|
|
|
 Re: أين دليل إثباتك يامعاوية عبيد الصايم؟ (Re: عماد حسين)
|
عايزين دليل انه:
1- فساد عمر بشير و اسرته, لان كل مظاهر النعمة الفجائية انما هي نعمة و رزق ساقه الله لهم كما قال خاله و ناس المعارضة ديل يعارضون نعمة الله
2-عايزين ادلة انه تم تعذيب المعتقلين في بيوت الاشباح و سجون الانقاذ
3- عايزين دليل انه اصلا تم اعتقال اي شخص في الانقاذ بالله يا المناضلين يجيبو ايصالات بورق مروس
4- عايزين وثائق بان الانقاذ قتلت الناس في دارفور و جبال النوبة و النيل الازرق
5- عايزين دليل انه نحنا جادين في معارضة الانقاذ و الفساد!
تحياتي يا دكتور بلة و ضيوفه الكرام.
لماذا لا ياخذ ود الباوقة معاوية للقضاء?
| |
 
|
|
|
|
|
|
|
 Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
Quote: عايزين دليل انه:
1- فساد عمر بشير و اسرته, لان كل مظاهر النعمة الفجائية انما هي نعمة و رزق ساقه الله لهم كما قال خاله و ناس المعارضة ديل يعارضون نعمة الله
2-عايزين ادلة انه تم تعذيب المعتقلين في بيوت الاشباح و سجون الانقاذ
3- عايزين دليل انه اصلا تم اعتقال اي شخص في الانقاذ بالله يا المناضلين يجيبو ايصالات بورق مروس
4- عايزين وثائق بان الانقاذ قتلت الناس في دارفور و جبال النوبة و النيل الازرق
5- عايزين دليل انه نحنا جادين في معارضة الانقاذ و الفساد!
|
عايزين دليل على سرقة ود الباوقة فقط ...
Quote:
لماذا لا ياخذ ود الباوقة معاوية للقضاء? |
حا إحـصـــل لو ما جاب الدليل ...
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
Quote: عايزين دليل انه:
1- فساد عمر بشير و اسرته, لان كل مظاهر النعمة الفجائية انما هي نعمة و رزق ساقه الله لهم كما قال خاله و ناس المعارضة ديل يعارضون نعمة الله
2-عايزين ادلة انه تم تعذيب المعتقلين في بيوت الاشباح و سجون الانقاذ
3- عايزين دليل انه اصلا تم اعتقال اي شخص في الانقاذ بالله يا المناضلين يجيبو ايصالات بورق مروس
4- عايزين وثائق بان الانقاذ قتلت الناس في دارفور و جبال النوبة و النيل الازرق
5- عايزين دليل انه نحنا جادين في معارضة الانقاذ و الفساد! |
سبحان الله يا بدر الدين
مش انت الكنت واقف الف احمر للبندر في اتهاماته لناشطي حقوق الانسان و بتطالبه بالدليل؟
| |
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
ابو حسين
سلام
يا ابو حسين ما تبقى ملكي اكتر من الملك!
بعدين اذا الناس جادة في محاربة الظلم و الفساد, حا يكون من المهم اعطاء امثلة محددة. و ود الباوقة زول طالع للشأن العام, و من حق الناس انها تعرف كل صغيرة و كبيرة عنه, و لو كانت لديه تجاوزات, التعصب لاجله, لا يمنع الاخرين من الكلام عنه.
و التهديد ما مفيد
ود الباوقة قرأ بوست معاوية, و مشى فتح بوست و قال انه عافي منه في الدنيا, و حا يقاضيه يوم القيامة! هل تعتقد ان ذلك مقنع?
انا لا اعرف عن الباوقة اي شئ لكني كنت منتظر منه رد مناسب!
كان ود الباوقة ممكن اما; ينفي انه لديه مزرعة في بتري, او اذا كانت لديه مزرعة ان يثبت بالوثائق كيف اشتراها و العقد.
ودي ما كتير على الناس, خاصة انه متسدر للدفاع عن الانقاذ. فلو اثبت بالوثائق انه ساحته نظيفة من اي تهمة للغش او الفساد, دا حايكون خير دفاع للانقاذ و يلقم معاوية حجر, و يذهب بمصداقية المعارضة!
لكن ننتظر ليوم القيامة دا ليس رد مناسب!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
بدر الدين سلام
| Quote: يا ابو حسين ما تبقى ملكي اكتر من الملك! |
وين انا بقيت ملكي أكتر من الملك..؟؟؟
Quote: بعدين اذا الناس جادة في محاربة الظلم و الفساد, حا يكون من المهم اعطاء امثلة محددة. و ود الباوقة زول طالع للشأن العام, و من حق الناس انها تعرف كل صغيرة و كبيرة عنه, و لو كانت لديه تجاوزات, التعصب لاجله, لا يمنع الاخرين من الكلام عنه.
و التهديد ما مفيد |
الإتهامات بدون دليل تعتبر كـذب و إشانة سمعة و أذى لود الباوقة و لعائلته...
| Quote: اذا كانت لديه مزرعة ان يثبت بالوثائق كيف اشتراها و العقد. |
يا راجل حرام عليك ....
أنا ما عارف ليه إنتو مصرين على إنكم تغيروا في الحقائق و القوانين علشان تكون معاكم دائماً
بدر الدين أنا أتهمك و أقول ليك أثبت العكس ..؟؟؟؟؟
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
محمد البشرى الخضر
تحياتي
"Quote: سبحان الله يا بدر الدين
مش انت الكنت واقف الف احمر للبندر في اتهاماته لناشطي حقوق الانسان و بتطالبه بالدليل؟ |
"
نعم انا ذاتي يا الخضر و انا هنا ما قلت انه معاوية ما يجيب دليل! لكن انت عايز اي نوع من الادلة?
في كلام زي دا, مفروض ود الباوقة ياخذ معاوية للقضاء اذا هو برئ, و يريح نفسه. لكن ود الباوقة قال هو عافي حقه لمعاوية في الدنيا!
ودا ما نفي للتهمة!
مفروض بوست دكتور بلة دا يكون العكس, وهو: ان يطالب ود الباوقة انه ياخذ الامر للقضاء او تفتح الانقاذ الامر للتحقيق لانه في النهاية معاوية لا يعادي ود الباوقة كشخص, لكنه ياخذه كمستنفع من الانقاذ و فسادها.
يا البشرى حا احكي ليك قصة حصلت لي انا شخصيا:
زمان كنت شغال تاجر مواشي في سوق ابو زيد في امدرمان, ومرة جاء و احد اشترى مني خرفان و اداني شيك و هو عارف انه لن يغطي الشيك. بعد شهر وزي الاتفاق, وديت الشيك للبنك و لقيت حساب الزول ابيض. بعد شهرين تاني اخذت الشيك للبوليس, و من ثم للقضاء, و اتعملت قضية-بالمناسبة حتى المحامي بتاعي عضو هنا في سودانيز.
انت عارف يا محمد, مرات نمشى الجلسة نلقى حوالى 15 عربية هايلوكس لكبار تجار السوق و ضباط بوليس جايين مساندة للزول الحرامي! ومرات كتيرة كنت و الله بمشي لوحدي و بدون فطور ذاتو. في النهاية حقنا معظمه ضاع لان الجاه و العصبة انتصرت على الحق!
يعني هسع انتو زعلانيين انه معاوية قال ود الباوقة غش شخص في مسالة بيع او شراء مزرعة, و ما سألتوا عن حال الزول المعاوية قال انه اتغش و الان في السجن مشلول?
سجن الدامر بعيد? ممكن الناس تمشي تتثبت من وجود الشخص المعني و تعرف قصته, اذا كان موجود, بدل تحاول تتعصب لود الباوقة!
مفروض يكون هدفنا الحقيقة!
عكس دا, موضوع البندر. صلاح بندر عندو مشاكل شخصية مع ناس, و عايز يصفيها باشانة السمعة, و ربما له اغراض اخرى. لكنه هو من الناس الانا متأكد لو كان يملك وثائق بسرقة اموال الجمعية التي يتحدث عنها, لما تأخر ولو لثانية, عن اخذها للقضاء لانه هدفه في النهاية هو تدمير اشخاص بعينهم و لن يتوانى في اللعب بكل ما لديه من اوراق اذا توفرت لديه.
الموضوعين مختلفين. انا لا اعتقد ان معاوية الصايم يكره ود الباوقة, او يريد تدميره, و من اللغة التي يتحدث بها هو واثق من كلامه, و هو عارف ان كلامه لو طلع نئ سيؤثر سلبا على مصداقية المعارضة المضادة للانقاذ و ما اظنه ممكن يأخد مخاطرة قدر دي بالبساطة بتاعت تصفية الحسابات. و اذا ود الباوقة صعد الامر للقضاء, وهو برئ سينتصر ليس فقط لنفسه, بل سينتصر للنظام الذي يسانده, و يضرب المعارضة ضربة موجعة جدا. لذلك لديه مصلحة بل و مصالح اذا هو متأكد من موقفه, في اخذ الامر للقضاء و اثبات خطأ معاوية.
اذن السؤال هو:لماذا لا يفعل ود الباوقة ذلك?
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
Quote: يعني هسع انتو زعلانيين انه معاوية قال ود الباوقة غش شخص في مسالة بيع او شراء مزرعة, و ما سألتوا عن حال الزول المعاوية قال انه اتغش و الان في السجن مشلول?
سجن الدامر بعيد? ممكن الناس تمشي تتثبت من وجود الشخص المعني و تعرف قصته, اذا كان موجود, بدل تحاول تتعصب لود الباوقة!
مفروض يكون هدفنا الحقيقة! |
يعني يا بدر الدين مُصر إنو ود الباوقة هو المفروض إثبت براءتو ...؟؟؟؟
طيب يا بدر الدين ود الباوقة دا ما عندو مزرعة إعمل شنو ...؟؟؟
إمشي الدامر ليه ...؟؟؟
و الدليل شنو اللي إجيبو علشان إثبت إنو هو ما عندو مزرعة
غايتو منطق غريب جداً....
يعني يا بدرالدين لو كان الإتهام دا موجه ليك كنت حا تعمل اللي إنت بتطلبو من ود الباوقة دا...؟؟
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
ابو حسين
كيفك يا معلم?
"| Quote: وين انا بقيت ملكي أكتر من الملك..؟؟؟ |
"
هنا يا ابو حسين هنا
":
Quote: لماذا لا ياخذ ود الباوقة معاوية للقضاء?
حا إحـصـــل لو ما جاب الدليل ... |
"
التحتو خط, هو ردك على سؤالي:" لماذا لا ياخذ ود الباوقة معاوية للقضاء?" و انت تؤكد باجابتك انه سيحصل!
ود الباوقة نفسه غفر, و الجار ابو الحسين كفر ههههههههه
ود الباوقة قال هو عافي لمعاوية في الدنيا, و لم يطالب بوثائق, او غيره, و انما قال انه سيقاضيه يوم القيامة. و انت قلت انه سياخذه للقضاء!
اها دي انت فيها ملكي اكثر من الملك, و لا شنو?
"| Quote: يعني يا بدرالدين لو كان الإتهام دا موجه ليك كنت حا تعمل اللي إنت بتطلبو من ود الباوقة دا...؟؟ |
"
ايوة و الله العظيم يا ابو حسين, لو زول اتهمني, و انا برئ, حا امشي لاقصى درجة ممكنة لاثبات كذبه و على الملأ.
كنت حا امشي ناس الاراضي في بتري, و اجيب شهادة رسمية و موثقة لدي القضاء, باني لا املك مزرعة فيها. او اذا اشتريتها بالتراضي ووفق عقد موثق لدى محامي و بشهود و دفعت كل التزاماتي المالية تجاه البائع, كنت سأتي بذلك.
دا شغل السياسة يا ابو حسين. هو اساسا معاوية يطعن في مصداقية الانقاذ, و يريد اثبات فسادها و فساد المدافعين عنها.
لماذا لا تدافع الانقاذ عن عرضها? ود الباوقة شايل يمدح في البشير و الانقاذ, لماذا لا يوجه البشير بالتحقيق في الامر ليبرئ ساحته و يثبت كذب معاوية الصائم ? لماذا لا يأخذ ود الباوقة و ثائقه للقضاء و يستصدر وثيقة تثبت انه; لا يملك اي مزرعة الان في بتري, او لم يملك مزرعة بتاتا في بتري, او اذا كان يملك مزرعة ودفع ثمنها كاملا لبائعها, ان يأخذ وثائق الدفع للقضاء مع عقد الاتفاق و يستصدر وثيقة بخلو الزمة?
وبعدين الباوقة ما بعيدة من الدامر! مش ممكن ود الباوقة يرسل لجنة و فيها محامي و يثبت فيها ان لا وجود للشخص الذي ذكره معاوية هناك, او انه لم يدخل في اي تعامل في شأن بيع او شراء مزرعة مع شخص بالاسم الذي ذكره معاوية, او يثبت كذبه-اي الشخص المذكور- اذا كان يدعي ذلك باعطاء معاوية معلومات كاذبة, و يستصدر حكم قضائي يبرأه و يدين الكاذب?
كنت سافعل اكثر من ذلك يا ابوحسين صدقني!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
أهلا بدرالدين
Quote: التحتو خط, هو ردك على سؤالي:" لماذا لا ياخذ ود الباوقة معاوية للقضاء?" و انت تؤكد باجابتك انه سيحصل!
ود الباوقة نفسه غفر, و الجار ابو الحسين كفر ههههههههه
ود الباوقة قال هو عافي لمعاوية في الدنيا, و لم يطالب بوثائق, او غيره, و انما قال انه سيقاضيه يوم القيامة. و انت قلت انه سياخذه للقضاء!
اها دي انت فيها ملكي اكثر من الملك, و لا شنو? |
اخونا بدرالدين ود الباوقة سحب البوست المعني و هذا يعني أنه لم يقل شئاً
| Quote: حا إحـصـــل لو ما جاب الدليل ... |
دا ما معناه إنو أنا اللي حا آخد الموضوع للقضاء يا بدرالدين
صاحب الحق هو اللي حا إطالب بي حقو ما أنا...
Quote: ايوة و الله العظيم يا ابو حسين, لو زول اتهمني, و انا برئ, حا امشي لاقصى درجة ممكنة لاثبات كذبه و على الملأ.
كنت حا امشي ناس الاراضي في بتري, و اجيب شهادة رسمية و موثقة لدي القضاء, باني لا املك مزرعة فيها. او اذا اشتريتها بالتراضي ووفق عقد موثق لدى محامي و بشهود و دفعت كل التزاماتي المالية تجاه البائع, كنت سأتي بذلك.
دا شغل السياسة يا ابو حسين. هو اساسا معاوية يطعن في مصداقية الانقاذ, و يريد اثبات فسادها و فساد المدافعين عنها.
لماذا لا تدافع الانقاذ عن عرضها? ود الباوقة شايل يمدح في البشير و الانقاذ, لماذا لا يوجه البشير بالتحقيق في الامر ليبرئ ساحته و يثبت كذب معاوية الصائم ? لماذا لا يأخذ ود الباوقة و ثائقه للقضاء و يستصدر وثيقة تثبت انه; لا يملك اي مزرعة الان في بتري, او لم يملك مزرعة بتاتا في بتري, او اذا كان يملك مزرعة ودفع ثمنها كاملا لبائعها, ان يأخذ وثائق الدفع للقضاء مع عقد الاتفاق و يستصدر وثيقة بخلو الزمة?
وبعدين الباوقة ما بعيدة من الدامر! مش ممكن ود الباوقة يرسل لجنة و فيها محامي و يثبت فيها ان لا وجود للشخص الذي ذكره معاوية هناك, او انه لم يدخل في اي تعامل في شأن بيع او شراء مزرعة مع شخص بالاسم الذي ذكره معاوية, او يثبت كذبه-اي الشخص المذكور- اذا كان يدعي ذلك باعطاء معاوية معلومات كاذبة, و يستصدر حكم قضائي يبرأه و يدين الكاذب?
كنت سافعل اكثر من ذلك يا ابوحسين صدقني! |
إنسان متهم بي إنو تابع للحكومة حا إصدقوه يا بدرالدين...؟؟؟
و الله لو جابها ليهم موقعة من بان كي مون إقولو ليه مزورة...!!!
يا بدر الدين منطقياً اللي بتهم ليه زول بتهمو و هو عندو دليل على إتهامو
زولكم دا بلفح أول كلمة و بجي جاري بيها إفتح البوست و بعدين بنتظر الباقي لم إصلو
و صدقني موضوع مزارع بتري دا لو هو مشى فيه لي قدام حا إتورط صاحبكم دا زاتو
و هو عارف الكلام دا كويس ...
تحياتي و إحترامي
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
يا بدر الدين واضح انك ما تابعت البوستات السابقة حول الموضوع دا
ديما اول مرة معاوية يتهم ود الباوقة بموضوع المزرعة دا وفي اتهامات غيرو وكلها ما حصل جاب دليل واحد عليها
حكاية انو المتهم هو اليمشي يجيب دليل براءته - آكشوالي في حالة ود الباوقة مطلوب منو يجيب دليل اتهامو اول حتى بنفيه بعدين - حكاية انو المتهم يجيب دليل براءته دي غير منطقية وغير مقبولة
رغم كدا في بوستات سابقة ود الباوقة نفى حكاية المزرعة و لو قريت مداخلات لأعضاء من السعودية افادوا بأن ود الباوقة نفى ليهم بالتلفون
اما يا بدر الدين حكاية انك تبرر موضوع البندر بالخلافات الشخصية , دا ما مبرر في رأيي إذ ان المرفوض هنا هو السلوك اطلاق الاتهامات من غير ادلة وعلى متهم اثبات برائته
رغم كدا بقول ليك وانا مطمئن انو البسوي فيه معاوية دا حتى لو ما كان بدأ كخلاف شخصي بينه وبين ود الباوقة لكن المطاردة الشايفنها دي و الاصرار عليها وصلت مرحلة الشخصنة
نقطة تانية يا بدر الدين كون ود الباوقة مؤيد للحكومة وعضو مؤتمر وطني هل دا يعني ان انتهاك حقوقه و سمعته بالباطل مباح
خليه ود الباوقة المؤيد اسياد الجلد و الراس ناس الانقاذ نفسهم من لدن الترابي لحدي اصغر جندي أمن لو قدر لينا محاكمتهم هل حنفتري عليهم ونحاكمهم بدون ادلة و نحاسبهم على ما لم يرتكبوه؟
Quote: عني هسع انتو زعلانيين انه معاوية قال ود الباوقة غش شخص في مسالة بيع او شراء مزرعة, و ما سألتوا عن حال الزول المعاوية قال انه اتغش و الان في السجن مشلول?
سجن الدامر بعيد? ممكن الناس تمشي تتثبت من وجود الشخص المعني و تعرف قصته, اذا كان موجود, بدل تحاول تتعصب لود الباوقة!
مفروض يكون هدفنا الحقيقة! |
عن نفسي زعلان نعم ما اكذب عليك
لكن زعلان مش عشان ود الباوقة او من معاوية في اشخاصهم
بل زعلان عشان في سودانيز اونلاين الناس قلبت منطق البينة على من ادعى و زعلان عشان اختلال المعايير و زعلان عشان يابدر الدين انت في موقفين متشابهين رد فعلك اختلف نتيجة لموقفك قربا او بعدا من اطرافهن
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد البشرى الخضر)
|
ابو حسين,
سلام يا صاحب.
"| Quote: اخونا بدرالدين ود الباوقة سحب البوست المعني و هذا يعني أنه لم يقل شئاً |
"
يا ابو حسين, انا قريت الكلام وفي مئات الناس اطلعوا عليه, و دا كافي لان الشهادة مقبولة لدي القضاء, و انا ممكن احلف قرآن ان ود الباوقة كتب الكلام داك, و اي زول اطلع عليه مطالب الهيا-يعني امر مباشر من الله-ان يشهد بذلك, حتى انت نفسك, يجب ان تشهد بذلك لاني متذكر تماما مداخلتك و كانت انك كتبت لود الباوقة:"يعني طلعت حرامي!"
الشهادة في الذمة يا ابو حسين!
بعدين كلامك عن ان اخذ معاوية الصايم للقضاء, فيه تهديد عديل يشي وكأنك قريب ود الباوقة او صاحبو شديد لكن الاحسن في المواقف دي الانسان يحاول يقول الاحسن لفايدة الطرفين!
| |
|
|
|
|
|
|
|
|
 Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
غايتو المنطق عندكـ يا بدر الدين (الما فكي)!!
وأهو زي ما قلت لود الباوقة فوق .. لو زول فتح
بوست وقال بدر الدين أحمد موسى .. إي حاجة أوع
تجي تطالبو بالدليل!!
يا بدر .. القصة ما معاوية وود الباوقة
القصة بقت اتهامات مرمية في بورض من لا وجيع له ده!
والناس بتحدد مواقفا بحسب الكاتب الكلام منو
ومنتمي لأي جهة وبعد داكـ لو اتهم بكري أبو بكر زاتو ماف مشكلة!!
فـ خلونا ـ وعشان مصلحة جميع الأطراف ـ ومش الطرفين يا بدر
نشوف حل للحكاية دي ولّ كل بواحد بعد دا ياكل نارو!!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
محمد البشرى الخضر
تحياتي
يا محمد, صدقني موضوع البندر بختلف تماما عن الموضوع بتاع معاوية و ود الباوقة, زيو وزي لو جوك اتنين قالوا ليك عيانين واحد بتديهو اسبرو و التاني تديه دوا ملاريا مع ان الاتنين بشر و ممكن يكونوا تيمان و ظاهريا متشابهين لكن الواقع يقول ان حالتيهما مختلفتان.
البندر لو عندو دليل كان وصلو السما و شغله نكاية في ناس لانه زعلان منهم.
انا لا اعتقد ان معاوية عنده اي حاجة شخصية مع ود الباوقة.
و ود الباوقة عنده مصلحة في اثبات كذب معاوية, و هناك عشرات الطرق وهي ارخص من السمعة, و زي ما بقول السودانيون :الكضاب وصلوه الباب!
لو ود الباوقة متأكد انه معاوية كذاب مفروض يتخذ المبادرة و يثبت ذلك و لا ينتظر حتى يضغط عليه الاخرون ليغير كلامه. و هسع الكلام القالو ابو حسين; بان ود الباوقة سحب البوست الذي سامح فيه معاوية على الاقل مؤقتا في الدنيا مع مقاضاته امام الله يوم القيامة, فان ذلك يثبت ان هناك اخرون يضغطون عليه و اذا غير موقفه فانه سيصيب مصداقيته في مقتل!
هو قال, انه قد عفى حقه و لقد قرأ ذلك عدد كبير من الناس, و لا اعتقد انه سيكون غير ناضج ليبدل قول اشهد عليه الله, لكنه يستطيع ان يثبت براءته من خارج القضاء.
فيا محمد, ود الباوقة اسقط حقه في المطالبة بدليل, و بذلك وضع كل الامر على عاتقه هو!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
Quote: القصة بقت اتهامات مرمية في بورض من لا وجيع له ده!
والناس بتحدد مواقفا بحسب الكاتب الكلام منو
|
لا والله جبت النجيضة طب يا ود الصايم أخوي .. تجربتي في البورد دا مع
مشكلة مشابهة تؤكد كلامك الفوق دا بحذافيرو ( الحمدلله الذي جعل لحمي مرا كالحنظل في الحاجات دي)..
أعتقد أن ود الباوقة زول راشد وكبير ويعرف كيف يدخل البورد ويستعمل الكيبورد وتاليا
وتلقائيا كدا المفروض يعرف يكف يدافع عن نفسو واللا فعليه أن يترك البورد دا تحديدا
ويضرب في الأسافير الأخري طالما أنه بسيط وعلى نياتو رغم أنو كما هو واضح متصدي لأية
حاجة في أية حاجة تخص الحكومة لدرجة تحلف معاها تقول أنو جنرال كبير أو أحد أعضاء مجلس
قيادة الثورة .
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: طلحة عبدالله)
|
ود الصايم الما معاوية
ياخ بالله بطل ضحك و خليك جاد
يا محمد, شوف, لو الناس عايزة ترد حقوق و تحارب فساد فلا مناص من معارك زي دي!
و القضاء و الاعلام هما الساحتين الممكن ينخاض فيهما هذا النوع من المعارك, و سودانيزاونلاين وسيلة واداة اعلامية
وما عيب انه ينخاض فيها هذا النوع من محاربة الفساد او رد الحقوق, خاصة, في ظل دولة فيها المحاباة و التعصب يضيعان الحقوق
انا حقيقة لا استطيع اتهام ود الباوقة لكني لن انفي عنه التهمة لانها بس جاءت على سودانيزاونلاين.
معاوية بادعاءاته رمى الكرة في ملعب الحكومة و ود الباوقة المناصر لها, و على الحكومة تكوين لجنة قضائية و التحقيق في الامر خاصة ان هناك شبهة ظلم, وان هناك شخص يعاني و اصيب بالشلل من جراء الغبن.
اديك مثال من النوع دا من المعارك السياسية:
قبل فترة واحد من المرشحين الجمهورين للرئاسة هنا في امريكا جاب خبر بان الرئيس اوباما يعيش حياة مترفة و يلعب القولف
-القولف دا ممكن تلعبه بعشرة دولارات-و انه لاه عن القضايا الاساسية للشعب الامريكي!
انقر ناس اوباما عملو شنو? مشو جابو صور لنفس الشخص في منتجع في هاواي يكلف آلآف الدولارات في اليوم واثبتوا عدم مصداقيته.
انا ارى المشكلة دي من نفس المنظار و اعتقد بدل شغل التخذيل و التعصب دا و محاولة تغطية الحاجات عشان فلان و فلتكان, مفروض طوالي ود الباوقة يجيب ادلته, و يثبت كذب ود الصايم. لان المعركة هنا معركة حول تورط الحكومة و مناصريها في المحاباة و الفساد.
و على الحكومة و مناصريها اثبات العكس لو كانوا يستطيعون لذلك سبيلا لكن بشرف و امانة.
المشكلة دي يا ود الصايم مشكلة القضاء سيكون من الادوات الحاسمة-طبعا اذا كان نزيها- في حلها, و ود الباوقة رفض التحدي و قال عافي عن حقه وما حيقاضي معاوية و لنا ان نتسائل: لماذا?
وشغل الجودية و شطب البوستات لن يحل بل سيؤججها
| |
|
|
|
|
|
|
|
|
 Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
سبحان الله يا بدر!!
يعني قصة (البينة على من ادعى) دي طلعت فشنكـ ساي!!
غايتو جيب لي اتنين تانين يساندوكـ في المنطق دا!
وبعد دا أنا أول واحد بفتح نيران في أي زول هنا!
البقول عليهو حرامي .. والنصاب .. والمغتصب وأي حاجة
وكل واحد بعد دا يجي ينفي الكلام الأنا ح أكتبو!!
والحشاش يملا شبكتو!!!
_
بدر الدين .. إت جادي؟
والله أخير منكـ الفكي كان كـدا!!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
ود الصايم
سلامات
"Quote: غايتو جيب لي اتنين تانين يساندوكـ في المنطق دا!
وبعد دا أنا أول واحد بفتح نيران في أي زول هنا!
البقول عليهو حرامي .. والنصاب .. والمغتصب وأي حاجة
وكل واحد بعد دا يجي ينفي الكلام الأنا ح أكتبو!!
والحشاش يملا شبكتو!!!
_
بدر الدين .. إت جادي؟
والله أخير منكـ الفكي كان كـدا!!" |
يا محمد, انت ملخبت ياخ و الله العظيم!
المسالة ما مسالة الحشاش يملأ شبكته, المسألة مسألة تمييز بين حالة و حالات تانية خالص.
يا محمد تتذكر قصة سيدنا عمر و عمرو بن العاص?
سيدنا عمر قال للمظلوم امشي جيب دليل, واستدعى عمرو بن العاص و حاكمه و حكم عليه?
يعني في حالة ود الباوقة و معاوية دي, مفروض الدولة براها تتدخل. و صدقني عندنا هنا عادي ممكن تسمع ان القاضي الفلاني قرر النظر في القضية الفلانية, حتى لو الشاكي ما وصلها القضاء, ووكلاء النيابة دا شغلهم.
مفروض يعني في منبر زي سودانيزاونلاين انكتب خبر ان هناك انسان متضرر من عملية محدد,ة مفروض اي وكيل نيابة, و خاصة في بتري و لا الجديد الثورة و لا المسعودية ولا سوبا او الكاملين ياخذ الموضوع ماخذ جد, و يفتح قضية.
لكن لما يتقاعس القضاء و تتقاعس الدولة سيلجأ الناس للاعلام, وفي اغلب الدول التي تحترم نفسها فان اي خبر زي دا يؤخذ بجدية.
و الطرف المتضرر ايضا يجب ان يأخذ الامر بجدية و الادلة و الوثائق تطرح في المحاكم و ليس هنا.
يعني مفروض ود الباوقة يفتح قضية, و القضاء يستدعي معاوية و الشخص الاخر و هناك يطالبون بالادلة, لكن هنا الكلام و الهيلامانة دي كلها شغل شمارات, ما فينا واحد هنا قاضي و لا وكيل نيابة عشان يعرف الدليل المطلوب شنو!
و بطريقة الغلاط الهسع دي, حتى لو معاوية جاب ادلة, ممكن الناس تطعن فيها او يتم تغييرها. و صدقني انا عندي تجارب مع ناس غيروا وثائق رسمية و بمعاونة البوليس عديل كدة, وفوق لو رجعت انا حكيت جزء من واحدة من تجاربي.
فانا لا انصح معاوية انه يجيب وثائق و يعرضها هنا, لكن اطالبه بان يفهم جدية الموضوع و خطورته, و ان يكون جاهز لتقديم ادلته لمحكمة, ومن خلال محامي, و توثيق اي وثيقة قبل الدفع بها. لانه هناك من هو على استعداد لتغيير الوثيقة او تدمير الاصل منها لو رآها.
وما اظنك ما عارف يا ود الصايم ياخ!
ياخ بعدين مالو ود اسحق ياخ? زول صاحبي و متأكد انه نضيف بس كاواي و غياظ شوية ههههههههه
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ناصر المحسى)
|
الأخ بدرالدين
تحية طيبة
Quote: يا محمد تتذكر قصة سيدنا عمر و عمرو بن العاص?
سيدنا عمر قال للمظلوم امشي جيب دليل, واستدعى عمرو بن العاص و حاكمه و حكم عليه? |
في قصة سيدنا عمر المظلوم مشى اشتكى طالبوه يثبت اتهامه دا
هسع عمر ودالباوقة دا لو مشى اشتكى في معاوية حا يتهم معاوية بأشانة السمعة وغيره حا يطالبوه بأنو يثبت حايجيب ليهم دليل صور من البوستات البتهمو فيهم
معاويه بتهم في ود الباوقة عليه برضه يثبت اتهاماتو دي
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
Quote: غايتو ناس المعارضة المنطق عندهم مُش أعوج
دا قالب هوبا عديييييل ...
بدرالدين متعصب لي صاحبو اللي على باطل و بتهمنا نحن متعصبين لي صاحبنا
بدرالدين بتغالط في نفسك و لو إستمريت أكتر من كدا حا تزيد أغلاطك .... |
يا ابو الحسين ود الباوقة ناطى فى البوستات بيدافع عن الناس بالباطل
ما قادر ينفسو ؟
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ناصر المحسى)
|
اخى بدر الدين احمد موسى
لك التحايا
الا تتفق معى بان شرح البديهيات من اصعب الامور وكذلك نفيها
انت الان بذلت مجهود كبير فى الكتابة وجلبت امثلة لتنفى
لنا احد البديهيات والحقائق القانونية الراسخة
البينة على من ادعى واليمين لمن انكر
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
| Quote: بعدين كلامك عن ان اخذ معاوية الصايم للقضاء, فيه تهديد عديل يشي وكأنك قريب ود الباوقة او صاحبو شديد لكن الاحسن في المواقف دي الانسان يحاول يقول الاحسن لفايدة الطرفين! |
يا زول الكلام دا إتكتب أكتر من 100 مرة إنت جايي الآن تقول لي الأحسن....؟؟؟؟
بدرالدين يا خوي معاوية بقول في الكلام دا ليه سنة تقريباً...
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
ياجماعة ويامعارضة؛
الكلام ده بيدين اخونا معاوية الصايم؛لو ودالباوقة شال البوست ده ومشي
اقرب قسم شرطة ؛والسعوديين عندهم حساسية لاساءة السمعة او التشهير؛
ونصيحة يامعاوية الكلام نصيحة من اخوك وبطل الكلام ده.
________
تحياتي يادكتور.
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بشير أحمد)
|
ياابوحسين انت وود الصايم وبشير احمد ان شاء الله يدوكم دبابير ويعلوا مراتبكم الاسبليت ..
يامعاوية قلنا ليك ماترمي الكلام من غير دليل ساى عشان مايجي اليسوى* والمايسوى يقنطرك كده ..
ـــــــــــــــــ
* كل المتداخلين عدا واحد
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: Balla Musa)
|
Quote: من يكتب باسم د. بلة موسى؟
لا يمكن لبلّة موسى أن يطالب بدليل في سودانيزأونلاين.كوم ومِن مَن؟
هل هُكر د. بلة موسى؟ |
أها يا بلّة موسى كدا كويس يعني؟
جاك واحد اسمه بدر الدين احمد موسى قلب معاييرك ذاتها
تذكّر أنت في سودانييزأونلاين وكله جائز حتى معاييز بدر الدين احمد موسى
كامل تضامني
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
Quote: انا لا اعرف عن الباوقة اي شئ لكني كنت منتظر منه رد مناسب!
كان ود الباوقة ممكن اما; ينفي انه لديه مزرعة في بتري, او اذا كانت لديه مزرعة ان يثبت بالوثائق كيف اشتراها و العقد.
ودي ما كتير على الناس, خاصة انه متسدر للدفاع عن الانقاذ. فلو اثبت بالوثائق انه ساحته نظيفة من اي تهمة للغش او الفساد, دا حايكون خير دفاع للانقاذ و يلقم معاوية حجر, و يذهب بمصداقية المعارضة!
لكن ننتظر ليوم القيامة دا ليس رد مناسب! |
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: Nagat Sid Ahmed Elshiekh)
|
Quote: انا لا اعرف عن الباوقة اي شئ لكني كنت منتظر منه رد مناسب!
كان ود الباوقة ممكن اما; ينفي انه لديه مزرعة في بتري, او اذا كانت لديه مزرعة ان يثبت بالوثائق كيف اشتراها و العقد.
ودي ما كتير على الناس, خاصة انه متسدر للدفاع عن الانقاذ. فلو اثبت بالوثائق انه ساحته نظيفة من اي تهمة للغش او الفساد, دا حايكون خير دفاع للانقاذ و يلقم معاوية حجر, و يذهب بمصداقية المعارضة!
لكن ننتظر ليوم القيامة دا ليس رد مناسب! |
دفاع مستميت عن الباطل......
حيرتيني يا نجاة و الله حيرتيني
يعني كل الناس اللي إتهمهم المناضل الشريف العفيف صاحب الجلالة معاوية دا
مطالبين بي إنهم إثبتوا برائتهم و لا كيف ....؟؟؟؟
يعني أنا لو إتهمت معاوية الصائم دا في رجولته حا تطالبوه بي إنو إجيب تقرير طبي بي إنو راجل
و لا رأئيكم حا إختلف بإختلاف المتهم....؟؟؟
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
دكتور بلة موسي حرامي كبير. سرق مني تلفزيون سبعة وعشرين بوصة وكتاب راس المال لكارل ماركس وشوالين عيش ولوحة اهداني ليها حسن موسي وعلبتين لبن نيدو وجزمة مقاس عشرة ونص وكمان سرق النجمة من مقدمة عربيتي المارسيدس وعلقها في عربيتو الكورولا. كما انه نصاب نصب علي في صفقة بنقو. كما انه خائن فهو الذي وضع شبش الكمبيوتر العاكس في عربية خليل ابراهيم بالتنسيق مع المخابرات الفرنسية مما ادي الي اغتياله غدرا. واتحداه علي رؤوس الاشهاد في سوق بكري هذا ان ينكر. يا بلة يا حرامي يا نصاب يا خائن رجع الحاجات واعتذر لحركة العدل والمساواة.. اتقي الله.. انت قايل ما فيش حساب يوم القيامة؟ هناك حساب يوم القيامة الذي يأتي بعد حساب سودانيزاونلاين مباشرةً ..
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
عبد العزيز حسين عبد الرحيم,
تحية و احترام
"Quote: في قصة سيدنا عمر المظلوم مشى اشتكى طالبوه يثبت اتهامه دا
هسع عمر ودالباوقة دا لو مشى اشتكى في معاوية حا يتهم معاوية بأشانة السمعة وغيره حا يطالبوه بأنو يثبت حايجيب ليهم دليل صور من البوستات البتهمو فيهم
معاويه بتهم في ود الباوقة عليه برضه يثبت اتهاماتو دي |
"
يا عبد العزيز, نحنا ما مختلفين في انه على معاوية ان يثبت اتهاماته لود الباوقة لكن مبدأ البينة على من ادعى و اليمين على من انكر تنفيذه يتم امام القضاء, و ليس في الشوارع و لا في صفحات سودانيواونلاين, تماما مثلما يحدث يوميا في كل العالم.
اذا اتهم اي انسان شخص اخر في مسألة بخطورة انه تسبب في بؤس و شلل شخص اخر, المنطقي ان يذهب هذا الشخص-اذا كان يعتقد انه برئ-للقضاء باشانة السمعة او غيرها من التهم القانونية.
يا عبد العزيز نحن نعارض حكومة الانقاذ, و ندعي انها افسدت و سرقت و دمرت, و حكومة الانقاذ تتمثل في اعضائها من وزراء و غيرهم و مؤيديها, و ود الباوقة يتقدم صفوف الانقاذ و يدافع عنها هنا في سودانيزاونلاين. و انت عارف ان من يتقدم الصفوف يعرض نفسه لاقصى الجروح, و نحن في المعارضة لو وجدنا اي دليل على شبهة ممارسة فاسدة قام بها ود الباوقة, او غيره, سنتكلم عنها. و مصلحتنا و هدفنا ان تسوقنا الانقاذ و مؤيدوها للمحاكم, لنثبت للشعب السوداني ان هناك فساد و ان من يتقدم الانقاذ اناس فاسدون.
يعني نحن بنتحداهم ياخدونا للمحاكم!
معاوية, قال ان ود الباوقة ظلم شخص محدد في عمليه بيع او شراء مزرعة في منطقة محددة جغرافيا, و حدد اسم المتضرر, و قال ان المتضرر الان يقبع مشلولا في سجن الدامر. لحد هنا معاوية ادى دوره في محاولة كشف الظلم و محاولة احقاق الحق.
و نحن نعرف انه لو ذهب للقضاء السوداني بنفسه فان القضاء لن يسمح بفتح القضية, او يأمر باعتقال معاوية,
وقد يكون المتضرر قد حفت قدماه في سبيل المحاكم و تم تعويق محاولاته باخذ حقه بالتاجيل او التسويف او الرفض عديل كدة, او غير ذلك من الممارسات الفاسدة للانقاذ. خاصة ان المتهم من كبار مؤيدي النظام و المحاباة و المحسوبية التي تمارسها الانقاذ ستقف في طريق احقاق الحق.
معاوية رمى القفاز في وجه الحكومة, و ود الباوقة, و عايز و يتحدى كليهما باخذ الامر للقضاء!
لماذا لا تبادر الحكومة و هي لديها معلومات و تنفي او تثبت ان هناك شخص بنفس الاسم مشلول و يقبع مغبونا في سجن الدامر?
لماذا لا تبادر السلطات المحلية بل و حكومة الانقاذ بفتح تحقيق في الموضوع و اثبات براءة منسوبها-ود الباوقة- و بالتاي اثبات كذب و افتراء معاوية الصايم او في حالة وجود الحالة ووقوع الظلم ان ترفع الظلم عن مغبون كما فعل سيدنا عمر بن الخطاب?
الامر بسيط يا عبد العزيز; وهو ان هناك تهمة بالفساد و الظلم تتعدى ود الباوقة, و تشمل الانقاذ كلها. و اي محاولة لشخصنة الموضوع و كأنه شئ بين معاوية و ود الباوقة هو محاولة للتضليل.
واي محاولة للجم معاوية بالتعريض به هنا, او في اي بوست اخر, هو محاولة بينة لتعويق العدالة و تضييع حق شخص يدعي انه مظلوم. ومن مصلحة الجميع اما ان ترد مظلمته او يعاقب على الكذب.
المحكمة السودانية هي الحل!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
شكراً للرد يا بدرالدين
أنا مؤمن بالله وله الحمد وبتعتقد أنو (ربنا بحاسب الناس بالنوايا وبدخلهم الجنه بي رحمته)
| Quote: يا عبد العزيز, نحنا ما مختلفين في انه على معاوية ان يثبت اتهاماته لود الباوقة لكن مبدأ البينة على من ادعى و اليمين على من انكر تنفيذه يتم امام القضاء, و ليس في الشوارع و لا في صفحات سودانيواونلاين, تماما مثلما يحدث يوميا في كل العالم. |
خلاص خليك معانا في تثبت الحق أنو واجب على معاوية أثبات التهمة دي أولاً وأو نفيها إذا كان ليها ما يعضددها
لكن يا بدرالدين الاتهام دا كان هنا في سودانيزاونلاين وودالباوقة زميل لينا هنا زي معاوية دا والاتهام مكتوب هنا عشان نقراه نحنا والقراء خليه يثبت لينا نحنا وبعد دا القضاء عنده طرقه يمكن سيد المزرعة ما داير يشتكي نحنا عاوزين نعرف يثبت لينا أو ينفي لينا مش الكلام دا قالو لينا
بعدين غرض معاوية شنو مش عاوز يفضح لينا عمر ودالباوقة عشان مؤتمر وطني وجزء من حربه ونضاله
| Quote: اذا اتهم اي انسان شخص اخر في مسألة بخطورة انه تسبب في بؤس و شلل شخص اخر, المنطقي ان يذهب هذا الشخص-اذا كان يعتقد انه برئ-للقضاء باشانة السمعة او غيرها من التهم القانونية. |
ما كل الناس بتمشي القانون في ناس ما بتحب الطرق دي قبل كدا معاوية دا اتعرض لي وضراني وشوه سمعتي وما اشتكتيه
| Quote: يا عبد العزيز نحن نعارض حكومة الانقاذ, و ندعي انها افسدت و سرقت و دمرت, و حكومة الانقاذ تتمثل في اعضائها من وزراء و غيرهم و مؤيديها, و ود الباوقة يتقدم صفوف الانقاذ و يدافع عنها هنا في سودانيزاونلاين. و انت عارف ان من يتقدم الصفوف يعرض نفسه لاقصى الجروح, و نحن في المعارضة لو وجدنا اي دليل على شبهة ممارسة فاسدة قام بها ود الباوقة, او غيره, سنتكلم عنها. و مصلحتنا و هدفنا ان تسوقنا الانقاذ و مؤيدوها للمحاكم, لنثبت للشعب السوداني ان هناك فساد و ان من يتقدم الانقاذ اناس فاسدون. |
دي قناعتكم انكم تعملوا تعارضو الانقاذ وتحاربوها لكن يا بدرالدين حتى الحرب الراسه عديل فيها اسلحه محرمه استخدامها وعندها قوانين كمان والبتجاوزها ببقى مجرم معاوية بحارب بي اسلحه قذرة لابتهد الانقاذ ولا بتأثر فيها غير تتسبب الأذى لي ناس قد يكونوا ما عندهم دخل مع الانقاذ بعدين معاوية ما براه كل معشر اليساريين والشيوعين بعملوا كدا ومع الأسف بحاربوا في ناس تانين ما كيزان هسع عليك الله عاين البوست دا
هوى ها ياشوقى سليمان ارعى بقيدك
اظن شوقي دا ما كوز وما عنده قضيه بالكيزان عندو فهم واضح نحنا فاهمنه معاوية كان بطارده بي بوستات كتيرة هسع الناس ديل كان خلوا
عليك الله ساعدنا نفهم اليساريين وبعض المعارضين التانين انو الشخصنة ما بتفيد النضال في شيء بل بتضر حاربوها بالفكر يا بدرالدين أطرحوا فكركم مادام مقتنعين بيه جيد وانتقدو فكرهم لو كان سيئ
يا بدرالدين ما كل البنعرفه بنكتبه في حاجات نحنا عارفنها لكن محجمين عن كتابتها لأنو بنحس أنها بتضر ناس تانين ما عندهم ذنب في صراعنا اظن اي زول عاوز يحارب يخلي عنده ضمير والحمد لله انو اغلب الناس البتكتب هنا هنا ضمير لانو ما كان كدا كان زي ناس معاوية ما قربو بي جاي
| Quote: يعني نحن بنتحداهم ياخدونا للمحاكم! |
بعدين شوف عمر ودالباوقة دا في السعودية وناس كتار عارفينه شغال وين وقد يكون في ناس عارفين مرتبه كم كمان وهو ممكن ياخد معاوية دا للمحكمه وأتمنى كدا ما المؤتمر الوطني والمحكمة ما حا تعاين لي دا شيوعي ود مؤتمر وطني لاحظ ممكن يمشوا للمحكة في السعودية يعني ما في السودان
Quote: معاوية, قال ان ود الباوقة ظلم شخص محدد في عمليه بيع او شراء مزرعة في منطقة محددة جغرافيا, و حدد اسم المتضرر, و قال ان المتضرر الان يقبع مشلولا في سجن الدامر. لحد هنا معاوية ادى دوره في محاولة كشف الظلم و محاولة احقاق الحق.
و نحن نعرف انه لو ذهب للقضاء السوداني بنفسه فان القضاء لن يسمح بفتح القضية, او يأمر باعتقال معاوية,
وقد يكون المتضرر قد حفت قدماه في سبيل المحاكم و تم تعويق محاولاته باخذ حقه بالتاجيل او التسويف او الرفض عديل كدة, او غير ذلك من الممارسات الفاسدة للانقاذ. خاصة ان المتهم من كبار مؤيدي النظام و المحاباة و المحسوبية التي تمارسها الانقاذ ستقف في طريق احقاق الحق.. |
خلاص يا بدرالدين أنا حا أصدق كلام معاوية دا بس لكن داير أتاكد تنفق رشح ليك أي شخص (ياريت يكون محامي أو قانوني) في السودان ورسل لي تلفونه في السودان أنا حا اتكفل ليك بمصاريف سفره وإقامته في الدامر وعندي أهل في الدامر ممكن يستقبلوه ويساعدوه في الوصول للسجن أو الحصول على أي معلومات من السجن ومستعد أكلف محامين نزهاء لأسترداد حق الزول دا عليك الله ساهم معاوية في نصرة الراجل دا عاوز شخص يكون من طرفك وخلي الباقي علي أوكي وميلي موجود في البروفايل
Quote: معاوية رمى القفاز في وجه الحكومة, و ود الباوقة, و عايز و يتحدى كليهما باخذ الامر للقضاء!
لماذا لا تبادر الحكومة و هي لديها معلومات و تنفي او تثبت ان هناك شخص بنفس الاسم مشلول و يقبع مغبونا في سجن الدامر?
لماذا لا تبادر السلطات المحلية بل و حكومة الانقاذ بفتح تحقيق في الموضوع و اثبات براءة منسوبها-ود الباوقة- و بالتاي اثبات كذب و افتراء معاوية الصايم او في حالة وجود الحالة ووقوع الظلم ان ترفع الظلم عن مغبون كما فعل سيدنا عمر بن الخطاب? |
بدرالدين الظاهر عليك مطول شديد من السودان أنت قايل المؤتمر الوطني زي الحزب الاجتماعي السوداني بتاع ناس معاوية دا http://www.sudaneseonline.com/db/attention/100_Balloons.gif
كل أعضاوه اصحاب وبتعارفوا وكل الحزب عباره عن شله كبيرة
يعني يعملوا اجتماع عشان يناقشوا موضوع انو في عضو في السعودية اتهموه ياخ دقيقة يا بدرالدين انت بجدك معليش يا بدرالدين ياخ انت قايل في السعودية في أعضاء في المؤتمر الوطني ما بكونوا بعرفوا ودالباوقه بل قد يكونوا في نفس مدينته بعدين عمر دا ما تنفيذي ولا حاجه كبيرة مجرد عضو زي وزي الملايين من الاعضاء
معاويه رمى القفاز في وجه ودالباوقه بس
| Quote: المحكمة السودانية هي الحل! |
لييه التعب والسفر ماهم الاتنين في السعودية مالها المحاكم السعوديه عيبها لي
بعد دا أها يا بدرالدين لو طلع معاوية كضاب ومفتري رايك حا يكون شنو لو صح الاحتمال
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: عبدالعزيز حسين عبدالرحيم)
|
عبد العزيز حسين عبد الرحيم
تحايا و سلام
"| Quote: لكن يا بدرالدين الاتهام دا كان هنا في سودانيزاونلاين وودالباوقة زميل لينا هنا زي معاوية دا والاتهام مكتوب هنا عشان نقراه نحنا والقراء خليه يثبت لينا نحنا وبعد دا القضاء عنده طرقه يمكن سيد المزرعة ما داير يشتكي نحنا عاوزين نعرف يثبت لينا أو ينفي لينا مش الكلام دا قالو لينا |
"
يا عبد العزيز, لو واحد وقف في ساحة الشهداء في امدرمان و صرخ حرامييييييي, و اشار لشخص محدد البحصل شنو?
هل سيتم استجوابه و مطالبته ان ياتي بدليل في الشهدا?
ام ان البوليس يتدخل و ياخذهما للقسم و البدء في اجراءات قانونية, اما باثبات التهمة او اثبات الفرية. و اعطاء المتضرر حق التقاضي لرد الشرف? و يتم النظر في الموضوع في محكمة في النهاية و هي التي تصدر حكم بالادانة او البراءة. و في حالة البراءة محاكمة الشاكي اذا طلب المتهم باشانة السمعة?
الامر واضح يا عبد العزيز الحكومة مفروض تحقق في الموضوع دا, و مفروض ديوان المدعي العام يشرع في اجراءات قانونية حتى لو كان ود الباوقة ما عايز, لان هناك طرف ثالث يدعي انه متضرر من ود الباوقة, و الدولة مسئولة عن تحقيق العدالة ولو على مؤيديها, و الاشرف لو اقتصت للعامة من مؤيديها, لان النبي صلي الله عليه و سلم قال:
"لو سرقت فاطمة بنت محمد لقطع محمد يدها"
"| Quote: بدرالدين الظاهر عليك مطول شديد من السودان أنت قايل المؤتمر الوطني زي الحزب الاجتماعي السوداني بتاع ناس معاوية دا |
"
ههههههههههه نقطتك ذكية و فهمتها!!!!!
"| Quote: لييه التعب والسفر ماهم الاتنين في السعودية مالها المحاكم السعوديه عيبها لي |
"
المشكلة يا عبد العزيز حصلت في بتري, في السودان, كما يدعي معاوية, و الشخص المتضرر موجود في السودان. و اي مشكلة تحل حيث نشأت. و القضاء السعودي قد ينظر للمسألة حصريا وكأنها بين معاوية و ود الباوقة, و قد تستخدم وسائل اخرى للانتقام من معاوية زي النقطة الفوق ديك!
و لا سبيل للقضاء السعودي بمعرفة ما جرى في بتري, و اذا ارادت معلومات ستوفرها فقط السفارة, و انا متأكد انها لن تكون محايدة.
يعني ببساطة يا عبد العزيز انه لا سبيل لتحقيق العدالة في دولة اخرى مغايرة لمكان وقوع المشكلة.
"بعد دا أها يا بدرالدين لو طلع معاوية كضاب ومفتري رايك حا يكون شنو لو صح الاحتمال "
بعد دا اها يا عبد العزيز لو طلع انه ود الباوقة فعلا ظالم رأيك حا يكون شنو لو صح الاحتمال?
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
غايتو يا بدرالدين حيرتنا عدييييييييل
يا بدر الدين الموضوع بدأ كيف ...؟؟؟
معاوية قال ود الباوقة سرق مزرعة ....
معاوية جاب الكلام دا من وين ... من الـBBC... ونسة في بيت بكاء ... شُفع بلعبو في الشار..؟؟؟
يا بدر الدين الكلام دا إما معاوية عندو مصدر ايه أو قطعوا من راسو الفاضي دا علشان مكسب نضالي ليه هو ..
إبقى إجينا معاوية و إقول الكلام دا جابو من وين ....
سيبك من المحكمة و الشرطة و دا كوووووووووولو ...
خلي إجي هو إقول جاب الكلام دا من وين ...
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
محمد عبد الماجد الصايم
كيفك يا وريف?
"| Quote: يعني نحن هسي قاعدين في الشهدا؟ |
"
دا مسل* يا و د الصايم ياخ, مسلللللل!
و الشهدا مالها عيبها لي!
ترانا في سوق الله اكبر, زيو وزي الشهدا
بعدين اعمل حسابك, اولاد "ام در" بزعلو منك, لو ضحكت من الشهدا, ههههههههه
--
و المسل هو المثل
و تضرب الامسال لتقريب المعنى
يا محمد خليك حنين ياخ!
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: محمد عبد الماجد الصايم)
|
مرحب بدرالدين حبابك سعيد بالحوار معاك
| Quote: يا عبد العزيز, لو واحد وقف في ساحة الشهداء في امدرمان و صرخ حرامييييييي, و اشار لشخص محدد البحصل شنو? |
ههها ذكرتني قصة شفتها زمان في سوق سته في الحاج يوسف حرامي سرق الخرتاية بتاع القروش من واحد البياعين البياع شافو كورك الحرامي غبي قام جاري على المنطقة الببيعو فيها الخشب والحطب والمروق يعلم الله الناس كل واحد جرا ليه مرق ووقع فيه خبت خارجناه منهم مغمى عليه لمن فاق كانت حالته صعبة درجناه شوية جا واحد لبعه بي قناية قاليه يا عوير تاني وكت تجر اجرى على سو الخضار او الهدوم واختا الجزارة وسوق الحطب
اها لو زول كورك حرامي في الشهداء انا كلها حا تلفت تشوف الواقعة مثلا كان بت كورك والحرامي في يده شنطه نسائية او مثلا شاب ظريف ووجيه ولذيذ هو الكورك والحرامي في يده اي فون او مثلا بتاع بلح كورك والحرامي في يده ملوه بتاع بلح دي حا ينتبهو ليه الناس تاني ردت فعل الحرامي لو وقف بتأنو شوية لكن لو قام جاري الفيهم عزم كلهم حايقوموا جارين وراه ولو في عساكر يبقى ليلته مطينه بي طين يندق اول حاجة بعدين يمشي القسم لو في عساكر لو ما في عساكر ياكل دقته لكن حرامي البت دا البسكوه كتار ودقته حاره
دا بالنسبة لموقف الشهداء لكن مابنطبق على البورد تماما دا خلينا نشوف الحاجة التقنعنا انو ودالباوقة سرق عشان نخلية يتمنى لو جرى لي سوق الحطب الناس ما بتفاعل إلا بي دافع مقنع وفي حالة الاتهام الاثبات والدليل هو البقنع حتى القانون زاتو سووهو على كدا
Quote: هل سيتم استجوابه و مطالبته ان ياتي بدليل في الشهدا?
ام ان البوليس يتدخل و ياخذهما للقسم و البدء في اجراءات قانونية, اما باثبات التهمة او اثبات الفرية. و اعطاء المتضرر حق التقاضي لرد الشرف? و يتم النظر في الموضوع في محكمة في النهاية و هي التي تصدر حكم بالادانة او البراءة. و في حالة البراءة محاكمة الشاكي اذا طلب المتهم باشانة السمعة?
الامر واضح يا عبد العزيز الحكومة مفروض تحقق في الموضوع دا, |
أما في حالة أنو طلع جنبهم عسكري وقال اتفضلوا معاي القسم فتعال نحكي ليك الحاصل شنو بالتفصيل لأني كنت عسكري بوليس واشتغلت في التحري كتير
العسكري ما حا يتكلم معاه حا يسوقهم طوالي للضابط ويحكي ليه الحاصل الضابط حايسال الزول القال للتاني حرامي
-الضابط : الزول دا مالو معاك حايقول ليه
الشاكي : سرق موبايلي
الضابط : سرقوا كيف ؟
الشاكي : كنت خاتيهو جنبي وهو جا من وراي سرقوا
الضابط : يازول انت متاكد يمكن وقع منك وانت ماعارف
الشاكي . ياجنابو والله العظيم ما وقع مني والله سرقو مني
الضابط : عندك شهود في زول شافوا بسرق منك
الشاكي : مافي زول ياجنابو
الضابط يعاين للمتهم ويقول ليه يازول انت شلت الموبايل حق الزول دا يمكن ينكر يمكن يعترف بعد كده الضابط يقول فتشوه او يفتشه المهم يعصر على المتهم شويه احتمال يعترف في حالة انكاره وعدم وجود دليل كشهود اوغيره يطلق سراحه عادي وممكن يتوجه لوكيل النيابة يرفع قضية في الشاكي وشهوده الضابط والعساكر كمان
اما في حالة وجود دليل او ولقو الموبايل عند المتهم برضه حا يسالوا الشاكي عشان يتاكدو من انو الموبايل حقه وبعد تأكدهم حا يوجه الضابط الشاكي انو يمشي مكتب البلاغات يفتح بلاغ بعد البلاغ يمشي الشاكي يسجل اقواله اولا ثم بعد دا المتهم
شفت يا بدرالدين الزرزة بتاعت الشاكي دي كيف وللمحكمة القاضي حا يزرزر الشاكي
Quote: و مفروض ديوان المدعي العام يشرع في اجراءات قانونية حتى لو كان ود الباوقة ما عايز, لان هناك طرف ثالث يدعي انه متضرر من ود الباوقة, و الدولة مسئولة عن تحقيق العدالة ولو على مؤيديها, و الاشرف لو اقتصت للعامة من مؤيديها, لان النبي صلي الله عليه و سلم قال:
"لو سرقت فاطمة بنت محمد لقطع محمد يده |
لا لا يا بدرالدين بالغت جنس بلاغ دقيقة يا بدرالدين انت جادي غايتو بتخيل زي انك بتهزر معاي ساي غايتو اقتباسك الفوق دا كان قراه ودالبشرى بموت من الضحك
بالجد يابدرالدين انت متخيل ممكن ديوان المدعى العام ممكن يشرع في اجراءات قانونية عشان كلام قالو معاوية الصايم ويمشوا يقبضوا ودالباوقة ويجيبهو يثبت انو ما سرق ، يعلم الله كان كدا بحصل ناس معاوية ديل يكونوا في السجون من زمان بعدين ناس المدعى العام في السودان انت عارف لو ناس المدعى العام بهتموا بي حاجات زي دي كان دايوان مدعى عام خاص ومستقل بي نياباته وعساكره وانتربوله مخصوص لي لسودانيزاونلاين معليش يا بدرالدين معاوية الصايم زاته عارف انو الموضوع ضرطه في حمام عشان كدا بجي يعمل كدا ياأخ دا لمن لقى الزنقة قام سحب البوست هسع البوست وينه كدي فتشه لي بدرالدين ياخ ما تدول القضية ياخ هسع ياخ لو معاوية دا ولا ودالباوقة في امريكا ديوان المدعى العام دا يسوي شنو بعدين انت قايل ناس المدعى العام فاضين ولا ناقصين يقعدوا يبارو النت والمنتديات عشان يرفعو دعاوي غايتو انت واثق منهم شديد بس ديل اي كلام يازول هم فاضين من اكل الفول في المكاتب لمن تقول لي يرفعوا دعاوي براهم يا اخوي تمشي ليهم ترفع ما يرفعو ليك
| Quote: ههههههههههه نقطتك ذكية و فهمتها |
معليش يا بدرالدين ممكن سؤال أنت برضه عضو في الحزب الاجتماعي دا ولا أنا غلطان؟
مافي زول بدافع عن معاوية إلا أعضاء الحزب الاجتماعي مع احترامي ليك
بعدين هو اكتر زول برسخ وبأكد انو حزب اجتماعي
معليش يا بدرالدين عاين تعال نعمل حاجه مفيده أنا بثق فيك جداً شوف خلي معاوية دا يثبت ليك انت بس ويوريك دليل على أنو ودالباوقة سرق الزول دا ويديك معلومات عن الزول الفي السجن والباقي خليه على انا بس تعال قول انك اتاكد قسماً لأبشعن بهذا الفنطوط عمر وافضحه وادخله السجن وقبل كدا اعمل كل ما بوسعي بمالي بجهدي بمعارفي بأصدقائي بأهلي عشان انصر الزول المسكين واطلعه من السجن وأعيد ليه حقه بكل ما استعطت بس خليه يجيب ليك الدليل انت فقط
| Quote: بعد دا اها يا عبد العزيز لو طلع انه ود الباوقة فعلا ظالم رأيك حا يكون شنو لو صح الاحتمال |
قسماً قسماً بالله الواحد الاحد القهار الصمد وعلى الطلاق احاول ما اخلي لي ودالباوقة دي جهه يرقد عليها افضحه وما اخلي وزي ما قلت ليك قبل كدا اسعى جاهداً انقذ واعيد حق الراجل المظلوم الفي السجن
يلا قول لي لو معاوية طلع كضاب تسوي شنو
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: بدر الدين احمد موسى)
|
والله يا بدر الدين احمد موسى اصرارك على وجهة نظرك فى اتهام معاوية الصايم للناس من غير دليل دى ما بتخارج الا تكون راقد ليك فوق واحد من التالى
1 - معاوية الصايم نبى لا ينطق عن الهوى
2 - ود الباوقة الكوز يجوز اتهامه من غير دليل نكاية به لتأييده الاعمى للانقاذ
3- الاختلافات الحزبية والسياسية تلغى العقلانية ويجوز استخدام جميع الاسلحة
* ود الباوقة نفسه تاييده الاعمى للانقاذ احيانا بيوصله مرحلة تغييب العقلانية وانا ما زلت متضايق منه جدا فى ذهابه للسفارة المصرية للتهنئية
ولكن الحق يقال لم نشهد له طعنا فى سيرة الخلق ولا انحطاطا فى لغة الخطاب ولكن هناك استفزازا يحدثه بتاييده الاعمى للانقاذ واعتقد هذه
صفة يشترك فيها معه الكثيرون من ذوى الالتزام الحزبى , فكثيرا ما شهدنا تخاذلا ممن كنا نحسبهم اصحاب مبادى فى قضايا اخلاقية اثيرت
على صفحات هذا المنبر فقط لان اطرافها لا يتفقون معهم فى الافكار , فثقافة الاصطفاف سائدة والجميع يتأبطها الا من رحم ربى
فلتذهب الاحزاب وافكارها الى الجحيم ان لم تكن تراعى القيم الاخلاقية وتعمل لسمو ورفعة الانسان
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: احمد التجانى احمد)
|
شكرا اخي احمد التجاني كفيت ووفيت
Quote: والله يا بدر الدين احمد موسى اصرارك على وجهة نظرك فى اتهام معاوية الصايم للناس من غير دليل دى ما بتخارج الا تكون راقد ليك فوق واحد من التالى
1 - معاوية الصايم نبى لا ينطق عن الهوى
2 - ود الباوقة الكوز يجوز اتهامه من غير دليل نكاية به لتأييده الاعمى للانقاذ
3- الاختلافات الحزبية والسياسية تلغى العقلانية ويجوز استخدام جميع الاسلحة
* ود الباوقة نفسه تاييده الاعمى للانقاذ احيانا بيوصله مرحلة تغييب العقلانية وانا ما زلت متضايق منه جدا فى ذهابه للسفارة المصرية للتهنئية
ولكن الحق يقال لم نشهد له طعنا فى سيرة الخلق ولا انحطاطا فى لغة الخطاب ولكن هناك استفزازا يحدثه بتاييده الاعمى للانقاذ واعتقد هذه
صفة يشترك فيها معه الكثيرون من ذوى الالتزام الحزبى , فكثيرا ما شهدنا تخاذلا ممن كنا نحسبهم اصحاب مبادى فى قضايا اخلاقية اثيرت
على صفحات هذا المنبر فقط لان اطرافها لا يتفقون معهم فى الافكار , فثقافة الاصطفاف سائدة والجميع يتأبطها الا من رحم ربى
فلتذهب الاحزاب وافكارها الى الجحيم ان لم تكن تراعى القيم الاخلاقية وتعمل لسمو ورفعة الانسان |
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
اخونا ود الباوقة بعد دا من حقك تعمل اللي عايزو
علشان تاخد حقك كااااااااااااااااااامل
و تاخد حق أولادك و أسرتك
لا الكذاب عايز إجيب دليل
و كل المؤازرين و المطبلين ليهو قالو إنت غلطان علشان ما مشيت المحكمة علشان تاخد حقك
و إعتبرو دا دليل على صحة الإتهام.....
| |
|
|
|
|
|
|
|
|
 Re: أين دليل إثباتك يامعاوية عبيد الصايم؟ (Re: ABUHUSSEIN)
|
| Quote: دكتور بلة موسي حرامي كبير. سرق مني تلفزيون سبعة وعشرين بوصة وكتاب راس المال لكارل ماركس وشوالين عيش ولوحة اهداني ليها حسن موسي وعلبتين لبن نيدو وجزمة مقاس عشرة ونص وكمان سرق النجمة من مقدمة عربيتي المارسيدس وعلقها في عربيتو الكورولا. كما انه نصاب نصب علي في صفقة بنقو. كما انه خائن فهو الذي وضع شبش الكمبيوتر العاكس في عربية خليل ابراهيم بالتنسيق مع المخابرات الفرنسية مما ادي الي اغتياله غدرا. واتحداه علي رؤوس الاشهاد في سوق بكري هذا ان ينكر. يا بلة يا حرامي يا نصاب يا خائن رجع الحاجات واعتذر لحركة العدل والمساواة.. اتقي الله.. انت قايل ما فيش حساب يوم القيامة؟ هناك حساب يوم القيامة الذي يأتي بعد حساب سودانيزاونلاين مباشرةً .. |
موضوع ود معاوية هين ..الدكتور ده قصاص من غير محاكمة ..
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: Balla Musa)
|
| Quote: صمت ود الباوقة وراهو لغز!!! |
ما في لغز يا دكتور
ود الباوقة قال عايز دليل دا آخر كلامو .... تاني إقول شنو ...؟؟؟
و صدقني إذا ما جاب الدليل و ما حا إجيب دليل لأنو مافي أصلاً
ود الباوقة حا ياخد حقوا كاااااااامل علشان إوقف أي إتهامات بدون دليل في المنبر
النضال المبنى على الكذب دا لازم إتوقف في سودانيز أون لاين ...
تحياتي و إحترامي
| |
|
|
|
|
|
|
|
|
|
Re: أين دليل إثباتك يامعاوية عبيد الصايم؟ (Re: ABUHUSSEIN)
|
بلة موسى
تحياتي
"Quote: يابدر الدين
مطالبين بالدليل عشان عايزين نردم ودالباوقة
كدى انت جيب الدليل من معاوية وخلى الردم علينا..
الحكاية دى ماعايزا الحبر الكتير دا كلو, عايزا منك كلمتين (أين الدليل)؟ |
"
يا بلة ياخ, الله يرضى عليك, بس اتعب نفسك شوية و اقرا الكلام الكتير الانا كتبته فوق.
رايي واضح انه مبدأ "البينة على من ادعى, و اليمين على من انكر" لا يتم تنفيذه في سودانيزاونلاين!
المبدأ يا دكتور يتم تنفيذه امام قاضي.
القضاء هو الجهة الوحيدة المخولة ومنوط بها حل النزاعات بين الافراد او الجماعات في اي دولة تحترم نفسها.
يا بلة, انا دخلت في اكثر من قضية لاخذ حقوقي في منتصف تسعينات القرن الماضي, و في اوج هذيان الانقاذ بانهم
يدعون للحق و يعملون بتعاليم الدين, يا بلة كل تجاربي علمتني حاجة واحدة: انه من المستحيل ان تأخذ حقك في ظل الانقاذ!
ومثل ما يدعي اخونا معاوية; ان هناك مظلوم يقبع في احد السجون و مغبون لانه لا يستطيع اخذ حقه, انا اصدقه يا دكتور, لاني انا نفسي فشلت فشلا ذريعا لاخذ حقي حتى عن طريق القضاء, و لو كنت استطعت اخذ حقي لما كنت الان مهاجر في امريكا!و ربما لو اخذ ذلك الشخص حقه لما قبع الان في السجن!
و تماما مثلما يحدث الان في البوست بتاعك دا, و بوستات تانية تحاول النيل من معاوية و الطعن في مصداقيته, كان يأتي لقاعة المحكمة- التي ذهبت لها انا لأخذ حقي- عشرات الوجهاء و كبار التجار و ضباط الشرطة و الجيش لحضور جلسات القضية مؤازرة للظالم.
والله يا بلة عمم من نوع خمستاشر متر و دبابير و هايلوكس و ليلى علوي اخر موديل تجي و تقيف قدام المحكمة و يملو قاعة المحكمة, و في النهاية القاضي حكم لينا باقل من تلت المبلغ! و كتب لينا شيك من واحد مديون اكثر من مية مليون جنيه سنة 1994 (يعني مليارات بالعملة الجارية الان لانه الدولار كان بعشرين جنيه آنذاك) و اباطو و النجم, و اخلى سبيل الزول الذي ارتكب الجريمة, و نحن مسكنا ضنب الككو!
يا بلة, زي ما حصل لي, ممكن يكون دا الحاصل في القضية دي! و انا هنا ليس لمساندة معاوية عبيد لانه صديق او معارض, لكن لاني مررت بتجربة بتخليني اقدر اتفهم انه ممكن يكون في ظلم, و انا متعاطف مع الضحية و ليس معاوية.
يعني ضحايا الظلم و المحسوبية في السودان تتضمن: ناس في السجون, و ناس يأست و خرجت من البلد و ما زالت حقوقها معلقة لدى ناس لهم من الجاه ما يستطيعون به تعويق العدالة, بداية بحشد ذوي السلطة و المال في قاعات المحاكم للضغط على القضاة و دعم الجناة, و نهاية بحشد ناس في بوستات لاسكات من اخذوا قضايا بعض الضحايا للاسافير.
الدليل مفروض يسأل عنه قاضي في محكمة و ليس انا, و لا انت و لا اي حد اخر.
فنطالب بتنفيذ مبدأ " البينة على من ادعى و اليمين على من انكر" كما ينبغي يا دكتور
----
(عدل بواسطة بدر الدين احمد موسى on 01-10-2012, 11:10 PM)
| |
|
|
|
|
|
|
| |
Balla Musa
ABUHUSSEIN
محمد المسلمي
Frankly
عماد حسين
بدر الدين احمد موسى
محمد البشرى الخضر
معاوية عوض الكريم
محمد عبد الماجد الصايم
طلحة عبدالله
ناصر المحسى
احمد التجانى احمد
بشير أحمد
فايزودالقاضي
محمد عبدالرحمن محمد
Nagat Sid Ahmed Elshiekh
Abdelmuhsin Said
امير مصطفى احمد
فيس بوك
تويتر
انستقرام
يوتيوب
بنتيريست