هلا ياعمك والكتاب بداء النقة عن السلطة بحكاية صينية عجيبة اسمها اسطورة سيد القرود تتحدث عن عجوز صيني يسمي (جو غونغ ) او سيد القرود عمك ده عايش مدة طويلة والقرود هي من تخدمه وكان يعاقب هذه القرود ويضربها ضرب الجن لو ما جابت اتاوات من الفواكهة البتجيبها من الغابة يوم في قرد صغيروني كده سال القرود ياجماعة الفواكه دي بتقوم برااها ولا برزعها عمك ده..؟؟ قالو ليهو بتقوم براااها قال ليهم طيب يا جماعة الفواكهة دي مش ممكن نشيلها كلها برااانا وما ندي الزول ده قالو ليهو ايووووه ممكن قال ليهم وتيييييييب...
-- تقول الحكاية تاني يوم القرود دي كسرت الاقفاص وشالت كل الفواكهة التي في مخازن عمك ده وهربت الي الغابة وتركته وحيدا حتي مات بالجوع
ومن هنا الحكاية دورت صوب سياحة ممتعة وشرح وافي لدورة سقوط الدكتاتوريات
وبرضو سنتابع وحنشيل من كل بستان زهرة ونقارن بالواقع السوداني وكورته التي تتهادي في خط ستة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة