|
|
 Re: على محمود الدقم الاعتذار للأستاذ كمال كمبال والحركه عن عدم الدقه (Re: محمود الدقم)
|
مع احترامي الشديد.. لأخونا محمود.. لكن يا اخوي حوارك ده.. اوحي لي بانك قومي عربي و بعثي و ناصري ذاتو..
الأخ كمال كمبال ...زول سياسة ساكت..و احترم ناس السودان كلهم..عشان كده قعد يلف و يدور..
اها انا من جنوب كردفان..و مواطن عادي.. مش اطالب بتدخل دولي ولا ناتو ولا جن احمر.. اطالب بحماية مواطني جنوب كردفان (النوبة تحديدا) .. و البيقدر يوفر الحماية دي حبابو عشرة..ناتو ولا مجتمع دولي ولا سيدنا الخضر ذاتو ..تب ما فارقة معانا..!
محمد بحر يا محمود ..راجل و الرجال قلائل في هذا الزمن الزنيم..و يكفي انو رجع الخرطوم شايل بندقية عشان يحلنا من الوهم الإسمو عمر البشير..و الليلة دي لو محمد بحر انكسر و داير يبيع مويتو على الرهاب.. مخير.. لكن كمان ما يرفض كلامنا انو انكسر..و انو حن لناسو ناس الجبهة الإسلامية..!
تلفون كوكو..كوز..و الناس القامت بحملة انتخاباتو (من صديقي و زميلي عمر منصور فضل و صديقي ادم جمال ، و انت ماشي) رضعوا من ثدي الجبهة الإسلامية الحرام..و طالما هو خان القضية و نسى ما قام بيهو من الأساس... فليس ليهو غير السجن.. لغاية ما نمرق لينا على بر امن..!
يا محمود يا صديقي زول بيفرح بيهو الطيب مصطفى ..و يقعد يبتزا بيهو العالم.. ده زول ما فيهو فايدة تب..!!!
هسع ده يا محمود..راجع التاريخ وشوف منو البيسال عن تلفون كوكو؟؟ مش باهم ناس الجبهة الإسلامية؟ و بالعدم البعثي صديق تاور,,, و اختو نور تاور (خلونا نفتو للآخر..يمكن نمرق على بر ياخي!!)؟,؟..
دانيال كودي..احترم فيه تاريخ شباب الكمولو..ولو التاريخ ده ما ذكرو استاذنا يوسف كوه..و الله دانيال ده نسوى معاها حكاية نكتة الكوميديان محمد موسى:..هو ده بالله هيثم!!!..ياخي انا لاقيتو تمانية مرات,.!!..المهم يا محمود..و يا عثمان ميرغني..و الغيرهم... داينال كودي ، ده الليلة بالنسبة لينا ، نحن ناس جنوب كردفان ، اصبح ذمي ساكت..الناس تغش فيهو يمين و شمال..و ح تمروحوا لمن عينو تطلع..و في النهاية التكتح ما ح يلقاها..!!!
تابيتا بطرس تية شوكاي؟؟؟.. ياخي دي حنكوشة من سنة حفروا البحر(و خلونا نحتكم للإرسالية ..و حي البوستة..و الملازمين في امدرمان..!!!)..و نحن ..ناس جنوب كردفان.. غلطانين سوينا ليها قعر و شعر مع الناس..كمان جاية تتسلبط فينا في حاجاتنا كمان.. فلتذهب تابيتا الى الجحيم وقبلها شخينا و استاذنا دانيال كودي (تابيتا صديقة اسرة شخصية.. لكن في القضايا العامة لا بينا ولا بينها، لو تأبيتا قرت الكلام ده..سعدية صديقتنا الروح بالروح..و يوسف كمان.!!)..!!!
مواطن جنوب كردفان محتاج حماية؟..نعم و مليار نعم.. تكون حماية ناتو ..ولا جن احمر ما عندنا شغلة..!
احمد هرون مجرم حرب..نعم..و قريبو الباهي( في الحقيقة متزوج اخت احمد هرون) قايد الفرقة اربعطاشر مشاة.. الحركة الشعبية دايرة تتفاوض معاهم بطريقتها.. لكن حقنا ما بنخليهو..و مجرمي الحرب يتحاكموا..و لو كمال كمبال ولا عبد العزيز الحلو دايرين يرخوا في الموضوع ده.. هم ذاتهم ح نعتبرهم مجرمين حرب..!!!!
المهم السودان يتصلح ولا يغتس تحت.. نحن ناس جنوب كردفان.. محتاجين الأتي::
اولا حماية في روحنا دي..حماية مدنيين.. يوفرها سيدنا الخضر ولا الناتو..ولا اديس ابابا.. المهم تحصل الحماية..
ثانيا: محتاجين منظمات اغاثة و منظمات انسانية؟..نعم و مليار نعم.. لأنو السودان ده ما عندو اخلاق تب.. سواءا كان حيكومة ولا معارضة.. ياخي وزير العدل بيغش فينا من شهراغسطس 2011 .. انو ح يعمل تحقيق..و اعلن عن تكوين لجنة فيها ناس القضاء و العدل و الخارجية و الأمن ( و قلنا رضينا)..و لغاية الليلة ما شفنا حاجة..تاني نصدق لي شنو يعني؟!!
ثالثا: احمد هرون مجرم حرب من سنة 1993 لمن كان قاضي متدرب في محكمة الدلنج..و لغاية الليلة بيمارس في الدور القذر اياه.. ناس السودان واعيين بالدور ده ..اهلا و سهلا..وما واعينن.. خلونا نشوف العالم ذات الضمير الحي..!
رابعا: المثل بيقول الموية بتكضب الغطاس..و لو الشعب السوداني بيعرف يعوم (حكومات و معارضة).. نحن ناس جنوب كردفان عيننا طلعت..دايرين تحسوا بينا اهلا و سهلا.. ما دايرين تحسوا.. عنكم ياخي..بكرة دي بنجيب الناس البتعرف قيمة البترول و المعادن..و ح تقعدوا لينا في الروب و الحي..و الذي منو...!!!
خامسا.. ابيي منطقة من و في جنوب كردفان.. رضت حكومة الجنوب..ولا حيكومة اوباما..ولا ثاو امبكي..و لا الحبش الحايمين في راسنا ديل.. أو ما رضوا.. ما عندنا شغلة..دي بلدنا و دونها خرت الغتات.. و الفارغة يتمها الله..!!!
انا من جنوب كردفان.. ممكن تعتبروني نوباوي.. بقاري..فلاتي.. برقاوي.. هدرا..الخ.. لم اسمع من قبل في ابائي الأولين باللواء عرديب هذا؟..و لو قاعد يقرأ في هذا الكلام.. فانا دفعة طارق كودي..و ممكن اجيب ليهو قائمة الضباط الستة..و نتكلم.. ناس جنوب كردفان لناس جنوب كردفان..!!!
احترمت الوهم محمد هارون كافي لمن رجع سنة 1997 و قال الجنوبيين فعلوا فينا و سوا فينا (نور تاور عارفة الحتة دي)..!
و احترمت اكتر اللواء خميس جلاب ( الذي قالت عنه نور تاور : خمر و نساء و اشيا ء اخرى)..حينما استقال من منصب وزارة فيدارلية.. احتجاجا.. على انتهاكات حقوق الأنسان في جنوب كردفان في يونيو 2011 و انت ماشي..!!!
فهل تريدونني ان احترم دانيال كودي (الصامت الأكبر) و تابيتا بطرس ( التي تظن ان القضايا ترمس و كبكبي يباع في حواري امدرمان و زقاقاتها الخلفية..؟)..!
و احترمت كمال كمبال تية.. الذي احلم ان التقيه في يوم ما في دارة درملي أو كرنق.. أو مردم..او نقارة بخصة أو نقارة كمبلا.. يا غلبني يا غلبتو..و الحشاش يملأ شبكتوا..!!!
و كمال.. عليك الله ياخي.. اي حديث ليك في الببي سي ولا مع الوهم هاني رسلاني..ولا عبد الله محمد توم ..ولا خالد المبارك..ابدأ حدثيك بتثبيت نقطة أنو جنوب كردفان دي اغني ولاية في السودان بعد ذهاب الجنوب..!!..و الله بعد داك عينك ما تشوف الإ النور..!!!!
محمود الدقم غلطان ولا ما غلطان ، ما عندنا شغلة.ز لكن نحن ناس جنوب كردفان عارفين انو حيكومة الخرطوم غلطانة علينا و ستين الف غلط..المعانا معانا..و الما معانا مع الخيانة..و الله في.!!!!!!!
و دمتم..
كبر
|
|
  
|
|
|
|
|
| العنوان |
الكاتب |
Date |
| على محمود الدقم الاعتذار للأستاذ كمال كمبال والحركه عن عدم الدقه هنا: | Khalid Kodi | 01-06-12, 03:17 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 03:36 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | بريمة محمد | 01-06-12, 03:53 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 03:57 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Tragie Mustafa | 01-06-12, 04:19 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Tragie Mustafa | 01-06-12, 04:23 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 05:03 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | نزار يوسف محمد | 01-06-12, 09:08 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Mohamed Suleiman | 01-06-12, 12:29 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 12:40 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 12:58 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | بريمة محمد | 01-06-12, 01:04 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 01:28 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | azhary taha | 01-06-12, 01:51 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | ABUHUSSEIN | 01-06-12, 01:54 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 02:42 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 02:48 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Kabar | 01-06-12, 03:41 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 04:49 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 05:24 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 05:53 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-06-12, 06:14 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | نزار يوسف محمد | 01-06-12, 08:46 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Tragie Mustafa | 01-07-12, 00:49 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 10:33 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | محمود الدقم | 01-06-12, 10:17 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-07-12, 01:45 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | بريمة محمد | 01-07-12, 10:21 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | نزار يوسف محمد | 01-07-12, 07:39 PM |
| Re: على محمود الدقم الاعتذار للأستاذ كمال كمبال والحركه عن عدم الدقه | نزار يوسف محمد | 01-08-12, 10:21 AM |
| Re: على محمود الدقم الاعتذار للأستاذ كمال كمبال والحركه عن عدم الدقه | Khalid Kodi | 01-08-12, 03:14 PM |
|
| |
Kabar
فيس بوك
تويتر
انستقرام
يوتيوب
بنتيريست