عن كلية جبرة للعلوم الشرعية دعوة للنقاش بادب

Quote: طيب اديك مثال من مقال الاستاذ الركابي : هو بقول (وتحدثت في الحلقة الأولى عن الحياء وأن فقده وانعدامه لدى الكثيرين هو من أهم الأسباب للواقع (المؤلم) الذي نعيشه ،) يعني وعي الركابي بفتكر انو فقدان الحياء هو من اهم اسباب الم واقعنا - و المشكلة انو التفكير دا ما بقدر يمشي اكتر من كدة ! يعني شنو الادت لفقدان الحياء و اذا في وعي بفتكر انو سبب الالام العايشينها في السودان فقدان الحياء -دا بالنسبة لي كارثة كبيرة و ما قادر يشوف الحاصل و لا الحروب و لا الدمار ولا اسباب فقدان الحياء- و ببساطة فقدان الحياء لعدم تمسك الناس بالدين ! و دا كلام قريب في نظري للشيخ القال انوسبب الغلاء هي احدي الفنانات - و المشكلة الكبيرة جدا انو الاستاذ الركابي صادق جدا في مقولته و مجتهد عشان الحاجات دي تتحقق - يلا دي انا بعتبرها العقلية المؤسسة لجامعة غير مختلطة و في تقديري لو الفكر او العقل المحرك الاستاذ الركابي انتشر في المجتمع دا حيدمر باقي المجتمع الموجود ذاتو ! و لو كمان جاء في السلطة معناهو الموضوع اخطر من كدة