|
|
|
 Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: محمد عمر جبريل)
|
بعدها وصل منه فرد للشركة وسأل عني
وبعد يومين تمت مطاردة نجلاء من امام
المنزل ولكنها استطاعت الرجوع للمنزل
وكتبت بوست بهذا المعني وأمس ليلا
عدنا من زيارة صديق لنا بالحاج يوسف
وصلت نجلاء وطلعت برفقة صديق
لغرض ولكن في الطريق اتصل بي نجلاء
قفلت الخط ورجعت وسمعت صوت ابنتي الكبيرة
سميرة ( حبشية تشرف علي اولادي ) ..
قالت : بابا ارجع سريع الناس ديل دخلوا جوه البيت
| |
 
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: بخاري عثمان الامين)
|
خمسة افراد ومعهم بتاع الدكان
اطفالي وسميرة في سرير واحد
كل ما له علاقة بالميديا في تربيزة السفرة
ولاحظت جوازات سفري ونجلاء موضوعة علي التربيزة
نجلاء كانت منتصبة في مقابلة احدهم ويبدو انه
كان يستجوبها .. لم القي التحية علي الثلاثة الذين
كانوا في المقدمة فقد فهمت من تحركهم علي الباب
كأنما يحمون الاثنان الاخرين وسألني احدهم : انت بخاري ؟
اجبت بنعم ..
.. ومددت يدي لاحدهم وصافحني
حينها تكلم الشخص الذي كان يستجوب نجلاء :
يا بخاري نحن لجنة من جهاز الامن وعندنا تفتيش ..
طلبت بطاقة ، اخرجوا لي ديباجة مكتوب عليها :
جهاز الامن العام
يسمح لحاملها دخول كل المرافق ................
لم اطلع علي الباقي .
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: doma)
|
مرفوض جدا ترويع الآمنين في مساكنهم
بحجة الحفاظ علي الأمن من صور فوتوغرافية
وتصاوير فيديو لمظلومين..
ازيلوا الظلم والقمع والبغي والعدوان واقيموا دولة
العدل وحينها لن تجد نجلاء وغيرها ما تصوره
وستقر في بيتها آمنة...
فنجلاء وغيرها لا تعاديكم وانما اي شريف كنجلاء
سيعادي ظلمكم...وسيعريه...ولو صادرتم كاميراتها
فكاميرات الله من كل صوب...
اتقوا الله في اي نجلاء...و أطفالها...فهي لم تحمل
سلاحا...ولم تعتدي علي احد ولم تدخل بيتا بجبروتها
وسلطتها وسطوتها...فقط عالجوا اسباب ما خرجت من اجله
وستهديكم بعدها كل تصاويرها في براويز وردية.
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: مناهل عبد الله مصطفي)
|
سلمتم يا بخاري،
محمد عطا المولى عباس،
إتق الله يا رجل .. إتق الله في بنات و ابناء هذا الوطن !
.. لن تفعل اكثر مما فعله : المغربي اوفقير، و المصري حبيب العدلي ومعه جلاوزته من جماعة الدجوي و محسن سرساوي، لن تفعل اكثر ما فعله السوري رستم غزالة و غسان كنعان
لو نظرت حولك في شوارع هذه المدن التصحا في حين .. و لو تحسست نبض الازمة المُمسكة بخناق البلد لما قادتكم أقدامكم لمنزل نجلاء سيد احمد
الحل ليس في منزل نجلاء سيد احمد .. مداهمة منزلها لن بوقف إنزلاق النظام المنهار إلى الهاوية .. الحل لو ظل ممكنا حتى الأن ستجده في مذكرة هيئة الإتهام
المصري التي طالبت بإعدام حسني مبارك ومن لف لفه
.. لو فعلا جهاز الامن الوطني هو بوصلة النظام و حادي دربه، فيجب ترك موضوع المداهمات و الإعتقالات في بلد كلاما مرق في الشارع
و ما عاد بحتاج لمداهمة و تفتيش، بلد أزمتا تخطت حدود هذه الإجراءت التعيسة قصيرة النظر،
عمم مذكرة النيابة و هيئة الإتهام المصري على كل ضباطك و جنود صفك و لاتنسي
تنبيه قيادة الحزب الحاكم بضرورة قراءتها
.. مداهمة منزل نجلاء و ترويع أطفالا هو بعض من روحان الدرب .. و روحان الدرب هو بعض من تجليات ازمة الحكم المنهار
لا تنسوا قراءة كتاب (الامير) لميكافيللي : عن اسباب قيام و إنهيار الدويلات و الممالك
| |
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: الفاضل يسن عثمان)
|
Quote: يا بخاري نحن لجنة من جهاز الامن وعندنا تفتيش ..
طلبت بطاقة ، اخرجوا لي ديباجة مكتوب عليها :
جهاز الامن العام
يسمح لحاملها دخول كل المرافق ................
لم اطلع علي الباقي . |
تجيبوا محامي ... ترفعوا قضية دستورية على جهاز الأمن ... تشتكوهم في تجاوزات حقوقكم الدستورية ...
لجنة "التفتيش" بالدستور ما بتقوم بأي "تفتيش" بدون إذن "تفتيش" صادر من قاضي بناءاً على "بلاغ" ضدكم ... مافي بلاغ مافي إذن تفتيش ... مافي إذن تفتيش مافي تفتيش ... لأنو بيتكم ما "مرافق" ... اللهم إلاّ تكونوا ساكنين في مكتب الحسابات بتاع "ديوان شؤون الخدمة" ولاّ في مخزن من "المخازن والمهمات" ... ولاّ كافتيريا السكة حديد ... ولاّ أي مرفق من مرافق الدولة ...
المواطن مفروض يطيع القانون للآخر ... وبعد داك ياخد حقّو بالقانون للآخر ... المحكمة الدستورية تسجن أو ترفد الشخص الورا الحكاية دي ... أو ناس الأمن ينسفوا القضائية ويسجنوا القاضي ... ما شغلتكم ... ديل الحكومة وعارفين كل حاجة ... عشان القضية زاتها نفهم بيها الأرجل منو ... القاضي لو عايز يورط الحكومة مع الشعب بفضحها في الفساد والإستخفاف بالقانون ويقول ما مشكلة من حقهم التفتيش ... اليقول ... الشعب البيسمع بيعرف يقلع حقو ... انتو أصلو ما تخلّو حقّكم ... وبعد الاسبوع امشوا شيلوا ممتلكاتكم (بما فيها ممتلكاتكم الفكرية المسجلة في الكاميرات والفلاشات ولو في حاجة ناقصة تحركوا قضية بى قانون الحقوق الفكرية والمصنفات) ...
هو دولة قانون يعني شنو؟ لو دايرين يعلنوا تنازلهم عن القانون اليعلنوا ... الدايرو منو أصلاً قانون زي دا ...
(بس القصة دي بتكلف انو انتو برضو تعترفوا بالقانون!)
... المهم ....
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: رشا سالم)
|
عزيزنا بخاري ونجلاء
حمد لله على السلامة
وزي ما بقولوا أهلنا:
الجاتكم في مالكم سامحتكم
الغريبة يا بخاري كلنا ما كنا متوقعين
إنو جهاز الأمن يبحث عن الكاميرات واللابتوبات
والكمبيوترات الخاصة بكم، ويا ريت لو
كنا إنتبها للنقطة دي كان على الأقل
الملفات ح تكون في أمان.
وبرضو الناس تخت أسوأ الاحتمالات ممكن
جهاز الأمن يحاول يدس ملفات وتوريطكم
فهو جهاز قـذر.
وبالمناسبة يا بخاري شوف رجال الأمن
ديل جـبـناء كيف، ما عايز يوريك اسمو
الحقيقي منو، علشان خايف من يوم الحساب.
تحياتي وتقديري لك وأسرتك الكريمة
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: حمد فتح الرحمن)
|
شكرا جميلا لكل من جعل من هذا الانتهاك الصريح شاهد على انعدام الاخلاق وانعدام القانون وقبلها القيم السودانية
لديا حكاوى كثيرة حول مادار سوف تسجل حتى تكون من ضمن مهمتى فى توثيق مايدور فى ساحة الوطن من انتهاكات واطفالى سيكونون من ضمن المسجلين
اتمنى ان يبادر شخص بادارة الحوار معى ومع افراد اسرتى حول ماحدث ليلة البارحة
رسالة فليطمئن كل من اشفق على الصغار وكنت بالامس خايفة من تراكمها فى ذاكرة الصغار وخصوص امين ولكن فاجنى الصباح يحمل علم السودان ويفتح الشباك الذى نشاهد عبره
تحركات افراد النظام .
فاجانئ وهو يهتف من الشباك ومسك بالعلم طير طير يابشير وسقطت سقطت ياكيزان طلبت منه ان يتوقف عن الهتاف وانا اتحدث مع صديق اتصل بى للاطمئنان
لم يسمع كلامى طلبت من يارا ان تنزله من الشباك فقال لى عايز اعمل مظاهرة وانا زعلان شديد
قلت له طيب زعلان ليه قال عشان ناس الامن شالوا منك حاجاتك
قلت له حترجع
قال لى بتين
قلت له بعد اسبوع قال لى اسبوع كتير
وقال لى كمان زعلان عشان عمو يقصد (بتاع الامن ) ماشال منى الموية قلت ليه انت اساسا جبت المويه ليه
قال هو موش جاء عندنا طيف فى البيت .
قلت ليه لا هو ماجاء ضيف الضيف انت بتحبوا وبتعرف هو جايك عشان بحبك وبطلب زيارتك موش بقتحم البيت قاطعنى يقتحم يعنى شنو
خجلت من لغتى وابتسمت قلت ليه اقصد يدخل عليك دون ماتقول ليه اهلا اتفضل ويكون شايل سلاح وكمان يشيل منك حاجاتك البتخصك وانت ماتقدر تقول لالالالالالالالالالالالا
قال لى خلاص انا عايز اعمل مظاهرات قلت ليه ماعملتها امس قدامهم مالك
سكت قال لى كنت خايف منهم
قلت ليه وهسع قال لى ماخايف وهتف قاطعته قلت ليه هسع احنا فى وضع بتاع مراقبة باكر حتسترد لى وللوطن كل ما نهب
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: نجلاء سيد أحمد)
|
Quote: نجلاء لم تشهر سلاحا في وجهكم وليست عميله
نجلاء تفضح كذب انفتاحكم وديمفراطيتكم
وتوثق لانتهاككم لحريه الرائ
و لجرائمكم في حق المساكين
وتقصيركم الفاضح تجاه مواطنيكم من المرضي والجوعي والحفاه العراه |
شكراً دومة
فقط أود أن أقول أجهزة الأمن والمخابرات في كل العالم سلوكها واحد
وحكاية جهاز أمن يصدر اذن تفتيش ويأخذ كل ما من شأنه ان يكون وثيقة اثبات معه خاصّة اجهزة الحاسوب
يجب مراجعة قائمة "المعروضات" وإذافة أي شيء سقط منها حتى وإن كان قليل الأهمية
وعلى كل حال يجب تبليغ و توكيل محام حتى وإن لم توجه تهمة رسمية
ويجب أن لا ننسى أن نشيد بالتعامل العقلاني لأسرة نجلاء مع الأجهزة الأمنية
فالانفعالات والتشنّج والتشدد في التعامل مع الحادثة قد يجلب مساؤئ أكثر وضرر أكبر
تحياتي وتقديري
كمال
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: سلمى الشيخ سلامة)
|
Quote: سكت قال لى كنت خايف منهم
قلت ليه وهسع قال لى ماخايف |
يا الله ...!!!!
هذها هو جوهر المسالة نجلاء
امين هو مؤشر لجيل قادم
ماعاد يخاف السُلطة
ماعاد يحترمها
لا يهم ذهاب عشرات الأجهزة
الهام نجلاء خروج امين من قُمقُمه الطفولي العنيد
...
...
...
نجلاء لقد كرهت د.خليل لأنه لم يروّع نظام بقدر ما روّع طفلي البالغ من العمر 10 حينها
والآن اكره (نظام) لا يراعي حُرمة المنازل ولا أعراض المسلمين
وفوق كُل ذلك ...
يُروّع اطفالنا
يحاول ان يهزم طفولتهم
ـــــــــــــــــــــــت
ألا رحمك ورضي عنك الله الفاروق وانت تعتذر عن تسوُّرك منازل المسلمين ..!!!
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: ابراهيم عوض عمر)
|
Quote: وقال لى كمان زعلان عشان عمو يقصد (بتاع الامن ) ماشال منى الموية قلت ليه انت اساسا جبت المويه ليه
قال هو موش جاء عندنا طيف فى البيت .
قلت ليه لا هو ماجاء ضيف الضيف انت بتحبوا وبتعرف هو جايك عشان بحبك وبطلب زيارتك موش بقتحم البيت قاطعنى يقتحم يعنى شنو
خجلت من لغتى وابتسمت قلت ليه اقصد يدخل عليك دون ماتقول ليه اهلا اتفضل ويكون شايل سلاح وكمان يشيل منك حاجاتك البتخصك وانت ماتقدر تقول لالالالالالالالالالالالا
|
أمين ....ديل فاقد تربوى لايدرون الفرق بين تعاملهم مع الأطفال..أو غيرهم..
أنت اتعاملت معاهم بكرم بس ديل ك..ل..ا.ب وعندهم سيد مرسلهم عشان يدخلوا بيتكم الساعة 11 باليل من غير أصول ولا احترام...
. رفضو للموية خجلآ منك ومن أنتهاكوا لخصوصية وحرمة اسرتك....معليش يا أمين ح تكبروتعرف الفرق بين الضيف وأحترامو ..تسلم يا أمين وفى انتظار لارا ..ويارا..وكلارا..عشان التوثيق مهم .
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: حليمة محمد عبد الرحمن)
|
عازة يا الأم الحنينة
نحن جد آسفين عشانك
يا أرض صادقة وأمينة
تروي كل الناس حنانك
____
يا جبل طولك خيالي
يا بلد مطمورة غابة
يا ضراع لحّاق مثالي
يا *******
نحن يا عزّة القضية
طلقة في ساحة الحرابة
لو نكون بس مرة نسمة
أو طباشير للكتابة
لو نكون يا عزة بسمة
تفضح الحُكما الخيابة
_____
والحكاية الجد تجنن
نحن مصلوبين في خطة
نحن عارفين البجنن
وبرضو واقفين في المحطة
بي دموعنا الطين نعطّن
ونمشي من خازوق لورطة
ونرضى بي حالنا البحنن
وإنتي بس مشرورة خرطة
____
ويبقى حصادنا كلام معلوم
درب العز بالبوت ملغوم
وقرص العيش بالصف معدوم
أصحي يا عزة كفاك النوم
ثوري يا عزة وسيبي النوم
لا حرية بعد اليوم
لا أم در با بحري عموم
لا مهدية ولا أم دوم
آسف جداً يا خرطوم
عشقك كوم ... والبحصل كوم
إسماعيل الإعيسر
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: Abutalib Elgorashi)
|
سلام للجميع
كل ما تقوم به بنتنا نجلاء كتاب مفتوح لكل من أراد أن يقرأ،
ليس هنالك ما تخفيه نجلاء
إنها تعمل في الهواء الطلق عيانا بيانا
كل ما سجلته كمرتها موجود في المواقع الإلكترونية،
أليس هنالك حرية رأي ؟
أليس هنالك رأي ورأي آخر؟
ألا يحق لناكلنا جميعا أن نتحدث بما نراه ضد مصلحة الوطن؟؟
أليس الدين النصيحة؟
ألم يقل المصطفي صلوات الله عليه وسلامه::
من رأي منكم منكرا فليغيره بيده،
فإن لم يستطع فبلسانه ، فإن لم يستطع فبقلبه
وهذا أضعف الإيمان،،،
والأستاذة نجلاء تعمل عبر القلم والصورة،
ذلك القلم الذي أقسم به رب العزة في محكم تنزيله لعظمته وقداسته،
نجلاء لاتملك غير القلم، أليس كذلك؟
أين نحن من :
لو رأينا فيك إعوجاجا لقومناك بسيفنا هذا؟
أين نحن ::
من صدقت إمرأة وأخطأ عمر؟
أين نحن::
من بغلة العراق
أليس المؤمن مرآة أخيه؟
أين نحن من التناصح وإسداء الرأي والمشورة؟
أستاذة نجلاء وعبر كاميرتها وقلمها توثق لهذا الجيل ولإجيال لاحقة،
أليس كذلك؟؟
إنها توضح حقائق فقط معاشة في مجتمعنا،
لم تسيء لإي شخص ، ولغتها كلها أدب وعفة ونزاهة وخلق،
ولكنها الحقيقة المجردةفي شكل كلمات وصور،
لك الله أستاذة نجلاء وحفظكم أنت والأسرة وعين الله ساهرة لاتنام
يديكم دوام الصحة وتمام العافية والشكر علي العافية
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: شهاب الفاتح عثمان)
|
*
*
كل ما يحدث مع الأخت والمناضلة نجلاء طبيعي جداآ من نظام مثل
الإنقاذ واذا توقعنا غير ذلك نكون غلطانين .. لأنه ديدن كل الأنظمة الشمولية
القمعية والفاشلة ... لكن الغريب عدم إعتبارهم بما يحدث للسفاح العادلي
وأمثاله في التاريخ ...... فقط أقول شدو حيلكم و زيدوا العيار شوية لأني
أحسها قد دنا أجلها .... نعم قد دنا أجلها ،،،،
كامل تضامني مع الأخت نجلاء سيد أحمد وكل مشردي بلادي .
لكم ودي ،،،،،،،،،،،،،
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: عبد المنعم عمر عثمان)
|
مأثرة نجلاء بنت ابوالسيد
إنها فعلت الذي عجزت عنه الأحزاب
ويرعب النظام
فعلت جهازها الإعلامي في مواجهة إعلام السلطة
والسلطة تدرك انه متى ماسحب سلاح الاعلام منها
ستكون عارية في الصقيعة
نجلاء وبخاري انجزا مهمة تاريخية
مهمة قيام جهاز اعلامي يفضح النظام المفضوح
ويفضح الأحزاب المنبطحة
لهما ولأسرتيهما أقول :
Quote: الظلم ليلته قصيرة
نجلاء و باخ كونوا كما انتم مدرسة للجسارة
لكم عظيم الاحترام و المحبة
و انحناءة تليق |
| |
|
|
|
|
|
|
|
|
|
Re: جهاز الأمن في منزلنا .. تفاصيل ما حدث ليلة البارحة 6 يناير 2012 (Re: محمد ادم الحسن)
|
كامل تضامننا معكم وكما ذكر احد الاصدقاء بأنها فرفرة مذبوح
ذكر لى احد الاصدقاء من جامعة الخرطوم بانهم هذه الايام يقومون بحملة اعتقالات واسعة حول الطلاب
وهو ايضا خائف من الاعتقال ولم يخرج من منزله بعد ركن نقاش فى الجامعة خوفا من الاعتقال
انه الخوف ليس الا وهكذا هم دائما يضيقون بالاخر ويخافون من صوت الحق
اتمنى من منظمات المجتمع المدنى الى التفاعل مع هذه القضايا وخاصة الحقوقيين منهم
| |
|
|
|
|
|
|
| |
بخاري عثمان الامين
محمد عمر جبريل
بشير حسـن بشـير
معاوية عوض الكريم
خالد العبيد
ABUHUSSEIN
محمد علي البصير
Nagat Sid Ahmed Elshiekh
Mohamed Yassin Khalifa
طارق صديق كانديك
salah awad allah
محمد عبد الماجد الصايم
الفاتح شلبي
Saifeldin Gibreel
ساميه حامد
قيقراوي
doma
جمال الباقر
SILVER MOON
nazar hussien
Hadeer Alzain
محمد عادل
مهيرة
طارق جبريل
Aymen Tabir
abubakr salih
غادة مكى محمد
HAIDER ALZAIN
Al-Shaygi
رشا سالم
فيصل محمد خليل
أحمد طراوه
هشام المجمر
الفاضل يسن عثمان
تبارك شيخ الدين جبريل
MOHAMMED ELSHEIKH
النذير حجازي
عبدالكريم الامين احمد
وضاحة
سيف الدولة كامل
ضياء الدين ميرغني
عماد شمت
نور الدين عثمان
أبو الحسين
حمد فتح الرحمن
طارق عبد اللطيف نقد
احمد محمد بشير
جمال خضر
نجلاء سيد أحمد
Frankly
elhilayla
سلمى الشيخ سلامة
Ahmed musa
نايف محمد حامد
amir jabir
أحمد ابن عوف
Magdi Ahmed Elsheikh
nadus2000
د.محمد بابكر
Abdalla Yousif
صديق الموج
خضر الطيب
Elfatih Abuelhia
سيف النصر محي الدين
bint_alahfad
طه جعفر
Abdlaziz Eisa
Medhat Osman
حليمة محمد عبد الرحمن
محمد أبوالعزائم أبوالريش
Faisal Elrasheed
د.السيد قنات
الصادق خليفة
أحلام إسماعيل حسن
شهاب الفاتح عثمان
أبو ساندرا
محمد ادم الحسن
محمد زكريا
بجاوى
نورالدين الفحل
فيس بوك
تويتر
انستقرام
يوتيوب
بنتيريست