(إيلا) ... أشطر (والي) سُوداني ..!!!

(عدل بواسطة بجاوى on 01-09-2012, 01:46 AM)

Quote: الاحتلال في حلايب يتوسع والبشاريون مهمشون /محمد عثمان الحسن اوكير

Quote: هوى يا بلويت هوى انت داير تتكلم فى شئون البجا اكتر من اهلها ؟؟؟ بعدين انا عشت فى ايرم طوكر وبورتسودان وايرم واشت وسيتراب ومرافيت وعقيق وعدوبنا وعيتربا وعقياتى وعريرب ودولابياى والله اتحداك انت وصاحب البوست ما بتعرفو المناطق دى والله انتو البلويت ( نات كتينا ) خلى زولك ده يفسرا ليك بعدين سلبونا دى كلها ( بلويت ) يا اخوى اما عماد الشامى ومن تبعه كلهم تابعين لايلا البتدافع عنو واعلى ما سرجك اركبو تعال انت البتدافع لى عن ايلا ورينى ماذا تعرف عن ولاية البحر الاحمر بالمناسبة انا ود قرى ساى وحيجى الكثيرين ليثبتو ليك انا منو ومن وين عيال اخر الزمن من امثالك داير يظهر على حسابنا

Quote: يلا تعالوا معاى واحدة واحدة كم عدد المحافظات والمحليات فى ولاية البحر الاحمر ؟؟؟؟ المحافظات والمحليات دى ورونى ايلا عمل ليها شنو ؟؟؟ والله اطراف بورتسودان تشتكى دعك من الاطراف النائية وشنو كل مرة جارين على النيك نيم بتاعى الناس دى بتعرف الاسم ده من سنة 2002 بعد السنين دى كلها جاييين تقولوا لى ورينا واسمك وما عارف شنو دى خلونا من شوارع ايلا ظلط جيبو لى تنمية حقيقية قدمها ايلا للولاية بس ده الدايرو منكم وانتو زعلانيين ومصرين على الصورتين الجبتوهم ديل وعلى مقاليين كدة بتاع راس السنة المواطن البعيد داك بيهمو شنو راس سنة وكورنيش وفى نفس الوكت موية مافى وكهربا مافى وصحى الاختشوا ماتو يا ريت بدل الخزعبلات بتاعتكم دى تدونى دليل واحد انو هناك تنمية فى ولاية البحر وانو الولاية كلها اخدت نصيبها كاملا من التنمية اسئلتى بسيطة جدا جدا مالكم ما قادرين تجيبوا عليها وقال حلايب دى قضية قومية حلايب دى يا ربى فى الواق الواق ؟؟؟؟؟ دور الوالى شنو فى ارجاع مثلث حلايب ولا ما عندو دور ؟؟؟ وجاييكم راجع لبوست التطبيل ده الظاهر عاوزين ليكم منصب فى التشكيلات الجديدة !!!!!

Quote: اما عن المحليات فسؤالنا لك هل تعتقد ان اركويت ومحمد قول واوسيف وطوكر ودرديب هل هي كلها تتبع لمحلية بورسودان .؟؟ (ولماذا إصرارك فقط على طوكر من دون الولاية كلها ..؟!!) الخشية ان تكون دوافعك للنقاش (إثنية) ..!!!!

Quote: تركت المحافظات وذهبت فورا الى المحليات

Quote: كالمعتاد مراوغة منك دائما تأخذ من الحديث ما يعجبك تركت المحافظات وذهبت فورا الى المحليات

Quote: حسبي الله ونعم الوكيل ..!!!! والله يا بجاوي بجد شكلك داير تناقش من اجل النقاش يازول المحليات هي المحافظات دي كمان داير تغالط فيها ولا شنو ..؟!! يازول إنت قاعد وين بجد كدة .؟؟! عشان ما نضيّع وكتنا ساي في بيزنطية لا تسمن ولا تغني من جوع

Quote: الرجاء الذهاب الى هذا البوست موجود فيه الكثير من الحقائق

Quote: الرجاء الذهاب الى هذا البوست موجود فيه الكثير من الحقائق

Quote: ههههههههههههههههه وتااااااااااااني ههههههههههههههه قلت لي انا بلاويت ؟؟؟؟؟؟؟؟ وما مفروض اتكلم في شئون البجا كويس يا الناظر ترك اها وقلت لي المناطق الفوق دي انا ما بعرفها ؟؟؟؟؟ يعني خلاص الشرق بقى طوكر وجنوب طوكر بس اها بلويت دي عكسها بداويت يعني اعرف كده انو الاخ بداويت نرجو الاجابة الناس يوروني ليه ما تقول انت منو حقيقة ما شفنا لينا بجاوي بخاف ويندس خلف (نيك نيم ) سرج شنو الاركبو انا يازول انا مواطن ساي وكاره حكومتك والانقاذ وراي فيها واضح وراي في ما عمله طاهر ايلا برضو واضح يا ود طوكر انت يا طوكراوي ماقلت لي ماذ قدم موسى حسين ضرار ومجذوب ابوعلي مش ديل من طوكر برضو ياسيدي البداويت انت . انا ادافع عن ايلا واختلف معه سياسيا لانه قدم وعمل الكثير الفقر لا يتم القضاء عليه بين يوم وليلة والتنمية لاتتم في ظرف سنة اوسنتين ياخ الراجل عمل شئ ومن لايشكر الناس لايشكر الله تاني حاجة انا بدافع عن حاجة شفتها بي عيوني على ارض الواقع ما حكو لي بيها وكمان مافي اي حاجة تخليني ادافع عن ايلا بالباطل لانني بكل بساطة لامؤتمر وطني ولا موظف عند ايلا ومره اخرى بقول ليك اتق الله في الناس بعدين يا بجاوي قلت لي نحنا ديم عرب مابنشوف الا لما نمشي نشتري خروف الضحية يا خ انت قديم الناس ديل ما قالوا ليك ديم عرب دي من نادي الثغر لحد ما تصل المحجر شكلها اتغير شوارع ظلط وانارة في كل الشواراع يعني تمشي فيها من غير سبروك والدخولية مافي زول بمشيها تتناول خروفك من قدام نادي الثغر وبوارث وبعدين الناس بتمشي ديم عرب عشان الخروف بس يازول انت ماسمعت بي موسى بتاع الفول بي سمنة الغنم ولا شنو ياسيدي انا اشتغلت في سنكات وجبيت اكتر من 5 سنوات واغلب شغلي كان في عبارة عن ماموريات في الخلا وجبت المناطق دي وادي وادي جبل جبل اما بخصوص المناطق الزكرتها انت دي دي اي بتاع حافلة ممكن يمشيها لانها كلها علي الظلط يافردة والحمدلله مشيت طوكر واشد ووعدوبنا وعيتربا وقرورة (السودانية) ووقفت في الوادي ودخلت حتى قرورة الحبشية وشفت الناس عايشة كيف هناك واول زيارة لي للمناطق دي عندما كنت بالمرحلة المتوسطة ولازال جزء من اهلي يعيشون بمنطقة طوكر اها بعد كده تعال بي اسمك لو راجل وانا اسمي موجود وعنواني واضح كان هنا ولا كان في البورت ولو خايف من اسمك يظهر عشان نضالك انا بعتبره ده جــبن منك ساي يعني ناس تراجي ديل كملوا الرجالة الواحدة كاتبة اسمها وتشتم في الحكومة ليل نهار ياخي ابقى زيهم وعندك امنة مختار عاملة حزب عديل كده اها رايك شنو ديل بنات بجا والشجاعة ما شاحدنها انت مدسي خلف النيك نيم مالك ؟ قبل الختام عاوز اقول ليك حاجة واحدة عملها ايلا فشل كل قادة الشرق في عملها وفشلت كل الحكومات من قبله ومنذ الاستقلال وعاوز رايك فيها صراحة ارجاع نظارة قبيلةالحباب التي ظلوا يناضلون من اجلها من ايام الاستعمار بناء على رد سوف يتحدداتجاه النقاش

Quote: ههههههههههههههههه وتااااااااااااني ههههههههههههههه قلت لي انا بلاويت ؟؟؟؟؟؟؟؟ وما مفروض اتكلم في شئون البجا كويس يا الناظر ترك اها وقلت لي المناطق الفوق دي انا ما بعرفها ؟؟؟؟؟ يعني خلاص الشرق بقى طوكر وجنوب طوكر بس اها بلويت دي عكسها بداويت يعني اعرف كده انو الاخ بداويت نرجو الاجابة الناس يوروني ليه ما تقول انت منو حقيقة ما شفنا لينا بجاوي بخاف ويندس خلف (نيك نيم ) سرج شنو الاركبو انا يازول انا مواطن ساي وكاره حكومتك والانقاذ وراي فيها واضح وراي في ما عمله طاهر ايلا برضو واضح يا ود طوكر انت يا طوكراوي ماقلت لي ماذ قدم موسى حسين ضرار ومجذوب ابوعلي مش ديل من طوكر برضو ياسيدي البداويت انت . انا ادافع عن ايلا واختلف معه سياسيا لانه قدم وعمل الكثير الفقر لا يتم القضاء عليه بين يوم وليلة والتنمية لاتتم في ظرف سنة اوسنتين ياخ الراجل عمل شئ ومن لايشكر الناس لايشكر الله تاني حاجة انا بدافع عن حاجة شفتها بي عيوني على ارض الواقع ما حكو لي بيها وكمان مافي اي حاجة تخليني ادافع عن ايلا بالباطل لانني بكل بساطة لامؤتمر وطني ولا موظف عند ايلا ومره اخرى بقول ليك اتق الله في الناس بعدين يا بجاوي قلت لي نحنا ديم عرب مابنشوف الا لما نمشي نشتري خروف الضحية يا خ انت قديم الناس ديل ما قالوا ليك ديم عرب دي من نادي الثغر لحد ما تصل المحجر شكلها اتغير شوارع ظلط وانارة في كل الشواراع يعني تمشي فيها من غير سبروك والدخولية مافي زول بمشيها تتناول خروفك من قدام نادي الثغر وبوارث وبعدين الناس بتمشي ديم عرب عشان الخروف بس يازول انت ماسمعت بي موسى بتاع الفول بي سمنة الغنم ولا شنو ياسيدي انا اشتغلت في سنكات وجبيت اكتر من 5 سنوات واغلب شغلي كان في عبارة عن ماموريات في الخلا وجبت المناطق دي وادي وادي جبل جبل اما بخصوص المناطق الزكرتها انت دي دي اي بتاع حافلة ممكن يمشيها لانها كلها علي الظلط يافردة والحمدلله مشيت طوكر واشد ووعدوبنا وعيتربا وقرورة (السودانية) ووقفت في الوادي ودخلت حتى قرورة الحبشية وشفت الناس عايشة كيف هناك واول زيارة لي للمناطق دي عندما كنت بالمرحلة المتوسطة ولازال جزء من اهلي يعيشون بمنطقة طوكر اها بعد كده تعال بي اسمك لو راجل وانا اسمي موجود وعنواني واضح كان هنا ولا كان في البورت ولو خايف من اسمك يظهر عشان نضالك انا بعتبره ده جــبن منك ساي يعني ناس تراجي ديل كملوا الرجالة الواحدة كاتبة اسمها وتشتم في الحكومة ليل نهار ياخي ابقى زيهم وعندك امنة مختار عاملة حزب عديل كده اها رايك شنو ديل بنات بجا والشجاعة ما شاحدنها انت مدسي خلف النيك نيم مالك ؟ قبل الختام عاوز اقول ليك حاجة واحدة عملها ايلا فشل كل قادة الشرق في عملها وفشلت كل الحكومات من قبله ومنذ الاستقلال وعاوز رايك فيها صراحة ارجاع نظارة قبيلةالحباب التي ظلوا يناضلون من اجلها من ايام الاستعمار بناء على رد سوف يتحدداتجاه النقاش

Quote: بس اوعك ذى صحبك تقول لى المحليات هى المحافظات

Quote: طيب يا حبيب تعال ورينا الفرق يا استاذ الحكم المحلي

Quote: تنقسم ولاية البحر الاحمر الى اربعة محافظات هى : البحر الاحمر ( ستة محليات ) سنكات ( خمسة محليات ) طوكر ( اربعة محليات ) حلايب ( محليتين ) اها كيف كدة

Quote: اولا انا بداويت دى القاصى والدانى يعرفها ارجاع نظارة الحباب ده حق من حقوقهم المشروعة بعدين انا لا انزل الى هذا المستوى من الحوار لو راجل ولو مرة ايلا عبارة عن مستثمر ورجل اعمال هو وابنه طاهر دى انا هنا قاعد اقولا لقريبو ولو مفتكر انو الكورنيشات والظلط ده انجاز بقول ليك سبحان الله صحى الاختشوا ماتو بس اوعك ذى صحبك تقول لى المحليات هى المحافظات

Quote: طيب كده عرفنا انك بداويت وانا بلاويت جميل بس البعرفوا انا انو لفظ البداويت ينطق على كل من تحدث لغة البداويت من فروع البجا صح ولا انا غلطان وزي ما قلت انو انا بلاويت دي انا عارفها هل كل البجا بداويت ؟؟؟؟؟ بالنسبة لموضوع نظارة الحباب الحباب ظلوا وراء هذا الحق من قبل حكومة الانقاذ يعني اي والي قبل ايلا كان دوره سلبي في الموضوع ده وايلا لعب دور كبير في الموضوع ده ده مش نجاح ذي ده المفروض الناس تشكر عليه ايلا اها دي واحدة من نجاحات ايلا السياسية وفوق زكرت ليك الشيخ موسى حسين ضرار كان يعتبر الرجل رقم 5 او4 في الحكومة فشل في الموضوع ده اها نرجع لي موضوع التنمية والظلط لو ايلا ده حرامي زي مابتقول انت مش كان احسن قروش الظلط دي يستثمرها في حاجة غير ظاهرة للعيان وياخ منو القال ليك الظلط بس كدي اسال ناسك من التعليم مقابل الغذا اسال ناسك من عددالقرى النموزجية التي تم بناءها حتى يتم فيها استقرار للرحل عشان التعليم وسهولة تقديم الخدمات راجع البوست الفوق ده وشوف صور المستشفيات التي تم بناءها واعمل مقارنة بين عدد السكان في ولاية البحر الاحمر وتوزيعهم حسب الكثافة السكانية على المحافظات والمدن انا سؤالي ليك قائم حتى الان هؤلاء كانو ولاة سابقين ممكن تحدد لي عملوا شنو في الولاية وتعمل مقارنة سريعة بينهم 1/ بدوي الخير 2/مجذوب اوعلي 3/ المتعافي4/الوسيلة ......... يابجاوي والله العظيم نحنا ما بندافع عن ايلا طمعا فيه منصب او وظيفة وممكن تسال ولله الحمد ليس لنا حوجة في مال الانقاذوالمؤتمر الوطني ولكن نرى ان ايلا قدم في ولاية البحرالاحمر ما لم تقدمه الحكومة الاتحادية لكل السودان واكيد لكل نجاح اعدا ولو عاوز تناقش بحترام حبابك ولو عاز تناقش بي اسلوب الشتائم والجدل الفاضي ده الزم حدودك نحنا حبنا لي للشرق لا يمليه علينا احد ويوم تقصير حكومة ايلا في سيول وفيضانات طوكر انتقداهم علنا وفي هذا المنبر وممكن ترجع للارشيف

Quote: سبحان الله اول مرة اعرف انو المحليات هى المحافظات والله دى جديدة دى

Quote: سالتك هل انت خالد عطا المنان صديق طفولتى وقلت لى انه تشابه للاسماء فقط

Quote: المحامي أحمد موسي دبايوا ما عارف قصدك بالضبط من البوست لكن للحقيقة أيلا قدم إنجازات لا ينكرها إلا مكابر كنت في العام الماضي في بورتسودان وتجولت فيها بجانب الشاطي ولأول مرة أحسست كأني علي ساحل عنابة بالطبع فإن إنجازاته لا تخلو نقائص ولكن في حدود إمكانيات الولاية وبالمقارنة مع الولايات الأخري ولا يمكن في نفس الوقت تحميل الولاية المسئولية بالكامل عن مشاريع ذات طابع قومي شخصيا أعرف أيلة وقد أنجز أيضا مشاريع من قبل في كسلا وأروما, فهو رجل بخلاف السياسيين عمي جدا وكان شعاره "أنا ما بتكلم ولكن أخلي الإنجازات تتكلم عني"! طبعا هذه الإنجازات خلقت له عداوات من أعداء النجاح سواء من بلديات بورتسودان أو ساكنيها من الجلابة أهلنا الأمرأر زعلانين منه جدا لأن ما منهم ويزكرهم غباينهم القديمة مع عثمان دقنة! وأهلنا البني عامر بالذات ناس طوكر ماخدين موقف منه بسبب خذلانه ليهم أيام الفيضانات! وناس مؤتمر البجا يتحسسوا منه لأنه كوز ومؤتمر وطني وبعض من ناس المؤتمر الوطني مكجنينه لأنهم يرونه جهوي وهم دايرينه يكون سياسي ينفذ توجيهات المركز وألا يقوم بإصلاحات حقيقية! ولكن أعتقد أنه زكي ويعرف من أين تؤكل الكتف!

Quote: والله رغم مايفوح من رائحة كتابتك بعض العنصرية

(عدل بواسطة Adrob abubakr on 01-10-2012, 05:18 AM)

Quote: الكل يعرف بجاوى هنا انه لا ينزل الى سقط القول

Quote: يا ريتك تورينا العنصرية وين عشان نحاربها في نفسنا كمان ما عارفك إنت من ياتو فيهم ولكني لم أقصد التعميم إطلاقا لأنه مهما كان ما كل الأمرأر ولا الهدندوة ولا البني عامر ولا جلابة بورتسودان حاملين غبائن علي أيلة تحديدا أصحاب الغرض والمصالح والباحثين عن أدوار من هؤلاء هم المعنيين ليس إلا صدقني ده ما دفاع عن أيلة ولست من أنصاره ولكنه وصف لواقع موجود ليس من الموضوعية نكرانه أرجو ألا تتحسس من كلامي...أنا ما عندي غرض في هذا المنبر سوي محاربة العنصرية أيا كانت

Quote: حتى اننا البلويت كنا نفخر في الجامعة او الاغتراب عندما يعرفون انك من بورتسودان