Quote: يا واصل .. يا ابن الاكرمين .. انت سموك علي واصل بن عطاء؟ انت يا ابو الاوصال عندك موقف معارض من الانقاذ وكثيرا ما تستخدم السبق الخبري الجيد والموثق والصور في هذا المنبر .. وقبل كدة انا عبرت عن اعجابي بي شغلك .. لانو في الغالب شغل نضيف ومحترم .. طيب تعال نسألك عن التعليق بتاعك اللي عملتو عنوان للصورة الجبتها دي. هل المقصود من ان الصورة ( معبرة ) هو بالضبط من مثل ما اثاره الاخوان والاخوات؟ هل كان ذلك هو فهمك عندما اتيت بالصورة والتعليق؟ يعني مثلا هل هو كما اوحت تراجي ان الرئيس كبر في السن ويستخدم الفياغرا عشان يقدر علي زوجته الثانية الصغيرة في السن وان ذلك ربما اثر علي طريقة وقفتو ومشيتو.، او الاوصاف الاخري التي وردت في هذا البوست وكلها حول (المشية) او (الوقفة). بالمناسبة هل عمر البشير عنده عيب خلقي بمعني انو عنده حاجة غلط في رجله؟؟!! عموما لو عنده عيب خلقي او استدار بصورة مفاجئة زي ما قال احد المشاركين والمصور داهمه في وضع ما مريح ده كلو وارد. لكن سؤالي ليك يا واصل هل يا ربي المعارضة انتهي امرها الي تصوير ناس الحكومة والضحك علي عيوبهم الخلقية او الاوضاع التي دهمتهم فيها الكاميرات؟ والله انا شايف الكلام ده عيب ولا يخدم قضية المعارضة وانما يبين تفاهتها وقلة حيلتها. حسّا دي الناس دي كلها ملمومة وفرحانة عشان انت لقيت ليهم صورة لعمر البشير برجل يمين ورجل شمال مقلوبة؟ طيب كان انت في تفتيشك ده لقيت ليك صورة زي دي لخليل ابراهيم او مناوي او ياسر عرمان حتجيبها سودانيزاونلاين وتدعو الناس للضحك والسخرية علي الحالة الخلقية للمعني بالصورة عند التصوير ولا الامر عندك بيقيف عند البشير بس؟! يا واصل المظاهر والاوضاع الجسمانية والخلقية حقت الناس دي حقو تبعد منها. انا عمري كلو محتار من الناس البقولو ليك الرئيس اب صلب والرئيس اب فقرة .. ولكن لما يجو لي زول زي مالك عقار يقولو المناضل الثائر. بالله ده كلام؟! عليك الله العندو فقرة جد وصلب جد الرئيس ولاّ مالك عقار؟ اطلع من الحتة دي يا واصل. اسمع كلامي. انا بقول ليك الكلام ده لأنك تبدو لي راجل محترم وذكي وانا والله مستكتر عليك انو تتدهور وينتهي بيك الحال وتبقي زي ناس صلاح جادات ومصطفي محمود وتراجي والكرمبا كوستاوي.. ونحن والله ما ناقصين!



مقدر كلامك لكن في النهاية انا غير مسؤول عما يكتبه الأخرين والصورة اصلا ليست لها علاقة بعيب خلقي انما كما وضح اخ ابو الريش بلحظة معينة تحرك فيها الرئيس البشير والتقطها مصور وكالة الأنباء الفرنسية. لذلك اعتقد انك حملت الموضوع اكثر مما يحتمل

English Forum