|
|
 عايز أبقى شاعر حُر..تبقوا معاي؟
|
يا داخلة من غير تستأذني ..
ويا مارقة ما جايبة الخبر..
ما قالوا ليك إنك تجيبي معاكي تذكرتين دخول؟
شان تشتهي وتبقى المسافات سكتك ..
شان يبقى طعم الهمبريب ضاربو المناخ ..
وإنتي شن دراك بي دهليز عصافير غنيتك ..
ما تضحكي خليكي فيك ..
ما تمرقي إدسي ليك ..
ويكوسوا عنك يسألوا مخلاية السجم الرماد ..
تابا الحكي وتحلف يمين إنك هناك ..
كوم قش فرح تكتوك معاك ..
وتخافي تلبدي مرتين ..
مليون وألف وتلاتة ناس ..
كمّين نفر واقفين جلوس ..
وإنتي الوحيدة براك مطر ...
إدفقي ..أملي الجداول زي بلح ..
ما لاقي عتمور الخريف ..
حتى النواة الكانت جواو ..
إتحررت شمّت هوا ..
وحلفت يمين وعلي طلاق الدنيا اخرا كوم تراب..
وانا ما بلوم بلح الهجير ..
لكن بلوم غدر الحبيب ..
عرفتي لييه تستأذني ؟؟
وعرفتي كيف جيب الخبر ؟
|
|
  
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: خالد عبد الله محمود)
|
بلاهي الزمن دا كلو انت كتا شاعر عب
كدي نتحرر معاك شوية :
جيت من الدغش المنور
سما الليل المضلم
نهارات الصقيع
اتدفى بي نار المجوس
اسمع تراتيل ميلاد جديد
واحزن حزن كل البلاد
مسحتني امي ودكا معطرا
فشقوق اقدامي اكبر من اقدامي
و تاليات زماناتي اشقى زماناتي
فالفقد واحد
و الجرح المين
فانفض جناحات المطر
و اسرج مصاهيل السفر
ارجع وراك تلقى البلد
مشتاقة ايدين تزرعا
تمصر مياه مطر السموم
اصلو الخريف
وقف لواري الثورة
عطل مشاوير الرجا
المك دفين
انتا المطر ... انتا المطر
تحت السما
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
إرتياح..
إهداء إلى روح صديقي في كهنوته و روحه الطاهرة رفرفت في سموات طاهرات..
إلى سعدون..
وسمعت صوت الكركبة..
نبهت سكان القبور..
الموية ناس الكهربا..
أوعاكو من دفع الرسوم..
شفعنا ناس المدرسة..كمين جنيه حق الفطور..
حق النضافة براو كمان..وجنيه عشان ست إبتسام..
وأحححيا من ست إبتسام..والقهوة ترشف منها..
واللون هو زي نعسان كده..لأ بل نام عديييل
والحنة تسمع ضحكتا..وناس القبور متمحنين..
إمكن عشان ست إبتسام ما زارتم..
اليوما ديك جاتم تردد في تراتيل المسيح..
وقل هو الله أحد..
جاطت الحاجات هناك..والقبور ما هي القبور..
حتى المعازيم إتأخروا..
والدافنة كانت غنيتين..
وانا لسة بسمع صوت الكركبة..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
تحليق
مع نوارس الشوق مشيت
افتش لمراسيك بالسنين
كلمت ليك الاقحوان
وكل زهور الدنيا جات
الاقحوان والياسمين
في مسامات الوجع ابل الرحيل
وفي ردهات عصب الوجع
كانت بوتقات وجع الصهيل
جلست القرفصاء وفي يدي مسبحة
لمحت في عتمة البوح
واندياح البنفسج
عرصات وبهو تشدني
تاخدني وانا اشدو اترنم
من الكوهة اطلت عصفورة
وخيط ماء عندها
التمس الضياء
خليل قاسم
كوبنهاجن 1982
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
دي حالتي بكتب و انا مداوم
لوصحيت ليك بكرة مع شروق الشمس و اديتا مشية ناحية الكورنيش بالف ليك كمين ديوان شعر حر
هاك الحرورية
يا شجرة التوت الانيق
طال انظار النار
و آلام الحريق
الجوف رطن
رقصن بنيات الفريق
رقصة الوجع البيرجع
تاني لي كهف الاماني
يدسدس المحرات ضحى
ويرمى طورية الامل
يفتح شبابيك الرمال
ينسج خيوط العنكبوت سهر
يكتب دميعات الليل سهر
يرجى الضحاوية
يجن بنيات الفريق
يرقصن رقصة الامل
الرفيق
قبل الطريق
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
يا عمر أنا باقي معاك ونص وخمسة ..
هاك دي تصبيرة كده لحدي ما اتفرجخ في ضل الحِس الضيّع شارع الرجعة الما بيتشاف (مقدمة ما بطالة)..
أنا ماني شاعر ..
إلا حُر ، فوق رأيي ، سيداً بلداً عديل..
أسألوا الضل البيتلبد يحاحي لي زمن الوصول..
واسألوا الوصلوا ..
ومحطات الغياب الدافنة في طرف الفريق
شوق البنية الراسمة في حدق الحِيط ... قمر النهار
والطالعة من قعر المخيخ ، هبشة ندي..
أرجاكي كيف..
وأنا شوقي زي خط الدبيب مرات يدقش في الخواطر ..
ومرة ينساهو الطريق..
يا قايمة من هدب المشي ،، قولي لي بس خاطرك فدع..
أو بالعدم يرجع صداك.. زي نورس الليل الطليق
شايل مساحات الوجع .. وإنتي الفزع يوم تدلهم ريحة الدعاش ..
وإنتي الضرا يومي الأحس بالارتعاش
يا انتعاش..
يا إنتعاش ..
يا إنتعاش..
يمين ما تقول كلمة ، شيلها كده بي صمة خشمها ..
وما في شكر بيننا ، نحن أخوان ياخ ، وده أقل واجب معاك.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
ونستريح مع الحر الفصيح..
يا تلكم الأنوار ويحك أقبلي..
يا من سألتم عن جراحات النشيد..
الآن...قد حان ألرحيل..الآن ليلي ينجلي..
ما عاسكم فاعلون؟؟
بل ما لصمتي قائلون؟؟
هل أسكرت كلماتيا كأس الحروف؟؟؟
هل مزقت أهوائيا جوف السكون؟؟
لا تقولوا..بل ماذا أنتم فاعلون..؟؟
الغدر منتشر على قارعة الطريق..
والجثة البلهاء ترقد في الحريق..
وأنا أهرول كالغريق..
النار تتبعني وكل العيون..
وحبيبتي نائمة في سكون..
ما درت برياح أمشير قد ضجت هناك..
مسكينة وهي التي برياح أمشير إحتمت..
فلا أمشير عاد ولا صوت المآذن قد صمت..
وانا أدخن الأرجيلة البلهاء..نفس العيون تطاردني..
وأسافر بين دخانها وأشتاق الرجوع..
عمر الفاروق..في إحدى ليالي شتاء تموز الدافئة
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
صاحب البوست وضيوفه
سلام عليكم
يا عمر ممكن اتكلم مع صاحبي عمران دا شوية؟
انت يا عمران الزول البقيتو شاعر دا ياهو عمر الفاروغ ولا واحد غيره؟
بالله البوست من ما جيت داخل ضلمة الزراق بس ما شايف اي حاجة.
الشاعر الفاروق
انا جنس كلامكم دا ما بعرفوا انا زول بطانة بس لكن ان كلامكم دا وشعركم دا زي حقنا في نهايتو بجيب ليهو جلد ادوني خبر، عندي سوط عنج عنسيت مسقى قطران ، لما ينزل في الزول بشيل الجلد وبخلي محلها حفرة معاها شخيط زي بتاع الفرامل حقت التفحيط في الزلط، اها ان وصلتوا مرحلة زي دي ادوني خبر.
هسي حاجة في ذمتك فرح ود تكتوك دخلو شنو في الموضوع دا؟ ولا بس لقيتو ضلعة رفهيفة.
يا اخي مسعول من الخير انت وعمران دا؟ صاحبنا الشفيف ابو عمر معتصم دفع الله وين الحي بيهو؟
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Hussein Mallasi)
|
هو الما كده شنو يا حسين .
مش ياهو اللصيق ده ، والا شيتن تاني ..
عليك الله خليني أجارى - لاحظ لغة الشعراء والمثقفين دي - أجاري عمر ده
نزل له قصيدة بالعربية الفصحى رهيبة ..
لكن هاك دي يا حسين عشان تآمن بالحُر ..
وأنا هنا ..
أتوسد الأهوال ،تجرفني على غسق الحقيقة والشرف ..
وإنتِ هناك ..
تتلهفين سماع قعقعة السيوف المشرعات على المدى ..
تتأوهين ، وتسرعين اللهث نحو فجر الأمنيات المستحيلة..
وأنا هنا ..
أتأبط النجم الذي التمعت بوادره .. وما درى أنني خبأت سطوته هناك..
هناك فوق تذكاراتك البمبية..
وحوطته ، من سموم الناس ، من عقاربه المنقوطة..
وأنتِ هناك..
تستقبلين لواعج القلب المنفخ بالجوى
والأمنيات ، وبعض أوهام الضنى
وأنا هنا ..
أطالع طالع الحظ المرصع بالهبوب
وأصارع السحب المُطرِّزة سفح جبل الأغنيات الضائعة..
وأنتِ هناك..
تترقبين قيام قائمة القوافي الرابطة..
الحالكة الباذلة، جهد الوان الغياب المرتجى..
وأنا هنا ، وأنت هناك
وأنا وأنتِ
هنا وهناك ..
هنا وهناك ..
هنا وهناك..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Hussein Mallasi)
|
عمر كيفك
ممكن أشارك ؟!!
طبعا أنا سبقتك وكنت حر شدييييد في المسألة دي .. منفتح عدييل كدة في الحاجات دي .. يعني هسي وأنا بقرا في قصايدك الحريرية دي .. طوالي راودني الحنين لي سنوات مضت في المنبر دا .. إتذكرت قصيدة كنت أهديتا قبل كدة لي أستاذنا واديبنا عثمان محمد صالح .. وهسي وانا بفتش في الأرشيق لقيت كمان جمبها قصيدة تانية .. ما عارف كتبتها انا ولا ما أنا .. أصلي بعيد عنك قصايدي الحريرية دي بنساها طوالي أول ما أنزلا ..
على كل حال ديل هم القصيدتين ارجو أن تستمتع وجمهورك الأحرار بهذين :
الاولى من تأليفي الخالص :
من ديوان غرغرة الغرغرين في الزمن الحزين
(الغريبة الديوان دا ما فيهو إلا أغنيتين بس ... دي والغنية التحتا الشاكي فيها حقتي ولا ما حقتي .) !!
جاييكي يا درة الصحراء ووميضا
الجاية من تعب الجراحات والمسافة
طالعة من جيشا مكسر في دواخل الفرح المكجن
يا ماشة من تاريخ بلادا كرهت في جواك العساكر
نضالا تمحرق في ضفاف مدنا مولعة في منابر الحوار والإنحدار
######ا تمرق في دواخل شعب جاي من لهيب الانتطار ..
وبرضو راجيكي .....
برضو راجيكي يا زمن فرقة مواعين النضال المتعبة
الجاية من شمسا تحرقت في عيون املا مرقرق
في جوف تعبا ملهلب في الخواطر طارد في شواطين الكدر
معشعش في حنايا الإحتلال ..
كسرة وشاي
موزة وناي
ضهب شاشاي
ترزي غناي
نجار كجراي
بتاع ورنيش ضهباي
وبرضي راجع
وتاني راجع وبرضي راجغ
(صفقة وصفير وهتاف)
(ختام)..
ودي التانية الفيها نفسي .. ونفس الإصطايل من نفس خيل القصائد :
في ظل تخاريف الحقائق والوطاويط السواد ...
انبطح النضال على عناقريب الغسيل ...
وكتبت عنك سكة الوهم الرحيل ...
يا لوري هوستن جر فينا نور طويل ...
وين ناس ابراهيم بقال الخليل؟ ...
وين ناس عمر فاروق شيخ الدين ...
البلد عدمت الرجال ...
وجدي جكس جواهر وامثال ...
والبنات ببحثن عن شوايب في كشاتين النوادي ...
وبي هناك جدي عرس ليك هنادي ...
جاتني زي ديك عدة الحافلة المطارد بالعكاكيز والهواجس ...
وجوني بيتين من شعر ...
واحد اجار والتاني فسحة فيها نيمة ...
نيمة من زمن الاذاعة على الهوى ...
وياهوى سرحت ليك شعري اتكوى ...
وكواني ليك شوق البنفسج للزبرجد ...
واعتبرتك مستحيل ...
اختفيت من الفتيحاب عديل ...
ورحلت ام بده السبيل ...
وسمعت مني شعر جميل ..
يا علة الزول العليل ...
يا منبر الحاير دليل ...
وانحنا مشغولين بي شباشب سنا الشول البيض ..
جونا عابرين الحدود...
يا خروف جلد القدود ...
اتمكيج الضب بالدلال ...
حتى الضبابين في في وداعك اتحنكشت ...
كل البنات اتشلخت ...
كل الحريم إتجلطت !!
أرجو أن تستمتعوا ...
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: ناذر محمد الخليفة)
|
دي برضو لقيتا في الارشي كاتبا عضو إسمو رحيم سوداني :
بس والله ما عارفة نوعيتا شنو ؟ حرة ولا .. آآ آآآ هو عكس حرة شنو ؟!!
يا كديسا جرا فوقنا
انبهارات العشم
يا حبيبا قلنا ليهو
سيب مراحات البهم
يا قدر مكتوب علينا
فوق أراضينا ارتسم
يا منجض كل غنمنا
بي ملاحات الندم
يا حقيقة عشنا ليها
رغم انبوب العدم
ينقطع ضهر المسافة
وتبقى يا عثمان خرافا
وتبقى قمريات حنينة
متنا من شدة قضافا
يا كدايس عشعشت
في النيل ضفافا
يا طنابير فرتقت
من عبرى أشكالات رعافا
وختت القمري الملجلج
فوق مراحات الرهافة
يا عسيمين كان مرادنا
وكان ظرافة وكان لطافا
انت يا الهارد ملاسي
وناس سجيمان القيافة
خلى قلبك بين شطورك
وانقلب جقرا معافى
| |
|
|
|
|
|
|
|
|
 Re: عايز أبقى شاعر حُر..تبقوا معاي؟ (Re: ناذر محمد الخليفة)
|
صلاح عبد الله
علي بالحرام كان قلت لي الكلام ده كاتبه عاطف خيري كان صدقتك يا زول كان بقيت في السودان شوف ليك صاحب يوصلك الشروق ولا النيل الازرق
انت شاعر حداثي من الطراز الرفيع
اها عمر الفاروق زي ما قالوا الاخوان فوق عندك مقومات الشاعر ( الحر ) بعدين ياخي خلونا نقول الحداثي عشان ما تجيبوا لينا الهواء
لكنك ماخد الموضوع هزار لو صنقعت ودنقرت ولبست بنطلون جينز ######ان وشرابات خضراء وعملت ليك شعر طويل او تفه بتبقي شاعر حداثي لا يشق له غبار
اسمح لي بالاستظلال في فيحاء شعرك الوريف
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: ناذر محمد الخليفة)
|
ناذر
ما مشكله ممكن يحلق صلعه بالموسي ويبقي زي الجميل الشاعر والممثل جمال حسن سعيد بمناسبه جمال دي
احب اهدي قصديته ( زوله تفتح الروح ضلفتين ) لزميل البورد المتأزم ابو الزهور
تم قبول عضويه الاخ حمد في نادي الاحرار
فدياس
ناقد ( حر)
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: فدياس نجم الدين)
|
بمناسبة سبحة خليل العميقة دي اديكم واحدة حرة فصحي
لجدتي مسبحة اخرى
عميقة
تعبئ اشواقا لملاقاة اله
لجدي مركوب مرهق
مشى الف مشوار و مشوار
لجدتي محفظة مفلسة
عبئتها حرمان زمانات العسكر
لجدي عراقي ابيض
لم يورثني اياه
ابقيته ليصبح كفني
واخذت المحفظة و المركوب
و نسيت المسبحة في زحمة احلام
و طفقت اجرى خلف سراب
اعماني بصري
المي يؤلمني
فالمركوب لم يعد يحملني
بعيري يعوي
و كلابي تسري نحو نهاياتي
كلابي لا تملك وقت لمحطات
وبعيري قد كره الزاد
العنزة طارت ... طارت
ولكن ركت بعد فوات
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: ناذر محمد الخليفة)
|
الأخوة الأحرار
لا مرحبا بكمو ولا أهلا فالدار داركومو وأنتم منزلو..
وتحية حرة كما الأسود الحرة لي ناذر الحر..
ونرحب بي ضيف شرف النادي الحر الأخ ملاسي ونقول له :
الساعة الآن الواحدة إلا كابوس..
كما ولا يفوتنا أن نشكر الوريف المستظل بشجرتنا الوريفة فدياس..
وصراحة كده يا فدياس إسمك ده حر شديد وبيعمل لينا شغل ما ساهل للنادي..فخلينا نستخدمك سكرتير للنادي..
مخرج..
وأنا أهرول ماشيا..وحبيبتي خمرية الشفاه..
تتسكع في شواطئ الغربة محتضنة بقايا الحسكنيت..
أشتاقها كرشفة ماء في عيون طفلة بريئة..فهل تعود؟
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
اشكرك عميقا اخ فدياس ان اعجبك هذا الشعر الحر العميق جدا
هاك الحراية دي اكان مشوكش امش اكشحا في وش المشوكشاك و عافيها ليك
اسمع :
طرقت ابواب ساحاتك
اخبرني ورعي عنك
و عن جزع رفاقي
من تعداد مطاراتك
ساءلت اضواءك خطواتك
زجرتني اصداء عبائتي
لم تحرجني لم تخرجني
اخرجني عشقي
احرجني شوقي
دربك معشوق ناسك اسمر
غرته انهاد طيف محروق
ترك الغار و اطلق لحيته
خلف صدى مسروق
طلقتني ثلاث ثم ارجعتني
ارجعتني ثلاث ثم طلقتني
ضاق الغار على الناسك
فكفرت بعشق الارض
ورجعت
بررت لوجعي احزاني
استعرت هروبك ترياقا
و لبست محارق دم
ازرق بارد
و خليتك لي يومك
يا بعشوم عشق الذات
( انتهى )
عمر و الله الليلة حررتني حرير
اله يحررك دنيا و اخرة
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
Quote: صلاح عبد الله
علي بالحرام كان قلت لي الكلام ده كاتبه عاطف خيري كان صدقتك يا زول كان بقيت في السودان شوف ليك صاحب يوصلك الشروق ولا النيل الازرق
انت شاعر حداثي من الطراز الرفيع |
يا فدياس إزيّك،،
والله كان ناس عاطف خيري بيكتبوا زي هضربتنا الفوق دي ، وبسموه شعر ، فالرماد كال حماد..
يا فدياس ياخ (حداسة) بتاعت الساعة كم؟؟
الشغل العملو عمر في البوست ده - بالمناسبة - يحمل رسالة أمينة صادقة بعيد مداها (أبوعركي)
وهي إنو البسموه الناس شعر ده ، وفالقيننا بيهو ومضيعين ورق وطباعة واخراج
نحن بنلعبوا ، ونحن مستلقون على ظهورنا، ومحتضنين اللاب توب
ونعتبرو رد على مداخلة واحد من الاخوان ، لا أكثر ولا أقل
أها عليك النبي زي ده بيسوه شعر!!!
يا أيها البتكتبوا شعر حر (حديس):
أرحمونا يرحمكم الله ، واستفيدوا من زمنكم في حاجة كويسة ..
___
الآن نواصل ما انقطع من شعر (حديس) وحر ودعرب..
المايك معاك يا أبوالشباب.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Hussein Mallasi)
|
ناديتك وما رديت يا..... وهم ..
وفي نص الليل زارني هم وقيل معاي تاني يوم
وكل المسافات القبيل فتشتها وفتشتني ..
وفي نص الوجع ..لفيت تاني ورجعت ليك ..
ما أصلي أنا مني فيك ...باقي السراب الفضل ..
نفضت التراب من شبابيك الروح ..وجيرت حيطان الأمل ..
وجواي شهق -أكيد - جالوص..
وقبل أنسى لازم أقول ليك ..
اني ما بدورك ...
وفي الضلمه بحدر ليك ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سارة عيسى أحمد)
|
سلام يا شباب يا وريف
يا شفافييين يا رائعين
و الله حروريتكم عجبتنا و فرحتنا شديد
و الواحد عايز يشارك بس انا شاعر حر
في المربعات و الله حر جد عن أب فيها
فرايكم شنو ؟
عموماً هاكم دا نموذج للمربعات الحرة :-
جيت بالوادي اسوي فك
غشيت ناس أم عمسيب طفر
لقيت كــلــبهم مسنن سنونو زي قرن الموز
يا الييد قبال الكراع.
و شكرن
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
ولا بأس بي تحرر إنجليزي
Heeey man!!!
what wonder you are
i missed her so far..
but think of it as gift
and don't take the lift..
let me give you hug..
then let me drink it in mug..
no body knows..
please ..please..leaving those
i bleave it is polatical..
but keep it as a historical..
i love you..you within love with him..
both if you dancing..
I'm alone..
waiting in the stone..
with my best regards..
free club....
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
اسمعو دي اسمعو دي عليكم الله
ادفقك موية مطر
و اسرج الوجع المساهر بيك
سنين و مراوحك
خايفك
تفيق تلقى المراحيل
رحلت نشوق شيدت بيناتنا
حيطان شوق غريق
يشرق مساهو مع الدمر
العشق حي
في داخلي في داخل مسام
الارض
موقد رميض نيرانو
رابض
في الخيال سارح مع الاغنام
يحاسب ابليسو ولد
يرقص مع النار
الديار
سالت شموع
خرجت جموع
اتمرمطت حرات
جدعت
صراعات توبا وطلعت
تطالع ظلمة الدقن المحننة
بي قفا البلد الحريق
ريحة الجريد
محروقة بي نار جبخانة
سالت
ملت عطرت كل زقاقات الفريق
اوعاك
تاكل لقمتك براك بتخنق
بتخنق
حر و للا ما حر
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: حمد فتح الرحمن)
|
إنتظار..
راجياك معاك..
مستنياك..ولقيتني ماف..
وانا في رجاك..
ما فاضية ليك..لكن بخاف..
متأخرة ومن بدري جيت..حسب المعاد..
مستنية ولكن مشيت رغم البعاد..
وبقولا ليك..ما تسمعا..بس أفهما..
ما بنتظر تاني الوهم..برجاك في سكة عشم..
أحضني..لكن بس زح بعيد...ما تبوسني شان ما افقدك..
وتعال أمش..أو ما تمش خليك قريب..
وانا في رجاك..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
جابت ليها تنقليزي يا عمر الفاروق ..طيب
My friends
I am free...
As a bird
The sky is the limit
It doesn’t matter day or night...
Because the light...
Is coming from the bottom of my heart...
If you with me it is OK
Otherwise, draw a line and stay away...
Far...Far a way
The sky is the limit
The sky is the limit...
Peace...
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
بهذا نعلن أنه تم تعيين الأخت الرفيقة سارة عيسى أمينا لدائرة المرأة بنادي الاحرار.. إضافة لنهامها في اللجنة القافية..
يا بت نن وردة عبيرك فاح..
يا بت يا نخلة مع الأفراح..
يا سامقة وشاترة ضفيرة حسك..
يا الما معنية تعالي أدسك..
ما جواي لكن في قلبي وفي الشريان..
الطالع منو صدى الأحزان..
والراجع ليهو زفير العبرة..
هي الحارقة الجوف في حس النبرة..
يا بت يا نبرة..وما في السطر..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
فتفتوا مصاريني الله يفتفت مصارينكم بالضحك
يا لكم من شعراء من شعب بني الاسافير
يضربون الاخضر ويرسمون الدخان في الهواء
ويبرطعون في الشعر كما تبرطع حمير الحسانية في برسيمها
وان سألتهم يقولون ووب علينا ووووب علينا ثم وووب
الله قادر
ـــــــــــــــــــــــــــــــــــــــــ
شاعري المفضل عمر الفاروق " عنوان بوست الربع الجايي"
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: nazar hussien)
|
عن إذنك يا سارة عيسي
عايز ( أسمكر ) قصيدتك دي (ترجمياً)
عجبتني عشان حروريتا زايدة شوية ... قالت سارة ( بالعربي ):
يا فردة هوي ..
أنا حرة زي طيراً بيلحق فوق بعيييييييد..
حدو السما...
ما فارقة ..
كان ليل كان نهار .....
عشان الضو ده طالع من نخاشيش القلب..
يكون كويس لو بقيت قدامي هسي..
غير كده ..
خليك بعيد يافردة ، وارسم ليك شخيت..
خليك بعيد ..
بعيد..
بعيد..
بُعد السما..
والله قمة الرومانسية يا سارة.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
| Quote: والله قمة الرومانسية يا سارة. |
تسلم يا أستاذ صلاح والواحد سعيد إنو وصل للعالميه وقصائده أصبحت تترجم للغات وكده ..
وهاكم فصحي كمان المافي شنو :
وتسالني ما الذي أهواه فيك ..
كل ما فيك يا سيدي يستهويني ..
لذا قررت أن لا أمارس عليك جنوني ..
واعلنتك منطقه منزوعة السلاح في حياتي ..
لا تمرد ..لا عصيان ..بل خنوع وإستسلام ..
وتسألني ما الذي أهواه فيك ..
كل ما فيك مميز ..
وأنا أكره العادي في كل شئ ..
الملامح العاديه ..
نبرات الصوت العاديه ..
وأمقت الصور الكربونيه ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: nazar hussien)
|
طيب يا جماعه مدام ما اشتغلتو بالمربعات الحره
هاكم دا شعر حر نرجسي ادونا رايكم :-
يا لهذه الحكايات الفريده
الحكايات الممدة العريضه
كما شاطئ البحار
كما شتاء قاااارص دون غطاء
و أتوه بين أشياءئها كما سنجاب غابه
كل حكاية تلغي بالتفاصيل لاخرى لا تنفك
تغزل خيوطها هكذا ... هكذا غزل حصيف لبق
و أنا بين خيوطها تلك و بين الرغبة في الإنعتاق
اسردب ظهري مره و مرات إنحنى للعاصفه
ربما تمر من ذات اليمين أو ذات اليسار
ما لهذه الحكايات الممدة لا تنتهي؟
و مالها مبهرجة الحلي ؟
أو ليس لها شيئاً تعمله ؟
يا حكايات اخرجى ... لك عني
و ظلي هنااااااك
فانا ما شغال بيك كتير
و اكسبي زمنك
احسن ليك .
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
شوفو البلاغة الحرة الحداسية في قصيدة (سيد البيت) الشاعر الحر عمر الفاروق
هاكم المثال الحي ده، لمنظومة (المتضادات البلاغية)
يرجى ملاحظة الكلمات المتضادة باللون الأحمر مع الشرح..
راجياك معاك.. (شوف بالله قاعدة معاهو ، وفي نفس الوقت منتظراه)
مستنياك..ولقيتني ماف.. ( مستنياه ، وجا لقاها لكن ما لقاها... مبالغة)
وانا في رجاك..
ما فاضية ليك..لكن بخاف..
متأخرة ومن بدري جيت..حسب المعاد.. ( جاتو بدري ، لكن متأخرة ، ياخي بلاغة مبالغة)
مستنية ولكن مشيت رغم البعاد.. ( لاحظ الخيالات هنا ، مستنياه لكن مشت)
وبقولا ليك..ما تسمعا..بس أفهما (وهنا استخدم الشاعر لغة تانية حينما أورد كلمتي القول ، وعدم السمع، قد تكون لغة تخاطر،،، شئ عجيب)
ما بنتظر تاني الوهم..برجاك في سكة عشم..
أحضني..لكن بس زح بعيد ... ما تبوسني شان ما افقدك .. (شوف صيغة بلاغة تضاد الحضن ، والزححان-مدهش- لكن البوس ما عندنا فيهو كلام)
وتعال أمش..أو ما تمش خليك قريب..
وانا في رجاك..
المتابع الكريم، يبدو أمما بصدد ظهور مدرسة شعرية بلاغية تضادية حرة
وإحقاقاً للحق، ومنح كل ذي حقٍ حقه، فسنحفظ للشاعر المرهف عمر الفاروق حقه الأدبي والتاريخي
وقد تحمل هذه المدرسة إسمه، البعيد شنو!!..
هذا ووصيتي للمتشوعرين أصحاب الدواويين بالتهيؤ لتناول كميات من وجبات النيم الطازجة.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
اندياح :
مدخل أول :
بتذكرك كلما صفق الخريف ..سقط ..لقط
وكل ما البنيات للضفائر فرتقن ..
كل ما العصافير الحزينه لأعشاشن رجعن ..
وأنا في محطات الانتظار ..
بين العشم والمحال..
بشوفك سراب ..رهاب ..رهاب ..
نفسي كان استعير من حرفك قوافي ..
ومن عمرك منافي
..وإحتمال ..
مدخل تاني :
وبين الوجعه ..وقروش الصرفه إتمدد حريق ..
والجانا من تالا الوطن ..
تتلقاهو سمواتنا المظلمه ومنسيه ..
ويا بت يا غابه ومرضيه..
بتين بقيتي للدفاتر والتلتله ..
وما بين ممنوع الدين وسيد الدكان ..
إتمدد إحراج ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سارة عيسى أحمد)
|
اتكاءة على نيل ازرق
تبقى معي
ما بين موعد مضروب
و رمية سفة
استعيريني دفقا ناضبا
الفظيني سفة صبح ناعم
لا زالت ليلة الامس طازجة
غير ان كاسي فرغت
وجدول ايامي يجري خلفي
و بيني و بين موعد رحلتي
كاس وازرار قميص ابيض
افعل ذلك و يتبقى جزءا آخر
من صورتي الكاملة
النيل اخضر و عشبه ابيض
الطحالب ما عادت اوراقا
وضفادعه تسبح عكس التيار
لو لم يتبقى منك سوى اصبع
ومقدار انوثة
لكفاني ذلك كل مساءاتي
فالمياه حارة
لا تحتمل ترهات ضفدع
ضفدع
ضفدع
ضفدع
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سارة عيسى أحمد)
|
يا عمر يا عزيز....إنت صحيت لقيت نفسك حر وإتمغيت وإندحت...
ليس ممثل الشاعر الحر الذى كان يمشى فوق كبرى الحرية والنهار حر وهو متحرر من كل قيود الدنيا وحرر أكثر من قصيدة منتهى الحداثة...خليك حر محل ماعايز تحر حر..
| Quote: وأنا أهرول كالغريق.. |
ده سباح بعوم فى شارع زلط...أم عداء بهرول فى سطح ماء.؟
لكم التحية بوست تحفه.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: ismeil abbas)
|
يا صلاح و سارة ..
بعد اذنكم
اعتقد انو سمكرة نص الاستاذة سارة يا فنان لسة فيو طعجة..
لانو الفتلة في الشاصي اساساً
Quote:
Otherwise, draw a line and stay away...
Far...Far a way
|
اقترح تعديل شاصي النص لـ:
Otherwise, make a line and stay Faaaaaar behind it...
إت ما حدثوك ولّ شنو!؟
التوقيع سمكرجي قيقا شمس .. او كما قال زهير
لووووووول
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
صلاح
ياخي ركز في الشعر وسيب النقد للناقد الحداثي فدياس لكن بيني وبينك لقيتك نقاد تقول ديك
خليل
بديت قصديتك كويس لكن في القفله ضاع ليك الدرب فشنو ننتظر منك اعمال تانيه
عمر الفاروق
شكرا على الثقه الغاليه والاسم اعتبره حقك واتصرف فيهو زي ما عايز وعاش تضامن الشعراء الاحرار
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
الاخ عمر الفاروق والمرور الاحرار و.....
ما بقدر على الشعر ولكن ممكن اكون ناقدة كاقتراح اول
اها يا سفيان بشير قصيدتك الاخيرة دي لا فيها
مدخل اول ولا تاني
ولا فيها نص (مجوبعة )حاول رتب افكارك وجيبها لينا بنقبلا منك
وبرضو بعد اذنك يا عمر الفاروق
القصائد دي كووولها انا حاشتغل عليها الحان وكدا هنا معانا الدكتور والملحن الكبير الكوباني ومن هناك عندنا احمد المك وممكن في حالات الفلس صلاح ادريس
ويا اتحاد المهن جاتكم فنانة (نعمات الخليج )او (نعمات دبي )ما بختلف في الاسم الاتنين مغريات وبجيبو حقهم .....اها بكون فنانه كبيرة وبحقي كلمات والحان ........احرار في احرار
الساحة الفنية ما حتاكلو معاي ولا برسيمه واحده
لكم محبتي
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: نعمات حمود)
|
اول حاجة أنا جني وجن النقاد ديل لانهم ما عندهم
شغلة غير ينتظروا شعرنا الحر و يجوا ينقدو !!
الشي التاني الناقد التمام في نظري هو الناقد
البشكرني و الله دا حسن منو مافي .
فيا نعمات دبي كان عايزة إي تعاون شعري بينا
صلحي نقدك دا معاي و تعالي زولة شكير سااااي
و الله اردمك شعر تقبضي بيهو الساحة من عنقرته .
يا جماعة شعري دا ما تهملوهو و الله دى فرصة
ما بتلقوها .
اتيممته شطر الموج ضراك
و أنا جاي من شامة عصر الرحيق
سحابات من بريق الآلفه و الحب و الصفاء
ما قلته يومي البدخلك بسكن كل البرحات
اتربس قفص الفواد جواك و اتوهطك
نمة من عشق الصباحات الندية
و مقيل تمام 24 ساعة هيام
ودون قيام
أنا اصلي من مفرق عمرك بقيت
من ضحكتك فيني أشرقته
و مرقته فووو في ها الحياة
داقشته .
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
صديقي الشاعر الحر سفيان نابري
احسب انك دخلت الحداثه من اوسع ابوابها
حالما قلت ( اتيممته شطر الموج ضراك)
فاهم ادوات الشاعر الحداثي مثل هذه المفردات
التيمم
والموج
والضراء
والشطر بكل فروعه
فمرحبا بك في نادي الاحرار حفنا ما حق الرشيد بدوي عبيد
فدياس
سكرتير النادي
بامر الريس عمر الفاروق
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
إحتفاء..
تبا لكم..لا بل عفوا جزيلا..
يا من جعلتم كل ذلك مستحيلا..
سفيان وراوية..وقلبنا النابض إسماعيلا..
سحقا لكم وجمالكم يزدان كل يوم..
وانا وحيدا هنا أغرد كما البوم..
فيا طائر الشؤم عد..
ويا ريحانة الفجر أبزغي..لكن ما فيني..
ملعون أبوك وسبعين كلللب..طلعتي عيني..
يا وااطية جمر الإنتظار..
يا ######ة واقدة جواي نار..
يا معفنة ويا الروعة زاتا..
يا عقدة يا كل البساطة..
انا في رجاك قييلت لي حد الصباح..
بين السكوت والإندياح..
بين السرير والمستراح..
أمشي وأجي..ومزنوق شديد في كيف تجي..
تاوقت من بين الشقوق..إمكن ملامحك لي تجي..
رقراق قوامك لي ظهر..يا بت سمنتي أقول أجي؟؟
أجي؟؟
أجي؟؟؟
وبنات أمي حالفين عديييل ما يسمعو..
وعيني بكن حلفن عدييييل ما يدمعو..
وانا لسع محتفي..
بي ها الحضور الكان أنيق ومختفي..
بي كل زول مليان غنا ..
وبيكي إنتي..
يا بت من قهوة ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
نعمات الشارقة..
عندنا ليلة شعرية يوم الإثنين القادم سنتناول فيها بعض التجارب الخليجية في الشعر الحر وسيكون معنا الشاعر السعودي مطي بن سلمة المطيري فممكن تطلعي ليك عمل عملين..
أرجو التنسيق مع فدياس وسارة عيسى لمزيد من التفاصيل
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
العمل الجاي ده بهديهو لكل زول قبض جمر القضية وتشتو قام رماها..ما عشان التشة حارة لكن إستهوته رائحة الشواء
إطناشر وجعة وبوليسين..
لي وين ماشي وكيفن ومتين؟؟..
شاورت الغيم؟
مش إمكن تنزل مطرة تبل الحتة؟
أو إمكن باعوض يتلم و ياكل الجتة..؟
الغيم ده حنين لكن غدار..
عادي..بدل الموية ينزل نار..
عادي..يخلي الحتة جمييلة شديييد..
وعادي يخلي الحتة كئييبة شديييد..
عااادي حبيبك يكون عصفور في الإيييد..
وعااادي عشرة الشجرة هناك راجين..
ما مضمونين لكن بي الغيم هم دفيانين..
راجين جيتك ما منتظرين..
وعصفور الإييد لو طار منك هم يفدوك..
سبعة يجوك..
طارت واحدة..وفاضلات إتنين..
يشاورو الغيم..يا غيم نمشي؟؟
ولا نطير زي الأولى..؟؟
والغيم إحتار..كيفن يختار..؟
لو طارو الووب ولو مشو ووبيين..
عصفور غلبو ..كيف حال عصفورين..
وإحترت انا..
يا رب أمشي؟؟
وكيف وأمتين..؟؟
والغيم محتار..
بطلت المشية خلاص..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
و أنا بين ضجت هموم الأنتظار
راجيك مشرع للهموم
طفرتي زي حلماً بشتهي
و قلته خالاااااص اكيد دي هي
السوسنة النرجسه المااااا بتنتهي
الكل خطاي ماشاااااه عليها
منها و ليها دوااام تبتدي
ست الغنيوات البكاري
ستي و ست كل شي
يا بت مضفره بالراز
و معطره منيّ فيّ
ما خلااااص انتهي الزمن الطشاش
و مشينا أولات خطئ
ـــــــــــــــــــــــــــــــــــ
نشكر الناقد النحرير جداً فدياس
و نقول ليهو :-
أيييييييييييي دا الشغل دا الشغل
كما نشكر الشاعر الحر و أمير الشعراء
الاحرار عمر الفاروق أن جعل هذا ممكناً
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
| Quote: عندنا ليلة شعرية يوم الإثنين القادم سنتناول فيها بعض التجارب الخليجية في الشعر الحر وسيكون معنا الشاعر السعودي مطي بن سلمة المطيري فممكن تطلعي ليك عمل عملين |
وبعد الليلة الشعرية الخليجية، الرجاء إقامة ندوة عن الادب الروسي المترجم.
موضوع الادب الروسي ده ساهل جدا ما بيغلبكم. أنا بعرف واحد نجر ليهو ديوان كامل مترجم.
واصلوا،
إستمتاع حد الإشباع
| |
|
|
|
|
|
|
|
|
 Re: عايز أبقى شاعر حُر..تبقوا معاي؟ (Re: عمر الفاروق)
|
حياكم الله معشر الحُرين.
لقد شنفتم إضنينا.
والله صحي.
ليس هنالك ابدع مما قرأت في طي
هذه المساحة.
إلي الأمام،
قصيدة، قصيدة، بيت، بيت، إستانذا، إستانذا،
عنترة، عنترة. لا تراجع للأمام، وإستمروا
في متاهات الإبداع.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: معاوية المدير)
|
احد عقلاء المساطيل الحداثيين كان ضد التمييز النوعي والاضهاد ضد قبيلة المساطيل
وكان يخوض حربا على القصص التي تفبرك فيهم بظنه ودائما ما يدافع عن اصحاب مزاجه
وفي نفس الوقت يمارس نوعا من النقد الذاتي ويوجه لومه للمساطيل بانهم لا يسوقوا لانفسهم كجزء من المجتمع
وفي اطار توعيته كانت كل اجتهاداته لمسح هذه الصورة السالبة
وفي احد المرات وجد شخصا مسطولا في شارع الاسفلت يصنع مراكب ورقية ويرمي بها في منتصف الشارع
وقد نظر اليه صاحبنا المسطول الحداثي الحر وقال له بلغة عربية فصيحة
( والله انتو الجايبين لينا الهوا وفاضحننا هسه بتعمل في شنو ؟ والله انا كان بعرف اعوم اجيك بي هناك اوريك حاجه )
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
وعشان ريحتوني في فشفاشي ده
أهديكم (أحرّ) ما كتبت
لكم جميعا بلا إستثناء
بالله أقروها بالتشكييييييييييل ما نكسروها لينا ساكت
التقيءُ
أنتِ
وأنا
وثالثنا التَقَيُّءُ
وأرصفةُ الزلازلِ مقبلاتْ
يحمِلنَ تسونامي الرحيلْ
ولسعةً من حريقِ الشمسِ تسبُقهُ فِلاشاتٌ و طقطقةُ العِظامْ
و آلامٌ بأصبَعِيَ الصغيرِ
محشوراً
بين جوربِيَ العجوزُ
و بوتاً من جلودِ البقراتْ
مرايا من حديدْ
وسماواتٍ تمدُّ لنا لساناً
وبعضاً من صَديدِ الإنفلاتْ
آهٍ
كيف يسبِقُني التآكلُ
والتواكلُ
والهياكلُ
والمشاكلُ ...... والطغاةْ
كيف يسبقني الكي بُوردُ
يكتبُ ما أهمُّ بأن أقولهُ ...... أو لا أقول
كيفَ يحمِلُني حنينكِ
بين أروقةِ المَدائنِ مُشرعاتْ
لاهياً كالكَهلِ مزهواً بلُعبتهِ الصَّغيرةِ
زاهياً كالليلِ مَكسوُّ السَّحابْ
ومترعٌ بالهمِّ والخَدَرِ اللَّزيزْ
وتبقين
أنت
وأنا
وثالِثُنا التَقَيُّءُ
وأرصفةُ الزلازلِ مقبلاتْ
| |
|
|
|
|
|
|
|
|
 Re: عايز أبقى شاعر حُر..تبقوا معاي؟ (Re: وليد محمد المبارك)
|
عبق البارود،
بكائية علي بحر القلزم:
ابوات النازية تدك رحم
مدينتنا
حتي نشتم عبير الموت
والطفل يصارع جدار
الرحم الأم
يصرخ والأم تئن
وهتلر ياتينا يطل عبر التلفاز
صوته مصحوب بهدير
مدافع في جوف الليل
والشيخ يبحلق في الجندي
المنتصب امامه وهو
مهدود الحيل
يصارع وحش الفقر
الخانس في الجلباب
وقد طفح الكيل
لكن الزهرة لاتعرف
طعم البارود
وقد نبتت فوق حطام الحرب
تبث العطر كي تهزم
عبق البارود
فالعطر ابداً لا يُهزم
في بعض مكان...
ود المدير...
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: معاوية المدير)
|
نرحب بالأعضاء الجدد في نادي الأحرار ولكم منا قبلتين بنكهة الهيل وطعم الوسواس..
ونخص الأخوان وليد المبارك وود المدير وإن كنا نعيب على ود المدير صورة البروفايل التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من الأخوان في لجنة الإنضباط توزيع روزنامة النادي على الجميع..
ومبدئيا فيما يتعلق بالزي نوضح الآتي..
1.الأعضاء من الرجال:
1.1بنطلون جينز مشروط في الركبة اليمين.. -لا يشترط لون أو ماركة محددة-
2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا-
1.3 الشعر المنكوش مع قليل من الشيب -يوجد إستثناء للصلع الوراثي-
2. الأعضاء من النساء:
1.2بلوزة مقاس 12 كم قصير جدا مع طرحة تعلق على الكتف كحد أقصى..
2.2 إسكيرت جينز بي جيوب خلفية ضيق وتحبذ الخطوة البي الجمبة..
3.2 ميج بني مع تحديد للحواجب ولا يشترط أحمر الشفايف..
شروط عامة:
- تفضل الأحذية الجلدية للجنسين
- لا يحبذ سب الدين ويمنع التلفظ أمام الرفيقات..
- التدخين مطلوب للجنسين..
-
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
ممكن اشارك ولالا
لكن دا ماممكن يكون
انا اصلي زي شاعر كدا
انو المسير في سكتك
اصعب وزي بلع الدوا
لكن خلاص ممامشت ريحة الوجع
رجع الكلام المتنسي
بكاني في عز الفرح
خلاني زي شايت غلط
وصوتي زي دلوكة باقة في نهارات المغيب
وحسيس كلاب ضلت طريق
عاضيها جوع
عضت جنيات الفريق
عدمت شويات الحقن
ودا كلو في صفق الشجر
لمن يحت مشتاق يهوهو للمطر
وانا لسه في زمن السعر
بشكيكي لي طوب الارض
القاهو زعلان من زمن
لا لامي في اسمنت يعدل وقفتو
لا السيخ رضى
سافي الاسف تنباك مورم شفتو
ولمن خلااااااص
الم الصفاقات القديم
ذكرني ليك
قربت افارك سكتك
-----------
ياجماعة الخير دي محاولة بسيطة
انا عارفها لاترقى لانضمامي لنادي الاحرار
لكن دخلونا معاكمان شاء الله غفير
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: معاوية المدير)
|
نرحب بالأعضاء الجدد في نادي الأحرار ولكم منا قبلتين بنكهة الهيل وطعم الوسواس..
ونخص الأخوان وليد المبارك وود المدير وإن كنا نعيب على ود المدير صورة البروفايل التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من الأخوان في لجنة الإنضباط توزيع روزنامة النادي على الجميع..
ومبدئيا فيما يتعلق بالزي نوضح الآتي..
1.الأعضاء من الرجال:
1.1بنطلون جينز مشروط في الركبة اليمين.. -لا يشترط لون أو ماركة محددة-
2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا-
1.3 الشعر المنكوش مع قليل من الشيب -يوجد إستثناء للصلع الوراثي-
2. الأعضاء من النساء:
1.2بلوزة مقاس 12 كم قصير جدا مع طرحة تعلق على الكتف كحد أقصى..
2.2 إسكيرت جينز بي جيوب خلفية ضيق وتحبذ الخطوة البي الجمبة..
3.2 ميج بني مع تحديد للحواجب ولا يشترط أحمر الشفايف..
شروط عامة:
- تفضل الأحذية الجلدية للجنسين
- لا يحبذ سب الدين ويمنع التلفظ أمام الرفيقات..
- التدخين مطلوب للجنسين..
-
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
يا زول ما ساكت وزي ناضم..
لو كنت نضمت تسوي شنو؟
هو الزول لو ساي ما كان ساي..
مش كان الدنيا بقت لونين طعم الحاجات بقا زي مشتاق؟
مرحب بيك في نادي الأحرار إضافة جديدة إضافة لمهامك الأمنية التي ستوكل إليك لحماية النادي..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
فتح الباب :
انعتاق ..إنهزام..ضجيج ..وبهار
كسبره وجنزبيل ..
كاروشه في القلب والطحال ..
وخليني أفطك مره صاح ..
سطر ..سطر
يا لوحه مزاجي المعكره ..
ريحه شاي لبن مقنن ..ونيل
يا ود يا مبهم ومنبرش
رزع الباب في وشك :
مشاويرك مكدره مغبره ..
والجزمه ضيقه وكعب عالي..
وأنا تهت في إحتمالات الوصول ..
والجيه ليك زي الرجوع ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
صاح..
سارة شكلك بتأسسي ليك في مدرسة تانية ، لم تتبين ملامحها بعد
وملاحظ سفيان وناذر برضو ماشين على نفس نهج مدرستك
في المدرسة دي القصيدة (الحرة) لازم يكون عندها هدف (حر) ومضمون (حر) وانسيابية (حرة)
ووزن (حر) ومفردات (حرة)..
يلا يا سارة منتظرين قصيدة (حرة) أبوها ود عم أمها..
بتفرج قبل شوية في برنامج الشعر في التلفزيون
مت بالضحك!!!
الله يسألني الناس ديل بيقولوا في كلام خارم بارم
غايتو أعضاء نادينا ده (عضوية السودان)
فرصتكم كبيرة في الشهرة والمجد..
---
صلاح عبدالله
(نقّاد) زي ديك ناس خليل قريب فدياس.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: Salah Abdulla)
|
يبدز ان الجميع عرفوا الحقيقية
اكلو البرسيم الوردي
وطرشوا على جدار الصمت
طرشو عوووع كلمات ضد الجوع
ضد الثورة والمشروع
روسيا تهتف قرفانين وكذا الفاروق
اكل برسيم الحلة الفوقانية
وجانا يبرطع كوع كوع كوع
دنق دنق دنق دنق
برق برق برق
هيا اهتفوا معي عايرين برسيم عازين برسيم برسيم برسيم
هيا برطعوا معي برطعك برطعك برطعك
واحد برسيم وصلحوا
هيا اهتفوا معي
برسيم برسيم برسيم
برسيم يرسيم
برسيم
برس
بر
بر
ب
| |
|
|
|
|
|
|
|
|
 Re: عايز أبقى شاعر حُر..تبقوا معاي؟ (Re: القلب النابض)
|
Quote: ونخص الأخوان وليد المبارك وود المدير وإن كنا نعيب على ود المدير صورة البروفايل
التي لا تتماشى مع شروط النادي..أي نعم هو نادي حر لكن ما لي درجة العمة والشنب..ونرجو من
الأخوان في لجنة الإنضباط توزيع روزنامة النادي على الجميع..
ومبدئيا فيما يتعلق بالزي نوضح الآتي..
1.الأعضاء من الرجال:
1.1بنطلون جينز مشروط في الركبة اليمين.. -لا يشترط لون أو ماركة محددة-
2.1تي شيرت سادة كم قصير مصحوب ببعض الرسومات-يفضل صورة بوب مارلي أو جيفارا-
1.3 الشعر المنكوش مع قليل من الشيب -يوجد إستثناء للصلع الوراثي-
|
يا ريس خليك معانا فيّر شويّة.
إشمعنا أنا ؟؟؟
هسّع صلآح الناقد دا شنبو ما داير ليهو عتالي عديييييل كدا،
وكمان جلآبيتو نضيييييفة و مغسّلة ومكويّة، ولا بس معاها
طاقيّة، وليس عليه ايّ علآمات بهدلة !!!
حامد فتح الرحمن رغم انّ دوزنته تتماشى وفلسفة مدرستنا
إلآ أنه يلبس جلآبية زرارتا الفوقانية فاتحة !!!
ود الخليفة قميصو شيّن. تاني ما يجي هنا.
ناذر الخليفة هيئته متناسقة ونسق النصوص، وتتماشى مع
الرقيوليشن بتاعت المجموعة، لكن أشعاره زي الجلي الفي
المعلقة تقاطيعها كلها ترجف. والله صحي.
سفيان نابري قاشر عديييييل كده، وليس عليه ايّ علآمات
بهدلة. والله صحي. أظن انّ التعليق تخطاه لأنه أجودنا
طويلة.
قيقراوي لبستو في السِلِك رغم إنو ما شاعر بأيّ حاجة،
وحتى ما شاعر بينا نحن زاااااتو.
والله صحي.
كدي خلوني أخش في نص سريع قبل أن يأتي عنكبوت النسيان
وينسج خيوطه الرفيعة فوق تلآفيف الذاكرة.
لون البنفسج:
عصب الأوتار الخارج من
حشرجة النفس.
اللون مع شفق القبلآت
ينازع فقاعات الشمس
في داخل حبي العالق في
استار الروح اذوب،
ويذوب اللون
يتمازج في شفق مجرات
الحب
ويدور مدار الكون.
حبات جليّد نزلت
فوق المعطف
ولهيب البرد يداعب
ينبوع الشفتين يذوب
بعض قطع شكولآتة
وعقاب سجائر وحبوب
والريح شمالي
وهبوب العشق جنوب
الشجر العاري يرمقني
وأنا في خيط اللون اذوب.
ززززز
ز
ز
الحب ممات الكون
واللون تلآل من فكر
صوفي
يسافر في جلباب
العشق الساكن
في روحي من غير إيجار...
ود المدير...
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: معاوية المدير)
|
اول حاجة صلاح عبد الله ما ناقد ولا اى حاجة دا عنقالى نقد ساكت
و أنا ما شغال بيهو كتير و احسن ليهو يشوف شغله غير اللبط البعمل فيها
دى قبل ما اختو فى (آفق الخيال) و اهجوه بشعر تتناقله المنابر
غنائية لإنكسار الروية
بيني بين الشوف العديل
قامت هضابات عازله
اصلى كنت متوكئ الحلم
عشمان في باكر و جنتو
طربان اغني في غناوي
الفرحه و الفال بالنغم
دفيان بحضن من بنات افكاري
ليك
فرحان و بنسج في الحروف
كل ما خطاي تسرع مشيك
و في ضجيج الرحله
و السكه العليك متقدمه
كون من مباهج و من مرح
موسيقة قرب وكورال حنين
موتيفه من رحم الغياب
لي يوم للقاء هادي و آمين
مفتاحو صولو
صولفيجو زحمة من السنونو
في نغمة واااحده ضد النشاذ
و أنا بين متاتات الشوارع
بين الترغب و الإنتظار
أنتي إنتابك حصلر
و انكسر فيك الرجاء
تور نفس حزنك جواك
اتصادرت احلامك ضحى
عفر و جيهك زمن الخفوت
ضاعت آمالك
سهى
غرغر الجرح الجواك
وصل مداهو المنتهى
شل قلبك زمن الخراب
ضاعت الابتسامه المفرحه
لكن لو طال الغياب
و الليل سكن و عسم ضهيرك
زي رحى
لابد صباحاتك تبق
و تهلي كاااامله بكل
بهاء
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
الأخ الحبيب عمر الفاروق
والاخوة الاعزاء فحول شعر الحداثة
انعمتم صباحا
واضحك الله سنكم واسعدكم
والله بوست فى غاية الامتاع
ايوه بالله امرقونا من الهم والغم بهذه الدعابات الرائعة الجميلة
ادامكم الله وابقاكم
وكل عام وانتم بالف خير وسرور
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: قرشـــو)
|
الرفاق عمر الفاروق وصلاح عبد الله ..
كرمشتو مشاعري وكرفستوها :(
و أنا زي سفيان دة ..أفضل النقد البناء البشكروني فيهو بس ..لكين معليش نحاول تاني :)
تاني عافرني الحنين ..
ليل غربه وشجن وأنين ..
وشوق للبلد الهجمتك ..
في صمة خشمك وجعتك ..
زغروده وسكليب ..
و أحي ..و-..ووب ..
وسجمي تاني بنجيك ..
لا ..لا ما بنجيك ..
لكن السويتيهو في القرض بتلقيهو شوك ..
وكريت ما جايبه الخبر ..
ما هامه بالضايع هناك قاطع الاتر ..
يا النبي نوح ..يا سيدي الحسن
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
يا قلب دخلتينا في حتة ضييييقة بإنضمامك للنادي الحر وإنتي بي لبس الكوزات ده..
أسة نقع بيك وإنتي جايانا بي عباية داخلها عباية داخلهم خمار ثم الآشاربو..؟؟؟عشان كده وتفاديا للمشاكل حقو تشتركي معانا بي إسم مستعار وأقترح عليك إسم ريحانة البنفسج..
و يا ود المدير نلفت إنتباهك إنو صلاح كان من المؤسسين للنادي و الصورة قبل وضع المسودة..صلاح حاليا يداوم على لبس برمودة صفراء مشجرة مع قميص أخدر ..
ويا نابري شعرك في تطووووور ملحوووووظ وعملك الأخير فيه شئ من حرية تكاد تلامس عصب الحاجات..
إنقياد..
يا إنت لي متين السهر..
و يا إنتي لمتين الهروب..
ويا إنت يا رنة وتر..
ويا إنتي يا كل الدروب..
إتلمو أحسن ودوزنو..عصب الغنا المجدوع
ما تفقد الحاجات طعم وما تبقوا إنتو على الخنوع..
انا أصلي شايف إنكم..جوزين حمام كاتلاها جوع..
طارت تلقط رزقها..وما لاقيا غير غثيان وعووع..
وإنتو مالكم ومالا عاد..أصلو حمام رقاص..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
لالالالالا...سارة إتحررت تحرر لامس شريان الفكرة وخلا الدنيا زي عذراء..
أييييوة كده يا سارة ده شعر حر..ونحن في نادينا ده نقدم العمل الجيد ولا ننجرف خلف مآلات الأشياء..
عملك الأخير جميل ويذكرنا بي سارة بتاعت أركان النقاش الكنا بنعملا في الستينات ..
عمنا قرشو ..إنت زي مستمتع وما مستمتع..ما أصلها الحاجات كده وزي ما كده..
فااا بس.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
اندياح
طالع سااااااي
ماشي ولا هاميني
القدامي هناك
ولا البيغادي
ولا البيجاي
قادل فوق عزي
براي
بغزل في خيالاتي
جياد الفكره لبكره
موال في نمه
للمه كبيييره
و بقولوا غنايّ
ما اتلفته شاكي في خطوي
ولا سكنته الخوف جواي
اصلي مغامر طالع نازل
بمشي عدييل
ما حوا ي
ما الدنيا مديده
فارع طوله
لي يوم ضواي
نمسك فيهو
نلبو نحبو
نسكن فيهو
و يسكن فينا
نغم من ناي
نجازي زمانا
الخانا
و ما رضاي
بانو نكونوا
غصباً عنو وعنوة عديل
و نعيش في دنيا عريضه
ونشتل ريدة
الزمن الجاي
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
ريح عاتية تداعب مسام دمي
جسد ملتهب لا يطاوع يدي
السوس
كائن ذري لامع
يسكن معي
فانا حقل تجارب للسوس
والبعوض
مختلطٌ بدمي لعابه
يسرى عبر شريان اعرج
الان احس احساس البعوض
خارجٌ انا من ذاتي
داخلٌ انا في ذات بعوضة
الفكرة نفسها كرة ذرية لامعة
لا تنبئني عن قرب المطارات
و لا عن ايدي العذارى الناعمة
لم اعد احسها
لم يترك لي البعوض دما
و السوس ينخر اطراف اصابعي
لماذا انبح في داخلي
و يخرج نباحي كفحيح
لماذا امشي كثعبان اعرج
اتسلل الي ضواحي المدينة
التقط حبات قمحهم الطازجة
السع اطفالهم
امتص باقي دمائهم
ارجع لوكري لاعق شاربي
لاخرج مرة اخرى للشوارع
امد لكم كورة مديدة حارة
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
كبرياء..
وطني بلا أزياء..
يسير على الطرقات عاريا متأنقا ..
ويدس عورته اللئيمة خوف ساعات اللقا.
واضعا يده اليمنى في فمه وباليسرى يرسم في الشقا..
لا يهتم بتفاصيل الأشياء الصغيرة فالكل قد درس باب التكاثر في كتب العلوم..
والكل يعرف كيف أن حبات التلقيح البغيضة إستباحت ميسما ملغوم..
وكيف أن تكاثرا خضريا قد أتانا بفاكهة الهموم..
واليرقة صارت شرنقة دونما استئذان بفعل السموم..
والحشرة رغم كمالها مبيتها شتوي خوفا من إنقراض مشؤوم..
حتى الرخويات واللا فقاريات تمر بفترة المراهقة في سن مبكرة..
ونحن نختن إناثنا في سن مبكرة..
نزوجهن في سن مبكرة..
نطلقهن في سن مبكرة..
وكنا قد وأدنهن في سن مبكرة..
غير أننا نحاول إعطائهن حقوق في سن متأخرة..
وباب التكاثر لا يزال يدرس بنفس الطريقة البلهاء..
نرسم جهازا تناسليا بإنتباه..
ثم نرقم الأعضاء سم لنا ما أدناه..
وعلل..
ثم إشرح..
وأذكر لنا من سماه..
في أي عام أكتشف؟كيف؟لماذا؟أين؟.؟..؟.....؟ يااااه.
ثم ينجح المسكين فينا والمؤدب..وربما يرسب صعلوك ألم بكل تفاصيل الجسد..
لا بل أكيد ..
وهناك..على الجانب الآخر من الرصيف..
حيث يرقد برناتشو ولوحات الخريف..
حيث مات شكسبير ببندقية تاجر وشريف..
عبروا..سافروا عبر الزمن..ثم هاجوو فينا قائلين..
خذو دنياكمو هذي فدنياواتنا كثر..
-ربيع- رياضكم عربي وربيعنا شذى زهر ..
قلبي على وطني..لا زال عاريا على نفس الطريق..
في الجانب الآخر من الرصيف..
وكل همه خبزة رغيف..
وأكبر أماني أبناءه العيش العفيف..
غير أنه لا يبالي..ولايزال عاريا يرسم بيده نفس اللوحة..
وينتظر أن ترقم باقي أجزائه وتسمى الأعضاء أدناه..
فيااا الله..ياااا رباه..
رفقا بوطني..
| |
|
|
|
|
|
|
|
|
 Re: عايز أبقى شاعر حُر..تبقوا معاي؟ (Re: عمر الفاروق)
|
تعالوا إنطلقوا معانا هنا فى فضاء الفيس بوك :
http://www.facebook.com/groups/197535260297577/
شذرات حداسية من معاركى فى البورض :
ما أتعس أن تكون ديكا ..
ذابل الريش مضبلن
ضامرا مثل الحمامة
قابعا بين الداجات كسيرا
لا يهش ولا ينش ..
كحال صقر اذلته يمامة
........
أراك ثقيل الدم شيمتك المكر
أما للخجل نهي عليك ولا أمر ؟
يا أخى بالغيظ كدت تقتلنا قتلا ..
وإذا حاورناك نكاد نموت من القهر
ناشدتك بالله كف عن مضايقتنا
وأتركنا نرتاح من كلامك المر
فيا بلوانا لم نعد نحتمل أكثر
وإذا فارقتنا سينالك الأجر
+
..........................
هام وعاجل : لقد اضنانا الشوق لكتابات مستر E ومناكفاته فى هذا البورد ..
نطالب بفك الأسر عن باسويرده حالا ..
وإلا سوف نعلنها ثورة حتى النصر ..
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عمر الفاروق)
|
يا جماعة جاءت دعوة لينا كشعراء احرار في ايملي للمشاركة
في مهرجات الجماعات الشعرية العالمية الحره و المهرجان
حيكون في (حراري) - ودي من أعمال الحره نواحي الديمقراطية-
و قالوا عايزين مننا عدد اربعة مشاركين مع مراعاة الجندر
طبعاً هم متكفلين بالتذاكر و اقامة الفندق لمدة المهرجان
وهو سبعة يوم .
فشنو؟ اعقدوا اجتماع الإدارة و بتوا لينا في الأمر دا لانهم
مدننا 48 ساعة عشان نرد عليهم .
بشكل شخصي أنا رآي هو أننا ما نشارك لعدة أسباب اهمها:-
1- إدارة المهرجان دي موقفها من مشكلات الحرية غامض .
2- رائيها في قضاياء البئية ضبابي جدا.
3- موقفها من المحكمة الجنائية في القضايا الشعريه.
4- عدم توقيعها على بعض اهم الإتفاقات الدولية فيما
يخص الموقف الحداثوي.
و بعض النقاط الأخرى .
فما رايكم دام فضلكم.
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
بعض دخان علي جبال الأولمب...
هذا العشب الكامن
في جنباته إكسير السحر
في بعض لفافة طيفٍ أبيض
راحت تنظمه بين اناملها
كسجارٍ كوبي المصدر
والصبح قد راح يدِب في
جسم الكون كنِمال السُكّر
ودخان العشب راح يسافر
مابين نخاشيش الأنف
وتلآفيف المخ
حتي اضحى مزاجاً سافِر
نفسته هواءً في جسم
الصبح فصار الكون
بِرُمته ناعس فاتر
نعست عيناها، فحطت
محارات البحر علي
شاطئ الخاطر
فتلآشت اوتار الليل
مع سحب دخان فهمس الليل
في أُذن شعاع الشمس
والخدر الناعس
إستنشق عبق
الرحم الكون
وبعض فراش هسيس الليل
في خيط الضوء يسافر
يعبس برفيع الخيط الدخاني
وتنادي عليه حدآئق بابل
لكنه يحلم بجبالٍ فوق
سبج الغمام هي الأُلمب
تموت الفكرة نسيج
في امشاج الرحم الزآت.
ود المدير...
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
مثلما ان هناك شعر حر فهنالك نقد حر
فبالله زي ناس صلاح عبد الله ديل ما تشتغلوا بيهم لانو دي مدرسة نقدية تجاوزتها المشاريع الابداعية ما بعد الحداثوية
يعني ناس صلاح ديل لما كانوا بيقروا في كتاب النقد الادبي في سنة تالتة انا طلعت كتاب نقد النقد الادبي للصف التالت عجبي ( كلمة عجبي هنا كما لا يفوت على فطنة القارئ هي دمج لكلمتي علمي وادبي)
برجع لقصيدة الفاروق الاخيرة كبرياء والتي تنبئنا باننا موعودون ببزوغ شاعر لا يشق له غبار
فالشاعر صاحب مشروع ابداعي واضح المعالم
الصور الشعرية باذخة اما خيال الشاعر فراكب الزلط عديل ومركب مكنة ركشة
اللغة المستخدمة في قصيدة كبرياء تنم عن الثقافة الموسوعية للشاعر ( شوفوه مجضم درس التكاثر الخضري دا كيف)
والاهم من كدا انو الشاعر مهموم بقضايا الوطن والثورة
ونسبة لانه اول شاعر سوداني تنبأ بأن الثورة السودانية حتحدث في الشهور الفاتت دي فقد استحق لقب شاعر الثورة بلا منازع
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سناء الصباغ)
|
أغنية للوطن من خلف جدار الصمت
و الخديعة
محال يا وطني تتلجن
محال في يوم يحكمك جن
إذا جواك سكن العذاب و اتسرطن
سنين اولادك الحبوك ما فترن
ولا سكن الخنوع روحهم و اتوطن
ولا فل الظلم احلامهم
ولا بيت اشباح او حتى
سجن
يا ساكن دروب الروح و قابض ضروب
عرقك جوووه
السوح
و باقي
بدن
يا وطني يا حضن الغناوي
الندن
وما هدن
ولا بهتن
لون و طن عربان زنوج و بجه
و طن ممراح و طن
ممكن
وطن باتساع
الرو ية
يدوزن
لا يبراهو يوم الشوم
لا غراب البوم
في سماهو
يتمكن
و طن كارب نصو تمام
لسانو نضم بكل سحن
و طن فارع و طن شارع
بدستوروا
اتسودان
يا وطني أنت معاي
أنت جواي
أنت حماي
أنت دماي
و أنا درويشك
اليك
رطن
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: عصام علي أحمد)
|
الريح حصان جراي وفالت
سابق خيالي الما عرفتو
وخلا فاتو
الضوء .. هو فكرة !!
و لا بتشوفو العين
عقلك بيرسمو ليك
والفكرة حرة
زي تربال بساسق بين دروب الجدول
يحاحي في نخلاتو
زي كادح يلم في نصيبو
قرش قرش
شان يعلم بيه بناتو
الزول تعرفو طشاش
يبقالك كانو غريب
او ياهو ذاتو
____________________
مهداة الى نابري
حريقك فيك انت وصهيب
| |
|
|
|
|
|
|
|
|
|
Re: عايز أبقى شاعر حُر..تبقوا معاي؟ (Re: سفيان بشير نابرى)
|
محاولة سفيان لتبني مدرسة الفاروق الشعرية مرفوض تماما على المستوى النقدي
وحتى النص الشعري لو حاولنا تفكيكه ففيه استبطان لنفس الصور والاخيلة في نص فاروق
حتى فكرة استدعاء الوطن من وراء الحيطة هي فكرة مطروقة في نصوص عديدة لشاعر الثورة بالشنقيطي الفاروق.
معاوية بن المدير رغم عدم التزامه وتمرده على التقيد بما توافق عليه الشعراء الاحرار اي الخروج عن الادوات القديمة مثل
اعتمار العمة واطلاق الشنب على عواهنه حتى لدواعى ندرة امواس الناسيت او كما قال سيدنا تاج السر الملك صاحب المعلقات المعروف بكعبة
امامنا وحبيبنا بكري اب قرعة ( اب صلعة هذه عبارة مطروقة ونحن دائما نأتي بالجديد) فهو اي بن المدير لديه ما يؤهله للاسهام في الشعر الحر والسمو به الى مصاف العالمية.
| |
|
|
|
|
|
|
| |
عمر الفاروق
عمران حسن صالح
خالد عبد الله محمود
حمد فتح الرحمن
khaleel
محمد عمر الفكي
Hussein Mallasi
ناذر محمد الخليفة
فدياس نجم الدين
سارة عيسى أحمد
AMNA MUKHTAR
سفيان بشير نابرى
Munir
Rawia
القلب النابض
nazar hussien
ismeil abbas
قيقراوي
نعمات حمود
عمار يس النور
معاوية المدير
ود الخليفه
كمال حسن
زول ساكت
أمير فتحي
قرشـــو
وضاحة
سناء الصباغ
عصام علي أحمد
فيس بوك
تويتر
انستقرام
يوتيوب
بنتيريست