|
|
|
 Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
لاحقا يمكن ان ندعم الامر ببعض الخرط...
الفرضية الاكثر تداولا في امر الانبوب الجنوبي هو العبور صوب كينيا وموانيها
وفي المسير صوب كينيا هنالك عدة عوامل هي من ستحدد طول الخط ومنطقة انطلاقه اهمها هي محطة التكرير والمصفاء
هل ستكون في المناطق (الشمالية الشرقية) ذات الابار الحية
ام سيتم تششيده في منطقة اخري (في وسط الجنوب) حتي يتم الاستفادة من الاكتشافات المستقبلية...
| |
  
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
Quote: تحديات اخري سيواجهها هذا الخط المقترح عند دخوله الي الاراضي الكينية
-عليه ايجاد حلول لبحيرة توركانا(المنحدرة من شمال الي اواسط كينيا) فاما ان يوازيها الانبوب في جوانبها الغربية
او يخترقها ويصبح جزء من الانبوب داخل المياه |
يا كيكى سلام
انا ما بتاع مساحه لكن شقيت المسافه دى .... لو فى خط ما حيمر بالبحيره لانها فى الشرق نسبيا وفى الغالب سوف يمر من منطقه لاكاشوكيو والمعطله الاساسيه حتكون فى جبال منطقه كتالى وكافانقوريا وحتكون اللفه كبيره شويه حتى يتعدى الخط هذه المنطقه اسوه بمرتفعات بورسودان
والشى التانى يا كيكى محطات الرفع بتكون كتيره وتكلفه التشغيل الشهريه او اليوميه برضو بتكون كبيره
احتمال كبير يكون الخط التانى افضل واقصر (اثيوبيا, جيبوتى)
دودى
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: الشفيع وراق عبد الرحمن)
|
الراجح يا كيكي حسب الاقوال التي رشحت من جوبا
أن كلا الاحتمالين قد تم دراستهما علي الأرض قبل
بدء التفاوض بمدة بإعتبارهما الخطتين ب و ج
وفي حال مر الخط عبر كينيا أو جيبوتي...فالمتاوقة
الجيوهندسية في الاحتمالين حتمت عليهم أن يمر بأثيوبيا
وعليه خت الحتة دي في بالك واستعين بالخرط لتحديد
امكانية إنشاء هذا الخط وما تعترضه من عقبات جيوهندسية
ومناخية وسياسية وسيادية...وتكلفة....وبالجملة تصفية
الحساب الجيوهندسي بين الاطراف الثلاثة وصولا لمعرفة حقوق
كل طرف حسب القوانين والاعراف الدولية في نقل وترحيل وتجارة
النفط والخسارة الثابتة او المحتملة علي المدي الطويل لدولة
الجنوب من واقع دراسة جدوي بترولها وأماكن تواجد الآبار علي الخريطة
وعلي الخبير ان يستعين بكل الدراسات والخرط القوقلية والجغرافية
علي الأطلس الحديث وسماع الشهود بدون حلف اليمين..والاستعانة بأقوال
من شقوا تلك الكراكير من أمثال المهندس دودي وغيرهم
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: jini)
|
Quote: واحد
خواجة طلبوا منه يعمل دراسة جدوى لحل ازدحام
الحج قدم مقترح
بتنظيم الحج مرتين فى السنة!
جنى |
هسي نفس الخواجة زاتو بكون اقترح ليهم خطين
بكون قال ليهم....عشان بتاع جيبوتي لو الصوماليين
والايرانين عملوا حركات...يكون عندكم بتاع كينيا
واللي هو عرضة برضو لي قرون الجواميس والتضاريس
والمطر...(والله نحن مع الطيور الما بتعرف ليها خرطة)
أما موضوع المصافي والترحيل فدا أحسن منو الجواميس
والصوماليين...(دا عايز خط بري اطول من خط الانابيب
مرتين...وعايز دنميت كتير.)
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: nazar hussien)
|
باشمهندس عبدالكريم
تحياتي
عشان الشغلة نفهمها معكم، أضيفوا ليها شوية بهارات وهي أرقام تاريخية، مثلا:
تكلفة البرميل ( إنتاج) كحكومتين( ش/ج/ السودان) تقريبا كم دولار/برميل؟
تكلفة البرميل ( إنتاج) لحكومة جنوب السودان ( بعد الإنفصال، كم دولار/برميل؟
خدمات الخط ( المتنازع عليه ماضيا وحاضرا) (شمال السودان)، كم دولار/برميل؟
ثم نأتي للبدائل:
كم مدة وتكلفة الإنشاء للخط الطويل ( 2000 ك) والقصير (1800 ك )والناتج كم دولار/برميل؟
طبعا الدعم بكل ما يلزم من خرط وجداول سيضع القارئ الكريم في مرحلة تقييم اللعبة!!!!
وفي كل الأحوال نحن نشجع اللعبة الحلوة، ودليل حلاوتها خفض التكلفة لتستفيد دولة جنوب السودان
ومواطنها من تلك العائدات.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: حماد الطاهر عبدالله)
|
Quote: هسي نفس الخواجة زاتو بكون اقترح ليهم خطين
بكون قال ليهم....عشان بتاع جيبوتي لو الصوماليين
والايرانين عملوا حركات...يكون عندكم بتاع كينيا
واللي هو عرضة برضو لي قرون الجواميس والتضاريس
والمطر...(والله نحن مع الطيور الما بتعرف ليها خرطة)
أما موضوع المصافي والترحيل فدا أحسن منو الجواميس
والصوماليين...(دا عايز خط بري اطول من خط الانابيب
مرتين...وعايز دنميت كتير.)
|
الشباب الصومالي فرقهم من الجواميس
الجواميس عندها ضنب
الباقي سيم سيم!
ديل ادبوا يوري موسفينى ادب المدايح!
الجواميسن منخلفكم وتور الجواميس بشير من امامكم
جني
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
حقو كدي وبالخرطة الفووق دي نمسكها من (الكبري)
وبتظهر فيها مربعات البترول في جنوب السودان( جنوب خط الحدود الاصفر)
1 و3 و وبالاضافة الي .+5B+5
بالاضافة الي مناطق حدودية لم تحسم بعد وهي وان لم تحدد منطقة انطلاق الانبوب الا انها بتعطي مشهد من شكل امتدادات الخط الداخلية في الجنوب
لربط مناطق الانتاج قبل انطلاقها للتكرير وبعدها للتصدير سوي كان كينيا او اثيوبيا اي اي خيار اخر
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: الشامي الحبر عبدالوهاب)
|
الاخ كيكى
موضوع جيد يحتاج لنقاش ثر. هناك مسأئل هام تحدد تكاليف الخط ايضا ومنها
نوعية الخامات المنتجه فى جمهورية جنوب السودان وهما خام Nile Blend المتناقص انتاجه وهو خام جيد, وخام Dar المتزايد انتاجه وهو خام اقل
جوده ويحتاج لمعالجه خاصه. كذلك عليك بالحصول على ارقام Recoverable Proven Reserves بعد تقسيم المربعات بين دولتى السودان الشمالى والجنوبى,
والانتاج الفعلى الراهن الان. بالمناسبة لاتتوقف كثيرا عند ابييى, مسألة
ذكر انها " الاقليم الغنى بالنفط" اسطورة اعلاميه كما سبق ان ذكرت سابقا.فى مقاله فى صحيفة The Democrat, December 2010
بعد التحكيم واخراج حقل شارف من المنطقه المتنازع عليها فى الاقليم, هناك
حقل صغير داخل اقليم ابييى المتنازع عليه هو حقل " ضفرة" انتاجه لايتزاوج
اكثر من 3 الاف برميل اليوم.
بجيك صادى لو الله اراد للحديث عن " تؤام النفط السيامى" الذى يريد ساسة البلدين ان يقوموا بعمليه جراحيه لفصلهم عن بعض فهل تنجح هذه العمليه?
تقتلهم معا? ام تقتل واحد منهم?
مع ودى وتقديرى
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
حبابك يا ابو حريرة ومرحب
وتحياتي يا محمد الكامل
Quote: شكرا للاضاءة من المختصين عن موضوع جدير بالتناول...
هل يستطيع الراهن السياسي ان يطوع الامكانيات مهما كانت كلفتها في اتجاه ايجاد بديل للخط الحالي؟
اذا كان هناك اتفاق مسبق بين الحكومتين الكينية ودولة جنوب السودان ماهو مدي صمود هذا الاتفاق مستقبلا ومدي تاثيره علي الفضاء الامني لدولة جنوب السودان.
الاحتقان السائد حاليا بين دولة جنوب السودان واالحكومة السودانية الحالية هل هو بسبب تعارض التوجهات السياسية او لرواسب ذهنية لدي الطرفين او لتاثيرات خارجية ام وسائل ضغط من الطرفين موقوتة بزمانها وظرفها؟
هل يمكن الرهان علي وسائل الضغط الحالية لدي الطرفين والركون اليها للتعامل مع المستقبل المنظور والبعيد لجهة العلاقة بين البلدين اقتصاديا وامنيا واستراتيجيا؟ |
و1-في ظرف وضع بين السودان الشمالي والجنوبي محتقن ورغبة جنوبية من الانفكاك الكامل ورغبة شمالية مترصدة (جانح الي توريم الفشفاش ) او كما قال البشير اخاف ان تذهب الحلول الي المحطات التي تولد تداعيات لاحقة تهزم المشروع الاقتصادي الجنوبي ان ارادو الاعتماد علي النفط فالتكلفة عالية
والحلول الانية المتاحة احلاهم مرا ويحتاج الي اموال طائلة ويضع الدولة الوليدة تحت طائل اتفاقيات قد تدوم لسنين وتجر تبعاتها..
2-الدولة الكينية الحالية يبدو انها مسئولة ومنظمة نوعا ما (ورغم انو افريقيا غير مضمونة ) ولكن ان تحققت المصلحة الاقتصادية الملموسة فاعتقد بان دولة الجنوب يمكن ان تحقق اتفاق مستقر مع كينيا وكونها ستكون الدول المنافذ البحرية لجنوب السودان سيجعل منها دولة في كل الاحوال ذات اهتمام ورعاية من دولة جنوب السودان وعلاقات مستقرة.....
-3-مايجري بين الموتمر الوطني وحكومة دولة الجنوب هي ازمة في ظني متراكمة من مراحل متفاوتة (الحرب- مناوشات نيفاشا+تداعيات الانفصال)
بالاضافة الي التركيبة الاحادية للموتمر الوطني واحتكاره ام ادارة الانفصال والعلاقة مع الجنوب فعشان كده اعتقد بان اي انفراج سياسي في السودان
سيحلحل عدة ازمات مع دولة الجنوب واولها (ازمة النفط) وسيصب الامر لصالح الشعبين بصورة ايجابية بعيدا عن تصفية الحسابات هنا او هناك
وسيقلل الاثر الخارجي الذي يتواجد في هذه الازمات بصورة او باخري
وتحياتي والف شكر علي الحضور
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
| Quote: ولو صبر اهل الجنوب قليلا وفكروا ايضا صوب الامر مع يوغندا |
يا كيكي...
بلاي سيبك من المكنات القديمة دي ...اتفاقية الحريات الاربعة...والتكامل
ونهدي ليكم خرفان وبقر ونحن ابناء النيل...وممكن تركب عجلة من أنذارا
وتجيب عشاك من بلد تاني...
الكلام دا...ممكن يقسم مع عشاء...وسجاير...وقزاز
لكن مع بترول لا...
هسي باقي ليك السودان دا كان ما كان عندو بورتسودان
وقالوا ليه مد انبوبك لي الاسكندرية بمدو؟؟؟
والعكس برضو صحيح....المصريين...يا راجل ما مدو كهربة خزاناالفي أرضنا
لينا...ولو الامر كما انت متفائل لكانت كراكير السودان
الشمالي علي اقل تقدير...مكهربة من سنة اسكت ...ومجاااااان
دحين سيبك من الخيار الوغندي دا وركز لينا علي دراسة الخيارات
التانية....(غايتو انت باصرا ليهم...وكان لاقاك جبل...زاتو ما مشكلة)
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
سلام يا كيكي وسلامات لضيوفك
اعتقد ان الأنبوب الذي يمر لجيبوتي عبر اثيوبيا سيكون اكثر تكلفة رغم قصره (النسبي)
لأنه سيخترق الهضبة الأثيوبية و سيحتاج للكثير من الروافع كما تفضلتم بالرغم من انه عبور
الأنبوب عبر كينيا ايضاً لا يخل من المناطق المرتفعة ولكن اقل كثيراً من الهضبة الأثيوبية،
هذا بالإضافة لتكلفة التشغيل التي ستكون اكبر لأن الضخ الأعلى سيحتاج لمضخات ضخمة جداً ودي
اكيد تكلفتها ما ساهلة وتكلفة تشغيلها وصيانتها الدورية برضو ما هينة، ده بالإضافة لي انه
في حالة مرور الأنبوب بأثيوبيا/جيبوتي دولة جنوب السودان محتاجة لأتفاقيتين مع دولتين بدلاً
عن اتفاقية واحدة في حالة كينيا.
يوغندا زي ماقلت موعودة بي بترول كثير واذا تم التنسيق اكيد الفائدة حاتكون ليوغندا وجنوب
السودان لأنه الخط الذي سيتحمل جنوب السودان تكلفته سيكون قصير جداً حتى مناطق النفط في يوغندا
وبقية الخط حتى ممبسا حا تتقسم تكلفته بين دولة جنوب السودان ويوغندا لكن برضو في النهاية
الدولتين لازم يعملوا اتفاقية مع كينيا لمرور الخط عبر اراضيها ومينائها، ولو في واحد من شفوت
جنوب السودان ديل قدر يقنع اليوغنديين ديل انهم يمدوا الخط اول وبعدين استخراج البترول هين
يكون ما قصر ولو قرنق كان عايش دي ما كانت بتغلبو.
معليش يازول الواحد عارف كلامو ده دراب ساي ومتابعين معاك وانت والأخوة المتخصصين حتى نستفيد.
غايتو جازفت ليك الخريطة التحت دي من قوقل ايرث وهي اوضح شوية من خريطك وعملت فيها الخطين
باللون الأبيض وطبعاً اكيد الخطوط ما بتكون مستقيمة زي دي لكن على الأقل بتدي فكرة معقولة عن
طول الخطين المقترحين وعن الطبيعة الجغرافية للمنطقتين، و الأصفراني ده للمستقبل بتاع يوغندا.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: jini)
|
سلام كيكي
وضيوفه الكرام
Quote: وبتظهر فيها مربعات البترول في جنوب السودان( جنوب خط الحدود الاصفر)
1 و3 و وبالاضافة الي +5B+5 |
المربعات المنتجة:
السودان الجنوبي:
شركة النيل الكبرى
ولها حق الإمتياز في المربعات 1 ، 2 ، 4
وتقع تقريباً في الوسط بين الشرق والغرب للسودان الجنوبي – والإنتاج فيها
في تناقص مستمر وهو الاجود في السودان)
شركة بترودار
ولها حق الأمتياز في المربعات 3 ، 7 ( وتقع في شرق السودان
الجنوبي وترتفع حتى التداخل في الحدود الجنوبية للسودان الشمالي –
والإنتاج فيها كان في إرتفاع ما قبل إرهاصات الإنفصال والخام اقل جودة
وسعراً)
السودان الشمالي:
شركة بتروإنرجي (PETRO-ENERGY) أو CNPCIS
ولها حق الإمتياز في مربع 6 ( ويقع في جنوب دارفور منطقة بليلة –
حيث إرتفع الإنتاج فيه في الفترة الاخيرة إلى 100 ألف برميل )
ملحوظة :
المربعات 5A و5B حيث جزء كبير منها في منطقة مستنقعات
وترتفع تكلفة التنقيب والمسوحات الزلزالية توجد إكتشافات ولكن لم
تصل مرحلة الإنتاج.
وبالعودة للتخصيص في عنوان الموضوع الا وهو الزاوية الجيوهندسية
هناك أيضاً الزوايا أخرى:
السياسية
الجدوى الإقتصادية ( تكلفة الإنشاء – حجم المخزون – تكلفة التشغيل)
إحتياجات الشركات المنتجة والممولة من النفط الخام
الجوانب الأمنية
الإستقرار السياسي في دول المعبر
ولي عودة إن أذن صاحب الأمر
إسماعيل حميم
.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: إسماعيل حميم)
|
وكما عودنا أخونا باشمهندس كيكي في مثل هذه المواضيع. فمتاوقته فعلا أثارت نقاش حي رغم إن ظاهره يبدو إنه يخص جنوب السودان لكنه في الحقيقة يخص كل السودانين.
فمن خبرة طويلة في مجال البترول ومن مناطق مختلفة من العالم ومن ضمنها مدة تقارب السنة والنص في السودان ورغم أن مجال تخصصي في إستخراج النفط Drilling لكن لدي بعض المعلومات عن الموضوع بصورة عامة لتداخل عمليات صناعة البترول الثلاثة من إستكشاف وإستخراج وتصنيع
وكنت أود لو كان العنوان متاوقة جيوسياسية. لأن السياسة تلعب دور أهم بكثير من العامل الطوبغرافي والإقتصادي وهذا يحدث في كل العالم وليس وقفا علي السودان كما حصل عند إنشاء خطوط بحر قزوين والذي تأخر لفترة طويلة بسبب تفادي مرور الخط عبر إيران رغم قلة التكلفة وزمن التشييد ومحاولة تفادي تركيا أيضا وفي ألسكا أيضا ولكن لأسباب بيئية.
بالنسبة لموضوعنا فالسياسة هي اللاعب الرئيسي وليس الجيلوجيا والدليل إن خط كينيا رغم تكلفته العالية والوقت الكبير الممكن ياخدو تشييد الخط لكن بالنسبة لجنوب السودان هو الخيار الأفضل سياسيا لأنه يمر عبر دولة واحدة وهي كينيا وعامل الثقة أكبر في عدم تعرض الخط لمشاكل في المستقبل نسبة للإستقرار السياسي النسبي في كينيا والعلاقة الوجدانية الجيدة بين الشعبين مقارنة بخط أثيوبا جيبوتي فهو تكلفته الأقل وقصر مدة بنائه لكنه يمر عبر دولتين رمالهما السياسية دائمة الحركة وقلة الثقة.
عموما الخيار الافضل هو أن ينصلح الحال بين طرفي السودان وتحل كل المشاكل العالقة كالحدود والحركات المسلحة في الجانبين ويحصل سلام حقيقي ليتم تصدير بترول جنوب السودان عبر بورتسودان وفق إتفاقية عادلة للطرفين.
تشييد خط أنابيب جديد بطول 1800 إلي 2000 كلم حسب الوجهة سيكلف من 7إلي 10 مليار دولار كأقل تكلفة متوقعة مضافا إليها تكلفة إنشاء ميناء الصادر بمدة زمنية لا تقل عن ثلاثة سنوات وقد تصل إلي 5 حسب الظروف السياسة والأمنية بالإضافة للتكلفة الأمنية العالية لتأمين الخط حال مروره عبر كينيا أو أثيوبيا-جيبوتي . وإذا إفترضنا أن متوسط الإنتاج اليومي يمكن أن يصل إلي 400.000 برميل في اليوم بتطوير الحقول الحالية وإضافة حقول جديدة إذن يكون الفاقد السنوي 15 مليار دولار بحساب +/- 100 دولار للبرميل نصيب دولة الجنوب منها 60% تقريبا مضروبة في 3 - 5 سنوات يعني 30 - 40 مليار يخسرها الجنوب في وقت هو أشد الحوجة لكل دولار.
دا بالإضافة أن الشركات المشاركة في بترول الجنوب لها عقود ملزمة مع حكومة الجنوب ووراها دول كبيرة كالصين والهند وماليزيا ممكن تدخل حكومة جنوب في إشكالات قانونية وشروط جزائية كبيرة.
كما ذكرت سابقا الخيار الافضل أن يحكم صوت العقل بين الطرفين ويصلوا لإتفاق ويتم تقييم سعر خط الأنابيب الحالي بواسطة جهة فنية دولية يرضاها الطرفين وكذلك تكلفة تشييد ميناء بشائر و تقوم حكومة جنوب السودان بشراء نصيب في خط الأنابيب وتجهيزات الميناء بنسبة تعادل مايصدره يعني 2/3 القيمة ويصبح شريك .وبكل تأكيد ستكون اقل بكثير من تكلفة إنشاء خط جديد كما بينت أعلاه وبعد كدا تدفع لحكومة السودان تعريفة أرض المرور المتعارف عليها عالميا.
وأخير الجن البتعرفوا من الجن الما بتعرفوا مادام الخط الجديد برضو حيمر بأراضي دولة تانية مافي زول بضمن بكرة ممكن يحصل فيها شنو!
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: أسامة البلال)
|
Quote:
وكما عودنا أخونا باشمهندس كيكي في مثل هذه المواضيع. فمتاوقته فعلا أثارت نقاش حي رغم إن ظاهره يبدو إنه يخص جنوب السودان لكنه في الحقيقة يخص كل السودانين.
فمن خبرة طويلة في مجال البترول ومن مناطق مختلفة من العالم ومن ضمنها مدة تقارب السنة والنص في السودان ورغم أن مجال تخصصي في إستخراج النفط Drilling لكن لدي بعض المعلومات عن الموضوع بصورة عامة لتداخل عمليات صناعة البترول الثلاثة من إستكشاف وإستخراج وتصنيع
وكنت أود لو كان العنوان متاوقة جيوسياسية. لأن السياسة تلعب دور أهم بكثير من العامل الطوبغرافي والإقتصادي وهذا يحدث في كل العالم وليس وقفا علي السودان كما حصل عند إنشاء خطوط بحر قزوين والذي تأخر لفترة طويلة بسبب تفادي مرور الخط عبر إيران رغم قلة التكلفة وزمن التشييد ومحاولة تفادي تركيا أيضا وفي ألسكا أيضا ولكن لأسباب بيئية.
بالنسبة لموضوعنا فالسياسة هي اللاعب الرئيسي وليس الجيلوجيا والدليل إن خط كينيا رغم تكلفته العالية والوقت الكبير الممكن ياخدو تشييد الخط لكن بالنسبة لجنوب السودان هو الخيار الأفضل سياسيا لأنه يمر عبر دولة واحدة وهي كينيا وعامل الثقة أكبر في عدم تعرض الخط لمشاكل في المستقبل نسبة للإستقرار السياسي النسبي في كينيا والعلاقة الوجدانية الجيدة بين الشعبين مقارنة بخط أثيوبا جيبوتي فهو تكلفته الأقل وقصر مدة بنائه لكنه يمر عبر دولتين رمالهما السياسية دائمة الحركة وقلة الثقة.
عموما الخيار الافضل هو أن ينصلح الحال بين طرفي السودان وتحل كل المشاكل العالقة كالحدود والحركات المسلحة في الجانبين ويحصل سلام حقيقي ليتم تصدير بترول جنوب السودان عبر بورتسودان وفق إتفاقية عادلة للطرفين.
تشييد خط أنابيب جديد بطول 1800 إلي 2000 كلم حسب الوجهة سيكلف من 7إلي 10 مليار دولار كأقل تكلفة متوقعة مضافا إليها تكلفة إنشاء ميناء الصادر بمدة زمنية لا تقل عن ثلاثة سنوات وقد تصل إلي 5 حسب الظروف السياسة والأمنية بالإضافة للتكلفة الأمنية العالية لتأمين الخط حال مروره عبر كينيا أو أثيوبيا-جيبوتي . وإذا إفترضنا أن متوسط الإنتاج اليومي يمكن أن يصل إلي 400.000 برميل في اليوم بتطوير الحقول الحالية وإضافة حقول جديدة إذن يكون الفاقد السنوي 15 مليار دولار بحساب +/- 100 دولار للبرميل نصيب دولة الجنوب منها 60% تقريبا مضروبة في 3 - 5 سنوات يعني 30 - 40 مليار يخسرها الجنوب في وقت هو أشد الحوجة لكل دولار.
دا بالإضافة أن الشركات المشاركة في بترول الجنوب لها عقود ملزمة مع حكومة الجنوب ووراها دول كبيرة كالصين والهند وماليزيا ممكن تدخل حكومة جنوب في إشكالات قانونية وشروط جزائية كبيرة.
كما ذكرت سابقا الخيار الافضل أن يحكم صوت العقل بين الطرفين ويصلوا لإتفاق ويتم تقييم سعر خط الأنابيب الحالي بواسطة جهة فنية دولية يرضاها الطرفين وكذلك تكلفة تشييد ميناء بشائر و تقوم حكومة جنوب السودان بشراء نصيب في خط الأنابيب وتجهيزات الميناء بنسبة تعادل مايصدره يعني 2/3 القيمة ويصبح شريك .وبكل تأكيد ستكون اقل بكثير من تكلفة إنشاء خط جديد كما بينت أعلاه وبعد كدا تدفع لحكومة السودان تعريفة أرض المرور المتعارف عليها عالميا.
وأخير الجن البتعرفوا من الجن الما بتعرفوا مادام الخط الجديد برضو حيمر بأراضي دولة تانية مافي زول بضمن بكرة ممكن يحصل فيها شنو! |
ومنكم نستفيد
امك ما تضوق نارك
انتوا وكيكي ثقفتونا تمام ومنتظرين نزار
لا تتاخروا علينا ما نقعد نهرج ونخسر ليكم بوستكم المدوعل دا
طبعا النقطة الجيوسياسية دى انا شديد القناعة بها لا نالعلاقات ا بين الدول الافريقية كل يوم هي فى شان
جني
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: jini)
|
Quote: كما ذكرت سابقا الخيار الافضل أن يحكم صوت العقل بين الطرفين ويصلوا لإتفاق ويتم تقييم سعر خط الأنابيب الحالي بواسطة جهة فنية دولية يرضاها الطرفين وكذلك تكلفة تشييد ميناء بشائر و تقوم حكومة جنوب السودان بشراء نصيب في خط الأنابيب وتجهيزات الميناء بنسبة تعادل مايصدره يعني 2/3 القيمة ويصبح شريك .وبكل تأكيد ستكون اقل بكثير من تكلفة إنشاء خط جديد كما بينت أعلاه وبعد كدا تدفع لحكومة السودان تعريفة أرض المرور المتعارف عليها عالميا.
وأخير الجن البتعرفوا من الجن الما بتعرفوا مادام الخط الجديد برضو حيمر بأراضي دولة تانية مافي زول بضمن بكرة ممكن يحصل فيها شنو! |
الحبيب الباشمهندس كيكي وضيوفه الكرام
المقتبس أعلاه الذي اورده أسامة هو عين العقل وأفضل الخيارات المتاحة ، فلو جلس الجانبان - السودان وجنوب السودان - في مفاوضات مهما كانت طويلة ومضنية يمكنهما في النهاية الوصول إلى حل يرضي الطرفين ويحقق مصلحتهما ...الجانب السياسي يلعب دورا كبيرا في حل هذه المشكلة العويصة.
تحياتي ووافر احترامي
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: jini)
|
يا الصاوي
الخط الاحمر بين دولة الجنوب وكينيا المررت عبرو الخط الافتراضي
لانبوب النفط...يمر عبر حلايب أخري...بين اثيوبيا وكينيا...
واسمه مثلث إليمي...ودولة الجنوب نفسها داخلة في هذا النزاع
للتداخل الشديد بين القبائل في هذه المنطقة...زمان ناسنا ناس المشروع
كانو مصهينين من الموضوع دا..والنميري شخصيا برضو صهين
ويوموا الخط اليمر عبر المثلث دا الحراب بتدور...وقبايل التبوسا حرابهم
ما بتجلي...والمشاكل دي مدورة قبال ما سيلفاكير والبشير يلدوهم
لكن علي خفيف...اما وان يمر خط أنابيب عبر هذه المنطقة ويقرع
البقر والتبوسا والاثيوبيين من حقهم فدا ياهو زاتو الخط الاحمر الاصلا
معمول من زمااااااان
لذلك فالتصدير عبر كينيا لابد أن يمر باثيوبيا أولا ...ليتفادي هذه المنطقة
وبوضوح شديد ليس هنالك امكانية لعبور الانبوب من جنوب السودان
الي كينيا مباشرة ما لم يحل هذا النزاع...المعلق من سنة 1938
دحين هاك نبذة عن مشكلة المثلث دا....الي حين أرجع ليكم
بي باقي المشاكل...الزي دي...وكيكي يتابع لينا مشاكل
الحفر والحتات العايزة دنميت...
http://upload.wikimedia.org/wikipedia/commons...emi_triangle_map.PNG
Ilemi Triangle is an area of disputed land in East Africa.
Arbitrarily defined, it measures between 10,320 and 14,000 square kilometers
(3,985 and 5,405 sq mi). Named after Anuak chief Ilemi Akwon, the territory is claimed
by South Sudan and Kenya and borders Ethiopia. Despite use and raids by tribes
within Ethiopia, the Ethiopian government has never made an official claim
on any of the Ilemi and in fact agreed that the land was all Sudanese
in 1902, 1907, and 1972 treaties. [1] [2] [3]
Kenya now has de facto control of the area. The dispute arose from unclear
wording of a 1914 treaty which attempted to allow for the movements of the Turkana
people—nomadic herders who had traditionally grazed the area. The perceived
economic marginality of the land as well as decades of Sudanese conflicts
are two factors that have delayed the resolution of the dispute.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: أسامة البلال)
|
| Quote: كما ذكرت سابقا الخيار الافضل أن يحكم صوت العقل بين الطرفين ويصلوا لإتفاق ويتم تقييم سعر خط الأنابيب الحالي بواسطة جهة فنية دولية يرضاها الطرفين وكذلك تكلفة تشييد ميناء بشائر و تقوم حكومة جنوب السودان بشراء نصيب في خط الأنابيب وتجهيزات الميناء بنسبة تعادل مايصدره يعني 2/3 القيمة ويصبح شريك .وبكل تأكيد ستكون اقل بكثير من تكلفة إنشاء خط جديد كما بينت أعلاه وبعد كدا تدفع لحكومة السودان تعريفة أرض المرور المتعارف عليها عالميا. |
أولاً تكلفة البنية التحتية لخط الأنابيب والمصافي وميناء التصدير معلوم سلافً وليس في حاجة لجهة فنية دولية لكي ـاخذ مبالغ مالية لتعيد انتاج العجلة
ثانية دول السودان ليس في حاجة لتقييم تكلفة بنيتها التحتية وإنما دولة جنوب السودان هي المحتاجة لهذه "الجهة الفنية" وعليها أن تطلب العون منها متكفلة هي بتكاليف الدراسة كاملة
ثاثاً خط الأنابيب هو ثروة قومية سيادية لنقل بترول السودان إلى ميناء التصدير وليس حصراً على نقل بترول دولة الجنوب وبما أنّ دول الجنوب اعتادت على تعكير الأجواء فمن الغباء والسذاجة رهن عمل الخط بجهة تكن عداء للوطن
رابعاً تقدير تكلفة الإنتاج لا يعني سعر البيع:
إذا أراد السودان أن يبيع اسهماً في البنية التحتية لخطوط البترول فله وحده الحق في طلب السعر الذي يريد وليس أي جهة أخرى
خامساً : باقان أموم أدخل دولة الجنوب الو في جحر ضيّق مخرجه واحد ومفتاحه عند حكومة السودان وحدها وكما قال السيد رئيس الجمهورية " أمّا يدفعوا أو يقلعوا ويصدروا باي طريق أخر" وهذا يعني سنوات طوال من حفر مخرج جديد للجحر
سادساً لتوضيح حجم الورطة التي وقعت فيها دولة جنوب السودان بألاعيب الود باقان المتهوّرة نورد هذا الخبر
Quote: جنوب السودان يطالب وفده بتقديم تنازلات لتسريع إعادة تصدير النفط عبر السودان
15 فبراير 2012 | صحيفة السودان
ا
الخرطوم – د. ب.أ – طالب المجلس التشريعي في جنوب السودان وفد بلاده المشارك في مفاوضات مع الخرطوم في أديس أبابا بتقديم تنازلات لتسريع إعادة تصدير النفط عبر السودان
مؤكداً أن الخطة البديلة في حال خروج عائدات النفط من الموازنة تتمثل في تخفيض مرتبات الموظفين وتعطيل الخدمة المدنية، بجانب تسريح أعداد كبيرة من منسوبي الجيش الشعبي والشرطة
وكشف أندرو اكونغ رئيس كتلة المعارضة بالمجلس في تصريح للمركز السوداني للخدمات الصحافية أمس الأول عن جملة من التداعيات لإيقاف عملية ضخ النفط عبر السودان، مبيناً أن المجلس عاجز عن إجازة الميزانية العامة للدولة لعام 2102 حتى الآن بسبب خروج النفط منها، مشيرا إلى أن المجلس لجأ لخلق “موازنة إسعافية” لإيقاف انهيار اقتصاد جنوب السودان
http://www.sudanforum.net/showthread.php?t=145120
|
وفي الختام زنقة .. زنقة جُحر "ضبة" ..
لا خيار لدولة جنوب السودان في الوقت الحالي وأعني به الثلاث سنوات القادمة من تصدير بترولهم إلا عبر الشمال قاطعاً أرض السودان ومستفيداً من بنيته التحتية
أي كلام غير هذا هو ضرب من الهرج والمرج والعواطف المبنية على آمال غير واقعية ولا محل لها في ضروب الحقيقة والمجاز
اغلاق آبار النفط حماقة ساذجة وغبية وتهوّر لا يمكن أن يصدر إلا من الود باقان ولكن أن تجد في دولة الجنوب من يسمع لهذا المخبول لهو الحمق بعينه والجهل الذي سيودي بدولة الجنوب إلى مشاكل هي في غنى عنها وهي ما زالت تحبو نحو دولة رئيدة وواعية
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Frankly)
|
Quote: وكشف أندرو اكونغ رئيس كتلة المعارضة بالمجلس في تصريح للمركز السوداني للخدمات الصحافية
أمس الأول عن جملة من التداعيات لإيقاف عملية ضخ النفط عبر السودان، مبيناً أن المجلس عاجز عن إجازة الميزانية العامة للدولة لعام 2102 حتى الآن بسبب خروج النفط منها، مشيرا إلى أن المجلس لجأ لخلق “موازنة إسعافية” لإيقاف انهيار اقتصاد جنوب السودان
|
يا فرانكلي...
أندرو كنق دا لو كان من المؤتمر الوطني بمعارضة الجنوب
ما حا يصرح التصريح دا...
دحين خلينا نمشي في الماشين فيها...
التصريحات دي ليست من الكروت التي
يعول عليها في التفاوض...
الناس هنا بتفتش في التضاريس والهضاب ومثلث إيلمي
وميناء جيبوتي...ودرجة صلابةالتربة..والصخور...وما
يحتاج منها الي دنميت والنزاعات القبلية...والتعويضات
وتكلفة الخط البديل وامكانية تنفيذه علي الارض والعقبات
التي تعترضه ان كانت سياسية او اقتصادية او جغرافية
ومستقبل الخط ومسئولية تأمينه وإمكانية ذلك...تجي تقول
لي أندرو كنق قال ليهم...بلاي سريع سريع...خارجونا....
الماهية الجاية مافي!!! ولي منو؟ لي الاس ام اس؟
دي تصريحات من نوع: مافي حتي رسالة واحدة بيهاأتصبر شوية
ما نود ان نصل اليه قاله بعض الحكماء هنا من أمثال اسامة
وغيرهم...ونحن فقط ندعم هذا الخط...
فدولتي الشمال والجنوب السوداني...ما عندهم طريقة ولا سكة
غورة غير يتفقا علي كل شيء...ويعيشا في سلام...بخلاف ذلك
لن يكسبا الا عدم الاستقرار والفرقة والنوح والسهاد...
فالحدود مشتركة والمراعي مشتركة والانهار مشتركة والناس
مشتركة...والوجدان نفسه واااحد...والمصير كذلك...
واي محاولة من دولة لاضعاف الاخري الاتنين بدقوا الدلجة باسرع
مما يتصور حكامهما...والشواهد في ذلك كثيرة...
حاليا الموضوع كله مكابرة في مكابرة لن يجني منها المكابرون
الا جيوشا اممية جديدة ورواتب ولاندكروزرات تندفع من جيوبهم
للعشرين سنة القادمة...والبترول نفسه سيصبح أداة لتسديد هذه
الالتزامات....أما نحن في الشمال...يمين نخلكم البهبهب داك
علا يدفعوك من صبيطو...
الصورة واضحة...ما يعملوا لينا فيها كل واحد عندو بيرق
ولوحات دبلوماسية
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: nazar hussien)
|
يا نزار حسين
الموضوع ما موضوع كروت ولا غطا حلل ولا تصريحات فلان لمركز علان
دي هوامش ساكت
لب الموضوع أن نقل البترول لدولة أخرى عبارة عن تجارة وعرض وطلب
السودان قدّم سعره للخدمات على خطوطه الناقلة للبترول على الجنوب حل واحد إمّا أن يقبل به أو يقبّل محل ما عايز يقبّل
حكاية التضاريس والجغرافيا دي مفورغ منها ولكن من يقنع الديك "باقان"
المضحك في كل هذا أنّ السبب في قفل آبار البترول هو عدم الإعتماد على السودان في نقل البترول لأنّ هذا لا يعني نيل استقلالهم بصورة كاملة
لذلك سيعتمدوا على دول أخرى لكي ينالوا تلك المنقصة ( كسر القُلّة وقال يا الله)
ما علينا
المهم مرّة أخرى
ليس هناك حل ولا خيار مطروح للجنوب في الثلاث سنوات القادمة غير القبول راكعاً ورجليه فوق راسه أن يمرر بتروله عبر أرض السودان
شاء من شاء وأبى من أبى
وبكرة ح نشوف آبار البترول القفلها المغفّل باقان دي ح تتقفل كم أسبوع وبياتو فايدة لو ما قلنا ياتو خسارة
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Frankly)
|
هلا ويا صباحات المتاوقة...
النقاش بصراحة اصبح ذو شجون واي جزئية اتهبشت بالتاكيد حتضيف لعابر هذا المساحة اضافة عن هذا الامر الذي يبدو بانه هوووت وتحدي ينتظر حكومة الجنوب ونتاوق له نحن في الشمال
وكدي خلونا نواصل متاوقة علي خفيف في بعض الملامح المهم والاساسية
1-
التضاريس ومجاري المياه بالاضافة الي الشريط الضيق في الحدود بتظهر بالاشكال اعلاه ونحن نتاوق داخل كينيا
(ويا نزار اثرت نقطة مهمة واساسية في امر المثلث (اليمي) والاشكال الفي المثلث ده انا شخصيا كنت معتقد بانه ما بين السودان وكينيا
ولكن دخول اثيوبيا في الخط... حيجعل نقطة الاختراق للانبوب ده من الجنوب الي كينيا اكثر ضيقا او ح يدخل اثيوبيا في الامر بطريقة او باخري كونها منطقة نزاع (ولعن الله منظمة الوحدة الافريقية في بدايتها فهي من قرر اعتماد الحدود الجغرافية التي ورثها الاستعمار حتي تقلل النزاعات فهاهي النزاعات الان وبعد عقود من الزمان تتفجر بطريقة او باخري)
2- المنطقة الشرقية من جنوب السودان وهي الشريط الممتد من اعالي النيل وشامل جونقلي وبعض من الاطراف الشمالية من شرق الاستوائية هي منطقة (مسطحات) ومراتع رعوية ولكن من المهم ايضا ان نشير بان هذه المنطقة فيها ريكورد هندسي (قناة جونقلي) وهي بالمناسبة ضروري ان تحضر في هذا الموضوع والمصمم الهندسي للخرطة التنموية لجنوب السودان وهو بصمم في الانبوب (اذا افترضنا جدلا بانه سيذهب الي كينيا)
وبطريقة او باخري ستكون هذه القناة عامل من عوامل تحديد المسار بصورة من الصورة...
center>
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Frankly)
|
تحية...
نقف علي طروحات واعية من مهمومين...الدور السياسي هو المحرك الفعلي وبه يتحدد المؤشر سلبا او ايجابا...يستخدم الطرفان حاليا اوراق الضغط اكثر من استشراف المستقبل ومعالجة الشان الاقتصادي بمفهوم مصلحة مشتركة..
دولة الجنوب دولة وليدة يعوزها النظر الثاقب عن حتمية العلاقة مع الدولة السودانية ويحركها الحاضر الشائك ومرارات الماضي ..اما حكومة الخرطوم فيحركها التوجس من تاثير الراهن علي بقاء النظام واستمراره لكنها لا تستطيع الصمود مع تزايد الاحتقان الاقتصادي...
سابقا اتفق الجانبان علي ايلولة النفط للجنوب والانابيب والمشات الاخري للشمال وكل يمارس سلطته حسب اختياره لكن الحال يبدو كما وصفه احد المتداخلين بالطفلين السياميين.. والجراحة الخطرة فيما لو لم يمارس الطرفان العقلانية القائمة علي المصالح المشتركة...
تغيير شكل السلطة في الشمال يوفر الكثير من الحلول...
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
ســـلامات كيكى وضيوفه الكرام
عجبنى ليك المتاوقة بقت " تحكيرة" وذات شجون كثيرة ومتشعبة وجابت ليك فطاحلة فى الموضوع استمتعنا بمداخلاتهم القيّمة .
مع كل الإحترام والتقدير لحكومتنا وتقديراتها الجزافية ... المحيرنى إنو نصيب البلد من البترول يُشاع أنه حوالى 5% من الإنتاج فلو افترضنا البرميل بــ 115 دولار تكون حوالى 5.75 دولار ... كيف تتم المطالبة بــ 35 دولار للبرميل ؟
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
لملمة للمتاوقة
ضروري نتكلم شوية عن منطقة (المسطحات المائية) الواقعة تحديدا في المناطق الشرقية من جنوب السودان ممتدة من الشمال الي الجنوب
والمنطقة دي الاهتمام بيها قديم جدا والخواجات في اطار اطار اهتمامهم بمنابع النيل عملو دراسات واجادو وصفها وتفصيلها كونه منطقة تشكل خميرة عكننة لمياه النيل وتتبخر المياه بكميات كبيرة والموية الجاية من الهضاب وداخلة جنوب السودان عبر بحر الجبل بتبهل في السهلة وتنتشر في مساحات سطحية كبيرة...!!
في ايامات قناة جونقلي كان من المفترض ان تحدث تنمية وتطوير لكل تلك المنطقة ومشاريع كثيرة كانت في انتظار التنفيذ لتنمية تلك المنطقة التي تشكل مراتع ومصائد للاسماك ولكن الحركة الشعبية والجنوبيون في تلك الفترة كان لديهم راي واضح وحاد في قناة جونقلي
مما اوقف العمل فيها.. وفي دراسات ومقترحات لقنوات اخري في تلك المنطقة ماعارف ناس حكومة الجنوب رويتهم ليها شنووو...؟؟
وهي جمعيها في اطار (العمل في حوض النيل)
للعمل في تلك المنطقة مصاعب جمة (لوجستية + فنية) ودايرة شوية ترتيب علي قولة الباكستانين في الخليج
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
تحية للأخ عبدالكريم وللجميع ..
أعتقد أن القضية ليست جغرافيَّة ولا تحتاج كل هذا التنظير البديهي .. بل سياسية بحتة ..
الحركة الشعبية تغامر بحياة أهل الجنوب من أجل تصفية حسابات بعض السياسيين الجنوبيين الذين لا يرون أبعد من أرنبة أنفهم .. شابكين الناس الإستقلال والسيادة وهم أبعد ما يكونوا عن سيادة إرادتهم المسلوبة تماماً بواسطة الأسياد البيض الذين يملون عليهم كل خطوة يخطونها .. يظنون أنفسهم تحرروا وهم فقط إنتقلوا من حضن وطن كبير ليقعوا في براثن سادة شرسين - كانوا يريدون الإحتفاظ بالبترول في باطن الأرض، والآن يملون عليهم هذه المشاكسات للشمال حتي يستمر إبقاء البترول في باطن الأرض مقابل بعض الإغاثات هنا وهناك تبقي البعض علي قيد الحياة إلي حين ..
الجغرافيا والتاريخ بيقولوا أن أفريقيا تنحدر في إتجاه الشمال ، يعني الله خلاَّها متكية نحو الشمال - ودونكم النيل الذي يأبي إلاّ أن يجري شمالاً رغم السدود .. والأنبوب لو عوَّموه ساكت فوق النيل بيصل أوروبا .. لكين هؤلاء الحاقدين يريدون أن ينطحوا رأسهم الفاضي بالصخور والجبال لكي يضروا الشمال وما يضرون إلاّ أنفسهم .. ويروح الجنوبي البسيط تحت الرجلين ..
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Munir)
|
Quote: أعتقد أن القضية ليست جغرافيَّة ولا تحتاج كل هذا التنظير البديهي .. بل سياسية بحتة ..
|
هلا يا منير وياااخ قضية مد انبوب من النقطة (1) الي النقطة (2) وعبر مسافات طويلة وتضاريس لو ما بقت جغرافية ...دي تبقي عوووجة
وعوووجات..
معاك بانو الامر مربوط بجوانب سياسية وغيرها الكثير من الجوانب الاخري حتي يتكامل الموضوع (ومهما كان رايك او موقفك السياسي من الحركة الشعبية ) الا ان هذا التنظير البديهي هو من سيكون سيد الموقف في الارض ان كان حديثنا عن انبوب بديل لانبوب الشمال .
واعتقد بانه عنوان راكوبتنا هذه...!!
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
مرحباً كيكي ..
Quote: هلا يا منير وياااخ قضية مد انبوب من النقطة (1) الي النقطة (2) وعبر مسافات طويلة وتضاريس لو ما بقت جغرافية ...دي تبقي عوووجة
وعوووجات.. |
أوكي .. مد الأنبوب عبر مسافة وتضاريس معينة تعتبر مسألة جغرافية.. ولكني قلت أن القضية زاتها ليست جغرافية .. لأنو زي ما قلنا، مافي مقارنة بين أن تخلي البترول يندلق في سهل منبسط ومنحدر طبيعياً نحو مصبه المحتوم، وبين أن تلوي عنق الطبيعة وتقوم تشيل السائل ضد الطبيعة وضد الجاذبية وعكس الهوا وتطقش بيهو الجبال والبحار عشان خاطر بعض السياسيين مسلوبي الإرادة وهم يوهمون شعبهم أنهم يمارسون السيادة !! ..
إلاّ يكونوا مفكرين يرفعوا السائل ده بنظرية الجاذبية الشعرية .. (اممممم والله فكرة :)) .. I will seriously think of it
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Munir)
|
Quote: أوكي .. مد الأنبوب عبر مسافة وتضاريس معينة تعتبر مسألة جغرافية.. ولكني قلت أن القضية زاتها ليست جغرافية .. لأنو زي ما قلنا، مافي مقارنة بين أن تخلي البترول يندلق في سهل منبسط ومنحدر طبيعياً نحو مصبه المحتوم، وبين أن تلوي عنق الطبيعة وتقوم تشيل السائل ضد الطبيعة وضد الجاذبية وعكس الهوا وتطقش بيهو الجبال والبحار عشان خاطر بعض السياسيين مسلوبي الإرادة وهم يوهمون شعبهم أنهم يمارسون السيادة !! ..
|
يا منير وهلا
في ظني الحكاية في النهاية خيارات امام حكومة الجنوب وحلول يحدودنها حسب احتمالهم وتقديريهم
وتداعياتها وخيار السهول المنبسطة ده سميتو (الخيار ابو كركبة) والاتفاق عليهو ان تم سيحلحل بالتاكيد اكيوشنات كثيرة
وتحياتي
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: أبوبكر بشير الخليفة)
|
شكرا باشمهندس عبد الكريم " كيكي" على فتح هذا الخيط المفيد والعملي وشكرا لأفكارك الجميلة والشكر موصول عبرك لكل المتداخلين وأخص ابن الدفعة الأخ الحبيب أسامة البلال وبحكم التقاطع الوظيفي مع الموضوع المطروح كنت أود أن ألقي بدلوي ولكن أجد وأجد نفسي أتفق مع كثير من الأفكار وخاصة التي طرحها الأخ أسامة وفي الحقيقة المشكلة في اتفاقية نيفاشا نفسها والموقعون عليها تركوا كل الأمور معلقة وعلى سبيل المثال :
البترول بكل تفاصيله
التعاون التجاري
حق التنقل
الطوارئ ومشاكلها
التعليم
وغيرها
على العموم المشكلة تكمن كما علق أحد المتداخلين في المفاوضين أكثر من الموضوع المتفاوض عليه والمتفاوضون في الحقيقة الذين رأيناهم لا ينظرون أكثر مما يأخذونه من Perdieum وسفريات بين الخرطوم وجوبا إلى بقية عواصم العالم ، وللفاتح جبرا موضوع بهذا القبيل يعالج بسخريته المعهودة مشاكل التفاوض في السودان بشقيه وما يشوبها من مصالح شخصية أكثر من السياق الوطني والمصلحي للشعبين ، والحقيقة لا أرى أن هنالك عقلية في الطرفين تفكر بما يفيد شعبها في السودان أو جنوب السودان واللوم على الطرفين على حد سواء وإن كان هنالك لوم خاص للمتفاوضين من السودان بالنبرة المتعالية التي لا أجد لها أي مبرر والتصريحات التي تخرج من هنا وهناك وفي الحقيقة وهذه المفاوضات التي أرها هي حوار طرشان لا يسمن ولا يغني من جوع ولن يشعر بهذه الآلام غير محمد أحمد وملوال أو ربيكا وفاطنة من البسطاء فالكبار ألهتهم الدنيا بكل ما تحمل.
على العموم فرصة جميلة أيضا لمتابعتكم جميعا والتمتع بالخرائط والمعلومات الفنية التي تبثونها فهي ذات قيمة عالية عندي ..
شكرا
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: انور الطيب)
|
Quote: الخلاف حول التسعير يجب ان يخضع الي بيت خبرة متفق عليه بدلا من ان يستخدم اي طرف كروت الضغط التي لديه مقروءا ذلك مع مقتضيات التعايش المشترك كجيران...هجرة االقبائل الرعوية الحتمية الي بحر العرب ومتطلباتها وتعقيداتها فيما لو ظل الاحتقان سائدا...بالاضافة الي معالجات القانون الدولي في مثل هذه الحالات 0(سنعود لاحقا للتنوير بذلك)
|
ياليتك تعود يا محمد وتسهب فالامر مهم واساسي وخاصة فيما يخص القبائل الرعوية في الحدود
وان كان الشريكين يمارسان الان التفاف واضح وصريح علي القانون الدولي والتحكيم خاصة في منطقة ابيي
وفي انتظارك
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: انور الطيب)
|
لود بشير...الذي قال ان البايبلاين أسهل عملية من عمليات تصدير البترول
نقول له ذلك صحيح لو كان الخط كله في دولة واحدة...
ولكن في هذه الحالة التي نتحدث عنها فهذا الخط ربما يمر بدولتين علي
الأقل...وكل دولة
:ًWant to
[ discuss the feasibility, security, and economics of the pipeline project]
كل دولة لها تحدياتها ونظرتها المختلفة عن الاخري بشأن الأمن والجدوي الاقتصادية
للمشروع...لكون كل دولة ستكون ملتزمة امنيا بالمحافظة علي الانبوب محافظة مطلقة
فاذا تعطل الانبوب في محطة دولة ما فهي قطعا ستكون ملزمة تجاه طرفين وليس طرف
واحد...وبالتالي الموضوع لابد أن يتم عبر a tripartite agreement
(بثلاثة أطراف) والمفاوضات حول هذه الاتفاقية معقدة جدا نظرا لاختلاف الاطراف
(من حيث الحيث)...والذي منه...ولكون مثل هذه الاتفاقيات ترتب التزامات
خطيره علي أطرافها بما فيهم دولة الجنوب نفسها...والتي ربما تضطر لو المفاوضين
من الطرفين الآخرين شاطرين أن تبني الانبوب بالكامل من عرق بترولها وربما
تجنب مبالغا لتأمينه ومع ذلك...هل هؤلاء الاطراف الثلاثة سيكونوا بمعزل عن
اطماع ومشاكل العالم الباقي دا...يعني حا يخلوهم يقعدوا في قهوة ويولعوا
كدوساتهم ويتفقوا؟؟؟ وبعدين الجدوي الاقتصادية والكلفة الامنية في كل
بلد من البلدين ديل حا تكون متساوية؟؟؟ فكيف تحسب تعريفة النقل في
اتفاقية واحدة...لأنه من غير العملي ان ينشأ أنبوب في دولتين مختلفتين
باتفاقيتين مختلفتين...لتفادي تنازع القوانين...لازم تكون وااااحدة
او اتفاقيتين منفصلتين يصموهم في واحدة...الفكة ما بتنفع...عشان باكر
ما ينكسر الانبوب بي حربة وكل زول يمرق اتفاقيتو...
والله الكلام دا حا يحلو حلاة يا كيكي
حق العبور والمرور...(ونظرية الجدول والتقنت...كان وسعتو بدخل في
ارضي) وعندي اقل تقدير للتفاوض سيتراوح بين 3 الي 5 سنين حتين
بعد داك احسبو...مدة البناء.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: انور الطيب)
|
Quote: الحقيقة المشكلة في اتفاقية نيفاشا نفسها والموقعون عليها تركوا كل الأمور معلقة وعلى سبيل المثال :
البترول بكل تفاصيله
التعاون التجاري
حق التنقل
الطوارئ ومشاكلها
التعليم
وغيرها
|
هلا وتحياتي يا انور
وحبابك في المتاوقة
واسامة اضاف بالفعل اضافات ثرة ونورنا في جزئية مهمة...
ونيفاشا حصلت فيها (كلفتة) شديدة لقضايا بالتاكيد مهمة واساسية وها نحن الان في مرحلة ظهور الاثار السلبية لهذه الكلفتة المتبادلة
..
وما يجري من مفاوضات وفضها ثم الجلوس مرة اخري لكي تفض هو امر ظل يمثل مسرحا (للعبث) وغلوتية يبدو بانها انبتت سماسرة
لانو الناتج في كل الاحوال كان صفر ومزيدا من الاحتقان لدرجة يمكن ان تصل لاعلان حرب
لفويبدو جليا بان ليس هنالك رغبة متبادلة لحسم كل الملفات وتسويف يدفع الشعب الغلبان فاتورته
فكل الامور بما فيها الاسفار وفوائدها تتم باسمه ويتم سحبها من دمه
وكل الود والتقدير يا انور
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: nazar hussien)
|
Quote: باقي ليك التقنية في الحجارة الطرشاء ديك بتشتغل يا كيكي
ما تجامل الراجل ساكت...(ديك ألاسكا يا حبيب) خطوتين
وتجيهم جغمة تقنية....وهنا الطيارة في حلقا دا بتروح |
هلا يا نزار وحبابك يا بيير المتاوقة
الشغل في المناطق الزي دي ما بالبساطة (البسيطة)
والمداقشة للحجارة الطرشاء دي وتمرير بايب بمواصفات هندسية عليها دايرة دقشة بتاعة مليارات
ونحن بتكلم عن 500 متر فوووق سطح البحر في بعض المناطق التي يتوقع ان يدقشها هذا اللاين اوللطلوع عاليا خفاق القصة دايرة مخممخ وتقينات ولوجستيات وعيييييك بالاضافة طبعا الي الجوانب الاخري وتفاصيل التفاصيل...
وبالتاكيد العمل في السكا ما زي الشغل في جخانينا ديك ...
ولكن الثابت متي وجد التمويل والتقنية والترتيبات المساعدة بصورة جيدة الموضوع يمكن مباصرته تبببببب
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: أبوبكر بشير الخليفة)
|
مشكور يا كيكي
و الواحد ممكن يفش مغستو في الجخانين الفتحتها لينا.
في تقديري ان هنالك عدم تقدير للمسئوليه للمتفاوضين من الجانبين مع تغليب الصراعات الشخصيه
علي المصلحة العامه مع ضحاله في التفكير و ركوب الراس.
بجانب ان كل طرف يتفاوض كما يتفاوض بالإنابه عن شركته الخاصه و ليس دوله
بأي حساب و اي منطقيبحث الجنوب عن خط بديل و هنالك خط قائم؟
و من يضمن ان تكون العلاقة طيبه مع الدوله او الدول التي يمر بها الخط البديل؟
و لماذا يصر كل طرف علي مبلغ محدد يسنده منطق سقيم؟
و لماذا لا يتم وضع عامل الزمن في الحساب؟
و هل من الصعب الإتفاق علي بيت خبره مقتدر في هذا المجال لتقدير المبلغ إستنادا علي كل العوامل ذات الصله؟
يا كيكي اخوك جهلول في امر السياسه و الدهاليز لكن يتخيلي في خلل في قصة توزيع الثروه و الإصول من زمن
المرحومه نيفاشا و زي كأن الناس دي ما كانت واضعه حساب و لو بسيط إنه ممكن يكون في إنفصال.
تعقيد و عقدة الموضوع في نظري هو من تعقيد و عقدة المسأله-دوله كانت جزء من دوله-
يعني قصة الندية في التعامل بين الدول في الحالة دي ما شغال
رسم سيادي برضو ما شغال
السودان يبيع لجنوب السودان الخط برضو ما شغال
حاله خاصه محتاجه لمعالجه خاصه
ياخي انا لو كنت المسئول و عشان إتفادي عكننة خطي و بترولك كان اول حاجه ملكت ليك جنوب السودان جزء
من الخط-كيف ماعارف-بس في النهاية نسب الملكية تكون معروفه
موضوع شراء حصه من قيمة خط الانابيب مهم في الحاله دي لضمان نجاح ما سيأتي بعده
بعد داك الملاك-السودان و الجنوب-يطرحو عطاء الإدارة في مناقصه عالميه لطلب عرض لتكلفة النقل و مصروفات الشركه
يتم عمل فرز مالي و فني للعروض و اختيار شركة الاداره بواسطة الدولتين
اي دوله عاوزه تصدر لها ذلك
بس تدفع كاش او تسويه
و لو في دوله تالته ممكن الخط يخدما تتفضل
بس برضو تدفع للشركه
في النهايه الحساب ولد كل دوله صدرت كم ونصيبها في الخط كم
و تكلفة الاداره معروفه حسب العرض
الشركه تدي اي زول نصيبو
و الجمعية العموميه تجتمع و تراجع
الفرق الوحيد إنو الجنوب حيدفع رسم سيادي برضو
شكرا يا كيكي
الواحد شاعر إنو خرمج بس اتفشي شويه
خوفي الجماعه بتاعين المفاوضات ديل يجونا بي إتفاق بين السودان و جنوب السودان
يسمح للجنوب بإنشاء خطه الخاص عبر الاراضي السودانيه مع دفع رسوم الخدمات و الرسم السيادي!!
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: صلاح مختار)
|
Quote: خوفي الجماعه بتاعين المفاوضات ديل يجونا بي إتفاق بين السودان و جنوب السودان
يسمح للجنوب بإنشاء خطه الخاص عبر الاراضي السودانيه مع دفع رسوم الخدمات و الرسم السيادي |
هههههههههه
وحلوة وملعوبة يا ابو صلاح ووين اراضيك يا هندسة انت ياااخ
والجماعة بتوع المفاوضات ديل اي شي متوقع منهم في ظل الورجغة المدورة مابينهم يوماتي رحيل دي
وزي البروبوسال بتاعك ده بكون ماعندهم مساحة ولا زمن عشان يفكروا فيهو زاااتو فكل الهم انو الوش يتصر ويلمو ليهم في مايكرفون مطرف
ويفتح نيران في الطرف الاخر(التقول فتح النيران ده بدوهم عليهو قروش من قروش البترول الماعارفنها ماشة وووين دي)...
نحن كشعب فضل يا ابو صلاح صرنا مثلنا ومثل ودجاغريو في فاشر (ماعندنا راي ) وقاعدين للفرجة والفصاحة بسس في الفيلم السمج ده
مرة قفلو ومرة فتحو ومرات لاقفلو لا فتحو وغايتو الله في
وتحياتي وشكرا علي الفضفضة ياااخ
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
باشمهندس كيكي وضيوفه الكرام
جينا نتاوق معاكم في حفرة ابونضلاف دي
لا شك ان تكلفة انبوب النفط بأي من الخيارات المتاحة قد يكون مكلفاً قياساً بطبغرافيا المنطقة وطول المسافة ، لكن في تقديري يبقى العامل الحاسم في موضوع تكلفة انشاء الانبوب هو كمية النفط المنتجة فضلاً عن كلفة انتاج البرمين مقارنة مع سعر البرميل في السوق العالمي، وحالياً السعر العلمي للبرميل معقولة ومحفزة لتحمل الكلفة ، علماً بان حكومة السودان تعاقدت لانشاء خط الانبوب الحالي الذي بلغ طوله: 1610 كيلومتر "قبل اضافة الخط الفرعي" وقطره 28 بوصة، وسعته حوالي 5 مليون برميل، وبلغت تكلفة الإنشاء 1.2 مليار دولار، هذه التكلفة التي وصلت الي اكثر من (1.7 مليار دولار بعد الاعمل التكميلية وفقا لبعض التقديرات ) كان سعر النفط في العام 1999 عام بداية انشاء الخط هو 21 دولار للبرميل وتصاعد ليصل اعلى سعر 28 دولار للبرميل في العام 2000 م وشاركت في تحمل عبأ الانشاء والتمويل الشركات المكونة للكنسرتيوم . علما ان بعض التقديرات (غير مؤكدة ) وقتها تشير الي تكلفة انتاج البرميل في حقول هجليج ربما تصل الي 13 دولار،، انتاج الجنوب حوالي 360 الف (يوليو 2011 م )
الاخ اسامة البلال رغم مساهمته الثرة كمتخصص في انتاجيات النفط لكن ربما في تقديري ان التقدير الذي وضعة لتكلفة انشاء الانبوب (7الي 10 مليار) عالية شوية مقارنة بتكلفة الخط الحالي .
عليه يمكن قراءة جدوى خط الانبوب المقترح على ضوء سعر النفط اليوم (بالتقريب 101 دولار لخام برنت) حتى لو وضعنا نسبة توقع لهبوط اسعاره الي 20% فأن سعر النفط مجزياً للمنتجين (وفقا لتصريحات وزير النفط السعودي "النعيمي" في مطلع نوفمبر الماضي بان سعر 80 دولار يعد سعرا عادلا للمنتجيين.وبالتالي ا اجد نفسي ارجح فرضية مضي حكومة الجنوب في انشاء الخط وغالباً ما تجد مموليين مهما بلغت التكلفة لان انشاء الخط مجدي لاسيما ان السعر العالمي لن يهبط كثيرا في ظل مؤشرات النمو القوية للمارد الصيني والهند رغم تباطوء النمو في اوروبا نسبة لازمة الديون في اليونان ، البرتغال ، ايرلندا واسبانيا لحد ما.
Price Change Trades Volume
16:16 - $ 101.93 0.13 0.13% 138,467 251,387
Range Open 52 Wk Range 1 Year Forecast
100.61 - 102.54 100.90 75.92 - 114.18 $117 / Barrel
** الارقام نقلاً عن عدة مواقع معنية بشأن النفط منها( البنك الدولي و اويل برايز دوت كوم ) صحف سودانية اعداد للعام 1999 و2000 م
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: hafiz Issue)
|
Quote: ا اجد نفسي ارجح فرضية مضي حكومة الجنوب في انشاء الخط وغالباً ما تجد مموليين مهما بلغت التكلفة لان انشاء الخط مجدي لاسيما ان السعر العالمي لن يهبط كثيرا في ظل مؤشرات النمو القوية للمارد الصيني والهند رغم تباطوء النمو في اوروبا نسبة لازمة الديون في اليونان ، البرتغال ، ايرلندا واسبانيا لحد ما.
|
تحياتي يا حافظ
وحبابك يا ايشو
وشكرا علي الاضافة والسياحة في متطلبات حفرة ابو نضلاف
وحديثك عن التكلفة يجعل من الامر ممكنا ونتمني ان يوفق اهل الجنوب في ايجاد حلول مريحة وملهمة في هذا الامر (التمويل) بالتحديد وعالم اليوم الاستثماري ان وجد الفرصة الناحجة وتوفرت لها الاسباب الاخري التي تجعلها اكثر تامينا لا يتواني في الدخول في شراكة مربحة
وكل الود
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
| Quote: اي نظرة يا فرانكلي لهذا الامر في مظلة (الكركبة الانية) والاحتقان الما بين الموتمر الوطني والحركة الشعبية ما بتقدم حلول موضوعية وبتكون عنتريات وجوطة خصما علي مستقبل وحاضر الدولتين ونحن في السودان الموتمر الوطني ده ليس خالد وبكرة دي ممكن يمشي وتبقي الارض وموارد السودان المحتاجة الي الاستفادة منها وتطويعها اقليميا ومحليا من اجل انسان السودان فعشان كده زاوية فشفاشي وفشفاشك ولغة عمر البشير الانية دي واللغة المضادة من الحركة الشعبية هي لغة بتشوش وبتغبش الحلول المنطقية |
مرحباً عبد الكريم
ما نحن عشان النظرة الموضوعية دي بنقول الجنوب وقع في ورطة جرّاء أفاعيل الود باقان الكيدية
يعني الحكاية كلها ما بتستاهل من تاحية موضوعية كل الهرج والمرج دا
ودا كله كوم وقفل آبار البترول قبل إدارك ما هو البديل كوم أخر
الموضوع عند باقان هو مكايدة سياسية وخلق معضلة اقتصادية تهز أركان السودان
لكن بلد بهذه النخبة التكنوقراطية (الكيزان) صمد أمام أسياده الأمريكان فهل سيخر أمام حوار لا يملك قراره؟
بنظرة سريعة شوف امتصاص العملية الرعناء الجنوبية كان كيف
بيع كميات مهولة من الذهب رفعت من قيمة الجنيه 23% من قيمته أمام الدولار (طبعاً الجنوب كان يمني النفس بالعكس)
العقودات والوفود الاستثمارية التي تتعاقب على مدار الساعة على السودان (جنوب إفريقيا والصين وماليزيا والإمارات وقطر -قطر هذه لوحدها قطرها صفارته بتصل جوبا 2 مليار دولار مرّة واحدة) وعييييك
شوف يا عبد الكريم مهما كان الناس مختلفين مع/حول المؤتمر الوطني لكنّه في هذه اللحظات لا يمثّل المؤتمر الوطني بل يدافع عن ثروات أمّة
يعني حتى لو جات المعارضة لن يكون هناك تنازلات لصالح الجنوب وضد صالح السودان وإلا سيحاكموا كما حوكمت تيموشينكو
هسّع دي العنتريات هي من جانب الجنوب فقط والورطة كبيرة وكل يوم تشرق فيه الشمس والآبار مغلقة تضيق الورطة ويحتبس النفس وتداعيات هذا الأمر ليس عند الكهان والعرافين
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: ناصر فراج)
|
عودة للبوست الرائع
من خلال توضيح المهندسين والاخصائيين في البوست، يتضح مدى الورطة التي تورطتها جوبا
والسؤال هو: الم تكن جوبا تعلم هذه التعقيدات، وفي البال احدى تسريبات ويكيليكس المؤرخة بتاريخ 2008 والتي تؤكد ان هناك شركات امريكية اعدت دراسة تفصيلية لهذا الانبوب؟
الخرطوم وللجولة الثالثة تصر على نفس الاسعار التي تراها معقولة، وواضح انهم متأكدين من انعدام خيارات جوبا
واضح ان اكتمال الانبوب يحتاج الى سنتين على الاقل ده اذا كنا في قمة التفاؤل
اذا حتما سيصل الجميع لاتفاق، لانه لايمكن ان يصبر أحد على انتظار هذه الفترة ( و أحد هذه تشمل الكثيرين)
نفرض تم الوصول لاتفاق، (رضخت جوبا لتغطية السنتين)
الا يعد ذلك خسارة للخرطوم
الاتفاق يجب ان يتضمن فترة زمنية طويلة (10-20 سنة)، وان يلغى بمجرد "الشروع في بناء انبوب آخر"
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: محمد الأمين موسى)
|
| Quote: سؤال لأهل الاختصاص: ما المشاكل التقنية التي يمكن أن تواجه الآبار والأنبوب من جراء إيقاف إنتاج البترول وضخه؟ |
هلايامحمد الامين
ونتمني ان ياتي احد اهل الاختصاص من مهندسي كيمياء البترول ويدينا الفيها النصيب من التنوير..
واعتقد بان في الامر علاقة بكيمياء المنتخ وخصائصه الكيمائية بالاضافة الي تجهيزات اخري مربوطة بحال المنتج وهو في الانبوب وهو ساكن
ونجلس القرفصاء عشما في النجيضة
وتحياتي
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: الشفيع وراق عبد الرحمن)
|
| Quote: والسؤال هو: الم تكن جوبا تعلم هذه التعقيدات، |
هلا يا الشفيع
وخلينا نفك اللعب شوية وننضم جيو سياسة
قبل هذا السؤال فهناك سؤال اساسي ومحوري واستراتيجي
السؤال هو.. الم يكن الموتمر الوطني يعلم بمثل هذه التعقيدات والتداعيات في البترول السوداني عندما قررت حفر اباره وتركيب بايبات هبطرش..
الم تكن تعلم بذلك عند توقيع نيفاشا
الم تكن تعلم بذلك عند تنفيذ نيفاشا
ماهي بدائل الموتمر الوطني لخروج البترول من الحزمة الاقتصادية وهي الاعلي صيتا وتاثيرا كما ظهر لاحقا..
اين هي الاستراتجية التنموية واين هو التامين الاستراتجي لحال البلاد والعباد..
ماذا كانت تفعل الجيوش المفاوضة في نيفاشا
ولماذا تدحرج المالك الي سارق...!!!
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: ناصر فراج)
|
أستاذنا العزيز
أبوبكر ابو القاسم
التحايا والإحترام
| Quote: المحيرنى إنو نصيب البلد من البترول يُشاع أنه حوالى 5% |
نصيب الدولة يخضع لشكل الإتفاق بين الحكومة و (الـ Consortium أو الشركة)
أصحاب حق امتياز التنقيب ونسبة الحكومة المئوية ليست ثابته تغيرت بقوة عود
وزارة الطاقة في صناعة النفط.
نأخذ شركة النيل الكبرى مثال للتوضيح
حيث يتكون إتحاد مجموعة الشركات (Consortium) من
1- (China National Petroleum Corporation (CNPC
2- Malaysia’s Petronas
3- Sudan’s Sudapet
4- (India’s Oil and National Gas Corporation (ONGC
ملحوظة:
* شركة (ONGC) الهندية هي الشركة التي استبدلت شركة (Talisman) الكندية
في الإتحاد بشراء نصيبها.
* سودابت (Sudapet) تمثل الذراع التجارية لوزارة الطاقة ولها نسبة 5% في
اتحاد الشركات غير مدفوعة القيمة حسب الإتفاق.
التكلفة الاولى لإستخراج البترول يتم دفعها بواسطة إتحاد الشركات (عدا سودابت)
ومع باكورة الإنتاج يبدأ نصيب الإتحاد بـ 80% من الإنتاج ( توزع للشركات كل حسب
نسبته في الإتحاد بما فيهم سودابت) و20% للحكومة.
حيث تستمر نسبة لحكومة في الإزدياد حتى دفع قيمة إستخراج البترول لتصل حد الثبات
في 80% للحكومة و20% للإتحاد وتستمر حتى نهاية الفترة المحددة لحق الامتياز.
نسب الحكومة (سودابت) في الشركات المنتجة:
بترودار 8%
بتروإنرجي 5%
النيل الكبرى 5%
يا هندسة متابعين
وبنعود إذا أذن الكريم
إسماعيل حميم
.
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: إسماعيل حميم)
|
Quote: شوف يا عبد الكريم مهما كان الناس مختلفين مع/حول المؤتمر الوطني لكنّه في هذه اللحظات لا يمثّل المؤتمر الوطني بل يدافع عن ثروات أمّة
يعني حتى لو جات المعارضة لن يكون هناك تنازلات لصالح الجنوب وضد صالح السودان وإلا سيحاكموا كما حوكمت تيموشينكو
|
تحياتي يا فرانكلي ومرحب..
يا فرانكي لو جينا للمحاسبة والكلام الجد جد
فالموتمر الوطني هو اول من يجب ان يحاكم ويحاسب ...
1- البترول والاهمال الاستراتيجي في التعامل معه لدرجة اخرجته نهائي كمورد اقتصادي لو وجد ادارة استراتيجية مسخرة من اجل الوطن والمواطن في كل اطراف السودان لما كنا الان في مثل هذه المعضلة..
2- نيفاشا...وفترة ما قبل الانفصال تم التعامل فيها بسبهللية و(رزق اليوم باليوم) واتي امر النفط وتداعياته الاقتصادية وكان وبالا علي المواطن في السودان الشمالي وضائقة معيشية مزمنة والموتمر الوطني لم يكن مستعد او علي استعداد لتجهيز بدائل اقتصادية وكل الامر يسير بهبتلي فظيع
3- ادارة ملف النفط مع الحركة الشعبية جانح الي ارضاء الرغبات الذاتية من الجنوب والانتقام..
والموتمر الوطني اجمالا يا فرانكلي ليس بموتمن علي السيادة السودانية كونه يديرها بفهم ووعي احادي والسيادة ليس في بترول الجنوب وتداعياته فهنالك ملفات عديدة اظهرت فيه هذه السلطة بانها لا تلفت الا لما يهمها هي بعيدة عن البعد القومي الذي يجمع كل اهل السودان...
-------------
نحن الان الجنوب بالنسبة لنا دولة اجنبية ولا يهمنا ان كان في الحكم باقان او فاولينو ماتيب
ولكن في السودان حتي ان يكون لنا فهم مشترك ومتفق عليه في ماهية السيادة الوطنية من الضروري تفكيك القبضة الاحادية وايجاد بدائل ديمقراطية تستوعب كل القوي السودانية بما فيها الموتمر الوطني بعد محاسبته طبعا حساب منكر ونكير
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
Quote: يا فرانكي لو جينا للمحاسبة والكلام الجد جد
فالموتمر الوطني هو اول من يجب ان يحاكم ويحاسب ... |
يا هلا عبد الكريم
طبعاً ما رديت لي على تصرّف المعارضة لو كانت هي الممسك بحبائل التفاوض مع "دولة الجنوب المستقلة"
ما مشكلة
الحساب الجد جد دا مبني على أي مرتكزات وأي قوائم؟
حساب ما قبل أو ما بعد انفصال الجنوب لو قلت ما قبل
فالحكاية "جايطة" وممكن جداً نتكلّم عن أيهما خلق أولاً البيض أم الدجاجة
لأن الموضوع شائك وأكثر تعقيداً من التبسيط الذي أوردت في نقاطك الثلاث
وعن المسؤولية في تداعيات الانفصال والقضايا العالقة مع الجنوب لن يسلم أحد منها لا حكومة لا معارضة
فالسلبية التي تعاملت بها المعارضة مع قضاياي مصيرية مثل تحالفات استراتيجية انتخابات استفتاء تقرير المصير كلها ادناس وأوساخ في صفحات تاريخ قوى المعارضة إلى يوم الدين
لعنة الله على المكايدات السياسية الغبية حين تكون على حساب مصير شعب ومكتسبات أمّة
فدحين خلّي كلامنا يكون محصوراً في اللحظة والساعة
أنا مع أن يحقق المؤتمر الوطني وحكومة القاعدة العريضة التي تشمل حزب الاتحادي الديموقراطي بثقله الجماهيري وحزب الأمّة القومي بتمثيله الشخصي أن يحقق مصالح السودان في مفاوضاته مع دولة أجنبية
حكاية أنّي أشيل أصبعي وأفقأ به عيني نكاية في "الكيزان" دي حماقة وجهالة يجب عليّ كما يجب على كل مثقف أن يتجنّب فعلها
فالمؤتمر الوطني لن يخلد في الأرض والبشير لن يستمر حاكماً مدى الدهر والساحة السياسية مع ما بها من خمول عملي وتبلّد فكري فهي ما زالت ولادة وخلاقة ورب غد خير من يومنا هذا
في قضايا يا عبد الكريم ما بتحتاج التأخير ولا الإبتزاز بها لنيل مكاسب أخرى
فحكاية ربط المصالح السودانية بحل مشاكل السودان الداخلية هذه متاهة لن تخدم السودان ولا أهل السودان وهي تعد في عداد المهاترات والسجالات الساذجة التي تتغافل عن المعضلات الجسام وطرق حلحلتها لمناقشة حال "الكيكة" وكيف تقسّم أنصاص أم أثلاث أم أرباع ومن يأكل الخوخة التي تزيّنها
فخلونا من حكاية تفكيك واسقاط دي أهو أنت شايف مر عام كامل من الربيع العربي ولم يخرج ةفي السودان أحد كما قال الأستاذ "نقد" شفاه ىالله "حضرنا ولم نجدكم"
خلونا مرّة واحدة فقط نتحد في تحقيق رغبات وحقوق ومصالح الشعب السوداني غض النظر من بيده صفارة الحكم ومن عنده الكرة!!!
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: ناصر فراج)
|
Quote: من خلال حديثة استلهمت الاتى ان على دولة الجنوب ان تسعى لاستقرار المنطقة وان تصبر على جارتها دولة شمال السودان حتى تستفيد وتوسئس الى استثمار نفطى يفيدها ويفيد مواطنيها.
ومتابع لكل ارئكم ومنكم جميعا نستفيد
|
تحياتي يا ناصر والف مرحب
وعبرك نحي الاخ السوداني ونشكره علي المساهمة في النقاش..
وبالتاكيد الاقليم كلو بما فيهو السودان الشمالي والجنوبي وكل دول الجوار لكي مطالبة بان تصنع واقع ومظلة استقرارية امنة حتي ينمو الاستثمار
وخاصة انها منطقة واعدة بالخيرات الكبيرة والحلول ليس فنية وتقنية وانبوب فهنالك الكثير من الاشياء المساعدة والمهمة وهي تاتي دوما تحت مظلة الديمقراطية والعدالة في توزيع الثروة والسلطة والعمل علي حلحلة تناقضات المجتمعات التي ظلت بدائية ومتخلفة بوعي ومنهج وصبر حتي تذوب بؤر الخلافات والحروب بكل انواعها قبلية واهلية وسياسية
وكل الود
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Mohamed Suleiman)
|
Quote: ألا تلاحظ أنه ليس هنا و لا جنوبي واحد تداخل هنا .. و هم (الجنوبيون) أصحاب الشي زاتو؟؟!!
ألم يخطر ببال الجميع هنا ... أن قرار الجنوب قد يكون نهائيا ... و علي الشمال أن يفكر في كل خططه البديلة .. ب ج د .. ي ؟؟!!
ألم يخطر ببال أحدكم هو أن طبيعة تناول قضايا السودان بهذه الصورة الإستعلائية الأنانية ... هي لب المشكلة من الأساس؟؟!!!
من كل ما سبق من هذه المداخلات .. يتضح أنه ليس للسودان الشمالي أي فرصة لأي خطة بديلة .... في القريب العاجل .... أي هناك خطة واحدة فقط .. (أ) ... هو الإعتماد علي سرقة بترول الجنوب و الغرب .
لا فرق بين عقلية البشير .. و عقلية نخب الشمال ... يمين و يسار .. |
هلا يا محمد وحبابك يا هندسة
1- نعم لاحظت عدم حضور اخ من جنوب السودان النقاش في هذا البوست ولكن في مدارات اخري كالفيس بووك وعبر الهاتف هنالك بعض الاخوة والاخوات من ابناء الجنوب من اهتم بهذا البوست وابدا رايه بكل اريحية وبعضا من الذين يرتبطون ارتباط وثيق الصلة بالجنوب من وعد بكتابات قد تضيف شي ذو فائدة كون زاوية انطلاقه زاوية مختصة ومهنية
2- بالتاكيد لو اتي جنوبي فان وقبل ان يتصدي لنقاش اتي تحت مظلة الوصايا سيجد ان الرد المناسب قد تم رده لاي حديث ورد في هذا البوست (كونه مسئوليتي ككاتبه)
3- الجنوبيون بالتاكيد احرار ولهم كامل الحرية في قرارتهم وبترولهم ده ان شاء الله يشربو مريسة فده خياراهم وحقهم السيادي الذي تمنينا لهم التمتع بخيراته وايجاد الحلول الايجابية التي تصنع تنمية لانسان الجنوب الذي عاني طويلا من الظلم والقهر والتهميش..
4- بوستك متابعتو يامحمد وعارف انو وليد هذا البوست... وده حقك ودي رويتك فقد اتحمس للنقاش فيه ان وردت فيهو مناقشة لاطروحة او راي كتبته
ولكن تقييم البوست استنادا علي مداخلات الاخريين فلقد وجدت نفسي غير معني بهذا التقييم (وما داير البس لي طاقية كركبة من طرف ساكت واتلقي حجج)
وتحياتي وسنتابع هنا وهناك
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
الموضوع ليس ما تريد
حكومة الجنوب ٦ سنت
ولا حكومة الشمال ٢٦ دولار
بل ماذا تريد امريكا
غيرت اكبر خط فى التاريخ لبترول اواسط اسيا وكازخستان ليمر بتركيا بدل ايران برغم الجدوى الاقتصادية وهو بترول المستقبل
ارغمت الدول الاوروبية جمعاء على مقاطعة البترول الايرانى اعتبار من ١ يوليو القادم
ارغمت السعودية لتعويض فاقد البترول الايرانى وزيادة انتاجها الحالى الاكثر من ١٠ مليون برميل ليرتفع الى حوالى ١٤ مليون وهو خسارة اوربا من البترول الايرانى المتوقعة
كل الاجراءات التى تجرى حاليا تحت السطح بالذات تحت سطح البحر وكمية الغواصات التى اخذت مكانها فى شط العرب فالحرب مع ايران قادمة وقوية. لذلك ستواصل اسعار البترول ارتفاعها وكل نقطة بترول ستكون مهمة وما تستغربوا لو توجه خط كيكى المزمع للغرب عبر الكونغو ليتحد مع رفيقه االانجولى ليصب فى العاصمة واشنطون ههه
ما تقولوا لى الفيتو الصينى والروسى فامريكا هى التى تمسك السكين وبتدى كل دولة على حسب ضجيجها وعلو صوتها يعنى الصين دى لحم اك########ا من منو ومالها حاليا نموها ضعف
بصراحة نحن تحت ما تخطط له السياسة االخارجية الامريكية وما يخطط له لعيبة تكساس البتروليين الكبار يعنى اتباع جورج بوش وديك شينى مش ناس اوباما الديمقراطيين. فعلى حسب جدوى وكمية بترول الجنوب تأتى العزائم.
غايتو الجنوب ده بيذكرونى بصدام و العراق كم خط انابيب عملهم مرة عبر شط العرب بكرة عبر سوريا لتانى عبر تركيا وعلى حسب مزاج صدام مرة يفتحوا خط سوريا لمن يجوطها مع تركيا والعكس الخ
بصراحة كمان كروت امريكا التى تملكها فى شمال وجنوب السودان متعددة ومعروفة للجميع
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: إبراهيم عبد الحليم)
|
| Quote: بصراحة كمان كروت امريكا التى تملكها فى شمال وجنوب السودان متعددة ومعروفة للجميع |
هلا ياابراهيم
وامريكا دولة ليها اليد الطولي في العالم لمن الكلام يكون بترول
وفي هذه المنطقة ومنذ خروج (شيفرون) فان الامريكان كايسين ليهم فرقة يدخلو راسهم في الملعب وطبعا يعجبوك
لمن يجو بجو بكل حاجاتهم التي تجعل من العمل ممكنا وذلك من مال وتقنية وتجهيزات وطبخات سياسية تحت تحت هنا وهناك
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
Quote: لا احد منا يمكن ان يدعي العلم بما خططت وتخطط له الانقاذ
|
هلا يا الشفيع وجمعة مباركة
ولا احد يعلم دي المشكلة والمعضلة الكبيرة زاااااااتها
ده مستقبل بلدواستراتيجية مربوطة بمصدر قومي مهم وحق في ذلك الزمان لكل اهل السودان وليس ملكا للموتمر الوطني وحده حتي يمخمخ ويدسدس مستقبله الذي يهم فيما يهم اطفالك واطفالي وكل الاطفال القادمون...
في ظني الموتمر الوطني لم يكن لديه (فور كاست) ولم يكن خيال المشرع الاستراتيجي مستوعب لامكانية وصول الاشياء لمثلما وصل اليه حال واحوال السودان النفطية والاقتصادية
بل التفكير الفوركاستي لم يكن من اولوياته والناس شغالة برزق اليوم اليوم وحالهم اصبح مثل حال(الصلاة في يوم القيامة) لانو مافي خطط بديلة ظهرت وخروج البترول كان مثل المطرة ام طرنقاعة
وسلام
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: إسماعيل حسن)
|
Quote: ياكيكي حياك الله تعجبني شديييييييييييييييد لما تمسك موضوع بتكربو وبتظبطوا وتخلي القارئ مستمتع ومستفيد للاخر
انت عارف طبعاً نحن ناس اكل ونوم يا اخوي واضافتنا قد تكون في جدوي الانبوب الاقتصادية اذا ما تم عبر جبوتي او اثيوبيابس خلينا الاول نتابع متاوقتك المتعة دي ..
|
هلا يا سمعة وحبابك يازمن يا سمح
وشرفت والله مدارات المتاوقة وحديث الانبوب الذي اصبح ذو شجون
ونتمني ان تلقي ليك فرقة وتجي تتاوق معانا بجاي في زمرة المتاوقين وادينا نجيضة الامر الاقتصادي
وكل الود والتقدير يا سمعة
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: إسماعيل حسن)
|
| Quote: ولا احد يعلم دي المشكلة والمعضلة الكبيرة زاااااااتها |
انا وانت والكثير منا يا كيكي (تروس) صغيرة داخل ماكينة كبيرة
عدم علمنا بوجود (خطط) لا يعني عدم وجودها
(نحن) اوليناهم (ثقتنا) ولهم كامل (تفويضنا) لاتخاذ ما يلزم، عندما يلزم، وهذه هي طبيعة التفويض للحكم، ما لم تقل بما يقول به ناس (اللجان الثورية وهدي الكتاب الاخضر)
ح تجي ناطي وتقول (ليس نحن)، وبقول ليك عشان كده (نحن) مؤيدون و(انتم) معارضة
| Quote: في ظني الموتمر الوطني لم يكن لديه (فور كاست) |
لا اظن يا كيكي مجموعة ليس لها فوركاست (يعني عايشة على رزق اليوم باليوم)، تستطيع تصمد لكل ما مرت بها من (ضغوط)، وتستخرج (نفطاً) عصي على الكل رغم انف القوى العظمى ومن شايعهم التي ارادته (محبوساً)
تحياتي وجمعة مباركة للكل
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: jini)
|
| Quote: لا اظن يا كيكي مجموعة ليس لها فوركاست (يعني عايشة على رزق اليوم باليوم)، تستطيع تصمد لكل ما مرت بها من (ضغوط)، وتستخرج (نفطاً) عصي على الكل رغم انف القوى العظمى ومن شايعهم التي ارادته (محبوساً) |
هلا يا الشفيع
-الصمود بتاع الانظمة الدكتاتورية لسنين طويلة وليد رغبتها في السلطة وتسخير كل موارد البلد وعسكرتها وتسخير كل الادوات الامنية لذلك...
وهو ليس بمقياس لوجود تفكير فوركاستي
بل المقياس هو وجود نتائج ايجابية لهذا الفوركاست عند وصول المحطة التي تم التنظيم لها...
وهذا ما قسنا عليه امر الانقاذ في امر الانفصال كونه ولد ازمة اقتصادية طاحنة وكونه افقد الوطن (ارض+ انسان+ موارد مختلفة) وقزمه...
وبالعكس يا الشفيع لو كان في (تفكير) للحفاظ علي الجنوب مفروض انا وانت والاخر نحس بيهو ويحس بيهو الراعي القاعد في الخلا والاطفال في المدارس(حتي ولو ما علافنا بالتفاصيل المملة الا ان التروس الصغيرة هي الاساس وهي من يوجه ويحرك برنامج الدولة والبرنامج الحكومية من الضروري ان توجه لهذه التروس )
و برنامج زي دي عشان يتنزل علي الواقع وينجح لازم يلتف حوله غالبية اهل السودان مهما اختلفت مشاربهم فالهم الوطني القومي لو وجد ادارة واعية وعاقلة بستقطب كل الحادبين علي مصلحة السودان الكبير شماليين وجنوبين ...ولكن طيلة فترة نيفاشا كان مافي كلام زي ده والامور ماشة بالبركة
وحتي وان افترضنا جدلا وجود فوركاست فالواقع يقول انه فوركاست اعرج وسقط في اقرب لفة من لفات النفط الذي تم سحبه وتركنا لللصوصية سرقة موارد الغير....!!!
وبالحصل ده يا الشفيع الا يكون الفوركاست الكيزاني متمحور حول سرقة بترول الجنوب...
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
| Quote: عند وصول المحطة التي تم التنظيم لها |
نحنا في المحطة الان، والكل كان يتوقع انهيار كامل للدولة بعد الانفصال
والان الكل يتوقع نفس الانهيار بعد ايقاف البترول
الانقاذ ما يزال لديها الكثير من الكروت
قلنا ليكم: استمتعوا ودعوا القيادة لنا
| Quote: (تفكير) للحفاظ علي الجنوب |
كل من كان خارج الانقاذ لا يستطيع ان يزايد على موضوع (الحفاظ على الجنوب)
وانت شخصياً يا كيكي، ما الدور الذي لعبته للحفاظ عليه سوى المطالبة باسقاط الانقاذ؟
لا يوجد من يكابر ويقول ان المعارضة بجناحيها العسكري والمدني لم تساهم في ذهاب الجنوب
الانقاذ قاتلت و حاربت وحدها، ثم خاضت معركة المفاوضات منفردة
وللاسف المعارضة راهنت على سقوط الانقاذ، ووضعت يدها في يد الحركة التي باعتهم في اول ملف
وللاسف الى الان تستغلهم اسوأ استغلال والحكومة تخوض غمار مفاوضات الوضع النهائي ايضاً منفردة، وليس ذلك فحسب بل بعضهم يدعم دولة الجنوب (علناً)
و للاسف ايضاً شعار معارضتنا هو (يا فيها يا افسيها)
| Quote: مفروض انا وانت والاخر نحس |
ياخي لو ما حسيت بي ده كلو، تبقى (عديم الاحساس)، لانه لم يكن تفكير فقط وانما مسعى (جاد)
| Quote: .ولكن طيلة فترة نيفاشا |
كيكي يا حبيب
انا وانت نعلم ان الجنوب(انفصل) بمجرد توقيع نيفاشا
Quote: وحتي وان افترضنا جدلا وجود فوركاست فالواقع يقول انه فوركاست اعرج وسقط في اقرب لفة من لفات النفط الذي تم سحبه وتركنا لللصوصية سرقة موارد الغير....!!!
وبالحصل ده يا الشفيع الا يكون الفوركاست الكيزاني متمحور حول سرقة بترول الجنوب... |
خروج البترول يا كيكي لم يكن يحتاج لفوركاست، طفل الابتدائي يعلم به، وانا على يقين من ان الحكومة عملت ما يمكن عمله والا كان وقع الصدمة اكبر بكتير
والحكومة لم تسرق لتر واحد، وما حدث هو تحصيل رسوم لازمة انت ادرى بها
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: الشفيع وراق عبد الرحمن)
|
هلا يا الشفيع وحبابك والله..
1-Quote: الانقاذ ما يزال لديها الكثير من الكروت
|
الكروت دي يا الشفيع الا تكون (القرعات) التي تطاقشت ودقشت قطر والامارات والسعودية وبعض دول البر والاحسان.. كل التقارير الاقتصادية المحايدة وحتي التي يعتقد بانها ذات صلات بالحكومة بتقول ان الاقتصاد السوداني يعاني من موت سريري بعد خروج البترول وفي ظل الاهمال الكبير الذي طال كل المكونات الاخري للاقتصاد من زراعة وصناعة وثروة حيوانية ... وحتي الحكومة بتقول في تخديرها بانهم في حوجة الي سنوات حتي يتعافي الاقتصاد وحتي هذه فهي تصريحات فنكوشية تقال للاستهلاك ..(ضحك جدا في لقاء البشير مع النيل الازرق عندما قال بانهم الان سيعتمدون علي (الامباز) ..وسمعته ايضا يبشر بالذهب (الكيري) والتنقيب العشوائي الذي هو في جوهرة هزيمة لمفهوم الدولة وتهتك لمسئوليتها في رعاية الثروة القومية وعومل بطريقة تكاد تكون في فطارتها وسبهلليتها اشدة وحشية من النفط الذي ذهب مع رياح الجنوب..
- والانهيار للدولة حصل يا الشفيع واقرب مثال تاوق للدولار اين هو (في اي السموات يقف) وهو المنطلق بسرعة الصاروخ ودولة اصبحت خاوية علي عروشها وعدمانة التعريفة ...(وطبعا ملامح الانهيار كثيرة ولكن خليني حسسع في الجانب الاقتصادي)..
2-
Quote: كل من كان خارج الانقاذ لا يستطيع ان يزايد على موضوع (الحفاظ على الجنوب)
وانت شخصياً يا كيكي، ما الدور الذي لعبته للحفاظ عليه سوى المطالبة باسقاط الانقاذ؟ |
والله يا الشفيع حيرتني..؟؟ انا ماعارفك يا هندسة انت بتناقش فيني ولا قاعد تدرب فيني في مباراة كرة سلة..؟؟
مرة تمرقني من اللعب باعتباري ترس صغير وهاهو انت تعيدني الملاعب تاني وعاوز مني دور في الحفاظ علي وحدة الجنوب...
انا كمواطن سوداني وحدوي مطالب بان اوصل الراي بتاعي واساهم مع اخريين(احزاب+قوي مجتمع مدني+ مجموعات ضغط) في ازالة العقبة التي كانت تقف حجر عثر امام وحدة حقيقية مبنية علي احترام حقوق الاخر ومبينة علي توزيع عادل للثروة والسلطة ووطن ديمقراطي ليس فيه اجندة احادية اقصائية..ودي حلقة مستمرة فان ضاع الجنوب فالتاكيد لن يضيع الوطن ويصبح مسجون في بيت المرفعين الموتمري الوطني..ومطالب ايضا بمد جسور التواصل مع الاخوة الجنوبين علي كل المستويات والمساهمة في توطين فهم بان( ليس كل السودان موتمر وطني وليس كل السودان مندكورو)..وده دوري البقدرر عليهو حسب قدرتي ياااخ..ولو لقيت اقتراحات ايجابية لادوار ثاني وممكن تجيب نتائج ايجابية في كل المشروع بتاع السودان الديمقراطي فطوالي بخش فيها لفت..
3-| Quote: الانقاذ قاتلت و حاربت وحدها، ثم خاضت معركة المفاوضات منفردة |
-
دي يا الشفيع افادة مهم وتشكر عليها..
وطالما الانقاذ هي من حاربت وهي من فاوضت فهي من سيتحمل ثمن نتائج المفاوضات والذي هو الانفصال
فما معقول ياااخ انت تحارب برااااااك
ونفس اللحظة تفاوض انت براااااااك
لمن عمايلك دي تجيب انفصال تعقد (تكورك) وتحمل المعارضة وتحمل حتي كيكي مسئولية الانفصال ده..
فطالما ده ناتج فعل الموتمر الوطني هو من نظر ونفذ (فالعوة والجوطة تاني في شنو)
4-Quote: خروج البترول يا كيكي لم يكن يحتاج لفوركاست، طفل الابتدائي يعلم به، وانا على يقين من ان الحكومة عملت ما يمكن عمله والا كان وقع الصدمة اكبر بكتير
والحكومة لم تسرق لتر واحد، وما حدث هو تحصيل رسوم لازمة انت ادرى بها |
-يا الشفيع الخطة البديلة هي من ستحدثك عن معرفة الموتمر الوطني الفوركاستية للانفصال
فماهي خطة الموتمر الوطني البديلة (اقتصاديا)و حديثني عليك الله عن خطة الموتمر الوطني البديلة للحفاظ علي باقي السودان ده
الجديد شنو في اسواق السلطة في تركيبتها وفي وعيها وفي كل شي فيها بعد الانفصال..؟؟
5-Quote: ياخي لو ما حسيت بي ده كلو، تبقى (عديم الاحساس)، لانه لم يكن تفكير فقط وانما مسعى (جاد)
|
مسعي جاد يا ها دماء ابقار الطيب مصطفي ولا ياهاممحاكات نيفاشاولا ياها تسليح المليشيات الجنوبية ولاياها حقن الكولوركين الما بدوها للجنويين وبتصريح من قيادي انقاذي... كلمني برضو عن المسعي الجاد ده شوية يا هندسة ممكن عيوني تكون زغللن وانا ماعارف
وتحياتي
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: Mohamed Doudi)
|
| Quote: الاقتصاد السوداني يعاني من موت سريري بعد خروج البترول |
| Quote: وحتي هذه فهي تصريحات فنكوشية تقال للاستهلاك |
كيكي
من التسعينات ونحن بنسمع في الكلامات الزي دي، الاقتصاد منهار، الحكومة تترنح.....
من اخرج البترول لاول مرة قادر على اخراجه مرة اخرى واخراج غيره ايضاً
ونفس التصريحات البتصفها بالفنكوشية سمعناها قبيل استخراج البترول
المعارضة كانت بتصر على انها اوهام انقاذية وحقن لتخدير الشعب، هل تذكر هذا؟(اريد اجابة)
| Quote: ودولة اصبحت خاوية علي عروشها وعدمانة التعريفة |
كدي اعمل لي مقارنة بين وضع البلد الآن و الفترة من 93-97
الوضع الاقتصادي
الحالة العامة
الحصار
حرب الخليج
الحروب
المقاطعات
الحدود المتوترة
التجمع االمعارض
التعليم
الصحة
(حكومة لم تسقط حينذاك، يصعب اسقاطها)
(دولة لم تنهار انذاك، لا اظنها مهددة بالنهيار)
| Quote: واقرب مثال تاوق للدولار اين هو (في اي السموات يقف) وهو المنطلق بسرعة الصاروخ |
هنا ح اقول ليك حاجة (غريبة وعجيبة جداً)
تعرف يا كيكي
لو وصل الدولار 12 جنيه، ح نكون لسه في وضع افضل من التسعينات
ولمعلوميتك الجنيه هو الجنيه، الضرب بالالف دخل و مرق
| Quote: ازالة العقبة التي كانت تقف حجر عثر امام وحدة حقيقية |
لو استمعت لتصريحات، ورايت مواقف الجنوبيين ح تتأكد انو الانقاذ لم تكن هي حجر العثرة
| Quote: فما معقول ياااخ انت تحارب برااااااك |
ما هو هنا السؤال:ليه انا حاربت براي؟ وليه انتو حاربتو مع الحركة؟
ياخي ليه انت ما عايز تعترف انه الحركة خدعت المعارضة وطمعتها باستلام السلطة، وفي الاخير باعتها
خليك من الفات يا كيكي، هسع يوم الليلة ده موش المفروض المعارضة تضع يدها في يد الحكومة وهي تفاوض دولة الجنوب في الوضع النهائي؟
اليس من صالح السودان ان تفاوض الحكومة وهي (قوية) بدلاً من انهاكها ومناوشتها؟
انت تعلم ان هذه المفاوضات ستؤدي لنتائج تستمر لمئات السنوات
والانقاذ والمؤتمر الوطني (حتماً) الى زوال
وسيبقى السودان، بما كسبه وخسره من هذه المفاوضات
ما لم تكن مقتنع برأي بعض عملاء الحركة من يقولون ان ثمة وحدة مرجية، وكدي انتو اتخلصوا لينا من ناس الجبهة ديل ويحصل خير
وما في داعي للتشدد في الحدود(بما فيها ابيي) طالما الوحدة قادمة
والجنوبيين الفي الشمال ديل جنسوهم
لم اقصد المساعي بعد نيفاشا، لاني كما اوضحت ان الانفصال حصل بمجرد توقيعها
الطيب مصطفى الذي ذكرته له ابن استشهد في احراش الجنوب لمنع الانفصال، واراه مسعى (جاد)
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: الشفيع وراق عبد الرحمن)
|
هلا يا الشفيع ومرحب..
1-Quote: من التسعينات ونحن بنسمع في الكلامات الزي دي، الاقتصاد منهار، الحكومة تترنح.....
من اخرج البترول لاول مرة قادر على اخراجه مرة اخرى واخراج غيره ايضاً
ونفس التصريحات البتصفها بالفنكوشية سمعناها قبيل استخراج البترول
المعارضة انت بتصر على انها اوهام انقاذية وحقن لتخدير الشعب، هل تذكر هذا؟(اريد اجابة)
|
...
الاقتصاد السوداني اساسا منهار وعمرو ما شاف عافية والسودان وحتي في قمة تمتعه بالنفط (فل اوبشن) كان من الدول الاشد فقرا في العالم بشهادة جهات لست معارضة فقط (الانهيار نسبي ومراحلي حتي وصلنا اليوم الي درجة الكرسحة وبعدها وبالطريقة الماشة دي من فساد وسؤ تخطيط ونهب حيكون في موت سريري )ومن الغريب ان يتحول الوطن الي فار تجارب فاشلة هوانتو البترول الطلع ما قدرتو تحافظ عليهو عاوزين الناس يصبروا عليكم تاني تطلعو بترول ويطفش ..؟؟؟
ماهي ضماناتك وحلولك (لاستخراج البترول المستقبلي )...؟؟ ولتامينه من الذهاب مع انفصال اقليم من الاقاليم المتمردة الان والتي تنتظر...
دايرين خطة دايرين استراتجية ولا حيكون برضو (غمتي) زي الفات الذي ذهب ولم يعرف عنه الشعب شي ولا شاف منه قرش ولاتعريفة..وبعدين انقاذ اليوم ليس هي انقاذ عهود استخراج البترول وعالم اليوم ليس ذلك العالم ولا الاقليم المحيط ليس هو ذلك الاقليم والشعب ايضا ليس هو ذلك الشعب الذي قد تاكل بعقله حلاوة (لانو شاف بعيونو فساد ما انزل الله به من سلطان وبترول طلع واختفي في ظروف فسادية وتخبطية وغمتية) وما بتغشي لحكومة تاني..
2-Quote: خليك من الفات يا كيكي، هسع يوم الليلة ده موش المفروض المعارضة تضع يدها في يد الحكومة وهي تفاوض دولة الجنوب في الوضع النهائي؟
اليس من صالح السودان ان تفاوض الحكومة وهي (قوية) بدلاً من انهاكها ومناوشتها؟
|
ما يتم التفاوض فيه بالتاكيد هو امر يهم السودان فعليه يجب ان يفاوض فيه كل اهل السودان عبر سلطة ديمقراطية حقيقية وليس بممارسات مخجوجة واقصائية ومحققة لاغراض حزب محدد..والحكومة ما كلما تتنزنق تتذكر بان هذه اشياء تهم الوطن وطالما يا الشفيع بتعتقد بان هنالك اشياء سيادية تحتاج الي تضافر كل اهل السودان فكن حريصا علي صناعة الالية التي تجعل للسودان عنوان موحد تحت مظلة ديمقراطية حقيقية...!!!
والحكاية ما عزومة مراكبيه 0(فما ممكن ياخ تعزم زول في حقو عزومة مراكبية) يجيب ليك ال36 دولار ويخم الموتمر الوطني بيضها ويكتل بيضها بالانتنوف
ولسع بجيك يا الشفيع الي 3 و4
| |
|
|
|
|
|
|
|
|
|
Re: متاوقة جيو هندسيىة في امر انبوب جنوب السودان المقترح...!!!! (Re: عبدالكريم الامين احمد)
|
3-
Quote: كدي اعمل لي مقارنة بين وضع البلد الآن و الفترة من 93-97
الوضع الاقتصادي
الحالة العامة
الحصار
حرب الخليج
الحروب
المقاطعات
الحدود المتوترة
التجمع االمعارض
التعليم
الصحة
(حكومة لم تسقط حينذاك، يصعب اسقاطها)
(دولة لم تنهار انذاك، لا اظنها مهددة بالنهيار) |
يا الشفيع الفترة الذكرتها دي تختلف معطياتها وواقعها عن حال واحوال اليوم
1- فيها حركة اسلامية مجندة كل عضويتها لخدمة الانقاذ والتمكين في قمة شغلو والترابي وجماعته بكامل عدته وعتاده
2- التغبيش واللعب بالدين شغال وضارب عميقا والغيبوبة اعلي مراحلها
3- القبضة الامنية والتكميم الاقصائي في قمة بطشه وبيوت اشباحة
4- دعم اقليمي من عدة دول وصل حتي الصين
5-حرب في الجنوب تم تحويلتها الي حرب دينية استقطبت تدافع كبير وساحا ت الفداء ما تديك الدرب
للاسباب اعلاها وغيرها كانت الانقاذ في قمة قوتها التي استمدتها من الجيش والامن والتنظيم.... ولكن كدي تعال شوف الليلة الحاصل شنو باختصار
1- التنظيم الداعم انشطر الي شعبي ووطني ثم انشطار لاحق الي كيانات
2-ضائقة معيشية مستفحلة وغلاء رهيب واقتصاد منهار
3- واقع امني منفلت في الاطراف (جنوب كردفان +النيل الازرق+دارفور) ودي مستحيل تستقطب فيها دينيا
4-واقع دولي يطارد رئيس النظام
5- تغييرات اقليمية وربيع عربي
6-تنامي الوعي بالحقوق والهبة من اجل المظالم (المناصير+ الطلاب)
7-قوي سياسية ليها هامش من الحركة والمناورة كان معدوم تمام في الفترة من 93-97
8- فساد فاحت رائحته وصلت حتي اسرة رئيس النظام
9- تزمر حتي في عضوية حزب الموتمر الوطني
| |
|
|
|
|
|
|
| |
عبدالكريم الامين احمد
Mohamed Doudi
Ahmed Abdallah
الشفيع وراق عبد الرحمن
nazar hussien
Ahmed Yousif Abu Harira
jini
حماد الطاهر عبدالله
Amin Mahmoud Zorba
الشامي الحبر عبدالوهاب
Elmoiz Abunura
elsawi
إسماعيل حميم
أسامة البلال
Gaafar Ismail
Frankly
أبوبكر أبوالقاسم
عمران حسن صالح
Munir
انور الطيب
ناصر فراج
محمد الأمين موسى
محمد سنى دفع الله
Mohamed Suleiman
إبراهيم عبد الحليم
إسماعيل حسن
فيس بوك
تويتر
انستقرام
يوتيوب
بنتيريست