مابين بلة الغايب، وحكومة الدجل والشعوذة... إهداء لهيئة علماء السودان .

Quote: كنا والشيخ بلة وحدنا في الغرفة، لكن الإحساس بشخص ثالث موجود معنا كان طاغياً، وزاد حضوره قوة مخاطبة الشيخ بله لشخص غير مرئي، فجأة مد يده الفارغة، وتحدث إلى شخص ما وقال له: ـ جيب الحاجة دي..! ثم وضع أمامي على الطاولة (تفاحتين كبيرتين)، كأنهما قطعتا للتو من الحقل.. تفاحتان لم أر تفاحاً بجمالهما وحلاوتهما، أكلناهما وثلة من الزملاء، ولم نذق تفاحاً أشهى طعماً منهما، لم تكونا مثل تفاح السوق الذي يفوح منه طعم التخرين. ويبدو أن (شيخ بلة) لاحظ توتري، فخرج وطلب من بعض الزملاء، الحضور والمشاركة في الحوار لكنهم رفضوا جميعهم، فقال لي دع الأمر لوقت آخر.. وهكذا فاتتني وقائع أول حوار صحفي مع الجن على الأقل مؤقتاً، لكن الحوار استمر مع (بلة الغائب) الذي يزعم أنه يسخر الجن لخدمته..!

Quote: __ نتابع غايتو البعرفه ممارسة السحر حرام

Quote: . رسّل لي وقال لي: يا شيخ بلة الكلآم القلتوا لي كلللللو صحيح، مظبوط. إحنا دلوكت دايرنك يا شيخ بلة تكرمنا، وتجيب لينا مائدة ناكُلا.

Quote: غايتو يا ود المدير لو بقى السحر نوع سحر زولك البخيلي تمساح الفنلة دا ،يقوم جاري...حبابو الف!!!!!!

Quote: سلامات يا معاوية .. طبعاً كلو كوم والسلك الشايك الفي حوش بلة الغايب دا كوم ........ (صورة السلك الشايك في اول الفبديو) يعني زول عندو العلم والشفافية والاستشعارية دي كلها بخاف من الحرامية ولا دا شنو يعني .. ؟؟؟؟؟؟؟؟؟؟؟؟؟؟

Quote: الدقيقة 40 للدقيقة 45 : شيخ بلة قال: أفضل لينا جناً موالفوا، ولا جناً نوالفوا من جديد. يقصد البشير. ثمّ واصل، وأنا داير السادة العلماء يركزوا في الحِتة دي شديييييد. قال: رسّل لي عمر البشير، وقلت ليهو حاتحكم 23 سنة و25 يوم، ويضاعف الله لمن يشاء. لمان تمّ المدة دي قال لكمال حسن بخيت بتاع الرأي العام. المهم. رسّل لي وقال لي: يا شيخ بلة الكلآم القلتوا لي كلللللو صحيح، مظبوط. إحنا دلوكت دايرنك يا شيخ بلة تكرمنا، وتجيب لينا مائدة ناكُلا. قلت ليهو، إنت بتحب شنو؟؟؟ قال: والله أنا بحب العسل، ولكن محروم مِنو. عندي حساسيّة ضد العسل. قلت ليهو: خُش جوّة، وجيب أكبر ماعون موجود عندك. جابوا. مشى جاب حلّة كِدا كبيرة، ونزلت في الوطآ سبحت، العسل، الحلة دي إتملت عسل لمان دفّقت. قِداموا وعلي أُمِّ عينيه. أبتدا ياكل، ياكل، ياكل في العسل ده. قال: والله، والله، والله أنا عندي حساسيّة ضد العسل إذا أكلتوا يمكن يوديني الآخرة، لكن عسل زي دا، عمري لا شفتو، لا رايتو، لا ضقت مذاقوا!!!... أها، السيّد الرئيس وجّه دعوة خاصة للشيخ بلة الغايب في بيتو عشان يكرموا ويجيب ليهو مائدة، واستجاب الشيخ للرئيس. أها يا العلماء في السودان والكويت، والسعودية، وغيرها من البلآد البتنط للتكفير وإخراج الناس من المِلة، تعالوا ورونا رأي الدين في الكلآم ده شنو؟؟؟ الشريط ده متداول مافيكم وآحد يقول ما عارفوا...

Quote: انا برررررررررررره يا ود المدير يومداك تقول لي الجماعة ديل ما تعصر عليهم وهسي انت جايب ليك درابه كبيرة زي دي وجاي اها شيل شيلتك ....... والله صحي .. ..

Quote: يا الأمين البشاري تعال، بلآ بررررره، بلآ نِيّلة. شايف شيخ عماد رشانا دفاعاً عن القطريين تعال ارجاهو معاي هنا يجي يورينا رايو في الزول القال ينزلوا ليهو مائدة دا. كمان الغايب ما كضّب راح راشيهو ليك بي حلّة مااااكنة خلآهو يلغف بلآ تابلت. هل شفط العسل دا حلآل أم حرآم ؟؟؟ علماً بأنّ العسل غير معلوم مصدره!!!

Quote: وهاهنا وجد الدكتور عبدالله الطيب رحمه الله الفرصة "للتنكيت" ببعض زملائه.زفخاطب زميلا له قائلا عن آخر.. أنظر إلى أذنيه الطويلتين..يبدو أنه آتٍ من وادي عبقر!!! لأن الكلام كان عن الجن..والأخ أدخل المؤتمر في عاصفة من الإرباك فتدخل الرئيس البشير وقال لهذا الباحث صاحب الإقتراح فيما معنى كلامه: والله ياخ أنا معارف ..لكن الشي البعرفو إنو ربنا قال: (وأنه كان رجالٌ من الإنس يعوذون برجال من الجن فزادوهم رهقا) إنت أعمل بحثك وجيبو!!! ورغم قلة علم البشير عن علم ذاك الباحث إلا انه وفّق في حسم هذه المسألة

Quote: الفيديو بالنسبة لي احتوى على معلومة جديدة وهي أن الرجل كانت الصحف تنسبه للتصوف دون أن تذكر ما هي الطريقة التي ينتسب إليها ومن هم الشيوخ الذين تتلمذ عليهم، لكنه في هذا الفيديو نسب نفسه للطريقة التيجانية، كما أنه أمن على القول بأن بعض مشايخ الطريقة التيجانية هم من يثبتون البشير في السلطة! إذن الكرة الآن في ملعب الطريقة التيجانية لتوضح لنا رأيها في هذ الرجل!

Quote: ......واتهمنا باننا لا نومن باية الله التى هدت الجبال ... .... ودارت حوارات واتهامات كثيرة .... ختمناه بانه اذا كان هو متاكدا من شفاء العمدة وخلوه من الفيروس .... فامامه حقنة 5 سى سى وعليه ان يقوم امامنابسحبها من دم العمدة وحقن نفسه امامنا .... ترى هل فعل ذلك ؟؟؟؟؟؟؟.... انه اذكى من ان يفعل ذلك ....

Quote: حسبي الله ونعم الوكيل يعنى كلام تراجي طلع صحي حكومتنا شغالة محايات