|
|
 أوووعكم تمشوا للدكتور ده ..بيكتلكم ..
|
اتصبروا بي اللينك لحدي ما يجي زول ينزلو ليكم بدل بهدلة الموبايلات دي
http://www.youtube.com/watch?v=hU0sFSC7TSY
ياخ انا أصلا من زمااان أي زول إسمو عمر عارفو بيكون زول خلاق ومبدع ومريييح .. :)
ياخ الزول ده والله رييحني في كنكوجي وأعاد لي أيام الشباب وكيف أن عمر الفاروق قاد ثورة رقيص الخريج كيييتاً في رقيص العروس ..
إختيارك موفق يا عمر لهذه الأغنية الملحمة ..والله انا جادي يا جماعة ما تضحكوا فيني ..
الزول ده متع روحو يوم تخريجو ولغى الحضور من راسو وهجج كما ينبقي ..
والأستاذة الفنانة أبدعت في الأغنية خصوصا وإنها مشت حفلة الكبجاب فرع القماير ..
وأبدع عمر مرتين بترديد الأغنية ..
يا ابو عمير ياخ إنت ح تكون دكتور ناجح جداً والله ..
تخريمة :
تييييييييت ...وتييييييت ..
|
|
  
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: Elsanosi Badr)
|
| Quote: أجمل ما في هكذا تخاريج وهكذا إحتفالية إنها بتمذق فواتير الفنانين وبند عداد الفنان اللي هو أكبر هاجس للجنة المنظمة..وأسألوا منظم ما تسألوا طبيب :-) |
القاليك منو يا ود الفاروق
حفلات التخريج بقى عندها متعهدين ومنظمين وقيامة رابطة
ود خالي تخرج من التقانة كل طالب دفع ستمية الف الشير
لكن كان برنامج مبالغة بيني وبينك
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
إنت جادي يا ود البشرى؟؟؟
آخر عهدي بالتخاريج كنت المسؤول عن تخريج دفعتين من كليتنا كان الخريج بيدفع 25 ألف ةالباقي بنتمو شحدة من ذوي القلةب الرحيمة وخطابات التبرع..
لكن بيني وبينك انا اتوقعت حاجة زي تحصل وإنو ح يجي متعهدين لأنو الشغلانة دي مربحة..
زي ما قلت فعلا بتطلع برامج لطييفة..
وتييييييت..
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
عارفة يا قاب الزول ده ذكرني بي شبابي..فقبل عشرة سنوات انا عملت نفس المشهد هججت زي ربع ساعة وحتييييتو حتى مشيت سلمت على الأساتذة..يومها اتوقع كانت ظاهرة تخريجية فريدة لأنو اليوم التاني وصدقي أو لا تصدقي سمعت إتنين في الحافلة عن الولد البالغ في تخريج نادي الضباط امبارح..:-)
غايتو كل ما أشوفني بقول انا اليوم داك كنت مالي..وخلي في بالك انا راسي ده غير الحلاقة واللفيت ما كنت بستخدمو لي شي..واسة بقا لفيت بس حلاقة زاااتو ماف
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
| Quote: وألذ حاجة إنو الناس ديل مثلهم الأعلى الأستاذ الربع |
شوف يا الفاروق لو عايزنا نختلف نهائي اتكلم كلام ما ياهو في الربع دا
أيمن الربع دا بالنسبة لى ما فيهو إي نضم .
دكتورك دا غايتو بجازوا
لنا ربعنا ولكم دكتوركم
لوووووووووووول
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
ملاااحظ ليك يا نابري كايس ليك معاي شكلة..
لكن صدق يا حبوب آي ممييين إت وما تريقة. ؟
الربع ده زةل فنان وخيالو واسع وصاحب مدرسة وإن كان فيها إزعاج لكن الزةل ده وصل لي قلوب الناس سريييع..
وعشان اوريك وصدق أو لا تصدق وانا بسمع في الأغنية دي قارنتها مع أغنية زولكم بتاعت العصفور ووالله لقيت إنو دي فيها خيال وصدق أحسن مليون نرة..
والدليل ةبما إنك فنان لاحظ الفرق وفن وخيال الربع وهو بيدخل صوت البوري ويين وبيهئ النستنع وبين تقليدية زولكم في إقخام صوت البكا في الأغنية إيهههي. إييهههي...إييههي..
نابري ما تستهون بي اخوك في حاجات كده انا لامن اقولا عاين بين السطور واقراني لي قحام سمح؟
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
يا سلااااام ياخ يا عمر الفاروق ياخ
موبااااااالغة والله ريحتنا في حنانا.
عارف يا عمر
الدكتور دا مفروض يشيل ورقو ويجي يشتغل هنا في امريكا وفي امريكا في سانتا كروز، طبعاً في سانتا كروز هنا الدكتور عادي بيكتب ليك روشتة (الخضراء) وتمشي تصرفها من اقرب صيدلية.
عندي صاحبي امريكي راستا قال لي أنا بمشي للدكتور وبقول ليهو (مدبرس وقاعد افكر في الغنتحار) يقوم يصرف ليهو عدد 30 سجارة في الشهر.
يا خي تسلم على المتعة والبهجة.
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: الصادق اسماعيل)
|
الصادق يا حبوب..
صدق انا من الصباح بشاهد في المقطع ده وبإستمرار..
المقطع ده انا ما نزلتو للإصحاك بل للمتعة الإنت حسيييتا دي..وانا حاسيها من الصباح دي..
المقطع ده فيهو حاجات كده مريييحة وانا ما بستبعد إنو عمر ده ممكن يكون دكتور شاطر جدا لكن نحن في السودان إنطباعيين وطةالي نلصق ليك للزول دمغة البلادة وقلة الأدب..عشان كده انا اتعمدت اقول ما تمشو للدكتور ده..
| |
|
|
|
|
|
|
|
|
 Re: أوووعكم تمشوا للدكتور ده ..بيكتلكم .. (Re: عمر الفاروق)
|
| Quote: المقطع ده فيهو حاجات كده مريييحة |
حاجات شنو يا عمر الفاروق ياخ
المقطع دا كلو مريح جداً وببشرني أنا شخصياً إنو الدنيا دي بي خير لسه والناس بتقدر (تعبِّر عن مشاعرا ) بحرية والمهم العفوية والتلقائية في الموضوع والإبتكار.
ياخي الواحد قرّب يبقى ناقد فني عديل كده، غايتو الواحد لو كان حضر زمن ناس الربع ديل، كان تلقانا مضهبين في أي حفلة بتاعتو.
بالله يا عمر ياخي ما تحرمنا من (هكذا مُتِع وراحة كنكوجية) زدنا زادك الله
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: بهاء بكري)
|
لووووووووووووب ياخى !
عمر الاخر (على وزن مريم الاخرى ) !
دا ابتذل ليك ليهم اى حاجة فى الدنيا !!!
الغريبة ظل محتفظ بهيبة (المتفوق) والعارف بعمل شنو !
نحن فى انتظار عمر ليقلبها ...
،ـــــــــــــــــ
عمر الاخر ,,
عندك 5 يوم تجيب فيهم رقيص العروس
العملتو يوم تخريجك . ما جبتو براك
بتلقى نزل هنا برااااهو ........
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
دينا آل خالد..
والله عمر الآخر النصييييحة حتاهو بس زمنا كان لسة ناس علوية فرن ونجاة الإنقاذ ديل لسة ما جو..
تصدقي اخوك أرسى فهم جديد وكيف أن أغاني محمد الامين تصلح لرقيص العروس..
إتخرجت بي أغنية أسمر جميل لكن هجيجي حولا لي حمام الجك يلا يا منقة..
وهنا يكمن الإبداع:-)
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: مرتضى احمد عبد القادر)
|
Quote: ملاااحظ ليك يا نابري كايس ليك معاي شكلة..
لكن صدق يا حبوب آي ممييين إت وما تريقة. ؟ |
يا صاحبي و الله قاريك صاح و عارفك عارف الزول دا فنان
و خيالو خيال فنانين .
و عارفك عارف أنو أيمن الربع قلب الشغل بتاع الاورغن
تحت فوق .
ياخ و حياة الله الخلقني وخلقك أنا بعرف ناس بفتشوا
الحفلات الشغال فيها الربع دا فتيش و اصلاً ما عندهم
فهم القون منو و الا القونه منو فهمهم الربع و ما
يفعله من عزف على الآلات البيجيبه معاهو و الرقيص
الحيرقصوا و الاستايل الحيكون لابسوا و النضاره شكله
كيف .
يازول الزول دا مصيبه بالمعنى البسيط الربع دا قال
لابوهو :- اقعد هناااااااااااك و اتفرج في فني كيف
لوووووووووووووول .
و تييييييييييييييييت
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: Hussein Mallasi)
|
الواحد لمن يشوف شباب سغار مبتهجين محتشمين فرحانين مهججين يطمئن إنو البلد لسه بخير ..
الشباب ديل إتعصروا قراية وكشات ودفاع شعبي وضرب نار وحرب ومواصلات مافي ، وبعد كده they moved on وعايشين حياتهم بطريقتهم رغم الظروف الصعبة ..
.. أنا غايتو الفيديو كيفني .. سيناريو المقدمة بتاع تسليم النضارة شئ بديع (السلَّم النظارة ده منو؟؟).. أنغام أيمن الربع رائعة .. الأغنية تمام .. فرحة الأصحاب بصاحبهم جميلة .. الباك قراوند بتاع ال men in black الشغالين هجيج تحت المنصة برضو مبهج .. والبنات زاتم متكيفات ..
الكونكلوشن: فيديو جميل يبعث التفاؤل ومبروك للخريج ..
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: jini)
|
عمر الفاروق كل عام وانت بخير
يااخي ابدااااااااااااااااع شديد
بس انا عاجبني رقيص التمرجي
بتاع البنسلين اكتر من الدكتور!!!
انتوا ياناس الزار ماعلاج ؟؟؟
مااعتقد الحاجه حياة البرير عندها بت اسمها وصال ...
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
Quote: والله يا طلحة قدر ما حاولت أقرا كلامك مصاحبا لي علامة الإستفهام ما ظبط معاي..
|
والله أنا ذاتي يا عمر الفاروق
مين الجاب علامة الإستفهام دي في كلامي الفوق دا؟
الظاهر عليها وقعت ساي والله يا أبو عمير وما مقصودة ..
المهم أقرأ الكلام دون استفهام ولو ما ظبط معاك فستجدني ان شاء الله من الشارحين
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: طلحة عبدالله)
|
سلام يا جماعة،
الزول طلع قريبي!
بغض النظر عن رأيي الشخصي في طريقة الإحتفال، بس حبيت أنقل كلام والده، د. الفاتح عمر، عن تعليقات الناس علي الموضوع:
"رقصت وانا شاب و لا زلت ارقص فللفرح وقت وللعمل وقت. والفنان دايما طبيب ماهر. . و احترامى لراى الجميع. . قالرقص والفن والادب زادنى الهاما فى الطب
والد عمر. .استشارى عيون"
| |
|
|
|
|
|
|
|
|
|
Re: أوووعكم تمشوا للدكتور ده ..بيكتلكم .. (Re: عمر الفاروق)
|
يا ختلد..
كويس لقينا زول قريب الدكتور المبدع ده لأننا بصدد إرسال هدية تقديرا وإعجابا والله وانا جادي..فبالله ظبط لينا الموضوع ده وينوبك ثواب لو جبت لي تلفونو..
بالنسبة لي كلام والدو فيبدو إنو علق في حتت واجه فيها الإنتقاد وعليه نرجو منك توريهو درب البوست ده عشان يشوف كيف في ناس تانية محتفية ومبسوطة من ولدو..
انا مقتنع تماما إنو الولد ده ما ساهل ومقطع الشطارة كمان وإلا لما تجرأ لهكذا إبتهاج..
ياخ ده ولد مرييييح..
| |
|
|
|
|
|
|
| |
عمر الفاروق
حيدر حسن ميرغني
Elsanosi Badr
محمد البشرى الخضر
القلب النابض
سيف اليزل برعي البدوي
معاوية المدير
سارة عيسى أحمد
Mahmoud Mustafa Mahmoud
ABUHUSSEIN
سفيان بشير نابرى
الصادق اسماعيل
مرتضى احمد عبد القادر
بهاء بكري
دينا خالد
Mohamed Yassin Khalifa
محمد عبد الماجد الصايم
Hussein Mallasi
mahmed alhassan
منصور عبد الرازق
Munir
طلحة عبدالله
jini
عماد شمت
Khalid Osman Jaafar
فيس بوك
تويتر
انستقرام
يوتيوب
بنتيريست