اين نساء الحركه الاسلاميه بقلم خالد ابواحمد (بهدله وبورا)

مرحبا Guest
اخر زيارك لك: 03-29-2024, 01:20 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-07-2012, 04:36 PM

Haju Muktar
<aHaju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
اين نساء الحركه الاسلاميه بقلم خالد ابواحمد (بهدله وبورا)

    برغم ما كُتب عن تجربة حكم (الانقاذ) من مقالات وكُتب.. وتوثيق تاريخي لأحداث مرت في حكم هذه العُصبة كما يقول أخي الأستاذ فتحي الضو إلا أن ذلك لا يعدو كونه ردود فعل لأفعال مآساوية حدثت في هذا الوطن المترامي الأطراف، لكن هناك القليل الذي لا يكاد يذكر من التناول التحليلي العميق للأسباب التي أدت لكل هذه الفظائع والكوارث التي سودت وجه بلادنا العزيزة.


    كنت كثيراً أقف مشدوداً وأنا أتابع قنوات السودان الفضائية وما فيها من تقليد أعمى في مكياج المذيعات ومقدمات البرامج.. شئ يحزن بل يفجع للدرجة التي قاطعت فيها هذه القنوات سنين عدداً ولا أشاهدها إلا لرؤية مادة تلفزيونية عن السودانيين في مملكة البحرين..لكنني كنت دائماً اتساءل في نفسي بشدة..هل شكل المرأة في الفضائيات السودانية يمثل الدولة التي كانت حلم الاسلاميين..؟؟!!.


    وبسرعة فائقة وجدت نفسي أرجع لذكريات أيام الحركة (الاسلامية) وما كنا نطلق عليه المشروع الحضاري، وأشواقنا لدولة الاسلام وللحبيب المصطفى صلى الله عليه وسلم، وطافت بي صور ومشاهد الذين صدقوا ما عاهدوا الله عليه، أرتال من الصادقين الأوفياء، الذين تركوا نعيم الدنيا لينعم بها غيرهم دون أن يبذلوا في سبيل المشروع (الاسلامي) قطرة دم واحدة..!!.


    ثم جاءت الأسئلة تترى في خضم الظهور الفاضح للمرأة السودانية في قنوات النظام الحاكم، من أين جئن اللائي أعطين الآخرين صورة كاذبة عن المرأة السودانية التي يعرفها الجميع، لكن السؤال المهم الذي يطرح نفسه أين ذهبن أخوات التنظيم..أخوات الحركة الاسلامية اللائي نعرفهن حق المعرفة العابدات المتبتلات..؟!.


    في الحقيقة هن غادرن محطة الحركة الاسلامية مبكراً منذ السنوات الأولى لـ(الانقاذ) وبداية ظهور الفساد المالي والاخلاقي وموجات الزوجات النهاري والزواج السري، والزواج الذي يعرف بـ (التلاوة) بمعنى أن يقول الزوج لزوجته "أنا ماشي التلاوة" بينما هو في الحقيقة يكون مع زوجته الثانية –الصغيرة- أخواتنا ذهبن بلا رجعة عندما رأين موجات الشره في الزواج مثنى وثلاث ورباع لكن من غير –أخوات الحركة الاسلامية- والإقتران بزوجات (الشهداء) الصغيرات الجميلات..!!.


    كان تلك أول ضربة في ظهر الأهداف التي من أجلها كان الانقلاب على السلطة آنذاك، ضربة لأن أخوات التنظيم والحركة الاسلامية كانن هن صاحبة الفضل الكبير فيما وصلت إليه هذه الحركة، وهذا البنيان الكبير، ونحن في السودان دون شعوب الأرض نكُن للمرأة الاحترام والتقدير الشديدين، ذلك لأن المرأة السودانية هي التي تحملت مسؤولية الحياة بقدر أكبر من الرجل، وفي حياة كل منا نموذج لإمرأة عاملة مناضلة، وشخصياً أعتز بأمي التي خرجت من رحمها الطاهر وهي إمراة عاملة، وقد جاهدت فينا كثيراً بالعمل والمثابرة، وعندما كنت صغيراً في سنيني الخمسة الأولى كانت تواصل دراستها، والآن أتذكر هذه المشاهد وأتخيلها باعتزاز شديد، وفي مجتمعي الصغير ليّ العديد من النماذج الجميلة لنساء سودانيات أثرين حياتنا، لكن في الحركة (الإسلامية) كان هناك نسوة لهن قصصاً مؤلمة، وتجعل في الحلق غصة، إلا أنها يجب أن تروى للناس، ولو إن البعض لا يرضى ذلك، لكن أمانة المهنة ومسؤولية التاريخ تحتم أن نفعل فليغضب علينا من يغضب.


    وفي يقيني التام الذي لا يتزحزح أن المرأة مثلت بالنسبة للحركة (الإسلامية) القاطرة الحقيقية للإسلاميين فأوصلتهم لدنيا الحُكم من بعد نيف وخمسون عاماً، وتشهد صحف الديمقراطية الثالثة (1985-1989م) أن مسيرتي أمان السودان الأولى والثانية التي أخرجتها الحركة (الإسلامية) وشّكلت فيما بعد الصورة الحقيقية لحجم وقوة (الإسلاميين) في الساحة وعلى ما يتمتعون به من رصيد، فقد كان ثلاثة أرباع المتظاهرين في هذه المسيرة التاريخية من العنصر النسوي، في مسيرة كان عنوانها دعم (القوات المسلحة)، إذ أرسلت رسالة واضحة المعالم للجيش تفيد بأن (الإسلاميين) هم الناصر الوحيد للقوات المسلحة ومستعدين للوقوف بقوة معها.


    وأتذكر أن أحد الزملاء في صحيفة حزبية ذكر ليّ أنهم قدروا عدد النساء في مسيرة أمان السودان بـ 75% من المتظاهرين، بما يعني أن الحركة (لإسلامية) تعتمد على العنصر النسائي بشكل كبير، وبالفعل كانت مشاركة النساء في ذلك اليوم كبيرة بكل المقاييس وقد ضمت طالبات الجامعات والمدارس الثانوية والعاملات في الوزارات.


    ولا شك أن المجتمع السوداني كان يقيد الفتاة ولا يرضى لها التأخير خارج البيت لأوقات طويلة وكانت العضو بالحركة (الإسلامية) تقاسي الصعاب في التوفيق ما بين الموجهات الأسرية وتقاليد المجتمع والالتزامات التنظيمية، وفي هذا الصدد حدثت الكثير من الإشكالات داخل الأُسر لكن قوة الترابط الأسري والاجتماعي بين الأعضاء تجاوز بالأخوات كل المشاكل الأسرية، وعلى ذات الصعيد كانت الأخت في هذا المجتمع أكثر إلتزاماً ومسؤولية تجاه الفكرة التي من أجلها انضمت للحركة، ومن أجل ذلك كان حُلم كل أخت الزواج بأخ من الحركة، وكنا نرى هذه الأحلام في وجوههن، من أجل خلق أسرة تظللها الشريعة الإسلامية، الصلاة في المسجد، وتلاوة القرآن الكريم بعد صلاة الصبح بمشاركة الزوج والزوجة والأبناء، واللائي وفقهن الله سبحانه وتعالى بالزواج في ظل الحركة الإسلامية وهن قلة قليلة، قد سرن في خط الالتزام.


    وبعد الانقلاب المشئوم في يونيو 1989م واستلام السلطة فيما عرف بـ(التمكين) كان ضربة شديدة للعنصر النسوي الملتزم بخط الحركة فقد كان الجميع يتوقع أن يتزوج أعضاء الحركة من الأخوات وقد دخل غالبيتهم الأجهزة الأمنية، ثم المؤسسات الاقتصادية والدبلوماسية وغيرها، لكن كانت الطامة كبرى بكل ما تحمل الكلمة من معنى، انتشرت بيوت (الأفراح) زيجة هنا وزيجات هناك، لكن كانت الحسرة كبيرة في صفوف الأخوات اللائي وضعن الحركة في كرسي حُكم السودان، فذهب (الأخوان) يتزوجون، لكن ليس من نساء الحركة اللائي كن يحملن الهم الأكبر في تحقيق المشروع الحضاري في السودان، تزوجوا لكن ليس من اللائي رفضن أبناء العم وأبناء الخالات بغرض الظفر بأخ من (التنظيم)، هذا عقد قرآنه على بت عمه، وهذا من بنت خالته، وهذا من سكرتيرته الحسناء، وهذا من موظفة، وهكذا دواليك، وبدأت تنتشر بين الناس قصص وروايات كلها تشير بوضوح إلى كارثة إنسانية حدثت وكانت تحدث يومياً، في غياب تام لأي ضمير، ولم تكن للحركة (الإسلامية) أي رؤية اجتماعية داخلية تضمن الاستقرار للعضوية وتحافظ على النسيج الاجتماعي وسط العضوية الحركية، تتزامن مع التطورات الجديدة في البلاد، كان الهم الكبير كله يتمثل في تأمين مفاصل الحُكم، وضرب الأعداء بيد من حديد..!!.


    المتزوجون من داخل الحركة (الإسلامية) يتألمون غاية الألم ويشعرون بعقدة الذنب لارتباطهم بالكثير من (الضحايا) من أخوات العمل الاسلامي وفي منتصف التسعينات قابلت واحدة منهن، وعندما سألتها عن أخبارها وأحوالها والجديد في حياتها قالت ليّ بنبرة حزينة " طبعا نحن نُسوان التنظيم للعمل الحركي فقط وللجري والتعب، غيرنا للزواج والحياة الأسرية"، كانت عبارة موجعة للحد البعيد، وكأنها تريد أن تذكر المثل السوداني المعروف "الخيل تجلب والشكر لحماد".


    أتذكر الآن نساء من ذهب، تطوف بخيالي صورتهن المضيئة والعشرات اللائي واصلن العمل لم يفكر أحد من قادة النظام في الزواج منهن بينما تهافتوا على زوجات (الشهداء) صغيرات السن البسيطات، للأسف كانت هذه هي الصورة البليغة لأسباب التردي الذي أصاب بلادنا في كافة مناحي الحكم.


    في كل المحافل التي تبث غبر القنوات السودانية لا نجد البتة (أخوات التنظيم) اللائي نعرف سيماهن وملامحهن التي نال منها الاجتهاد الكثير والكثير، فالغالبية من الحضور يتم حشدهن بشكل غريب، وليس لهن ناقة ولا جمل في هذه الاحتفالات التي تقام بين الفينة والأخرى، الأمر الذي يؤكد أن (عقلية) الحشد لا زالت سبباً في ثراء غالبية مؤيدي النظام ومنظريه.. ولكن أين ذهبن (أخوات التنظيم)، واختفين من الساحة، وفي أي عالم يعشن، ومن يتحمل مسؤوليتهن يا تُرى..؟!!.


    أسئلة بطعم الحنظل ترن في دواخلي كلما جاءت سيرتهن العطرة، لا زالت تتردد في خاطري هتافاتهن القوية وانفعالاتهن الصادقة، ووجوههن الطاهرة، إذن (رجالات) الحركة (الإسلامية) سرقوا جهود آلاف النساء من الطالبات والموظفات وربات البيوت، وأسسوا دولة بعيدة عن صيحاتنا وهتافاتنا التي كنا نطلقها، لذا لم يكن من الغريب أن صورة المرأة في الفضائيات السودانية تتشوه لهذه الدرجة، إن أخوات التنظيم والعمل الاسلامي الحقيقي كن من بيوت سودانية حقيقية وعريقة تشربن الأدب والخلق والتدين الحقيقي لذا غادرن سريعاً في البدايات ومن شفافيتهن رأن ما لم يكن يُرى للآخرين..!!.


    كانت الأسر الامدرمانية العريقية مثل آل كمبال وآل بدري وآل الكوارتة يدفع أبناءهم من حر مالهم للعمل الدعوي لإقامة التلاوات والبرامج الروحية دون أن يأخذوا فلساً واحداً من أحد، وكذلك كانت الكثير من الأسر ليس في امدرمان فحسب بل في كل بلاد السودان يساهم أبناؤها في تنفيذ البرامج المختلفة من جيوبهم الخاصة.. تركوها بعد ذلك لمن يأخذ دون أن يعطي شيئاً، بل نهبوا البلاد بطولها وعرضها..!!.
                  

02-07-2012, 04:56 PM

Haju Muktar
<aHaju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    دي منقوله من الراكوبه

    أحكي ليكم قصة زواج الصافي جعفر طبعا زواج سري كم سنة زوجته الاولى واولادها ما عارفين
    لكن حبل الكضب قصييييييييير
    طبعا الصافي جعفر يسكن منطقة الجريف المتاخمة للطائف من سنوات طويلة هو ساكن هناك ويصلى بالناس الجمعة
    قام اتزوج واحدة صغيرة وسكنها في الطائف في بيت ما بعيد من بيت الزوجة الأولى.
    يوم ولد الصافي جعفر من الزوجة التانية بلعب في الكورة مع اولاد الجيران في الشارع جاءت عريبة لاندكروز ضربت الولد في رجله
    الولد يبكي وقام الناس الفي العربية نزلوا – الولد ما جاتوا حاجة بس الخوفة الشديد الولد كان ببكي..
    سألوه يا ولد انت ولد منو..؟؟؟..
    ثال ليهم انا ولد الصافي جعفر..
    وسط دهشة الجماعة..قالوا..الصفي جعفر الشيخ بالبصلي بالناس في المسجد؟؟؟؟؟..... الصافي جعفر بتاع مشروع سندس؟؟؟؟؟؟؟
    قال ليه آأأي هو ذاتوا
    قالوا ليهوا :طيب اركب نوديك البيت
    الجماعة ساقوا العربية ماشين
    الولد يقول ليهم يا جماعة بيتنا ما بي هنا..... ويصرخ بيتنا يا عمو ما بالشارع ده..!!!!!!!!
    قالوا لي يا ولد نحن بنعرف بتكم كويس
    ما شين ماشين
    والولد يصرخ
    والله العظيم ده ما شارع بيتنا
    في النهاية الجماعة وصلوا بيت الصافي جعفر في الجريف والولد قاعد في السيارة يقول ليهميا جماعة والله ده ما بيتنا..
    دقوا الباب..جاتهم مرة...
    قالوا ليها والله نحن كنا ماشين في الشارع وضربوا ولدكم ده ومن الخلعة بتاعت الحادث قال ده ما بيتنا..!!!!!!!!
    المرة عاينت في الوقت قالت ليهم هوي ده ما ولدنا
    الجماعة قالوا للمرة ::
    لكن الولد بقول هو ولد الشيخ الصافي جعفر بتاع المسجد وبتاع سندس
    المرة سألت الولد...
    يا ولد انت صحي ابوك الصافي جعفر بتاع سندس
    قال ليها والله جد ده أبوي .. وانا طلعت ألعب وخليتوا قاعد في البيت..
    المرة قالت ليهم طيب أرحكم يا جماعة نشوف ده الصافي زوجي ولا صافي واحد تاني..
    حركوا العربية والولد يوصف ليهم
    امشوا بي هنا
    ولفوا بالشارع ده
    خشوا بالطريق التاني داك
    حتى وصلوا البيت
    دقوا الباب فتح الباب لقوا عمكم الصافي جعفر بلحمو ودمو قاعد في كرسي وسط البيت
    الولد صرخ يا هو ده ابوي
    الصافي جعفر لمن شاف زوجتو الأولى في حالة اندهاش صرخ بأعلى صوتو
    أمانة ما وقع راجل
    صحي صحي وقع راجل
    وكمان راجل كبير
    قبض بالثابتة
    زوجته الاولى كان الدنيا قد لفت بها
    ولم يذكر الذي شهد هذا الحدث ما حدث بعد ذلك
    المهم ان الصافي جعفر الشيخ بتاع سندس قبض بالثابتة وهو متلبس بجريمة الكذب على زوجته وام أولاده سنوات من الكذب
    كنت في التلاوة
    وكنت في اجتماع كبير
    كنت في رحلة عمل خارج العاصمة
    كنت في مؤتمر
    كنت في المشروع
                  

02-07-2012, 10:45 PM

Haju Muktar
<aHaju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    تعاليق ناس الراكوبه اغلبه بتقول الكوزات شينات
    يعني كوزات زمان
    وكوزات ما بعد التمكين
                  

02-07-2012, 11:07 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    Quote: وكأنها تريد أن تذكر المثل السوداني المعروف "الخيل تجلب والشكر لحماد".
    والله فعلا مقال لا يكتبه إلاّ ابو احمد البلا خجل يبكي قائلا انا في دواخلي مؤتمر وطني و يعترف بانو كان غواصة وسط المعارضة في القاهرة
    و حديثه عن نساء الحركة الاسلامية اللائي اراد رفع سيرتهن و ذكرهن كقميص عثمان ينطوي على تحقير و استرخاص لهن و لخياراتهن و خروجهن للعمل العام و قناعاتهن التي قادتهن للانضمام للحركة الاسلامية
    هل كان انضمامهن للحركة بحثا عن العريس ؟ وهل الزواج في حد ذاته مكافأة على الولاء و الخروج للعمل العام ؟
    وهل من برامج الأحزاب و ادبياتها عقد الزيجات بين العضوية ؟

    ابو احمد اخوانك السابقين ديل عرفناك ما بتدورن لكن خاف الله فوقن
                  

02-07-2012, 11:12 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24694

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: محمد البشرى الخضر)

    Quote: ابو احمد اخوانك السابقين ديل عرفناك ما بتدورن لكن خاف الله فوقن

    نصيحة في محلها
    شكرا ود البشرى
                  

02-08-2012, 10:43 AM

Haju Muktar
<aHaju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: حيدر حسن ميرغني)

    محمد البشري وحيدر حسين
    تحياتي

    ابو احمد ده يعني ما قال الحقيقه

    بنسمع بي زوجات وحوادث مع سكرتيرات وموظفات وتسويات

    فضائح وفتاوي

    من ايثار ومسار ونهار وبنات ليل

    وتدني اخلاقي

    فضائح في الداخليات البنات

    فضايح وسط اولاد ولواط ومثليين

    ده وراهو المشروع الحضاري ولامنو؟
                  

02-08-2012, 11:33 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    الأخ هجو

    تحياتي واحترامي


    أبواحمد دا اخير تختاه أنا عندي شكك في أنو في زول قاعد يدبج الكتابات دي بي أسم أبوأحمد ويبث سمومه فيها وأبوأحمد ماعارف الحاصل شنو زاتو لكن بحب التحشيش وانو صحفي كبير وزول كتاب ، أبوحمد الشفناه هنا وحاورناه أجهل من مشى على الأرض حواراته كلها نفيخ وبوبار وكضب ومهاترة بالاضافة لأخطاءه الأملائية الشنيعة بالنسبة لصحفي
    بعد فضيحة التسجيل هرب من البورد وخير فعل سقط سطقة ما اظن يقدر يمرق منها ولا في بدي أعتبار لكتاباته والجميع سمعوا نفاقهم امشي في بوست لذوليد اسمع بقول في شنو ؟


    Quote: تعاليق ناس الراكوبه اغلبه بتقول الكوزات شينات
    يعني كوزات زمان
    وكوزات ما بعد التمكين


    ناس جهله زيهم وزي أبوأحمد تفكير ساذج لا الجمال ولا الدمامه ليهم علاقة بمنهج الناس
                  

02-08-2012, 11:52 AM

Haju Muktar
<aHaju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: عبدالعزيز حسين عبدالرحيم)

    الاخ عبد العزيز
    وسلامات
    مشكور علي النصيحه والمرور
    هل المقال فيهو حقايق ؟
                  

02-08-2012, 12:11 PM

Isa

تاريخ التسجيل: 11-29-2004
مجموع المشاركات: 1321

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    المقال فعلاً بشبه أبواحمد حتى على قولتك باخطائه..
    Quote: أخوات التنظيم والحركة الاسلامية كانن هن صاحبة الفضل الكبير


    ويا هجو أعتقد المقال لا يمكن أن نصفه بأن به حقائق او اكاذيب، فهو كلام يحتمل الحقيقة جزئياً، بمعنى أن أسباب إختفاء كتير من (الإسلاميين) ـ مثلما حرص أبوأحمد على كتابتها بين الأقواس ـ هي اسباب متعددة ومختلفة سواء كانوا رجال أو نساء؛ ودوننا الحوار الشهير للسيدة لبابة الفضل وقس على ذلك..
                  

02-08-2012, 11:56 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 8995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Haju Muktar)

    و الله يا هجو اعدت قراءة مقال اب احمد مرتين و ما عرفتو داير يقول شنو!!
    هل مثلا داير انو القنوات الفضائية ترفد المذيعات العندها و تقصر الظهور على الكوزات؟
    او أنو الحركة المسماة اسلامية تلزم اعضائها الرجال بأن يتزوجوا فقط من عضوات التنظيم و ما يمشوا برة حتى لبنات اعمامهم؟
    أو بيقدم نصيحة للكيزان بالوفاء لزوجاتهم و الابتعاد عن التعدد و الزواج السري؟
    ده كلو ممكن يكون ونسة داخلية بين كيزان حاليين و سابقين لكن ما ممكن يكون موضوع مقال منشور.
    غايتو ردي الوحيد هو:
    و الله ياهو الفضل كمان داير يمرضنا و يجيب لينا الكوزات في التلفزيون.
                  

02-08-2012, 02:46 PM

دينا خالد
<aدينا خالد
تاريخ التسجيل: 06-26-2006
مجموع المشاركات: 8736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: سيف النصر محي الدين)

    قرأت العنوان والفقرة الاولى فقط
    ومررت عينى على بقية الفقرات .. جهل واسفاف
    اخير ناس المؤتمر الوطنى ونساءهم خطهم واضح وما مضارينو بى قشات !
    لكن ذى المسخرة دى تقييمها كيف ؟
    عنوان يدعو للغثيان .. افكار بائسه ومشوشه
    المتاجرة بشتم النساء من وين ما كانوا دا عمل ######## ..
    من كتب هذا المقال لايمت للاعلام ولا للكتابة بصلة ,,,
    وراجع مداخلة ود البشرى الحصيفه ...
    الكيزان خليهم بعيد هو فهمو فى القصة شنو ؟
    عالم وهم ...










    ــــــــــــــ
    الاخ مختار اربا بك عن ترويج مثل هكذا كتاب او كتاباتهم
    خليه يشوف ناسو .. ديل لازم يعرفوا انو العله والعطب فى المشروع
    ذاتو مش يجى يكحلو لينا ...
                  

02-08-2012, 04:22 PM

Elawad
<aElawad
تاريخ التسجيل: 01-20-2003
مجموع المشاركات: 7226

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: دينا خالد)

    سلام يا هجو
    أبو أحمد عرفناه كوز زعلان و دي طريقته في التنفيس عن غضبته و هو في النهاية زي ما قال بلسانه و دموعه في دواخله مؤتمر وطني و غواصة دخل بعض المعارضين الذين أكل معهم الملح و الملاح بسببه سجون الإنقاذ. لكن لماذا السقوط في هذا المستنقع و قصص المجالس حول زوجة الصافي و ولده الضربته العربية؟ ياريت لو دي كانت مشكلتنا مع القوم إذن لهان الخطب!
                  

02-08-2012, 05:34 PM

Ahmed musa
<aAhmed musa
تاريخ التسجيل: 07-08-2007
مجموع المشاركات: 16669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Elawad)

    Quote: و الله يا هجو اعدت قراءة مقال اب احمد مرتين و ما عرفتو داير يقول شنو!!


    والله يا سيف النصر ريحتني بجد
    انا زاتي قريت المقال (بس مرة واحدة وبتعب)
    اها ما فهمت القصة شنو ؟
    هل هي المذيعات ؟ ولا زواج الاخوان من الما اخوات ؟
    وهل مفروض الاخ ما يتزوج ما اخت ولا شنو ؟
    وهل الزواج هو جزء من المنهج ؟
    ولا دي المديدة حرقت ابواحمد او ايا كان اسمه ؟
    بعدين يعني هسع نحن قضايانا كلها اتحلت وبقينا في مأساة الزواج خارج التنظيم ؟

    ــــــــــــــ
    هجو أربأ بنفسك عن موضوعات ابواحمد ده واسمع كلام اختك دينا خالد دي
    (التعديل لادخال أربأ وصويحباتها)

    (عدل بواسطة Ahmed musa on 02-08-2012, 05:37 PM)

                  

02-08-2012, 06:22 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Ahmed musa)

    Quote: بنسمع بي زوجات وحوادث مع سكرتيرات وموظفات وتسويات

    فضائح وفتاوي

    من ايثار ومسار ونهار وبنات ليل

    وتدني اخلاقي

    فضائح في الداخليات البنات

    فضايح وسط اولاد ولواط ومثليين

    ده وراهو المشروع الحضاري ولامنو؟
    والله يا هجو ياخوي ما اقدر اقول ليك الورا الحاجات دي شنو بالضبط
    لأنو على حد علمي ناس سبعة بيوت و زقاق ابوصليب و الوساع وغيرها موجودات في البلد من قبل ان يطلق حسن البنا دعوته او ينادي جماعته بالأخوان المسلمين حتى
    وكذا الحال بالنسبة للواط و المثليين
    دا من ناحية ومن ناحية تانية المشروع الحضاري بما انطوى عليه من مثالب و مظالم و ضياع للحقوق و تكريس للسلطة و تمكين و زرع للفرقة و التمييز و غيرها الممكن اقعد احسب فيه لي بكرة
    دي هي مشكلتنا معاه و ابدا لم تكن المشكلة في انهم بثنّوا و يثلّثوا في الزوجات و ما بتزوّجوا زميلاتهن في الحركة
    ب
                  

02-09-2012, 03:24 AM

Mohamed Abdelmotalib Hassan
<aMohamed Abdelmotalib Hassan
تاريخ التسجيل: 04-03-2007
مجموع المشاركات: 6824

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: محمد البشرى الخضر)






    أنا دواخلي مع المؤتمر الوطني , حتى أسأل عني صلاح قوش , قول ليه خالد بورتسودان , إهي إهي إهيييييييييييييييي خخخخخججججنح!!
                  

02-09-2012, 03:26 AM

Mohamed Abdelmotalib Hassan
<aMohamed Abdelmotalib Hassan
تاريخ التسجيل: 04-03-2007
مجموع المشاركات: 6824

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Mohamed Abdelmotalib Hassan)
                  

02-09-2012, 03:54 AM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Mohamed Abdelmotalib Hassan)

    Quote: والله فعلا مقال لا يكتبه إلاّ ابو احمد البلا خجل يبكي قائلا انا في دواخلي مؤتمر وطني و يعترف بانو كان غواصة وسط المعارضة في القاهرة



    وايضا لاينقله معجبابه


    الا

    هحو مختار



    والزول بفتخر ويباهي بي العندو
                  

02-09-2012, 04:04 AM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Mohamed Abdelmotalib Hassan)

    Quote: والله فعلا مقال لا يكتبه إلاّ ابو احمد البلا خجل يبكي قائلا انا في دواخلي مؤتمر وطني و يعترف بانو كان غواصة وسط المعارضة في القاهرة



    وايضا لاينقله معجبابه


    الا

    هحو مختار



    والزول بفتخر ويباهي بي العندو
                  

02-09-2012, 04:14 AM

هيثم طه
<aهيثم طه
تاريخ التسجيل: 08-30-2011
مجموع المشاركات: 1153

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: Mohamed Abdelmotalib Hassan)

    هجو ازيك و سلامات
    بتبالغ ياخ !
    يعني انت من قلة البشاعة داير تبشع بالزول المسكين !
    العنوان بتاعك انت زائد فيهو و ما موضح انو الجزء الاخير من عندك !
    العنوان الاصلي ( اين نساء الحركه الاسلاميه بقلم خالد ابواحمد) - فرق كبير ! و في متداخل قال العنوان يدعو للغثيان -و غالبا بكون قاصد الجزء الخاص
    المخترع للمنبر !! يعني ابواحمد ضحية !
    --
    و بعدين جزء من المتداخلين زي الاعتبرو آراء القراء جزء من المقال -- بالذات قصة ود الصافي !
    -
    بالمناسبة يا ود البشري و دينا انتو كأكثر ناس شايلين حس الراجل و بالرغم من انو المقال قد ما يكون لطيف في حتات -و بغض
    النظر عن نوايا الكاتب -و الله بتخيل مضمون الكلام لو اتكتب بطريقة مهذبة شوية ممكن يكون كلام مهم جدا !
    و ممكن يكون نوع من ادب الاعتراف و النوستالجيا !
    و بعدين هو جايب اعتراف احدي الاخوات من (الحركة الاسلامية ) -و بغض النظر عن رأي الناس خارج التنظيم
    لو دي كانت الثقافة السائدة داخل الحركة - بالجد دي نتيجة مرة و اعترافات مؤلمة -

    -
    تحياتي

    ---

    و بالله يا هجو -ابواحمد طالبك اعتذار لاشانة العنوان !!
                  

02-09-2012, 06:50 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: هيثم طه)

    Quote: بالمناسبة يا ود البشري و دينا انتو كأكثر ناس شايلين حس الراجل و بالرغم من انو المقال قد ما يكون لطيف في حتات -و بغض
    النظر عن نوايا الكاتب -و الله بتخيل مضمون الكلام لو اتكتب بطريقة مهذبة شوية ممكن يكون كلام مهم جدا !
    و ممكن يكون نوع من ادب الاعتراف و النوستالجيا !
    و بعدين هو جايب اعتراف احدي الاخوات من (الحركة الاسلامية ) -و بغض النظر عن رأي الناس خارج التنظيم
    لو دي كانت الثقافة السائدة داخل الحركة - بالجد دي نتيجة مرة و اعترافات مؤلمة
    يا هيثم اي شيل حس تقصد؟ مقال اتكتب و حسيت فيه ازراء و تحقير للمراة - السودانية بالمناسبة قبل ما تكون كوزة - فلابد من التعليق عليه
    ثم اي اعتراف الجابو عن احدى الاخوات ؟ هل الحتة بتاعة جقلبة الخيل و شكر حماد!!
    اذا كان فعلا دا حديث حقيقي وصدر من احدى عضوات الحركة الاسلامية و ما ناجره ابو احمد فدي تبقى مشكلة فعلا للعضوة المذكورة
    انها تظن عملها و نشاطها و انضمامها للحزب جقلبة خيل تنتظر عليها شكر بالزواج!!
    يا هيثم اذا كان الكاتب مجنون - تقرأ موتور و صاحب غبينة - فالمتلقي عاقل
    هل تظن فعلا انو دي ممكن تكون ثقافة سائدة داخل الحركة الاسلامية بتاريخها و ارثها الممتد؟
    مكافاة العضوات بالزواج منهن !! يكونوا بالغوا
                  

02-09-2012, 07:13 AM

Magdi Is'hag

تاريخ التسجيل: 12-12-2004
مجموع المشاركات: 1986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اين نساء الحركه الاسلاميه بقلم خالد ابواحمد (بهدله وبورا) (Re: محمد البشرى الخضر)

    العزيز أبوأحمد
    مقال غير موفق
    فقد أساء لهؤلاء النساء حين حاول تزكينهم
    وجعلهم نساء ذو مصالح يناضلون من أجل زوج وأسره
    فإن كانت حقيقة هذه قناعتهم فلا حسرة على إنزوائهم فلم تخسر حركتكم المتأسلمه شيئا بل تخلصت من إنتهازيا ت ذو مصالح خاصه هحروا التنظيم عندما لم ينالوها
    أما إذا لم تكن هذه قتاعاتهم فتكون قد بهتهم وأصبح عليك واجب الإعنذار لهم والبحث عن الاسباب الحقيقيه لإنزوائهم من العمل العام
    لك الود
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de