الـفِـرقـة الإنـتـحـآرِيّـة ... تـورنـتـو 1990 ...

مرحبا Guest
اخر زيارك لك: 03-29-2024, 12:45 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-23-2012, 12:28 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الـفِـرقـة الإنـتـحـآرِيّـة ... تـورنـتـو 1990 ...

    <sudansudansudansudansudansudan162.jpg Hosting at Sudaneseonline.com

    في العام 1990 نزلت الفرقة الإنتحاريّة لأرض البحيرات قادمة من نيويورك عن طريق بفلو.
    تمركزت الفرقة الإنتحاريّة التي كنت احد جنودها في مدينة تورنتو، حيث دخلناها من غير دليل.
    كان كل شئ حولنا يبدو غريب. الجو غريب، الناس غريبين، اللغة غريبة، الشوارع غريبة،
    شكل المدينة العام بمبانيها وعماراتها الشاهقة ايضاً كان غريب.
    أتخذنا مدينة تورنتو مكان إستقرار لنا من غير دليل يدلنا علي مسالكها، غير شوية سودانيين دخلوها
    عن طريق البحر (بحارة). ديل كان إسمهم (الباك لوك). كانوا لا يملكون من المعلومات غير النذر
    اليسير عن البلد ومسالكها، لذلك نعدهم تبع الفرقة الإنتحارية. كعادة أهلنا السودانيين رحبوا بنا خير
    ترحاب، وقاموا بدعوتنا لحفل عشاء. بعد تناولنا طعام العشاء تقدم الفنان عادل لتقديم وصلة غنائية.
    الفنان عادل بحماس شديد جداً دخل في أغنية الكركابة:
    نركب الكركابة وندلى في ام روآبة
    الجنني، جنن العزآبة.
    والله صحي!!!
    بصرآحة إندهشنا!!! الجماعة ديل يا ربي قاعدين في البحر من متين ؟؟؟!!!
    الفنان عادل لمان شعر إننا إتفاجئنا قال لينا: بصرآحة يا شباب أنا لمان طلعت من السودان
    كركابة دي كانت طالعة في الكفر. في حاجة جديدة جات بعدها، واللآ شنو ؟؟؟
    الفنان عادل حتي اليوم الناس ينادونه عادل كركابة. بعد دآك بقيت أنا فنان الجالية،
    وقبل ما إتوهّط عديّل جو ناس وردي طيروها لينا في راسنا...
                  

01-23-2012, 12:33 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)


    فتحت لميشيل أضانا، قلت ليها اليوم الفلآني أنا ما جاي الشغل، عشان عندنا
    فنان كبير من بلدنا، ومعروف علي نطاق افريقيا جاي تورنتو.
    طوالي ميشيل سألتني: التسكرة بكم ؟؟؟
    قلت ليها: التسكرة بـ 40 دولآر.
    قرررربت تقول سجمي من الخُلعة، وقالت لي: 40 دولآر!!!. مايكل جاكسون
    بيجي يفنجط في الإسكاي دوم للصباح بـ 15 دولآر!!!؟؟؟
    مايكل جاكسون الوكت دآك كان طالع في الكفر زيو زي كركابة و وآحد،
    والزول الوحيد فينا القال شافو عيّنك، عيّنك في حفلة لآيف صاحبي مالك سلبونا.
    أها، مالك ده دخل حفلة مايكل جاكسون في (الإسكاي دوم)، وكان قاعد في الكنبة
    البعد الطيش. يعني شايف مايكل جاكسون طشاش، طشاش، لكن لحدي الليلة أضرب
    تلفون اقول ليهو إزيّك يا مالك. يقول لي: أنا الزول الوحيد فيكم الشفت مايكل جاكسون
    عيّنك عيّنك...
                  

01-23-2012, 12:38 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    sudansudansudansudansudansudan163.jpg Hosting at Sudaneseonline.com

    الإسكاي دوم هو أكبر استاد في مدينة تورنتو، ودخلناهو نحن
    أفراد الفرقة الإنتحارية بالصدفة. وصلتنا الأخبار إنو منتخب
    كندا لكرة القدم سيلعب مبارأة مع منتخب نجوم يضم كوكبة
    من نجوم كأس العالم في فترة الثمانيات تكريماً للأعب البرتقال (إيزبيو).
    إيزبيو كان قد لعب مع فريق تورنتو متروس عام 1976
    وقادهم لإحراز دوري أمريكا الشمالية لكرة القدم.
    أذكر من نجوم المنتخب باولو روسي الإيطالي هداف كأس العالم
    و يوهان زووف حارس مرمى إيطاليا، ورومينيجا هداف المانيا و....إلخ.
    أها، نحن المبارأة دي دخلناها مِلِح، بس أنا ما بتذكر التفاصيل
    بالضبط في الحِتة دي. المهم بتذكر إننا لقينا الباب فاتح وتوووشك
    إنقطعنا جُوووا، وكان محصلة حضورنا جزء من المبارأة. عادل
    بورتسودان الوحيد الكان إنقليزيهوا يعتمد عليهو فينا علي قرار
    الطشاش في بلد العِمِي شوف. أها عادل قعد يكورك لباولو
    روسي: جيّب قووون، جيّب قوون، ونحن وراهو. بالإنقليزي طبعاً.
    كان باولو روسي راح توووووش ختاها في الكيس. الغبيان قايلنا دافعين.
    والله صحي...
                  

01-23-2012, 12:49 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)


    إنتقلت من إسكاربرو لبرامتون. برامتون ضاحية من ضواحي
    تورنتو، رحلت إليها للعمل مع ميشيل. ميشيل المانية من الوزن
    فوق التقيل لمآن بغادي، تمتلك قروسري إستور مع زوجها الإيراني
    في برامتون. سكنت مع أحمد شندي، و ود شيخ عبد الله، و أُوبيش
    الهندي، ومجدي. كلهم كانوا شغالين مع الإسنا ما عدا أنا ومجدي.
    كنت أغبطهم، وأتمنى ان إشتغل معهم في الإسنا.
    الإسنا تعتبر أكبر مؤسسة مسئولة من المسلمين
    في امريكا الشمالية.
    islamic society of north america.
    فضلت سادي خدمة مع ميشيل في القروسري، وردية ليل.
    أها، يوم بعد منتصف الليل، والساعة ديّك الجو صِفا وغاب الأتر،
    والزباين إنقطعوا من الدكان. فضلت أنا شغال بعبي في التلآجات،
    وميشيل وآقفة قدام الكاونتر كما الجبل الأشم.
    فجأة بصوت بين الهمس والجهر نادتني: معااااوية !!! إلتفت إليها،
    فأشارت لي بيدها المكتنزة بأن تعال !!!؟؟؟.
    الخرآآآآبة، يا جماعة الشي الجهامة دي، بتدور مِني شنو ؟؟؟!!!،
    الليلة يمرقني منها اللآ نام لآ أكل الطعام.أها، فكري بِقى يودي ويجيب.
    الليلة يا ود المدير الشي دي كان عفستك ريحتك ما تتلقي. أها، بقيت
    ماشي عليها بخطوات مترددة، خطوة لقدآم، وإتنين لورا، واشيل
    وإتحصّن، وهي تأشر لي بأصبعها القدر إيدي بأن تعال، وتعال،
    لحدي ما بقى بيني وبينها بنك الدُكان، وأنا في قمّة التأهُب لتدارُك
    ايّ إنقضاض يحدث من تالآها. أها، لآمن بقى بيناتنا البنك، حشرت
    إيدا تحت البنك، ومرقتلها ظرف أصفر ماااااكن. حشرت إيدا في الظرف،
    وأنا مشحّط عويناتي ومنشده فيها. مرقت إيدا من الظرف مليانة صُور.
    صُور كلها لـكـلـب !!! والله صحي. أها، وقعدت تفرّج فيني، وأنا بيني
    وبين نفسي أقول لها، وحات ربي إنت غبيانة وما عندك شغلة، وعدمانة سعّآل،
    وهي تشيل وتشرح لي: دا كان كـلـبـي وأخد جايزة شنو كدي ما عارف في
    المهرجان الكان في أُونتاريو بيّتش، وتاني ما بعرفوا أخد جايزة شنو كدي
    ما بعرفوا ويّن !!!؟؟؟، وصور لمجموعة كؤوس ومداليات، وهلُمّ جرآ،
    وهي تشيل وتشرح وأنا عامل فيها منتبه وبي سري أقولها وحات الله
    إنت غبيانة وعدمانة صايب. أها، عشان اخاترا شوية واظهر ليها إهتمامي
    بالموضوع سألتها: كـلـبِك دا لهسع قاعد يدخل منافسات ويفوز؟؟؟.
    أريتني ما سعلتها، المرا إنفقعت بالبكا!!! ، وانا فتحت خشمي وطيرّت
    عويناتي وبقيت مبحلق فيها بسسسسم الله، يا النبي نوح. المرا دي جنّت
    واللآ شنو؟؟؟!!!. بعد إتنهّفت زيييين قالت لي: الـكـلب مات في حادث.
    وتااااني رجعت تتنهّف، وأنا بقيت في التسكتا. أشيّل وأخُت، ياااااا، الله
    حتي قشقشت دِميعاتا وإستغفرت، وقااالت كدي لملمت صورا في الظرف.
    !!! بلآ ياااخدك قطعتي قلبي، والله صحي. بقلبي قلت ليها مِن خللآ
    حبوبتي قندا حاضرآك عشان كانت تمُوّص لِك الفِطيرِيا.
    بعد كم يوم المرا جآت زافالآ جِريو في سدُرا، و ولدا أندرو ذو الأربع
    سنين جاري تحت كرعيها. كوركت لي: تعال يا معاوية شُوّف، جبت
    لي كـلـب من نفس الفصيلة.
    !!! يفصّلِك عثمان الترزي يا بركة من جعل محمد نبي يا الغبيانة.
    ما تحضني جناك علي سدرك، وتدمسي المصيبة دا في الوآطا!!!.
    المصيبة إنوا ميشيل دي إتعلمت أكل الفول والطعميّة، وبقت تجينا
    في البيت تلحس الطعمية البسويها أحمد شندي وتتخارج
    زي الماحصل شي. والله صحي...
                  

01-23-2012, 12:57 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)


    اخيراً تحقق الحلم الكبير. الحلم الذي ظلّ يراودني منذ أن حططت
    رحالي في برامتون. الفرحة كادت تصرعني وأنا أتلقى نبأ تعييني
    في الإسنا. والله صحي.
    تمّ تعييني في الإسنا علي ان أسد خدمة مع أحمد ود شندي في وردية
    الصباح. ود شندي زول نشيط جداً. ماشاء الله، فرفارة بس. قام الدغش،
    جهّز سندوتشات الطعمية، وباقي الحاجات. صلينا الصبح وتوكلنا.
    أخدناها كداري لمحطة البص، والوآطة وآقفة أضان دحش من شِدة البرد.
    في البص الناس كلهم مدمدمين، ومكلفتين، وكل زول ماسك خشمو
    عليهو كأننا ماشين لعزاء.
    وصلنا المصنع، وأخدني ود شندي علي مكان تغيير الملآبس. صرف
    لي الطاقية الوآقية، المريلة البيضاء، وقدلنا علي القسم الخاص بعملنا.
    أنا مبسوط بالطاقية والمريلة حد البسط. كنت دايماً أشوف ود شيخ
    عبد الله و ود شندي مطقمنهن، واقول يا ربي متين أنا
    إدبج واقدل معاهُن ؟؟؟.
    وصلنا القسم وهو عبارة عن زُقآق طويل. إتكلنا علي حيطة الزُقآق،
    وقدامنا ما يشبه الحوض. في داخل هذا الحوض ثلآثة رجال من البرتغال،
    إذا رأيتهم وليت منهم فراراً ومُلئت منهم رُعبا. رجال كأنهم من العصور
    الوسطى، لابسين مرايل بلآستيك صفراء، وخوذات وآقية، وفي يد كلٍ
    منهم سكين مشحوذة الشفرتين. ملآبسهم ومرايلهم وبوتاتهم الواصلة لمنتصف
    أرجلهم كلها مليانة دم، وواحد منهم لفت نظري، فقد كان يعمل حركات
    عجيبة والشرر يتطاير من عينيه. والله صحي. الجماعة ديل قدآمهم سِلِك
    زي حبل الغسيل، وعلي بُعد نصف متر تحت السِلِك مباشرةً في سكين دائريّة
    شغالة بالكهرباء. مع السكين طوالي في سِلِك، تحت السِلِك الأوّل مُوازٍ له.
    السِلكين ديل جايات طالعات من مغارة أنا ما شُفتَ جواها في شنو ؟؟؟!،
    لكن حسب ما ورد لعلمي بتجي شاحنات مليانة جداد، وفي جماعة بسرعة
    شديدة جداً بيمسكوا الجدادة يشقلبوها ويعلقوها من كرعينا في السِلِك الفوقاني
    مع ترك رقبتا مشدودة مع السِلِك التِحتاني. أها، الجداد ده بيجي لآفي مع
    السِلِك بسرعة، والسكين لآفة تضبِّح. ايّ جدادة تجلي من السكين القرآصنة
    الفي الحوض بيشيلوا رقبتا برّا، ولآ جدادة بالغلط بتجلي منهم مافي. والله صحي.
    أها، نحن بنكون تاكلين ضهرنا علي حيطة الزقاق وعيونا مبحلقات ومركزآت
    تركيز شديد علي خشم الغار.اوآت ما اوّل جدادة تصل السكين نحن بنبدأ وبصوت وآحد:
    بسم الله، الله أكبر. بسم الله، الله أكبر. بسم الله، الله أكبر، وهكذا لمدة 8 ساعات
    متواصلة من التكبير والبسملة. والله صحي. أها، لآمن ننتهي من الوردية، أنا بمرق
    من المسيد، مغبي عديييل كدا. أقصد من المصنع. لكن رغم ذلك كنتُ
    سعيّد ايما سعادة بهذه الوظيفة المبتكرة. والله صحي...
                  

01-23-2012, 01:06 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    sudansudansudansudan269.jpg Hosting at Sudaneseonline.com

    كنا هميمين وجادين في اداء وظيفتنا، ومافي جدآدة وآحدة بالغلت
    بتزوغ مننا، بس للأمانة كدا أخونا ود شيخ عبد الله كان بيريد النوم،
    ومرّا، مرّا بتجيهو دقسة. أها، في دقستو دي كان 13، كان 17 جدآدة
    ديل بيكونن فاتن حرآم ساااااكت.
    أنا بعد إستمريت في الشغلآنية دي حوالي خمستاشر يوم فتحت تكبير
    علي طول الخت، في البيت، في الشارع، في المواصلآت، في النوم
    أو في الصحيان. يعني بقيت زي ناس الحيكومة، والرئيس اكبر في
    القهوة والصعوط. والله صحي.
    مرّت علينا فترة كدي، ود شندي كان عندو شريط بتاع الشاعر
    حميّد مشغلوا لينا الـ24 ساعة. الشريط فيهو قصيدة حميّد بيقول فيها:

    جانا مدير المصنع فاير
    وشو حمار العمدة العاير
    نف المصنع فيهو خساير
    وقال حايخفضوا متين عامل
    متين عامل في فد مرة
    متين عامل
    يبقوا هوامل ؟؟
    ما يهموش .. الهم المصنع
    تفّ قراروا وفات في حالو

    أها، أنا المقطع ده تحديداً علقتَ فيهو، وبقيت
    أردد فيهو طول اليوم. يعني في وقت فراغي
    يا شغال تكبير يا بردد في المقطع بتاع حميّد دا...
                  

01-23-2012, 01:12 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    sudansudansudansudansudansudan164.jpg Hosting at Sudaneseonline.com

    يوم بعد إستلمنا مواقعنا في الزقاق، وبدينا الحولية،
    جو جماعة زآيرين المصنع في شكل وفد.
    سألت ود شندي: ديّل مِنُن ؟؟؟
    قال لي: ده محمد أشرف رئيس الإسنا. إنت شابكنا
    طوووول اليوم جانا مدير المصنع طاير، وعاير،.
    أها ده رئيس المصنع خُم وصُر.
    قلت ليهو: الله يكافينا شر الرفت، وكانت تلك المرّة
    الأولى التي أرى فيها محمد أشرف.
    الغريبة بعد إسبوع بالضبط رفتوني من المصنع!!!. والله صحي.
    بعد 13 سنة قابلت محمد أشرف للمرّة الثانية في مدينة
    (يلو نايف) شمال غرب كندا، وليتني لم أُقابله، كرهت
    الإسنا وكرهت محمد أشرف واليوم القابلتوا فيهو زآآآتو.
    والله صحي...


    تحياتي...
                  

01-23-2012, 03:10 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote: كنا هميمين وجادين في اداء وظيفتنا، ومافي جدآدة وآحدة بالغلت
    بتزوغ مننا، بس للأمانة كدا أخونا ود شيخ عبد الله كان بيريد النوم،
    ومرّا، مرّا بتجيهو دقسة. أها، في دقستو دي كان 13، كان 17 جدآدة
    ديل بيكونن فاتن حرآم ساااااكت.

                  

01-23-2012, 03:48 PM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote: نركب الكركابة وندلى في ام روآبة
    الجنني، جنن العزآبة.


    نركب الترماجه

    نترك الدراجة شوقي للشاويني للابوهو خواجه

    كان في لعبه زمان بنعملها اسمها الكركب وهم علبتين من لبن نيدو مثقوبات من الوسط ومرتبطات بخيط طويل ننتعلهما كما الحذاء لنزداد بهما طولا

                  

01-23-2012, 04:50 PM

Ali Sirelkhatim
<aAli Sirelkhatim
تاريخ التسجيل: 06-17-2008
مجموع المشاركات: 4000

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: ود الخليفه)

    الحبيب ودالمدير

    ياخى انت فى تورنتو القريبة دى والزمن ده كلو مانقابلك ؟؟؟.انا فى روشستر دى لى واحدوعشرين سنة ..
    احتمال تكون جيت مارّى بينا فى طريقك لى بفلو قبل ما تمشى تورونتو.

    الزيارة الجاية لى تورونتو لازم نصلك ...والله صحى

    تحياتى يا معاوية

    الرجاء ارسال تلفونك فى الخاص
                  

01-24-2012, 00:19 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: Ali Sirelkhatim)

    sudansudansudansudan271.jpg Hosting at Sudaneseonline.com
    في الحديقة الجنب المول ده لعبنا أحلى دافوري...
                  

01-24-2012, 02:44 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 10624

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: ود الخليفه)

    يا ود الخليفة جدادتك دي برضو مبلعنها فياقرا؟

    خبير بريطاني : الفياجرا تحافظ على نضارة وانتصاب النباتات ( صور ) ..!!

    يا معاوية باقي لي انت لليلي إن هبشك شيء بتكبر ..
    واصل حكيك حلو.
                  

01-24-2012, 11:08 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: محمد على طه الملك)

    Quote: نترك الدراجة شوقي للشاويني للابوهو خواجه

    كان في لعبه زمان بنعملها اسمها الكركب وهم علبتين من لبن نيدو
    مثقوبات من الوسط ومرتبطات بخيط طويل ننتعلهما كما الحذاء
    لنزداد بهما طولا


    ود الخليفة،
    سلآمات.

    يا زول ديكك العاجباهو نفسوا دا
    أكان لموا فيهو القرآصنة بتاعين
    البرتغال الشافتُن عيني، كان لحقو
    أُمات طه زماااان.
    والله صحي.

    بالله يا ود الخليفة إنتوا برضوا إنتعلتوا عِلب النيدو ؟؟؟
    شي عجيب !!!
                  

01-24-2012, 07:48 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote:
    الحبيب ودالمدير

    ياخى انت فى تورنتو القريبة دى والزمن ده كلو مانقابلك ؟؟؟.انا فى روشستر دى لى واحدوعشرين سنة ..
    احتمال تكون جيت مارّى بينا فى طريقك لى بفلو قبل ما تمشى تورونتو.

    الزيارة الجاية لى تورونتو لازم نصلك ...والله صحى

    تحياتى يا معاوية

    الرجاء ارسال تلفونك فى الخاص


    علي يا عزيز،

    يا راجل نحن إعتمدناك رسمي وشعبي،
    ومن هسّع بدينا نحضّر في مراسم الإستقبال.
    يعني بعد دا ما بنقبل ايّ زوغانات.

    معقولة بس!!! 21 سنة وما تيجي تزور أهلك الكايبويات؟؟؟
    الختيتا رقدت.
    والله صحي.

    تحياتي لجميع أفراد الفرقة الإنتحارية
    في الشرق لآح...
                  

01-25-2012, 00:57 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote:
    يا معاوية باقي لي انت لليلي إن هبشك شيء بتكبر ..
    واصل حكيك حلو.


    تشكر يا ود الملك.
    يا زول التكبير الكبرناهو يفتح القسطنطينية.
    بعد ده كلللللو الشغلآنية طلعت بيزنس.
    والله صحي.

    تحياتي...
                  

01-25-2012, 02:41 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    sudansudansudansudan274.jpg Hosting at Sudaneseonline.com
                  

01-26-2012, 00:10 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    ما يهم الباكستانيين من الدين اللحم الحلآل،
    ثمّ الصلآة، ثمّ لحدي هنا بينتهوا.
    والله صحي...
                  

01-26-2012, 02:00 AM

سناء عبد السيد
<aسناء عبد السيد
تاريخ التسجيل: 03-29-2008
مجموع المشاركات: 2093

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote: المهم بتذكر إننا لقينا الباب فاتح وتوووشك
    إنقطعنا جُوووا، وكان محصلة حضورنا جزء من المبارأة. عادل
    بورتسودان الوحيد الكان إنقليزيهوا يعتمد عليهو فينا علي قرار
    الطشاش في بلد العِمِي شوف. أها عادل قعد يكورك لباولو
    روسي: جيّب قووون، جيّب قوون، ونحن وراهو. بالإنقليزي طبعاً.
    كان باولو روسي راح توووووش ختاها في الكيس. الغبيان قايلنا دافعين


    هههههههه..متخيلة منظركم ..فعلاً فرقة إنتحارية .. سرد جميل يا ريت تواصل و شكراً على الإمتاع
                  

01-26-2012, 02:16 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: سناء عبد السيد)

    sudansudansudansudansudansudan167.jpg Hosting at Sudaneseonline.com

    عاطر التحايا لجميع أفراد الفرقة الإنتحارية في كل مكان...
                  

01-26-2012, 02:51 PM

Mohamed Doudi
<aMohamed Doudi
تاريخ التسجيل: 01-27-2005
مجموع المشاركات: 3871

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    سلام يا معاويه ...انا قعدت فى تورنتو كثير منذ 94 الظاهر عليك تركت تورنتو بعد حضورنا
    بالجد تورنتو جميله وعلى ذكر دافرن مول والكوره كانت ايام جميله طبعا بعد وصولنا ومن ناس الكوره
    سيف البوز, عادل بورسودان واخوته , محمد الشويه, عادل ادريس , اولاد ابو عكر , عزمى, المرحوم عبدالعظيم اخو ميرغنى الريس

    دودى
                  

01-26-2012, 11:59 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: Mohamed Doudi)

    Quote: هههههههه..متخيلة منظركم ..فعلاً فرقة إنتحارية ..
    سرد جميل يا ريت تواصل و شكراً على الإمتاع


    سلآمات يا سناء.
    شكراً علي تشريفنا في مكاتب الفرقة الإنتحارية،
    وخليك قريبة عشان تسمعي حكاية الضابط محمود
    الحلفاوي أحد قيادات الفرقة الإنتحارية.

    مشكورة علي الطلة يا سناء...
                  

01-28-2012, 02:36 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    Quote: سلام يا معاويه ...انا قعدت فى تورنتو كثير منذ 94 الظاهر عليك تركت تورنتو بعد حضورنا
    بالجد تورنتو جميله وعلى ذكر دافرن مول والكوره كانت ايام جميله طبعا بعد وصولنا ومن ناس الكوره
    سيف البوز, عادل بورسودان واخوته , محمد الشويه, عادل ادريس , اولاد ابو عكر , عزمى, المرحوم عبدالعظيم اخو ميرغنى الريس

    دودى


    سلآمات أخي محمد داؤود.

    نسأل الله سبحانه وتعالى الرحمة والمغفرة لأخونا عبد العظيم، فقد كان خلوقاً
    طيّب المعشر.
    أنا يا محمد غادرت تورنتو عام 91 ، سيف البوز وكمان سيف العريس، وعادل
    بورسودان قابلت أخوهو عامر، وعادل إدريس دفعتنا برضو، ومن أولآد أبو عكر
    بعرف أكرم. مالك سلبونا كان فردة.

    تحياتي لك يا دودي وعبرك للجميع بتورنتو،
    وأتمنى ان تسعفني الظروف واقوم بزيارة
    لتورنتو أقابل فيها جميع ضباط وعساكر الفرقة
    الإنتحارية.

    مودتي...
                  

01-30-2012, 04:43 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

                  

02-14-2012, 09:47 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    عاطر التحايا لود شيخ عبد الله،
    وأحمد ود شندي.
    لو في طريقة رسلوا لي تلفوناتكم، تلفوني فقد
    الذآكرة، وكلّ المعلومات الفيهو إتلحست.
    والله صحي...
                  

02-14-2012, 10:46 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: معاوية المدير)

    معاويه إنت كشكشبك الذكر ياخ وقتين ما بتقدرو على
    ماسكنو مالكم ياخ دا شغل السراى والسر فى محل السر
    والجهر فى محل الجهر.



    ولـك السلام وحبيش وود شندى ديل وين قال حلال قال


    منصور
                  

02-15-2012, 11:50 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الـفِـرقـة الإنـتـحـآرِيّـة ... تـورنـتـو 1990 ... (Re: munswor almophtah)

    Quote:
    معاويه إنت كشكشبك الذكر ياخ وقتين ما بتقدرو على
    ماسكنو مالكم ياخ دا شغل السراى والسر فى محل السر
    والجهر فى محل الجهر.

    ولـك السلام وحبيش وود شندى ديل وين قال حلال قال

    منصور


    سلآمات يا المنصور.

    والله يا منصور شِن تقول؟؟؟
    أنا عارف نفسي ما عندي قُدرة، لكن شبّة
    وشلآقة.
    والله صحي.

    ود شندي في تورنتو، لكن
    حبيش دا خبروا ما عندي...
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de