نموذج ناصع من قيادات المؤتمر الوطنى ..!! زهير السراج

قراءات فى سيرة ونضال العامل الجزولى سعيد عثمان

امنعوا ببع مدرسة القومية كوستي

جبال النوبة... أيد السودان البتوجع..

والي جنوب كردفان يهدد عضو بسودانيز اونلاين بالتصفية الجسدية

مرحبا Guest [دخول]
أخر زيارة لك: 31-10-2014, 07:12 AM الرئيسية

مدخل أرشيف الربع الاول للعام 2012مالهيلا هوب هبالة والبقية مثلها تماما
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
09-03-2012, 11:52 AM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



تغيير كلمة السر

مكتبة الفساد

من اقوالهم
(مكتبة مفتوحة للتحديث)
الهيلا هوب هبالة والبقية مثلها تماما

    هل فات على أولئك الذين يسمون أنفسهم بفنانين بأن ما يقدموه من تحرييف وتغيير فى مواضع الحروف فى شكل منلوج أنه يضر ويسئ للسودانيين ولا يضيف شيئا البتة .... هل علموا هؤلاء الشباب أن ما يقدموه بغرض الفكاهة يتناوله الملايين فى الشبكة العنكبوتية وخاصة فى اليو تيوب ويصبح مضحكة علينا ويعتبرون أن هذا هو الغناء السودانى ... هل يوجد داعى فى تأدية المنلوج الذى يقول كل زول بزوجة بتاءو الا أنا ما اندى مره بهذه الطريقة التى كانت سلبياتها أكثر من ايجابياتها .. حتى يضحك علينا الآخرون ويصدقون فعلا أننا هكذا ... وتأتى السخرية والتعليقات المسيئة لنا ومنها يأتى السورى الحقير الياس كرم ليمشى على ذات النهج ويمكنكم أن تكتبوا على اليوتيوب يا سودانيين ( أضحك على سودانى ومصرى وعراقى ) فى أغنية ( أيظن ) وكيف أن السودانى يقول ( أيدن ) هذ هى السلبيات التى تأتينا من كل الفرق التى ولدتها الظروف والمعيشة الضنكا ولو أن الشعب كان يعيش فى رفاهية وسلام لما جاءت مثل هذه الفرق التى تفتقر لأبسط مقومات معنى الفن ونشر الثقافة ...

    (عدل بواسطة بهاء الدين سليمان on 13-03-2012, 08:52 AM)

                   Subscribe on YouTube |Articles |News |مقالات |اخبار

09-03-2012, 12:00 PM

محمد الامين احمد

تاريخ التسجيل: 28-08-2004
مجموع المشاركات: 5017
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    تحية طيبة

    Quote:
    كل زول بزوجة بتاءو الا أنا ما اندى مره


    اثبت انه لا يوجد احد فى السودان ينطقها بهذة الطريقة فعلا و عندها تصبح غضبتك مشروعة

    و لنفرض اننا ننطقها هكذا ما المشكلة ؟ هل نحن سدنه اللغة العربية ؟

    صالح نفسك الاول و اعرف انت منو عشان الناس تحترمك

    المصريين ما عندهم (قاف) كل (جيم) او (همزة) و ما بيزعلو من الحته دى

    ناس الخليج (الجيم ) عادى تقلب (ياء) و بروضو ما عندهم مشكلة

    ايوه نحن ننطق (القاف) (غين) و نلخبط (الزين) و (الذال)

    و ده لانو اللغة العربية دى ما من اندينا يا عمك

                   Subscribe on YouTube |Articles |News |مقالات |اخبار

09-03-2012, 12:24 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد الامين احمد)

    يا محمد الأمين ... أنا أتحدث عن اللهجة السودانية بصفة عامة والمعروفة لدى الكل ... لا أتحدث عن المناطق بالسودان ... يعنى مش كان ممكن يقول ( كل زول بزوجتو الا انا ماعندى مره )
                   Subscribe on YouTube |Articles |News |مقالات |اخبار

09-03-2012, 05:23 PM

محمد الامين احمد

تاريخ التسجيل: 28-08-2004
مجموع المشاركات: 5017
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    سلام، غايتو السيد طارق الامين رئيس الفرقة في وقتها
    و قائل هذة الكلمات فى الكليب و اعتقد انو الملحن برضو
    عضو فى هذا البودر و اتمنى انو يتحلى بالكياسة و يجي يرد
    علي اسئلتك دي، و متأكد انو شاف البوست ده او وصلو خبرو
                   Subscribe on YouTube |Articles |News |مقالات |اخبار

09-03-2012, 05:41 PM

خالد فهمي

تاريخ التسجيل: 30-08-2010
مجموع المشاركات: 973
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد الامين احمد)

    سلام وتحية

    رأيك شنو في العمل ده طيب ؟



    ؟؟

    تقديري
                   Subscribe on YouTube |Articles |News |مقالات |اخبار

09-03-2012, 06:09 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد الامين احمد)

    سلامات يا محمد الأمين ...
    وكمان ملحن الكلمات يا له من لحن .. بالله عليك يا محمد شوف اليوتيوب فى ما ذكرته فى هذا البوست من استهزاء الحقير السورى الياس كرم ... نحن اذا كنا نقوم بتصدير هذا المستوى الهابط من الكلام الذى ليس بكلامنا وأن يتم عرضه فى الاعلام ومنها الى الشبكة العنكبوتية فلا ننسى أن هنالك متلقى عربى يريد أن يستمع لنا أو يتعرف علينا ... فهل نعطيه هذا المستوى الذى يجعله يسخر منا ... لماذا لا نقدم حتى المنلوجات بصورة تليق بمكانتنا وبلهجتنا المعروفة ... لماذا نقوم بتصدير ( المحلى البحت ) الذى ربما فى تغيير الحروف العربية يخص قبائل معينة ... هل يمكننا القول بأن الراحل المقيم محمد وردى وبكل ما يملك من صوت جميل أن يغنى أغنياته بنطق العين ألف ... كلا ثم كلا ... بل كان متمسكا بنوبيته فصيحا فى لغته ... الدارجة السودانية .... أو فلنسميها الدارجة القومية المعروفة ... نحن أفضل من يتحدث العربى وسوف آتيك بالدليل واللهجة السودانية هى الاقرب الى الفصحى ... ليس قولى هنا أننا دولة عربية بل اننى لا أعترف أصلا بهذا الحديث وأفتخر بسودانيتى وافريقيتى ولكننا خير من أجاد العربى فى شعرنا وفى أدبنا من خلال كتابنا ومثقفينا ومبدعينا ومعلمينا الذين علموا العرب القواعد والنحو ... ان هذه الفرق هى مدعاة للمسخرة والاستخفاف وهى ظاهرة بسبب ما ذكرت من ضائقة خانقة ألمت بالشعب السودانى أفرزت تلك الجماعات ... وللعلم كل هذه الفرق جاءت بعد العام 89 ... هم يضحكون على أنفسهم ولا يضحكون الناس ولا يعرفون معنى الضحكة وليس هكذا تعالج القضايا
                   Subscribe on YouTube |Articles |News |مقالات |اخبار

09-03-2012, 06:36 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    سلام خالد فهمى .. أنا استمعت جيدا للعمل ... وأقول لك عمل ممتاز ومعبر وجميل وحنين ويشحذ الهمم ... هكذا نريد من أعمال ... ولكن أتوجه لرئيس الفرقة طارق الامين ان كان على رأسها أن يعملوا على تقديم الجميل لأنه وبضغطة زر واحدة يكون العمل الفنى قد انتشر فى كل أرجاء العالم وما كان استهزاء هذا السورى الحقير الياس كرم الا لما وجده فى اليوتيوب وطبعا شاركوه عشرات الآلاف من جنسيات مختلفة بأراؤهم التى كانت فيها الذى يدافع عنا بقوله أن السودانيين يجيدون العربى وفيهم من ضحك وقال هذه معلومة جديدة .... أخى طارق عندما نرسل مثل ( كل زول بزوجة بتاؤا الا أنا ما اندى مره ) الى الفضاء فسوف يتلقاها الملايين من الناس ويرسخ فى ذهنهم الانطباع ...
                   Subscribe on YouTube |Articles |News |مقالات |اخبار

09-03-2012, 07:10 PM

محمد أبوالعزائم أبوالريش

تاريخ التسجيل: 30-08-2006
مجموع المشاركات: 9816
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)


    الأخ بهاء الدين ....... سلام.

    وضعت على البوست أيقونة (رأي)، إذاً هذا رأيك، الذي يحق لنا مناقشتك فيه.

    أما أن تأتي على ألفاظ على شاكلة:
    Quote: .لماذا تنطقون يا بجم ويا عجم العين ألف

    هذه لا حق لك فيها. أقصد هنا (يا بجم). أما (ياعجم)، فهي تجيب على كل البوست.

    في رأيي أن هذا العمل أكتر من ممتاز ولا يعيبه نطق مفردات بطريقة موجودة فعلاً في السودان.

    حتى العمل الذي أثنيت عليه أنت (بلداً هيلي انا)، إذا عرض على الأشخاص الذين ذكرتهم سيتوقفوا عند كلمة (هيلي) لأنها غريبة عليهم.

    ليس هناك ما يعيب أعمال فرقة الهيلاهوب من ناحية المفردات .... وكما نصحك أحد الأخوة: تصالح مع نفسك لن ينقصك ذلك شيئا. أفخر بأنك من بلد تتعدد فيه اللهجات واللغات من اللسان الرطاني في أقصى الشمال الذي عندما يتحدث العربية يحول بعض الحروف، فتصبح الخاء عنده هاء ... وفي الغرب وأقصى الغرب تتحول العين عنده (ألف) .... شخصياً أفخر بكل تلك اللهجات واللكنات .... وأتحسر على اللكنة الجنوبية التي بُترت قسراً
                   Subscribe on YouTube |Articles |News |مقالات |اخبار

09-03-2012, 07:26 PM

محمد البشرى الخضر

تاريخ التسجيل: 14-11-2006
مجموع المشاركات: 21332
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    تحية طيبة أخ بهاء
    اعتقد معلومة ان "كل" الفرق جات بعد 89 غير دقيقة , اذكر كانت هناك جماعة الجو الرطب موجودة من قبل التاريخ دا نعم هي لم تكن تقدم نكات فقط كبعض الفرق الحالية لكن كانو بقدموا اسكتشات ومنلوجات و اعمال غنائية
    عموما دي ما نقطة رئيسة في حديثك
    اختلف معك في تقييمك للعمل كهبالة وكنت اود اسالك هل تقييمك ليه بسبب تعليقات السوري السخيـــف أم دا رأيك كمتلقي للعمل بمعزل عن رد فعل الآخرين عليه ؟
    إن كانت الأولى فما ليك حق, الهيلاهوب لما قدموا العمل دا قدموه لينا احنا المتعايشين و قبلانين باللهجة السودانية دي و طريقة النطق المعنية وما بنستعر منها او نسخر
    السوري يغور في ستين هو و رايو لا يلزمنا ولا يلزم الهيلاهوب بتعريفة لا هو ولا كل من يريد ان يسخر منا كسودانيين
    اما إن كان تقييمك للعمل بانو هبالة راجع لذائقتك و مزاجك الشخصي فدا طبعا رايك الذي لايملك احد ان يحجر عليه, فقط كان يمكنك توصيله بطريقة اقل خشونة
    في النهاية الهيلاهوب وغيرها هم سودانيين اجتهدوا ليقدموا لنا ما يرسم البسمةعلى وجوهنا
    إن اخطأوا فلهم اجر الاجتهاد و حقهم علينا تبصيرهم بمحل الخطأ ليجوّدوا ما امكن
                   Subscribe on YouTube |Articles |News |مقالات |اخبار

09-03-2012, 08:44 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد البشرى الخضر)

    الاخ محمد أبو العزائم أبو الريش .. تحياتى
    شكرا على المداخلة الجميلة ولك من الرأى ما شئت .... أولا اعتذر عن كلمة البجم والعجم وان كان قصدت بها أنكم ليسوا من الناطقين بغيرها... أنت تقول ( ولا يعيبه نطق مفردات موجودة فعلا فى السودان ) وأنا اقول لك ولكنها ليست اللهجة الأم المتداولة والمعروفة .... كلمة هيلى أنا هى فى الاصل لو فككتها تعنى ( هى لى ) بمعنى بلدا هى لى .... ويتغير المعنى ان نطقت حيلى أنا ...لا خلاف بأننى من بلد تتعدد فيه اللهجات واللغات وهناك من ينطق الخاء هاء ولكن لماذا نعمل على أن يكون المحصور منشور ....
    مع مودتى
                   Subscribe on YouTube |Articles |News |مقالات |اخبار

09-03-2012, 09:20 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد البشرى الخضر)

    الاخ محمد البشرى .... تحياتى
    فرقة الجو الرطب كانت فى منتصف الثمانينيات ولا غيرها وقد عطرت وقتها الخرطوم وسماواتها بالابداع والفن الهادف ... وكم من فرقة الآن ... والسؤال هل نجحوا فى تبنى قضايا عبر فنهم أم فقط الضحك ومحاكاة القبائل ...
    أما تقييمى للاثنين معا .. أولا للذى سخر منى وثانيا للذى تسبب فى السخرية .... أما بخصوص تقديم العمل نعم تم تقديمه لنا كسودانيين ولكن أرجو أن لا تحجب استهزاء المتلقى الآخر ايا كانت جنسيته لابد من الرد عليه كما فعلوا السودانيين وحاولوا أن يوضحوا له أن بالسودان فن اصيل وهذا ليس فننا ... أكرر ليس فننا ... أعتذر على الخشونة التى ذكرتها .... أطلب منك أن تدخل على اليوتيوب وتكتب ( أضحك على مصرى وعراقى وسودانى ) لترى كيف أيضا استهزء بالفنان سيد خليفة ... أرجو أن لا نستهين بمثل هذه الاشياء ... الدفاع عنها واجب بسبهم ان سبونا هم يريدون أن ينتقصوا منا عندما يجدوا المدخل والثغرة ... واتفق معك علينا أن نبصرهم بمحل الخطأ علهم يسمعون ...
                   Subscribe on YouTube |Articles |News |مقالات |اخبار

09-03-2012, 09:47 PM

دينا خالد

تاريخ التسجيل: 26-06-2006
مجموع المشاركات: 8656
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    يا بهاء سلامات !
    Quote: فسوف يتلقاها الملايين من الناس ويرسخ فى ذهنهم الانطباع

    هو ليس انطباع بل هى حقيقة صارخه ..
    تقف على رجلين ..
    لمصلحة من تريد اخفائها ؟؟

    اذا كنت تعنى بعامة السودانيين اغلبيتهم؟ !
    فالاغلبية فى السودان بتقول بتااو
    النوبة فوق فى شمال السودان لا ينطقون حرف العين
    ولا يستطيعوا ..
    كل الجنوب السابق والدى كان فى عهد الاغنية معانا
    ما بينطقوا حرف العين ولن يستطيعوا !
    كل اهل غرب السودان دارفوريين ونوبه ما بنطقوها برضو
    ولو ارادوا
    ناس الشرق ديل الا يجيك فايز ود القاضى
    مكارييين اى حاجة متوقعه منهم !

    اها السورى بتاعك دا نغشوا عاد ؟؟
    شوف لينا حاجة تانية نرضى بيها .. مناظر لـ نسوانا السمحات
    مثلا .... لوووووب .
                   Subscribe on YouTube |Articles |News |مقالات |اخبار

09-03-2012, 10:28 PM

أحمد محمد عمر

تاريخ التسجيل: 03-03-2010
مجموع المشاركات: 460
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: دينا خالد)

    هذا أجمل أعمال الفرقة على الإطلاق
    استمتعت بأداء طارق الأمين لهذا الدور وخزنته في حاسوبي وكنا نستمع إليه يومياً أنا والمدام ونموت من الضحك

    فكرة العمل هادفة جداً وهي مشكلة عدم المقدرة على الزواج والعراقيل التي تواجه الشباب

    سبب نطق الحروف بهذه الطريقة هو أن العمل مجاراة لأغنيه غرباوية سمعتها لدى فرقة سكة سفر وكلماتها
    أبا قال زوجوني بنية خالي قال فطومة صغيرة
    أبا قال شوفوا حلاتا خالي قال بقراتا تلاتة

    وهكذا ...

    النطق باللهجة المحلية المشابهة للعجمة لا عيب فيه وقد وجد تقبلاً منقطع النظير في أدوار (أبكرينا) ولا أعتقد أن أدوار أبكرينا يمكن أن توصف بأنها غير هادفة

    تقييم إعمالنا بناء على وجهة نظر الأجانب يعتبر إجحافاً في حقنا يصل لدرجة الاستلاب

    هذه الأعمال صممت خصيصاً للسودان لتناقش مشاكل السودان وهموم المواطن السوداني .. على السوري أن يهتم بمشاكله وليس مشاكلنا وأعتقد أن لديه من المشاكل الآن ما يكفيه سنوات وسنوات

    أخيراً أنتهز هذه الفرصة لأهمس في أذن طارق الأمين بأن يرتاد مجال التمثيل الذي أجاده تماماً في هذه الأغنية وموهبته متجلية في كل أعماله وأتمنى ألا يحصر نفسه في الانتاج والإخراج حتى لا يفقدنا طارق الفنان

    (عدل بواسطة أحمد محمد عمر on 09-03-2012, 10:29 PM)

                   Subscribe on YouTube |Articles |News |مقالات |اخبار

10-03-2012, 07:16 AM

محمد الكامل عبد الحليم

تاريخ التسجيل: 04-11-2009
مجموع المشاركات: 1828
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: أحمد محمد عمر)

    تحية.....

    اشاطر ( بهاء الدين)في هواجسه عندما يقدم الفنان او المبدع السوداني عملا ابداعياقد تتسل منه بعض

    العلل سواء من حيث الفكرة او الاخراج او في طرح الافكار باساليب فطيرة .

    المتتبع لاحوال الكوميديا حاليا يلاحظ ضحالة الفكرة وعدم الكياسة في الطرح بل الركون الي الجهوية لاستدرار الضحك دون تبصر بعقابيل هذا النهج ونحن في بيئة حافلة بالاحتقان في كافة الاصعدة..

    الفنان عندما يقدم عملا يجب ان يتوجه به الي الكافة وبالتالي فان الغلو في المحلية قد يكون علي حساب قيم عليا يجب الا تفوت علي فطنة ( طارق ) وغيره من المهمومين باستيلاد صيغ ابداعية في تجلياتها الانسانية نحو الحق والخير والجمال لا لتسويق الضحالة من حيث الافكار والمردودكما نسمع ونشاهد.
                   Subscribe on YouTube |Articles |News |مقالات |اخبار

10-03-2012, 09:41 AM

عمر مصطفى مضوي

تاريخ التسجيل: 04-02-2012
مجموع المشاركات: 206
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد الكامل عبد الحليم)

    الأخ / بهاء سلام ليك ولزوارك الكرام

    أخ بهاء اى منتج في الدنيا سوى كان مادي او معنوي يستهدف شريحة معينة
    من الناس وصناع المنتج الابداعي أكيد الشريحة دي في بالهم وهم بينتجوا العمل
    والعمل مثار النقاش ده اعتقد إنو جماعة الهيلاهوب خصونا بيهو نحن السودانين
    وما كان في بالهم شرائح اخرى زي العرب الجهال بتاعين اليوتيوب وصدقني يا بهاء
    العرب ديل بالذات لينا نحن السودانين لو غنينا المعلقات وعزفناها بعود زرياب برضو
    حايكون عندهم نفس الراي . ياريت نحن نتجه نحو انفسنا اولاً وحول محيطنا الافريقي
    البسمع حاجاتنا أحسن مننا . ياخ والله نحن مابنشبه العرب ولا بشبهونا فحقو ا موضوعوهم
    بتاع العروبة نجليهوا حقيقة .
                   Subscribe on YouTube |Articles |News |مقالات |اخبار

10-03-2012, 10:27 AM

Kabar

تاريخ التسجيل: 26-11-2002
مجموع المشاركات: 11346
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: محمد الكامل عبد الحليم)

    صديقي بهاء..حبابك
    كل سنة و انت طيب..
    ما عرفت انت زعلان من شنو بالضبط: من التلاعب (الذي تعتقد) باللغة العربية ..ولا من نكتة اخونا السوري؟..ولا من تجربة الهيلاهوب كلها؟..
    بالنسبة لتجربة الهيلاهوب.. فقد شهدتها منذ ان انشقت عن الجو الرطب في 1988 ..و قد شكلت وجداني بالكثير المثير للضحك..و مثلما ذكر بعض الأصدقاء اعلاه..جمهور الهلاهوب الأول هو الجمهور السوداني..اما الباقي زيادة خير و بركة.. انت سيد العارفين فن النكتة و الكوميديا اساسا يقوم على المزاج المحلي..و ذلك بناء على المفارقة و الطرفة..و انا من المعجبين جدا بالفنان عادل امام..و لم تقف اللغة حاجزا بيني و بينه.. مع اني ادعى فصاحتي في اللغة العربية عن سيدنا الجميل عادل امام..هذا من ناحية..
    من الناحية الثانية (يمكن نفسيات ساكت) المادة التي تقولها للهيلاهوب..النطق فيها بتاعو..و عندو..و هي واضحة للغاية..و هذا لا يمنع انو السودان زي ما قالت صديقتنا دينا ..نصو عندو مشكلة مع العين و الضاد..
    بالنسبة لموقف اخونا السوري.. فلقد استمعت لهذا العمل مرات عديدة..و منطلقي خلق المفارقة و الطرفة..و الرجل زكي للغاية لأنه اختار بالتحديد فناننا العظيم سيد خليفة..و لو ملاحظ دوره كان الأخير..و كل الجمهور اتناسى النكتة و قعد يردد المامبو سوداني.. يعني سيد خليفة معروف لديهم و يطربون له مثلما نطرب له من غير عقد..

    اها عشان نعوضك.. نستأذنك اضافة مادة واحدة.. المؤدية فيها هي فنانة واحدة.. ادت اغنية واحدة سودانية..و المفارقة انو الفنانة دي من سوريا..و هي الفنانة زينة افيتموس..
    غنت زينة اغنية (اسمر جميل) لعبقري الأغنية السودانية ابراهيم الكاشف..و المرة الأولى كانت الأغنية مشروع تخرج في اكاديمية مزيكا في سوريا..اها كانت بتقول (فين يا اسمر) يعني زي الكاشف بالضبط..و لكنها حينما زارت السودان عرفت حكاية (وين)..و اكتر من كده لبست توب زيها و زي اي سودانية عادية..ده نحن بنفهمو انو التوب السوداني حاجة سمحة و بتعجب.. يعني اضافة للثقافات الأخرى من غير حساسية..





    كبر

    (عدل بواسطة Kabar on 10-03-2012, 10:29 AM)

                   Subscribe on YouTube |Articles |News |مقالات |اخبار

10-03-2012, 10:35 AM

Kabar

تاريخ التسجيل: 26-11-2002
مجموع المشاركات: 11346
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: Kabar)

    هنا بهاء..الفنانة السورية..زينة افيتموس..جات السودان..و ادت نفس الغنية اسمر جميل ..بدل فين.. بقت تقول وين..و نحن ما بنقول احسنت نطق العربية..بقدر ما بنقول انها دخلت المزاج السوداني و عجبها..لدرجة انها لبست توب سوداني..



    اما عمل الهيلاهوب الذي ذكرته..توقفت عنده كثيرا..و لم تعجبني حكاية الأداء العسكري.. لكن من ناحية مفارقة..فلقد نجح الهلاهوب في انجازها..
    الكيوميدا مثلما ذكرت تعتمد كثيرا على الواقع اليومي..و المزاج الثقافي اليومي.. لذلك من الصعب تلقى ليك كوميدية عابرة المحيطات و القارات.. فعلا قد تضحك لعمل كوميدي.. لكن صديقني لو لم يكن هناك موقف أو خلفية مشتركة يصعب التفاعل معها..
    و وفق كل ذلك .. ليس للهيلاهوب اداعاء بانها سادنة اللغة العربية في السودان أو انها تقدم فن تتوسم أن يرضي جمهور عربي..ياخي ديل اخر حاجة يفكروا فيها حكاية الجمهور العربي..دي..
    اما سيد خليفة..ارجو الأ ازعج و ضيوفك..اضيف حاجة طريفة عنو و هي برضك فيديو من اليوتوب..

    كبر
                   Subscribe on YouTube |Articles |News |مقالات |اخبار

10-03-2012, 02:26 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: Kabar)

    سلامات يا دينا خالد ..
    تقولين حقيقة صارخة تقف على رجلين وتشيرين الى القبائل التى لا تنطق الحروف .... طيب أرجو يا دينا أن تفيدينى ليس بعدد الفنانين بل بعدد كل اغنيات الفنانين صغارهم وكبارهم فنان واحد تغنى بحرف العين ألف أو حرف الخاء هاء .... وأرجو أن تركزى معى هنا جيدا ( وردى عندما يغنى خاف من الله على قلبى ) ولو افترضنا أن طارق الامين وفرقته لديهم عمل على سبيل المثال ( خاف من الله على قلبى ) وعلى ذكرك أهلنا النوبة فهل ينطقوها ( هاف من الله على قلبى ) أو كما هى ... يجب علينا يا دينا أن نصدرها ( خاف من الله ) وفى محليتنا ومناطقنا لو سألنا واحد وقلنا ليهو أغنيتك المفضلة لوردى شنو وقال ( هاف من الله ) فلا حرج لأن الآخر تلقائيا يعرف المقصود هذا فيما بيننا يا دينا وليس تسويقا الى الفضاء
                   Subscribe on YouTube |Articles |News |مقالات |اخبار

10-03-2012, 02:47 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    أحمد محمد عمر ... سلامات
    فى رايك أجمل الأعمال وفى رأيي العكس وقد تجد من يشاطرك ويشاطرنى .... الاجحاف فى حقنا يجب الرد عليه .... أما المجاراة التى تتحدث عنها فهى شئ جميل ولكن على ذكر الابيات من الغرب فهذا هو الاصل وليس تحريف ( أبا قال زوجونى بنية أبا قال فطومة حلاتة ) لو اردنا منهم تأدية هذا العمل بالتحديد لماذا مثلا يقولون ( فتومة هلاتة ) نحن لدينا مشكلة فى كيفية تسويق فننا وثقافتنا
                   Subscribe on YouTube |Articles |News |مقالات |اخبار

10-03-2012, 03:01 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    الأخ محمد الكامل ....سلامات
    كان ردك شافيا وكانت قراءتك للموضوع أفضل منى ولا تعليق
                   Subscribe on YouTube |Articles |News |مقالات |اخبار

10-03-2012, 03:17 PM

Sabri Elshareef

تاريخ التسجيل: 30-12-2004
مجموع المشاركات: 20626
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    يا بهاء الدين


    سلام واحترام

    يا عزيزي متين الوهابية وانت منها اصبحت تهتم بالفنون وغيرها


    اضر حاجه لمجتمعنا فكر محمد بن عبد الوهاب الذي تريد جماعة الوهابية واسم الدلع والغش انصار السنة

    ان تلبسنا هذا الملبس الضيق علي عظمة شعبنا ومساحات الحرية التي بداخله



    اغلبية ايه انت تتحدث عنها

    لو كان نقدك للفرقة من ناحية ادبية لكان جميلا


    لكن اللغة العربية يا اخوي انت نفسك تنطقها مكسرة لانها بالرجالة اصبحت اللغة الاولي

    لكن لنا اصحاب اكثر من 200 لغة في السودان واكثر من ثلاثة اديان ويوجد من لا دين له لها




    الوهابية منظارها منظار صحراء نجد وغيرها

    هنا في خدار المعرفة والسماحة تموت زرعها الغير طيب


    تحياتي الطيبة

    خلاص انتهيتو من القبب والشيعة قبلتو علي الفنون


    الهوس الديني عدو الحياة
                   Subscribe on YouTube |Articles |News |مقالات |اخبار

10-03-2012, 03:17 PM

nazar hussien

تاريخ التسجيل: 04-09-2002
مجموع المشاركات: 9816
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    المشكلة فيك انت دا يابهاء...خليني أختها ليك حااااامضة...
    ياخ نحن مالنا ومال السوريين والبوريين والبورنديين والذي منو؟

    الهيلاهوب تخلق النكتة من الواقع السوداني العريض....البنعرفو كلنا
    يعني عايز الفرقة ...تستورد ثقافة (إدلب) لتسلم إنت من الحرج..

    والحرج في شنو زاتو؟

    اسمع المغاربة...والتوانسة والجزائريين...
    اسمع البنية السميحة بتاعة أراب آيدول (منو كده بطمه)
    بتغني بالعربي وتنطقه...أحسن من أبو الأسود ولما تجي
    تعلق...راغب علامة بطلب منها ترجمة علي الشريط
    ومع ذلك لا تتحرج...بل وتعتز بذلك...(وهو زاتو عارف كده)

    وعليه أي محاولة من الفرقة لإرضاء بهاء سليمان أو مخارجته
    من الحرج...يعني أنها تأدلبت...وأحرجتنا نحن عوام أهل السودان.

    يا راجل والله أنا بعتز عزة بي كلامنا وغنانا ونكاتنا وحكمة
    الله أي نكتة في الدنيا دي ما بتضحكني اذا ما كانت محكية
    بالسودانية الانت متحرج منها دي زاتا...

    ( هسي زولك دا لو حكي لي مليون نكتة بي لغة هيك ما يصير
    بتضحكك؟؟ خليني أنا...بالله جاوب بي صراحة...مع العلم اذا
    انت عايش بره السودان أنا لازيك. (معليش لكن دي الحقيقة)
    ولازيك دي بحساب السنين...ما بي أي حاجة عشان ما كمان تفك
    الهيلاهوب وتقبل علي.

                   Subscribe on YouTube |Articles |News |مقالات |اخبار

10-03-2012, 03:26 PM

nazar hussien

تاريخ التسجيل: 04-09-2002
مجموع المشاركات: 9816
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: nazar hussien)

    Quote: يا عزيزي متين الوهابية وانت منها اصبحت تهتم بالفنون وغيرها


    كان كدي (بطمه ما بكون شافها) ...ولا سمع بيها السمع.
                   Subscribe on YouTube |Articles |News |مقالات |اخبار

10-03-2012, 04:05 PM

دينا خالد

تاريخ التسجيل: 26-06-2006
مجموع المشاركات: 8656
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    طيب يا بهاء خلينى اجاوبك بى سؤال
    انت وكتير من السودانيين بتحفظوا كم اغنية
    بالدارجة المصرية ؟

    وكم اغنية يحفظها السودانيين بالدارجة السورية
    او اللبنانية او الخليجية او حتى المغربية ؟؟

    مامتذكر عبد القادر يا (ابوعلب ) شيخ الحللانيييييه
    لوووووب
    والصحيح طبعا
    عبدالقادر يا بو علم ضاق الحال عليّ
    داوي حالي يا بو علم سيدي ارؤف عليّ
    عبدالقادر يا بو علم ضاق الحال عليّ
    داوي حالي يا بو علم سيدي ارؤف عليّ اااه
    والباقى جزائرى صر ..

    بصوت الشاب خالد الجزائرى التى رددها كل العالم العربى ؟

    ياخى الـ (تضى) حافظ اغانى الموريتانيات !!! اها

    طيب . انت عارف عدد الحروف المقلبه فى الدارجى بتاع
    الناس ديل؟؟ لكن نشروهو بى عين قوية لما انت هسه
    شايفو عادى ,, ومألوف وما مخجل !
    اها نحن لانو بنخجل من ثقافتنا وبنتكجم منها ...
    بقت غريبة على اذن العرب لما بقوا يتريقوا عليها
    لانها غريبة عليهم ما قدرنا فرضناها ..
    خليهم بضحكوا كدا فى الاول وتانى وتالت وبجى التذوق !
    انا بتذكر زمان خالتى بتقول لى المسلسل الخليجى دا
    ما بفهم منو حرف .. سنه سنتين كدا بقت ستهم ..







    ــــــــــــــ
    الموضوع دا عادى ما تخجلوا منو ..
    بشاشا جانا ما تغشانا بشاشا جانا ما....الخ
                   Subscribe on YouTube |Articles |News |مقالات |اخبار

10-03-2012, 04:49 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: دينا خالد)

    عمر مصطفى ... سلام
    نعم الهيلا هوب خصونا بيها نحن السودانيين ... لكنها أضرت بنا فى الخارج ... أنا ما زلت متمسك بأنها ليست العامية السودانية ... وكيف لنا يا مصطفى أن نتجه نحو محيطنا الافريقى وقد رفضنا ان نكون أوائل الأفارقة واخترنا طيش العرب ... لماذا نحن السودانيين ننجح فى تسويق الآخرين ولا ننجح فى تسويق أنفسنا... والله لو تعلم كم أضرت بنا مثل هذه المنلوجات فى الخارج لغضبت مثلى وأكثر ...
                   Subscribe on YouTube |Articles |News |مقالات |اخبار

10-03-2012, 05:03 PM

Sabri Elshareef

تاريخ التسجيل: 30-12-2004
مجموع المشاركات: 20626
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    Quote: عمر مصطفى ... سلام
    نعم الهيلا هوب خصونا بيها نحن السودانيين ... لكنها أضرت بنا فى الخارج ... أنا ما زلت متمسك بأنها ليست العامية السودانية ... وكيف لنا يا مصطفى أن نتجه نحو محيطنا الافريقى وقد رفضنا ان نكون أوائل الأفارقة واخترنا طيش العرب ... لماذا نحن السودانيين ننجح فى تسويق الآخرين ولا ننجح فى تسويق أنفسنا... والله لو تعلم كم أضرت بنا مثل هذه المنلوجات فى الخارج لغضبت مثلى وأكثر ...




    الوهابي بهاء سليمان

    لك التحية او اقول السلام عليك ورحمة الله مش دي تحية الاسلام ازيييك بيها وبغيرها





    معقوله ؟؟؟؟ تحزن انت من نكات الهيلاهوووب ؟؟ وهي شوهت لك صورة السودان ؟؟؟

    احسن تسفر عن وجهك وانت وشلة الوهابية الهنا مرة ضد الزواج باشكاله التي نعرفها ومرة ضد الاضرحة وغيرها واهل التقابة والمسايد





    لو كان لك مشاعر للحزن لكان بابها المفتوح شارع افضي بك للدخول عبرها اعطيك نمازج منها؟؟؟


    الابادة لاخوانك واخواتك شعب دارفور قتلا وتشريدا واغتصابا والغالبية للان تسكن في المعسكرات ( هل ليس لك للحزن شباك او باب من هنا )


    الفسااااااااااااااااااااااااااااااااااااااااد من قبل الطغاة الظلمه القتله ؟؟؟




    الجوع والمرض وسوء التعليم


    الحروب في الشرق والغرب وجبال النوبة واقصي الشمال اهل السدود والظلم الواقع علي الانسان



    صورة السودان في الفساد والاستبداد والقمع والنهب الم تراها يا سيدي الوهابي



    جرائم القتل في المساجد وحرق القباب وادخال ثقافة التكفير والشتيمة وحرق ما تبقي من وطن الا تجعلك تفكر ولو لبرهة



    الدعارة والمخدرات وان شيخكم الوهابي قال ان بمركز المايقوما في عهد حكومة الشريعة والاسلام به 30 الف طفل خارج مؤسسة الزواج وهذا اللفظ حقي انا

    هو قال ( لقطاء )


    العنصرية لاهل البلد التي انت الان جزء من مخططها هذه اللغة بعميتها المختلفة حقتنا ونفرح بها
                   Subscribe on YouTube |Articles |News |مقالات |اخبار

10-03-2012, 05:29 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: Sabri Elshareef)

    صبرى الشريف لك منى السلام .... رجاءا ثم رجاءا عدم تغيير مجرى الموضوع ... سآتيك وأرد عليك ... بس خلينا فى الهيلا هوب ... وسأرد على كل ملاحظاتك وتعليقك بجاه النبى
                   Subscribe on YouTube |Articles |News |مقالات |اخبار

10-03-2012, 10:06 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    kabar لك منى السلام
    قرأت ردك جيدا وسبق لى أن استمعت للفنانة السورية زينة أفتيموس فى العملين وقد أجادت الاغنية السودانية ولكنها لم تقل أسمر جميل آجبنى لونو بل قالت عاجبنى لونو .. بمعنى أنها تعرفت على اللهجة السودانية من خلال الاغنية التى وجدتها بجهدها أو ببحثها على الشبكة العنكبوتية ... وأما لبسها الثوب السودانى فكان شيئا لا بد منه حيث أن كل الأمة مجتمعة فى ختام المؤتمر وعلى رأسهم البشير وكعادة وثقافة السوريات وبعض العرب باستتناء دول الخليج والسودان فان ثقافتهم فى اللبس كما هو معروف الفستان فوق الركبة والشعر كاشف كلو والصدر مكشوف ولا دخل لى بهذا ولكن هذا ما أراه ... فكان من الطبيعى أن يكون أقرب زى يجعلها محتشمة هو الثوب السودانى العظيم ...
    أرجو شاكرا قراءة رد الأخ محمد الكامل ابراهيم
    كما أرجو منك أيضا ولو تكرمتى أن تقومى بانزال هذا اليتيوب بموازاة لعنوان السورى الحقير الياس كرم فى شكل خدعة على أن يكون فى شكل ارتباط مع الفيديو الذى تمت فيه الاساءة للراحل المقيم سيد خليفة والشعب السودانى بحيث من يفتح الفيديو بغرض الضحك علينا يجد السورية زينة أفتيموس تغنى بالسودانى وعسى ولعل أن يقع فى عين الياس كرم ليعلم أنه انتقص من حقنا .... ونحن فى حوجة فى هذا الوقت للاعلام المضاد ...
                   Subscribe on YouTube |Articles |News |مقالات |اخبار

10-03-2012, 10:18 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    نصر الدين الشريف ... سلام ...
    أنا لست وهابيا ... أحد أصدقائى بالسعودية هو الذى راسلكم باسمى دون علمى ... ان أردت أن ترانى صوتا وصورة فأرجو أن تكتب على اليوتيوب بهاء الدين سليمان وسوف ترانى .... وبعدها انتظرك لترد على مع شكرى
                   Subscribe on YouTube |Articles |News |مقالات |اخبار

10-03-2012, 10:40 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    الزول الأعز نزار حسين .... تحياتى وكم سعدت بردك الجميل
    أنا أتفق معاك انو لو السورى حكى لى نكتة بلغة هيك ما يصير طبعا ما بتضحكنى لأنو ثقافة النكتة تختلف وترتبط بمكونات وتركيبة الشعوب والنكتة السودانية حاضرة وجميلة لا اختلاف فى ذلك ... انحنا يا نزار لا سائلين فى المغاربة ولا فى كل العرب ... انا والله شغال فى بحث من خلال القرآن الكريم ابتداءا من سورة البقرة والآن وصلت حتى سورة الانعام وأقوم باستخراج مفردات العامية السودانية الموجودة بالقرآن الكريم افتخارا منى بها وسوف أعطيك مثال لاحقا أو فتح بوست فى هذا الخصوص .... ولكن هدفى يا نزار أن نرتقى بالفن ونقدم الجميل بدلا من محاكاة قبيلة بعينها فى شكل أغنية وترسل الى الفضاء بهذا الشكل .... ارجو قراءة رد محمد الكامل مع شكرى ايها العزيز
                   Subscribe on YouTube |Articles |News |مقالات |اخبار

10-03-2012, 10:56 PM

تبارك شيخ الدين جبريل

تاريخ التسجيل: 04-12-2006
مجموع المشاركات: 12860
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    Quote: وكعادة وثقافة السوريات وبعض العرب باستتناء دول الخليج والسودان فان ثقافتهم فى اللبس كما هو معروف الفستان فوق الركبة والشعر كاشف كلو والصدر مكشوف ولا دخل لى بهذا ولكن هذا ما أراه ...


    فهن في كبسولة بسط الامن الشامل .... وهن في النار ... خالدين فيها ابدا ...

    (دول الخليج والسودان عندهم خصوصية الدماء الشرعية العربية الكريمة)




    ... المهم ....
                   Subscribe on YouTube |Articles |News |مقالات |اخبار

10-03-2012, 11:00 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    يادينا ما تتهربى من السؤال أنا ما سألتك من أغنيات الناس ديل وأنا شخصيا ما بحفظ ليهم ولكن أسمع الجميل من أغنياتهم ... لا شك أن هنالك فنانين لهم وزنهم وهم قلة والغالبية طبعا حدث ولا حرج وأنا عارف انو المصرى لو عايز يغنى ( جايى تفتش الماضى ) ح يقول( قايى ) فلنتفق نحن خير من نتحدث العربية من وجهة نظرى ( اللهجة السودانية ) وطبعا كثير من السودانيين يحفظون للفنانين الذين ذكرتيهم ولكنك لم تأتى بالأسباب المؤسفة ... وفى انتظارك أن تعدديها .... طيب هم فى غناعم بينطقوا الجيم قاف والقاف ألف والميم برضو نون ... ما تنسى الجماعة البيقولو ( هنى عم بيئولوا ) ( هم يقولوا )
    يا دينا أدينا فنان واحد سودانى من كل فنانين السودان على مدار تاريخ الفن السودانى عندما يغنى باللهجة السودانية بنطق حرف غير الأصل
                   Subscribe on YouTube |Articles |News |مقالات |اخبار

10-03-2012, 11:09 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    تبارك شيخ الدين ... سلامات
    أما النار فعلمها عند الله ... وأوافقك الرأى فى خصوصيتنا من احتشام وحياء للمرأة السودانية
                   Subscribe on YouTube |Articles |News |مقالات |اخبار

11-03-2012, 04:27 AM

تبارك شيخ الدين جبريل

تاريخ التسجيل: 04-12-2006
مجموع المشاركات: 12860
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    Quote: وأوافقك الرأى فى خصوصيتنا من احتشام وحياء للمرأة السودانية

    توافقني الرأي شنو؟

    انت قايل روحك "الدماء العربية الكريمة"؟

    انت بقيت ما بتعرف السخرية من الجد؟

    (بعدين احتشام المرأة السودانية دا عرب الخليج مابيفهموه ... يعني عندهم ذات الرحط عارية وليست محتشمة!)


    ... المهم ....
                   Subscribe on YouTube |Articles |News |مقالات |اخبار

11-03-2012, 05:44 AM

د.نجاة محمود

تاريخ التسجيل: 22-09-2007
مجموع المشاركات: 16977
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: تبارك شيخ الدين جبريل)

    غايتو انا اكثرفرقة بتعجبني هي فرقة الهلاهوب وبحضر كل الاسكتشات في اليو تيوب

    وبتعجبني شديد خاصة بتاع الراجل الشمشار عبداللطيف وسواق الحافلة وزوجته
    وابكرونا ومحاربة البعوض ود خال العريس االخ الخ
    وكذلك الدبلجات
    ناس موهوبين جدا في امكا نيات شحيحة
    وكل اعمالهم تلامس وجدان الشعب السوداني وتضحكنا الى ان نموت بالضحك وبعداك تجي الفكرة الجميلة الوراء الاسكتش
    ما عايزين السورين يورونا كيف درامتنا يمكن تكون ...

    والكلام دا وجهة نظري كمعجبة وكذلك كدارسة مسرح.

    مع التحية لطارق الامين وفرقته السمحة
                   Subscribe on YouTube |Articles |News |مقالات |اخبار

11-03-2012, 06:01 AM

تبارك شيخ الدين جبريل

تاريخ التسجيل: 04-12-2006
مجموع المشاركات: 12860
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: د.نجاة محمود)

    Quote: ناس موهوبين جدا في امكا نيات شحيحة
    وكل اعمالهم تلامس وجدان الشعب السوداني وتضحكنا الى ان نموت بالضحك وبعداك تجي الفكرة الجميلة الوراء الاسكتش
    ما عايزين السورين يورونا كيف درامتنا يمكن تكون ...

    والكلام دا وجهة نظري كمعجبة وكذلك كدارسة مسرح.

    مع التحية لطارق الامين وفرقته السمحة

    دا الكلام البيتفقوا معاهو يا بهاء الدين سليمان ... ومن متخصصين دراما كمان ... يعني ما كلام اجندات مخفية ومفضوحة ...

    طبعاً تشتيت الكورة من موضوع مقتل عوضية ظاهر جداً جداً ...


    ... المهم .....
                   Subscribe on YouTube |Articles |News |مقالات |اخبار

11-03-2012, 06:16 AM

د.نجاة محمود

تاريخ التسجيل: 22-09-2007
مجموع المشاركات: 16977
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: تبارك شيخ الدين جبريل)

    بعدين عايزة اعرف قصة سنة 1989 شنو؟؟؟


    لسنوات طويلة شديد الناس تحفر بالاظافر في الصخر عشان تكون عندنا دراما حقتنا نحنا مية المية
    نستخدم فيها لهجاتنا المختلفة ونحتفي بيها ونقتل بالسخرية العقد ونكسر التابوهات.
    تجو تأرخو لظهور الفرق بي 1989

    غياتو الاسكتشات دي كنابنعملها في المعهد كجزء من مادة تدريب الممثل
    الكلام دا في بداية الثمانياتومن قبلنا كان بعملوها لما اتبلورت في محطة التلفزيون الاهلية
    الى ان بقت في كثير من الفرق..

    قال منو السوري هاجمنا قال
                   Subscribe on YouTube |Articles |News |مقالات |اخبار

11-03-2012, 06:50 AM

طلحة عبدالله

تاريخ التسجيل: 14-09-2007
مجموع المشاركات: 12043
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: د.نجاة محمود)

    بهاء الدين السلام عليك يا محترم
    ما قريت كل المداخلات على موضوع البوست طبعا عشان كدا الكلام العايز أقولو ليك دا
    يمكن يكون في زول سبقني عليهو لكن برضو ح أقولو ليك .. لكن قبل ما أقولو ليك عايز
    بس أوضح ليك رأيي الشخصي في طارق الأمين وهو أنو زول يستاهل الردم في كل المواضع
    فلا تأخذك به رحمة ولو عايز مساعدة أنا بجيب ليك الحجار بتاعت الردم كمان ..
    لكن دا يا بهاء ما بنفي أنو معظم أعمال الهيلا هوب أعمال هادفة وعندها مشروع ومتعوب
    عليها ولاقت صدي واسع، مع التأكيد أنو العمل موضوع البوست دا ما مع الأعمال الجيدة
    لكن ما عشان سببك الجبتو فوق دا بل لأسباب نقدية وفنية تانية خالص .
    بالنسبة لسخرية السوري فدي ما حاجة جديدة على الزلمات والمصريين وبقية العرب
    وصدقني المسألة ما قاصرة على الأعمال الفنية والدراما وما شابه بل تشمل تقريبا
    كل حاجات ( الزول ) وطبعا ما عارف السبب شنو بالضبط لكن أكاد أجزم أنو دا بسبب
    بساطة الزول السوداني وترفعه عن التوافه والس خ رية من الغير حتى ولو ظلموه وس خروا
    منو ..
    المشكلة في العرب ديل يا بهاء الدين أنو بيوتم من زجاج هش ورخيص والس خ رية من
    حاجاتم ( كلام وسلوك وغيرو) أسهل من شراب موية باردة في عز الحر فهم كما قلت ليك
    كلهم فتوق ورتوق وما عارف والله إلى متي سيضحك أب سنا واحدة على أبى سنون كتيرة؟
    تحياتي يا بلد .

    (عدل بواسطة طلحة عبدالله on 11-03-2012, 06:55 AM)

                   Subscribe on YouTube |Articles |News |مقالات |اخبار

11-03-2012, 07:12 AM

Sabri Elshareef

تاريخ التسجيل: 30-12-2004
مجموع المشاركات: 20626
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: طلحة عبدالله)

    عالميتنا في محليتنا

    ولا يمكن ان نضع اللغة مثلما يريدها اي عربي في الشام او الخليج

    ا
    اللهجات لقوم اللغة العربية ليست هي اللغة الاولي لكنها اصبحت لغالبية اهل البلد وتولدت لهجات اعتز بها


    نطق القاف والغين متشابه

    وننطق مرات القاف ك في كلمة قتله نقولها كتلو والهاء تقلب واو


    ولا نتحدث العربية ومن يقول اننا اقرب هي القرابة التي وضع محمد احمد المهدي الدنقلاوي ان جده النبي ومحمد علي الالباني ايضا جده النبي

    واهل دولة الفونج بعد ان لم يجدوا فرقة في البيت النبوي قيل ان نسبهم يرجع ل بني امية
                   Subscribe on YouTube |Articles |News |مقالات |اخبار

11-03-2012, 01:09 PM

سيف اليزل برعي البدوي

تاريخ التسجيل: 30-04-2009
مجموع المشاركات: 16770
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: Sabri Elshareef)

    قابلت واحد لبناني هنا في بوسطون في مكان عملي,ولما عرف اني سوداني تهلل وجهه فرحا وداعبني قائلا :كل زول بزوجة بتاعو..وطلب مني تبليغ سلامه للاخ طارق الامين,لحظتها علمت قيمة هذا العمل الذي كسر كل الحواجز..التحية لطارق وافرا فرقته الرائعين.
                   Subscribe on YouTube |Articles |News |مقالات |اخبار

11-03-2012, 10:00 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: سيف اليزل برعي البدوي)

    فى احتشام المرأة السودانية لا أعرف السخرية بل هو الجد يا تبارك شيخ الدين
                   Subscribe on YouTube |Articles |News |مقالات |اخبار

11-03-2012, 10:51 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    الدكتورة نجاة ... السلام عليكم ورحمة الله ...
    أنا احترم وجهة نظرك باعجابك لفرقة الهيلا هوب وأنا هنا لم أقل أن فرقة الهيلا هوب فاشلة أو فشلت بل يمكنها أن تتطلع الى الأفضل نحو الفن الهادف ويتركوا تكسير العربى ومحاكاة القبائل .... ثم أنك تتحدثين عن الدراما السورية وبتقولى ما عايزين السوريين يورونا درامتنا كيف ... أولا انت عايزة 100 عام عشان تحصلى أو ترتقى الى مستوى الدراما السورية .... ونحن فى السودان ماذا قدمنا من دراما أو مسلسلات أو أفلام سودانية ... نحن ما زلنا نقدم مسلسلات رديئة فى الاخراج والتأليف والتصوير والصوت والاضاءة والمكياج والمونتاج وووووو الخ .... وعليه فان ما يقدم من عمل سودانى فهو للسودانيين فقط يعنى محلية والناس مستاءة ... نحن الآن نستورد المسلسلات المصرية لأننا لا نملك دراما تقنع الآخرين ... حتى الفاضل سعيد رحمه الله كان محليا بحتا وفى أول عمل خارجى مع صلاح بن البادية فى فيلم مصرى اسمه رحلة عيون كان مصيره الفشل ... يا أختى العزيزة نحن لا نملك مقومات التمثيل الا أفرادا بأعينهم على سبيل المثال لا الحصر جمال حسن سعيد ومحمد نعيم سعد والطيب شعراوى وغيرهم من الاقلية الذين اجادوا الدراما ... لا تفتخرين بفرقة الهيلا هوب فهى ليست عنوان الدراما السودانية .... أنت تتحدثين عن الضحك حتى تموتين .... هل هذا الذى تريدينه فقط تضحكين ثم تجعلى الآخرين يسخرون ( أى زول بزوجة بتاؤا الا أنا ما اندى مره ) ده الفن الهادف الذى تتحدثى عنه ... أفهموها يا عالم يجب عكس الوجه الحسن للسودان لغة وثقافة وفنا وحضارة .... ليته كان عملا هادفا وليس مدعاة للسخرية .... من لا يهمه أمر السودانيين فهو ليس بسودانى .... وفى ما يختص بموضوع العام 89 نعم فكل الفرق بمسمياتها جاءت بعد هذا العام تحت ظل المعاناة وضيق المعيشة وأتحداك ان كنت تذكرين لى عدد 3 فرق فقط للضحك والمسخرة قبل العام 89 وبما انك درستى المسرح فيجب أن تعلمى ماهى رسالة المسرح ورسالة الفن الحقيقية ...ما زال الممثل عندنا يخاطب الكاميرا ولا يجيد مخارج الحروف بالاضافة الى السرعة فى الكلام ... ان فرقة الهيلا هوب لم تكن فرقة أرادت أن تنشر ثقافة السودان بل أرادت وبدون علمها أن تصبح بعض أعمالها مدعاة للسخرية ... أنا أقول يجب أن نتأنى فى اختيار الاعمال ومن ثم تقديمها لأنها ستصل للعالم الذى اصبح قرية ونحن نريد المردود الايجابى لكل ما نقدمه مع معالجة السلبيات .... الآن ماذا استفاد طارق الأمين عندما انتشر هذا العمل وأصبح كله مدعاة للسخرية ... ماذا لو أنه قام بتقديمه زى ماهو معروف عندنا كل زول بزوجتو الا أنا ماعندى مره .... كان شنو ح يحصل ... ح تنقلب الدنيا ... لا طبعا .... بل لم نجد واحدا مثل هذا السورى الحقير أن ينتقص منا ومن سودانيتنا .... أقول كل ما يخص المحلية والقبيلة يجب أن يكون داخلى .... هل يعقل أن نصل الى العالم من خلال القبيلة أم من خلال العامة والشعب ....ولى عودة
                   Subscribe on YouTube |Articles |News |مقالات |اخبار

12-03-2012, 03:05 AM

د.نجاة محمود

تاريخ التسجيل: 22-09-2007
مجموع المشاركات: 16977
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    Quote: .. ثم أنك تتحدثين عن الدراما السورية وبتقولى ما عايزين السوريين يورونا درامتنا كيف ... أولا انت عايزة 100 عام عشان تحصلى أو ترتقى الى مستوى الدراما السورية


    سلامات

    انا قلت ليك درست مسرح موش؟
    معناها درست تأريخ المسرح والفنون في كل العالم عارفة الدراما بدت متين وصلت وين...

    برضو الدراما السورية عايزة 1000 سنة عشان تصل للدراما الامريكية تحديدا..الحوارات المطولة التي تصل اى ثرثرات حركة الكا ميرا
    البطيئة البتسرح مرات اكثر من اللازم الصوت المطرطر..المؤثرات الصوتيىة البتخش مرات في اللقطة البعدها
    وهنات وهناك دا طبعا اللهجة السزرية ذاتها اخير منها حقت بتأو دي


    نجيك كدا لكلامك التقريري حق انه السودانين ما بنفعو ممثلين... القاليك منو؟

    الفن الان امكانيات وشركات بتتحد مع بعض عشان يطلعو فلم او مسلسل ميزانية ضخمة في بلد لسع بتفتكر الغناي والفنان والممثل من قبيلة المطاليق
    اما الفنانة ديك اسكت ساكت..
    فبالله ما تقول نحن لا نملك مقومات التمثيل دا كلام ما عنده اي معنى وحكم جائر لانك ما رصدت حركة التممثيل في البلاد



    Quote: وعليه فان ما يقدم من عمل سودانى فهو للسودانيين فقط يعنى محلية والناس مستاءة ... نحن الآن نستورد المسلسلات المصرية لأننا لا نملك دراما تقنع الآخرين ..


    اصلو حيكوتو خاتين في بالهم السورين والشعوب الاخرى؟ اسع لما ميل قبسوت بيخرج فلم بيكون براعي لناس الواق واق؟

    بعدينالفنون دي ارث عالمي ما في زول بستورد افلام عشان ما عنده افلام التلفزيونات دي مليانة افلام من جميع العالم
    اصحى يا بريش ..


    Quote: وبما انك درستى المسرح فيجب أن تعلمى ماهى رسالة المسرح ورسالة الفن الحقيقية .

    بالجد مبالغة
    اسع انت درست مسرح ما يهو دا قادينا وعايزما نبقى ذي السوريين لانه في زول سوري ما عاجبنو

    اسع اخد كل زول مرة بتأمو الا انا ما عندي مرة
    دا من اهدف ما قدمته الهلاهوب لانه بحارب مشكلة كبيرة جا وهي تعثر الزواج ووضع العراقيل
    وكدا حقق الاسكتش الرسالة حقتو. ورينا ماذا يحدث حينما تضع العراقيل للزواج وبرضو ضحنا وامتعنا ودا الهدف في الدراما
    الا كان ناس الزمن دا بقى عندهم حاجة تانية.. ولو عايز تناقش الموضوع من وجهات النظر المختلفة من خلال نظريات الدراما حاضرين
    نحللو ليك عن طريق النظرية الاشتراكية والنظرية الراسمالية والنظرية الاسلامية.. كلامك دا ذكرني لما كنا في سنة تالتة جابو لينا استاذ من جامعة الخرطوم
    يدرسنا مسرح افريقي اها الزول كسلا وتكاسلا درنا نفس المنهج البدرسوا هناك وبقى مصيع لينا زمنا في شرح حاجات درسناها في اول شهر في المعهد





    Quote: /B].. أنا أقول يجب أن نتأنى فى اختيار الاعمال ومن ثم تقديمها لأنها ستصل للعالم الذى اصبح قرية ونحن نريد المردود الايجابى لكل ما نقدمه مع معالجة السلبيات ..


    اوكي جينا للكلام الموضوعي اها دا حيحصل كيف؟
    هل انت مستعد تدي طارق الامين دا ذي مليون دولار عشان يقدر يعمل ليه حاجات عالمية؟
    طارق بامكانياته الضئيلة النكست تو نوثنق قدر يعمل حاجات للشعب السوداني ويفرحو ويضحكو ويوريه عيوبه

    هل الدولة مستعدة تستثمر في الاعمال الدرامية؟

    المعهد العالي للموسيقى والمسرح بدا سنة 1969 وكان سنويا تنتج مسرحيات لم تصور ولم تحفظ
    صار يتنقل من مكان الى مكان عبر كل الحكومات الديمقراطية والغير ديمقراطية الى ان تم تميعه في جامعة السودان
    وعملو ليهم دراسات عليا بدون مقومات عشان ما يبعثوهم ويخسرو قروش في فنانين ساي
    عشان كدا يا ملك لا حكومة لا شعب بيؤمنوا باهمية الفن.


    اخرجت صديقتي وصال ناصر فلم اسمو موت ضيف لانهمافي استديوهات مجهزة كانت بتصور غلى الطبيعة
    عايزين منظر شروق شمس خلت رضيعتها ومشت حرست الشمس لما بقى الشكل العايزاه وبدات التصوير..
    اها في بلد الناس فيها بتستثمر في الفن وعندهم استديوهات فلم ذي دا بيخرج في كم يوم والناس بتعلم بروفات كثيرة جدا
    عشان الممثل ما يعاين للكميرا ولكن في بلد يدوك 100 جنيةي ويقولو ليك اعمل لينا فلم يبقى يا تعملو ويصب في تراكم الاعمالالفنية
    كما او نوعا ولا يبقو ذيك يقعدو ساي ويخزلو الناس ويشتموهم..

    اشكر كل ا زول فنان بقدم لينا اي عمل يثري وجدانا ويضحكنا ويفرحنا ويفتح عينا لعيوبنا الاجتماعية
    واشد على يد اي زول شغال في الشغل الما جايب تعبو دا واسع بقى جايب ليهم النبيشة كمان عشان في سوري
    سخر مننا..
    وتحية خاصة لطارق الامين ومن معه

    لو سمحت المشكلة شنو انه ناس طارق الامين يبدو سنة 1989 ولا قبلها ولا بعدها ما عارفة انت قاصد شنو
    بس اوعى تكون قاصد الانقاذ هي العملت الفرق دي؟
                   Subscribe on YouTube |Articles |News |مقالات |اخبار

12-03-2012, 02:35 PM

بهاء الدين سليمان

تاريخ التسجيل: 28-11-2004
مجموع المشاركات: 1095
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: د.نجاة محمود)

    Quote: برضو الدراما السورية عايزة 1000 سنة عشان تصل للدراما الامريكية تحديدا..


    الدكتورة نجاة ... خليك فى المحيط العربى ... أول خلى الدراما بتاعتنا يشاهدوها 10 اشخاص من كل دولة عربية ...


    Quote: في بلد لسع بتفتكر الغناي والفنان والممثل من قبيلة المطاليق
    اما الفنانة ديك اسكت ساكت..


    هنا أتفق معك ولكن علينا أن نعمل سويا لتصحيح الفكرة ... وأن الفن رسالة ويمكن أن يؤدى الى تغيير كثير من الأشياء ويمكن أن يكون أداة للتحريض وتفعيل القضايا التى تهم المواطن

    Quote: بعدينالفنون دي ارث عالمي ما في زول بستورد افلام عشان ما عنده افلام التلفزيونات دي مليانة افلام من جميع العالم
    اصحى يا بريش ..



    لا اختلاف هنا الناس بتستورد أفلام لعدة أسباب منها تبادل الثقافات والاستفادة من الفن الهادف كالأفلام التى تؤرخ لعصور متعددة ... لكن انت وين الارث الفنى بتاعك ؟؟؟ المصريين عندهم عشرات الآلاف من الأفلام والمسلسلات .... نحن على مر التاريخ عندنا كم فيلم ( يا هو بركة الشيخ ده )

    Quote: اسع انت درست مسرح ما يهو دا قادينا وعايزما نبقى ذي السوريين لانه في زول سوري ما عاجبنو


    هههههههههههه يادكتورة انا ما عايزكم تبقو زى السوريين لأنو أنحنا كلامناأفضل من السوريين .... أنا أطالب بتقديم الأفضل من الأعمال وتليق بصورتنا كسودانيين

    Quote: هل الدولة مستعدة تستثمر في الاعمال الدرامية؟

    المعهد العالي للموسيقى والمسرح بدا سنة 1969 وكان سنويا تنتج مسرحيات لم تصور ولم تحفظ
    صار يتنقل من مكان الى مكان عبر كل الحكومات الديمقراطية والغير ديمقراطية الى ان تم تميعه في جامعة السودان
    وعملو ليهم دراسات عليا بدون مقومات عشان ما يبعثوهم ويخسرو قروش في فنانين ساي
    عشان كدا يا ملك لا حكومة لا شعب بيؤمنوا باهمية الفن.


    كلامك الحلو ده أمشى قوليهو للسمؤل خلف الله


    Quote: لو سمحت المشكلة شنو انه ناس طارق الامين يبدو سنة 1989 ولا قبلها ولا بعدها ما عارفة انت قاصد شنو
    بس اوعى تكون قاصد الانقاذ هي العملت الفرق دي؟



    انت ما تسألى نفسك وتقولى الكم الهائل من الفرق دى شئ ضحك وشئ منلوج وشئ دبلجة وشئ نكات وهلمجر كانت وين قبل العام 89 ... أو يمكن تكون جات مع البترول السودانى ...

    (عدل بواسطة بهاء الدين سليمان on 12-03-2012, 02:47 PM)

                   Subscribe on YouTube |Articles |News |مقالات |اخبار

11-03-2012, 11:59 PM

HAYDER GASIM

تاريخ التسجيل: 18-01-2005
مجموع المشاركات: 10021
للتواصل معنا
FaceBook
تويتر Twitter
YouTube



Re: الهيلا هوب هبالة والبقية مثلها تماما (Re: بهاء الدين سليمان)

    قلبنة اللغة سبيل لإضحاكنا كسودانيين بحكم العادة
    وفي سياق الإبداع, وهي قلبنة بريئة وغرضها طيب,
    هو الضحك من أعماق الإعتراف بالتعددية. وهو ضحك
    أراه معافى يستطرد في وجدان, من محاميله التريقة
    والسخرية البريئة والهظار الفكه... فلماذا نحيل
    هذه المعطيات من سلالنا الثقافية إلى أدوات تجريم
    أو معابة هكذا؟ وقديما قالوا...ضحكة تفوت ولا حد
    إموت.

    إقليمية اللغة أمر مفروغ منه... وسيظل. فاللسان
    ينعجم وفق البيئة الحاضرة ونطاقها الثقافي ومعطياتها
    الجينية ومؤثراتها الإجتماعية. لهذا ... وإن إخترنا
    اللغة العربية كمثال, فسوف تظل كل ملة على تراثها
    وتاريخها وطريقة إستظهارها ونطقها. شواما كانوا أم
    مصريين أم خليجيين أم سودانيين أم يمنيين أم نواكشطة.
    فليس هناك { مركز } بيرفكت منه ننطلق لمقايسة صحيح
    النطق... ولهذا فليس صحيحا أن يتهكم ذلكم المواطن
    السوري من آخر سوداني ينطق اللغة بطريقة مختلفة.
    فالإختلاف أساسا موجود غض النظر عن دعابة الهيلاهوب.

    تذكرت نكتة قديمة ذات صلة. حيث حضر مواطن جنوبي إلى
    دكان يملكه دنقلاوي عشان إشتري خيط. فقال لصاحب المتجر
    داير كيت, فإحتار الدنقلاوي حيرة كبرى في فهم مراد الجنوبي,
    حتى أشار الأخير بأصبعه لما يريد. فقال له صاحب المتجر
    ده إسمو هيت مش كيت... هههههههه

    أخي كبر ... إنت دايما كبير وجميل ... أعجبتني مداخلاتك
    وهي تروم حميد الصلات وكريم المآثر وعزيز الوصال بين مختلف
    الألسن والأرواح والملل, غض النظر عن جسر العبارة ومخارج
    القنة. فالطبيعة جبل لا يمكن تجاوزه بقراءة عجولة غير صوابة.

    وعلى ذكر الهيلاهوب, فالتحية تصل كريمة مضمخة بأريج الوطن
    الأعفر, لصديقي الشامل طارق اللمين ... فالتحية للرجل وهو
    يسوق الفرح في ساحة تزخها الأحزان. والتحية للرجل وهو يبتضعنا
    أملا رافد ووطنا مقتدر... زي بلدا هيلينا. فمحلك جهر وكن كما
    كنت معطونا في هم عزة ... وصابرا كما يستوجب المسار, ومسرورا
    لأي فوحة أمل ممكن. فضحك الناس وعوج لسانك وطير عيونك وغبش
    هدومك وإتعولق ما كان في ذلكم سبيل لأن ترتسم إبتسامة على وجه
    حضورك ومستمعيك... فأنت تعرف كيف تهمز الناس وتكلكل مشاعرهم.

    وشكرا أخي بهاء ... على البوست, بس هي ما هبالة ... هو فن وهو
    إبداع لا يقتدره إلا مبدعين ... من أمثال طارق اللمين.

    ... يله لي قدام
                   Subscribe on YouTube |Articles |News |مقالات |اخبار

[رد على الموضوع] صفحة 1 من 2:   <<  1 2  >>

تعليقات قراء سودانيزاونلاين دوت كم على هذا الموضوع:

الهيلا هوب هبالة والبقية مثلها تماما فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة bakriabubakr@cox.net
الاخبار اليومية Contact Us اتصل بنا أجتماعيات

© Copyright 2001-02
SudaneseOnline.Com
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de