نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)
|
إنتقلت من إسكاربرو لبرامتون. برامتون ضاحية من ضواحي
تورنتو، رحلت إليها للعمل مع ميشيل. ميشيل المانية من الوزن
فوق التقيل لمآن بغادي، تمتلك قروسري إستور مع زوجها الإيراني
في برامتون. سكنت مع أحمد شندي، و ود شيخ عبد الله، و أُوبيش
الهندي، ومجدي. كلهم كانوا شغالين مع الإسنا ما عدا أنا ومجدي.
كنت أغبطهم، وأتمنى ان إشتغل معهم في الإسنا.
الإسنا تعتبر أكبر مؤسسة مسئولة من المسلمين
في امريكا الشمالية.
islamic society of north america.
فضلت سادي خدمة مع ميشيل في القروسري، وردية ليل.
أها، يوم بعد منتصف الليل، والساعة ديّك الجو صِفا وغاب الأتر،
والزباين إنقطعوا من الدكان. فضلت أنا شغال بعبي في التلآجات،
وميشيل وآقفة قدام الكاونتر كما الجبل الأشم.
فجأة بصوت بين الهمس والجهر نادتني: معااااوية !!! إلتفت إليها،
فأشارت لي بيدها المكتنزة بأن تعال !!!؟؟؟.
الخرآآآآبة، يا جماعة الشي الجهامة دي، بتدور مِني شنو ؟؟؟!!!،
الليلة يمرقني منها اللآ نام لآ أكل الطعام.أها، فكري بِقى يودي ويجيب.
الليلة يا ود المدير الشي دي كان عفستك ريحتك ما تتلقي. أها، بقيت
ماشي عليها بخطوات مترددة، خطوة لقدآم، وإتنين لورا، واشيل
وإتحصّن، وهي تأشر لي بأصبعها القدر إيدي بأن تعال، وتعال،
لحدي ما بقى بيني وبينها بنك الدُكان، وأنا في قمّة التأهُب لتدارُك
ايّ إنقضاض يحدث من تالآها. أها، لآمن بقى بيناتنا البنك، حشرت
إيدا تحت البنك، ومرقتلها ظرف أصفر ماااااكن. حشرت إيدا في الظرف،
وأنا مشحّط عويناتي ومنشده فيها. مرقت إيدا من الظرف مليانة صُور.
صُور كلها لـكـلـب !!! والله صحي. أها، وقعدت تفرّج فيني، وأنا بيني
وبين نفسي أقول لها، وحات ربي إنت غبيانة وما عندك شغلة، وعدمانة سعّآل،
وهي تشيل وتشرح لي: دا كان كـلـبـي وأخد جايزة شنو كدي ما عارف في
المهرجان الكان في أُونتاريو بيّتش، وتاني ما بعرفوا أخد جايزة شنو كدي
ما بعرفوا ويّن !!!؟؟؟، وصور لمجموعة كؤوس ومداليات، وهلُمّ جرآ،
وهي تشيل وتشرح وأنا عامل فيها منتبه وبي سري أقولها وحات الله
إنت غبيانة وعدمانة صايب. أها، عشان اخاترا شوية واظهر ليها إهتمامي
بالموضوع سألتها: كـلـبِك دا لهسع قاعد يدخل منافسات ويفوز؟؟؟.
أريتني ما سعلتها، المرا إنفقعت بالبكا!!! ، وانا فتحت خشمي وطيرّت
عويناتي وبقيت مبحلق فيها بسسسسم الله، يا النبي نوح. المرا دي جنّت
واللآ شنو؟؟؟!!!. بعد إتنهّفت زيييين قالت لي: الـكـلب مات في حادث.
وتااااني رجعت تتنهّف، وأنا بقيت في التسكتا. أشيّل وأخُت، ياااااا، الله
حتي قشقشت دِميعاتا وإستغفرت، وقااالت كدي لملمت صورا في الظرف.
!!! بلآ ياااخدك قطعتي قلبي، والله صحي. بقلبي قلت ليها مِن خللآ
حبوبتي قندا حاضرآك عشان كانت تمُوّص لِك الفِطيرِيا.
بعد كم يوم المرا جآت زافالآ جِريو في سدُرا، و ولدا أندرو ذو الأربع
سنين جاري تحت كرعيها. كوركت لي: تعال يا معاوية شُوّف، جبت
لي كـلـب من نفس الفصيلة.
!!! يفصّلِك عثمان الترزي يا بركة من جعل محمد نبي يا الغبيانة.
ما تحضني جناك علي سدرك، وتدمسي المصيبة دا في الوآطا!!!.
المصيبة إنوا ميشيل دي إتعلمت أكل الفول والطعميّة، وبقت تجينا
في البيت تلحس الطعمية البسويها أحمد شندي وتتخارج
زي الماحصل شي. والله صحي...
|
|
 
|
|
|
|
|
| العنوان |
الكاتب |
Date |
 الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 12:28 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 12:33 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 12:38 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 12:49 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 12:57 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 01:06 PM |
 Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 01:12 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-23-12, 03:10 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | ود الخليفه | 01-23-12, 03:48 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | Ali Sirelkhatim | 01-23-12, 04:50 PM |
 Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-24-12, 00:19 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | محمد على طه الملك | 01-24-12, 02:44 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-24-12, 11:08 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-24-12, 07:48 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-25-12, 00:57 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-25-12, 02:41 PM |
 Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-26-12, 00:10 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | سناء عبد السيد | 01-26-12, 02:00 AM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-26-12, 02:16 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | Mohamed Doudi | 01-26-12, 02:51 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-26-12, 11:59 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-28-12, 02:36 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 01-30-12, 04:43 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 02-14-12, 09:47 PM |
 Re: الـفِـرقـة الإنـتـحـآرِيّـة ... تـورنـتـو 1990 ... | munswor almophtah | 02-14-12, 10:46 PM |
| Re: الـفِـرقـة الإنـتـحـآرِيّـة ... تـورنـتـو 1990 ... | معاوية المدير | 02-15-12, 11:50 PM |
|
| |
معاوية المدير
فيس بوك
تويتر
انستقرام
يوتيوب
بنتيريست