تعالوا شوفوا المسح بالارض كيف ؟؟؟ اكتسب خبرة في العمل السري :

Quote: صلاح جاكات طبعاً برضو واحدة من مهام البوست هو محو أميتك، لمن قلنا الصادق اسماعيل ختيناها بين قوسين هكذا: Quote: قلت لي ضابط الأمن إنو (الصادق اسماعيل) دا في مصر ولمن جبنا الإقتباس وحللنا وكشفنا كضبك جبنا الإقتباس كامل هكذا أيضاً: Quote: اولا : ناس اريتريا يخلوك انت الهلفوت ده تمشي حتي سلم الطيارة وتستلم العاوزو وتطلعوا من المطار وبعد مستكثر علي الاتحاديين يطلعوني من الورطة الدخلتني فيها ؟ ثانيا : لقد قلت لناس الامن انو الزول في مصر حتي لا يتطور الموضوع وندخل في تحقيق وانا كان همي ادخل وتعرف لقد ندمت اني ما قلت لهم انك من سلمني الفيزا كان منعت بلاوي كثيرة حدثت في قوات التحالف بسببك يا الصادق طبعاً نحن عارفين الضغط بخليك تجقلب أكتر من كدا وكلامك واضح لأنو كان إجابة على سؤالي، إنو لو أنا مزور ليه ناس الأمن ما قبضوني؟ طبعاً كنا عارفين الضغط والإعتراف القانوني حيخليك تجقلب وتتراجف، لكن البوست انتهت اغراضه وحصلنا على إعتراف إنك كضاب: والإعتراف سيد الأدلة. الشئ الثاني تحديناك أن تفتح البلاغ، ووضح إنو كلام ابتزاز رخيص، وكل الناس هنا عرفتا إنك زول ساكت، لا حتفتح بلاغ ولا يحزنون، لأنو القصة كلها تأليف ساكت. أها إنتا ما حتقدر تجاوب على أي سؤال: الزول الفي مصر منو؟ وموضوعو شنو في القضية؟ طبعاً بنتحداك تاني تعال حاول بررّ كضبك دا، زول في المطار مقبوض من ناس الأمن (حسب كلامك) ومقبوض بي تهمة تزوير في أوراق رسمية، ويسألوه يقوم يقول ليهم (الزول في مصر) طوالي ناس الأن يتلفتوا يلقوا الإتحاديين في وشهم، يقوموا ينسوا القانون بتاع البلد والفيزا المزورة ويطلعوا الزول المقبوض بالثابتة ويخلوهو يطلع من البلد. شفتا كيف روايتك ضاربا عشان كدي طنشتها لمن البوست مشي الصفحة التانية، وتلقاك ساهرت الليل كلو بتفكر في المخارجة، وقلتا أنا ازنق الزول دا في الإيصال المالي عشان ينسى موضوع الكضبة. لكن ما في ليك أي طريقة مخارجة، إنتا كتبتا الإعتراف دا، أها الإقتباس دا أنا بشيلوا وبلف وبجيك راجع بيهو، وكل ما ترفع راسك أخبطك بيهو. قلتا ليك أنا في إجازة وكل يوم بشوف سودانيز اونلاين، والبوست دا كل ما تفتح فيهو الموضوع دا حأديك على رأسك، واجيب ليك إعترافك بالكضب. أها حلك الوحيد تعمل طناش، زي ما عملتا في موضوع فتح البلاغ بعد ما بلعتك ليهو ناشف، وخليت تقول دا موضوع بتاع (مزاج) ما موضوع بتاع (حق) اها وقع ليك. تعمل رايح من البوست دا ونقفلوا في ساعته وحينه، ولا داير تعمل في ابو عرام. الموضوع متروك لي (مزاجك) يا ابو مزاج. · · · أبحث · ملفك ·