المهدي: "عشان مافى زول يتفنقل على قفاه ويقول بعد 24 ساعة سيسقط النظام"

Quote: وهاجم المهدى حلفائه فى التحالف المعارض الذين اعلنوا صراحة الاتجاه للعمل على اسقاط النظام وقطع بان الجهاد المدنى هو الطريق الذى يقره حزبه ودعا الذين لايتفقون معه للبحث عن طريق اخر

Quote: يا جماعة سمعتو؟ الكلام بالعربي ما باللاوندي. قال المابتفق معاي يبحث عن (طريق آخر) .. المشكلة ان الذين لا يتفقون مع ود المهدي بدل ان يبحثوا عن طريق آخر كما نصحهم حيجوا يلفوا ويدوروا حول الامام واولاده ويدقوا الطار .. ليل ونهار.. يا جماعة كلام ود المهدي كلام واضح .. والواضح ما فاضح .. ود المهدي صاحب اكبر كتلة برلمانية ورئيس الوزراء الشرعي قبل انقلاب الانقاذ ورئيس اكبر حزب في البلد. العاجبو الكلام خلاص. والما عاجبو يمشي يشوف ليهو (طريق آخر) ...

Quote: يا جماعة سمعتو؟ الكلام بالعربي ما باللاوندي. قال المابتفق معاي يبحث عن (طريق آخر) .. المشكلة ان الذين لا يتفقون مع ود المهدي بدل ان يبحثوا عن طريق آخر كما نصحهم حيجوا يلفوا ويدوروا حول الامام واولاده ويدقوا الطار .. ليل ونهار.. يا جماعة كلام ود المهدي كلام واضح .. والواضح ما فاضح .. ود المهدي صاحب اكبر كتلة برلمانية ورئيس الوزراء الشرعي قبل انقلاب الانقاذ ورئيس اكبر حزب في البلد. العاجبو الكلام خلاص. والما عاجبو يمشي يشوف ليهو (طريق آخر) ... للعلم: الشتائم والاساءات والتطاول والعنتريات وادعاء البطولات ليست (طريق آخر)

Quote: يا طارق الجبلابي .. والله انت راجل موهوب. لكين بدل ما كنت تضيع الزمن والطاقة دي كلها فى عمل ابداعي مثل هذا تخصصه بكامله لذم ود المهدي. كان احسن تسمع كلامو وتمشي تشوف ليك (طريق آخر) وعليك يسهّل وعلي الامام يمهل. كان حسّا دي قطعت نص المسافة، بدل ما واقف تردح لي كدة زي الرداحة فى نص طريق الامام الاصلي .. الردحي ده حيوصلك وين؟ يا جماعة تاني ما تقيفوا وتردحوا في طريق الامام .. كل زول يشق طريقو الاخر بطريقته!!!

Quote: انا غايتو اتعودت على قصة السودانيين المتخصصين البيحتاجوا يمشوا يراجعوا تخصصاتهم دي .... لاكين لامن جات للثوريين بقت ليّ قاسية ... أها .... النقولها ليكم ... يا الثوريين ... امشوا راجعوا مفاهيمكم الثورية ... واضبطوا معاييركم الثورية ... جبتوا لينا وجع الكلى ... ما معقولة كوم ناس محرّقاها روحها وما عارفين هم ثايرين على شنو ودايرين شنو ...

Quote: ود المهدي داخل صندوق الحكومة بي صرفة عبدالرحمن

Quote: ود المهدي يعرف تماماً ان احد أساليب الجهاد المدني هى العصيان المدني ولكنه لا يستطيع ان يدعو الي ذلك

Quote: فالجهاد المدنى كلمة مبهمة

Quote: تبت يدي .... وتب ما اغني عنه جهاده وما كذب سيصلي نارا ذات لهب وامراته ... حمالة الحطب ستتفنقل من جر حبل المدد

Quote: يا ست دينا .. أديكي قلتيها بعضمة لسانك (مشكلتو) مع (انصاره) ... يعني مشكلتو هو .. ما مشكلتك انتي .. مع انصارو هو .. ما انصارك انتي .. طيب انتي مالك ومالو؟ ود المهدي اشتكي ليكي .. ولاّ انصارو جو اشتكو ليكي؟ أما أمركم عجيب والله يا مناضلين سوق بكري .. الراجل قال ليكم كل واحد يعرف حجمو ويرعي بي قيدو .. ويشق طريقو (الاخر) براهو. يعني كل واحد عقلو في راسو يعرف خلاصو .. طيب بدل ما تسمعوا الكلام واقفين لي زي رداحات بيت البكا تردحوا قدام باب سيدي الامام ليه؟

Quote: أنصح الكونت باتخاذ (الطريق الدائري الجنوبي)!!

انا ماسك طريق الدمام بي برة يازول





____________________
حزب الامة له منهج واضح وصريح من اجل العمل على تغيير النظام ... بعض الاحيان قد تصاحب مسيرتنا بعض السلبيات ويسقط في الطريق بعض المنهزمين ولكننا نؤمن بمقدرتنا على الوصول الى ما نريد ...ولو كنا نهتم بمثل هرطقة المتنوضلين اعلاه لما لشاركنا الحكومة منذ اتفاق جيبوتي ...الذين يقدمون نقدا لحزب الامة ومواقفه عليهم ان يصلحوا بنيانهم الداخلي فقط وليس قذف بنيان الاخرين ......


باستثناء دينا وواصل وجني ...(لا اعرف لهم انتماء تنظيمي) من من الذين انتقدوا الامام اعلاه لم يكن يوما جزء اساسي من هذه الانقاذ ....جميعهم شاركوا الانقاذ جرمها في حق الشعب السوداني في فترة ما ...ولكنهم يتصورون انهم بمثل هذا الهجوم سيخفى عورة مشاركاتهم الدنيئة سابقا

(عدل بواسطة عبدالمجيد الكونت on 01-02-2012, 06:36 PM)

Quote: .الذين يقدمون نقدا لحزب الامة ومواقفه عليهم ان يصلحوا بنيانهم الداخلي فقط

Quote: هل هذا هو الكونت الذي انقد حزب الأمةّ القومي قبل أيّام ونصحناه أن يسلك طريقاً أخر كما نصحه الأمام الأن ولكنه يأبى إلا التبعية العمياء حتى وإن خالفت تطلعاته وأمنياته ورؤاه

Quote: باستثناء دينا وواصل وجني ...(لا اعرف لهم انتماء تنظيمي) من من الذين انتقدوا الامام اعلاه لم يكن يوما جزء اساسي من هذه الانقاذ ....جميعهم شاركوا الانقاذ جرمها في حق الشعب السوداني في فترة ما ...ولكنهم يتصورون انهم بمثل هذا الهجوم سيخفى عورة مشاركاتهم الدنيئة سابقا

Quote: و ان سئل الامام عن اسباب الفنقله ..... اجاب: اسالوا المتنفقلين !!! ما يسمي بالجهاد المدني... دعوة حق اريد بها باطل ادي في نهاية المطاف الي فنقلة الجميع .... عدا الانقاذ تبت يدي .... وتب ما اغني عنه جهاده وما كذب سيصلي نارا ذات لهب وامراته ... حمالة الحطب ستتفنقل من جر حبل المدد

Quote: الأخت منى التيجانى أعتقد ما كتبتيه غير لائق

Quote: الغريبة ان معظم هولاء السبابين والمنتقدين ينتمون لاحزاب شاركت الانقاذ وكانت الى وقت قريب (تلهط) في موائدها البرلمانية والحكومية . حقا ان لم تستح فافعل ما تشاء . وبعدين واحد قاعد في سقط لقط وكل حشه من اجل اسقاط النظام نقرات كيبورد والمصيبة انها حتى هذه الكليمات كل من يقرأها يشعر بأن البديل اخير منو المتعوس الموجود.

Quote: أرجو من الأخ العزيز د. خالد كودى إفتراع بوست خاص برسالة اللجنة السياسية العليا للجبهة الثورية التي تم توجيهها لقوى الإجماع الوطني لعلم الجميع بهذه الخطوة الهامة التي خطتها الجبهة الثورية. وكما قال الأخ عبدالمحسن فقد قال السيد الصادق قوله (الواضح) .... ولنسمع من الآخرين !

Quote: امر مؤلم ان يتم الدفاع عن كلام الامام بمنطق ان الاخرين سييئن و ماذا تقولون لمن هم غير منتمين لاى احزاب و هم غالبية الشعب السودانى

Quote: حزب الامة له منهج واضح وصريح من اجل العمل على تغيير النظام

Quote: انت درويش..؟

Quote: البت الاسمها منى دي قليلة ادب ليس الا ..

Quote: (النص دا لو عندو حقوق طبع، صاحب النص يمشي يشتكيها في المحكمة، كمان حا نتشاتم ونتعاور عشان تلاعبت بنص؟)

Quote: الاجابة علي سؤالك هي .. نعم .. الامام لا يتعاطي سياسة فولتا العليا. بل سياسة السودان. وفي سياسة السودان الامام حدد طريقه وقال هذا هو طريقي وهذا هو منهجي والعاجبو عاجبو والماعاجبو يمشي يشرب من البحر

Quote: شاااااااطر ...

Quote: و اهو شفت براك واحد من اشد انصار حزب الامة فى هذا البوست يسجل موقفا ضد تصريحات الامام اما حكاية الماعاجبو يشرب من البحر فدى نقبلا من سيد كنتين يريد تغيير طلاء متجره او ست بيت تريد تغيير وضع اثاث بيتها. اما الامام الصادق الذى حكمنا مرتين و طارح نفسو يحكمنا ثالثة فلا حق له فى مثل هذا القول الغليظ الذى لا يشبه ادبه و تهذيبه.

Quote: Quote: شاااااااطر ... وانت يا امير عثمان عندك راي غير؟ ولاّ داير تظهر وخلاس؟

Quote: كدي عيني في عينك كدا ؟!! زمان كان لكن حسع ما عارفين كيف يكون زول عضو في حزب الامة ومشارك للنظام يا كونت الشغلة فكت ساي حقو الواحد يمشي يخمش ليهو خمشة من الفاسدين ديل ويجيكم راجع جبيو مليان وياخد البيعة !!!!!!!!!! البحصل في حزب الامة الان جريمة كبرى تجاه الحزب وتجاه الوطن الاتبنى بدم الانصار مافي حزب مسئول عن السودان قدر حزب الامة ابدا والتاريخ ح يسجل كل ما يحدث الان والامام باعتباروا رئيس الحزب وامام الانصار ليهو النصيب الاكبر .. لو كان الرسول صلى الله عليه وسلم قعد وقال لكفار قريش يا تامنوا يا انا وريتكم وانذرتكم ما كان في دين اسمو الاسلام ولو كان الامام محمد المهدي عليه السلام قعد في لبب وقال انا المهدي تعالوا بايعوني ويا الاتراك اخير ليكم تحولو مؤسسات الدولة لقومية وتطلعوا من السودان ما كان في سودان اليوم ... الصفات الاساسية للانصارية معدومة تماما الان ... الحزم والعزم والحسم والزهد والتوكل على الله ان الله لا يغير ما بقوم حتى يغيروا ما بانفسهم لكن واحدين في دار الندوة واخوانهم في دار الارقم ما بتجي ابدا

Quote: أقول نحن فى حزب الأمه كثيراً ما نعارض خطوات السيد الصادق عندما نجتمع به أو نراسله أو نهاتفه , لكن بكل تأكيد لن نرضى بالإساءةِ له أوتحقيره أو بالإستهزاء أو بالإستخفاف به أو بأى أحد من قيادات الحزب. نرحب بالنقد والإعتراض المبدأى ونرفض محاولات إغتيال الشخصيه والإساءه والإستصغار

Quote: تخاشنتَ أنت مع أمة بكاملها ...

Quote: فالجهاد المدنى كلمة مبهمة .. ان ادركها المثقفاتية هنا فهى غير معروفه لدى اعمامنا (الانصار) فالجهاد البعرفوهو واااااحد ما بفهموا ولا بعرفوا غيرو اها كيف الدبارة ؟؟ مشكلة الامام اذن ما مشكلة (المتفنقلين على قفاهم) من الرجرجة والدهماء من السياسيين بل مشكلتو الاعظم مع انصاره الواقفين على حيلهم بى عمم ديل !! كيف يقنعهم (بالتفنقل على قفاهم) والتشدق بهذا المسمى (الجهاد المدنى ) ؟؟

Quote: راجعت مداخلات البوست فوجدتها كلها موضوعية و تلزم جانب توقير الامام الا مداخلة او مداخلتين لا تخلوان من الشطط فتتركون كل المداخلات و (تحردون) من اجل مداخلة او مداخلتين. فحتى الرسول الاعظم وجد من يشتمه و يتقول عليه ارجو ان نسمع رائكم فى ما قاله الامام و الرد على الاغلبية هنا التى قالت رائها بكل احترام