن أنقُل إلى رئيس لجنة التسيير المركز الثقافي، إستعداد الخطوط السودانِية بترحيل الفنانين والشُعراء والعُلماء مِن الخُرطوم للدوحة وبالعكس.. ـــــــــــــــــــــــــــــــــــــــ كتب عبدالله القاضي بالدُنْقُلاوِية [(...) أي شي دبرنقي دولكن .. لجنقي كوني .. يعني لو عاوز تغطس حجر أي قضية كون لجنة!!] (إنتهى)
طبعًا في طريقة أُخرى لِلشُروع في التنفيذ طوالي كَدي بِدون لجنة/لجان.. أن يأتيك مِن لدُن الله تعالى وحيٌ في سحر!
عبدالله القاضي ياخ أنا مُسْتاء.. كُسْلي لككالا أمردو ياخ
أخوي عزام في أول التبادي عازين لينا مترجم عشان ندخل معاكم في الصورة ـ رطانتكم دي عم قوقل ذاتو ما قدر عليها
ثانياً ـ رابطة الهلال الدخلا في شنو في الشغلانة دي
ثالثاً ـ يبدو لي المفروض تكتب هكذا ( لا تبخس الناس أشياءهم)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد علي البصير
فيس بوك
تويتر
انستقرام
يوتيوب
بنتيريست